27	GEN 1:27	Ara mãwã jarabʌrʌba Ãcõrẽba ẽberãda osia idji quĩrãca. Wãrãda idji quĩrãca osia. Dji umaquĩrã, dji wẽrã sid̶a osia.
28	GEN 1:28	Maʌ̃be Ãcõrẽba ãdjira nãwã bia jarasia: –Warra zocãrã ununadua. Naʌ̃ ẽjũãra birad̶adua idjab̶a jũma naʌ̃ ẽjũãne b̶eara bãrã jʌwaed̶a erob̶ead̶adua. B̸eda b̶eara, ĩbana b̶eara, druabema animarã sid̶a jũma poya erob̶ead̶adua.–
58	GEN 3:2	Wẽrãba panusia: –Mãwãẽ́a. Naʌ̃ néud̶ebema nejõra daiba jõnida panʌa.
69	GEN 3:13	Maʌ̃ bẽrã Ãcõrẽba wẽrãa iwid̶isia: –¿Bʌa cãrẽ cãrẽã jãwã osi?– Wẽrãba panusia: –Damaba mʌ̃ra cũrũgasia. Maʌ̃ bẽrã mʌ̃a jõsia.–
72	GEN 3:16	Maʌ̃ne Ãcõrẽba wẽrãa jarasia: Bʌ b̶iogoa b̶ʌd̶e mʌ̃a bʌra bia mĩgabiya. Warra tobʌrʌd̶e puad̶eba toya. Mãwã bia mĩga b̶aimĩna bʌ quima ume b̶a quĩrĩã b̶aya, baribʌrʌ idjia bʌra idji jʌwaed̶a erob̶aya.
178	GEN 7:18	Dora ewariza ʌ̃taa ũ wãsia. Waib̶ʌa ũ wãsia. Maʌ̃ bẽrã jãba dromara baido ʌ̃rʌ̃ pʌrrʌga ũmesia.
183	GEN 7:23	Wãrãda jũma druabema zocai b̶eara quinisid̶aa. Ẽberãrãda, animarãda, ãdji jãne wãbadada, ĩbana sid̶a quinisid̶aa. Mãwã Ãcõrẽba naʌ̃ ẽjũãne b̶ead̶ara jũma jõbisia. Maʌ̃ne ab̶abe panesid̶aa Noéda, idji ume jãba dromane ed̶a wãped̶ad̶a sid̶a.
196	GEN 8:12	Waya siete ewari jʌ̃ãped̶a Noéba wayacusa puchirãra wãbisia. Maʌ̃ne puchirãra waa Noémaa zeẽ́ basía.
207	GEN 9:1	Maʌ̃be Ãcõrẽba Noéa, dji warrarãa bid̶a nãwã bia jarasia: –Warra zocãrã yõnadua. Naʌ̃ ẽjũãra jũma birad̶adua.
217	GEN 9:11	Mʌ̃a bed̶ea b̶ʌbʌrʌra naʌ̃gʌa: naʌ̃ ẽjũãne zocai b̶eara waa dopapaba jõbiẽ́a. Waa naʌ̃ ẽjũãra ũ wãẽ́a naʌ̃ ẽjũãne b̶ea quininamãrẽã. Mʌ̃a bed̶ea b̶ʌd̶ara wãrãda mãwã b̶aya.–
221	GEN 9:15	Maʌ̃gʌd̶eba mʌ̃a quĩrãneba b̶aya mʌ̃a bãrã ume animarã ume bid̶a bed̶ea b̶ʌd̶ara. Waa dopapara wãbiẽ́a naʌ̃ ẽjũãne b̶ea quinibi carea.
223	GEN 9:17	Wãrãda eumaba quĩrãnebabi b̶aya mʌ̃a jũma naʌ̃ ẽjũãne zocai b̶ea ume bed̶ea b̶ʌd̶ara.– Ãcõrẽba Noéa mãwã jarasia.
304	GEN 12:5	Abraʌ̃ba idji quima Saraida, idji tẽãbea Loda, ne jũma idjia erob̶ʌ sid̶a edesia. Idji nezocarã Haraʌ̃ne edad̶a sid̶a edesia. Haraʌ̃neba ẽdrʌd̶aped̶a wãsid̶aa. Wãbʌdad̶e Canaaʌ̃ druad̶e jũẽsid̶aa.
324	GEN 13:5	Maʌ̃ne Lora Abraʌ̃ ume b̶asia. Idjia bid̶a ovejada, paca sid̶a zocãrã erob̶asia. Wua deda zocãrã erob̶asia idji ẽberãrã itea, idji nezocarã itea bid̶a.
