338	GEN 14:1	Gii mendepa, Sodomo tange kiŋi Berapi, Gomora tange kiŋi Bisapi, Atama tange kiŋi Sinapapi, Seboma tange kiŋi Semebapi, dutupa Ilama tange kiŋi Kedolama dokome isia. Dee Bela tange kiŋi doko isoaka pia. (Taono Bela dokonya kenge mende doko Soa lenge.) Kedolama dokome ee kana 12 isoo katea. Ee kana 13 leamopa, baanya pii doko tanga leami. Ee kana 14 leamopa, kiŋi Kedolamame kiŋi waka tepoma yanda tole pingi dutupa lanyia. Dutupanya kenge dutupa: yuu Babilonia tange kiŋi Amarapelepi, yuu Elasa tange kiŋi Ariokopi, yuu Goima tange kiŋi Tidalapi, dutupa lanyia. Lanyepala kiŋi kitomende dutupame nyakamanya yanda pingi akali dupa lanyepala, taono Aseroto Kanaimi dokonya, akali Repaimi tata dupa pyao ita miniami. Dee maitapyao, taono Ame dokonya, akali Susa tata dupa pyao ita miniami. Ita minatala, yuu lama-lama taono Kititaimi tengesa dokonya, akali Eme tata dupa pyao ita miniami. Ita minatala, yuu Siya manda dokonya, akali Oro tata dupa, Elaparane yuu sapu dokonya watao pyasiami. Dokonya katao, dee kapilyetala, yuu Kadesa, kenge wambatae doko Ene Misapata lenge, dokonya pao pyakameami. Pyakamatala, akali Ameleke tata dokonya yuu andake dokopi, dee taono Asasone Tama dokonya, akali Amoa tata dupa pyao ita miniamiaka. Yanda doko pyoo ita minatala, Kedolamapi, baanya akali yanda pingi dutupapi pupala, kiŋi Sodomo tangepi, Gomora tangepi, Atama tangepi, Seboma tangepi, Bela tangepi, dutupa yanda pimaiya peami. Peaminopa, 5-pela kiŋi-pipa nyakamanya akali yanda pingi dutupa, yuu Sidimi lama-lama dokonya, yanda pyaanya kambu piami. Kambu pyatala, 5-pela kiŋi dutupame kiŋi kitomende dutupa yanda pimaiyami.
351	GEN 14:14	Yandapipili dupame Lote-pipa, baanya pinju dupa nyoo soo, pamino lapae doko Abrameme sia. Sepala baame baanya yanda pingi akali pupu lapae 318 dutupa lanyia. Lanyepala kiŋi kitomende dutupa watao pao, taono Dane dokonya pyakamea.
357	GEN 14:20	Embame yandapipili dupa yanda pimaipinopa, Ketae Kaitinya Gote dokome yanda doko pyoo ita minatale lao, emba nisipya. Dokonya, naimame baanya kenge doko minalyamana” lea. Dopa lateamopa, Abrameme baanya oapi dupa aopa lao, malu 10 mokosoo setapala, malu mendai Melekisedeke maiya.
385	GEN 16:3	Gii dokopa, Abrame Kenane yuu dokonya ee kana 10 katapeamopa, Sarainya kalai enda Eka Injipi tange dokopa, Abramepa, enda akalipa joo petena lao, nyoo maiya.
415	GEN 17:17	Dokopa, Abrakameme baa mambo pyao luma lakapala, langalu yuunya sia. Soo pituu, “Namba ee kana 100 lapumupa, Sara baa ee kana 90 lelyamo dokonya, nalimbame wane mende kapa mandipengepe” lao masetala, baanya mona andaka gii kaeya.
418	GEN 17:20	Embame Isamale nisepe leeno dokonya, nambame baa minao, akali tata andake jetala, auu pisoto. Baanya ikiningi dutupa tata 12 palitaminopa, dutupanya akali aiyomba wakale-wakale katatami.
