42	GEN 2:11	Do nẽrã b̶ʌra ab̶a Pisoʌ̃ basía. Pisoʌ̃ra Havila druad̶e b̶ʌa. Havila druara oro bara b̶ʌa.
76	GEN 3:20	Adaʌ̃ba idji wẽrãra trʌ̃ b̶ʌsia Eva, idjira jũma dadji zocai b̶ea papa bẽrã.
81	GEN 4:1	Maʌ̃be Adaʌ̃ra dji quima Eva ume cãĩsia. Evara b̶iogoa b̶eped̶a warra tosia. Maʌ̃ne Evaba jarasia: “Mʌ̃a umaquĩrã warrada erob̶esia Ãcõrẽba carebad̶a bẽrã.” Mãwã dji warrara trʌ̃ b̶ʌsia Caiʌ̃.
82	GEN 4:2	Mãwãnacarea dji djaba Abelda tosia. Maʌ̃ Abelera oveja daupẽbari basía. Maʌ̃ne Caiʌ̃ra ne ubari basía.
84	GEN 4:4	Maʌ̃ne Abelba oveja zaquerã dji naãrã toped̶ad̶ada beaped̶a dji dragada Ãcõrẽa diasia. Ãcõrẽba Abelera idjia diad̶a sid̶a bia unusia.
106	GEN 4:26	Maʌ̃be Seba warrada unusia. Dji trʌ̃ra b̶ʌsia Enó. Maʌ̃ ewarid̶eba ʌ̃taa ẽberãrãba Ãcõrẽa ewari iwid̶ibʌdad̶e idji trʌ̃ra “Jehová” a panesid̶aa.
111	GEN 5:5	Jũma ãbaa Adaʌ̃ba noveciento treinta poa unusia. Mãwã b̶ʌda jaid̶asia.
114	GEN 5:8	Jũma ãbaa Seba noveciento doce poa unusia. Mãwã b̶ʌda jaid̶asia.
115	GEN 5:9	Enó noventa poa b̶asid̶e idji warra Cainaʌ̃da unusia.
117	GEN 5:11	Jũma ãbaa Enóba noveciento cinco poa unusia. Mãwã b̶ʌda jaid̶asia.
120	GEN 5:14	Jũma ãbaa Cainaʌ̃ba noveciento die poa unusia. Mãwã b̶ʌda jaid̶asia.
123	GEN 5:17	Jũma ãbaa ochociento noventa y cinco poa unusia. Mãwã b̶ʌda jaid̶asia.
126	GEN 5:20	Jũma ãbaa Jaréba noveciento sesenta y dos poa unusia. Mãwã b̶ʌda jaid̶asia.
133	GEN 5:27	Jũma ãbaa noveciento sesenta y nueve poa unusia. Mãwã b̶ʌda jaid̶asia.
136	GEN 5:30	Maʌ̃ Noé ununacarea Lamera quiniento noventa y cinco poa b̶asia. Maʌ̃ne warrarã, wẽrãcaurã sid̶a unusia.
141	GEN 6:3	Edaped̶ad̶acarea warrarãda yõsid̶aa. Maʌ̃ warrarãra naʌ̃ ẽjũãne drasoa waib̶ʌa warisid̶aa. Ãdjirãra trʌ̃ b̶ʌga b̶easia maʌ̃ drõãenabema ewarid̶e, nocoarebema ewarid̶e bid̶a. Ãdjirã carea Ãcõrẽba jarasia: “Mʌ̃a ẽberãrãa ʌ̃yãba diasia zocai pananamãrẽã baribʌrʌ djara bẽrã beud̶ia. Poa ciento veintebe b̶ead̶ia.”
195	GEN 8:11	Queubʌrʌd̶e puchirãra waya jẽda zesia. Maʌ̃ne dji quid̶ad̶e olivo bacuru queduada enesia. Maʌ̃neba Noéba cawasia ẽjũã ũ nũmanara wãrãda errubʌrʌda.