342	GEN 14:5	Maʌ̃ carea poa catorcebemane Quedorlaómera idjiare panʌ bororã sid̶a wãsid̶aa ãdjirã ume djõni carea. Wãbʌdad̶e naãrã Astarot-carnaim purud̶e jũẽsid̶aa. Mama repairãda poyasid̶aa. Mamaʌba Ham purud̶aa wãnaped̶a zuzirãda poyasid̶aa. Mamaʌba Quiriataim jewed̶ad̶e jũẽne wãnaped̶a emirãda poyasid̶aa.
347	GEN 14:10	Djõbʌdad̶e Quedorlaómeare panʌba poyasid̶aa. Maʌ̃ carea Sodomanebema boroare b̶eara mĩrũ wãbʌrʌsid̶aa. Maʌ̃ Sidim jewed̶ara egorod̶ebema cãdorrona susuaid̶a b̶asia. Maʌ̃ bẽrã mĩrũ wãbʌdad̶e ʌ̃cʌrʌ maʌ̃ susuad̶e ed̶a b̶aesid̶aa. Waabemarãra eyad̶aa mĩrũ wãsid̶aa.
379	GEN 15:18	Ara maʌ̃ba Ãcõrẽba Abraʌ̃ ume nãwã bed̶ea b̶ʌsia: –Wãrãda mʌ̃a bʌd̶eba yõi purua naʌ̃gʌ ẽjũãra diaya Egipto quĩrãpe b̶ʌ dod̶eba ab̶a do waib̶ʌa Euprate abadad̶aa.
452	GEN 18:27	Wayacusa Abrahaʌ̃ba jarasia: –Mʌ̃ Boro, mʌ̃ra ne wayaa neẽ́ b̶ʌ quĩrãca bʌ ume bed̶ea b̶ʌa. Mʌ̃ra ẽberãda quirumĩna, egoro quĩrãca b̶ʌmĩna, tʌbʌ pora quĩrãca b̶ʌmĩna, mʌ̃ra bʌ ume wad̶i idu bed̶eabidua.
459	GEN 19:1	Queubod̶od̶e bajãnebema nezoca umébemara Sodoma purud̶e jũẽsid̶aa. Maʌ̃ne Abrahaʌ̃ tẽãbea Lora dji puru ed̶a wãbadama chũmasia. Mãwã b̶ʌd̶e Loba maʌ̃ bajãnebema nezocarãra unusia. Ara maʌ̃da ãdji audiab̶arid̶e wãsia. Wayaad̶eba chĩrãborod̶e cob̶eped̶a idji dratura egorod̶aa b̶arru tẽũ cob̶esia.
462	GEN 19:4	Wad̶i cãĩni naẽna jũma purud̶ebema umaquĩrãrãba Lo dera jũrã edasid̶aa. Cũdrarãda, drõãrã sid̶a duanasid̶aa.
531	GEN 21:17	Mãwã b̶ʌd̶e Ãcõrẽba dji warrara jĩã b̶ʌda ũrĩsia. Maʌ̃ne bajãneba Ãcõrẽ nezocaba Agarada trʌ̃ jarasia: –Agara, ¿sãwãsi? Wayarãdua. Ãcõrẽba bʌ warra jĩã b̶ʌda ũrĩ b̶ʌa.
555	GEN 22:7	Wãbʌdad̶e Isaba Abrahaʌ̃a jarasia: –¡Zeza!– Abrahaʌ̃ba panusia: –¿Cãrẽ, warra?– Isaba iwid̶isia: –Nama dadjia tʌbʌda, tʌbʌdau sid̶a eropanʌa baribʌrʌ ¿sãma b̶ʌ oveja zaque Ãcõrẽa babue diad̶ira?–
556	GEN 22:8	Abrahaʌ̃ba panusia: –Warra, Ãcõrẽbʌrʌ oveja zaquera diaya babue diad̶i carea.– Maʌ̃be nocod̶aa wãsid̶aa.
596	GEN 24:4	Ãtebʌrʌ wãdua mʌ̃ b̶ad̶a druad̶aa mʌ̃ ẽberãrãmaa. Wãrãneba jaradua mamabema wẽrãda mʌ̃ warra Isa itea eneida.–
603	GEN 24:11	Wãbʌrʌd̶e Naco puru caita baido juebada uria corod̶ama jũẽne wãsia. Quewara jũẽna bẽrã dji nezocaba cameyora ʌ̃nãũnamãrẽã egode chũmebigasia. Maʌ̃ne wẽrãrãra baido jued̶e zesesid̶aa ãdjia ewariza obada quĩrãca.
