57	GEN 3:1	Jũma Ãcõrẽba ocuad̶a animarã cãyãbara damada crĩcha cawaara b̶asia djãrã cũrũgai carea. Maʌ̃ damaba wẽrãa jarasia: –¿Ãcõrẽba wãrãda jarasica jũma naʌ̃ néud̶e b̶ea nejõra bãrãba jõcara panʌda?–
65	GEN 3:9	Maʌ̃ bẽrã Ãcõrẽba Adaʌ̃ra nãwã trʌ̃sia: –¿Bʌra sãma b̶ʌ?–
67	GEN 3:11	Maʌ̃ne Ãcõrẽba iwid̶isia: –¿Caiba jarasi bʌra ãcad̶a b̶ʌda? ¿Bʌa jõsica mʌ̃a jõrãduad̶a nejõra?–
69	GEN 3:13	Maʌ̃ bẽrã Ãcõrẽba wẽrãa iwid̶isia: –¿Bʌa cãrẽ cãrẽã jãwã osi?– Wẽrãba panusia: –Damaba mʌ̃ra cũrũgasia. Maʌ̃ bẽrã mʌ̃a jõsia.–
86	GEN 4:6	Maʌ̃ carea Ãcõrẽba Caiʌ̃a jarasia: –¿Cãrẽ cãrẽã quĩrũ nũmʌ? ¿Cãrẽ cãrẽã quĩrã cadjirua nũmʌ?
89	GEN 4:9	Maʌ̃ bẽrã Ãcõrẽba Caiʌ̃a iwid̶isia: –¿Sãma b̶ʌ bʌ djaba Abelera?– Maʌ̃ne Caiʌ̃ba panusia: –Cawaẽ́a. Mãwãra ¿mʌ̃ra idji acʌbarica?–
90	GEN 4:10	Ãcõrẽba jarasia: –¿Cãrẽ cãrẽã bʌ djabara jãwã beasi? Idji oa egorod̶e erozoad̶aba jĩgua jara b̶ʌa mʌ̃a jipa cawa omãrẽã.
317	GEN 12:18	Maʌ̃neba dji boroba cawasia Saraira Abraʌ̃ quimada. Maʌ̃ bẽrã Abraʌ̃ra trʌ̃biped̶a jarasia: –¿Cãrẽ cãrẽã mʌ̃́a jaraẽ́ basi Saraira bʌ quimada? ¿Cãrẽ cãrẽã bʌ djabawẽrãana asi? Mʌ̃a bʌ quimara berara edasia. ¿Cãrẽ cãrẽã mʌ̃ra jãwã osi? Za b̶ʌa bʌ quimara. Edaped̶a isabe wãdua.–
434	GEN 18:9	Mãwã panʌne ãdjirãba iwid̶isid̶aa: –¿Bʌ quima Sarara sãma b̶ʌ?– Abrahaʌ̃ba panusia: –Nama wua ded̶e ed̶a b̶ʌa.–
438	GEN 18:13	Maʌ̃ bẽrã Ãcõrẽba Abrahaʌ̃a jarasia: –¿Cãrẽ cãrẽã Sarara ipid̶asi? ¿Cãrẽ cãrẽã crĩcha b̶ʌ idji djora b̶ʌba warrara poya toẽ́da?
543	GEN 21:29	Maʌ̃ carea Abimeleba Abrahaʌ̃a iwid̶isia: –¿Cãrẽ cãrẽã za panʌ oveja wẽrãra siete awara b̶ʌsi?–
615	GEN 24:23	Maʌ̃ne iwid̶isia: –¿Bʌra cai cau? Mʌ̃ djuburia jaradua, ¿bʌ zeza dera bari b̶ʌca dai cãĩni carea?–
650	GEN 24:58	Ara maʌ̃da Rebecara trʌ̃naped̶a iwid̶isid̶aa: –¿Bʌra naʌ̃ ẽberã ume nawena wãica?– Maʌ̃ne Rebecaba panusia: –Mãẽ, mʌ̃ra wãya.–
656	GEN 24:64	Ara maʌ̃ne Rebeca cameyo ʌ̃rʌ̃ chũmʌba Isara unusia. Maʌ̃ bẽrã Rebecaba Abrahaʌ̃ nezocaa iwid̶isia: –¿Cai awuá dadjirãmaa zebʌrʌra?– Nezocaba panusia: –Jãʌ̃ra mʌ̃ boro Isaa.– Maʌ̃ bed̶ea ũrĩped̶a Rebecara cameyod̶eba ud̶aa b̶adosia. Mãwãped̶a idji quĩrãdarrara quẽbʌ daucha wuaba bʌrasia, Isa quima baida bed̶ea b̶ʌd̶a bẽrã.