198	GEN 8:14	Jed̶eco ab̶a aud̶u veintisiete ewari b̶ʌd̶e ẽjũãra wãrãda bio põãsa b̶asia.
226	GEN 9:20	Maʌ̃be Noéba peada oped̶a uvada úsia.
227	GEN 9:21	Ewari ab̶a Noéba uva b̶a aseada do b̶asia. Maʌ̃ba idjira beu b̶esia. Maʌ̃ bẽrã idji dejãne ãcad̶a tab̶asia.
237	GEN 10:2	Japed̶eba yõped̶ad̶ara naʌ̃gʌrã basía: Gomer, Magog, Madai, Javaʌ̃, Tubal, Mesec, Tiras sid̶a.
239	GEN 10:4	Jape warra Javaʌ̃neba yõped̶ad̶ara naʌ̃gʌrã basía: Elisá, Tarsi, Quitiʌ̃, Rodaniʌ̃ sid̶a.
240	GEN 10:5	Javaʌ̃neba yõped̶ad̶ara pusa icawa drua osid̶aa. Maʌ̃ne jũma Jape warrarãba ãdjirãza puruda osid̶aa idjab̶a ãdji puruza ãdji quĩrãmera awara awara bed̶ea b̶easia.
242	GEN 10:7	Caʌ̃ warra Cusd̶eba yõped̶ad̶ara naʌ̃gʌrã basía: Sebá, Havila, Sabtá, Raamá, Sabteca sid̶a. Raamáneba yõped̶ad̶ara Chebá idjab̶a Dedaʌ̃ basía.
246	GEN 10:11	Mamaʌba Asiria druad̶aa wãsia. Mama puru osia Niniveda, Rehoboda, Cala sid̶a.
247	GEN 10:12	Idjab̶a Reseʌ̃ puru dromada osia Ninive idjab̶a Cala ẽsi.
252	GEN 10:17	heveorãda, araceorãda, sineorãda,
253	GEN 10:18	arvadeorãda, zemareorãda, hamateorã sid̶a. Canaaʌ̃neba yõped̶ad̶aba puru zocãrã o wãsid̶aa.
261	GEN 10:26	Joctaʌ̃neba yõped̶ad̶ara naʌ̃gʌrã basía: Almodad, Selep, Hazar-mavet, Jerá,
264	GEN 10:29	Opir, Havila, Jobá sid̶a. Jũma maʌ̃gʌrãra Joctaʌ̃ warrarã basía.
315	GEN 12:16	Sarai carea Egiptod̶ebema boroba Abraʌ̃ra bia osia. Abraʌ̃a diacuasia ovejada, pacada, burroda, nezoca umaquĩrãda, nezoca wẽrãda, cameyo sid̶a.
324	GEN 13:5	Maʌ̃ne Lora Abraʌ̃ ume b̶asia. Idjia bid̶a ovejada, paca sid̶a zocãrã erob̶asia. Wua deda zocãrã erob̶asia idji ẽberãrã itea, idji nezocarã itea bid̶a.
354	GEN 14:17	Abraʌ̃ba Quedorlaómera dji bororã idjiare djõ panʌ sid̶a poyaped̶a idji druad̶aa jẽda zesia. Savé jewed̶a “Ẽberãrã Boro Jewed̶a” abadad̶e wãbʌrʌd̶e Sodomanebema boroda Abraʌ̃ audiab̶arid̶e zesia.
355	GEN 14:18	Mãwã b̶ʌd̶e Saleʌ̃nebema boro Melquisedéda zesia. Maʌ̃ Melquisedéba paʌ̃da uva b̶a sid̶a enesia. Melquisedéra Ãcõrẽ dji Dromaara b̶ʌ sacerdote basía.
370	GEN 15:9	Ãcõrẽba panusia: –Mʌ̃a nãwã unubiya naʌ̃ ẽjũãra diaida: enedua paca zaque poa ũbea b̶ʌda, chiwatu poa ũbea b̶ʌda, oveja umaquĩrã poa ũbea b̶ʌda, puchirãda, putuju sid̶a.–
415	GEN 17:17	Maʌ̃be Abrahaʌ̃ba Ãcõrẽra waya b̶ʌ bẽrã chĩrãborod̶e cob̶eped̶a idji dratura egorod̶e b̶arru tẽũ cob̶esia. Baribʌrʌ ipid̶asia. Idji sod̶e crĩchasia: “Ẽberã cien poa b̶ʌba ¿sãwã warrada oi? Sara noventa poa b̶ʌda ¿sãwã mãwã b̶iogoa b̶ei?”
