8	GEN 1:8	Ãcõrẽba maʌ̃ ded̶aara trʌ̃ b̶ʌsia “bajã.” Umébema ewarid̶e mãwã osia.
14	GEN 1:14	Maʌ̃be Ãcõrẽba jarasia: –Urua b̶eada bajãne b̶ead̶adua naʌ̃ ẽjũã ʌ̃na b̶amãrẽã idjab̶a ãsara, diamasi ume quĩrã awara b̶amãrẽã. Maʌ̃gʌba cawabi b̶aya ewarida, poada idjab̶a sãʌ̃be ewari dromada od̶ida panʌda.–
143	GEN 6:5	Ãcõrẽba unusia ẽberãrãba jũma naʌ̃ ẽjũãne cadjiruada jũmawãyã o panʌda. Unusia ãdjia ab̶abe cadjirua od̶idrʌ ewariza crĩcha panʌda.
169	GEN 7:9	Umé uméa dji umaquĩrãda dji wẽrãrã sid̶a jãba dromane ed̶a wãsid̶aa Ãcõrẽba Noéa jarad̶a quĩrãca.
258	GEN 10:23	Seʌ̃ warra Araʌ̃neba yõped̶ad̶ara naʌ̃gʌrã basía: Uz, Hul, Gueter, Mas sid̶a.
262	GEN 10:27	Adoraʌ̃, Uzal, Dicla,
295	GEN 11:28	Haraʌ̃ra idji toped̶ad̶a puru Ur abadad̶e Caldea druad̶e dji zeza na jaid̶asia.
298	GEN 11:31	Abraʌ̃ zeza Tarera caldeorã puru Urd̶eba ẽdrʌsia Canaaʌ̃ druad̶aa wãi carea. Idji warra Abraʌ̃da, idji wiuzaque Loda, idji ãĩgu Sarai sid̶a edesia. Baribʌrʌ Haraʌ̃ purud̶e jũẽne wãnaped̶a mama panesid̶aa.
368	GEN 15:7	Maʌ̃be Ãcõrẽba jarasia: –Mʌ̃ra Ãcõrẽa. Mʌ̃abʌrʌ bʌra caldeorã puru Urd̶eba ẽdrʌ enesia naʌ̃ Canaaʌ̃ ẽjũãra diai carea.–
545	GEN 21:31	Umérãba bed̶ea b̶ʌped̶ad̶a bẽrã maʌ̃ baido juebada uria trʌ̃ra Beersebá b̶esia.
569	GEN 22:21	Dji nabema warrara Uz abadjid̶aa. Maʌ̃are dji djaba Buzuda b̶asia. Buzuare Quemuelda b̶asia. Quemuelera Araʌ̃ zeza basía.
725	GEN 26:32	Maʌ̃misa Isa nezocarãba egoro coro panʌne baidoda unusid̶aa. Ununaped̶a Isamaa jarad̶e zesid̶aa. Idjia maʌ̃gʌ ewarid̶e bed̶ea b̶ʌd̶a carea maʌ̃ baido juebada uriara trʌ̃ b̶ʌsia Sebá. Maʌ̃ carea mamabema purura wad̶ibid̶a Beersebá abadaa.
1069	GEN 36:28	Seír warra Disaʌ̃ba unusia Uz, Araʌ̃ sid̶a.
1093	GEN 37:9	Mãwãnacarea Josera wayacusa cãĩmocarasia. Maʌ̃ cãĩmocarad̶a sid̶a idji djabarãa nẽbʌrʌsia. Nãwã jarasia: –Ũrĩnadua, mʌ̃a waya cãĩmocarasia. Unusia ʌ̃mãdauda, jed̶ecoda, idjab̶a once chĩdauda. Maʌ̃gʌrãra ẽberã quĩrãca mʌ̃ quĩrãpita chĩrãborod̶e b̶arru copanesid̶aa.–
1196	GEN 40:23	Uva b̶a jue diabada borora bia b̶ed̶amĩna Josera ab̶ed̶a quĩrãdoasia.
1218	GEN 41:22	Baribʌrʌ mʌ̃ra waya cãĩmocarasia. Unusia trigo b̶ʌwʌrʌ ab̶aʌd̶e siete cʌmʌ biya uga b̶eada.
1485	GEN 49:11	Juda ẽberãrãra bio bara panania. Ãdji uvara bio zaui bẽrã ãdji burro zaquera uva jʌ̃carama jʌ̃nia jõnamãrẽã. Uva b̶a sid̶a bio barai bẽrã ãdjirãba quĩrĩã panʌbara ãdji wuara uva b̶ad̶e tãtocasid̶aa.
