3	GEN 1:3	Maʌ̃be Ãcõrẽba jarasia: –Ʌ̃nadua.– Ara maʌ̃da ʌ̃nasia.
5	GEN 1:5	Ʌ̃naara trʌ̃ b̶ʌsia “ãsa.” Pãĩmara trʌ̃ b̶ʌsia “diamasi.” Ãcõrẽba nabema ewarid̶e mãwã osia.
73	GEN 3:17	Maʌ̃ne Ãcõrẽba umaquĩrãa jarasia: Mʌ̃a bʌ́a jarasia jãʌ̃ nejõra jõrãmãrẽã. Mãwãmĩna bʌ wẽrã bed̶eada ĩjãsia. Maʌ̃ bẽrã mʌ̃a naʌ̃ ẽjũãra jũma biẽ́ b̶ʌya. Ʌrʌda, jũĩchichi sid̶a odjacuaya. Bʌra bio bia mĩga b̶aya bʌ néud̶ebemada coi carea. Idjab̶a bʌa chiruada co b̶aya.
92	GEN 4:12	Bʌa ẽjũã obʌrʌmĩna bʌ néura bia zauca baya. Bʌra naʌ̃ ẽjũãne ara jãwã pʌrrʌa nĩbaya. Ʌ̃nãũi sid̶a neẽ́ b̶aya.–
177	GEN 7:17	Cuarenta ewarid̶e dopapaba jũma ũ wãbʌrʌ basía. Ʌ̃taa ũ wãbʌrʌd̶e jãba dromara baido ʌ̃rʌ̃ ũmesia.
307	GEN 12:8	Mãwãnacarea Abraʌ̃ra Beteld̶eba ʌ̃mãdau odjabariare b̶ʌ eyad̶aa wãsia. Mama idji wua dera osia. Idji wua demaʌba Betelera ʌ̃mãdau b̶aebariare b̶asia. Ʌ̃mãdau odjabariare Hai puruda b̶asia. Idji wua de caita wayacusa mõgarada ʌ̃tʌ pã buesia Ãcõrẽa ewari iwid̶i carea.
473	GEN 19:15	Ʌ̃nadrʌbod̶od̶e bajãnebema nezocarãba Loa jarasid̶aa: –Bʌ quimada, bʌ caurã umé panʌ sid̶a isabe ãyã ededua daiba naʌ̃ puru ãrĩbʌdad̶e beurãnamãrẽã.–
715	GEN 26:22	Maʌ̃be Isara mamabemada ãyã b̶ad̶e wãsia. Mama dewara baido juebada uriada corosia. Maʌ̃ baido carea ijarad̶aẽ́ basía. Maʌ̃ne Isaba jarasia: –Ʌ̃rãbʌrʌ Ãcõrẽba dadjirãra bia b̶ʌsia naʌ̃gʌ ẽjũãne ne bara paneni carea.– Mãwã dji baido juebada uriara trʌ̃ b̶ʌsia Rehobo.
747	GEN 27:19	Maʌ̃ne Jacoboba idji zezaa jarasia: –Mʌ̃ra bʌ warra nabema Esaúa. Mʌ̃a osia bʌa jarad̶a quĩrãca. Ʌ̃ta chũmeped̶a ne codua. Maʌ̃be mʌ̃ra bia jara b̶ʌdua.–
759	GEN 27:31	Idjia bid̶a djicoda warra osia. Maʌ̃da dji zezamaa edeped̶a jarasia: –Zeza, mʌ̃ra ne beasia. Ʌ̃ta chũmeped̶a codua. Maʌ̃be mʌ̃ra bia jara b̶ʌdua.–
955	GEN 32:27	Maʌ̃ne dji ẽberãba Jacoboa jarasia: –Mʌ̃ra quenab̶aridua. Ʌ̃nadrʌbʌrʌa.– Jacoboba panusia: –Bʌa mʌ̃da bia jara b̶ʌẽ́bʌrʌ, mʌ̃a quenab̶ariẽ́a.–
960	GEN 32:32	Ʌ̃mãdau odjabʌrʌd̶e Jacobora maʌ̃ Penueld̶eba wãsia. Baribʌrʌ idji chĩdera ãĩ wãna bẽrã pĩãca b̶ʌcaeda wãsia.
1522	GEN 50:15	Ãdji zezara beud̶a bẽrã Jose djabarãba nãwã crĩcha panesid̶aa: “Ãĩbẽrã Joseba dadjirãra quĩrãma b̶ʌa. Ʌ̃rãbʌrʌ dadjirãra biẽ́ oya idji biẽ́ oped̶ad̶a carea.”
