59	GEN 3:3	Baribʌrʌ bacuru néu ẽsi nũmʌnebemada Ãcõrẽba jarasia: “Jãʌ̃gʌ nejõra jõrãnadua idjab̶a jidarãnadua. Mãwã od̶ibʌrʌ beud̶ia.”–
509	GEN 20:13	Ãcõrẽba mʌ̃ra mʌ̃ zeza diguid̶abemada ãyã wãbisid̶e mʌ̃a mʌ̃ quimaa nãwã jarasia: “Bʌa wãrãda mʌ̃da quĩrĩã b̶ʌbʌrʌ, dadji wãbʌdama ẽberãrãa jaradua mʌ̃ra bʌ djabada.”–
566	GEN 22:18	Bʌa mʌ̃ bed̶eara ĩjã od̶a bẽrã mʌ̃a bʌd̶eba yõbʌrʌd̶eba naʌ̃ ẽjũãne b̶ea purura jũma carebaya.”–
886	GEN 31:12	Maʌ̃ne idjia jarasia: “Mʌ̃ra bʌa Beteld̶e ununa Ãcõrẽa. Maʌ̃ Beteld̶e bʌa mõgara ʌ̃rʌ̃ nedraga wead̶ama bʌa wãrãneba jarasia mʌ̃a bʌda wagaibʌrʌ, bʌa mʌ̃drʌ ĩjã b̶aida. Bio acʌdua animarãra warra o b̶eada. Dji umaquĩrãra jũma gorogoroa b̶eaa, patrupatrua b̶eaa, idjab̶a bagabaga b̶eaa. Mãwã mʌ̃a bʌra careba b̶ʌa Labaʌ̃ba bʌra biẽ́ o b̶ʌ bẽrã. Jãʌ̃be piradrʌped̶a namaʌba bʌ tod̶a druad̶aa wãdua.”–
934	GEN 32:6	Mʌ̃a pacada, burroda, ovejada, nezoca umaquĩrãrãda, nezoca wẽrãrã sid̶a erob̶ʌa. Mʌ̃a naʌ̃ bed̶eara diabuebʌrʌa mʌ̃ quĩrã djuburia bʌra mʌ̃ ume bia b̶amãrẽã.”– Mãwã jaraped̶a idji nezocarãra diabuesia.
947	GEN 32:19	Mãwã iwid̶isira nãwã panudua: “Mʌ̃ boro Esaú, naʌ̃gʌra bʌ nezoca Jacoboba bʌ itea diabuebʌrʌa. Idjira dai caid̶u zebʌrʌa.”–
949	GEN 32:21	Maʌ̃ awara jarad̶adua: “Bʌ nezoca Jacobora dairã caid̶u zebʌrʌa.”– Jacoboba crĩchasia: “Mʌ̃a jãwã diabuebʌrʌd̶eba Esaú quĩrũbira tumabiya. Maʌ̃be dji unubʌdad̶e ãĩbẽrã idjia mʌ̃ra bia edaisicada.”
1287	GEN 42:34	Maʌ̃be bãrã djaba tẽãbemara mʌ̃maa enenadua mʌ̃a cawai carea bãrãra jipa b̶eada. Mãwã mʌ̃a cawaya bãrãba wãrãda acʌd̶e zed̶aẽ́ panʌda dairã sãwã poyad̶i cawaya. Mãwã osid̶ara mʌ̃a bãrã djabara jẽda diaya. Idjab̶a naʌ̃ druad̶e bãrãba quĩrĩãbʌdada poya nẽdod̶ia idjab̶a nẽdobued̶ia.”–
1296	GEN 43:5	Baribʌrʌ dai ume diabueẽ́bʌrʌ, poya wãnaẽ́a jãʌ̃ ẽberãba jarad̶a bẽrã: “Bãrãra mʌ̃maa zecara panʌa, bãrã djabada enenaẽ́bʌrʌ.”–
1330	GEN 44:5	Jãʌ̃ tazad̶e mʌ̃ borora ne dobaria. Idjab̶a ab̶ari tazad̶eba ne cawaiẽ́ b̶eara cawabaria. Bãrãba oped̶ad̶ara biẽ́ b̶ʌa.”–
1472	GEN 48:20	Maʌ̃ ewarid̶e Israelba Jose warra tẽãbema Epraiʌ̃ra dji nabema Manase cãyãbara dji dromaara b̶ʌsia. Maʌ̃ne ãdjira nãwã bia jara b̶ʌsia: –Nocoarebema ewarid̶e israelerãba bãrã trʌ̃neba nãwã dewaraa bia jarad̶ia: “Ãcõrẽba Epraiʌ̃, Manase sid̶a bia od̶a quĩrãca bʌ sid̶a bia oya.”–
1512	GEN 50:5	“Mʌ̃ zezaba mʌ̃́a wãrãneba jarabisia idjira Canaaʌ̃ druad̶e tʌb̶arid̶e edemãrẽã. Idjia jarasia: ‘Mʌ̃ra beuya. Canaaʌ̃ druad̶e mʌ̃a joubada uriada erob̶ʌa. Mama mʌ̃ra tʌb̶aridua.’ Maʌ̃ carea mʌ̃a bed̶ea djuburiaya idu mʌ̃ zeza tʌb̶arid̶e wãbimãrẽã. Tʌb̶ariped̶a waya zeya.”–