1501	GEN 49:27	Benjamiʌ̃, bʌra usa cadrʌa quĩrãca b̶ʌa. Usa cadrʌaba diaped̶a bead̶ara coped̶a dji ad̶ubad̶ada quewara jed̶ecabaria. Ara maʌ̃ quĩrãca bʌa dji quĩrũra poyaped̶a ãdji nebiada jed̶ecaya.–
1549	EXO 1:16	–Bãrãba hebreo wẽrãda careba warra tobibʌdad̶e acʌd̶adua dji cãrẽda tosi cawaya. Umaquĩrã warrada toibʌrʌ, bead̶adua. Wẽrãcauda toibʌrʌ, idu b̶ʌd̶adua.–
1556	EXO 2:1	Umaquĩrã Levid̶eba yõnaba wẽrãda edasia. Dji wẽrã sid̶a Levid̶eba yõna basía.
1629	EXO 4:27	Maʌ̃ naẽna Ãcõrẽba Aaroʌ̃a jarasia: –Ẽjũã põãsa ewaraga b̶ʌd̶e Moise acʌd̶e wãdua.– Ara maʌ̃da Aaroʌ̃ra wãped̶a Moisera unusia Ãcõrẽ eya abadama. Unuped̶a b̶ʌsrid̶aba idji uridarrad̶e isõsia.
1674	EXO 6:18	Coá jaid̶asid̶e 133 poa b̶asia. Coá warrarãra naʌ̃gʌrã basía: Amraʌ̃, Izhar, Hebroʌ̃, idjab̶a Uziel.
1678	EXO 6:22	Uziel warrarãra naʌ̃gʌrã basía: Misael, Elzapaʌ̃, idjab̶a Sitri.
1814	EXO 11:7	Baribʌrʌ dai israelerã duanʌma chupea nũmaya sopuad̶aẽ́ bẽrã. Usa sid̶a berud̶aẽ́a ni cãrẽ sid̶a sãwãnaẽ́ bẽrã.” Mãwã bãrã egiptorãba cawad̶ia Ãcõrẽba dai israelerãra quĩrã awara obarida.
2100	EXO 21:22	Umaquĩrã djõ panʌne ab̶aʌba wẽrã b̶iogoa b̶ʌda puoped̶a warrada ʌradʌgaibʌrʌ, baribʌrʌ dji wẽrãda bia b̶esira, dji puod̶aba diaida b̶ʌa dji wẽrã quimaba bãrã bororã bid̶a jara panʌ quĩrãca.
2312	EXO 28:18	Umébema errecad̶e b̶ʌd̶adua: granate, zapiro, jade.
2324	EXO 28:30	“Mʌ̃a quĩrĩã b̶ʌ cawabibarid̶e” Uriʌ̃ idjab̶a Tumiʌ̃ abadada ed̶a b̶ʌd̶adua Aaroʌ̃ba idji so ʌ̃rʌ̃ jʌ̃ erob̶amãrẽã. Mãwã mʌ̃ quĩrãpita wãbʌrʌza maʌ̃ Uriʌ̃ idjab̶a Tumiʌ̃neba Aaroʌ̃ba poya cawaya mʌ̃a israelerãa obi b̶ʌda.
2392	EXO 30:9	Quera bá diabadad̶e baridua quera mʌ̃a jarad̶aẽ́ra bá diarãnadua. Idjab̶a animarãda, harina od̶a sid̶a maʌ̃ ʌ̃rʌ̃ mʌ̃́a babue diarãnadua. Uva b̶a sid̶a maʌ̃ ʌ̃rʌ̃ mʌ̃́a wea diarãnadua.
2423	EXO 31:2	–Ũrĩdua. Mʌ̃a Uri warra Bezaleelda edasia mʌ̃ wua de od̶i ẽberãrã boroda b̶amãrẽã. Idjira Judad̶eba yõna Hur wiuzaquea.
2554	EXO 35:22	Umaquĩrãrãba, wẽrãrã bid̶a ara ãdji sod̶eba dia quĩrĩã panʌ quĩrãca quĩrãtanoa djio oro od̶ada Ãcõrẽa diad̶e zesid̶aa: carenada, chid̶ichid̶ida, jʌwa jĩwĩnĩne jʌ̃badada, dewara djio sid̶a. Jũmarãba oro od̶ara Ãcõrẽa diasid̶aa.