1706	EXO 7:20	Moiseba Aaroʌ̃ bid̶a Ãcõrẽba jarad̶a quĩrãca osid̶aa. Moise jʌwad̶e b̶ad̶a bacuruda Aaroʌ̃ba edaped̶a ʌ̃taa wasia. Ʌ̃taa waped̶a Nilo dod̶e tawesia Egiptod̶ebema boro quĩrãpita, Egiptod̶ebema dji dromarã quĩrãpita bid̶a. Ara maʌ̃da dora oa basía.
1839	EXO 12:22	Beabʌdad̶e dji oara eped̶eco waib̶ʌad̶e piad̶ida panʌa. Maʌ̃be chirua hisopo abadada ãbaa cajʌ̃naped̶a maʌ̃ oad̶e b̶eguead̶aped̶a bãrã ded̶e ed̶a wãbada icawa pʌrʌd̶adua. Ʌ̃nadrʌi naẽna ni ab̶aʌda idji ded̶eba ẽdrʌiẽ́ b̶ʌa.
1914	EXO 14:24	Ʌ̃nadrʌbod̶od̶e Ãcõrẽba egiptorãra dji jʌ̃rãrã ʌ̃tʌba ed̶aa drasoa uruga jira b̶ʌd̶eba acʌ b̶asia. Maʌ̃ne idjia ãdjirãra cawad̶aẽ́ errunĩbabisia.
1917	EXO 14:27	Ara maʌ̃da Moiseba idji jʌwara pusad̶aa ʌ̃taa wasia. Ʌ̃nadrʌbʌrʌd̶e pusara wayacusa idji b̶ad̶a quĩrãca dogosia. Maʌ̃ne egiptorãra ẽdrʌd̶i carea jẽda piracuasid̶amĩna pusaba ãnẽb̶ari edasia. Mãwã Ãcõrẽba ãdjirãra pusad̶e quinibisia.
1965	EXO 16:17	Ara maʌ̃da israelerãba ãdji diguid̶abemarãba cobada quĩrãca jʌrʌ pesid̶aa. Ʌ̃cʌrʌba waitabeara jʌrʌ pesid̶aa idjab̶a ʌ̃cʌrʌba maãrĩara jʌrʌ pesid̶aa. Maʌ̃be ãdji diguid̶abemarã itea eped̶eco jũguruad̶e zasid̶aa. Dji waitabeara jʌrʌ ped̶aba ad̶uba erob̶aẽ́ basía idjab̶a dji maãrĩara jʌrʌ ped̶aba cʌrebaeẽ́ basía.
1971	EXO 16:23	Maʌ̃ne Moiseba ãdjirãa jarasia: –Ara maʌ̃ quĩrãca Ãcõrẽba obi b̶ʌa. Ãcõrẽba jarasia: “Nubema ewarira bãrã ʌ̃nãũbada ewaria. Mʌ̃ itea maʌ̃ ewarira bãrãba wagad̶ida panʌa. Ʌ̃nãũbada ewarid̶e bãrãra ne djud̶iẽ́ panʌ bẽrã, nane od̶adua bãrãba nu co quĩrĩã panʌ quĩrãca. Ne djud̶ibʌrʌ nane ne djud̶adua. Ãbud̶ibʌrʌ nane ãbud̶adua. Maʌ̃gʌra nubema carea waga b̶ʌd̶adua.”–
1993	EXO 17:9	Maʌ̃ bẽrã Moiseba idji carebabari Josueda trʌ̃ped̶a jarasia: –Ʌ̃cʌrʌ umaquĩrãrãda jʌrʌ pedua nu amalecitarã ume djõne wãni carea. Maʌ̃ne mʌ̃ra eya zaque borod̶e b̶aya. Ãcõrẽba ne ununaca obi b̶ad̶a bacuruda mʌ̃ jʌwad̶e erob̶aya.–
2362	EXO 29:25	Ʌ̃taa waped̶ad̶acarea wayacusa edaped̶a jũma babuedua dji animarã babue diabadad̶e oveja naãrã babued̶a ʌ̃rʌ̃. Maʌ̃ babue diabʌrʌra mʌ̃a bia unuya.
2363	EXO 29:26	Maʌ̃be oveja jã nocoarebema djarada bʌ jʌwad̶e edaped̶a ʌ̃taa wadua mʌ̃́a diai carea. Ʌ̃taa waped̶a maʌ̃ djarara bʌre baya.
2434	EXO 31:13	–Israelerãa nãwã jaradua: “Id̶iba ʌ̃taa ʌ̃nãũbada ewarida mʌ̃ itea waga pananida panʌa. Ʌ̃nãũbada ewari wagad̶ira sẽyã quĩrãca b̶aya bãrã israelerãba bãrã warrarãneba yõbʌdarã bid̶a cawad̶amãrẽã mʌ̃a bãrãra mʌ̃ itea b̶ʌsida.
