19	GEN 1:19	Quĩmãrẽbema ewarid̶e mãwã osia.
64	GEN 3:8	Quewara cũrãdrʌbʌrʌd̶e Ãcõrẽra néu ẽjũãne nĩbasia. Adaʌ̃ba dji wẽrã bid̶a maʌ̃ ũrĩsid̶ad̶e néud̶e mĩrũsid̶aa.
195	GEN 8:11	Queubʌrʌd̶e puchirãra waya jẽda zesia. Maʌ̃ne dji quid̶ad̶e olivo bacuru queduada enesia. Maʌ̃neba Noéba cawasia ẽjũã ũ nũmanara wãrãda errubʌrʌda.
239	GEN 10:4	Jape warra Javaʌ̃neba yõped̶ad̶ara naʌ̃gʌrã basía: Elisá, Tarsi, Quitiʌ̃, Rodaniʌ̃ sid̶a.
338	GEN 14:1	Maʌ̃ ewarid̶e Quedorlaóme abadada Elaʌ̃ druad̶ebema boro basía. Idjiare naʌ̃ bororãda panasid̶aa: Amrapel, Sinar ẽjũãnebemada; Ario, Elasar purud̶ebemada; idjab̶a Tidale, Goiʌ̃ druad̶ebemada.
339	GEN 14:2	Maʌ̃ Quedorlaómeare b̶eara Berá abada ume djõ panasid̶aa. Maʌ̃ Berára Sodoma purud̶ebema boro basía. Idjiare naʌ̃ bororãda panasid̶aa: Birsa, Gomorra purud̶ebemada; Sinabo, Admá purud̶ebemada; Semebé, Zeboiʌ̃ purud̶ebemada; idjab̶a Bela purud̶ebema boro sid̶a. Bela purura Zoar abadaa.
340	GEN 14:3	Maʌ̃gʌrãra Sidim jewed̶ad̶e jũma ãbaa dji jʌresid̶aa Pusa Beud̶a abada icawa Quedorlaómeare b̶ea ume djõni carea.
341	GEN 14:4	Maʌ̃ Quedorlaómeba Sodomanebema boroare panʌra idji jʌwaed̶a doce poa erob̶asia. Baribʌrʌ trecebema poad̶e maʌ̃gʌrãba Quedorlaómera waa ĩjãnaẽ́ basía.
342	GEN 14:5	Maʌ̃ carea poa catorcebemane Quedorlaómera idjiare panʌ bororã sid̶a wãsid̶aa ãdjirã ume djõni carea. Wãbʌdad̶e naãrã Astarot-carnaim purud̶e jũẽsid̶aa. Mama repairãda poyasid̶aa. Mamaʌba Ham purud̶aa wãnaped̶a zuzirãda poyasid̶aa. Mamaʌba Quiriataim jewed̶ad̶e jũẽne wãnaped̶a emirãda poyasid̶aa.
345	GEN 14:8	Quedorlaómeare panʌba maʌ̃ puru b̶eara jũma poyad̶aped̶a Sidim jewed̶ad̶aa wãsid̶aa. Mama Sodomanebema boroare panʌra ãbaa dji jʌre panasid̶aa ãdjirã ume djõni carea. Sodomanebema boroare panʌra naʌ̃gʌrã basía: Gomorrad̶ebema boroda, Admánebema boroda, Zeboiʌ̃nebema boroda, idjab̶a Belad̶ebema boro sid̶a. Bela purura Zoar abadaa. Maʌ̃ bororãra juesuma panasid̶aa. Maʌ̃ne Elaʌ̃nebema boro Quedorlaómeare panʌra naʌ̃gʌrã basía: Goiʌ̃nebema boro Tidaleda, Sinard̶ebema boro Amrapelda, Elasard̶ebema boro Ario sid̶a. Ãdjira quĩmãrẽ panasid̶aa.
347	GEN 14:10	Djõbʌdad̶e Quedorlaómeare panʌba poyasid̶aa. Maʌ̃ carea Sodomanebema boroare b̶eara mĩrũ wãbʌrʌsid̶aa. Maʌ̃ Sidim jewed̶ara egorod̶ebema cãdorrona susuaid̶a b̶asia. Maʌ̃ bẽrã mĩrũ wãbʌdad̶e ʌ̃cʌrʌ maʌ̃ susuad̶e ed̶a b̶aesid̶aa. Waabemarãra eyad̶aa mĩrũ wãsid̶aa.