607	GEN 24:15	Wad̶i Ãcõrẽa iwid̶i b̶ʌd̶e unusia awẽrãda zebʌrʌda. Idjia zocoda equiad̶e erob̶asia. Maʌ̃ awẽrãra Rebeca abadjid̶aa. Idjira Betuel cau basía. Betuelera Abrahaʌ̃ djaba Naco warra basía. Betuel papara Milca basía.
612	GEN 24:20	Ara maʌ̃da baido idji zocod̶e b̶ʌra animarãba dobadad̶e weasia. Weaped̶a b̶arima zocãrã baidora juesia jũmarã cameyoba dod̶amãrẽã.
637	GEN 24:45	Wad̶i mʌ̃ sod̶e bed̶ea b̶ʌd̶e unusia Rebecaba idji zocora equiad̶e eronĩda. Idjira baido juebadamaa zeped̶a baidora juesia. Maʌ̃ne mʌ̃a idjía jarasia: “Mʌ̃ quĩrã djuburia baidoda diadua.”
721	GEN 26:28	Maʌ̃ne ãdjia panusid̶aa: –Daiba unu panʌa Ãcõrẽra bʌ ume b̶ʌda. Maʌ̃ carea daiba crĩcha panʌa bʌ ume necai panani carea bed̶eada b̶ʌd̶ida. Daiba bʌra necai wãbisid̶aa idjab̶a bʌ ume ab̶abe biada osid̶aa. Maʌ̃ bẽrã wãrãneba nãwã bed̶ea b̶ʌd̶ia: daiba bʌ mĩã sẽnaẽ́ panʌ quĩrãca bʌa bid̶a daira mĩã sẽẽ́da. Wãrãda Ãcõrẽba bʌra bio careba b̶ʌa.–
729	GEN 27:1	Isara drõãda b̶ʌ bẽrã dauba unuca basía. Ewari ab̶a idji warra nabema Esaúda trʌ̃ped̶a jarasia: –¡Warra!– Esaúba panusia: –¿Cãrẽ, zeza?–
734	GEN 27:6	Esaú wãnacarea Rebecaba idji warra Jacoboa jarasia: –Warra, mʌ̃a ũrĩsia bʌ zezara bʌ djaba Esaú ume bed̶ea b̶ʌda. Bʌ zezaba Esaúa nãwã jarasia:
741	GEN 27:13	Maʌ̃ne dji papaba panusia: –Mãwã biẽ́ jara b̶ʌsira mʌ̃maabʌrʌ zeya. Warra, odua mʌ̃a jara b̶ʌ quĩrãca. Chiwatu zaquera isabe jʌrʌd̶e wãdua.–
749	GEN 27:21	Maʌ̃ne Isaba jarasia: –Warra, mʌ̃ caita zedua. Mʌ̃́a idu tãbidua bʌra wãrãda mʌ̃ warra Esaú cawaya.–
753	GEN 27:25	Maʌ̃ne dji zezaba jarasia: –Warra, bʌa ne bead̶ara diadua mʌ̃a coi carea. Maʌ̃be mʌ̃a bʌra bia jara b̶ʌya.– Ara maʌ̃da Jacoboba diasia. Diad̶acarea Isaba cosia. Mãwã b̶ʌd̶e Jacoboba uva b̶a sid̶a diasia. Maʌ̃gʌ sid̶a Isaba dosia.
785	GEN 28:11	Wãbʌrʌd̶e ota queusia. Mama mõgarada cob̶ʌsia idji borocaui carea. Maʌ̃be egode tab̶eped̶a cãĩsia.
790	GEN 28:16	Maʌ̃ne Jacobora cãĩ b̶ad̶ada ʌ̃rʌ̃maped̶a nãwã crĩchasia: “Wãrãda Ãcõrẽra nama b̶ʌa, baribʌrʌ mʌ̃a adua b̶asia.”
797	GEN 29:1	Mãwãnacarea Jacobora nocod̶aa wãsia. Wãne ʌ̃mãdau odjabariarebema ẽberãrã druad̶e jũẽne wãsia.
804	GEN 29:8	Ãdjirãba panusid̶aa: –Wad̶ibid̶a poya baido dobid̶aẽ́a. Daiba jʌ̃ãbadaa jũmarãba ãdji ovejara enenamãrẽã. Maʌ̃bebʌrʌ mõgara baido juebada uria ʌ̃rʌ̃ cob̶ʌra ãyã b̶ʌbadaa ovejara baido dobigad̶i carea.–
810	GEN 29:14	Maʌ̃ne Labaʌ̃ba Jacoboa jarasia: –Wãrãda bʌra mʌ̃ ẽberãrãa.– Mãwãnacarea Jacobora Labaʌ̃ ume jed̶eco ab̶a b̶esia.