2562	EXO 35:30	Maʌ̃be Moiseba israelerãa jarasia: –Ũrĩnadua. Ãcõrẽba Uri warra Bezaleelda edasia idji wua de od̶i ẽberãrã boro bamãrẽã. Idjira Judad̶eba yõna Hur wiuzaquea.
2655	EXO 38:21	Uri warra Bezaleelba ne jũma Ãcõrẽba Moisea obi jarad̶ara osia. Idjira Judad̶eba yõna Hur wiuzaque basía. Ahisamá warra Aholiába idjira carebabadjia. Aholiára Daʌ̃neba yõna basía. Idjia ne jũmada biya o cawa b̶asia idjab̶a dji biara b̶ʌ lino wuad̶e ed̶a oveja cara nayãna pãwãrã od̶ada, pursupursua od̶ada, purea od̶a sid̶a ca cawa b̶asia. Maʌ̃ de oped̶ad̶acarea Ãcõrẽ baurudeda ed̶a wagabadjid̶aa. Israelerãba maʌ̃ wua de od̶i carea diaped̶ad̶ara levitarãba juachasid̶aa Moiseba jarad̶a quĩrãca. Dji juacha panʌ borora sacerdote Aaroʌ̃ warra Itamar basía.
2676	EXO 39:11	Umébema errecad̶e b̶ʌsid̶aa: granate, zapiro, jade.
2982	LEV 10:4	Maʌ̃be Moiseba Aaroʌ̃ djabadrõã Uziel warrarã Misaelda, Elzapaʌ̃ sid̶a trʌ̃ped̶a jarasia: –Zed̶adua. Bãrã ẽberãrã beuped̶ad̶ara Ãcõrẽ wua de caitabemada puru jĩga eded̶adua.–
3826	NUM 6:2	–Israelerãa nãwã jaradua: Umaquĩrãba wa wẽrãba ara idjida Ãcõrẽ itea b̶eyad̶a aibʌrʌ, maʌ̃ ewarid̶eba ʌ̃taa idjira nazareo ad̶ia.
3828	NUM 6:4	Idji nazareo b̶eyad̶a ad̶a ewarid̶eba ab̶a idji ẽdrʌi jarad̶a ewarid̶aa ne jũma uva bara b̶ʌda cocara b̶ʌa. Uva tada, dji e sid̶a cocara b̶ʌa.
3839	NUM 6:15	Néud̶ebema sid̶a sacerdotea diaida b̶ʌa Ãcõrẽa diamãrẽã. Uva b̶a sid̶a diaida b̶ʌa Ãcõrẽa wea diamãrẽã. Maʌ̃ awara paʌ̃ ẽsãbari neẽ́ b̶ʌda jamara ab̶a diaida b̶ʌa. Maʌ̃ paʌ̃ra quĩrã cacua umé b̶aida b̶ʌa: ab̶a dji biara b̶ʌ harina nedraga bara od̶aa, dewarabemara nedragaba ʌ̃rʌ̃ pʌrʌd̶aa.
4046	NUM 11:21	Moiseba jarasia: –Umaquĩrãrã awa mʌ̃ ume seisciento mil panʌa. Maʌ̃da bʌa jara b̶ʌa jed̶eco ab̶a nedjarada dairãba cod̶amãrẽã diaida.
4577	NUM 27:21	Israelerã boro b̶ed̶acarea Josuera sacerdote Eleazamaa wãida b̶ʌa mʌ̃a quĩrĩã b̶ʌra cawai carea. Mʌ̃ quĩrãpita b̶ʌd̶e Eleazaba Uriʌ̃ abadad̶eba mʌ̃a quĩrĩã b̶ʌra cawaya. Maʌ̃be idjia jarabʌrʌra Josueba, israelerã bid̶a jũma ĩjã o pananida panʌa.
5844	DEU 34:3	Negue ẽjũãda, Jerico puru icawa b̶ʌ jewed̶a sid̶a jũma acʌbisia ab̶a Zoar purud̶aa. Jerico purura idjab̶a Uruta Puru abadaa.