1594	EXO 3:14	Ãcõrẽba panusia: –Mʌ̃ trʌ̃ra nãwã jarabadaa: “Mʌ̃ra mʌ̃a.” Maʌ̃ bẽrã israelerãa jaradua: “Dadji Ãcõrẽ ‘Mʌ̃ra mʌ̃a’ abadaba mʌ̃ra bãrãmaa diabuesia.”–
1603	EXO 4:1	Baribʌrʌ Moiseba jarasia: –Israelerãba mʌ̃a jarabʌrʌra ĩjãnaẽ́a idjab̶a ũrĩ quĩrĩãnaẽ́a. Ãdjirãba jarad̶ia: “Ãcõrẽba ara idjida bʌ́a unubiẽ́ b̶ʌa.”–
1625	EXO 4:23	Maʌ̃ carea mʌ̃a jara b̶ʌa: mʌ̃ warrara ẽdrʌ b̶ʌdua mʌ̃́a animarãda babue diad̶e wãmãrẽã. Baribʌrʌ bʌa jarasia ẽdrʌ b̶ʌẽ́da. Maʌ̃ carea bʌ umaquĩrã warra dji nabemada beuya.”–
1634	EXO 5:1	Mãwãnacarea Moisera, Aaroʌ̃ sid̶a Egiptod̶ebema boromaa wãnaped̶a jarasid̶aa: –Israelerã Ãcõrẽba nãwã jara b̶ʌa: “Mʌ̃ purura ẽjũã põãsa ewaraga b̶ʌd̶e idu wãbidua mʌ̃́a animarãda babue diad̶amãrẽã.”–
1644	EXO 5:11	Bãdjiabʌrʌ chiruara jʌrʌ ped̶e wãnida panʌa bãdjia jʌrʌbʌdamaa. Baribʌrʌ naãrã o panana quĩrãca od̶ida panʌa. Ni ab̶a bid̶a ed̶aara od̶iẽ́ panʌa.”–
1664	EXO 6:8	Bãrãra mʌ̃a diai jarad̶a ẽjũãnaa edeya. Maʌ̃ ẽjũãra mʌ̃a Abrahaʌ̃a, Isaa, idjab̶a Jacoboa bid̶a wãrãneba diai jarasia. Mʌ̃ra Ãcõrẽ bẽrã maʌ̃ ẽjũãra diaya bãrãne bamãrẽã.”–
1704	EXO 7:18	Maʌ̃ba b̶edara jũma quininia. Dora ab̶ed̶a mĩguia b̶ai bẽrã, bãrã egiptorãba baidora poya dod̶aẽ́a.”–
1715	EXO 7:29	Bʌ ʌ̃rʌ̃, dji dromarã ʌ̃rʌ̃, bʌ druad̶ebemarã ʌ̃rʌ̃ bid̶a baujĩãra jʌ̃drʌcuad̶ia.”–
1716	EXO 8:1	Maʌ̃be Ãcõrẽba Moisea jarasia: –Aaroʌ̃a nãwã jaradua: “Bʌ jʌwad̶e erob̶ʌ bacurura dojã ʌ̃rʌ̃, do zaque ʌ̃rʌ̃, amene ʌ̃rʌ̃, baido juebada uria ʌ̃rʌ̃ bid̶a ʌ̃taa wadua. Mãwã baidod̶eba baujĩãda jũma Egipto druad̶e odjacuaya.”–
1733	EXO 8:18	Baribʌrʌ maʌ̃ ewarid̶e Goseʌ̃ druad̶e mʌ̃a mãwã oẽ́a. Mʌ̃ ẽberãrãda mama panʌ bẽrã ĩgananara neẽ́ baya. Mʌ̃ purura bʌ puru quĩrãca oẽ́a. Maʌ̃ba bʌa cawaya mʌ̃abʌrʌ naʌ̃ druad̶e mãwã o b̶ʌda. Maʌ̃ ne ununacara nu oya.”–
1748	EXO 9:5	Ãcõrẽba ewarida b̶ʌsia naʌ̃ Egiptod̶e mãwã oi carea. Nubʌrʌ mãwã oya.”–
1762	EXO 9:19	Maʌ̃ bẽrã jũma bãrã animarãda de edre b̶ʌbicuadua. Mãwã oẽ́bʌrʌ hielo waib̶ʌa jurrubʌrʌba quenaya. Baridua ẽberãda, animarã sid̶a de edre b̶ead̶aẽ́bʌrʌ, hielo waib̶ʌa jurrubʌrʌba beaya.”–
1784	EXO 10:6	Bʌ dera, dji dromarã dera, jũma waabema egiptorã de sid̶a ad̶ichichiba biraya. Bãrã drõã naẽnabemarãba, bãrã zeza bid̶a ununaca basía ad̶ichichira naʌ̃ quĩrãca b̶aebʌrʌda. Naʌ̃ druad̶e jũẽped̶ad̶a ewarid̶eba wad̶ibid̶a naʌ̃ quĩrãca ununacaa.”– Moiseba Egiptod̶ebema boroa mãwã jaraped̶a wãsia.
