22	GEN 1:22	Maʌ̃be ãdjirãra nãwã bia jarasia: –Zocãrã yõnadua. Pusara, do sid̶a birad̶adua. Idjab̶a ĩbana sid̶a naʌ̃ ẽjũãne zocãrã yõnadua.–
99	GEN 4:19	Maʌ̃ Lameba wẽrãda umé erob̶asia. Ab̶ara Adá abadjid̶aa, dewarabemara Zila abadjid̶aa.
102	GEN 4:22	Zilaba Tubal-Caiʌ̃da tosia. Idjia bronced̶ebemada idjab̶a jiorrod̶ebema sid̶a ne o cawa b̶asia. Tubal-Caiʌ̃ djabawẽrãra Naamá abadjid̶aa.
103	GEN 4:23	Ewari ab̶a Lameba idji quimarã Adáa, Zilaa bid̶a jarasia: Adá, Zila, mʌ̃ bed̶eada ũrĩnadua. Mʌ̃a ẽberã cũdra b̶ʌda beasia idjia mʌ̃ djara tud̶a carea, mʌ̃ puod̶a carea.
254	GEN 10:19	Naãrã ãdji druara b̶asia Sidoʌ̃ purud̶eba ab̶a Gaza purud̶aa idjab̶a Guerar caita bid̶a. Maʌ̃ awara ãdji puru Sodomada, Gomorrada, Admada, Zeboiʌ̃da, Lasa sid̶a ãdji drua daucha icawa panasid̶aa.
317	GEN 12:18	Maʌ̃neba dji boroba cawasia Saraira Abraʌ̃ quimada. Maʌ̃ bẽrã Abraʌ̃ra trʌ̃biped̶a jarasia: –¿Cãrẽ cãrẽã mʌ̃́a jaraẽ́ basi Saraira bʌ quimada? ¿Cãrẽ cãrẽã bʌ djabawẽrãana asi? Mʌ̃a bʌ quimara berara edasia. ¿Cãrẽ cãrẽã mʌ̃ra jãwã osi? Za b̶ʌa bʌ quimara. Edaped̶a isabe wãdua.–
329	GEN 13:10	Maʌ̃ne Loba Jordaʌ̃ do jewed̶ada jũma unusia ab̶a Zoar purud̶aa. Maʌ̃ jewed̶ad̶e dji ẽjũãra bia b̶asia Ãcõrẽ néu b̶ad̶a quĩrãca idjab̶a Egipto drua quĩrãca. Maʌ̃ jewed̶ara mãwã b̶asia Ãcõrẽba Sodoma puruda Gomorra puru sid̶a babuei naẽna.
339	GEN 14:2	Maʌ̃ Quedorlaómeare b̶eara Berá abada ume djõ panasid̶aa. Maʌ̃ Berára Sodoma purud̶ebema boro basía. Idjiare naʌ̃ bororãda panasid̶aa: Birsa, Gomorra purud̶ebemada; Sinabo, Admá purud̶ebemada; Semebé, Zeboiʌ̃ purud̶ebemada; idjab̶a Bela purud̶ebema boro sid̶a. Bela purura Zoar abadaa.
345	GEN 14:8	Quedorlaómeare panʌba maʌ̃ puru b̶eara jũma poyad̶aped̶a Sidim jewed̶ad̶aa wãsid̶aa. Mama Sodomanebema boroare panʌra ãbaa dji jʌre panasid̶aa ãdjirã ume djõni carea. Sodomanebema boroare panʌra naʌ̃gʌrã basía: Gomorrad̶ebema boroda, Admánebema boroda, Zeboiʌ̃nebema boroda, idjab̶a Belad̶ebema boro sid̶a. Bela purura Zoar abadaa. Maʌ̃ bororãra juesuma panasid̶aa. Maʌ̃ne Elaʌ̃nebema boro Quedorlaómeare panʌra naʌ̃gʌrã basía: Goiʌ̃nebema boro Tidaleda, Sinard̶ebema boro Amrapelda, Elasard̶ebema boro Ario sid̶a. Ãdjira quĩmãrẽ panasid̶aa.