703	GEN 26:10	Abimeleba jarasia: –¿Cãrẽ cãrẽã jãwã osi? Mʌ̃ purud̶ebemarã ab̶aʌda bʌ quima ume cãĩnabara, bʌabʌrʌ daia maʌ̃ cadjiruara obicasia.–
751	GEN 27:23	Isaba Jacobora cawaẽ́ basía idji jʌwara Esaú jʌwa quĩrãca caraid̶a b̶ʌ bẽrã. Isaba Jacobo bia jara b̶ʌbʌrʌd̶e wayacusa iwid̶isia: –¿Bʌra wãrãda mʌ̃ warra Esaúca?– Jacoboba panusia: –Mãẽ, zeza. Mʌ̃ra Esaúa.–
764	GEN 27:36	Maʌ̃ne Esaúba jarasia: –¡Bãrãba jãʌ̃ cũrũgabari Jacobora arid̶e trʌ̃ b̶ʌsid̶aa! ¡Idjia mʌ̃ra b̶arima umé cũrũgabʌrʌa! Mʌ̃a warra iwinaba edaida b̶ad̶ara idjia edasia. Jãʌ̃be id̶i bʌa mʌ̃ bia jara b̶ʌi bad̶ara idjia jãrĩsia.– Maʌ̃ne Esaúba wayacusa iwid̶isia: –¿Bʌa mʌ̃ sid̶a poya bia jara b̶ʌẽ́ca?–
801	GEN 29:5	Jacoboba iwid̶isia: –¿Bãrãba Naco warra Labaʌ̃ra unubadaca?– Ãdjia panusid̶aa: –Mãẽ, daiba unubadaa.–
802	GEN 29:6	Jacoboba waya iwid̶isia: –¿Idjira bia b̶ʌca?– Ãdjia panusid̶aa: –Idjira bia b̶ʌa. Acʌdua, jari urua dji cau Raquelda. Idji zeza ovejada pe enebʌrʌa.–
821	GEN 29:25	Nurẽma Jacoboba unusia Leadrʌ idji cʌd̶ad̶e b̶ʌda. Maʌ̃ carea Labaʌ̃maa wãped̶a jarasia: –¿Cãrẽ cãrẽã bʌa mʌ̃ra jãwã osi? ¿Mʌ̃ra Raquel carea bʌ itea bari trajaẽ́ basica? ¿Cãrẽ cãrẽã mʌ̃ra cũrũgasi?–
833	GEN 30:2	Maʌ̃ carea Jacobora Raquel ume quĩrũped̶a jarasia: –¿Mãwãra mʌ̃da Ãcõrẽca? Idjiabʌrʌ bʌra warra idu unubiẽ́ b̶ʌa.–
846	GEN 30:15	Maʌ̃ne Leaba jarasia: –¿Ya bia b̶ʌẽ́ca bʌa mʌ̃ quima jãrĩnada? Maʌ̃ awara ¿bʌa mʌ̃ warra mandragojõ sid̶a jãrĩca?– Raquelba panusia: –Bʌ warra mandragojõda mʌ̃́a diasira nane diamasi Jacobora bʌ ume cãĩya.– Raquelba jarad̶ara Leaba bia ũrĩsia.
862	GEN 30:31	Maʌ̃ne Labaʌ̃ba iwid̶isia: –¿Bʌ waya nama traja b̶ei carea paratada jũmasãwã iwid̶i b̶ʌ?– Jacoboba panusia: –Mʌ̃a paratara iwid̶iẽ́ b̶ʌa. Mʌ̃a bʌ ovejara wayacusa waga b̶eya mʌ̃a jarabʌrʌda ĩjãibʌrʌ: nane mʌ̃ra bʌ ovejamaa, chiwatumaa bid̶a wãped̶a dji gorogoroa qued̶eada, dji bagabaga qued̶eada, oveja zaque pãĩma qued̶ea sid̶a awara b̶ʌya. Jũma mãwã b̶eara mʌ̃a edaya nama traja b̶ei carea.
900	GEN 31:26	Maʌ̃be Labaʌ̃ba Jacoboa jarasia: –¿Cãrẽ cãrẽã bʌa mʌ̃ra cũrũgasi? Bʌa mʌ̃ caurãra namaa enesia djõbadarãba ãdjia poyaped̶ad̶ara jida edebada quĩrãca. ¿Cãrẽ cãrẽã jãwã osi?
910	GEN 31:36	Maʌ̃ carea Jacobora quĩrũped̶a jarasia: –¿Cãrẽ cadjiruada od̶a bẽrã bʌa mʌ̃ra jãcua ẽpẽ b̶ʌ?
956	GEN 32:28	Maʌ̃be dji ẽberãba iwid̶isia: –¿Bʌra casa trʌ̃bada?– Jacoboba panusia: –Mʌ̃ra Jacobo abadaa.–
958	GEN 32:30	Maʌ̃be Jacoboba jarasia: –Jãʌ̃be mʌ̃ djuburia bʌ trʌ̃ra jaradua.– Dji ẽberãba panusia: –¿Cãrẽ cãrẽã mʌ̃ trʌ̃ra iwid̶i b̶ʌ? Mʌ̃ trʌ̃ra mʌ̃a bʌ́a jaraẽ́a.– Mama dji ẽberãba Jacobora bia jara b̶ʌsia.