6043	JOS 9:4	Maʌ̃ba crĩchasid̶aa israelerãra cũrũgad̶ida ãdji quenarãnamãrẽã. Maʌ̃ carea ʌ̃cʌrʌ edasid̶aa israelerãmaa wãnamãrẽã. Ãdjia edaped̶ad̶aba cacuad̶e jʌ̃bada soresorea b̶eada jʌ̃sid̶aa. Ãdjia jĩrũne jʌ̃bada sid̶a capirud̶aid̶a b̶eada jʌ̃sid̶aa. Maʌ̃be Josuemaa wãbʌrʌsid̶aa. Ãdji netata edebadara soresorea b̶eada burro ʌ̃rʌ̃ edesid̶aa. Uva b̶a tʌbada animarã e od̶ara capirud̶aid̶a b̶eada, paʌ̃ zarea ãrĩna sid̶a edesid̶aa.
6606	JDG 4:5	Maʌ̃ Deborára Epraiʌ̃ eyaid̶a b̶ʌ druad̶e b̶abadjia Ramá puru idjab̶a Betel puru ẽsi. Israelerã nẽbʌrad̶e panʌne idjimaa wãbadjid̶aa cawa omãrẽã. Cawa obʌrʌd̶e Deborára urutaca b̶ʌ edre chũmabadjia. Maʌ̃ bẽrã maʌ̃ bacurura Deborá Uruta trʌ̃ b̶ʌsid̶aa.
6900	JDG 13:14	Uvara cocara b̶ʌa. Uva b̶a aseada, dewara itua sid̶a docara b̶ʌa. Maʌ̃ awara Ãcõrẽba idu cobicara ni maãrĩ bid̶a cocara b̶ʌa. Mʌ̃a jarad̶ara idjia jũma ĩjã oida b̶ʌa.–
6929	JDG 14:18	Sietebema ewarid̶e queui naẽna pilisteorãra Sansoʌ̃maa wãnaped̶a mĩãdjirura arid̶e nãwã jarasid̶aa: –Urrajõ cãyãbara ¿cãrẽda cũãara b̶ʌ? Imama cãyãbara ¿cãrẽda mẽsrãara b̶ʌ?– Maʌ̃ne Sansoʌ̃ba jarasia: –Bãrãra mʌ̃ wẽrã ume bed̶eaped̶ad̶aẽ́bara poya panunaẽ́ bacasia.–
6978	JDG 16:27	Maʌ̃ ded̶e pilisteorã bororãda jũma panasid̶aa. Umaquĩrãba, wẽrãrã bid̶a dera bira nũmasia. Maʌ̃ awara dejã ʌ̃tʌara b̶ʌd̶e pilisteorãra tres mil panasid̶aa. Ãdjirã bid̶a Sansoʌ̃ acʌ panʌne ipid̶a panasid̶aa.
7229	1SA 1:15	Anaba jarasia: –Mʌ̃ra beu b̶ʌẽ́a. Uva b̶a aseada, ni dewara itua sid̶a doẽ́ b̶ʌa. Ãtebʌrʌ bio sopua b̶ʌ bẽrã sod̶eba Ãcõrẽa quĩrã djuburiada iwid̶i b̶asia.
7421	1SA 10:1	Maʌ̃be Samuelba nedragada edaped̶a Saul boro ʌ̃rʌ̃ weasia. Uridarrad̶e isõped̶a nãwã jarasia: –Ãcõrẽba id̶i bʌra b̶ʌbʌrʌa idji puru Israel boroda b̶amãrẽã. [Bʌabʌrʌ naʌ̃ purura pe erob̶aya idjab̶a ãdjirã dji quĩrũnebemada ẽdrʌ b̶ʌya. Nãwã bʌa cawaya Ãcõrẽba wãrãda bʌra israelerã boroda b̶ʌsida.]
7565	1SA 15:3	Maʌ̃ carea ãdjirãra jũma quenane wãnadua. Ãdjirãba ne erob̶ea sid̶a jũma babued̶adua. Ni maãrĩ bid̶a ãdjirãra quĩrã djuburiarãnadua. Umaquĩrãrãda, wẽrãrãda, warrarãda, djiwid̶i toped̶ad̶a sid̶a jũma quenanadua. Ãdji pacada, ovejada, cameyoda, burro sid̶a jũma quenanadua.”–
7951	1SA 28:6	Maʌ̃ carea Saulba Ãcõrẽa iwid̶isia sãwã oida b̶ʌ cawaya. Baribʌrʌ Ãcõrẽba cãĩmocarad̶eba ni Uriʌ̃ abadad̶eba bid̶a cawabiẽ́ basía. Maʌ̃ awara Ãcõrẽneba bed̶eabadarãba poya cawabid̶aẽ́ basía.
