438	GEN 18:13	Gii kaeyamo kandatala, akali aiyomba joo epeamo dokome Abrakame lamaiyoo, “Sarame aipuma gii kaeyao, 'Namba enda wambake dakeme kapa wane manditupi' lelyape?
507	GEN 20:11	Dopa leamopa, Abrakameme pii yanu pyao, “Nambame masio doko, 'Yuu dakenya Gote paka kaenge mende nakatengema dokonya, nyakamame nambanya enda doko kanju katao, namba pyatamina' latala leo.
509	GEN 20:13	Dokopa nambanya takange yakinatala, Goteme puu leamo dokopa, nambame Sara lamaiyoo, “Embame namba auu kaeyateno doko, nalimba patamba yuu dupanya pao pituu, namba embanya pimalengena lape' lao lamaiyona” Abrakameme lea.
606	GEN 24:14	Ipatamino dokopa, nambame wanaku mapukae dupanya mende lamaiyoo, 'Embanya penge dokonya namba endaki natoo dii' latopa, namba ditala, kamele dupa apata maiyakatoo latamo doko, embanya kalai akali Aisakenya enda lanyakamaipenge doko-lamo lao kandatoo” lao loma sia.
629	GEN 24:37	Dopa pipenge dokonyana, baame namba langyoo pituu, 'Embame Kenane yuu dakenya tange enda mende lanyakamaiya naeyape. Namba mandeamo yuu dokonya pupala, nambanya takangenya tata dokonya enda mende, nambanya ikiningi dokonya lanyakamaipi. Nambanya pii nepala naeyatona lao, etete kyeto joo langi' lea.
631	GEN 24:39	Dopa leamopa, nambame nambanya akali andake doko tipa pyoo, 'Enda mende kandao nyepala, bona epena lamaitupa, daa latamo doko, aipa pitupe?' leo.
632	GEN 24:40	Dopa leopa, Abrakameme namba langyoo, 'Nambanya Kamongo watao minao paenge dokome emba nisoo, baanya enjele mende apata pupa latamopa, embanya kalai doko dii manjapomo. Dopa pitamopa, nambanya takangenya tata dokonya enda mende, Aisakenya lanyakamaiyapeno.
633	GEN 24:41	Namba tata katatami dokonya patatenopa, wanaku mende nandimana latamino, doko pii kyeto joo leleno, dokome emba-kisa tenge naipatana' lea.
634	GEN 24:42	“Namba ipao endaki pete tombapae dokonya pyakaetala loma soo pituu, 'Nambanya akali andake Abrakamenya Kamongo Gote, nambame kalai pyaa epo doko angi jina lape.
636	GEN 24:44	Dopa latopa, yakalumuna latala, endaki namba natale ditoo, dee kamele dokaita maiyakatoaka latamo doko, Kamongome nambanya akali andake dokonya ikininginya enda anali latae doko-lamo lao kandatoo' lao loma solo.
637	GEN 24:45	Dopa lao ene mona andaka loma soo etalanya pipupa, Rebekame penge latainya soo, ipao endaki kamupyanya, 'Wanaku epe, endaki mendalapo natoo dipoko' lalo.
638	GEN 24:46	Dopa latapupa, baame endaki kamuo soo ipupya doko yapa lao nyepala, namba langyoo, 'Emba endaki naa. Napatenopa, kamele dupa endaki maiyakatoaka' laamo. Dopa lapumupa, namba endaki nyoo nalo. Napapupa, kamele dupa endaki maiyakalamoaka.
23243	MAT 2:5	Dopa leamopa, dokaitame pii yanu pyao, “Goteme propeta mende-kisa lamaiyamo doko, dapa lao pepa pyapae silyamo: 'Nyakama Beteleme tange dupa, nyakamanya yuu taono doko taono waka Judia silyamo, dupanya pundi-pundi naseta. Nyakamanya mandipaenya mandipae, dupanya isingi akali mende pyakalyetamo dokome, nambanya Israele tange endakali dupa setao katakatana' lao pepa pyapae silyamo. Dopa lapae silyamo dokonya, Kraisa doko yuu andake Judia dokonya taono yakane Beteleme mandipengena” leami.