372	GEN 15:11	Maʌ̃ne ãgosora zesesid̶aa animarã bead̶a cod̶i carea. Zesebʌdad̶e Abraʌ̃ba ãyã jʌrecuabadjia.
435	GEN 18:10	Maʌ̃ne ãdjirãnebema ab̶aʌba jarasia: –Za zei poad̶e mʌ̃ra wayacusa bʌ acʌd̶e zeya. Maʌ̃ne bʌ quimaba umaquĩrã warrada to erob̶aya.– Mãwã bed̶ea panʌda Saraba Abrahaʌ̃ ẽcarraare ãdji ded̶e ed̶aa wãbadad̶eba jũma ũrĩ b̶asia.
480	GEN 19:22	Baribʌrʌ isabe wãdua jãma jũẽi carea. Mʌ̃a ni cãrẽ sid̶a poya oẽ́a bʌ jãma jũẽi naẽna.– Loba maʌ̃ purura wãrãda caibe quiruad̶a ad̶a bẽrã dji puru trʌ̃ra b̶esia Zoar.
481	GEN 19:23	Lo Zoard̶e jũẽbʌrʌbara ʌ̃mãdaura odjabʌrʌ basía.
488	GEN 19:30	Mãwãnacarea Lora Zoar purud̶e b̶aida wayasia. Maʌ̃ carea idji caurã ume ẽjũã eyaid̶a b̶ʌmaa wãsia. Mama ãdjira eya uriad̶e panesid̶aa.
555	GEN 22:7	Wãbʌdad̶e Isaba Abrahaʌ̃a jarasia: –¡Zeza!– Abrahaʌ̃ba panusia: –¿Cãrẽ, warra?– Isaba iwid̶isia: –Nama dadjia tʌbʌda, tʌbʌdau sid̶a eropanʌa baribʌrʌ ¿sãma b̶ʌ oveja zaque Ãcõrẽa babue diad̶ira?–
580	GEN 23:8	Maʌ̃be jarasia: –Bãrãmaa mʌ̃ quimara nama tʌb̶arida wãrãda bia b̶ʌbʌrʌ, mʌ̃ djuburia Zohar warra Eproʌ̃ ume bed̶ead̶adua.
661	GEN 25:2	Maʌ̃ Queturába tosia Zimraʌ̃, Jocsaʌ̃, Medaʌ̃, Madiaʌ̃, Isbac, Súa sid̶a.
668	GEN 25:9	Dji warrarã Isaba, Ismael bid̶a idjira tʌb̶arisid̶aa bẽwãrã joubada uria Macpela abadad̶e Sara tʌb̶ariped̶ad̶ama. Maʌ̃ uriara Mamre ẽjũãneba ʌ̃mãdau odjabariare b̶ʌa. Dji ẽjũãra Abrahaʌ̃ba hitita Zohar warra Eproʌ̃neda nẽdosia.
746	GEN 27:18	Idji zezamaa wãped̶a Jacoboba jarasia: –¡Zeza!– Isaba panusia: –¿Cãrẽ, warra? Bʌra ¿caida mãwã b̶ʌ?–
759	GEN 27:31	Idjia bid̶a djicoda warra osia. Maʌ̃da dji zezamaa edeped̶a jarasia: –Zeza, mʌ̃ra ne beasia. Ʌ̃ta chũmeped̶a codua. Maʌ̃be mʌ̃ra bia jara b̶ʌdua.–
762	GEN 27:34	Esaúba dji zeza bed̶ea ũrĩsid̶e ab̶ed̶a bio sopuasia. Maʌ̃ne jĩã b̶ʌba jĩgua jarasia: –¡Zeza, mʌ̃ sid̶a bia jara b̶ʌdua!–
766	GEN 27:38	Maʌ̃ne Esaúba dji zezaa b̶ia iwid̶isia: –Zeza, bʌa ¿ab̶abe idjidrʌ poya bia jara b̶ʌica? ¡Ay, zeza, mʌ̃ sid̶a bia jara b̶ʌdua!– Mãwã jara b̶ʌd̶e Esaúra bio jĩã nũmasia.
