1	GEN 1:1	In the bigynnyng God made of nouyt heuene and erthe.
49	GEN 2:18	And the Lord God seide, It is not good that a man be aloone, make we to hym an help lijk to hym silf.
95	GEN 4:15	And the Lord seide to hym, It schal not be don so, but ech man that schal slee Cayn shal be punyschid seuenfold. And the Lord settide a signe in Cayn, that ech man that schulde fynde hym schulde not slee hym.
98	GEN 4:18	Forsothe Enoth gendride Irad, and Irad gendride Manyael, and Manyael gendride Matusael, and Matusael gendride Lameth;
171	GEN 7:11	In the sixe hundrid yeer of the lijf of Noe, in the secunde moneth, in the seuententhe dai of the moneth, alle the wellis of the greet see weren brokun, and the wyndowis of heuene weren opened,
173	GEN 7:13	In the ende of that dai Noe entride, and Sem, Cham, and Japheth, hise sones, his wijf, and the wyues of hise sones, entriden with hem into the schip.
198	GEN 8:14	In the secunde monethe, in the seuene and twentithe dai of the monethe, the erthe was maad drie.
360	GEN 14:23	Lord of heuene and of erthe, that fro the threde of oof til to the layner of the hose I schal not take of alle thingis that ben thine, lest thou seie, I made Abram riche;
369	GEN 15:8	And Abram seide, Lord God, wherbi may I wite that Y schal welde it?
379	GEN 15:18	In that dai the Lord made a couenaunt of pees with Abram, and seide, Y schal yyue to thi seed this lond, fro the ryuer of Egipt til to the greet ryuer Eufrates; Cyneis,
387	GEN 16:5	And Saray seide to Abram, Thou doist wickidli ayens me; I yaf my seruauntesse in to thi bosum, which seeth, that sche conseyuede, and dispisith me; the Lord deme betwixe me and thee.
393	GEN 16:11	And aftirward he seide, Lo! thou hast conseyued, and thou schalt bere a sone, and thou schalt clepe his name Ismael, for the Lord hath herd thi turment;
397	GEN 16:15	And Agar childide a sone to Abram, which clepide his name Ismael.
414	GEN 17:16	and Y schal blesse hir, and of hir I schal yyue to thee a sone, whom I schal blesse, and he schal be in to naciouns, and kyngis of puplis schulen be borun of hym.
416	GEN 17:18	And he seide to the Lord, Y wolde that Ismael lyue bifore thee.
421	GEN 17:23	Forsothe Abraham took Ismael, his sone, and alle the borun seruauntis of his hous, and alle which he hadde bouyte, alle the malis of alle men of his hous, and circumsidide the fleisch of her yerde, anoon in that dai, as the Lord comaundide him.
423	GEN 17:25	and Ismael, his sone, hadde fillid threttene yeer in the tyme of his circumsicioun.
424	GEN 17:26	Abraham was circumsidid in the same day, and Ismael his sone,
429	GEN 18:4	but I schal brynge a litil watir, and youre feet be waischid, and reste ye vndur the tre;
440	GEN 18:15	Sare was aferd for drede, and denyede, seiynge, Y leiyede not. Forsothe the Lord seide, It is not so, but thou leiyedist.
451	GEN 18:26	And the Lord seide to him, If Y schal fynde in Sodom fifti iust men in the myddis of the citee, Y schal foryyue to al the place for hem.
453	GEN 18:28	what if lesse than fifti iust men bi fyue ben, schalt thou do a wey al the cite for fyue and fourti? And the Lord seide, Y schal not do a wei, if I schal fynde fyue and fourti there.
501	GEN 20:5	Whether he seide not to me, Sche is my sistir, and sche seide, He is my brother? In the symplenesse of myn herte, and in the clennesse of myn hondis Y dide this.