2435	EXO 31:14	Ʌ̃nãũbada ewarira waga pananida panʌa maʌ̃ ewarira mʌ̃ itea b̶ʌd̶a bẽrã. Bariduaba maʌ̃ ewarida mʌ̃ itea wagaẽ́bʌrʌ wa maʌ̃ ewarid̶e trajuda oibʌrʌ, maʌ̃ ẽberãra bãrã tãẽnabemada ãyã b̶ʌd̶aped̶a bead̶ida panʌa.
2438	EXO 31:17	Ʌ̃nãũbada ewari wagad̶ira sẽyã quĩrãca b̶aya bãrã israelerãba cawad̶amãrẽã mʌ̃a bãrãra mʌ̃ itea b̶ʌsida. Mãwã b̶aya mʌ̃a sei ewarid̶e bajãda, naʌ̃ ẽjũã sid̶a jũma oped̶a sietebema ewarid̶e ʌ̃nãũna bẽrã.”–
2535	EXO 35:3	Ʌ̃nãũbada ewarid̶e bãrã diguid̶a tʌbʌ sid̶a coad̶acara panʌa.–
3455	LEV 24:8	Ʌ̃nãũbada ewariza paʌ̃ djiwid̶ida Ãcõrẽ quĩrãpita b̶ʌd̶ida panʌa. Ãcõrẽra israelerã ume bed̶ea b̶ʌd̶a bẽrã id̶iba ʌ̃taa mãwã od̶ida panʌa.
4001	NUM 10:12	Ara maʌ̃da israelerãra Sinai ẽjũã põãsa ewaraga b̶ʌd̶eba maʌ̃ jʌ̃rãrã caid̶u wãsid̶aa. Ʌ̃nãũ eda wãbʌdad̶e Paraʌ̃ ẽjũã põãsa ewaraga b̶ʌd̶e jũẽne wãsid̶aa. Mama jʌ̃rãrãra jira b̶esia.
4029	NUM 11:4	Ʌ̃cʌrʌ ãĩbemarã israelerã ume nĩnaba ãdjia co panʌ awara dewara djicoda co quĩrĩã panasid̶aa. Maʌ̃ bẽrã israelerã sid̶a sod̶e biẽ́ panenaped̶a nãwã jarasid̶aa: –¡Ay, nedjarada cobʌdabara!
4078	NUM 13:2	–Ʌ̃cʌrʌ umaquĩrãrãda Canaaʌ̃ drua acʌd̶e diabuedua. Maʌ̃ druara mʌ̃a israelerãa diaya. Israeld̶eba yõna doce purud̶ebemada ab̶a ab̶a edadua diabuei carea. Ãdjira puru boroda b̶ead̶ida panʌa.–
4424	NUM 23:7	Maʌ̃be Balaaʌ̃ra nãwã bed̶easia: Moab druad̶ebema boro Balába mʌ̃ra Araʌ̃ druad̶eba zebisia. Ʌ̃mãdau odjabariare b̶ʌ drua eyaid̶a b̶ʌmaʌba mʌ̃ra zebisia. Idjia mʌ̃́a jarasia: “Mʌ̃ quĩrã djuburia israelerã biẽ́ jara b̶ʌd̶e zedua. Naʌ̃ Jacobod̶eba yõped̶ad̶arãra biẽ́ o b̶ʌdua.”
5958	JOS 6:7	Maʌ̃be sordaorãa nãwã jarasia: –Bãrã sid̶a wãnaped̶a Jerico puru aud̶u pʌrrʌgad̶adua. Ʌ̃cʌrʌ sordaorã djõni careabema bara Ãcõrẽ baurude na nĩbad̶adua.–
6091	JOS 10:25	Maʌ̃ne Josueba israelerãa jarasia: –Za dadjirãba obʌda quĩrãca Ãcõrẽba jũma dadjirã dji quĩrũ sid̶a oya. Ne wayarãnadua. Ni maãrĩ bid̶a jẽda crĩcharãnadua. Ʌb̶ʌa b̶ead̶aped̶a sozarra b̶ead̶adua.–
6701	JDG 7:5	Ara maʌ̃da Gedeoʌ̃ba idji sordaorãra edesia baido dod̶amãrẽã. Mãwã panʌne Ãcõrẽba Gedeoʌ̃a nãwã jarasia: –Ʌ̃cʌrʌba baidora ãdji jʌwa jãne jue edad̶aped̶a usa quĩrãca sene do panʌa. Waabemaba chĩrãborod̶e copanenaped̶a baidora do panʌa. Ãdji jʌwa jãneba do nũpanʌra awara b̶ʌdua.–
6960	JDG 16:9	Ʌ̃cʌrʌ pilisteorãda idji ded̶e mĩrũ panʌ bẽrã Dalilaba jĩgua jarasia: –¡Sansoʌ̃, pilisteorãba bʌra jidad̶e zebʌdaa!– Ara maʌ̃da Sansoʌ̃ba jʌ̃carara tʌcuasia oveja cara nayãna bá wãna quĩrãca. Maʌ̃ bẽrã pilisteorãba wad̶ibid̶a cawad̶aẽ́ basía idji juerzara cãrẽneba ze b̶ʌda.