23264	MAT 3:3	Wamba propeta Aisaiyame Jone kaimbu pingi doko kandao, “Endakali napalenge yuu mendasa akali mendeme katapala wii lao, 'Kamongonya kaitini doko depa lakamaiyepape. Kaitini koeyapae dupa tolasakamaiyepape' lao katatana” lea.
23282	MAT 4:4	Dopa leamopa, Jisasame baanya pii yanu pyakamaiyoo, “'Endakalimi betesa iki nenge dokonya-kaita, saka nakatenge. Goteme pii lelyamo dokonya-kaita, endakali saka katengena,' dopa lao pepa pyapae silyamona” lea.
23284	MAT 4:6	Dopa latala baame Jisasa lamaiyoo, “Gotenya pii dapa lao pepa pyapae silyamo: 'Goteme emba masetala, kaname embanya mokopi mende, koeyatame latala, enjele dupame emba nisoo kopyoo nyina latana' latae silyamo. Dopana, emba kini Gote Ikiningi-tamo doko, ketae dakenya katao isa mangau laa” lea.
23285	MAT 4:7	Dopa leamopa, Jisasame baa lamaiyoo, “'Embame embanya Kamongo Gote doko minao makande napipi' lao pepa pyapae silyamona” lea.
23288	MAT 4:10	Dopa leamopa, Jisasame baa lamaiyoo, “'Embame embanya Kamongo Gote doko mambo pyao, baanya iki kalai pyakamaiyoo katape' lao pepa pyapae silyamona, Satane, emba puu” lea.
23324	MAT 5:21	Jisasame dee mende lao pituu, “'Embame endakali yango mende tuu pyoo pyao kumasala naeyape. Pyao kumasetamo endakali doko, laminao kote laa pupengena' lao, wamba nyakamanya yumbange dupa lamaiyamino doko, nyakamame siami.
23330	MAT 5:27	Jisasame dee mende lao pituu, “'Embame kepo kolala naeyape' lao, wamba nyakamanya yumbange dupa lamaiyamino doko nyakamame siami.
23334	MAT 5:31	Jisasame dee mende lao pituu, “'Akali mendeme baanya enda doko yakinao pituu, enda yakinenge pepa doko pyao maipengena' lao, wamba nyakamanya yumbange dupa lamaiyamino doko, nyakamame siami.
23336	MAT 5:33	Jisasame dee mende lao pituu, “'Kamongo dokonya kenge doko latala, embame kiningi etete pituna lateno doko, kaeyala naeyao latenoli pipi' lao, wamba nyakamanya yumbange dupa lamaiyamino doko, nyakamame siami.
23341	MAT 5:38	Jisasame dee mende lao pituu, “'Akali mendeme embanya lenge lukutamopa, itingi lengeaka lukope. Nenge longatamopa, itingi nengeaka longape' lao, wamba nyakamanya yumbange dupa, lamaiyamino doko nyakamame siami.
23346	MAT 5:43	Jisasame dee mende lao pituu, “'Embame embanya patali maki dupa auu kaeyape. Embanya yandapipi dupa imbu kaeyape' lao, wamba nyakamanya yumbange dupa lamaiyamino doko, nyakamame siami.
23376	MAT 6:25	Jisasame dee mende lao pituu, “Nyakamame nyakama tange auu pyoo, lete katapenge dupanya lao masetala, 'Naima neepi endakipi anja-tae nao katatamape? Yonge pee anja-tae pitamape?' lao masala naeyalapape. Lete katenge angi doko neepi, endakipi, yonge peepi, dopale daa.
23389	MAT 7:4	Embanya lengenya ita lyoo andake mende setamopa, aipa petala embame waka mende kandao, 'Embanya lengenya kuni silyamona, nyakaowape' latepe?
23406	MAT 7:21	Jisasame dee mende lao pituu, “Namba kandao, mee 'Kamongo Kamongo' lenge endakali dupa pitaka, Gotenya isingi mate dokonya napatami. Nambanya Takange kaitinya katenge dokome, masingili pingima dupa iki patami.