1012	GEN 34:31	Maʌ̃ne ãdjia panusid̶aa: –¿Mãwãra idjia dai djabawẽrãra wẽrã aud̶ua quĩrãca oida b̶asica?–
1099	GEN 37:15	Joseba idji djabarã jʌrʌ nĩne ẽberãba idjira unuped̶a nãwã iwid̶isia: –¿Cãrẽda jʌrʌ b̶ʌ?–
1136	GEN 38:16	Judaba adua b̶asia idji ãĩguda mãwã b̶ʌda. Maʌ̃ bẽrã Tamarámaa wãped̶a jarasia: –¿Bʌra mʌ̃ ume cãĩca?– Tamarába panusia: –Mʌ̃da bʌ ume cãĩbʌrʌ, ¿bʌa mʌ̃́a cãrẽda diai?–
1138	GEN 38:18	Judaba iwid̶isia: –¿Cãrẽ nebiada mʌ̃a bʌ́a diai?– Maʌ̃ne Tamarába panusia: –Mʌ̃ ume b̶eedua bʌa sẽyã obarida dji jʌ̃cara bara, idjab̶a bacuru bʌ jʌwad̶e erob̶ʌ sid̶a.– Ara maʌ̃da idjia iwid̶id̶ara Judaba diaped̶a idji ume cãĩsia. Mãwã Tamarába Juda warrada b̶iogoa b̶esia.
1180	GEN 40:7	Maʌ̃ carea Joseba ãdjía iwid̶isia: –¿Cãrẽ cãrẽã bãrãra sopua panʌ?–
1281	GEN 42:28	Dauperaped̶a idji djabarãa jarasia: –Mʌ̃ paratara jẽda diasid̶aa. Za mʌ̃ sacod̶e ed̶a cob̶ʌa.– Maʌ̃ carea jũmarãda dauperasid̶aa. Ne wayaaba ure duanʌne nãwã jarasid̶aa: –¿Cãrẽ cãrẽã Ãcõrẽba dadjira jãwã o b̶ʌ?–
1332	GEN 44:7	Maʌ̃ne dji djabarãba jarasid̶aa: –¿Cãrẽ cãrẽã dadji boroba mãwã jara b̶ʌ? Dairãra ne drʌad̶acaa.
1551	EXO 1:18	Maʌ̃ carea Egiptod̶ebema boroba ãdjira trʌ̃ped̶a iwid̶isia: –¿Cãrẽã bãrãba jãwã o panʌ? ¿Cãrẽã umaquĩrã warra zaquerãra zocai b̶ʌ panʌ?–
1562	EXO 2:7	Maʌ̃ne dji warra zaque djabawẽrãra caita zeped̶a Egiptod̶ebema boro caua jarasia: –¿Bʌmaarã bia b̶ʌca mʌ̃a hebreo wẽrãda trʌ̃ne wãida naʌ̃ warra bʌ itea daupẽmãrẽã?–
1568	EXO 2:13	Nurẽma wayacusa araa wãbʌrʌd̶e unusia ab̶arica hebreorãda umé djõ panʌda. Maʌ̃ carea dji djõ jʌrʌd̶aa iwid̶isia: –¿Ab̶arica hebreoda bʌa cãrẽ cãrẽã jãwã puo b̶ʌ?–
1569	EXO 2:14	Dji djõ jʌrʌd̶aba panusia: –¿Caiba bʌra dai boroda b̶ʌsi? ¿Caiba bʌra dai cawa obarida b̶ʌsi? ¿Mʌ̃ sid̶a bʌa beaida crĩcha b̶ʌca Egiptod̶ebema bead̶a quĩrãca?– Maʌ̃ ũrĩbʌrʌd̶e Moisera dauperasia cawad̶a bẽrã idji mĩã bead̶ara cawasid̶ada.
1573	EXO 2:18	Mãwãnacarea dji wẽrãrã wayacusa ãdji zeza Reuelma jũẽsid̶ad̶e idjia iwid̶isia: –¿Id̶i bãrãra sãcua isabe zesid̶a?–
1575	EXO 2:20	Reuelba idji caurãa iwid̶isia: –¿Maʌ̃ ẽberãra sãma b̶ʌ? ¿Cãrẽ cãrẽã idjira b̶eesid̶a? Trʌ̃ne wãnadua ne cod̶e zemãrẽã.–
1591	EXO 3:11	Baribʌrʌ Moiseba jarasia: –¿Mãwãra mʌ̃ra cai Egiptod̶ebema boro quĩrãpita bed̶ead̶e wãi carea idjab̶a israelerãra Egiptod̶eba ãyã edei carea?–
1604	EXO 4:2	Maʌ̃ne Ãcõrẽba iwid̶isia: –¿Bʌa cãrẽda jʌwad̶e erob̶ʌ?– Moiseba panusia: –Bacuruda erob̶ʌa.–
1613	EXO 4:11	Baribʌrʌ Ãcõrẽba jarasia: –¿Caiba ẽberãrã itera osi? ¿Mʌ̃abʌrʌ oẽ́ basica ẽberãrã quĩrãme cara b̶eada, cʌwʌrʌ qui b̶eada, dau bia b̶eada, idjab̶a daub̶errea b̶ea sid̶a? Mʌ̃ra Ãcõrẽ bẽrã mãwã oida b̶ʌa.