7351	1SA 6:18	Maʌ̃ awara pilisteorã boro juesuma panʌba dewara puru b̶eada ãdjirã jʌwaed̶a eropanasid̶aa. Puruza churi quĩrãca oro od̶ada ab̶a diasid̶aa. Ʌ̃cʌrʌ purura mõgaraba jũrã ca b̶easia idjab̶a ʌ̃cʌrʌ ara jãwã b̶easia. Maʌ̃ purura b̶easia pilisteo druad̶eba ab̶a mõgara waib̶ʌa cob̶ʌma. Maʌ̃ mõgarara wad̶ibid̶a Josue Bet-Semed̶ebema ẽjũãne b̶ʌa israelerãba Ãcõrẽ baurudera ʌ̃rʌ̃ cob̶ʌped̶ad̶ama.
7383	1SA 8:12	Ʌ̃cʌrʌ b̶ʌcuaya mil sordaorã bororãda b̶ead̶amãrẽã idjab̶a ʌ̃cʌrʌ b̶ʌcuaya cincuenta sordaorã bororãda b̶ead̶amãrẽã. Ʌ̃cʌrʌ b̶ʌcuaya idji ẽjũã od̶amãrẽã idjab̶a néu ewad̶amãrẽã. Maʌ̃ awara ʌ̃cʌrʌ b̶ʌcuaya carretad̶ebema idjab̶a djõi careabema od̶amãrẽã.
8320	2SA 12:31	Rabád̶ebemarãra Daviba jidaped̶a õgo trajabisia. Ʌ̃cʌrʌa bacuruda ʌrrabisia, ʌ̃cʌrʌa egorod̶e corobisia, ʌ̃cʌrʌa zagaraba bacuruda tutabisia, idjab̶a ʌ̃cʌrʌa de obada mõgarada obisia. Amonitarã puruza Daviba mãwã obisia. Mãwãnacarea Davira jũma idji sordaorã ume jẽda Jerusaleʌ̃naa wãsid̶aa.
9387	1KI 18:43	Maʌ̃be Elíaba idji nezocaa nãwã jarasia: –Ʌ̃taara wãped̶a pusad̶aa acʌdua.– Ara maʌ̃da idji nezocara ʌ̃taara wãped̶a pusad̶aa acʌsia. Jẽda zeped̶a Elíaa jarasia: –Ni cãrẽ sid̶a unuẽ́ basía.– Elíaba wayacusa jarasia acʌd̶e wãmãrẽã. Ara maʌ̃ quĩrãca b̶arima siete mãwã osia.
9519	1KI 22:36	Ʌ̃mãdau b̶aebʌrʌd̶e israelerãba nãwã b̶iasid̶aa: –¡Waa djõnaẽ́a! ¡Dadji druaza, puruza bid̶a wãnia!–
9630	2KI 4:23	Dji quimaba iwid̶isia: –¿Bʌra cãrẽ cãrẽã id̶i idjimaa wãbʌrʌ? Ʌ̃nãũbada ewariẽ́a ni jed̶eco djiwid̶iẽ́a idji ume ãbaa Ãcõrẽa iwid̶id̶i carea.– Wẽrãba panusia: –Jũmawãyã crĩcharãdua.–
9892	2KI 13:17	Maʌ̃ne jarasia: –Ʌ̃mãdau odjabariare dajadaa acʌbadada ewadua.– Joasaba ewad̶acarea Eliseoba idjía jarasia: –Chada ab̶a dajadaa drʌtadua.– Ara maʌ̃da Joasaba dajadaa drʌtasia. Maʌ̃ne Eliseoba jarasia: –Jãʌ̃ chaba jara b̶ʌa: Siriad̶ebemarãra Ãcõrẽba bãrãa poyabiya. Apec ẽjũãne bãrãba quenania.–
10982	1CH 22:13	Ãcõrẽba Moised̶eba israelerãa ley diad̶ara bʌa quĩrãcuita o b̶aibʌrʌ bʌa obʌrʌra jũma bia odjaya. Ʌb̶ʌa b̶aped̶a sozarra b̶adua. Ne wayarãdua. Jẽda crĩcharãdua.