819	GEN 29:23	Baribʌrʌ diamasi maʌ̃ b̶ʌsrid̶a o panasid̶ad̶e Labaʌ̃ba idji cau nabema Leada Jacoboa diasia. Idjab̶a idji nezocawẽrã Zilpa abadada Leaa diasia nezoca bara b̶amãrẽã. Maʌ̃ne Jacoboba Leada mãwã b̶ʌda adua b̶asia, diamasi nũmʌ bẽrã. Ara maʌ̃da Jacobora Lea ume cãĩsia.
840	GEN 30:9	Maʌ̃ ewarid̶e Leaba crĩchasia waa warrara toẽ́da. Maʌ̃ carea idji nezocawẽrã Zilpada Jacoboa quima quĩrãca diasia.
841	GEN 30:10	Mãwã Zilpaba umaquĩrã warrada Jacoboa to diasia.
843	GEN 30:12	Mãwãnacarea Lea nezocawẽrã Zilpaba wayacusa umaquĩrã warrada Jacoboa to diasia.
851	GEN 30:20	Leaba jarasia: “Ãcõrẽba mʌ̃́a nebiada diasia. Mʌ̃a sei umaquĩrã warra tod̶a bẽrã mʌ̃ quimaba mʌ̃ra bia unuya.” Mãwã dji warrara trʌ̃ b̶ʌsia Zabuloʌ̃.
909	GEN 31:35	Maʌ̃ne Raquelba jarasia: –Zeza, quĩrũrãdua mʌ̃ra bʌ quĩrãpita poya piradrʌẽ́ bẽrã. Mʌ̃ra jed̶eco unu b̶ʌa.– Labaʌ̃ba idji jʌwaba od̶a ãcõrẽra unuẽ́ bad̶amĩna wad̶i jʌrʌ b̶asia.
917	GEN 31:43	Maʌ̃ ũrĩped̶a Labaʌ̃ba Jacoboa jarasia: –Naʌ̃ wẽrãrãda mʌ̃ caurãa, naʌ̃ warrarãda mʌ̃ wiuzaquerãa, za b̶ea ovejara mʌ̃rea. Za bʌa unu b̶ʌra jũma mʌ̃rea. Mãwãmĩna mʌ̃ caurãra, ãdjia toped̶ad̶a warrarã sid̶a ¿mʌ̃a sãwã oi?
966	GEN 33:5	Mãwã panʌne Esaúba Jacobo wẽrãrãra, jũma idji warrarã sid̶a unuped̶a iwid̶isia: –Za panʌra ¿cai?– Jacoboba panusia: –Mʌ̃ boro, naʌ̃gʌrãra mʌ̃ warrarãa, Ãcõrẽba idji biad̶eba mʌ̃́a diad̶aa.–
985	GEN 34:4	Maʌ̃ ewarid̶e Siqueʌ̃ba idji zeza Hamoa jarasia: –Zeza, jãʌ̃ wẽrãra mʌ̃ itea iwid̶id̶e wãdua.–
1035	GEN 35:23	Leaba tod̶ara naʌ̃gʌrã basía: dji iwinada Rubeʌ̃, idjiare Simeoʌ̃, Levi, Juda, Isacar, Zabuloʌ̃ sid̶a.
1038	GEN 35:26	Lea nezocawẽrã Zilpaba tod̶ara naʌ̃gʌrã basía: Ga idjab̶a Aser. Jũma maʌ̃gʌrã basía Jacobo warrarã Padan-Araʌ̃ druad̶e toped̶ad̶ada.