1616	EXO 4:14	Maʌ̃ carea Ãcõrẽra Moise ume quĩrũsia. Nãwã jarasia: –¿Bʌ djaba Aaroʌ̃ Levid̶eba yõnada b̶ʌẽ́ca? Mʌ̃a cawa b̶ʌa idjira bia bed̶eabarida. Idjira bʌ acʌd̶e zebʌrʌa. Bʌ unubʌrʌd̶e idjira b̶ʌsrid̶aya.
1635	EXO 5:2	Maʌ̃ne Egiptod̶ebema boroba panusia: –¿Cai maʌ̃ Ãcõrẽ mãwã idjia israelerã idu wãbiduad̶a ad̶ara mʌ̃a ĩjãi carea? Mʌ̃a idjira adua b̶ʌa. Maʌ̃ bẽrã mʌ̃a bãrã israelerãra idu wãbiẽ́a.–
1647	EXO 5:14	Idjab̶a dji traju obibada bororãba dji traja panʌ bororã israelerãda ubadjid̶aa ãdjia b̶ʌped̶ad̶amĩna. Dji traju obibada bororãba ãdjirãa iwid̶ibadjid̶aa: –¿Sãwãẽrã nuena, id̶i bid̶a bãrãba de obada mõgarara daucha od̶aẽ́ panʌ? Naẽna bãrãba ewariza daucha obadjid̶aa.–
1785	EXO 10:7	Maʌ̃be Egiptod̶ebema dji dromarãba dji boroa jarasid̶aa: –¿Bʌa wad̶ibid̶a jãʌ̃ ẽberãa idu dadjirãra mĩã sẽbi b̶aica? Israelerãra idu wãbidua ãdji Ãcõrẽa animarãda babue diad̶amãrẽã. ¿Bʌa wad̶ibid̶a adua b̶ʌca Egipto druara jũma ãrĩbʌrʌda?–
1901	EXO 14:11	Maʌ̃ne ãdjirãba Moisea jarasid̶aa: –¿Bʌa cãrẽ cãrẽã jãwã osi? ¿Cãrẽ cãrẽã Egiptod̶eba dairãra nama pe enesi? ¿Egiptod̶e dairã joud̶i carea ẽjũãra neẽ́ basica? ¿Bʌa dairãra naʌ̃ ẽjũã põãsa ewaraga b̶ʌd̶e beubi carea enesica?
1905	EXO 14:15	Maʌ̃be Ãcõrẽba Moisea jarasia: –¿Bʌa cãrẽ cãrẽã wad̶ibid̶a mʌ̃́a quĩrã djuburiada iwid̶i b̶ʌ? Israelerãa jaradua nocod̶aa wãnamãrẽã.
1945	EXO 15:24	Maʌ̃ne ãdjirãba Moisea quĩrũbid̶eba nãwã biẽ́ jarasid̶aa: –¿Dadjirãba nama cãrẽda dod̶i?–
1954	EXO 16:6	Maʌ̃be Moiseba Aaroʌ̃ ume israelerãa jarasid̶aa: –¿Daira mãwãra cai, bãrãba mãwã daidrʌ biẽ́ jarad̶i carea? Bãrãba daida biẽ́ jara panʌẽ́a; Ãcõrẽdrʌ biẽ́ jara panʌa. Idjia maʌ̃ra ũrĩ b̶ʌa. Maʌ̃ carea nane quewara idjia bãrãa cawabiya idjiabʌrʌ bãrãra Egiptod̶eba nama ẽdrʌ enesida. Idjab̶a nu diaped̶a bãrãba ununia idjia ne ununaca waib̶ʌada obʌrʌda. Nane quewara idjia nedjarada diaya idjab̶a nu diaped̶a paʌ̃da ad̶uba diaya bãrãra jãwũã ne cod̶amãrẽã.–
1963	EXO 16:15	Maʌ̃ unusid̶ad̶e israelerãba cawaẽ́ panasid̶aa cãrẽda mãwã b̶ʌda. Maʌ̃ bẽrã ãdjidub̶a iwid̶i duanasid̶aa: –¿Jãʌ̃ra cãrẽ?– Maʌ̃ne Moiseba ãdjirãa jarasia: –Jãʌ̃ra Ãcõrẽba dia b̶ʌ paʌ̃a. Idjia dia b̶ʌa dadjirãba cod̶amãrẽã.