23407	MAT 7:22	Yuu etatamo gii dokopa, endakali longo dupame namba kandao, 'Kamongo Kamongo, naimame embanya kenge doko lao, wai pii epe doko lamaiyama. Naimame embanya kenge doko lao, imambu koo longo dupa watao piamaka. Naimame embanya kenge doko lao, mirakolo kalai longo dupa piamana' latami.
23408	MAT 7:23	Gii dokopa nambame dokaita lamaiyoo, 'Nyakama koo pingi dupa, nambame nakandengena pupa' latona” lea.
23461	MAT 9:13	Gotenya pii lapae silyamo dake, nyakamame pao mana nyalapape: 'Kundi iki dingi doko, namba Gote dokome auu nakaenge. Endakali yango kondo kaenge doko, namba Gote dokome auu kaengena' lapae silyamo. Nambame endakali tolatae dupa, wii lao lanyalanya naepeo. Endakali koo pingi dupa, wii lao lanyalanya epeona,” Jisasame lea.
23538	MAT 11:10	Akali doko kandao, Goteme dapa lea: 'Salapape! Nambame nambanya wai akali doko, wambao pena latopa, Mesaeya dokonya kaitini doko depa lakamaitana' lao pepa pyapae silyamo.
23544	MAT 11:16	“Endakali indupa gii dakepa kalyamino dupa, aki mendepa nambame makande pyuape? Nyakama wane kole dupame, kamapusa kambu lapoma pyapala, mumu lao wii laloo pingi dopale. Wane kole dupame dapa lengema: 'Naimame nyakamanya pulupapunya wee pyakamanopa, dokonya danisa laa naeyalamino. Naimame kondo kaeyao ee wee lenge doko lapumanopa, nyakamame ee laa naeyalamino.'
23547	MAT 11:19	Dopaka doko, endakali dupame Akalinya Ikiningi doko kandao betesa waenepi, longo lao napumupa, mumu lao baa nee tiaka nakaeyao nenge-lamona lelyamino. Endakali koo pingipi, takisa nyingipi, dupa kaita minao apata kalyamona' lelyamino. Dopaka doko, Gotenya masepae epe nyilyami dupa watao minilyaminopa, masepae epe dokome kalai tolatae pipenge dupa, pipae singina,” Jisasame lea.
23565	MAT 12:7	Gotenya pii mende dapa lao pepa pyapae singi: 'Endakalimi namba kundi iki dingima mana doko, nambame auu nakaenge. Endakali yango kondo kaenge mana doko, nambame auu kaenge.' Pii dakenya tenge dupa nyakamame siamili doko, endakali tenge nakatenge dupa-kisa, tenge setala naeyamili.
23602	MAT 12:44	lao pituu, 'Nambame anda wamba yakineo dokonya, dee pilyotoo' lenge. Dopa latala baa pilyetala kandelyamopa, anda dokonya mende napaliu, auu pyoo tolasetae kalyamo kandenge.
23622	MAT 13:14	Goteme propeta Aisaiya-kisa pii dapa lea: 'Nyakamame pii kaleme setamiaka doko, tenge angi doko soo nanyetami. Nyakamame lengeme kandatamiaka doko, tenge angi doko kandao nanyetami.
23635	MAT 13:27	Dokopa akali ee tange dokonya, kalai akali dupame baa peteasa ipupala, tipa pyoo, 'Akali andake, embame embanya ee dokonya wita wai epe lyandeno doko, koo tanu kalyamo dupa anja-tae kalyape?' leami.
23636	MAT 13:28	Dopa leaminopa, baame dokaita lamaiyoo, 'Doko akali yandapipi mendeme lyandao piana' lea. Dopa leamopa, kalai akali dupame baa lamaiyoo, 'Naimame dupa yukuo nepala pumili lao masilipi?' leami.