1843	EXO 12:26	Bãrã warrarãba iwid̶ibʌdad̶e: “¿Cãrẽ cãrẽã naʌ̃ ewari dromara jãwã o panʌ?”, bãrãba panunida panʌa: “Naʌ̃ animarãra bea panʌa Ãcõrẽa bia bed̶ead̶i carea. Naʌ̃ ewarid̶e quĩrãneba panʌa Ãcõrẽba Egiptod̶ebema umaquĩrã warra dji nabemarã quinibisid̶e dadjirã ded̶ebemada wãyã wãsida dadji umaquĩrã warra dji nabemarã beurãnamãrẽã.”– Moiseba mãwã jarad̶acarea israelerãra chĩrãborod̶e b̶arru copanenaped̶a Ãcõrẽa bia bed̶easid̶aa.
1884	EXO 13:16	Mãwã obadara dadji jʌwad̶e wa dratud̶e sẽyã quĩrãca b̶ʌa. Maʌ̃ba quĩrãnebabi b̶ʌa Ãcõrẽba idji ʌb̶ʌad̶eba dadjirãra Egiptod̶eba ẽdrʌ edasida.”–
1960	EXO 16:12	–Mʌ̃a ũrĩ b̶ʌa israelerãba quĩrũbid̶eba biẽ́ jara panʌda. Maʌ̃ bẽrã ãdjirãa jaradua: “Nane queubod̶od̶e bãrãba nedjarada cod̶ia. Nu diaped̶a paʌ̃da jãwũã cod̶ia. Maʌ̃neba cawad̶ia mʌ̃ra bãrã Ãcõrẽda.”–
1971	EXO 16:23	Maʌ̃ne Moiseba ãdjirãa jarasia: –Ara maʌ̃ quĩrãca Ãcõrẽba obi b̶ʌa. Ãcõrẽba jarasia: “Nubema ewarira bãrã ʌ̃nãũbada ewaria. Mʌ̃ itea maʌ̃ ewarira bãrãba wagad̶ida panʌa. Ʌ̃nãũbada ewarid̶e bãrãra ne djud̶iẽ́ panʌ bẽrã, nane od̶adua bãrãba nu co quĩrĩã panʌ quĩrãca. Ne djud̶ibʌrʌ nane ne djud̶adua. Ãbud̶ibʌrʌ nane ãbud̶adua. Maʌ̃gʌra nubema carea waga b̶ʌd̶adua.”–
1980	EXO 16:32	Maʌ̃be Moiseba israelerãa jarasia: –Ãcõrẽba nãwã jarasia: “Manára eped̶eco jũgurua ab̶a zad̶aped̶a waga b̶ʌd̶adua bãrã warrarãneba yõbʌdarãba ununamãrẽã. Mãwã ãdjirãba cawad̶ia mʌ̃a bãrã Egiptod̶eba ẽdrʌ enesid̶e cãrẽda naʌ̃ ẽjũã põãsa ewaraga b̶ʌd̶e cobisida.”–
2078	EXO 20:26	Idjab̶a animarã babue diabadad̶e ʌ̃taa dumeneba wãrãnadua dewararãba bãrãra ãcad̶a jira b̶ʌ quĩrãca unurãnamãrẽã.”–
2416	EXO 30:33	Bariduaba naʌ̃ olivo draga quera bara b̶ʌ quĩrãca ara idji itea oibʌrʌ, idjira ãyã jʌretabued̶ida panʌa bãrã israelerã tãẽnabemada. Idjab̶a baridua ẽberã ʌ̃rʌ̃ naʌ̃ olivo draga quera bara b̶ʌda weaibʌrʌ, dji wead̶ara ãyã jʌretabued̶ida panʌa.”–
2438	EXO 31:17	Ʌ̃nãũbada ewari wagad̶ira sẽyã quĩrãca b̶aya bãrã israelerãba cawad̶amãrẽã mʌ̃a bãrãra mʌ̃ itea b̶ʌsida. Mãwã b̶aya mʌ̃a sei ewarid̶e bajãda, naʌ̃ ẽjũã sid̶a jũma oped̶a sietebema ewarid̶e ʌ̃nãũna bẽrã.”–