830	GEN 29:34	Wayacusa b̶iogoa b̶eped̶a umaquĩrã warrada tosia. Maʌ̃ne crĩchasia: “Id̶ibʌrʌ mʌ̃ quimara mʌ̃ ume ãbaa b̶aya, mʌ̃a idji warrada ũbea tobʌrʌ bẽrã.” Mãwã dji warrara trʌ̃ b̶ʌsia Levi.
831	GEN 29:35	Wayacusa b̶iogoa b̶eped̶a umaquĩrã warrada tosia. Maʌ̃ne crĩchasia: “Naʌ̃ne mʌ̃a Ãcõrẽa bia bed̶eaya.” Mãwã dji warrara trʌ̃ b̶ʌsia Juda. Maʌ̃are Leara dãrãsia warra toẽ́ b̶ʌda.
832	GEN 30:1	Raquelera warra toca bẽrã idji djabawẽrã Lea ume sod̶e biẽ́ b̶esia. Maʌ̃ carea Raquelba Jacoboa jarasia: –Mʌ̃ra warra quĩrĩã b̶ʌa. Warrada unuẽ́bʌrʌ, biara b̶ʌa mʌ̃ra beuida.–
877	GEN 31:3	Mãwã b̶ʌd̶e Ãcõrẽba Jacoboa jarasia: –Wãdua bʌ djibarirã druad̶aa, bʌ ẽberãrãmaa. Mʌ̃ra bʌ ume b̶aya.–
881	GEN 31:7	Baribʌrʌ idjia mʌ̃ra cũrũgabadjia. Mʌ̃a edaida b̶ʌra idjia b̶arima zocãrã quĩrã awara obadjia. Wãrãda idjia mʌ̃ ume biẽ́ o quĩrĩã b̶asia. Baribʌrʌ Ãcõrẽba idu mãwã obiẽ́ basía.
895	GEN 31:21	Jacobora jũma idjia erob̶ʌ bara mĩrũ wãsia. Wãbʌrʌd̶e Euprate do quĩrãrã chãsia. Maʌ̃be Gala eyaid̶a b̶ʌ druad̶aa wãsia.
930	GEN 32:2	Mamaʌba Jacobora nocod̶aa wãsia. Wãbʌrʌd̶e Ãcõrẽ nezocarã bajãnebemada idjimaa zesid̶aa.
938	GEN 32:10	Maʌ̃be Jacoboba Ãcõrẽa iwid̶isia: –Mʌ̃ zezadrõã Abrahaʌ̃ Ãcõrẽ, mʌ̃ zeza Isa Ãcõrẽ, mʌ̃ Boro, bʌa mʌ̃́a jarasia: “Wãdua bʌ djibarirã druad̶aa. Mʌ̃a bʌra ne jũmane carebaya.”
940	GEN 32:12	Mʌ̃a waya b̶ʌa mʌ̃ djaba Esaúra zeped̶a mʌ̃da, mʌ̃ wẽrãrãda, mʌ̃ warrarã sid̶a quenaida. Bʌa jarasia mʌ̃ra ne jũmane careba b̶aida idjab̶a mʌ̃ warrarãra zocãrã yõni bẽrã pusa ĩbʌ quĩrãca poya juachad̶aca baida. Wãrãda mãwã b̶aibʌrʌ, mʌ̃ quĩrã djuburia mʌ̃ra ẽdrʌ edadua mʌ̃ djaba Esaú jʌwad̶ebemada.–
957	GEN 32:29	Maʌ̃ne dji ẽberãba jarasia: –Waa bʌra Jacobo ad̶aẽ́a. Namaʌba ʌ̃taa bʌ trʌ̃ra Israel ad̶ia, bʌra Ãcõrẽ ume, ẽberãrã ume bid̶a djõna bẽrã. Maʌ̃ne bʌa poyasia.–
973	GEN 33:12	Maʌ̃be Esaúba jarasia: –Wãna. Mʌ̃ra bʌ na nĩbaya.–
1017	GEN 35:5	Mãwãnacarea Jacobora, ẽberãrã idji ume panʌ sid̶a wãsid̶aa. Wãbʌdad̶e Ãcõrẽba jũma mama b̶ea purua ãdjirãra bio wayabisia. Maʌ̃ bẽrã ãdjirãba Jacobo ẽberãrã biẽ́ od̶i carea caid̶u ẽpẽnaẽ́ basía.