23637	MAT 13:29	Dopa leaminopa, baame dokaita lamaiyoo, 'Daana, koo tanu dupa yukuatiti, wita dupa apata yukutamina, lapota pyasoo andena kaeyalapa. Wambu pitamo gii dokopa, nambame nee mandyuu mau pingi akali dupa lamaiyoo, “Wambao nyakamame koo tanu dupa, itatenya soo yangapengena, yukuo yaki pyepape. Dopa petala wita dupa elyambu petala, nambanya nee setenge anda dokonya, setalapape” latona' leana,” Jisasame lea.
23706	MAT 15:4	Wamba Goteme lao pituu, 'Embanya endangi takangepi dolapo, andanda semaiyoo katape” lea. Dee Goteme, “Endakali mendeme baanya endangi takangepi mende kandao, pii koo latamo doko, baa pyao kumasepengena' lea.
23707	MAT 15:5	Dopa leamoka doko, nyakamame mana waka mende miningima-lamo. Akali mendeme endangi takangepi lamaiyoo pituu, 'Nambame nyakamba oapi dipenge dupa pitaka, Gote maitalona' latamo kandao doko, nyakamame kapana lao mana lengema-lamo. Lelyamino dokome, endangi takangepi nisepengena lao, Gotenya loo seteamo doko mee joo nepengema.
23710	MAT 15:8	'Endakali tata dakeme, kambumi namba mambo pyapala, nyakamanya moname namba angi mambo napingima.
23711	MAT 15:9	Dupame endakalinya mana setapae dupa mana lao pituu, “Dake Gotenya mana setapaena” lengema. Nyakamame kambumi namba mambo pilyaminopa, nambame nasingina' lapae silyamo.”
23779	MAT 17:10	Dokopa disaipolo dupame Jisasa tipa pyoo, “Mosesanya loo mana nyepae akali dupame, aipuma 'Ilaija wambao ipatatamopa, Kraisa ipupengena' lengemape?” leami.
23789	MAT 17:20	Dopa leaminopa, Jisasame dokaita lamaiyoo, “Nyakamame Gote kuki tungi pilyamino dokonya, imambu koo doko kapa pao watao pyala naeyalamino. Nambame nyakama kiningi langilyo: Nyakamanya Gote tungi pingi doko, yakane mastet dii dopale-pili, dokome yuu manda dake lamaiyoo, 'Emba sakatatala, omosale puu' lapinopa, pupyaliakana” lea.
23821	MAT 18:25	Akali dokome yanu andake doko, kapa pao pyapenge nanjiamosa, kiŋi dokome baanya kalai akali dupa lamaiyoo, 'Nyakamame akali dakepi, baanya enda wanepi, dee oapi dupa pitakame muni nyepala, yanu doko pyekena lamaiyepape' lea.
23822	MAT 18:26	Dopa leamopa, kalai akali dokome kiŋi dokonya enombanya, pao luma lakapala tee lao, 'Nambame embanya yanu dupa pitaka pyakatona, embame namba kondo kaeyapala, gii dipoko' lea.
23824	MAT 18:28	Dopa peteamopa, kalai akali dokome pupala, baanya kalai akali yango mende-kisa, 100 kina baanya yanu sakamaingi doko kandanyia. Kandanyetala kalai akali yango dokonya, mangenya puu lao minatala, 'Nambanya yanu dutupa yapa pyaka' lea.
23825	MAT 18:29	Dopa leamopa, kalai akali yango dokome tombauli sepala tee lao, 'Nambame embanya yanu dupa pitaka pyakatona, embame namba kondo kaeyapala, gii dipoko' lea.
23828	MAT 18:32	Lamaiyaminopa, kiŋi dokome kalai akali doko epena latala lamaiyoo, 'Emba kalai akali koo-lamo! Nambame emba kondo kaeyao, nisepoko lao tee lapino dokonya, nambanya yanu emba-kisa sipumu dutupa pitaka kaeyapu.
23830	MAT 18:34	Dopa latala, kiŋi dokome imbu kaeyapala, kalai akali doko anjoo, tanda maina lao, anjingi andaka isingi akali dupanya kingilyaka maiyoo pituu, 'Akali dakeme nambanya yanu dutupa, etao pyatakala ipatana, anjoo soo pupa' lea-pyaa.