2447	EXO 32:8	Ãdjirãba dãrãẽ́ne mʌ̃ leyra igarad̶aped̶a oroda dorrab̶aribid̶aped̶a paca zaque quĩrãca osid̶aa. Maʌ̃gʌ́a ãdjirãba bia bed̶ea panʌa idjab̶a animarãda babue diacuad̶aped̶a jara panʌa: “Naʌ̃drʌ dadjirã Egiptod̶eba ẽdrʌ enena Ãcõrẽa.”–
2452	EXO 32:13	Quĩrãnebadua bʌ nezocarã Abrahaʌ̃ ume, Isa ume, idjab̶a Jacobo ume bid̶a bed̶ea b̶ʌd̶ada. Bʌa ara bʌdji trʌ̃neba ãdjirãa wãrãneba nãwã jarasia: “Mʌ̃a bãrãneba ẽberãrã zocãrã yõbiya chĩdau zocãrã bajãne panʌ quĩrãca. Idjab̶a jũma mʌ̃a diai jarad̶a druara mʌ̃a bãrãneba yõbʌdarãa diaya ãdjirãne bamãrẽã.”–
2466	EXO 32:27	Maʌ̃ne Moiseba ãdjirãa jarasia: –Dadji israelerã Ãcõrẽba nãwã jara b̶ʌa: “Bãdjiza bãrã djõbada necora edad̶aped̶a jẽda wãnadua israelerã duanʌmaa. Deza mʌ̃ igara panʌra bead̶e wãnadua. Bãrã djabarã sid̶a, bãrã ume dji biarã sid̶a, bãrã de caitabemarã sid̶a bead̶adua.”–
2479	EXO 33:5	Mãwã osid̶aa Ãcõrẽba Moisea nãwã jarad̶a bẽrã: –Israelerãa nãwã jaradua: “Bãrãra cʌwʌrʌ zarea b̶eaa. Mʌ̃da bãrã ume maãrĩ bid̶a wãibʌrʌ, ab̶ed̶a jũma quinibiya. Jãʌ̃be bãrã djiora jũma ẽrãcuad̶aped̶a mʌ̃a bãrãra sãwã oida cawa jaraya.”–
2763	LEV 1:17	Maʌ̃be dji id̶e jidaped̶a ĩbanara drawe ewara cob̶ʌida b̶ʌa. Mãwã cob̶ʌped̶a animarã babue diabadad̶e babue diaida b̶ʌa. Maʌ̃ ĩbana babue diabʌrʌra Ãcõrẽba bia unuya.”–
2844	LEV 5:13	Sacerdoteba mãwã oida b̶ʌa dji eded̶aba cadjirua od̶a carea. Mãwãbʌrʌ Ãcõrẽba maʌ̃ cadjiruara quĩrãdoaya. Harina b̶ed̶ara sacerdote itea b̶aya bãrã néud̶ebema Ãcõrẽa babue diabʌrʌd̶e dji b̶ed̶ara idji itea b̶ebari quĩrãca.”–
3425	LEV 23:22	Bãrã néu ewabʌdad̶e jũma ewarãnadua. Icawa maãrĩ b̶ed̶adua. Dji b̶aed̶a sid̶a jʌrʌ perãnadua. Maʌ̃gʌra b̶ed̶adua dji ne neẽ́ qued̶ea itea idjab̶a ãĩbemarã bãrã tãẽna panʌ itea. Mʌ̃ra bãrã Ãcõrẽa.”–
3427	LEV 23:24	–Israelerãa nãwã jaradua: “Poaza sietebema jed̶ecod̶e dji nabema ewarid̶e bãrãba ʌ̃nãũbada ewarida wagad̶ida panʌa. Bãrãra trajad̶acara panʌa. Maʌ̃ ewarid̶e bãrãba cachiruda zad̶aped̶a ãbaa dji jʌred̶ida panʌa mʌ̃́a bia bed̶ead̶i carea. Idjab̶a animarãda mʌ̃́a babue diabid̶ida panʌa.”–
3446	LEV 23:43	Mãwã bãrã warrarãneba yõbʌdarãba cawad̶ia bãrãra warrewarreabema de zaqued̶e panabadjid̶ada mʌ̃a bãrãra Egiptod̶eba ẽdrʌ enesid̶e. Mʌ̃ra bãrã Ãcõrẽa.”–
3469	LEV 24:22	Dji puod̶ara Israeld̶ebema baibʌrʌ wa ãĩbema baibʌrʌ, ab̶arica od̶ida panʌa. Mʌ̃ra bãrã Ãcõrẽa.”–