1023	GEN 35:11	Ãcõrẽba mãwã trʌ̃ b̶ʌped̶a jarasia: –Mʌ̃ra ne jũma poya b̶ʌ Ãcõrẽa. Warrada zocãrã yõdua. Bʌd̶eba puruda zocãrã yõnia. Idjab̶a bʌd̶eba ẽberãrã bororãda yõnia.
1028	GEN 35:16	Mãwãnacarea Beteld̶eba wãsid̶aa. Wad̶i Eprata purud̶e jũẽni naẽna Jacobo quima Raquelera warra pua nũmesia. Poya tocara nũmʌ bẽrã bia mĩga b̶asia.
1029	GEN 35:17	Wetara pua nũmebʌrʌd̶e dji warra careba tobibari wẽrãba Raquelea jarasia: –Wayarãdua, bʌa umaquĩrã warrada tobʌrʌa.–
1030	GEN 35:18	Baribʌrʌ Raquelera beubʌrʌ basía. Wad̶i beui naẽna idji warrara trʌ̃ b̶ʌsia Benoní. Baribʌrʌ Jacoboba trʌ̃ b̶ʌsia Benjamiʌ̃.
1097	GEN 37:13	Maʌ̃ne Israelba Josea nãwã jarasia: –Warra, bʌ djabarãba Siqueʌ̃ caita mʌ̃ ovejara waga panʌa. Mʌ̃a quĩrĩã b̶ʌa bʌa ãdjira acʌd̶e wãida.– Joseba panusia: –Bia b̶ʌa, mʌ̃a ãdjira acʌd̶e wãya.–
1098	GEN 37:14	Israelba jarasia: –Bʌ djabarã, dadji animarã sid̶a sãwã panʌ cawaya acʌd̶e wãdua. Maʌ̃be mʌ̃́a jarad̶e zedua.– Mãwã jaraped̶a Israelba Josera Hebroʌ̃ jewed̶ad̶eba Siqueʌ̃naa wãbisia. Wãne Josera Siqueʌ̃ne jũẽsia.
1101	GEN 37:17	Ẽberãba panusia: –Mãẽ, ãdjirãra nama duananaped̶a wãbʌrʌsid̶aa. Mʌ̃a ũrĩsia Dotaʌ̃ ẽjũãnaa wãniana abʌdada.– Ara maʌ̃da Josera idji djabarã caid̶u wãsia. Wãbʌrʌd̶e ãdjirãra Dotaʌ̃ ẽjũãne unune wãsia.
1114	GEN 37:30	Maʌ̃be idji djabarãmaa wãped̶a jarasia: –¡Warrara uriad̶e neẽ́a! Jãʌ̃be mʌ̃a ¿sãwã oi?–
1125	GEN 38:5	Wayacusa b̶iogoa b̶eped̶a umaquĩrã warrada tosia. Idjira trʌ̃ b̶ʌsia Sela. Sela tosid̶ad̶e Judara Quezib purud̶e b̶asia.
1131	GEN 38:11	Mãwãnacarea Judaba idji ãĩgu Tamaráa jarasia: –Mʌ̃ warra Sela waribʌrʌmisa quima edaẽ́ bʌ zeza ded̶e b̶ad̶e wãdua. Sela drõã bad̶acarea idjia bʌra edaya.– Ara maʌ̃da Tamarára dji zeza ded̶e b̶ad̶e wãsia. (Idji zezara Timnata purud̶e b̶abadjia.) Baribʌrʌ Judaba wãrãda quĩrĩãẽ́ b̶asia Selaba Tamará edaida. Waya b̶asia Sela sid̶a dji djabarã quĩrãca beuida.
1141	GEN 38:21	Maʌ̃ carea idjia mamabemarãa iwid̶isia: –Wẽrã aud̶ua nama Enaiʌ̃ purud̶aa zebada o icawa chũmanara ¿sãma b̶ʌ?– Ãdjirãba panusid̶aa: –Nama wẽrã aud̶uara ni ab̶a bid̶a neẽ́a.–
1143	GEN 38:23	Maʌ̃ne Judaba jarasia: –Mʌ̃a nebia b̶eed̶ara idjid̶e baya. Mʌ̃a chiwatu zaquera idji itea diabued̶amĩna bʌa idjira unuẽ́ basía. Waa diabueẽ́a jãmabemarãba dadjira ipid̶a jararãnamãrẽã.–
1157	GEN 39:7	Maʌ̃ bẽrã Potipa quimaba idjira awua nũmesia. Ewari ab̶a maʌ̃ wẽrãba Josea jarasia: –Wãnaa cãĩne.–
1239	GEN 41:43	Maʌ̃be idji carretad̶e b̶adoped̶a Josera idjiare dewara carretad̶e pʌrrʌa edesia. Wãbʌdad̶e idji wagabadarãda Jose na wãbibadjia nãwã jĩgua jarad̶amãrẽã: “¡Chĩrãne cob̶ead̶adua!” Mãwã Egiptod̶ebema boroba jũma Egipto druara Jose jʌwaed̶a b̶ʌsia.