1043	GEN 36:2	Esaúba quimada ũbea erob̶asia. Canaaʌ̃nebemada umé erob̶asia. Ab̶a Adá abadjid̶aa. Adára hitita Eloʌ̃ cau basía. Dewarabemara Aholibamá basía. Aholibamára Aná cau basía; Anára heveo Zibeoʌ̃ warra basía.
1052	GEN 36:11	Elipaba naʌ̃ warrarãda unusia: Temaʌ̃, Omar, Zepo, Gataʌ̃, Quenaz sid̶a.
1054	GEN 36:13	Maʌ̃ne Reuelba naʌ̃ warrarãda unusia: Nahat, Zerá, Samá idjab̶a Miza. Maʌ̃ warrarãra Basemá wiuzaquerã basía.
1055	GEN 36:14	Esaú quima Aholibamáda Aná cau basía, Zibeoʌ̃ ãĩzaque basía. Aholibamába naʌ̃ warrarãda Esaúa to diasia: Jeú, Jaalaʌ̃, Core sid̶a.
1056	GEN 36:15	Esaúd̶eba yõna purud̶ebema bororã trʌ̃da nama b̶ʌ́ b̶ʌa. Dji warra iwina Elipad̶eba yõna bororãda naʌ̃gʌrã basía: Temaʌ̃, Omar, Zepo, Quenaz, Core, Gataʌ̃, Amale sid̶a. Ãdjirãra Edoʌ̃ druad̶e duanabadjid̶aa. Jũma ãdjirãda Esaú quima Adád̶eba yõsid̶aa.
1058	GEN 36:17	Esaú warra Reueld̶eba yõped̶ad̶a bororãda naʌ̃gʌrã basía: Nahat, Zerá, Samá, Miza sid̶a. Ãdjirã sid̶a Edoʌ̃ druad̶e duanabadjid̶aa. Jũma ãdjirãda Esaú quima Basemáneba yõsid̶aa.
1061	GEN 36:20	Esaú Edoʌ̃ druad̶aa wãi naẽna horeorãda maʌ̃ druad̶e panabadjid̶aa. Maʌ̃ horeorãra Seírd̶eba yõsid̶aa. Seír warrarãra naʌ̃gʌrã basía: Lotaʌ̃, Sobal, Zibeoʌ̃, Aná, Disoʌ̃, Ezer, Disaʌ̃ sid̶a. Maʌ̃gʌrãra Edoʌ̃ druad̶e horeorã bororã basía.
1065	GEN 36:24	Seír warra Zibeoʌ̃ba Ajada idjab̶a Aná sid̶a unusia. Maʌ̃ Anába idji zeza burrora ẽjũã ewaraga b̶ʌd̶e ne cobi b̶asid̶e egorod̶eba baidoda ʌ̃taa bogadrʌ b̶ʌda unusia.
1068	GEN 36:27	Seír warra Ezerba unusia Bilhaʌ̃, Zaavaʌ̃, Acaʌ̃ sid̶a.
1070	GEN 36:29	Horeorã bororãra naʌ̃gʌrã basía: Lotaʌ̃, Sobal, Zibeoʌ̃, Aná,
1074	GEN 36:33	Bela beud̶acarea Zerá warra Jobáda dji boro basía. Jobára Bosra purud̶ebema basía.
1086	GEN 37:2	Nama nẽbʌrʌ b̶ʌa Jacobo warrarãba oped̶ad̶ad̶ebemada. Jacobo warra Jose diecisiete poa b̶asid̶e idji djabarã ume oveja waga b̶abadjia. Idji zezaba quima quĩrãca erob̶ʌ wẽrãrã Bilhaba idjab̶a Zilpaba toped̶ad̶a ume Josera biara trajabadjia. Diguid̶a wãbʌrʌd̶e Joseba idji zezaa jarabadjia idji djabarãba cadjirua o panʌda.