348	GEN 14:11	Maʌ̃ne Quedorlaómeare panʌba Sodomanebema nebiada, cobada sid̶a jũma jãrĩsid̶aa. Ab̶arica osid̶aa Gomorrad̶e. Maʌ̃ne Abraʌ̃ tẽãbea Lora Sodomane b̶ad̶a bẽrã Quedorlaómeare panʌba jida edesid̶aa. Ne jũma jãrĩnaped̶a wãsid̶aa.
351	GEN 14:14	Maʌ̃ne Abraʌ̃ba ũrĩsia Quedorlaómeare panʌba idji tẽãbeara jida eropanʌda. Maʌ̃ carea Abraʌ̃ba idji ded̶e tocuad̶a mẽsrã b̶eada 318 jʌresia. Maʌ̃be Quedorlaómeare panʌ caid̶u ẽpẽ wãsid̶aa Daʌ̃ purud̶aa.
352	GEN 14:15	Mama diamasi Abraʌ̃ba dji mẽsrã b̶eara zocãrã awara awara wãbiped̶a djõsid̶aa. Maʌ̃ne Quedorlaómeare panʌra poyad̶aped̶a dji mĩrũ wãbʌda caid̶u wãsid̶aa Hobá purud̶aa, Damasco wagaa.
353	GEN 14:16	Maʌ̃be Quedorlaómeare panʌba nebia jãrĩped̶ad̶ara Abraʌ̃ba jũma jãrĩsia. Lod̶e sid̶a jãrĩsia. Maʌ̃ne idji tẽãbea Lora, wẽrãrãda, dewara ẽberãrã sid̶a ẽdrʌ edasia.
354	GEN 14:17	Abraʌ̃ba Quedorlaómera dji bororã idjiare djõ panʌ sid̶a poyaped̶a idji druad̶aa jẽda zesia. Savé jewed̶a “Ẽberãrã Boro Jewed̶a” abadad̶e wãbʌrʌd̶e Sodomanebema boroda Abraʌ̃ audiab̶arid̶e zesia.
373	GEN 15:12	Queubʌrʌd̶e Abraʌ̃ra bio cãĩ nũmesia. Cãĩ b̶ʌd̶e unusia bio pãĩsosoa minijĩchia nũmʌda. Maʌ̃ bẽrã bio ne wayasia.
378	GEN 15:17	Queud̶acarea pãĩma nũmesia. Mãwã b̶ʌd̶e cawaẽ́ne cuguru waib̶ʌa cowa nũmʌda idjab̶a cãdorrona ĩbĩrã urua nũmʌ sid̶a odjad̶aped̶a dji animarã drapetad̶a ẽsi wãsid̶aa.
380	GEN 15:19	Quenitarã, quenizirã, cadmoneorã,
457	GEN 18:32	Abrahaʌ̃ba wayacusa jarasia: –Mʌ̃ Boro, mʌ̃a bed̶eada ab̶abe jaraya. Quĩrũrãdua. Mʌ̃a maʌ̃ bed̶eara jarasira waa jaraẽ́a. Ãĩbẽrã arima diebe panʌsicada.– Maʌ̃ne Ãcõrẽba jarasia: –Jipa b̶eada die panʌbʌrʌ, ãrĩẽ́a.–
459	GEN 19:1	Queubod̶od̶e bajãnebema nezoca umébemara Sodoma purud̶e jũẽsid̶aa. Maʌ̃ne Abrahaʌ̃ tẽãbea Lora dji puru ed̶a wãbadama chũmasia. Mãwã b̶ʌd̶e Loba maʌ̃ bajãnebema nezocarãra unusia. Ara maʌ̃da ãdji audiab̶arid̶e wãsia. Wayaad̶eba chĩrãborod̶e cob̶eped̶a idji dratura egorod̶aa b̶arru tẽũ cob̶esia.
569	GEN 22:21	Dji nabema warrara Uz abadjid̶aa. Maʌ̃are dji djaba Buzuda b̶asia. Buzuare Quemuelda b̶asia. Quemuelera Araʌ̃ zeza basía.
570	GEN 22:22	Idjab̶a Milcaba tosia Queseda, Hazoda, Pildáda, Jidlada, Betuel sid̶a.
603	GEN 24:11	Wãbʌrʌd̶e Naco puru caita baido juebada uria corod̶ama jũẽne wãsia. Quewara jũẽna bẽrã dji nezocaba cameyora ʌ̃nãũnamãrẽã egode chũmebigasia. Maʌ̃ne wẽrãrãra baido jued̶e zesesid̶aa ãdjia ewariza obada quĩrãca.