8264	2SA 11:2	Ewari ab̶a quewara Davira cãĩ edaped̶a piradrʌsia. Maʌ̃be idji de ʌ̃rʌ̃ wãsia. Mamaʌba ed̶aa acʌbʌrʌd̶e wẽrã biya quiruda unusia. Maʌ̃ wẽrãra idji jed̶eco ununa carea cui b̶asia Ãcõrẽ quĩrãpita bia b̶ai carea. Daviba ʌ̃cʌrʌ diabuesia idjira caida cawai carea. Jẽda zed̶aped̶a Davia jarasid̶aa Eliaʌ̃ cau Betsabéda mãwã b̶ʌda. Idji quimara Uría abadjid̶aa. Maʌ̃ Uríara hititarãnebema basía. Maʌ̃be Daviba ʌ̃cʌrʌ diabuesia Betsabéra idjimaa enenamãrẽã. Betsabéra idjimaa zeped̶a ãbaa cãĩsid̶aa. Mãwãnacarea diguid̶aa wãsia.
8268	2SA 11:6	Maʌ̃ carea Daviba idji sordaorã boro Joámaa bed̶eada diabuesia hititad̶ebema Uría abadara idjimaa zebimãrẽã. Ara maʌ̃da Joába Uríara diabuesia.
8269	2SA 11:7	Uría jũẽsid̶e Daviba idjía iwid̶isia Joára, idji sordaorã sid̶a sãwã panʌ cawaya. Idjab̶a iwid̶isia ãdjirã djõ panʌne sãwã wãnada.
8270	2SA 11:8	Mãwã nẽbʌrʌd̶aped̶a Daviba Uríaa jarasia diguid̶aa ʌ̃nãũne wãmãrẽã. Uría Davi ded̶eba wãnacarea Daviba djico dji biara b̶ʌda Uríamaa diabuesia comãrẽã.
8271	2SA 11:9	Baribʌrʌ Uríara idji diguid̶aa wãẽ́ basía. Ãtebʌrʌ Davi wagabada sordaorã cãĩbadama Davi ded̶e ed̶a wãbada caita cãĩsia.
8272	2SA 11:10	Daviba ũrĩsia Uríara diguid̶aa wãẽ́ basida. Maʌ̃ carea trʌ̃ped̶a nãwã iwid̶isia: –Bʌ tʌmʌba zed̶ada ¿sãwãẽrã diguid̶aa wãẽ́ basi?–
8273	2SA 11:11	Maʌ̃ne Uríaba panusia: –Ãcõrẽ baurudera, Judad̶ebema sordaorãra, waabema israelerã sordaorã sid̶a ãdji wua de zaqued̶e cãĩ panʌa. Mʌ̃ boro Joára, idjiare b̶ea sid̶a puru tʌmʌ cãĩ panʌa. Maʌ̃ bẽrã biẽ́ b̶ʌa mʌ̃ra diguid̶aa wãped̶a ne coida idjab̶a mʌ̃ quima ume cãĩda. Mʌ̃ boro, wãrãneba mʌ̃a jaraya: mãwã oẽ́a.–
8274	2SA 11:12	Maʌ̃ne Daviba idjía jarasia: –Id̶i bid̶a nama b̶edua. Nubʌrʌ jẽda djõne wãbiya.– Daviba mãwã jarad̶a bẽrã Uríara Jerusaleʌ̃ne b̶esia.
8275	2SA 11:13	Maʌ̃ne Daviba idjira ne cod̶e trʌ̃bisia. Ne co panʌne Daviba itua dawaped̶a Uríara beu nũmesia. Queud̶acarea Uríara dajadaa Davi wagabada sordaorãmaa cãĩne wãsia. Diguid̶aa wãẽ́ basía.
8276	2SA 11:14	Uríara idji quima ume cãĩnaẽ́ bẽrã nurẽma Daviba cartada Joá itea b̶ʌsia. Maʌ̃ cartara Uría ume diabuesia.
8277	2SA 11:15	Dji cartad̶e nãwã b̶ʌ́ b̶asia: “Dadjirã dji quĩrũ mẽsrãara b̶ea djõ panʌma Uríara djõbidua. Maʌ̃be idub̶a ametad̶adua bead̶amãrẽã.”