1106	GEN 37:22	Idji oara erozoabid̶aẽ́a. Za b̶ʌ baido juebada uriad̶e b̶atabued̶ia, baribʌrʌ bead̶aẽ́a.– Rubeʌ̃ba mãwã jarasia Josera ẽdrʌ b̶ʌped̶a dji zezamaa wayacusa edeida crĩchad̶a bẽrã.
1117	GEN 37:33	Jacoboba maʌ̃ unusid̶e nãwã jarasia: –Za b̶ʌra mʌ̃ warraba cacuad̶e jʌ̃ b̶ad̶aa. Animarãba idjira beaped̶a cobuesia.–
1148	GEN 38:28	Tobʌrʌd̶e jʌwada na odjasia. Maʌ̃ne dji warra careba tobibari wẽrãba maʌ̃ jʌwad̶e jʌ̃cara purruda jʌ̃ b̶ʌsia. Jarasia: “Za b̶ʌda na odjasia.”
1150	GEN 38:30	Mãwãnacarea idji djaba, jʌwad̶e jʌ̃cara purru jʌ̃ b̶ʌda tosia. Maʌ̃ carea idjira trʌ̃ b̶ʌsid̶aa Zará.
1241	GEN 41:45	Egiptod̶ebema boroba Jose trʌ̃ra b̶ʌsia Zapnat-panea. Maʌ̃ awara wẽrã Asena abadada Josea diasia idji quima bamãrẽã. Maʌ̃ Asenara Potipera cau basía. Potiperara Oʌ̃ purud̶e ʌ̃mãdaúa bia bed̶eabadarã sacerdote basía. Mãwã Josera jũma Egipto druad̶e dji dromada b̶esia.
1281	GEN 42:28	Dauperaped̶a idji djabarãa jarasia: –Mʌ̃ paratara jẽda diasid̶aa. Za mʌ̃ sacod̶e ed̶a cob̶ʌa.– Maʌ̃ carea jũmarãda dauperasid̶aa. Ne wayaaba ure duanʌne nãwã jarasid̶aa: –¿Cãrẽ cãrẽã Ãcõrẽba dadjira jãwã o b̶ʌ?–
1290	GEN 42:37	Maʌ̃ne Rubeʌ̃ba jarasia: –Zeza, mʌ̃a Benjamiʌ̃ra waya bʌmaa eneya. Eneẽ́bʌrʌ, mʌ̃ warrarãda umé beaida b̶ʌa. Mʌ̃́a idu Benjamiʌ̃ra edebidua. Wãrãda waya jẽda eneya.–
1357	GEN 44:32	Mʌ̃ bʌ nezocaba mʌ̃ zezaa wãrãneba jarasia dji cũdrara waya eneida. Mʌ̃a jarasia: “Zeza, mʌ̃a waya bʌmaa eneẽ́bʌrʌ, bʌ quĩrãpita mʌ̃ra bed̶ead̶e b̶aya ab̶a mʌ̃ beubʌrʌd̶aa.”
1369	GEN 45:10	Zeped̶a Goseʌ̃ ẽjũãne b̶eya. Mãwã bʌra, bʌ warrarã sid̶a, bʌ wiuzaquerã sid̶a mʌ̃ caita duanania. Bʌ animarã b̶eara, jũma bʌa erob̶ʌ sid̶a enedua.
1397	GEN 46:10	Jacobo warra Simeoʌ̃ sid̶a wãsia. Simeoʌ̃ba edesia idji warrarã Jemuel, Jamiʌ̃, Ohad, Jaquiʌ̃, Zohar, Saul sid̶a. Saulora cananeo wẽrãba tod̶a basía.
1399	GEN 46:12	Jacobo warra Juda sid̶a wãsia. Judaba edesia idji warrarã Sela, Paré, Zará sid̶a. Idji warrarã Erera, Onaʌ̃ sid̶a Canaaʌ̃ druad̶e beusid̶aa. Paréba idji warrarã Hezroʌ̃da, Hamul sid̶a edesia.