1274	GEN 42:21	Mãwã panʌne ãdjidub̶a jara duanesid̶aa: –Wãrãda dadji djaba Joseda biẽ́ osid̶aa. Dadjirãba unusid̶aa idji biẽ́ orãnamãrẽã dadjirãa bed̶ea djuburia b̶ʌda. Mãwãmĩna dadjirãba ĩjãnaẽ́ basía. Maʌ̃ carea nama bia mĩga panʌa.–
1280	GEN 42:27	Wãbʌdad̶e ota cãĩnima jũẽsid̶aa. Maʌ̃be ab̶aʌba idji burro ne cobi carea saco ewabʌrʌd̶e idji paratara ed̶a cob̶ʌda unusia.
1290	GEN 42:37	Maʌ̃ne Rubeʌ̃ba jarasia: –Zeza, mʌ̃a Benjamiʌ̃ra waya bʌmaa eneya. Eneẽ́bʌrʌ, mʌ̃ warrarãda umé beaida b̶ʌa. Mʌ̃́a idu Benjamiʌ̃ra edebidua. Wãrãda waya jẽda eneya.–
1293	GEN 43:2	Maʌ̃ne ãdjia trigo Egipto druad̶e nẽdoped̶ad̶ara jũma cosid̶aa. Maʌ̃ bẽrã ãdji zeza Jacoboba jarasia: –Wayacusa Egiptod̶aa trigo nẽdod̶e wãnadua.–
1299	GEN 43:8	Maʌ̃ne Judaba idji zeza Israelea jarasia: –Bʌa Benjamiʌ̃da mʌ̃ ume diabueibʌrʌ, daira ara nawena trigo nẽdod̶e wãbʌrʌd̶ia. Wãnaẽ́bʌrʌ bʌda, daida, dai warrarã sid̶a jũma quininia.
1302	GEN 43:11	Maʌ̃ne dji zeza Israelba panusia: –Wãrãda Benjamiʌ̃da eded̶ida panʌbʌrʌ, nãwã od̶adua. Dadjirã ẽjũãnebema ne biara b̶eada bãrã sacod̶e b̶ʌd̶aped̶a maʌ̃ ẽberãa diad̶e wãnadua. Balsamo nẽãrãda, urrajõda, mirra querada, dewara quera tũãpa b̶eada, pistacho bacuru tada, almendra sid̶a maãrĩ diad̶adua.
1309	GEN 43:18	Wãbʌdad̶e Jose djabarãra daupera panʌ bẽrã nãwã jara panasid̶aa: –Naãrã zesid̶ad̶e parata dadji sacod̶e b̶ʌped̶ad̶a carea jãwã idji diguid̶aa edebibʌrʌa. Idjia jaraya dadjia maʌ̃ paratara drʌasid̶ada. Maʌ̃ carea dadjira jidabiya idji nezocarãda b̶ead̶amãrẽã. Dadjirã burro sid̶a jãrĩya.–
1342	GEN 44:17	Maʌ̃ne Joseba jarasia: –Mʌ̃a mãwã oẽ́a. Dji taza drʌa erob̶ad̶adrʌ mʌ̃ nezoca baya. Waabemara necai wãnadua bãrã zezamaa.–
1350	GEN 44:25	Dãrãbʌrʌd̶e dai zezaba jarasia: “Waya trigo nẽdod̶e wãnadua.”
1360	GEN 45:1	Maʌ̃ bed̶ea ũrĩbʌrʌd̶e Josera so borequea nũmesia. Waa poya droaẽ́ bẽrã jũma idji nezocarã arima b̶eaa jĩgua jarasia: –¡Jũma dajadaa wãnadua!– Ara maʌ̃da wãsid̶aa. Ab̶abe idji djabarãda idji ume panesid̶aa. Mãwã panʌne Josera bio jĩãsia. Maʌ̃ jĩãbira idji nezocarã dajada panʌba ũrĩsid̶aa. Maʌ̃ awara idji jĩãnanebemada Egiptod̶ebema boro ded̶e panabadarãba ũrĩsid̶aa. Jĩãnacarea Joseba idji djabarãa cawabisia idjida mãwã b̶ʌda.
1388	GEN 46:1	Ara maʌ̃da Jacobo Israel abadara wãsia jũma idjia erob̶ʌ bara. Wãbʌrʌd̶e Beersebád̶e jũẽsia. Mama idjia animarãda idji zeza Isaba ĩjã b̶ad̶a Ãcõrẽa babue diacuasia.