660	GEN 25:1	Abrahaʌ̃ra waya quima edasia. Dji wẽrã trʌ̃ra Queturá basía.
661	GEN 25:2	Maʌ̃ Queturába tosia Zimraʌ̃, Jocsaʌ̃, Medaʌ̃, Madiaʌ̃, Isbac, Súa sid̶a.
663	GEN 25:4	Madiaʌ̃ warrarãra naʌ̃gʌrã basía: Epá, Eper, Hanoc, Abidá, Eldá sid̶a. Jũma maʌ̃gʌrãda Queturád̶eba yõsid̶aa.
664	GEN 25:5	Abrahaʌ̃ wad̶i zocai b̶ʌd̶e Queturába tod̶a warrarãa, Agaraba tod̶a warraa bid̶a Abrahaʌ̃ba nebiada diacuasia. Maʌ̃be ãdjirãra Isa b̶ʌmaʌba ʌ̃mãdau odjabariare tʌmʌ wãbigasia. Maʌ̃bebʌrʌ Abrahaʌ̃ba idjia erob̶ʌra jũma Isaa diasia.
1052	GEN 36:11	Elipaba naʌ̃ warrarãda unusia: Temaʌ̃, Omar, Zepo, Gataʌ̃, Quenaz sid̶a.
1056	GEN 36:15	Esaúd̶eba yõna purud̶ebema bororã trʌ̃da nama b̶ʌ́ b̶ʌa. Dji warra iwina Elipad̶eba yõna bororãda naʌ̃gʌrã basía: Temaʌ̃, Omar, Zepo, Quenaz, Core, Gataʌ̃, Amale sid̶a. Ãdjirãra Edoʌ̃ druad̶e duanabadjid̶aa. Jũma ãdjirãda Esaú quima Adád̶eba yõsid̶aa.
1067	GEN 36:26	Disoʌ̃ warrarãra naʌ̃gʌrã basía: Hemdaʌ̃, Esbaʌ̃, Itraʌ̃, Queraʌ̃ sid̶a.
1081	GEN 36:40	Esaúd̶eba yõped̶ad̶a bororãra naʌ̃gʌrã basía: Timna, Alva, Jetet, Aholibamá, Ela, Pinoʌ̃, Quenaz, Temaʌ̃, Mibzar, Magdiel, Iraʌ̃ sid̶a. Jũma maʌ̃gʌrãra Edoʌ̃ purud̶ebema bororã basía. Maʌ̃ bororãneba yõped̶ad̶arãba dji bororã trʌ̃ra ẽpẽsid̶aa. Idjab̶a ãdji b̶eaza dji bororã trʌ̃da b̶ʌcuasid̶aa.
1125	GEN 38:5	Wayacusa b̶iogoa b̶eped̶a umaquĩrã warrada tosia. Idjira trʌ̃ b̶ʌsia Sela. Sela tosid̶ad̶e Judara Quezib purud̶e b̶asia.
1480	GEN 49:6	Quĩrũbid̶eba bãrãba ẽberãrãra quenasid̶aa. Bãdji quĩrĩãã paca jĩrũ quẽgura necoba tʌcuasid̶aa. Bãrã ãbaa dji jʌrebʌdad̶e mʌ̃ra ed̶a b̶aẽ́a. Bãrãba crĩcha panʌ quĩrãca mʌ̃a oẽ́a.
1542	EXO 1:9	–¡Quĩrãcuitad̶adua! Jãʌ̃ israelerãra dadjirã cãyãbara cãbanaara panʌ bẽrã ʌb̶ʌara panʌa.
1951	EXO 16:3	Quĩrũbid̶eba ãdjirãba Moisea, Aaroʌ̃a bid̶a nãwã jarasid̶aa: –Biara b̶acasia Ãcõrẽba dairãra idu Egipto druad̶e beubid̶abara. Jãma dairãra necai ne co duanabadjid̶aa. Nedjarada, paʌ̃ sid̶a ad̶uba eropanasid̶aa. Baribʌrʌ bãrãba dairãra naʌ̃ ẽjũã põãsa ewaraga b̶ʌmaa jarrababa quenani carea enesid̶aa.–
1961	EXO 16:13	Quewara israelerã duanʌma põrãba birasia. Maʌ̃ awara diaped̶ed̶a cũrãsaba ẽjũãra b̶eguea nũmesia.
2060	EXO 20:8	Quĩrãnebad̶adua ʌ̃nãũbada ewarira mʌ̃ itea wagad̶i carea.
2081	EXO 21:3	Maʌ̃ nezoca nẽdosid̶e deu b̶asibʌrʌ, ẽdrʌbʌrʌd̶e idub̶a ẽdrʌida b̶ʌa. Quima bara b̶asibʌrʌ, ẽdrʌbʌrʌd̶e dji quima bara ẽdrʌida b̶ʌa.