11284	2CH 5:11	Baurudera Ãcõrẽ de dromane ed̶a b̶ʌd̶aped̶a sacerdoterãra Ãcõrẽ itea b̶ʌ dejãneba dajadaa wãsid̶aa. Jũma ãdjirã mama duanʌba naẽna osid̶aa ara ãdjida Ãcõrẽ quĩrãpita bia b̶ead̶i carea. Ʌ̃cʌrʌba mãwã osid̶aa ãdjia Ãcõrẽ ded̶e ne od̶i careabema ewariẽ́mĩna.
23268	MAT 3:7	Mãwã b̶ʌd̶e ʌ̃cʌrʌ judiorã ley jaradiabadada zesid̶aa Juaʌ̃ba borocuemãrẽã. Ʌ̃cʌrʌra pariseorã basía; ʌ̃cʌrʌra saduceorã basía. Baribʌrʌ Juaʌ̃ba ãdjirã unubʌrʌd̶e jarasia: –Dama ẽberãrã, ¿caiba jarasi bãrãra Ãcõrẽ quĩrũbid̶ebemada poya mĩrũnida?
23400	MAT 7:15	Quĩrãcuita b̶ead̶adua. Ʌ̃cʌrʌba sewad̶eba Ãcõrẽneba bed̶ea panʌana abadaa. Ãdjirãba dji biarã quĩrãca jaradiabadaa baribʌrʌ mãwã panʌa ẽberãrãba Ãcõrẽ bed̶ea igarad̶amãrẽã.
23401	MAT 7:16	Ãdjia o panʌneba bãrãba cawad̶ia dji wãrã arada wa dji wãrãẽ́da. Bacuru biaba nejõ biada zaubaria baribʌrʌ bacuru cadjiruaba nejõ cadjiruada zaubaria. ¿Ʌrʌba uvada zaubarica? ¿Wa jũĩchichiba higojõda zaubarica?
23459	MAT 9:11	Ʌ̃cʌrʌ pariseorãba maʌ̃gʌra unusid̶aa. Maʌ̃ carea Jesu ume nĩbabadarãa iwid̶isid̶aa: –Bãrãa jaradiabarira ¿cãrẽ cãrẽã Romanebema boro itea parata jʌrʌ pebadarã ume, dewara cadjirua obadarã ume bid̶a ne co chũmʌ?–
23559	MAT 12:1	Ʌ̃nãũbada ewarid̶e Jesura ẽjũã trigo ud̶ad̶e nĩbasia. Maʌ̃ne idji ume nĩbabadarã jarra panʌ bẽrã trigora tʌ edad̶aped̶a co nĩbasid̶aa.
23613	MAT 13:5	Ʌ̃cʌrʌ tara ẽjũã mõgaraid̶a b̶ʌd̶e b̶aecuasia. Dji egorora nãũcha b̶ʌ bẽrã maʌ̃ tara isabe tunusia.
23616	MAT 13:8	Baribʌrʌ ʌ̃cʌrʌ tara ẽjũã biad̶e b̶aecuasia. Maʌ̃gʌra bio zausia. Ʌ̃cʌrʌ cʌmʌba ara arid̶e diasia, dewaraba waitabeara diasia, waabemaba waib̶ʌara diasia.
23755	MAT 16:14	Ãdjirãba jarasid̶aa: –Ʌ̃cʌrʌba jara panʌa bʌra Borocuebari Juaʌ̃da. Dewararãba jara panʌa bʌra Elíada. Dewararãba jara panʌa bʌra Jeremiada wa Ãcõrẽneba bed̶eabarida.–
23843	MAT 19:12	Ʌ̃cʌrʌba poya warra od̶acaa mãwã toped̶ad̶a bẽrã. Ʌ̃cʌrʌ mãwã b̶eaa warra orãnamãrẽã õgo oped̶ad̶a bẽrã. Idjab̶a ʌ̃cʌrʌba quima edaira crĩchad̶acaa biara ãdji Boro Bajãne B̸ʌ itea ne od̶i carea. Bãrãda poya deu b̶ead̶ibʌrʌ, mãwã b̶ead̶adua.–
23863	MAT 20:2	Ʌ̃cʌrʌ ẽberãrã ume bed̶ea b̶ʌsia ewari ab̶aʌ carea paratada diaida. Maʌ̃be ãdjirãra idji uva néud̶aa trajad̶e wãbisia.
23864	MAT 20:3	Ʌ̃mãdau ʌ̃tʌ b̶abʌrʌd̶e djibarira wayacusa purud̶aa wãsia. Mama ẽberãrã bari b̶eada dewara unusia.
23870	MAT 20:9	Ʌ̃mãdau b̶aebod̶od̶e trajad̶e wã pananara dji boromaa zesid̶aa. Maʌ̃ne ãdjiza ewari ab̶a daucha trajad̶a quĩrãca edasid̶aa.