1401	GEN 46:14	Jacobo warra Zabuloʌ̃ sid̶a wãsia. Zabuloʌ̃ba idji warrarã Sered, Eloʌ̃, Jahleel sid̶a edesia.
1403	GEN 46:16	Jacoboba Lea edasid̶e dji zãwãrẽ Labaʌ̃ba nezocawẽrã Zilpara Leaa diasia. Zilpaba warrarãda Jacoboa to diasia. Maʌ̃gʌrã sid̶a Egiptod̶aa wãsid̶aa ãdji warrarã bara. Jũma ãbaa diecisei wãsid̶aa. Ãdji warra Gaba idji warrarã Zipioʌ̃, Hagui, Ezboʌ̃, Suni, Eri, Arodi, Areli sid̶a edesia. Ãdji warra Aserba edesia idji warrarã Imna, Isúa, Isúi, Beria, dji cau Será sid̶a. Beria warrarãra Hebere idjab̶a Malquiel basía.
1460	GEN 48:8	Jacobo Israel abadaba Jose warrarãra unuped̶a iwid̶isia: –Za panʌra ¿cai?–
1469	GEN 48:17	Joseba unusia idji zeza jʌwa arara dji tẽãbema Epraiʌ̃ boro ʌ̃rʌ̃ b̶ʌda. Maʌ̃ra Joseba biẽ́ unusia. Maʌ̃ carea idji zezaa jarasia: –Zeza, jãwãẽ́a. Za b̶ʌdrʌ mʌ̃ warra iwinaa. Idji boro ʌ̃rʌ̃bʌrʌ bʌ jʌwa arara b̶ʌdua.– Mãwã jarabʌrʌd̶e idji zeza jʌwara Epraiʌ̃ borod̶e b̶ʌda jidaped̶a Manase boro ʌ̃rʌ̃ b̶ʌ quĩrĩã b̶asia.
1487	GEN 49:13	Zabuloʌ̃, bʌ ẽberãrãda pusa icawa duanania. Ãdji druad̶e barcora necai wib̶arid̶ia. Ãdji ẽjũãra ab̶a Sidoʌ̃ drua daucha b̶aya.
1536	EXO 1:3	Isacar, Zabuloʌ̃, Benjamiʌ̃,
1600	EXO 3:20	Maʌ̃ bẽrã mʌ̃ ʌb̶ʌada egiptorãa unubiya. Zocãrã ne ununaca waib̶ʌa b̶eada oya ãdjirãra cawa oi carea. Mãwãbʌrʌ Egiptod̶ebema boroba israelerãra idu wãbiya.
1671	EXO 6:15	Simeoʌ̃ warrarãra naʌ̃gʌrã basía: Jemuel, Jamiʌ̃, Ohad, Jaquiʌ̃, Zoha, idjab̶a Saul. Saulora cananeo wẽrãba tod̶a basía. Maʌ̃gʌrãra Simeoʌ̃neba yõped̶ad̶a bororã basía.
1677	EXO 6:21	Izar warrarãra naʌ̃gʌrã basía: Core, Nepeg, idjab̶a Zicri.
1892	EXO 14:2	–Israelerãa jaradua Pi-Ajirod̶aa jẽda wãnamãrẽã. Jãma Migdol puru quĩrãpe pusa icawa ãdji wua dera Baal-Zepoʌ̃ caita ocuad̶ida panʌa.
1899	EXO 14:9	Jũma Egiptod̶ebema sordaorãra israelerã caid̶u wãsid̶aa; cawayod̶eba djõbadarãda, carretad̶eba djõbadarãda, waabema sordaorã sid̶a. Israelerãra pusa icawa Pi-Ajiro caita Baal-Zepoʌ̃ quĩrãpe unune wãsid̶aa.