4387	NUM 22:11	“Egiptod̶eba ẽberãrãda cãbana mʌ̃ druad̶e jũẽsid̶aa. Mʌ̃ druara maʌ̃ ẽberãrãba ab̶ed̶a birasia. Maʌ̃ carea ãdjirã biẽ́ jara b̶ʌd̶e zedua. Mãwã mʌ̃a ãdjirãra poyaped̶a mʌ̃ druad̶ebemada poya ãyã jʌrecuaisicada.”–
4393	NUM 22:17	Mʌ̃a bʌ́a paratada waib̶ʌa diaya. Idjab̶a jũma bʌa jarabʌrʌ quĩrãca mʌ̃a oya. Maʌ̃ bẽrã mʌ̃ quĩrã djuburia naʌ̃ ẽberãrãra biẽ́ jara b̶ʌd̶e zedua.”–
5864	JOS 1:11	–Deza israelerãa nãwã jarad̶e wãnadua: “Ewari ũbead̶e dadjirãra namaʌba wãbʌrʌd̶ia. Cod̶ira eded̶adua. Jordaʌ̃ do wa quĩrãrẽ chãnaped̶a dadji Ãcõrẽba diai jarad̶a druara eda wãnia.”–
5919	JOS 4:7	Mãwã iwid̶isid̶ara nãwã panunadua: “Sacerdoterãba Ãcõrẽ baurude Jordaʌ̃ dod̶e edesid̶ad̶e oda põãsa ewasia. Naʌ̃ mõgarara ʌ̃tʌ boromea buesid̶aa dadji israelerãba ewariza quĩrãnebad̶amãrẽã sãwã Ãcõrẽba dadjirãra carebasida.”–
5936	JOS 4:24	Dadji Ãcõrẽba mãwã osia bãrãba idjira ewariza waya pananamãrẽã idjab̶a jũma naʌ̃ ẽjũãnebemarãba cawad̶amãrẽã idjira bio ʌb̶ʌa b̶ʌda.”–
6491	JOS 24:13	Mʌ̃a ãdji ẽjũãra néu bara, puru sid̶a bãrãa jũma diasia. Mãwã uva, olivo sid̶a bãrãba uped̶ad̶aẽ́da cobadaa. Idjab̶a bãrãba oped̶ad̶aẽ́ puru b̶ead̶e panabadaa.”–
6608	JDG 4:7	Mʌ̃a Jabiʌ̃ sordaorã boro Sisaráda bʌ ume djõne wãbiya. Dji carretad̶eba djõbadarãda, waabema sordaorã sid̶a eneya Quisoʌ̃ do zaqued̶aa. Baribʌrʌ mʌ̃a bʌ́a ãdjirãra poyabiya.”–
6666	JDG 6:10	Id̶ira bãrãra amorreorã drua bad̶ad̶e panabadaa, baribʌrʌ mʌ̃a bãrãa jarasia ãdjirã ãcõrẽ b̶eada ẽpẽrãnamãrẽã. Ab̶abe mʌ̃, bãrã Ãcõrẽdrʌ ẽpẽnida panʌana asia. Baribʌrʌ mʌ̃a jarad̶ara ĩjãnacaa.”–
6858	JDG 11:27	Mʌ̃a bʌra biẽ́ oẽ́ b̶ʌa. Bʌdrʌ dairã ume djõ quĩrĩã b̶ʌ bẽrã biẽ́ o b̶ʌa. Ãcõrẽ dadji cawa obariba id̶i cawabiya cairãba jipa o panʌda: dai israelerãba wa bãrã amonitarãba.”–
7278	1SA 2:36	Maʌ̃ ewarid̶e bʌ ẽberãrãnebema wad̶i zocai b̶eara ãdji quĩrãpita zed̶aped̶a quĩrã djuburiada iwid̶id̶ia paratada, cod̶i sid̶a maãrĩ diad̶amãrẽã. Maʌ̃ awara ne cod̶i carea iwid̶id̶ia sacerdoterã nezocarãda b̶ʌd̶amãrẽã.”–
7287	1SA 3:9	Maʌ̃ bẽrã idjia Samuelea jarasia: –Cãĩne wãdua. Baribʌrʌ Ãcõrẽba bʌra waya trʌ̃ jaraibʌrʌ idjía nãwã panudua: “Bed̶eadua mʌ̃ Boro, mʌ̃a ũrĩ b̶ʌa.”– Maʌ̃ bẽrã Samuelera jẽda wãped̶a idji cʌd̶ad̶e tab̶esia.