8278	2SA 11:16	Joába idji sordaorã ume amonitarã purura jũrã eropanasid̶aa uracad̶i carea. Maʌ̃ bẽrã idjia cawa b̶asia sãma amonitarã dji mẽsrãara b̶eara djõ panʌda. Uríara mama djõbisia.
8279	2SA 11:17	Mãwã b̶ʌd̶e amonitarãra Joá sordaorã ume djõni carea ãdji purud̶eba dajadaa zed̶aped̶a Davi sordaorãda ʌ̃cʌrʌ beasid̶aa. Hititad̶ebema Uría abada sid̶a beasid̶aa.
8283	2SA 11:21	¿Quĩrãdoasid̶aca sãwã wẽrãba Jerobaal warra Abimelera Tebé purud̶e beasida? Dji puru aud̶u jũrã ca b̶ʌd̶eba yu waib̶ʌada Abimele ʌ̃rʌ̃ b̶aebisia. Maʌ̃da bãrãra ¿cãrẽ cãrẽã dji puru aud̶u jũrã ca b̶ʌ caita wãsid̶a?” Dadji boro Davida mãwã quĩrũibʌrʌ nãwã jaradua: “Mʌ̃ boro, bʌ sordao hititad̶ebema Uría sid̶a beasid̶aa.”–
8286	2SA 11:24	Maʌ̃ne cha drʌbadaba dji puru aud̶u jũrã ca b̶ʌd̶eba daimaa drʌ panesid̶aa. Maʌ̃ba bʌ sordaorãra ʌ̃cʌrʌ beasid̶aa. Hititad̶ebema Uría abada sid̶a beasid̶aa.–
8288	2SA 11:26	Uría beaped̶ad̶a cawasid̶e dji quimaba sopua ewarida wagasia.
8298	2SA 12:9	Bʌa ¿cãrẽ cãrẽã mʌ̃ bed̶eara igarasi? ¿Cãrẽ cãrẽã osi mʌ̃a cadjirua unu b̶ʌda? Bʌra mĩã beasia. Bʌa hititad̶ebema Uría abadada amonitarãa beabisia. Maʌ̃be idji quimara edasia. Bʌa mʌ̃ra mãwã igarad̶a bẽrã id̶iba ʌ̃taa bãrã djõbʌdad̶e bʌ warrarãra ãdjid̶eba yõbʌdarã sid̶a ʌ̃cʌrʌ beud̶ia.
8304	2SA 12:15	Nataʌ̃ diguid̶aa wãnacarea Uría quimaba Davia to diad̶a warrara Ãcõrẽba bio cacua biẽ́ b̶ʌsia.
9348	1KI 18:4	Maʌ̃ carea Acabo quima Jezabelba Ãcõrẽneba bed̶eabadarã quenabisid̶e Abdíaba ãdjirãnebemada cien edaped̶a eya uria umé panʌne mĩrũbicuasia. Uriaza cincuenta mĩrũbicuaped̶a baidoda, cod̶i sid̶a diasia.)
9357	1KI 18:13	¿Mʌ̃a od̶ara bʌ́a jarad̶aẽ́ panʌca? Acabo quima Jezabelba Ãcõrẽneba bed̶eabadarã quenabisid̶e mʌ̃a eya uria umé panʌne ãdjirãnebemada cien mĩrũbicuasia. Uriaza cincuenta mĩrũbicuaped̶a baidoda, cod̶i sid̶a ãdjirãa diasia.
9371	1KI 18:27	Umatipa babʌrʌd̶e Elíaba ãdjirãa nãwã ipid̶a jarasia: –Wetara b̶iad̶adua. ¿Idjira bãrã ãcõrẽẽ́ca? Ne crĩcha b̶ʌba ũrĩẽ́ b̶ʌsicada. Ãĩbẽrã doed̶a wã b̶ʌsicada wa ãyã wã b̶ʌsicada. Ãĩbẽrã cãĩ b̶ʌ bẽrã ʌ̃rʌ̃manida panʌsicada.–
9373	1KI 18:29	Umatipa ed̶aʌba ab̶a quewara ãdjirã cari duanʌne Baalea b̶ia iwid̶i panesid̶aa. Baribʌrʌ quewara israelerãba Ãcõrẽa animarã babue diabada horaca wad̶ibid̶a Baalba panuẽ́ b̶asia ni ũrĩẽ́ b̶asia. Chupea b̶asia.