23947	MAT 22:6	Ʌ̃cʌrʌba dji boro nezocarãra jidad̶aped̶a puod̶aped̶a beasid̶aa.
23971	MAT 22:30	Ũrĩnadua. Ʌ̃rẽbad̶i ewarid̶e ẽberãra quima edad̶aẽ́a ni quima diad̶aẽ́a, ãtebʌrʌ Ãcõrẽ bajãnebema nezocarã quĩrãca b̶ead̶ia.
24265	MAT 28:1	Ʌ̃nãũbada ewari jõnacarea nabema ewari domianebema ara ʌ̃nadrʌbʌrʌd̶e Maria Magdalenada, dewarabema Maria sid̶a Jesu tʌb̶ariped̶ad̶amaa acʌd̶e wãsid̶aa.
24352	MRK 2:23	Ʌ̃nãũbada ewarid̶e Jesura ẽjũã trigo ud̶ad̶e nĩbasia. Maʌ̃ne idji ume nĩbabadarãba trigora tʌ eda nĩbasid̶aa.
24359	MRK 3:2	Ʌ̃cʌrʌba Jesura acʌ panasid̶aa ʌ̃nãũbada ewarid̶e maʌ̃ ẽberã biabi cawaya. Biabisira biẽ́ jarad̶ida crĩcha panasid̶aa.
24361	MRK 3:4	Maʌ̃be Jesuba ãdjía iwid̶isia: –¿Ʌ̃nãũbada ewarid̶e cãrẽda od̶ida panʌ? ¿Biada wa cadjiruada? ¿Djãrã carebaida wa idu beubida?– Baribʌrʌ ãdjirãra chupea panesid̶aa.
24397	MRK 4:5	Ʌ̃cʌrʌ tara ẽjũã mõgaraid̶a b̶ʌd̶e b̶aecuasia. Dji egorora nãũcha b̶ʌ bẽrã maʌ̃ tara isabe tunusia.
24400	MRK 4:8	Baribʌrʌ ʌ̃cʌrʌ tara ẽjũã biad̶e b̶aecuasia. Maʌ̃gʌra bio zausia. Ʌ̃cʌrʌ cʌmʌba ara arid̶e diasia, dewaraba waitabeara diasia, waabemaba waib̶ʌara diasia.–
24478	MRK 6:2	Ʌ̃nãũbada ewarid̶e Jesuba judiorã dji jʌrebada ded̶e Ãcõrẽ bed̶eara jaradia b̶asia. Maʌ̃ne zocãrã ũrĩ duanʌba cawa crĩchad̶aẽ́ basía. Nãwã jara duanasid̶aa: –Idjia ¿sãmaareba jãʌ̃ crĩcha cawaara edasi? ¿Caiba idjía necawaada diasi? ¿Sãwã ne ununacada poya oi?
24490	MRK 6:14	Herodeda Galilea druad̶ebema boro basía. Maʌ̃ Herodeba Jesura trʌ̃ b̶ʌga b̶ʌda ũrĩsia. Ʌ̃cʌrʌba Jesud̶ebemada nãwã jarabadjid̶aa: –Borocuebari Juaʌ̃da ʌ̃rẽbasia. Maʌ̃ bẽrã jũma ne ununacara poya o b̶ʌa.–
24572	MRK 8:3	Mʌ̃a ãdjirãra ne cod̶aẽ́ diguid̶aa wãbigaibʌrʌ, ota cacua norrab̶arid̶ia. Ʌ̃cʌrʌ wãrãda tʌmʌba ze panʌa.–
24597	MRK 8:28	Ãdjirãba panusid̶aa: –Ʌ̃cʌrʌba jara panʌa bʌra Borocuebari Juaʌ̃da. Dewararãba jara panʌa bʌra Elíada. Dewararãba jara panʌa bʌra Ãcõrẽneba bed̶eabarida.–
24621	MRK 9:14	Jesura, Pedrora, Santiagora, Juaʌ̃ sid̶a waabema Jesu ume nĩbabadarã duanʌmaa zesid̶aa. Maʌ̃ne unusid̶aa zocãrã ẽberãrãda ãdjirãma powua nũmʌda. Ʌ̃cʌrʌ judiorã ley jaradiabadarãda ãdjirã ume caicaya duanasid̶aa.
24714	MRK 11:5	Ʌ̃cʌrʌ arima duanʌba iwid̶isid̶aa: –¿Cãrẽda o panʌ? ¿Cãrẽ cãrẽã jãʌ̃ burrora ẽrã panʌ?–
24943	MRK 16:1	Ʌ̃nãũbada ewari jõnacarea Maria Magdalenaba, Santiago papa Mariaba, Salomé bid̶a querada nẽdosid̶aa Jesu cacuara pʌrʌd̶i carea.