7565	1SA 15:3	Maʌ̃ carea ãdjirãra jũma quenane wãnadua. Ãdjirãba ne erob̶ea sid̶a jũma babued̶adua. Ni maãrĩ bid̶a ãdjirãra quĩrã djuburiarãnadua. Umaquĩrãrãda, wẽrãrãda, warrarãda, djiwid̶i toped̶ad̶a sid̶a jũma quenanadua. Ãdji pacada, ovejada, cameyoda, burro sid̶a jũma quenanadua.”–
8199	2SA 7:16	Mʌ̃a bʌd̶eba yõbʌdara idu jõbiẽ́a. Id̶iba ʌ̃taa mʌ̃a ãdjirãra israelerã boroda b̶ʌya.”–
8283	2SA 11:21	¿Quĩrãdoasid̶aca sãwã wẽrãba Jerobaal warra Abimelera Tebé purud̶e beasida? Dji puru aud̶u jũrã ca b̶ʌd̶eba yu waib̶ʌada Abimele ʌ̃rʌ̃ b̶aebisia. Maʌ̃da bãrãra ¿cãrẽ cãrẽã dji puru aud̶u jũrã ca b̶ʌ caita wãsid̶a?” Dadji boro Davida mãwã quĩrũibʌrʌ nãwã jaradua: “Mʌ̃ boro, bʌ sordao hititad̶ebema Uría sid̶a beasid̶aa.”–
8301	2SA 12:12	Bʌa cadjirua od̶ara mẽrã osia baribʌrʌ maʌ̃ ẽberã bʌ wẽrãrã ume cãĩbʌrʌd̶e mʌ̃a jũma israelerãa unubiya.”–
9150	1KI 11:39	Salomoʌ̃ba cadjirua od̶a carea mʌ̃a David̶eba yõbʌdara bia mĩgabiya. Baribʌrʌ poa zebʌrʌza mãwã b̶aẽ́a.”–
9165	1KI 12:11	Mʌ̃ zezaba bãrãra bio mĩgabisia, baribʌrʌ mʌ̃a wetara oya. Mʌ̃ zezaba bãrãra soaba ubibadjia, baribʌrʌ mʌ̃a bãrãra soa quid̶a bara b̶ʌba ubiya.”–
9178	1KI 12:24	“Ãcõrẽba nãwã jara b̶ʌa: bãrã djabarã israelerã ume djõne wãrãnadua. Mʌ̃abʌrʌ ãdjirãra awara wãbisia. Maʌ̃ bẽrã jũmarãda diguid̶aa wãnadua.”– Ara maʌ̃da Ãcõrẽba jarad̶ara jũmarãba ĩjãsid̶aa. Ãdjirãra diguid̶aa wãsid̶aa Ãcõrẽba jarad̶a quĩrãca.
9237	1KI 14:16	Mʌ̃a ãdjirãra waa carebaẽ́a ãdji boro Jeroboaʌ̃ba cadjirua od̶a carea idjab̶a purua cadjirua obid̶a carea.”–
9334	1KI 17:14	Mãwã odua israelerã Ãcõrẽba nãwã jara b̶ʌ bẽrã: “Bʌa harina cugurud̶e erob̶ʌra, nedraga zocod̶e erob̶ʌ sid̶a jõẽ́a ab̶a Ãcõrẽba wayacusa naʌ̃ druad̶e cue zebibʌrʌd̶aa.”–
9473	1KI 21:19	Idjía jaradua: “Ãcõrẽba nãwã jara b̶ʌa: bʌa Nabóra beaped̶a idji ẽjũãra edasia. Maʌ̃ carea usaba Nabó oa seneped̶ad̶ama bʌ oa sid̶a senenia.”–
9650	2KI 4:43	Idji nezocaba jarasia: –Naʌ̃ maãrĩ quiruba ¿mʌ̃a sãwã cien ẽberãrãda ne cobi?– Eliseoba panusia: –Naʌ̃da Ãcõrẽneba bed̶eabadarãa cobidua. Ãcõrẽba nãwã jara b̶ʌa: “Ãdjirãba cod̶aped̶a ad̶ubaya.”–
9673	2KI 5:22	Guieziba panusia: –Ni cãrẽ sid̶a sãwãnaẽ́ panʌa. Baribʌrʌ mʌ̃ boroba nãwã jara b̶ʌa: “Aretewa Ãcõrẽneba bed̶eabada cũdrarãda umé Epraiʌ̃ eyaid̶a b̶ʌ ẽjũãneba jũẽsid̶aa. Mʌ̃ djuburia paratada 75 libra idjab̶a cacuad̶e jʌ̃bada sid̶a umé diadua.”–