456	GEN 18:31	Abrahaʌ̃ba jarasia: –Mʌ̃ Boro, mʌ̃ra ne wayaa neẽ́ b̶ʌ quĩrãca bʌ ume bed̶ea b̶ʌa. Ãĩbẽrã arima veintebe panʌsicada.– Ãcõrẽba panusia: –Jipa b̶eada veinte panʌbʌrʌ, ãrĩẽ́a.–
490	GEN 19:32	Maʌ̃ carea dadji zezaa uva b̶a aseada dobid̶ia beu b̶emãrẽã. Mãwã osid̶ara idji ume poya cãĩnia idji warrada eropanani carea.–
491	GEN 19:33	Ara maʌ̃ diamasi ãdji zeza Loa uva b̶a aseara dobisid̶aa. Lora beu b̶eped̶a idji cau nabemada araa wãped̶a idji ume cãĩsia. Baribʌrʌ Lora beu b̶ʌ bẽrã cawaẽ́ basía idji caura cãĩ b̶aped̶a ãyã wãnada.
492	GEN 19:34	Nurẽma dji nabemaba dji tẽãbemaa jarasia: –Mʌ̃ra nuena diamasi dadji zeza ume cãĩsia. Nane bid̶a uva b̶a aseada dobid̶ia bʌ sid̶a idji ume cãĩmãrẽã. Mãwã dadji zeza warrarãda eropanania.–
493	GEN 19:35	Ara maʌ̃ diamasi uva b̶a aseara ãdji zezaa dobisid̶aa. Maʌ̃be dji tẽãbemara idji ume cãĩsia. Baribʌrʌ Loba cawaẽ́ basía dji caura cãĩ b̶aped̶a ãyã wãnada.
510	GEN 20:14	Maʌ̃be Abimeleba Abrahaʌ̃ quima Sarara jẽda diasia. Idjab̶a ovejada, pacada, nezoca umaquĩrãda, nezoca wẽrã sid̶a zocãrã diacuasia.
541	GEN 21:27	Maʌ̃ ewarid̶e ãdji umérãba bed̶ea b̶ʌsid̶aa. Maʌ̃ne Abrahaʌ̃ba ovejada, paca sid̶a zocãrã eneped̶a Abimelea diasia.
542	GEN 21:28	Maʌ̃be oveja wẽrãda siete awara b̶ʌsia.
543	GEN 21:29	Maʌ̃ carea Abimeleba Abrahaʌ̃a iwid̶isia: –¿Cãrẽ cãrẽã za panʌ oveja wẽrãra siete awara b̶ʌsi?–
544	GEN 21:30	Abrahaʌ̃ba panusia: –Naʌ̃ siete oveja mʌ̃a diabʌrʌda bʌa edaibʌrʌ, cawabiya mʌ̃abʌrʌ maʌ̃ baido juebada uriara corosida.–
555	GEN 22:7	Wãbʌdad̶e Isaba Abrahaʌ̃a jarasia: –¡Zeza!– Abrahaʌ̃ba panusia: –¿Cãrẽ, warra?– Isaba iwid̶isia: –Nama dadjia tʌbʌda, tʌbʌdau sid̶a eropanʌa baribʌrʌ ¿sãma b̶ʌ oveja zaque Ãcõrẽa babue diad̶ira?–
556	GEN 22:8	Abrahaʌ̃ba panusia: –Warra, Ãcõrẽbʌrʌ oveja zaquera diaya babue diad̶i carea.– Maʌ̃be nocod̶aa wãsid̶aa.
561	GEN 22:13	Abrahaʌ̃ba jẽda acʌbʌrʌd̶e oveja umaquĩrãda unusia. Maʌ̃ oveja cachura bacuru zaque jʌwated̶e jũẽ nũmasia. Ara maʌ̃da Abrahaʌ̃ra wãped̶a maʌ̃ ovejara jidasia. Maʌ̃drʌ Ãcõrẽa babue diasia idji warra cacuabari.
627	GEN 24:35	Mʌ̃ borora Ãcõrẽba bio careba b̶ʌ bẽrã idjira bio ne bara b̶ʌa. Ãcõrẽba idjía ovejada, pacada, parata torroda, oroda, nezoca umaquĩrãda, nezoca wẽrãda, cameyoda, burro sid̶a zocãrã diasia.
677	GEN 25:18	Idji warrarãba birasid̶aa Sur ẽjũãneba ab̶a Havila ẽjũãnaa. Sur ẽjũãra Egipto drua caita b̶ʌa. Havilara Asiria druad̶aa wãbada od̶e b̶ʌa. Ãdji ẽberãrãnebemada jĩga panabadjid̶aa.