2102	EXO 21:24	Dauda ãrĩsira ab̶arica dau ãrĩnida panʌa. Quid̶ada b̶ʌasira ab̶arica quid̶a b̶ʌatad̶ida panʌa. Jʌwada biẽ́ b̶esira ab̶arica jʌwa biẽ́ b̶ʌd̶ida panʌa. Jĩrũda biẽ́ b̶esira ab̶arica jĩrũ biẽ́ b̶ʌd̶ida panʌa.
2135	EXO 22:20	Ãĩbema bãrã tãẽna b̶eada biẽ́ orãnadua. Quĩrãnebad̶adua bãrã sid̶a Egiptod̶e ãĩbemarã basida.
2140	EXO 22:25	Bariduaba parata iwid̶id̶a wãrãda jẽda diaida cawabi carea idjia jĩsua carea jʌ̃barida b̶eibʌrʌ, dji parata diad̶aba maʌ̃ra erob̶eiẽ́ b̶ʌa. Queui naẽna dji parata diad̶aba maʌ̃ra diad̶e wãida b̶ʌa djibariba boro cãĩ carea waa neẽ́ b̶ʌ bẽrã. Diad̶e wãẽ́bʌrʌ, djibariba jĩsua carea mʌ̃́a quĩrã djuburiada iwid̶ibʌrʌ, mʌ̃a carebaya mʌ̃ra quĩrã djuburiaid̶a b̶ʌ bẽrã.
2214	EXO 25:18	Idjab̶a oroda edad̶aped̶a mʌ̃ nezoca bajãnebema i bara b̶ʌ za quĩrãca umé toa chĩ od̶adua. Maʌ̃ra bio cara b̶ʌd̶adua dji baurude ʌ̃rʌ̃ cob̶ʌd̶i carea oped̶ad̶a ʌ̃rʌ̃. Quĩrãza iquid̶a ab̶a b̶ʌd̶ad̶ua. Mãwã jũma maʌ̃gʌra ab̶a b̶ʌ od̶a quĩrãca b̶eya.
2314	EXO 28:20	Quĩmãrẽbema errecad̶e b̶ʌd̶adua: topacio, ónice, jaspe. Jũma maʌ̃ mõgarara oro od̶ad̶aa carad̶adua.
2377	EXO 29:40	Diaped̶ed̶a oveja babue diabʌdad̶e dji biara b̶ʌ harinada eped̶eco jũgurua umé edad̶aped̶a olivo dragad̶aa boteya ab̶a bʌratʌd̶aped̶a maʌ̃ sid̶a mʌ̃́a babue diad̶ida panʌa. Maʌ̃ awara animarã babue diabada ʌ̃rʌ̃ uva b̶ada boteya ab̶a wead̶ida panʌa. Queubʌrʌd̶e oveja babue diabʌdad̶e ara maʌ̃ quĩrãca od̶ida panʌa. Maʌ̃ra mʌ̃a bia unuya.
2384	EXO 30:1	Idjab̶a Ãcõrẽba jarasia: –Quera bá diabadada acacia bacurud̶eda od̶adua.
2389	EXO 30:6	Quera bá diabadara mʌ̃ wua ded̶e ed̶a b̶ʌd̶adua dji ed̶aarebema wua eatʌ jira b̶ʌ quĩrãpe. Maʌ̃ wua jẽdaare mʌ̃ baurudeda dji ʌ̃rʌ̃ cob̶ʌi bara b̶aya. Mama mʌ̃ra bʌ ume bed̶ea b̶aya.
2391	EXO 30:8	Quewaraza bid̶a ĩbĩrã coad̶e zebʌrʌd̶e querada bá diaida b̶ʌa. Ara maʌ̃ quĩrãca ewariza bãrãba bãrã warrarãneba yõbʌdarã bid̶a querada mʌ̃ quĩrãpita bá dia pananida panʌa.
2392	EXO 30:9	Quera bá diabadad̶e baridua quera mʌ̃a jarad̶aẽ́ra bá diarãnadua. Idjab̶a animarãda, harina od̶a sid̶a maʌ̃ ʌ̃rʌ̃ mʌ̃́a babue diarãnadua. Uva b̶a sid̶a maʌ̃ ʌ̃rʌ̃ mʌ̃́a wea diarãnadua.