25148	LUK 4:16	Mãwãnacarea Jesura idji warid̶a puru Nazared̶aa wãsia. Ʌ̃nãũbada ewarid̶e idjia obari quĩrãca judiorã dji jʌrebada ded̶e ed̶a wãsia. Maʌ̃be idjira piradrʌsia Ãcõrẽ Bed̶eada nocoare lei carea.
25163	LUK 4:31	Mãwãnacarea Jesura Galilea druad̶e Capernauʌ̃ purud̶aa wãsia. Ʌ̃nãũbada ewarid̶e idjia jaradia b̶asia.
25209	LUK 5:33	Ʌ̃cʌrʌba Jesua jarasid̶aa: –Borocuebari Juaʌ̃ ume nĩbabadarãba Ãcõrẽa iwid̶ibʌdad̶e ara cadrʌa ne cod̶aca ewarira obadaa. Ara maʌ̃ quĩrãca pariseorã ẽpẽbadarã bid̶a obadaa. Baribʌrʌ bʌ ume nĩbabadarãba ¿sãwãẽrã od̶aca?–
25216	LUK 6:1	Ʌ̃nãũbada ewarid̶e Jesura idji ume nĩbabadarã sid̶a ẽjũã trigo ud̶ad̶e nĩbasid̶aa. Mama nĩnane Jesu ume nĩbabadarãba trigora tʌ edad̶aped̶a jʌwaba cʌratʌd̶aped̶a co nĩbasid̶aa.
25217	LUK 6:2	Ʌ̃cʌrʌ pariseorãba maʌ̃ unusid̶ad̶e iwid̶isid̶aa: –¿Bãrãba cãrẽ cãrẽã ʌ̃nãũbada ewarid̶e ocara panʌda o panʌ?–
25259	LUK 6:44	Bacurura dji nejõneba cawabadaa. Ʌrʌ bara b̶ʌba higojõda zaucaa. Idjab̶a jũĩchichiba uvada zaucaa.
25320	LUK 8:6	Ʌ̃cʌrʌ tara mõgara ʌ̃rʌ̃ egoro nãũcha b̶ʌd̶e b̶aecuasia. Tununacarea mãcua baido neẽ́ b̶ʌ bẽrã jũma purrubasia.
25321	LUK 8:7	Ʌ̃cʌrʌ tara ẽjũã ʌrʌid̶a b̶ʌd̶e b̶aecuasia. Tununacarea jʌ̃cara ʌrʌ bara b̶ʌba bʌrá quenasia.
25389	LUK 9:19	Ãdjirãba panusid̶aa: –Ʌ̃cʌrʌba jara panʌa bʌra Borocuebari Juaʌ̃da. Dewararãba jara panʌa bʌra Elíada. Dewararãba jara panʌa bʌra naẽnabema Ãcõrẽneba bed̶eabari bad̶ada ʌ̃rẽbaped̶a jãwã b̶ʌda.–
25597	LUK 13:10	Ʌ̃nãũbada ewarid̶e Jesuba judiorã dji jʌrebada ded̶e jaradia b̶asia.
25601	LUK 13:14	Baribʌrʌ Jesuba ʌ̃nãũbada ewarid̶e biabid̶a bẽrã dji jʌrebada ded̶ebema borora quĩrũsia. Maʌ̃ne jũmarãa nãwã jarasia: –Ʌ̃nãũbada ewari awara sei ewarida eropanʌa trajad̶i carea. Maʌ̃gʌ ewarid̶ebʌrʌ zed̶adua bãrãra biabid̶amãrẽã. Baribʌrʌ ʌ̃nãũbada ewarid̶era zerãnadua.–
25602	LUK 13:15	Maʌ̃ carea Jesuba jarasia: –¡Bãrãba jaradiabada quĩrãca od̶acaa! ¿Ʌ̃nãũbada ewarid̶e bãrã pacada wa burroda ẽrãnaped̶a baido dod̶e eded̶acaca?
25623	LUK 14:1	Ʌ̃nãũbada ewarid̶e Jesura pariseo dji droma ded̶e ne cod̶e wãsia. Maʌ̃ne dewara pariseorãba bio acʌ panasid̶aa idjia biẽ́ oi cawaya.
25627	LUK 14:5	Maʌ̃be Jesuba ãdjía jarasia: –Ʌ̃nãũbada ewarid̶e bãrã warrada wa pacada baido juebada uriad̶e b̶aesira ¿ara maʌ̃da erreb̶ari ẽdrʌ edad̶aẽ́ca?–
25766	LUK 18:9	Ʌ̃cʌrʌba ara ãdjidrʌ jipaara b̶eada crĩcha panasid̶aa. Maʌ̃ carea dewararãda igarabadjid̶aa. Jesuba ãdjirãa ne jara b̶ʌd̶eba nãwã jarasia:
25789	LUK 18:32	Ʌ̃cʌrʌba mʌ̃ra judiorãẽ́a jida diad̶ia. Mʌ̃ra ipid̶a biẽ́ jarad̶ia idjab̶a mʌ̃ quĩrãdarrara id̶od̶ia.
25883	LUK 20:35	Baribʌrʌ ẽberãrã Ãcõrẽba bia unu b̶ʌda ʌ̃rẽbad̶ia. Maʌ̃ne ãdjirãra quima edad̶aẽ́a ni quima diad̶aẽ́a. Waa beud̶aẽ́a. Ãdjirãra Ãcõrẽ bajãnebema nezocarã quĩrãca b̶ead̶ia. Ʌ̃rẽbaped̶ad̶a bẽrã Ãcõrẽ warrarãa.