502	GEN 20:6	And the Lord seide to hym, And Y woot that thou didist bi symple herte, and therfor Y kepte thee, lest thou didist synne ayens me, and I suffride not that thou touchidist hir;
526	GEN 21:12	and God seide to hym, Be it not seyn scharp to thee on the child, and on thin handmayde; alle thingis whiche Sare seith to thee, here thou hir vois, for in Isaac seed schal be clepid to thee;
527	GEN 21:13	but also I schal make the sone of the handmaid in to a greet folk, for he is thi seed.
536	GEN 21:22	In the same tyme Abymelech, and Ficol, prince of his oost, seide to Abraham, God is with thee in alle thingis whiche thou doist;
540	GEN 21:26	And Abymelech answerde, I wiste not who dide this thing, but also thou schewidist not to me, and Y herde not outakun to dai.
554	GEN 22:6	And he took the trees of brent sacrifice, and puttide on Ysaac his sone; forsothe he bar fier, and a swerd in hise hondis. And whanne thei tweyne yeden togidere, Isaac seide to his fadir, My fadir!
560	GEN 22:12	Which answerde, I am present. And the aungel seide to hym, Holde thou not forth thin honde on the child, nether do thou ony thing to him; now Y haue knowe that thou dredist God, and sparidist not thin oon gendrid sone for me.
580	GEN 23:8	And he seide to hem, If it plesith youre soule that Y birie my deed bodi, here ye me, and preie ye for me to Efron, the sone of Seor,
597	GEN 24:5	The seruaunt aunswerde, If the womman nyle come with me in to this lond, whether Y owe lede ayen thi sone to the place, fro which thou yedist out?
623	GEN 24:31	and seide to him, Entre thou, the blessid of the Lord; whi stondist thou with outforth? I haue maad redi the hows, and a place to thi camels.
648	GEN 24:56	The child seide, Nyle ye holde me, for the Lord hath dressid my weie; delyuere ye me, that I go to my lord.
654	GEN 24:62	In that tyme Ysaac walkide bi the weie that ledith to the pit, whos name is of hym that lyueth and seeth; for he dwellide in the south lond.
664	GEN 25:5	And Abraham yaf alle thingis whiche he hadde in possessioun to Isaac;
668	GEN 25:9	And Ysaac and Ismael, his sones, birieden him in the double denne, which is set in the feeld of Efron, sone of Seor Ethei,
670	GEN 25:11	And aftir the deeth of Abraham God blesside Isaac his sone, which dwellide bisidis the pit bi name of hym that lyueth and seeth.
671	GEN 25:12	These ben the generaciouns of Ismael, sone of Abraham, whom Agar Egipcian, seruauntesse of Sare, childide to Abraham;
672	GEN 25:13	and these ben the names of the sones of Ismael, in her names and generaciouns. The firste gendride of Ismael was Nabaioth, aftirward Cedar, and Abdeel, and Mabsan,
674	GEN 25:15	and Adad, and Thema, and Ithur, and Nafir, and Cedma.
675	GEN 25:16	These weren the sones of Ismael, and these weren names by castels and townes of hem, twelue princes of her lynagis.
676	GEN 25:17	And the yeeris of lijf of Ismael weren maad an hundrid and seuene and thretti, and he failide, and diede, and was put to his puple.
678	GEN 25:19	Also these ben the generaciouns of Ysaac sone of Abraham. Abraham gendride Isaac,
679	GEN 25:20	and whanne Isaac was of fourti yeer, he weddide a wijf, Rebecca, douyter of Batuel, of Sirie of Mesopotanye, the sistir of Laban.
680	GEN 25:21	And Isaac bisouyte the Lord for his wijf, for sche was bareyn; and the Lord herde him, and yaf conseiuyng to Rebecca.
681	GEN 25:22	But the litle children weren hurtlid togidre in hir wombe; and sche seide, If it was so to comynge to me, what nede was it to conseyue? And sche yede and axide counsel of the Lord,
685	GEN 25:26	Anoon the tothir yede out, and helde with the hond the heele of the brother; and therfore he clepide him Jacob. Isaac was sixti yeer eeld, whanne the litle children weren borun.
687	GEN 25:28	Isaac louyde Esau, for he eet of the huntyng of Esau; and Rebecca louyde Jacob.
694	GEN 26:1	Forsothe for hungur roos on the lond, aftir thilke bareynesse that bifelde in the daies of Abraham, Isaac yede forth to Abymelech, kyng of Palestyns, in Gerara.