9380	1KI 18:36	Quewara israelerãba Ãcõrẽa animarã babue diabada horaca Elíara animarã babue diabada caita wãped̶a Ãcõrẽa nãwã iwid̶isia: “Ãcõrẽ, bʌdrʌ Abrahaʌ̃, Isa, idjab̶a Israel Ãcõrẽa. Id̶i unubidua bʌra wãrãda israelerã Ãcõrẽda idjab̶a mʌ̃ra bʌ nezocada. Unubidua bʌabʌrʌ mʌ̃́a nãwã obi b̶ʌda.
9565	2KI 2:10	Elíaba jarasia: –Bʌa iwid̶i b̶ʌra zarea b̶ʌa. Baribʌrʌ Ãcõrẽba mʌ̃ edebʌrʌda unuibʌrʌ, bʌa iwid̶id̶ara edaya. Unuẽ́bʌrʌ edaẽ́a.–
11204	2CH 1:5	Baribʌrʌ animarã babue diabada bronce od̶ada wad̶ibid̶a Ãcõrẽ wua de quĩrãpe b̶asia Gabaoʌ̃ puru caita. Maʌ̃ra Uri warra Bezaleelba od̶a basía. Bezaleelera Hur wiuzaque basía. Salomoʌ̃ra, idjia trʌ̃cuad̶a ẽberãrã sid̶a mamaa wãsid̶aa Ãcõrẽa iwid̶id̶i carea.
11283	2CH 5:10	Umébema mõgara pewed̶ea Moiseba b̶ʌd̶ada bauruded̶e ed̶a panasid̶aa. Waa neẽ́ basía. Israelerã Egiptod̶eba ẽdrʌd̶aped̶a Horeb eyad̶e panasid̶ad̶e Ãcõrẽba ãdjirã ume bed̶ea b̶ʌped̶a maʌ̃ mõgarara diasia.
12874	JOB 1:1	Ẽberã Jo abadada Uz druad̶e b̶asia. Maʌ̃ Jora ne jũmane jipa b̶asia idjab̶a jarad̶i neẽ́ b̶asia. Idjia Ãcõrẽra bio waya b̶asia idjab̶a cadjirua sid̶a quĩrĩãca basía.
12908	JOB 2:13	Maʌ̃be Jo caita siete ewari egode chũpanesid̶aa ãsa, diamasi bid̶a. Baribʌrʌ ni ab̶aʌda idji ume bed̶ead̶aẽ́ basía. Unusid̶aa idjira bio pua b̶ʌda.
23219	MAT 1:6	Maʌ̃be Jeséd̶eba dadji israelerã boro Davira yõsia. David̶eba Salomoʌ̃da yõsia. Salomoʌ̃ papara naẽna Uríaba erob̶asia.
23221	MAT 1:8	Asad̶eba Josapada yõsia. Josapad̶eba Joraʌ̃da yõsia. Joraʌ̃neba Uzíada yõsia.
23222	MAT 1:9	Uzíad̶eba Jotaʌ̃da yõsia. Jotaʌ̃neba Acáda yõsia. Acád̶eba Ezequiada yõsia.
23246	MAT 2:8	Ãdjira Beleʌ̃naa wãbibʌrʌd̶e Herodeba jarasia: –Jãma wãnaped̶a dji warra zaquera bio quĩrãcuita iwid̶i wãnadua. Unusid̶ara mʌ̃́a jarad̶e zed̶adua mʌ̃ sid̶a idjimaa bia bed̶ead̶e wãi carea.–
23247	MAT 2:9	Herodeba mãwã jarad̶acarea ãdjira wãsid̶aa. Maʌ̃be chĩdau ʌ̃mãdau odjabariare unuped̶ad̶ara wayacusa unusid̶aa. Unusid̶ad̶e bio b̶ʌsrid̶asid̶aa. Dji chĩdaura ãdji na wãsia ab̶a dji warra zaque b̶ʌma piqui nũmebʌrʌd̶aa.
23375	MAT 6:24	Ab̶aʌba poya idji boroda umé erob̶aẽ́a. Umé erob̶ʌbʌrʌ ab̶a biara quĩrĩãya. Ab̶a ẽpẽya, maʌ̃ne dewarabemara igaraya. Ara maʌ̃ quĩrãca ne bara b̶ai awua b̶ʌba poya Ãcõrẽda ẽpẽẽ́a.