25900	LUK 21:5	Ʌ̃cʌrʌba jara duanasid̶aa Ãcõrẽ de dromara mõgara biya qued̶eaba o cob̶ʌcãdada idjab̶a ẽberãrãba Ãcõrẽ itea nebia edeped̶ad̶aba biya cob̶ʌcãdada. Mãwã panʌne Jesuba ãdjía jarasia:
25907	LUK 21:12	Baribʌrʌ maʌ̃ naẽna bãrãra biẽ́ od̶i carea ẽpẽnia. Ʌ̃cʌrʌ jidad̶aped̶a judiorã dji jʌrebada ded̶e eded̶ia. Maʌ̃be cawa od̶aped̶a preso b̶ʌbid̶ia. Idjab̶a mʌ̃ ĩjã panʌ carea bãrãra dji dromarã quĩrãpita, dji bororã quĩrãpita bid̶a eded̶ia.
25919	LUK 21:24	Ʌ̃cʌrʌ necoba quenania, ʌ̃cʌrʌ drua b̶eaza jida edecuad̶ia. Maʌ̃ne judiorãẽ́ba Jerusaleʌ̃ra ãdji jʌwaed̶a eropanania ab̶a Ãcõrẽba b̶ʌd̶a ewarid̶aa.
26058	LUK 23:54	Ʌ̃nãũbada ewarira ʌ̃rʌ̃ b̶ʌ bẽrã judiorãba maʌ̃ ewari carea ne jũmada o eropananida panasid̶aa.
26059	LUK 23:55	Ʌ̃cʌrʌ wẽrãrã Jesu ume Galilead̶eba zeped̶ad̶ada Jose caid̶u wãsid̶aa. Jũẽnaped̶a mõjẽ corod̶ara unusid̶aa. Idjab̶a unusid̶aa Jesura ed̶a b̶ʌbʌdada.
26067	LUK 24:7	Idjia nãwã jarasia: “Ʌ̃cʌrʌba mʌ̃, Naʌ̃ Djara Edad̶ara ẽberã cadjiruarãa jida diad̶ida panʌa. Mʌ̃ra crud̶e bead̶ia, baribʌrʌ ewari ũbead̶e ʌ̃rẽbaya.”–
26209	JHN 3:20	Jũma cadjirua obadaba ʌ̃naara quĩrĩãnacaa. Ʌ̃naanaa zed̶acaa ãdjia cadjirua o panʌra cawarãnamãrẽã.
26220	JHN 3:31	Ʌ̃taareba ze b̶ʌra jũmarã cãyãbara dji dromaara b̶ʌa. Naʌ̃ ẽjũãne b̶eara naʌ̃ ẽjũãnebema bẽrã ab̶a namabemadrʌ bed̶eabadaa. Maʌ̃ bẽrã bajãneba ze b̶ʌra jũmarã cãyãbara dji dromaara b̶ʌa.
26409	JHN 7:12	Maʌ̃ne zocãrã arima duanʌba Jesud̶ebemada iwidrʌa bed̶ea duanasid̶aa. Ʌ̃cʌrʌba jarabadjid̶aa: “Idjira ẽberã biaa,” baribʌrʌ dewararãba jarabadjid̶aa: “Mãwãẽ́a; idjira sewaid̶a b̶ʌa.”
26518	JHN 9:9	Ʌ̃cʌrʌba idjíad̶a asid̶aa. Dewararãba idji quĩrãca b̶ʌmĩna idjiẽ́ana asid̶aa. Baribʌrʌ dji daub̶errea b̶ad̶aba jarasia: –Wãrãda mʌ̃́a.–
26525	JHN 9:16	Ʌ̃cʌrʌ pariseorãba jarasid̶aa: –Maʌ̃ ẽberãra Ãcõrẽneba zeẽ́ b̶ʌa, ʌ̃nãũbada ewarida wayaca bẽrã.– Baribʌrʌ dewararãba jarasid̶aa: –¿Sãwã cadjirua obari ẽberãba maʌ̃ ne ununacada poya osi?– Mãwã wariwaria bed̶ea duanasid̶aa.