23835	MAT 19:4	Dopa leaminopa, baame yanu pyao, “Nyakamame pii dake itaki napiamipi? 'Tee piamo dokopa, Goteme enda akalipa lao wasia.
23836	MAT 19:5	Tenge dokonya, akalimi baanya endangi takangepa yakinatala, baanya etanengepa tole pyao, yonge mendai joo pititambina' lao pyapae silyamo.
23838	MAT 19:7	Dopa leamopa, Parasai dupame baa tipa pyoo, “Dopa-tamo doko, Mosesame loo seteamo dokonya, 'Akali mendeme baanya enda doko yakinao pituu, enda yakinapenge pepa mende maitala pena lapengena' lao, aipuma seteape?” leami.
23865	MAT 20:4	Kateamino kandatala baame dupa lamaiyoo, 'Nambame nyakama yole pipengeli pyoo pitoana, nyakama apata nambanya waene ee dokonya kalai pyakala pupa' lea.
23867	MAT 20:6	Deaka 5 kilokopi mendenya pupala, baame akali mendatupa mee kateamino kandatala dupa lamaiyoo, 'Aipuma nyakama indupa gii dake, pitaka mee dakenya katalamipi?' lea.
23868	MAT 20:7	Dopa leamopa, dupame yanu pyao, 'Akali mendeme naima kalai nandipyasa, naima mee katalamanona' leami. Dokopa baame dokaita lamaiyoo, 'Nyakama apata nambanya waene ee dokonya, kalai pyakala pupa' lea.
23869	MAT 20:8	Yuu kuiyalanya piamopa, akali ee tange dokome, ee isingi akali doko lamaiyoo, 'Embame kalai akali dupa epena latala, yole pipi. Yole pyoo pituu, kalai akali 5 kilokonya ipamino dupa, wambao yole pima-pima pyoo, yongama wamba ipamino dutupanya tuu lapena' lea.
23873	MAT 20:12	Dopa latala akali ee tange doko lamaiyoo, 'Kalai akali 5 kilokonya ipamino datupame, awa mendai iki kalai pimino. Naima indupa gii dake pitaka, niki yale mende tapumupa, leke-leke tao kalai pyemano doko, embame dupa naima-pipa kapa-kapa lao, yole pilino doko, auu napilyamona' leami.
23874	MAT 20:13	Dopa leaminopa, akali ee tange dokome kalai akali dupanya mende lamaiyoo, 'Kaimia, nambame emba minakasala naeyalo. Emba 1 kina nyotoana lapinopa, nalimba pii lao yaki pyaa naeyalambape?
23875	MAT 20:14	Kalai akali maitapyao ipamino dupa, emba yole pilyo dopaka pyoo, dutupa nambanya auu kaengeme yole pyoo. Nambanya muni dokome, mendita mende pitoo lao masotoli pyoo napitupi? Nambame kalai akali maitapyao ipamino dupa, nambanya kondo kaengeme, 1 kina laowaka maiyo dokonya, embame dokaita-pipa tilya nyala naenya, embanya yole doko nyoo puu' lea-pyaa.
23898	MAT 21:3	Endakali mendeme nyakamba kandao pii mende lea kandeno doko, nyakambame baa lamaiyoo, 'Kamongome dongi dalapo minao, kalai mende pipenge jilyamo laamona' lapape. Dokopa baame yapa dyaapomona” lea.
23900	MAT 21:5	“Jerusalema tange dupa lamaiyoo, 'Nyakamanya kiŋi doko, dongi yakane mendenya maitanya pituu, akali kenge nasingi joo, nisala epelyamona kanjepape' lao, lamaiyepape” lea-pyaa.
23908	MAT 21:13	Dopa petala baame dokaita lamaiyoo, “Pii pepa pyapae singi dokonya, 'Gotenya lotuu anda andake doko, loma singi anda latamina' lapae silyamo. Dopaka doko, nyakamame anda dake, pake nengemanya anda jinya nepelyaminona” lea.