1976	EXO 16:28	Maʌ̃ carea Ãcõrẽba Moisea jarasia: –¿Ab̶a sãʌ̃be israelerãba mʌ̃a jara b̶ʌra ĩjãnaẽ́ panani?
1986	EXO 17:2	Maʌ̃ bẽrã ãdjirãba quĩrũbid̶eba Moiseda biẽ́ jarasid̶aa: –Bʌa dairãa baidora diaida b̶ʌa dod̶i carea.– Maʌ̃ne Moiseba ãdjirãa jarasia: –¿Cãrẽ cãrẽã jãwã mʌ̃́a biẽ́ bed̶ea panʌ? ¿Ãcõrẽba sãwã oi cawaya jãwã panʌca?–
1987	EXO 17:3	Baribʌrʌ israelerã opichia panʌ bẽrã quĩrũbid̶eba Moisea jara duanasia: –¿Cãrẽ cãrẽã dairãra Egiptod̶eba ẽdrʌ enesi? Dairãra, dai warrarãra, idjab̶a dai animarã sid̶a opichiaba jũma quininia.–
1991	EXO 17:7	Israelerã baido neẽ́ pananama Moiseba trʌ̃ b̶ʌsia Masá idjab̶a Meribá. Idjia trʌ̃ b̶ʌsia Meribá, israelerãba quĩrũbid̶eba biẽ́ bed̶easid̶a bẽrã. Idjab̶a trʌ̃ b̶ʌsia Masá, Ãcõrẽba sãwã oi cawaya israelerãba nãwã jarasid̶a bẽrã: –¿Ãcõrẽra dadjirã tãẽna b̶ʌca wa neẽ́?–
2014	EXO 18:14	Moise zãwãrẽba maʌ̃ unusid̶e idjía jarasia: –¿Cãrẽ cãrẽã jãwã bʌdub̶aʌba naʌ̃ ẽberãrã nẽbʌrara cawa o b̶ʌ? Bʌdub̶a b̶ʌ bẽrã ãdjirãra bʌma ʌ̃ta powua duanʌa diaped̶abemada ab̶a queubʌrʌd̶aa.–
2460	EXO 32:21	Maʌ̃be Moiseba Aaroʌ̃a jarasia: –¿Naʌ̃ ẽberãrãba bʌra sãwã osid̶a bʌa naʌ̃ cadjirua waib̶ʌada ãdjirãa obi carea?–
4048	NUM 11:23	Ãcõrẽba Moisea jarasia: –¿Mʌ̃a jũma poya oẽ́ca? Id̶i bʌa unuya mʌ̃a jarad̶ara poya oida wa poya oẽ́da.–
4054	NUM 11:29	Moiseba jarasia: –¿Bʌa crĩcha b̶ʌca ab̶abe mʌ̃abʌrʌ Ãcõrẽ Jaurera erob̶aida b̶ʌda? Mʌ̃maarã bia b̶acasia Ãcõrẽba idji Jaureda jũmarãa diabʌrʌbara idjab̶a jũmarãda idjid̶eba bed̶eabʌdabara.–
4062	NUM 12:2	Ãdjia nãwã jarasid̶aa: –¿Ãcõrẽra ab̶abe Moised̶eba bed̶eabarica? ¿Dadjid̶eba bid̶a bed̶eacaca?– Mãwã bed̶ea panʌra Ãcõrẽba biẽ́ ũrĩsia. (
4136	NUM 14:27	–¿Ab̶a sãʌ̃be naʌ̃ puru cadjiruaba mʌ̃ra biẽ́ jara panani? Mʌ̃a ũrĩ b̶ʌa ãdjia mʌ̃da biẽ́ jara panabadada.
4150	NUM 14:41	Baribʌrʌ Moiseba jarasia: –¿Bãrãba cãrẽ cãrẽã Ãcõrẽba jarad̶ara ĩjãnaẽ́? Bãrãda Canaaʌ̃ druad̶aa wãnibʌrʌ, bia wãnaẽ́a.
4346	NUM 21:5	Maʌ̃ carea Ãcõrẽda, Moise sid̶a nãwã biẽ́ jara duanesid̶aa: –¿Bʌa dairãra Egiptod̶eba ẽdrʌ enesica naʌ̃ ẽjũã põãsa ewaraga b̶ʌd̶e quininamãrẽã? Cod̶ira neẽ́a. Baido sid̶a neẽ́a. Idjab̶a naʌ̃ maná warraẽ́ tab̶ʌ co panʌba sẽ panʌa.–
4385	NUM 22:9	Maʌ̃ diamasi Ãcõrẽra Balaaʌ̃ma odjaped̶a nãwã iwid̶isia: –¿Ẽberãrã bʌ ded̶e panʌra cairãda jãwã panʌ?
4404	NUM 22:28	Maʌ̃ne Ãcõrẽba Balaaʌ̃ burrora bed̶eabisia. Dji burroba iwid̶isia: –¿Mʌ̃a cãrẽda od̶a bẽrã bʌa mʌ̃ra jãwã b̶arima ũbea usí?–
4408	NUM 22:32	Ãcõrẽ nezoca bajãnebemaba Balaaʌ̃a jarasia: –¿Bʌa cãrẽ cãrẽã bʌ burrora b̶arima ũbea usí? Mʌ̃abʌrʌ ora jũãtrʌ erob̶ʌa bʌ nocod̶aa wãrãmãrẽã. Bʌa od̶e wãbʌrʌra mʌ̃a quĩrĩãẽ́a.
