915	GEN 31:41	Veinte poa mʌ̃ra bʌ diguid̶a b̶asia. Bʌ cau umé panʌ carea mʌ̃ra catorce poa bʌ itea bari trajasia. Bʌ animarã carea mʌ̃ra sei poa bari trajasia, baribʌrʌ mʌ̃a edaida b̶ʌra bʌa b̶arima zocãrã quĩrã awara obadjia.
4090	NUM 13:14	Neptalid̶eba yõna purud̶ebema Vapsi warra Nahbida,
4355	NUM 21:14	Maʌ̃ bẽrã carta Ãcõrẽ Djõna abadad̶e nãwã b̶ʌ́ b̶ʌa: Vaheb puru Supa druad̶e b̶ʌare, Arnoʌ̃ do jʌwateare bid̶a wãyã wãsid̶aa. Do zaque b̶ea caita Ar abadad̶aa wãsid̶aa Moab drua orrocawa.
6604	JDG 4:3	Jabiʌ̃ba djõbada carreta jiorro od̶ada noveciento erob̶asia. Veinte poa israelerãra quĩrã djuburia neẽ́ bio bia mĩga erob̶asia. Maʌ̃ne israelerãba Ãcõrẽa quĩrã djuburiada iwid̶isid̶aa.
30856	REV 5:9	Veinticuatro drõãrãba, animarã zaca zocai b̶ea quĩmãrẽ panʌ bid̶a naʌ̃ trʌ̃ãbi djiwid̶ida trʌ̃ãsid̶aa: Bʌra beaped̶ad̶a bẽrã bʌdrʌ bia b̶ʌa maʌ̃ carta edaped̶a dji cara b̶eara oguecuaida. Bʌ oa erozoad̶aba ẽberãrãda Ãcõrẽ itea nẽdosia. Bed̶eazabemada, puruzabemada, jũma druazabema sid̶a ʌ̃cʌrʌ nẽdosia.