23434	MAT 8:20	Jesuba idjía jarasia: –Usa pãra de bara b̶ʌa, ĩbana sid̶a de bara b̶ʌa, baribʌrʌ mʌ̃, Naʌ̃ Djara Edad̶ara sãma cãĩ sid̶a neẽ́ b̶ʌa.–
23448	MAT 8:34	Maʌ̃ carea jũma dji purud̶ebemarãra Jesu b̶ʌmaa zesid̶aa. Ununaped̶a Jesua bed̶ea djuburiasid̶aa ãdji druad̶ebemada ãyã wãmãrẽã.
23463	MAT 9:15	Jesuba ãdjía jarasia: –Umaquĩrãba wẽrã edabʌrʌd̶e ¿caida sopua b̶ai? Maʌ̃ umaquĩrãra wad̶ibid̶a idjia ed̶od̶arã ume b̶ʌmisa b̶ʌsrid̶a panania. Baribʌrʌ ewari ab̶a dewara ẽberãrãba idjira ãyã eded̶ia. Maʌ̃bebʌrʌ idjia ed̶od̶arãba ne cod̶aca ewarira od̶ia.
23834	MAT 19:3	Mãwã b̶ʌd̶e ʌ̃cʌrʌ pariseorãda zesid̶aa idjira biẽ́ bed̶eabid̶i cawaya. Maʌ̃gʌrãba iwid̶isid̶aa: –¿Umaquĩrãba dji quimada baridua carea amaida b̶ʌca?–
23866	MAT 20:5	Umatipa idjab̶a ʌ̃mãdau buyad̶acarea djibariba ab̶arica osia.
23928	MAT 21:33	Ũrĩnadua. Dewarad̶eba ne jaraya. Ẽberãda b̶asia. Ewari ab̶a maʌ̃ ẽberãba uvada uped̶a idji néura mõgaraba aud̶u jũrã casía. Uva b̶a piabari sid̶a osia. Idjab̶a deda ʌ̃tʌ osia mamaʌba jũma acʌi carea. Maʌ̃be idji néura ʌ̃cʌrʌ ẽberãrã jʌwaed̶a b̶ʌsia. Ãdjirã ume bed̶ea b̶ʌsia néu zaubʌrʌd̶e jũmasãwã idjía diad̶ida panʌda. Mãwã bed̶ea b̶ʌped̶a djibarira dewara druad̶aa wãsia.
24191	MAT 26:68	Ud̶aped̶a jarasid̶aa: –¡Bʌda Ãcõrẽba ẽdrʌ edabari diai jarad̶a baibʌrʌ, Ãcõrẽneba bed̶eadua! ¡Daia jaradua caibʌrʌ bʌra usida!–
24243	MAT 27:45	Umatipa ʌ̃mãdaura quisia. Maʌ̃ba naʌ̃ ẽjũãra hora ũbea jũma pãĩma nũmasia.
24348	MRK 2:19	Jesuba panusia: –Umaquĩrãba wẽrã edabʌrʌd̶e ¿caiba ne cod̶aca ewarida oi? Maʌ̃ umaquĩrãra wad̶ibid̶a idjia ed̶od̶arã ume b̶ʌmisa ne cod̶aca ewarira od̶aẽ́a.
24659	MRK 10:2	Mãwã b̶ʌd̶e ʌ̃cʌrʌ pariseorãda zesid̶aa. Idji biẽ́ bed̶eabid̶i carea nãwã iwid̶isid̶aa: –¿Umaquĩrãba dji quimada amaida bia b̶ʌca?–
24743	MRK 12:1	Maʌ̃ne Jesuba ne jara b̶ʌd̶eba ãdjirãa jarasia: –Ẽberãda b̶asia. Ewari ab̶a maʌ̃ ẽberãba uvada uped̶a idji néura mõgaraba aud̶u jũrã casía. Uva b̶a piabari sid̶a osia. Idjab̶a deda ʌ̃tʌ osia mamaʌba jũma acʌi carea. Maʌ̃be idji néura ʌ̃cʌrʌ ẽberãrã jʌwaed̶a b̶ʌsia. Ãdjirã ume bed̶ea b̶ʌsia néu zaubʌrʌd̶e jũmasãwã idjía diad̶ida panʌda. Mãwã bed̶ea b̶ʌped̶a djibarira dewara druad̶aa wãsia.