9772	2KI 9:12	Maʌ̃ne ãdjirãba jarasid̶aa: –Bʌa sewada o b̶ʌa. Idjia jarad̶ara dairãa nẽbʌrʌdua.– Jehúba panusia: –Idjia mʌ̃́a jarasia: “Ãcõrẽba nãwã jara b̶ʌa: mʌ̃a bʌra Israeld̶ebema boroda b̶ʌbʌrʌa.”–
23285	MAT 4:7	Maʌ̃ne Jesuba diaurua jarasia: –Ãcõrẽ Bed̶ead̶e idjab̶a jara b̶ʌa: “Bariduada orãdua bãrã Boro Ãcõrẽba carebai cawaya.”–
23288	MAT 4:10	Maʌ̃ne Jesuba diaurua jarasia: –Satana, ãyã wãdua. Ãcõrẽ Bed̶ead̶e nãwã b̶ʌ́ b̶ʌa: “Bʌ Boro Ãcõrẽabʌrʌ bia bed̶eadua. Ab̶a idjidrʌ ĩjã b̶adua.”–
23638	MAT 13:30	Biara b̶ʌa idu ãbaa waribid̶ida ab̶a ewabʌdad̶aa. Maʌ̃ ewarid̶e mʌ̃a dji ewabʌdarãa jaraya: naãrã chirua cadjiruada jʌrʌ ped̶aped̶a cajʌ̃nadua babued̶i carea. Baribʌrʌ trigora mʌ̃ ne wagabada ded̶e waga b̶ʌd̶adua.”–
23898	MAT 21:3	Ab̶aʌba bãrãa cãrẽ cãrẽã mãwã o panʌda iwid̶ibʌrʌ, nãwã jarad̶adua: “Dadji Boroba quĩrĩã b̶ʌa. Baribʌrʌ nane jẽda diabueya.”–
24089	MAT 25:12	Baribʌrʌ dji quima edabʌrʌ umaquĩrãba jarasia: “Wãrã arada mʌ̃a jaraya: mʌ̃a bãrãra unucaa.”–
24141	MAT 26:18	Jesuba panusia: –Jerusaleʌ̃ne dadjia unubada ẽberãmaa wãnadua. Idjía nãwã jarad̶adua: “Dadjirãa Jaradiabariba jara b̶ʌa idji ewarira caita b̶ʌda. Idjia, idji ume nĩbabadarã bid̶a Egiptod̶eba ẽdrʌped̶ad̶a quĩrãnebad̶i carea cobadara bʌ ded̶e cod̶ia.”–
24184	MAT 26:61	Maʌ̃gʌrãba jarasid̶aa: –Naʌ̃ ẽberãba jarasia: “Mʌ̃a Ãcõrẽ de dromara ãrĩda b̶ʌa, baribʌrʌ ewari ũbead̶e wayacusa o cob̶ʌida b̶ʌa.”–
24712	MRK 11:3	Ab̶aʌba bãrãa cãrẽ cãrẽã jãwã o panʌda iwid̶ibʌrʌ jarad̶adua: “Dadji Boroba quĩrĩã b̶ʌa baribʌrʌ nane jẽda diabueya.”–
24881	MRK 14:58	–Daiba ũrĩsid̶aa idjia nãwã jarabʌrʌda: “Ẽberãrãba oped̶ad̶a Ãcõrẽ de dromada mʌ̃a ãrĩya, baribʌrʌ ewari ũbea babʌrʌd̶e mʌ̃a dewarada oya ẽberãrãba od̶aẽ́da.”–
25140	LUK 4:8	Baribʌrʌ Jesuba jarasia: –Satana, ãyã wãdua. Ãcõrẽ cartad̶e nãwã b̶ʌ́ b̶ʌa: “Ab̶a bãrã Boro Ãcõrẽabʌrʌ bia bed̶ead̶adua. Idjia jara b̶ʌdrʌ ĩjã o pananadua.”–
25144	LUK 4:12	Baribʌrʌ Jesuba jarasia: –Idji bed̶ead̶e naʌ̃ sid̶a b̶ʌ́ b̶ʌa: “Bariduada orãnadua bãrã Boro Ãcõrẽba carebai cawaya.”–
25155	LUK 4:23	Jesuba jarasia: –Bãrãba naʌ̃ bed̶eada mʌ̃́a jarad̶ia: “Nẽãrã diabari, ara bʌdjida biabidua. Bʌa Capernauʌ̃ne od̶ara daiba ũrĩsid̶aa. Nama bʌ purud̶e bid̶a ab̶arica odua.”–
25215	LUK 5:39	Idjab̶a uva b̶a asea dji drõã dobʌrʌba djiwid̶ira do quĩrĩãcaa. Ãtebʌrʌ jarabaria: “Uva b̶a dji drõãra djiwid̶i cãyãbara biara b̶ʌa.”–