702	GEN 26:9	And whanne Isaac was clepid, the kyng seide, It is opyn, that sche is thi wijf; whi liedist thou, that sche was thi sistir? Isaac answerde, Y dredde, lest Y schulde die for hir.
705	GEN 26:12	Forsothe Isaac sowide in that lond, and he foond an hundrid fold in that yeer; and the Lord blesside hym.
713	GEN 26:20	But also strijf of scheepherdis of Gerare was there ayens the scheepherdis of Isaac, and thei seiden, The watir is oure; wherfor of that that bifelde he clepide the name of the pit fals chaleng.
720	GEN 26:27	Isaac spak to hem, What camen ye to me, a man whom ye hatiden, and puttiden awei fro you?
723	GEN 26:30	Therfor Isaac made a feeste to hem; and after mete and drynk thei risen eerli,
724	GEN 26:31	and sworen ech to other; and Isaac lefte hem peisibli in to her place.
728	GEN 26:35	whiche bothe offendiden the soule of Isaac and of Rebecca.
729	GEN 27:1	Forsothe Isaac wexe eld, and hise iyen dasewiden, and he miyte not se. And he clepide Esau, his more sone, and seide to hym, My sone! Which answerde, Y am present.
748	GEN 27:20	Eft Ysaac seide to his sone, My sone, hou miytist thou fynde so soone? Which answerde, It was Goddis wille, that this that Y wolde schulde come soone to me.
749	GEN 27:21	And Isaac seide, My sone, come thou hidir, that Y touche thee, and that Y preue wher thou art my sone Esau, ethir nay.
750	GEN 27:22	He neiyede to the fadir; and whanne he hadde feelid hym, Isaac seide, Sotheli the vois is the vois of Jacob, but the hondis ben the hondis of Esau.
751	GEN 27:23	And Isaac knew not Jacob, for the heery hondis expressiden the licnesse of the more sone.
752	GEN 27:24	Therfor Isaac blesside him, and seide, Art thou my sone Esau? Jacob answerde, Y am.
753	GEN 27:25	And Isaac seide, My sone, brynge thou to me metis of thin huntyng, that my soule blesse thee. And whanne Isaac hadde ete these metis brouyt, Jacob brouyte also wyn to Isaac, and whanne this was drunkun,
754	GEN 27:26	Isaac seide to him, My sone, come thou hidir, and yyue to me a cos.
755	GEN 27:27	Jacob neiyede, and kisside hym; and anoon as Isaac feelide the odour of hise clothis, he blesside him, and seide, Lo! the odour of my sone as the odour of a `feeld ful which the Lord hath blessid.
758	GEN 27:30	Vnnethis Isaac hadde fillid the word, and whanne Jacob was gon out,
760	GEN 27:32	And Isaac seide, Who forsothe art thou? Which answerde, Y am Esau, thi firste gendrid sone.
761	GEN 27:33	Isaac dredde bi a greet astonying; and he wondride more, than it mai be bileued, and seide, Who therfor is he which a while ago brouyte to me huntyng takun, and Y eet of alle thingis bifor that thou camest; and Y blesside him? and he schal be blessid.
767	GEN 27:39	Isaac was stirid, and seide to hym, Thi blessyng schal be in the fatnesse of erthe, and in the dew of heuene fro aboue;
774	GEN 27:46	And Rebecca seide to Isaac, It anoieth me of my lijf for the douytris of Heth; if Jacob takith a wijf of the kynrede of this lond, Y nyle lyue.
775	GEN 28:1	And so Isaac clepide Jacob, and blesside hym, and comaundide to hym, and seide, Nyle thou take a wijf of the kyn of Canaan; but go thou,
783	GEN 28:9	And he yede to Ismael, and weddide a wijf, with out these whiche he hadde bifore, Melech, the douyter of Ismael, sone of Abraham, the sistir of Nabaioth.
787	GEN 28:13	and the Lord fastned to the laddir, seiynge to hym, Y am the Lord God of Abraham, thi fadir, and God of Isaac; Y schal yyue to thee and to thi seed the lond in which thou slepist.