1390	GEN 46:3	Ãcõrẽba jarasia: –Mʌ̃ra bʌ zezaba ĩjã b̶ad̶a Ãcõrẽa. Wayarãdua Egiptod̶aa wãi carea. Jãma mʌ̃a puru waib̶ʌada bʌd̶eba yõbiya.
1447	GEN 47:26	Ara maʌ̃da Joseba leyda b̶ʌsia egiptorãba ewabʌdad̶e ẽ juesumanebemada ab̶a Egiptod̶ebema boroa diad̶ida panʌda. Wad̶ibid̶a Egipto druad̶e mãwã obadaa. Ab̶abe ʌ̃mãdaúa bia bed̶eabada sacerdoterãba mãwã diad̶acaa, Egiptod̶ebema boroba ãdji ẽjũãra nẽdod̶aẽ́ bẽrã.
1471	GEN 48:19	Baribʌrʌ idji zezaba mãwã o quĩrĩãẽ́ basía. Ãtebʌrʌ jarasia: –Warra, mʌ̃a cawa b̶ʌa mʌ̃ jʌwara cai ʌ̃rʌ̃ b̶ʌsida. Bʌ warra iwinaneba ẽberãrãda zocãrã yõnia. Idjira dji dromada b̶aya. Baribʌrʌ dji djaba tẽãbemara idji cãyãbara dji dromaara b̶aya. Dji tẽãbema warrarãneba puruda zocãrã yõnia.–
1517	GEN 50:10	Wãbʌdad̶e trigo tẽũbada Atad abadama jũẽsid̶aa. Maʌ̃gʌra Jordaʌ̃ dod̶eba ʌ̃mãdau odjabariare b̶ʌa. Mama Josera waabemarã sid̶a idji zeza Jacobo carea wayacusa aujĩãsid̶aa. Siete ewari bio ororoa aujĩãsid̶aa.
1526	GEN 50:19	Maʌ̃ne Joseba panusia: –Wayarãnadua. Mʌ̃ra Ãcõrẽẽ́a bãrã cawa oi carea.
1528	GEN 50:21	Wayarãnadua. Mʌ̃a bãrãra careba b̶aya. Mʌ̃a dia b̶aya bãrãra, bãrã warrarã sid̶a ne cod̶amãrẽã.– Mãwã quĩrĩãneba jarad̶a bẽrã Joseba ãdjira sobiabisia.
1532	GEN 50:25	Maʌ̃ne Joseba Israel ẽberãrãa jarasia: –Wãrãda Ãcõrẽba bãrãra carebaya. Maʌ̃ ewarid̶e bãrãba mʌ̃ b̶ʌwʌrʌra namaʌba Canaaʌ̃ druad̶aa tʌb̶arid̶e eded̶adua.– Maʌ̃gʌra Joseba Israel ẽberãrãa wãrãneba jarabisia.
1549	EXO 1:16	–Bãrãba hebreo wẽrãda careba warra tobibʌdad̶e acʌd̶adua dji cãrẽda tosi cawaya. Umaquĩrã warrada toibʌrʌ, bead̶adua. Wẽrãcauda toibʌrʌ, idu b̶ʌd̶adua.–
1592	EXO 3:12	Maʌ̃ne Ãcõrẽba panusia: –Wãdua. Mʌ̃ra bʌ ume b̶aya. Mʌ̃a nãwã unubiya bʌra wãrãda diabuesida. Bʌa israelerãra Egiptod̶ebemada ãyã edeped̶a bãrãba naʌ̃ eyad̶e mʌ̃́a bia bed̶ead̶e zed̶ia.–
1609	EXO 4:7	Ãcõrẽba jarasia: –Wayacusa bʌ jʌwara bʌa jʌ̃ b̶ʌ edre berajudua.– Ara maʌ̃da Moiseba waya berajuped̶a ẽũta edabʌrʌd̶e idji jʌwara ab̶ed̶a bia b̶asia.