4428	NUM 23:11	Balaaʌ̃ mãwã bed̶eabʌrʌ carea Balába quĩrũbid̶eba jarasia: –¿Bʌa cãrẽda jara b̶ʌ? Mʌ̃a bʌra zebisia mʌ̃ ume dji quĩrũda biẽ́ jara b̶ʌmãrẽã. Baribʌrʌ bʌa ãdjirãra bia jara b̶ʌa.–
4434	NUM 23:17	Ara maʌ̃da Balaaʌ̃ra jẽda wãsia. Jũẽbʌrʌd̶e unusia Balára jũma Moab druad̶ebema dji dromarã sid̶a Ãcõrẽa animarã babue dia panʌ caita duanʌda. Balába idjía iwid̶isia: –¿Ãcõrẽba cãrẽda jarasi?–
4443	NUM 23:26	Maʌ̃ne Balaaʌ̃ba panusia: –¿Mʌ̃a ab̶abe Ãcõrẽba jarabid̶adrʌ jaraida b̶ʌad̶a asiẽ́ca?
5949	JOS 5:13	Mama Jerico caita b̶ʌd̶e ewari ab̶a Josueba ẽberãda neco jũẽ nũmʌda unusia. Maʌ̃ ẽberã caita wãped̶a iwid̶isia: –¿Bʌra daiare b̶ʌca wa dai dji quĩrũare b̶ʌ?–
5988	JOS 7:10	Maʌ̃ne Ãcõrẽba jarasia: –¿Cãrẽ cãrẽã sopuaba bʌra egode cob̶ʌ? ¡Piradrʌdua!
6003	JOS 7:25	Maʌ̃ne Josueba Acaʌ̃ra nãwã quẽãsia: –¿Bʌa cãrẽ cãrẽã daira nẽbʌrad̶e b̶ʌsi? ¡Bʌa nẽbʌra od̶ara Ãcõrẽba ara bʌdji ʌ̃rʌ̃ b̶aebiya!– Mãwã jarad̶acarea israelerãba Acaʌ̃ra idji ẽberãrã sid̶a mõgaraba tab̶ari bead̶aped̶a jũma babuesid̶aa. Jũma idjia erob̶ad̶a sid̶a babuesid̶aa.
6047	JOS 9:8	Gabaoʌ̃nebemarãba nãwã panusid̶aa: –Daira bãrã nezocarãa.– Maʌ̃ne Josueba nãwã iwid̶isia: –¿Bãrãra cairãda jãwã panʌ? ¿Sãmaʌba ze panʌ?–
6685	JDG 6:29	Maʌ̃ne ãdjiza dji iwid̶i duanesid̶aa: –¿Caiba jãwã osi?– Jũmarãa iwid̶id̶aped̶a cawasid̶aa Gedeoʌ̃ba mãwã osida. Maʌ̃ carea Gedeoʌ̃ zeza Joasamaa wãnaped̶a jarasid̶aa:
6687	JDG 6:31	Maʌ̃ne Joasaba idji ume quĩrũ panʌ́a nãwã jarasia: –¿Mãwãra bãrãba Baalda carebad̶ica? ¿Idjiare djõnica? Mʌ̃a jaraya bariduaba Baalera carebaibʌrʌ ʌ̃nadrʌi naẽna beuida b̶ʌa. Baalda wãrãda ãcõrẽbʌrʌ, idjidrʌ idji mõgara coratad̶a ume djõida b̶ʌa.–
6831	JDG 10:18	Mãwã panʌne ãdjirãba, dji bororã bid̶a ãdjiza iwid̶isid̶aa: –¿Caida naãrã amonitarã ume djõne wãi?– Maʌ̃be nãwã bed̶ea b̶ʌsid̶aa: –Djõbʌdad̶e dji nocoare b̶ebʌrʌda jũma dadji Galad̶ebemarã boro baya.–
6838	JDG 11:7	Dji bororã tãẽna idji djabarãda panʌ bẽrã Jepteba nãwã jarasia: –¿Bãrãba mʌ̃ra quĩrãma panasid̶aẽ́ca? ¿Mʌ̃ zeza ded̶ebemada ãyã jʌretad̶aẽ́ basica? Bãrãra minijĩchiad̶e panʌ bẽrã ¿mʌ̃ra jãwã jʌrʌd̶e ze panʌca?–
6872	JDG 12:1	Jepteba amonitarã poyad̶acarea Epraiʌ̃nebema sordaorãda dji jʌred̶aped̶a Jordaʌ̃ do chãnaped̶a Sapoʌ̃ puruare Jepte b̶ʌmaa wãsid̶aa. Quĩrũbid̶eba Jeptea nãwã iwid̶isid̶aa: –¿Cãrẽ cãrẽã bʌdub̶a amonitarã ume djõne wãsi? ¿Cãrẽ cãrẽã dairãra trʌ̃ẽ́ basi bʌ ume wãnamãrẽã? Mãwã od̶a bẽrã dairãba bʌra, bʌ de sid̶a jũma babued̶ia.–
6876	JDG 12:5	Maʌ̃ne Galad̶ebemarãba Jordaʌ̃ do chãbadama jʌ̃ãsid̶aa. Mama Epraiʌ̃nebemarãra chãnida panasid̶aa jẽda ãdji druad̶aa mĩrũ wãni carea. Ab̶aʌba chãi carea iwid̶ibʌrʌd̶e Galad̶ebemarãba iwid̶ibadjid̶aa: –¿Bʌra Epraiʌ̃nebemaca?– Maʌ̃ne Epraiʌ̃nebemaba mãwãẽ́ana asira Galad̶ebemarãba jarabadjid̶aa: –“Chibolet” adua.– Epraiʌ̃nebemarãba maʌ̃ bed̶eara poya arid̶e jarad̶aca basía. Biara “Sibolet” abadjid̶aa. Maʌ̃ne ab̶aʌba Sibolet asira Galad̶ebemarãba cawabadjid̶aa idjira Epraiʌ̃nebemada. Maʌ̃ bẽrã jidad̶aped̶a ara mama Jordaʌ̃ do icawa beabadjid̶aa. Maʌ̃ ewarid̶e Epraiʌ̃nebemarãra 42 mil beasid̶aa.