23911	MAT 21:16	Imbu kaeyapala dokaitame Jisasa tipa pyoo, “Wane koo dupame wee lelyamino dupa embame silipi?” leami. Dopa leaminopa, baame yanu pyao, “Kini nambame silyo. 'Wane koo dupame, kambumi Gote lao mambo pyatamina' lao, pepa pyapae silyamo doko nyakamame itaki napiamipi?” lea.
23920	MAT 21:25	Joneme kaimbu piamo mana doko, apimi pina leamopa piape? Goteme pina leape, pande akalimi pina leamipi?” lea. Dopa leamopa, dokaitame pii doko sepala, nyakamalapo laloo pyoo, “Naimame 'Joneme kaimbu piamo mana doko, Goteme pina leana' latamano doko, 'Aipuma nyakamame baanya pii doko, kiningina lao masala naelyamipi?' laapome-lumu.
23921	MAT 21:26	Dopaka doko, endakali kambu dakeme, Jone baa propeta kiningina lao masingima dokonya, naimame, 'Akalimi pina leamina,' laanya paka pyuumuna” leami.
23923	MAT 21:28	Jisasame dee mende lao pituu, “Akali mendeme wane lapoma mandea-pyaa. Takangeme wane mupa doko lamaiyoo, 'Emba indupa waene ee dokonya kalai pyaa puu' lea.
23924	MAT 21:29	Dopa leamopa, wane mupa dokome yanu pyao, 'Namba napatoana,' leamoaka doko, maitakao mona aloo petala pea.
23925	MAT 21:30	Dokopa takange dokome wane kole doko, kateasa pao dopaka lamaiya. Dopa lamaiyamopa, 'Apane, yakalumuna' latala, angi napea.
23933	MAT 21:38	Wane doko epeamo kandatala, ee isakamaingi dupame nyakamalapo laloo pyoo, 'Wane dakeme takangenya moeya dupa nyepengena, baa pyao kumasetamano doko, baanya moeya nyepenge dupa naima nyetamana' leami.
23937	MAT 21:42	Dopa leaminopa, Jisasame dokaita lamaiyoo, “Nyakamame pii pepa pyapae silyamo dake, itaki pyala naeyamipi? 'Kapenda dupame, anda pipenge kana mende kandao, koeyapae-lamo latala yakineamino doko, kana mupa jetelyamo. Kana mupa jetelyamo doko, Kamongome pipya-lamo dokonya, naimame eteteaka auu kaeyao, sani kandelyamano'” lapae silyamo.
23945	MAT 22:4	Dopa piaminosa, baame kalai akali mendatupa pena lao pituu, 'Endakali nee napenge latae dupa kandao, “Bulumakao maipapi, bulumakao andapaepi, dupa pyapalamo. Dupa pitaka depa latae sepelyamona, nyakama dokonya nala ipupa” lapape' lea.
23949	MAT 22:8	Dokopa kiŋi dokome baanya kalai akali dupa lamaiyoo, 'Nambanya nee andake doko depa latae sepelyamoaka doko, nee napenge latae endakali dupa mana epe naminingima, dokonyana nee nala naepena daa lelyo.
23950	MAT 22:9	Dopana, nyakamame endakali kambu pingi panda dupanya pupala, endakali kandatamino dupa pitaka, nee andake dakenya nala epena lamaiyepape' lea.
23953	MAT 22:12	Kandatala kiŋi dokome baa lamaiyoo, 'Kaimia, aipuma embanya yonge pee, enda kelyengesa pingi doko napyoo dakenya epepe?' lea. Dopa leamopa, akali doko ema napia.
23954	MAT 22:13	Dokopa kiŋi dokome baanya kalai akali dupa lamaiyoo, 'Akali dake kingi mokopi yaki petala, kamalya iminjetae, endakali ee lao, yamataka lao, nenge gilyoo katenge dokonya soo pyale lapa' lea.