794	GEN 28:20	Also he auowide a vow, and seide, If God is with me, and kepith me in the weie in which Y go, and yyueth to me looues to ete, and clothis to be clothid,
802	GEN 29:6	Jacob seide, Is he hool? Thei seiden, He is in good staat; and lo! Rachel, his douytir, cometh with his flok.
815	GEN 29:19	Laban answeride, It is betere that Y yyue hir to thee than to anothir man; dwelle thou at me.
822	GEN 29:26	Laban answerde, It is not custom in oure place that we yyue first the `lesse douytris to weddyngis;
831	GEN 29:35	The fourthe tyme sche conseyuede, and childide a sone, and seide, Now I schal knouleche to the Lord; and herfor she clepide his name Judas; and ceesside to childe.
849	GEN 30:18	and seide, God yaf meede to me, for Y yaf myn handmayde to myn hosebond; and sche clepide his name Isacar.
882	GEN 31:8	If he seide ony tyme, Dyuerse colourid sheep schulen be thi medis, alle sheep brouyten forth dyuerse colourid lambren; forsothe whanne he seide ayenward, Thou shalte take alle white for mede, alle the flockis brouyten forth white beestis;
892	GEN 31:18	and he took al his catel, flockis, and what euer thing he hadde gete in Mesopotanye, and yede to Isaac, his fadir, into the lond of Canaan.
893	GEN 31:19	In that tyme Laban yede to schere scheep, and Rachel stal the idols of hir fadir.
900	GEN 31:26	Whi hast thou do so, that the while I wiste not thou woldist dryue awey my douytris as caitifs by swerd?
912	GEN 31:38	Was I with thee herfore twenti yeer? Thi sheep and geet weren not bareyn, Y eet not the rammes of thi flok,
916	GEN 31:42	If God of my fadir Abraham, and the drede of Isaac hadde not helpid me, perauenture now thou haddist left me nakid; the Lord bihelde my turmentyng and the traueyl of myn hondis, and repreuyde thee yistirdai.
937	GEN 32:9	and seide, If Esau schal come to o cumpeny, and schal smyte it, the tothir cumpeny which is residue schal be saued.
938	GEN 32:10	And Jacob seide, A! God of my fadir Abraham, and God of my fadir Isaac, A! Lord, that seidist to me, Turne thou ayen in to thi lond, and in to the place of thi birthe, and Y schal do wel to thee,
946	GEN 32:18	And he comaundide to the formere, and seide, If thou schalt mete my brothir Esau, and he schal axe thee, whos man thou art, ether whidir thou goist, ether whos ben these thingis whiche thou suest,
948	GEN 32:20	In lijk maner, he yaf comaundementis to the secounde, and to the thridde, and to alle that sueden flockis; and seide, Speke ye bi the same wordis to Esau,
957	GEN 32:29	And the man seide, Thi name schal no more be clepid Jacob, but Israel; for if thou were strong ayens God, hou miche more schalt thou haue power ayens men.
961	GEN 32:33	For which cause the sones of Israel eten not `til in to present day the senewe, that driede in the hipe of Jacob; for the man touchide the senewe of Jacobs hipe, and it driede.
971	GEN 33:10	And Jacob seide, Y biseche, nyle thou so, but if Y foond grace in thin iyen, take thou a litil yifte of myn hondis; for Y seiy so thi face as I seiy the cheer of God;
975	GEN 33:14	my lord go bifore his seruaunt, and Y schal sue litil and litil hise steppis, as I shal se that my litle children mown, til Y come to my lord, in to Seir.
976	GEN 33:15	Esau answeride, Y preie thee, that of the puple which is with me, nameli felowis of thi weie dwelle. Jacob seide, It is no nede; Y haue nede to this o thing oneli, that Y fynde grace in thi siyt, my lord.
981	GEN 33:20	And whanne he hadde reisid an auter there, he inwardly clepide on it the strongeste God of Israel.
988	GEN 34:7	hise sones camen fro the feeld. And whanne this thing that bifelde was herd, thei weren wroothe greetli; for he wrouyte a foul thing in Israel, and he hadde do a thing vnleueful in the defoulyng of the douyter of Jacob.