6914	JDG 14:3	Maʌ̃ne Sansoʌ̃ djibarirãba jarasid̶aa: –¿Cãrẽ cãrẽã pilisteo wẽrãda eda quĩrĩã b̶ʌ? Pilisteorãra cacua wẽãgoẽ́ tab̶eaa. ¿Dadji Daʌ̃neba yõped̶ad̶arã idjab̶a waabema israelerã tãẽna wẽrã biada neẽ́ca?– Sansoʌ̃ba panusia: –Mʌ̃a jãʌ̃ wẽrãda awua b̶ʌa. Idjira mʌ̃ itea iwid̶id̶adua.–
6926	JDG 14:15	Maʌ̃ carea quĩmãrẽbema ewarid̶e Sansoʌ̃ba edai wẽrãa nãwã jarasid̶aa: –¿Bãrãba dairãra trʌ̃sid̶aca dairãneda jãrĩni carea? Jãʌ̃ mĩãdjiruba jara b̶ʌra bʌdji quimaa iwid̶idua. Mãwã oẽ́bʌrʌ daiba bʌra, bʌ ẽberãrã sid̶a babued̶ia.–
6941	JDG 15:10	Maʌ̃ne Judad̶ebemarãba ãdjirãa nãwã iwid̶isid̶aa: –¿Cãrẽ cãrẽã dairã ume djõne ze panʌ?– Pilisteorãba panusid̶aa: –Sansoʌ̃da jidad̶e ze panʌa dairãra biẽ́ od̶a bẽrã.–
7228	1SA 1:14	Maʌ̃ bẽrã Eliba jarasia: –¿Ab̶a sãʌ̃be bʌra jãwã beu chũmai? ¡Waa itua dorãdua!–
7286	1SA 3:8	Maʌ̃be Ãcõrẽba waya Samuelera trʌ̃ jarasia. Ara maʌ̃da Samuelera piradrʌped̶a Elimaa wãsia. Maʌ̃ne jarasia: –¿Cãrẽ cãrẽã trʌ̃ b̶ʌ?– Maʌ̃nebʌrʌ Eliba cawasia Ãcõrẽbʌrʌ Samuelera trʌ̃ jara b̶ʌda.
7295	1SA 3:17	Maʌ̃ne Eliba iwid̶isia: –¿Ãcõrẽba bʌ́a cãrẽda jarasi? Idjia jarad̶ara ni maãrĩ bid̶a mẽrãrãdua. ¡Ãcõrẽba bʌra bio cawa oya idjia jarad̶ada mʌ̃́a jũma jaraẽ́bʌrʌ!–
7302	1SA 4:3	Israeld̶ebema sordaorã jẽda zebʌda unusid̶ad̶e dji bororãba ãdjiza iwid̶isid̶aa: –¿Cãrẽ cãrẽã id̶i Ãcõrẽba pilisteorãa idu poyabisi? Ãcõrẽ baurudera Silod̶e edad̶e wãna dadjirã tãẽna b̶amãrẽã. Mãwã Ãcõrẽba dadjirãra dji quĩrũ jʌwaed̶abemada ẽdrʌ b̶ʌya.–
7305	1SA 4:6	Maʌ̃ b̶ʌga duanʌra pilisteorãba ũrĩnaped̶a ãdjiza iwid̶isid̶aa: –¿Cãrẽ cãrẽã hebreorãra jãcua b̶ʌga duanʌ?– Maʌ̃ne cawasid̶aa Ãcõrẽ baurudera israelerã duanʌmaa enesid̶ada.
7312	1SA 4:13	Maʌ̃ne Elira idji bugued̶e óare chũmasia quĩrãcuita b̶ai carea. Idjira 98 poa b̶ʌ bẽrã dau towa b̶asia. Baribʌrʌ Ãcõrẽ baurude carea jũmawãyã crĩcha b̶ʌ bẽrã mãwã quĩrãcuita b̶asia. Maʌ̃ne dji ẽberã mĩrũ wãnara purud̶e jũẽped̶a israelerã sordaorã sãwãped̶ad̶ada jũma nẽbʌrʌsia. Maʌ̃ ũrĩnaped̶a sopuaba purura b̶ʌga duanesia. Mãwã b̶ʌga duanʌ ũrĩbʌrʌd̶e Eliba iwid̶isia: –¿Cãrẽ cãrẽã ẽberãrãra jãcua b̶ʌga duanʌ?– Maʌ̃ne dji ẽberã mĩrũ wãnaba israelerã sordaorã sãwãped̶ad̶ada Elia jarad̶e wãsia.