23965	MAT 22:24	“Mana Lenge Akali, wamba Mosesame mana leamo dokonya, 'Akali mendeme enda nyepala, wane manja naeyao kumatamopa, baanya kaiminingi dokome enda walyakae doko piseta. Baapa enda walyakae dokopa, wane mupa manditambino doko, kaiminingi kumia dokonya lao, manjakamaitana' lapae silyamo.
23973	MAT 22:32	Goteme 'Namba Abrakame, Aisake, Jekopepinya Gotena' lea. Baa kumapae dupanya Gote daa. Baa saka katenge dupanya Gote. Abrakame, Aisake, Jekopepi dee tanga sakatao katatamina lao, Goteme masala naeyali doko, baa dutupanya Gote laa naeyalina” lea.
23978	MAT 22:37	Dopa leamopa, Jisasame baa lamaiyoo, “'Embame embanya Kamongo Gote doko, embanya monapi, imambupi, masingipi, dutupa pitakame auu kaeyape.'
23980	MAT 22:39	Loo lapo doko dake: 'Embame emba tange auu kaengeli pyoo, embanya endakali yango dupa auu kaeyape.'
23984	MAT 22:43	Dopa leaminopa, Jisasame dupa lamaiyoo, “Oli Spiritame lungu piamopa, Dapitimi dapa lea: 'Goteme nambanya Kamongo Mesaeya doko lamaiyoo, “Emba nambanya kingi tolae-kaita piti. Dokonya pititinopa, nambame embanya yandapipi dupa ita minatakala, embanya moko pundi-pundi katena latona' lao, pyapae silyamo.” Dopa latala Jisasame dokaita tipa pyoo, “Dapitimi Mesaeya doko kandao, baanya Kamongona lea-lumu doko, kaitini andukunya-kaita, Mesaeya doko baanya yumbangena leape? Mesaeya doko baa Dapitinya yumbange iki daa. Baanya Kamongo dokona lao, nyakamame masala naelyamipi?” lea.
24003	MAT 23:16	“Akali lenge monda dupame, endakali waka dupa kii miningima-lamo dupa, nyakama koeyatamina kandao kalyepape. Nyakamame endakali dupa mana lamaiyoo pituu, 'Endakali mendeme lotuu anda andake dokonya kenge latala, kiningi etete mende pituna latala, napitamo doko yakaka. Dopaka doko, endakali mendeme lotuu anda andake dokonya golome wasepae, setamo dupanya kenge latala, kiningi etete mende pituna latamo dokome, kaeyala naeyao, latamoli pipengena' lengema.
24005	MAT 23:18	Dee nyakamame endakali dupa mana lamaiyoo pituu, 'Endakali mendeme lotuu anda andake dokonya, alta dokonya kenge latala, kiningi etete mende pituna latala, napitamo doko yakaka. Dopaka doko, endakali mendeme opa alta ketae setamo dokonya, kenge latala, kiningi etete mende pituna latamo dokome, kaeyala naeyao latamoli pipengena' lengema.
24017	MAT 23:30	Dopa pyoo pituu, 'Wamba naimanya yumbange kateamino gii dokopa, naima kateamali doko, yumbange dupame propeta dupa pyao kumasiaminopa, naimame yumbange dupa nisala naeyamalina' lengema.
24026	MAT 23:39	Nyakamame 'Akali mende, Goteme epena lapumupa, epelyamo doko Goteme auu pisetaena' latamino dokopa, nyakamame namba dee kandatamina lao, nambame nyakama langilyona” Jisasame lea.
24031	MAT 24:5	Endakali longome nambanya kengenya ipupala, 'Namba Kraisa dokona' lao, endakali longo minao kyakasetami.
24041	MAT 24:15	Jisasame dee mende lao pituu, “'Gii mendepa akali mendeme myuku pipae mende, lotuu anda andake andakote nyoo setatamopa kandatala, endakali dupame lotuu anda andake doko yakinatami. Dokonya lao wamba propeta Danieleme leamo doko, angi jetamo kandatala, endakali Judia katatamino dupa, paka yuu manda dupanya pupenge jetana” lea. (Pii dake itaki pyateno dokome, tenge doko kutao nyepe.)