2393	EXO 30:10	Quera bá diabadara mʌ̃ itea bio bia b̶aida b̶ʌa. Maʌ̃ bẽrã poaza b̶arima ab̶a Aaroʌ̃ba maʌ̃ quera bá diabada cachu quĩrãca b̶ead̶e oaba soaida b̶ʌa mʌ̃ itea bia b̶amãrẽã. Maʌ̃ oara idjia edaida b̶ʌa bãrã israelerãba cadjirua oped̶ad̶a carea animarã beabʌrʌd̶e. Idji warrarãneba yõbʌdarã bid̶a ara maʌ̃ quĩrãca poaza o pananida panʌa.–
2452	EXO 32:13	Quĩrãnebadua bʌ nezocarã Abrahaʌ̃ ume, Isa ume, idjab̶a Jacobo ume bid̶a bed̶ea b̶ʌd̶ada. Bʌa ara bʌdji trʌ̃neba ãdjirãa wãrãneba nãwã jarasia: “Mʌ̃a bãrãneba ẽberãrã zocãrã yõbiya chĩdau zocãrã bajãne panʌ quĩrãca. Idjab̶a jũma mʌ̃a diai jarad̶a druara mʌ̃a bãrãneba yõbʌdarãa diaya ãdjirãne bamãrẽã.”–
2487	EXO 33:13	Wãrãda mãwã baibʌrʌ, bʌa oi crĩcha b̶ʌda mʌ̃́a cawabidua. Mãwã mʌ̃a bʌra biara cawaya idjab̶a bʌa mʌ̃ra bia unu b̶eya. Quĩrãnebadua naʌ̃ ẽberãrãra bʌreda.–
2509	EXO 34:12	Quĩrãcuitad̶adua. Bãrã wãbʌda druad̶ebemarã ume bed̶ea b̶ʌrãnadua. Mãwã od̶ibʌrʌ cawaẽ́ne bãrã bid̶a ãdji jʌwaba od̶a ãcõrẽa bia bed̶ead̶ia.
2512	EXO 34:15	Quĩrãcuitad̶adua. Bãrã wãbʌda druad̶ebemarã ume bed̶ea b̶ʌrãnadua. Mãwã od̶ibʌrʌ ãdjirãba ãdji jʌwaba od̶a ãcõrẽa bia bed̶ead̶e wãbʌdad̶e idjab̶a animarã bea diad̶e wãbʌdad̶e bãrãa jarad̶ia ab̶arica od̶amãrẽã. Maʌ̃ne bãrã bid̶a ãdji ãcõrẽa animarã bea diaped̶ad̶a djarada cod̶ia.
2560	EXO 35:28	Idjab̶a olivo dragada ĩbĩrã coad̶i carea diad̶e zesid̶aa. Quera sid̶a diad̶e zesid̶aa olivo dragad̶aa puerad̶aped̶a ne jũma Ãcõrẽ iteabemada soad̶i carea. Quera bad̶i careabema sid̶a diad̶e zesid̶aa.
2612	EXO 37:7	Idjab̶a oroda edaped̶a Ãcõrẽ nezoca bajãnebema i bara b̶ʌ za quĩrãca umé toa chĩ osia. Maʌ̃ra dji baurude ʌ̃rʌ̃ cob̶ʌi carea od̶a ʌ̃rʌ̃ bio cara b̶ʌsia. Quĩrãza iquid̶a ab̶a b̶ʌsia. Mãwã jũma maʌ̃gʌra ab̶a b̶ʌ od̶a quĩrãca b̶esia.
2634	EXO 37:29	Idjab̶a Bezaleelba olivo draga quera bara b̶ʌda osia ne jũma Ãcõrẽ iteabemada soad̶i carea. Quera bad̶i careabema sid̶a osia. Maʌ̃gʌra jũma osia quera o cawa b̶ʌba obari quĩrãca.
2678	EXO 39:13	Quĩmãrẽbema errecad̶e b̶ʌsid̶aa: topacio, ónice, jaspe. Jũma maʌ̃ mõgarara oro od̶ad̶aa cara b̶ʌsid̶aa.
2703	EXO 39:38	Quera bá diabada oro od̶ada, quera bad̶i careabemada, olivo draga quera bara b̶ʌda jũma Ãcõrẽ iteabema soad̶i carea, Ãcõrẽ wua ded̶e ed̶a wãbadama eatʌ jũãtrʌ b̶ai wua sid̶a edesid̶aa.
2713	EXO 40:5	Quera babada oro od̶ada mʌ̃ wua ded̶e ed̶a b̶ʌd̶adua mʌ̃ baurude quĩrãpe. Mãwã b̶ʌd̶aped̶a dji ed̶a wãbadara wuaba eatʌ jũãtrʌ b̶ʌd̶adua.
4315	NUM 20:3	Quĩrũbid̶eba Moisea nãwã jarasid̶aa: –¡Ãcõrẽba dai djabarã quinibisid̶e dairã sid̶a quiniped̶ad̶abara biara b̶acasia!