2982	LEV 10:4	Maʌ̃be Moiseba Aaroʌ̃ djabadrõã Uziel warrarã Misaelda, Elzapaʌ̃ sid̶a trʌ̃ped̶a jarasia: –Zed̶adua. Bãrã ẽberãrã beuped̶ad̶ara Ãcõrẽ wua de caitabemada puru jĩga eded̶adua.–
4004	NUM 10:15	Ãdjirã ume Isacard̶eba yõna puruda wãsia. Ãdji borora Zuá warra Natanael basía.
4005	NUM 10:16	Idjab̶a Zabuloʌ̃neba yõna puru sid̶a ãdjirã ume wãsia. Ãdji borora Heloʌ̃ warra Eliá basía.
4008	NUM 10:19	Ãdjirã ume Simeoʌ̃neba yõna puruda wãsia. Ãdji borora Zurisadai warra Selumiel basía.
4076	NUM 12:16	Zed̶acarea Hazerod̶eba Paraʌ̃ ẽjũã põãsa ewaraga b̶ʌd̶e jũẽne wãsid̶aa.
4080	NUM 13:4	Ãdjirãra naʌ̃gʌrã basía: Rubeʌ̃neba yõna purud̶ebema Zacu warra Samuada,
4086	NUM 13:10	Zabuloʌ̃neba yõna purud̶ebema Sodi warra Gadielda,
4097	NUM 13:21	Ara maʌ̃da Canaaʌ̃ drua acʌd̶e wãsid̶aa. Ãdjirãba jũma acʌsid̶aa Ziʌ̃ ẽjũã põãsa ewaraga b̶ʌd̶eba ab̶a Reho purud̶aa. (Reho purura Hamá drua caita b̶ʌa.)
4098	NUM 13:22	Negue ẽjũã põãsa ewaraga b̶ʌare wãnaped̶a Hebroʌ̃ purud̶e jũẽne wãsid̶aa. Maʌ̃ purud̶e Ahimaʌ̃da, Sesaida, Talmai sid̶a panabadjid̶aa. Ãdjira Anacad̶eba yõped̶ad̶a basía. (Ãdji drõã naẽnabemarãba Hebroʌ̃ purura osid̶aa siete poa egiptorãba Zoaʌ̃ puru od̶i naẽna.)
4313	NUM 20:1	Poa djiwid̶id̶e dji nabema jed̶ecod̶e israelerãra Cadé abadama jũẽne wãsid̶aa. Maʌ̃ Cadéra Ziʌ̃ ẽjũã põãsa ewaraga b̶ʌd̶e b̶ʌa. Mama Moise djabawẽrã Mariara jaid̶aped̶a tʌb̶arisid̶aa.
4353	NUM 21:12	Mamaʌba wãnaped̶a Zared do jewed̶ad̶e duanesid̶aa.
4378	NUM 22:2	Maʌ̃ ewarid̶e Zipor warra Baláda moabitarã boro basía. Maʌ̃ Balába cawasia israelerãba amorreorãda poyad̶aped̶a ãdji druara jãrĩsid̶ada. Idjira, jũma moabitarã sid̶a bio ne waya duanesid̶aa israelerã cãbana panʌ bẽrã. Maʌ̃ carea moabitarãba Madiaʌ̃nebema dji dromarãa jarasid̶aa: –Naʌ̃ israelerãra cãbana panʌ bẽrã dadjirã druara jũma jãrĩnia pacaba chirua jũma cobari quĩrãca.–
4386	NUM 22:10	Balaaʌ̃ba Ãcõrẽa panusia: –Naʌ̃ ẽberãrãra moabitarã boro Zipor warra Balába nãwã jarad̶amãrẽã diabuesia:
4392	NUM 22:16	Ãdjirãra Balaaʌ̃ma jũẽnaped̶a jarasid̶aa: –Zipor warra Balába nãwã jarabisia: “Mʌ̃ quĩrã djuburia bʌra mʌ̃maa ze ama b̶arãdua.
4431	NUM 23:14	Ara maʌ̃da Balába idjira Pisga eyad̶e ʌ̃taa edesia Zopiʌ̃ ẽjũãnaa. Mama Balába wayacusa animarã babue diabadada siete osia. Maʌ̃za paca dji umaquĩrãda ab̶a idjab̶a oveja dji umaquĩrãda ab̶a Ãcõrẽa babue diasia.