707	GEN 26:14	Ovejada, pacada, nezocarã sid̶a zocãrã erob̶esia. Maʌ̃ carea pilisteorãra idji ume biẽ́ panesid̶aa.
713	GEN 26:20	Baribʌrʌ maʌ̃ baido carea Guerard̶ebema oveja wagabadada Isa oveja wagabada ume ijarasid̶aa. Guerard̶ebemarãba jarasid̶aa: –Naʌ̃ baidora dairãnea.– Maʌ̃ carea ijaraped̶ad̶a bẽrã Isaba baido juebada uriara trʌ̃ b̶ʌsia Esec.
753	GEN 27:25	Maʌ̃ne dji zezaba jarasia: –Warra, bʌa ne bead̶ara diadua mʌ̃a coi carea. Maʌ̃be mʌ̃a bʌra bia jara b̶ʌya.– Ara maʌ̃da Jacoboba diasia. Diad̶acarea Isaba cosia. Mãwã b̶ʌd̶e Jacoboba uva b̶a sid̶a diasia. Maʌ̃gʌ sid̶a Isaba dosia.
756	GEN 27:28	Mʌ̃a quĩrĩã b̶ʌa Ãcõrẽba bʌ itea bajãneba cue zebi b̶aida bʌa ubʌrʌra bia zaumãrẽã. Mãwã bʌ trigora ad̶uba zauya. Bʌ uva sid̶a bia zauya.
765	GEN 27:37	Isaba panusia: –Mʌ̃a Jacobora bʌ boroda b̶ʌsia. Bʌ ẽberãrãra, bʌd̶eba yõbʌda sid̶a idji jʌwaed̶a b̶ʌsia. Idjab̶a mʌ̃a jara b̶ʌsia idji trigora uva sid̶a ad̶uba zaumãrẽã. Maʌ̃ba, warra, mʌ̃a bʌ́a ¿cãrẽda poya diai?–
798	GEN 29:2	Mama baido juebada uria corod̶ada unusia. Maʌ̃ caita ovejada zocãrã panasid̶aa. Maʌ̃ ovejara ãdji djibarirã ũbea panʌ caita awara awara ʌ̃nãũ duanasid̶aa. Djibarirãba maʌ̃ baidora ãdji ovejaa jue diabadjid̶aa. Dji baido juebada uria ʌ̃rʌ̃ mõgara waib̶ʌada cob̶asia.
799	GEN 29:3	Ewariza oveja jũma eneped̶ad̶acarea dji oveja wagabadaba maʌ̃ mõgarara ãyã b̶ʌbadjid̶aa ãdji ovejaa baido jue diad̶i carea. Jue diaped̶ad̶acarea wayacusa mõgarara dji uria ʌ̃rʌ̃ cob̶ʌbadjid̶aa.
800	GEN 29:4	Maʌ̃ne Jacoboba dji oveja wagabadaa iwid̶isia: –Djabarã, ¿bãrãra sãmabema?– Ãdjia panusid̶aa: –Daira Haraʌ̃ purud̶ebemaa.–
802	GEN 29:6	Jacoboba waya iwid̶isia: –¿Idjira bia b̶ʌca?– Ãdjia panusid̶aa: –Idjira bia b̶ʌa. Acʌdua, jari urua dji cau Raquelda. Idji zeza ovejada pe enebʌrʌa.–
803	GEN 29:7	Maʌ̃ne Jacoboba jarasia: –Acʌd̶adua, wad̶i ãsa nũmʌ bẽrã animarãra cãĩne eded̶iẽ́ panʌa. Ovejara baido dobigad̶aped̶a waya põãjãrã cobid̶e eded̶adua.–
804	GEN 29:8	Ãdjirãba panusid̶aa: –Wad̶ibid̶a poya baido dobid̶aẽ́a. Daiba jʌ̃ãbadaa jũmarãba ãdji ovejara enenamãrẽã. Maʌ̃bebʌrʌ mõgara baido juebada uria ʌ̃rʌ̃ cob̶ʌra ãyã b̶ʌbadaa ovejara baido dobigad̶i carea.–
805	GEN 29:9	Jacobo ãdjirã ume bed̶ea b̶ʌd̶e Raquelba idji zeza ovejara pe enesia. Idjira dji oveja wagabari basía.
806	GEN 29:10	Raquel zeza Labaʌ̃ra Jacobo papa Rebeca ume dji djaba basía. Jacoboba Raquel, Labaʌ̃ oveja sid̶a unusid̶e baido juebada uriamaa wãped̶a dji mõgara uria ʌ̃rʌ̃ cob̶ʌra ãyã b̶ʌsia. Ãyã b̶ʌped̶a idji djabadrõã Labaʌ̃ ovejara baido dobigasia.