4370	NUM 21:29	¡Ay, moabitarã! ¡Bãrãra mĩã djuburi b̶eaa! Bãrã ãcõrẽ Quemo ẽpẽbadara beusid̶aa. Amorreorã boro Sehoʌ̃ba bãrã warrarãra memenebisia. Bãrã caurãra jida edesia.
4415	NUM 22:39	Maʌ̃be Balaaʌ̃ra Balá ume Quiriat-huzot purud̶aa wãsid̶aa.
4457	NUM 24:10	Balaaʌ̃ mãwã bed̶eabʌrʌ carea Balára idji ume bio quĩrũsia. Quĩrũbid̶eba jʌwa taweped̶a jarasia: –¡Mʌ̃a bʌra zebisia mʌ̃ dji quĩrũra biẽ́ jara b̶ʌmãrẽã! ¡Mãwãmĩna b̶arima ũbea ãdjirãra bia jara b̶ʌsia!
4468	NUM 24:21	Mãwã bed̶ead̶acarea Balaaʌ̃ba quenitarãda ẽsã unuped̶a nãwã bed̶easia: Quenitarã, bãrã dera bio o eropanʌa nejõbʌba idji de mõgara eya ʌ̃tʌ b̶ʌd̶e o erob̶ʌ quĩrãca.
4757	NUM 32:37	Rubeʌ̃neba yõped̶ad̶arãba naʌ̃ puru b̶eada wayacusa osid̶aa: Hesboʌ̃, Eleale, Quiriataim,
5873	JOS 2:2	Baribʌrʌ ʌ̃cʌrʌba ãdjira ununaped̶a Jericod̶ebema boroa nãwã jarad̶e wãsid̶aa: –Queubʌrʌd̶e israelerãda umé jũẽsid̶aa. Dadjirã drua acʌd̶e ze panʌa sãwã poyad̶i cawaya.–
5876	JOS 2:5	Queubʌrʌd̶e purud̶e ed̶a wãbada jũãtrʌd̶i naẽna ãdjira wãsid̶aa. Mʌ̃a adua b̶ʌa sãmaa wãsid̶ada. Baribʌrʌ bãrãda ãdji caid̶u isabe wãnibʌrʌ jidad̶e wãnisicada.–
6033	JOS 8:29	Maʌ̃be Josueba Haid̶ebema borora beaped̶a bacuru cũmiane ʌ̃tʌ su jira b̶ʌbisia ab̶a queubʌrʌd̶aa. Queud̶acarea ed̶aa edad̶aped̶a Hai purud̶e ed̶a wãbadama tab̶ʌsid̶aa. Maʌ̃be idji ʌ̃rʌ̃ mõgarada boromea buesid̶aa. Maʌ̃ mõgarara wad̶ibid̶a boromea nũmʌa.
6045	JOS 9:6	Gilgal ẽjũãne Josue b̶ʌma jũẽnaped̶a Josuéa waabema israelerãa bid̶a nãwã jarasid̶aa: –Daira drua tʌmʌba zebʌdaa. Quĩrĩã panʌa bãrãra dai ume bed̶ea b̶ʌd̶ida necai duanani carea.–
6056	JOS 9:17	Ara maʌ̃da israelerãra ãdjirã caid̶u wãsid̶aa. Ewari ũbea babʌrʌd̶e ãdji puru b̶ead̶aa jũẽne wãsid̶aa. (Ãdji purura naʌ̃gʌrã basía: Gabaoʌ̃ araa, Capira, Beerot idjab̶a Quiriat-jeariʌ̃.)
6093	JOS 10:27	Queubod̶od̶e Josueba ãdjira ed̶aa edabiped̶a ãdji mĩrũ panana uriad̶e b̶atacuabisia. Maʌ̃be mõgara waib̶ʌa b̶eaba dji uriara jũãtrʌ nũmʌsid̶aa. Maʌ̃ mõgarara wad̶ibid̶a mama b̶eaa.
6381	JOS 20:7	Mãwã jarad̶a bẽrã israelerãba mĩrũbada puruda b̶ʌcuasid̶aa. Neptali ẽjũã eyaid̶a b̶ʌd̶e Quedé puruda b̶ʌsid̶aa. Maʌ̃ purura Galilea druad̶e b̶ʌa. Epraiʌ̃ ẽjũã eyaid̶a b̶ʌd̶e Siqueʌ̃ puruda b̶ʌsid̶aa. Juda ẽjũã eyaid̶a b̶ʌd̶e Quiriat-arbá puruda b̶ʌsid̶aa. Maʌ̃ purura idjab̶a Hebroʌ̃ abadaa.