7335	1SA 6:2	Maʌ̃be Dagoʌ̃ sacerdoterãda, dau ẽsã unubadarã sid̶a ãbaa trʌ̃cuad̶aped̶a iwid̶isid̶aa: –¿Ãcõrẽ baurudera sãwã od̶i? Daia jarad̶adua sãwã waya idji b̶ad̶amaa diabued̶ida.–
7431	1SA 10:11	Baribʌrʌ Saul unubadarãba idjira Ãcõrẽneba bed̶ea b̶ʌda unusid̶ad̶e ara ãdjidub̶a jarasid̶aa: –¿Cãrẽda sãwãsi Quis warra Saulora jãwã nũmʌra? ¿Idji sid̶a Ãcõrẽneba bed̶eabarica?–
7432	1SA 10:12	Mamabema ab̶aʌba jarasia: –¿Ãdjirã zezara cai?– Maʌ̃ carea ab̶aʌba ne oca bad̶ada cawaẽ́ne o b̶eibʌrʌ israelerãba nãwã jarabadaa: “¿Saul sid̶a Ãcõrẽneba bed̶eabarica?”
7435	1SA 10:15	Idji djabadrõãba iwid̶isia: –¿Samuelba cãrẽda jarasi? Mʌ̃ djuburia idjia jarad̶ara jũma nẽbʌrʌdua.–
7459	1SA 11:12	Maʌ̃ne israelerãba Samuelea jarasid̶aa: –¿Cairãbʌrʌ Saulora dadjirã boro baida quĩrĩãẽ́ panasid̶a? Dairãa jarad̶adua bead̶i carea.–
7498	1SA 13:11	Maʌ̃ne Samuelba jarasia: –¿Cãrẽ cãrẽã bʌa jãwã animarãra Ãcõrẽa babue diasi?– Saulba panusia: –Mʌ̃a jãwã osia mʌ̃ sordaorãra memenebʌda bẽrã idjab̶a bʌa jarad̶a ewarid̶e bʌra zeẽ́ b̶ad̶a bẽrã. Maʌ̃ awara pilisteorãra Micmáne jʌre duanʌa dadjirã ume djõni carea.
7598	1SA 16:1	Ãcõrẽba Samuelea jarasia: –¿Bʌra ab̶a sãʌ̃be Saul carea sopua b̶ai? Mʌ̃a idjira israelerã boro bad̶ada igarasia. Mʌ̃a quĩrĩã b̶ʌa bʌra Beleʌ̃naa wãida ẽberã Jesé abadamaa. Idji warrad̶ebemada mʌ̃a ab̶a b̶ʌya israelerã boroda b̶amãrẽã. Maʌ̃ carea nedragada cachud̶e tʌ edaped̶a idjimaa wãdua.–
7601	1SA 16:4	Ãcõrẽba jarad̶a quĩrãca Samuelba osia. Beleʌ̃ne jũẽsid̶e mamabema nocorãba ne wayaaba idjira audiab̶arid̶aped̶a nãwã iwid̶isid̶aa: –¿Bʌra necai zebʌrʌca?–
7628	1SA 17:8	Goliára jewed̶ad̶e nũmeped̶a israelerã sordaorãa nãwã b̶iasia: –¿Cãrẽ cãrẽã jãwã chãwẽ duanʌ? Mʌ̃ra pilisteoa. Jũma bãrãra Sauloare djõbadaa. Mʌ̃dub̶a pilisteorã carea djõya. Maʌ̃ bẽrã ẽberãda ab̶a edad̶adua bãrã carea mʌ̃ ume djõne zemãrẽã.
7645	1SA 17:25	Ãdjidub̶a jarasid̶aa: –¿Bãrãba jãʌ̃ ẽberãra unusid̶aca? Idjia dadjirãa orra bed̶ead̶e zebaria. Bariduaba jãʌ̃ pilisteoda beaibʌrʌ dadji boroba maʌ̃ ẽberãra ne bara b̶ʌya. Idji cau sid̶a diaya. Maʌ̃ awara idjia parata diabi b̶ʌra dji zeza ẽberãrãa waa diabiẽ́a.–
7648	1SA 17:28	Davi djaba dji nabema Eliába ũrĩsia Davira dewararã ume nẽbʌrʌ b̶ʌda. Maʌ̃ carea quĩrũped̶a Davia nãwã jarasia: –¿Cãrẽ cãrẽã zesi? ¿Jãʌ̃ oveja zocãrãẽ́be tab̶ʌda ẽjũã põãsa ewaraga b̶ʌd̶e ãdub̶a b̶eesica? Mʌ̃a cawa b̶ʌa bʌra sãwã b̶ʌda. Bʌra namaa ze b̶ʌa ab̶abe dairã djõ duanʌda acʌi carea.–