830	GEN 29:34	Wayacusa b̶iogoa b̶eped̶a umaquĩrã warrada tosia. Maʌ̃ne crĩchasia: “Id̶ibʌrʌ mʌ̃ quimara mʌ̃ ume ãbaa b̶aya, mʌ̃a idji warrada ũbea tobʌrʌ bẽrã.” Mãwã dji warrara trʌ̃ b̶ʌsia Levi.
862	GEN 30:31	Maʌ̃ne Labaʌ̃ba iwid̶isia: –¿Bʌ waya nama traja b̶ei carea paratada jũmasãwã iwid̶i b̶ʌ?– Jacoboba panusia: –Mʌ̃a paratara iwid̶iẽ́ b̶ʌa. Mʌ̃a bʌ ovejara wayacusa waga b̶eya mʌ̃a jarabʌrʌda ĩjãibʌrʌ: nane mʌ̃ra bʌ ovejamaa, chiwatumaa bid̶a wãped̶a dji gorogoroa qued̶eada, dji bagabaga qued̶eada, oveja zaque pãĩma qued̶ea sid̶a awara b̶ʌya. Jũma mãwã b̶eara mʌ̃a edaya nama traja b̶ei carea.
864	GEN 30:33	Mʌ̃ animarã bʌa acʌd̶e zebʌrʌd̶e ab̶abe chiwatu bagabaga b̶eada, gorogoroa b̶eada, idjab̶a oveja pãĩma b̶eada unuibʌrʌ cawaya mʌ̃a arid̶e o b̶ʌda. Baribʌrʌ mãwã b̶eaẽ́da mʌ̃ animarã tãẽna unuibʌrʌ, ebud̶a b̶aya mʌ̃a bʌreda drʌasida.–
866	GEN 30:35	Baribʌrʌ ara maʌ̃ ewarid̶e Jacoboba oveja, chiwatu sid̶a awara b̶ʌd̶e wãi naẽna Labaʌ̃ba chiwatu dji umaquĩrã bagabaga b̶eara, gorogoroa b̶eara, chiwatu wẽrãrã bagabaga b̶eara, jĩjĩjĩjĩã b̶eara, tod̶otod̶oa b̶eara idjab̶a oveja pãĩma b̶ea sid̶a chupea ãyã b̶ʌsia. Maʌ̃gʌ animarãra Jacoboba edaida b̶ad̶amĩna Labaʌ̃ba idji warrarãa diasia ara idji itea wagad̶amãrẽã.
871	GEN 30:40	Maʌ̃gʌ animarã qued̶eara Jacoboba awara b̶ʌ wãsia. Maʌ̃ awara oveja warra o panʌne Jacoboba dji oveja wẽrãa Labaʌ̃ animarã patrupatrua b̶eada, pãĩma b̶ea sid̶a acʌbibadjia. Maʌ̃ ovejaba patrupatrua qued̶eada, pãĩma b̶ea sid̶a tosid̶a bẽrã Jacoboba awara b̶ʌ wãsia ara idji itea. Labaʌ̃ animarã ume ãbaa b̶ʌẽ́ basía.
874	GEN 30:43	Mãwã Jacobora ne barasia. Ovejada, chiwatuda, nezoca umaquĩrãda, nezoca wẽrãda, cameyoda, burro sid̶a zocãrã erob̶esia.
878	GEN 31:4	Maʌ̃be Jacoboba idji quimarã Raquelda, Lea sid̶a trʌ̃bisia idji oveja erob̶ʌmaa zed̶amãrẽã.
882	GEN 31:8	Labaʌ̃ba mʌ̃ traja b̶ʌbari jũma dji animarã gorogoroa b̶eada edaida b̶ʌad̶a asid̶e mamaʌba ʌ̃taa jũma ovejaba gorogoroa tobadjid̶aa. Idjab̶a dji patrupatrua b̶eada mʌ̃a edaida b̶ʌad̶a asid̶e mamaʌba ʌ̃taa jũma ovejaba patrupatrua tobadjid̶aa.