6448	JOS 22:20	Quĩrãnebad̶adua Jericod̶e Ãcõrẽba ne jũma babued̶aduad̶a ad̶amĩna Zerá warra Acaʌ̃ba ĩjãẽ́ ʌ̃cʌrʌ mẽrã edasida. Maʌ̃ carea Ãcõrẽra jũma dadji israelerã ume bio quĩrũsia. Acaʌ̃ba cadjirua od̶a carea idji awa beuẽ́ basía ãtebʌrʌ dewararã sid̶a beusid̶aa.–
6468	JOS 23:6	Quĩrãcuita b̶ead̶adua. Ãcõrẽ ley Moiseba cartad̶e b̶ʌd̶ara jũma ĩjã o pananadua. Ni maãrĩ bid̶a ãĩ orãnadua.
6607	JDG 4:6	Ewari ab̶a Deborába Abinoaʌ̃ warra Baracoda trʌ̃bisia. Idjira Neptali druad̶e Quedé purud̶e b̶abadjia. Baraco zed̶acarea Deborába nãwã jarasia: –Dadji israelerã Ãcõrẽba bʌ́a nãwã jara b̶ʌa: “Sordaorã Neptalid̶ebemada Zabuloʌ̃nebema sid̶a die mil ededua Tabor eyad̶aa.
6608	JDG 4:7	Mʌ̃a Jabiʌ̃ sordaorã boro Sisaráda bʌ ume djõne wãbiya. Dji carretad̶eba djõbadarãda, waabema sordaorã sid̶a eneya Quisoʌ̃ do zaqued̶aa. Baribʌrʌ mʌ̃a bʌ́a ãdjirãra poyabiya.”–
6610	JDG 4:9	Deborába jarasia: –Bia b̶ʌa, mãẽteara mʌ̃ra bʌ ume wãya. Baribʌrʌ Sisará poyad̶acarea bʌra trʌ̃ b̶ʌgaẽ́a, Ãcõrẽba Sisarára wẽrãa poyabi bẽrã.– Ara maʌ̃da Deborára Baraco ume Quedes purud̶aa wãsia.
6612	JDG 4:11	Maʌ̃ ewarid̶e quenita Hebere abadada Quedes puru caita b̶abadjia. Naẽna idjira waabema quenitarã ume b̶ad̶ada Zaanaim jewed̶ad̶e idji wua dera o erob̶asia. Maʌ̃ Heberera Moise zãwãrẽ Hobád̶eba yõna basía.
6614	JDG 4:13	Maʌ̃ carea idji jiorro od̶a djõbada carreta noveciento panʌda, idji sordaorã sid̶a ãbaa jʌreped̶a Haroset-goiʌ̃neba Quisoʌ̃ do zaqued̶aa wãsid̶aa.
6839	JDG 11:8	Maʌ̃ne dji bororãba nãwã jarasid̶aa: –Mãẽ, maʌ̃ carea dairãba bʌra jʌrʌd̶e ze panʌa. Quĩrĩã panʌa bʌra dairãare amonitarã ume djõne wãida. Wãsira bʌra dai Galad̶ebema israelerã boro baya.–
6855	JDG 11:24	¿Bʌ ãcõrẽ Quemoba bʌ́a diad̶ara bʌreẽ́ca? Ab̶ari quĩrãca dai Ãcõrẽba dairãa diad̶ara daid̶ea.
6872	JDG 12:1	Jepteba amonitarã poyad̶acarea Epraiʌ̃nebema sordaorãda dji jʌred̶aped̶a Jordaʌ̃ do chãnaped̶a Sapoʌ̃ puruare Jepte b̶ʌmaa wãsid̶aa. Quĩrũbid̶eba Jeptea nãwã iwid̶isid̶aa: –¿Cãrẽ cãrẽã bʌdub̶a amonitarã ume djõne wãsi? ¿Cãrẽ cãrẽã dairãra trʌ̃ẽ́ basi bʌ ume wãnamãrẽã? Mãwã od̶a bẽrã dairãba bʌra, bʌ de sid̶a jũma babued̶ia.–
6947	JDG 15:16	Quenaped̶a nãwã jarasia: Mʌ̃a burro quid̶atrʌba ãdjira boromea bue nũmʌsia. Burro quid̶atrʌba mʌ̃a ẽberãrãda mil quenasia.