25467	LUK 10:35	Nurẽma Samariad̶ebemaba de djibaría paratada diaped̶a nãwã jarasia: “Idjira bio carebadua. Za mʌ̃a diad̶a parataba araẽ́bʌrʌ, bʌ parataba carebadua. Mʌ̃ jẽda zebʌrʌd̶e bʌ parata b̶ʌd̶ara mʌ̃a jũma jẽda diaya.”–
25596	LUK 13:9	Za zei poad̶e zausira idu b̶ʌya. Zauẽ́bʌrʌ tutabueya.”–
25646	LUK 14:24	Mʌ̃a jaraya: mʌ̃a naãrã trʌ̃cuad̶arãba mʌ̃a waib̶ʌa djubid̶ara ni maãrĩ bid̶a cod̶aẽ́a.”–
25689	LUK 15:32	Baribʌrʌ bia b̶ʌa bʌ djaba waya dadjimaa zebʌrʌ carea b̶ʌsrid̶ada od̶ida. Idjira beu b̶ad̶ada ʌ̃rẽbasia; adua b̶ad̶ada dadjirãba waya unusid̶aa.”–
25720	LUK 16:31	Baribʌrʌ Abrahaʌ̃ba jarasia: “Ãcõrẽba Moisea diad̶a leyra, Ãcõrẽneba bed̶eabadarãba b̶ʌped̶ad̶a sid̶a ĩjãnaẽ́bʌrʌ, beud̶a ʌ̃rẽbad̶aba jarabʌrʌ sid̶a ĩjãnaẽ́a.”–
25730	LUK 17:10	Ara maʌ̃ quĩrãca bãrãba od̶ida panʌra jũma osid̶ara nãwã jarad̶ida panʌa: “Daira dji nezoca ed̶aara qued̶eaa; ab̶abe daiba od̶ida panʌdrʌ osid̶aa.”–
25761	LUK 18:4	Baribʌrʌ wãbʌrʌza cawa obariba idjia jara b̶ʌra ũrĩ quĩrĩãca basía. Mãwãmĩna jũmawãyã mĩã sẽ b̶ʌ bẽrã ara idjidub̶a jarasia: “Mʌ̃a Ãcõrẽda, ẽberã sid̶a wayacaa. Baribʌrʌ naʌ̃ wẽrãra baridua ze b̶ʌ bẽrã mʌ̃ sẽbi naẽna idjia iwid̶i b̶ʌra oya.”–
25827	LUK 19:27	Maʌ̃ awara mʌ̃ ãdji boro baida quĩrĩãẽ́ pananara enenaped̶a mʌ̃ quĩrãpita quenanadua.”–
25831	LUK 19:31	Maʌ̃ne ab̶aʌba bãrãa cãrẽ cãrẽã jãwã ẽrã panʌda iwid̶ibʌrʌ jarad̶adua: “Dadji Boroba quĩrĩã b̶ʌa.”–
26067	LUK 24:7	Idjia nãwã jarasia: “Ʌ̃cʌrʌba mʌ̃, Naʌ̃ Djara Edad̶ara ẽberã cadjiruarãa jida diad̶ida panʌa. Mʌ̃ra crud̶e bead̶ia, baribʌrʌ ewari ũbead̶e ʌ̃rẽbaya.”–
26128	JHN 1:15	Borocuebari Juaʌ̃ba idjid̶ebemada nãwã jĩgua jarabadjia: –Mʌ̃a naʌ̃ ẽberãnebemada nãwã jara b̶abadjia: “Mʌ̃ caid̶u zebʌrʌra mʌ̃ cãyãbara dji dromaara b̶ʌa, idjira mʌ̃ naẽna b̶ad̶a bẽrã.”–
26915	JHN 19:21	Judiorã sacerdote bororãba maʌ̃ bed̶ea unusid̶ad̶e Pilatoa jarasid̶aa: –B̸ʌrãdua “Judiorã Boro.” Ãtebʌrʌ b̶ʌdua: “Naʌ̃ ẽberãba jarasia idjira judiorã boroda.”–
27729	ACT 20:35	Jũma mʌ̃a od̶ad̶eba bãrãa cawabisia ʌb̶ʌa traja panʌneba dji poya trajad̶aẽ́ qued̶eada carebad̶ida panʌda. Quĩrãnebad̶ida panʌa dadjirã Boro Jesuba nãwã jarasida: “Djãrãa ne dia b̶ʌra Ãcõrẽ quĩrãpita biara b̶ʌa djãrãneba ne eda b̶ʌ cãyãbara.”–
27793	ACT 22:21	Baribʌrʌ dadji Boroba mʌ̃́a jarasia: “Wãdua. Mʌ̃a bʌra tʌmʌ judiorãẽ́maa diabueya.”–