891	GEN 31:17	Maʌ̃ ewarid̶e Labaʌ̃ra idji oveja cara tʌ b̶ʌda tʌmʌ b̶asia. Maʌ̃misa Raquelera chupea idji zeza ded̶e ed̶a wãped̶a dji zeza jʌwaba od̶a ãcõrẽda drʌasia. Maʌ̃be Jacoboba idji warrarãra, idji quimarã sid̶a cameyo ʌ̃rʌ̃ chũmʌsia. Ara maʌ̃da Canaaʌ̃ druad̶aa wãsia idji zeza Isamaa. Jũma idjia Padan-Araʌ̃ druad̶e edad̶ara edesia. Dji animarã sid̶a jʌre edesia.
912	GEN 31:38	Mʌ̃ra veinte poa bʌ itea traja b̶asia. Maʌ̃ne bʌ ovejara, bʌ chiwatu sid̶a warra ʌradʌgad̶aca basía. Mʌ̃a bʌ oveja umaquĩrãda coida b̶ad̶amĩna ni ab̶a bid̶a coẽ́ basía.
917	GEN 31:43	Maʌ̃ ũrĩped̶a Labaʌ̃ba Jacoboa jarasia: –Naʌ̃ wẽrãrãda mʌ̃ caurãa, naʌ̃ warrarãda mʌ̃ wiuzaquerãa, za b̶ea ovejara mʌ̃rea. Za bʌa unu b̶ʌra jũma mʌ̃rea. Mãwãmĩna mʌ̃ caurãra, ãdjia toped̶ad̶a warrarã sid̶a ¿mʌ̃a sãwã oi?
934	GEN 32:6	Mʌ̃a pacada, burroda, ovejada, nezoca umaquĩrãrãda, nezoca wẽrãrã sid̶a erob̶ʌa. Mʌ̃a naʌ̃ bed̶eara diabuebʌrʌa mʌ̃ quĩrã djuburia bʌra mʌ̃ ume bia b̶amãrẽã.”– Mãwã jaraped̶a idji nezocarãra diabuesia.
936	GEN 32:8	Maʌ̃ ũrĩbʌrʌd̶e Jacobora bio ne wayasia. Maʌ̃ba cawa crĩchaẽ́ basía. Maʌ̃ bẽrã idji ẽberãrãda ẽsadra awara b̶ʌsia. Idji ovejada, pacada, cameyo sid̶a ara maʌ̃ quĩrãca osia.
943	GEN 32:15	chiwatu wẽrãda dosciento, dji umaquĩrãda veinte, oveja wẽrãda dosciento, dji umaquĩrãda veinte,
944	GEN 32:16	cameyo wẽrã warra bara b̶eada treinta, paca wẽrãda cuarenta, dji umaquĩrãda die, burro wẽrãda veinte, idjab̶a dji umaquĩrãda die.
945	GEN 32:17	Mãwã oped̶a maʌ̃ animarãra idji nezocarãa diasia. Maʌ̃ne ãdjía jarasia: –Bãrãra mʌ̃ na wãnadua. Chiwatura, ovejara, cameyora, paca sid̶a awara awara pe eded̶adua.–
974	GEN 33:13	Jacoboba jarasia: –Mãwãẽ́a, mʌ̃ boro. Bʌa unu b̶ʌa mʌ̃ warrarãra wad̶i caibe qued̶eada, idjab̶a mʌ̃ ovejaba, mʌ̃ paca bid̶a warra djiwid̶i tod̶ada erob̶eada. Isabe wãnibʌrʌ jũmawãyã sẽnia. Maʌ̃ba ab̶ari ewarid̶e mʌ̃ animarãra jũma quininia.
983	GEN 34:2	Maʌ̃ druad̶ebema borora Hamo abadjid̶aa. Idjira heveo basía. Hamoba warrada erob̶asia Siqueʌ̃ abadada. Maʌ̃ Siqueʌ̃ba Dina unubʌrʌd̶e awuasia. Maʌ̃ bẽrã jidaped̶a idji ume cãĩsia. Mãwã Dinara biẽ́ osia.
1006	GEN 34:25	Ewari ũbea babʌrʌd̶e ãdjirã cacuara wad̶i bio pua panasid̶aa. Maʌ̃ne Dina djabarã Simeoʌ̃ba, Levi bid̶a ãdji djõbada necora edad̶aped̶a Siqueʌ̃ purud̶aa wãsid̶aa. Ãdji quenane zebʌdara puruba adua b̶asia. Ara maʌ̃da Jacobo warrarã Simeoʌ̃ba, Levi bid̶a jũma dji umaquĩrãrãra quenasid̶aa.