7354	1SA 6:21	Maʌ̃ carea Quiriat-jeariʌ̃ purud̶aa ʌ̃cʌrʌ diabuesid̶aa nãwã jarad̶amãrẽã: –Pilisteorãba Ãcõrẽ baurudera waya jẽda diabuesid̶aa. Maʌ̃ bẽrã jʌrʌd̶e zed̶adua.–
7355	1SA 7:1	Ara maʌ̃da Quiriat-jeariʌ̃nebemarã zed̶aped̶a Ãcõrẽ baurudera edesid̶aa. Maʌ̃be eya zaqued̶e Abinadá ded̶e b̶ʌd̶aped̶a Abinadá warra Eleazada edasid̶aa waga b̶amãrẽã.
7378	1SA 8:7	Maʌ̃ne Ãcõrẽba nãwã panusia: –Ãdjirãba jara panʌra jũma odua. Mãwã jara panʌneba bʌda igara panʌẽ́a. Mʌ̃drʌ igara panʌa. Quĩrĩãẽ́ panʌa mʌ̃ra ãdji boro baida.
7394	1SA 9:1	Benjamiʌ̃neba yõna Quis abadada b̶asia. Idjira Abiel warra basía. Abielera Zero warra basía. Zerora Becorá warra basía. Becorára Apía warra basía. Apíara Benjamiʌ̃neba yõna basía. Maʌ̃ ẽberã Quis abadara dji droma basía.
7396	1SA 9:3	Ewari ab̶a Saul zeza Quis burroda ʌ̃cʌrʌ nẽbasid̶aa. Maʌ̃ carea idji warra Sauloa nãwã jarasia: –Dadji burrora jʌrʌd̶e wãdua. Nezocada ab̶a ededua.–
7431	1SA 10:11	Baribʌrʌ Saul unubadarãba idjira Ãcõrẽneba bed̶ea b̶ʌda unusid̶ad̶e ara ãdjidub̶a jarasid̶aa: –¿Cãrẽda sãwãsi Quis warra Saulora jãwã nũmʌra? ¿Idji sid̶a Ãcõrẽneba bed̶eabarica?–
7441	1SA 10:21	Mãwãnacarea Samuelba Benjamiʌ̃ purud̶ebemarãra caitaara zebisia. Maʌ̃ne Ãcõrẽba cawabisia dji borora Matrid̶eba yõped̶ad̶ad̶ebema baida. Maʌ̃ ẽberãrãnebemada Ãcõrẽba cawabisia Quis warra Sauldrʌ edasida israelerã boroda b̶amãrẽã. Maʌ̃ bẽrã Saulora jʌrʌsid̶aa baribʌrʌ ununaẽ́ basía.
7784	1SA 21:10	Ahimeleba panusia: –Bʌa Ela jewed̶ad̶e bead̶a pilisteo Goliá neco bad̶ada nama erob̶ʌa. Dai sacerdote djio waga erob̶ʌ jẽdaare wuaba bʌrá b̶ʌa. Quĩrĩã b̶ʌbʌrʌ, edadua. Mʌ̃a dewarada neẽ́ b̶ʌa.– Daviba jarasia: –Jãʌ̃ cãyãbara biara b̶ʌra neẽ́a. Mʌ̃́a diadua.–
8275	2SA 11:13	Maʌ̃ne Daviba idjira ne cod̶e trʌ̃bisia. Ne co panʌne Daviba itua dawaped̶a Uríara beu nũmesia. Queud̶acarea Uríara dajadaa Davi wagabada sordaorãmaa cãĩne wãsia. Diguid̶aa wãẽ́ basía.
8283	2SA 11:21	¿Quĩrãdoasid̶aca sãwã wẽrãba Jerobaal warra Abimelera Tebé purud̶e beasida? Dji puru aud̶u jũrã ca b̶ʌd̶eba yu waib̶ʌada Abimele ʌ̃rʌ̃ b̶aebisia. Maʌ̃da bãrãra ¿cãrẽ cãrẽã dji puru aud̶u jũrã ca b̶ʌ caita wãsid̶a?” Dadji boro Davida mãwã quĩrũibʌrʌ nãwã jaradua: “Mʌ̃ boro, bʌ sordao hititad̶ebema Uría sid̶a beasid̶aa.”–
9118	1KI 11:7	Jerusaleʌ̃neba ʌ̃mãdau odjabariare b̶ʌ eya borod̶e Salomoʌ̃ba de zaqueda osia moabitarã jʌwaba od̶a ãcõrẽ Quemoa bia bed̶ead̶i carea idjab̶a amonitarã jʌwaba od̶a ãcõrẽ Moloc abadaa bia bed̶ead̶i carea. Quemora, Moloc sid̶a Ãcõrẽba ab̶ed̶a quĩrĩãcaa.