4435	NUM 23:18	Maʌ̃ne Balaaʌ̃ra nãwã bed̶easia: Zipor warra Balá, mʌ̃a jara b̶ʌra bio quĩrãcuita ũrĩdua.
4486	NUM 25:14	Ẽberã madianita wẽrã ume ãbaa beud̶ara Zimri abadjid̶aa. Idjira Salu warra basía. Simeoʌ̃neba yõna purud̶ebema dji droma basía.
4487	NUM 25:15	Dji madianita wẽrã trʌ̃ra Cozbi abadjid̶aa. Idjira Zu cau basía. Zura Madiaʌ̃nebema dji droma basía.
4557	NUM 27:1	Wẽrãrãda juesuma panasid̶aa: Maala, Noa, Hogla, Milca idjab̶a Tirsa. Ãdji zeza querasira Zelopeha basía. Idjira Jose warra Manased̶eba yõna basía. Heper warra basía idjab̶a Gala wiuzaque basía. Galara Maqui warra basía. Maquira Manase warra basía.
4558	NUM 27:2	Ewari ab̶a Zelopeha querasi caurãra Ãcõrẽ wua ded̶e ed̶a wãbadamaa wãsid̶aa. Mama Moise quĩrãpita, sacerdote Eleaza quĩrãpita, puru quĩrãpita bid̶a nũpanenaped̶a nãwã jarasid̶aa:
4563	NUM 27:7	–Zelopeha caurãba arid̶e jara panʌa. Ãdji zeza djabarãba edabʌda ẽjũãnebemada diad̶adua ãdjid̶eba yõbʌdarãba erob̶ead̶amãrẽã.
4570	NUM 27:14	Mãwã jaid̶aya bãrãba Ziʌ̃ ẽjũã põãsa ewaraga b̶ʌd̶e mʌ̃a jarad̶ara ĩjã od̶aẽ́ basi bẽrã. Mama israelerãba quĩrũbid̶eba baido iwid̶isid̶ad̶e bãrãba ãdjirãa mʌ̃ra wãrãda Ãcõrẽda cawabid̶aẽ́ basía.– (Maʌ̃ra mãwãsia Ziʌ̃ ẽjũã põãsa ewaraga b̶ʌd̶e Cadé abadama. Mama Ãcõrẽba mõgarad̶eba baido weabid̶ama trʌ̃ b̶ʌsid̶aa “Meribá.”)
5844	DEU 34:3	Negue ẽjũãda, Jerico puru icawa b̶ʌ jewed̶a sid̶a jũma acʌbisia ab̶a Zoar purud̶aa. Jerico purura idjab̶a Uruta Puru abadaa.
5874	JOS 2:3	Maʌ̃ carea Jericod̶ebema boroba zarrarãda Rahámaa diabuesia. Maʌ̃misa Rahába israelerã umé panʌra mĩrũbisia. Zarrarãra jũẽnaped̶a nãwã jarasid̶aa: –Ẽberãrã bʌ diguid̶a jũẽped̶ad̶ara isabe dajadaa zebidua. Dadjirã drua acʌd̶e ze panʌa sãwã poyad̶i cawaya.– Rahába jarasia: –Wãrãda mʌ̃ ded̶e ẽberãrãra zesid̶aa, baribʌrʌ ãdjira sãmabemada mʌ̃a adua b̶asia.
5878	JOS 2:7	Rahába mãwã jarad̶a bẽrã zarrarãra israelerã caid̶u wãsid̶aa jidad̶i carea. Puru dajadaa wãnaped̶a dewararãba purud̶e ed̶a wãbadara jũãtrʌsid̶aa. Zarrarãra Jordaʌ̃ dod̶aa wãbada od̶e israelerã jʌrʌd̶e wãsid̶aa ab̶a Jordaʌ̃ do chãbadamaa.