24049	MAT 24:23	Gii dokopa Gotenya yapao nyepae endakali dupa lanyoo, lemba pyalanya, sambo Kraisa mane-mane pipaepi, sambo propetapi, dupame ipupala, kongalipi, mirakolo kalaipi, dupa pitami. Dopana, endakali mendeme nyakama langyoo, 'Kraisa doko asa kalyamo kanjepa, amasa kalyamo kanjepa' lea kandeno doko, kiningi lelyamona lao masala naeyalapape.
24052	MAT 24:26	Paa mendai, yuu-wapaka pilyamopa, tii pipae doko niki pyakaengesa pituu, niki pambengesa tuu lenge. Dopa pilyamopa, endakali dupa pitakame kandengema. Dopaka pyoo, Akalinya Ikiningi doko ipatamopa, endakali pitakame kandatami. Dopana, endakali mendeme nyakama langyoo, 'Kraisa doko endakali napalenge yuu dokonya kalyamona, kanja pupa' lea kandeno doko, kanja napupape. Dee endakali mendeme, 'Kraisa doko anda dakenya andakote pilyamona' lea kandeno doko, kiningi lelyamona lao masala naeyalapape.
24083	MAT 25:6	Lemonguti latala paleaminopa, kuka andatombe dokonya, wii mende epeamo dokome, 'Akali enda watapae pyapenge doko, ae epelyamona, nyakama kandanyalapale ipupa' lea.
24085	MAT 25:8	Dokopa enda masepae nasingi dutupame, enda masepae singi dutupa lamaiyoo, 'Naimanya lama datupa konjalanya pilyamona, nyakamanya katasini dupanya mendatupa dyepa' leami.
24086	MAT 25:9	Dopa leaminopa, enda masepae singi dutupame pii yanu pyakamaiyoo, 'Katasini datupame naimapi, nyakamapi, pitaka kapa napapome-lamona, stoa andaka pupala, nyakama waka sambala pupa' leami.
24088	MAT 25:11	Maitakao enda mapukae masepae nasingi dutupame ipupala, 'Akali andake! Akali andake! Naimanya kaitini lumbakapoko' leami.
24089	MAT 25:12	Dokopa baame dokaita lamaiyoo, 'Nyakama kiningi etete langilyo: Nyakama nambame nakandengena' lea.
24097	MAT 25:20	Ipateamopa, akali 5 tausene kina nyiamo dokome, 5 tausene kina dee konda pyoo minao ipupala, 'Akali Andake, embame namba 5 tausene kina diino dokonya, nambame 5 tausene kina konda pyoo nyekeona kanda' lea.
24098	MAT 25:21	Dopa leamopa, baanya akali andake dokome baa lamaiyoo, 'Embame yaka pyekee-lamo! Emba akali epe dokomena, nambame leoli pyoo pii-lamo! Embame kalai kuki dutupa, nambame leoli pyoo auu pyoo, isii-lamo dokonya, nambame emba longo dupa isoo kata latoo. Embapa nambapa, mona setao katambana ipu' lea.
24099	MAT 25:22	Dokopa akali 2 tausene kina nyiamo doko, apata ipupala, 'Akali Andake, embame namba 2 tausene kina diino dokonya, nambame 2 tausene kina konda pyoo nyekeona kanda' lea.
24100	MAT 25:23	Dopa leamopa, baanya akali andake dokome baa lamaiyoo, 'Embame yaka pyekee-lamo! Emba akali epe dokomena, nambame leoli pyoo pii-lamo! Embame kalai kuki dutupa, nambame leoli pyoo auu pyoo isii-lamo dokonya, nambame emba longo dupa isoo kata latoo. Embapa nambapa mona setao katambana ipu' lea.
24101	MAT 25:24	Dokopa akali 1 tausene kina nyiamo doko, apata ipupala, 'Akali Andake, emba akali tomba nenge, nambame kandenge. Embame wakamanya ee waingi pokatae, dupanya nee yukuo mandenge. Dee wakamanya ee waingi lyandatae, dupanya dii lyao mandengeaka.