1627	EXO 4:25	Baribʌrʌ Moise quima Seporába ãdji warra zaque cacuara neco mõgara od̶aba wẽãgosia. Maʌ̃ e wẽãgod̶ara Moise jĩrũ caita cob̶ʌsia. Maʌ̃ bẽrã Ãcõrẽba Moisera beaẽ́ basía. Maʌ̃ carea Seporába Moisea jarasia: –Wãrãda bʌra mʌ̃ quima arada b̶esia warra zaque cacua wẽãgod̶a oad̶eba zocai b̶ed̶a bẽrã.–
1651	EXO 5:18	Wãnadua bãdji trajud̶aa. Daiba chiruara bãrãa waa diad̶aẽ́a. Baribʌrʌ bãrãba de obada mõgarara naãrã o panana quĩrãca od̶ida panʌa.–
1750	EXO 9:7	Egiptod̶ebema boroba ẽberãrãda israelerã animarã acʌd̶e diabuesia. Wãnaped̶a unusid̶aa israelerã animarãra ni ab̶a bid̶a beud̶aẽ́ basida. Baribʌrʌ Egiptod̶ebema boroba maʌ̃da cawasimĩna so zarea b̶esia. Maʌ̃ bẽrã israelerãra idu wãbiẽ́ basía.
1758	EXO 9:15	Wãrãda naʌ̃ naẽna mʌ̃ ʌb̶ʌad̶eba bʌra, bʌ druad̶ebemarã sid̶a jũma quinibida b̶asia ni ab̶a bid̶a naʌ̃ ẽjũãne b̶erãmãrẽã.
1760	EXO 9:17	Baribʌrʌ bʌa wad̶ibid̶a mʌ̃ puruda biẽ́ o b̶ʌa. Wad̶ibid̶a ãdjirãra idu wãbiẽ́ b̶ʌa.
1771	EXO 9:28	Maʌ̃ bẽrã Ãcõrẽa iwid̶id̶adua naʌ̃ hielo jurru nũmʌra, baa sid̶a jõbimãrẽã. Maʌ̃be mʌ̃a israelerãra idu wãbiya. Waa ãdjirãra Egiptod̶e b̶ebiẽ́a.–
1787	EXO 10:9	Moiseba panusia: –Dairãra jũma wãnia. Warra zaquerãra, drõãrãra, dai warrarãra, dai caurã sid̶a wãnia. Dai animarã sid̶a eded̶ia. Dairãra jũma wãnia Ãcõrẽa animarã babue diad̶i bẽrã.–
1815	EXO 11:8	Mãwãbʌrʌd̶e dji dromarãda mʌ̃maa zed̶ia. Ãdjirãra mʌ̃ quĩrãpita chĩrãborod̶e copanenaped̶a jarad̶ia: “Wãdua. Jũma israelerã sid̶a pe ededua.” Bãrãba mãwã jarabʌdad̶ebʌrʌ mʌ̃ra wãya.– Moisera bio quĩrũ b̶ʌda Egiptod̶ebema boromaʌba ẽdrʌsia.
1887	EXO 13:19	Maʌ̃ne Moiseba Jose querasi b̶ʌwʌrʌra edesia Canaaʌ̃ druad̶e tʌb̶ari carea. Mãwã osia Jose querasiba naẽna israelerãa wãrãneba jarabid̶a bẽrã mãwã od̶amãrẽã. Jose querasiba nãwã jarasia: –Wãrãda Ãcõrẽba bãrãra carebaya. Maʌ̃ ewarid̶e bãrãba mʌ̃ b̶ʌwʌrʌra namaʌba Canaaʌ̃ druad̶aa tʌb̶arid̶e eded̶adua.–
1985	EXO 17:1	Maʌ̃be israelerãra ẽjũã põãsa ewaraga b̶ʌ Siʌ̃ abadad̶eba jũma wãbʌrʌsid̶aa. Wãnane Ãcõrẽba cawabibadjia sãma wãnida panʌda idjab̶a sãma cãĩnida panʌda. Maʌ̃ne Repidiʌ̃ abadama jũẽne wãsid̶aa. Baribʌrʌ mama baidora neẽ́ basía dod̶i carea.
2088	EXO 21:10	Dji nẽdod̶aba dewara wẽrãda edaibʌrʌ, idjia naãrã erob̶ad̶ara igaraiẽ́ b̶ʌa. Idjia wad̶ibid̶a ne coi careabemada, wua sid̶a dia b̶aida b̶ʌa. Wad̶ibid̶a idji quima ara quĩrãca erob̶aida b̶ʌa.
2171	EXO 23:26	Bãrã druad̶e wẽrãrãra warra ʌradʌgad̶aẽ́a. Wẽrãrã warra tod̶acara neẽ́ baya. Idjab̶a mʌ̃a bãrãra dãrã zocai b̶ʌya.
2192	EXO 24:14	Wãni naẽna Moiseba israelerã bororãa jarasia: –Nama pananadua ab̶a dai zebʌdad̶aa. Aaroʌ̃ra, Hur sid̶a bãrã ume panania. Bariduaba nẽbʌrada oibʌrʌ, ãdjimaa wãnida panʌa maʌ̃ nẽbʌra cawa od̶amãrẽã.–