421	GEN 17:23	Gii dokopaka, Goteme pina leamoli pyoo, Abrakameme baanya ikiningi Isamalepi, mee kalai akalipi, kalai akali sambao nyepaepi, baa tatapi, dupa pitaka Gote tatana lao yanu kepakamaiya. Dokopa, Abrakame baa Gote tatana lao yanu kepeaka. Gii dokopa, Abrakame ee kana 99 leamopa, baanya ikiningi Isamale baa ee kana 13 lea.
457	GEN 18:32	Dopa leamopa, Abrakameme lao pituu, “Akali Andake, embame imbu kaeyapengeaka doko, mendai dake etao tipa pilyo: Embame kandatenopa, endakali 10 tolatae katatamino kandao doko, pyatepe?” “Nambame endakali 10 tolatae katatamino kandato doko, pyala naeyatona” lea.
512	GEN 20:16	Dopa latala Abimelekeme Sara lamaiyoo, “Nambame embanya pimalenge doko silipa muni 1,000 mailyo dokome, embanya tata dokaitame emba koo mende napipi-lamo lao, kandena lao pilyona” lea.
519	GEN 21:5	Abrakame baa ee kana 100 leamopa, Sarame Aisake mandea.
573	GEN 23:1	Sara baa ee kana 127 petea.
602	GEN 24:10	Dokopa kalai akali dokome oapi epe maipengepi, nyakamanyapi, dupa Abrakame-kisa nyepala, kamele 10 dutupanya mandisoo depa lea. Latala, baanya akali apata pupenge dupa lanyoo, yuu andake Mesopotamia, akali Neonya taono dokonya-kaita yuu gii mendatupa kaitinisa paliu pea.
647	GEN 24:55	Dopa leamopa, Rebekanya endangi pimalengepame pii yanu pyao, “Wanaku doko yuu gii 10-pela naima-pipa pitimana kaeya. Pitipala baa nyakama-pipa patamina” leambi.
666	GEN 25:7	Abrakame ee kana 175 yuu dakenya katea.
23230	MAT 1:17	Dopana, wamba Abrakame kateamo gii dokonya pituu, Dapiti kateamo dokonya tuu lao, yumbange tata paleamino dupa 14 paleami. Dapiti kateamo gii dokonya pituu, Israele tange dupa Babilone anjoo soo peamino, gii dokonya tuu lao, yumbange tata paleamino dupa 14-aka paleami. Babilone anjoo soo, peamino gii dokonya pituu, Kraisa doko mandeamo gii dokonya tuu lao, yumbange tata dupa 14-aka paleami.
23468	MAT 9:20	Peaminopa, enda mende ee kana 12 dutupanya, yuu gii dii lao angupae kandenge dokome, Jisasanya maitakaita pupala, Jisasanya yonge peenya watandatopa, nambanya yaina doko mee jakalapomona lao masetala, yonge pee punanya watandea.
23487	MAT 10:1	Jisasame baanya 12 disaipolo dutupa epena latala, imambu koo dupa watao pyao, endakali yaina tata longome pyapae dupa mee joo, kalai pina lao, pupu lapae doko, dokaita maiya.
23488	MAT 10:2	12 aposolo dutupanya kenge dupa, wambao doko Saimone, baanya kenge mende doko Pita, baanya kaiminingi Andru, Sebedi ikiningi Jemesa, baanya kaiminingi Jone,
23491	MAT 10:5	Jisasame 12 disaipolo dutupa, kalai pyaa pena latala lamaiyoo, “Endakali kamalya katengemapi, yuu Samaria dokonya taono singipi, dupanya nyakama napupape.
23515	MAT 10:29	Endakali dupame 10 toeame iki, yaka pimbinakae lapoma sambamili. Dopaka doko, Takange Gote dokome yaka dupanya mendaipi mende kumala naena lao, masilyamo doko, dupanya mende isa mangatala, kumala naengema.
23529	MAT 11:1	Jisasame baanya 12 disaipolo dutupa, mana lamaiyoo etapala, baa kateamo panda doko yakinatala, Galilea taono waka singi dupanya, wai pii epe doko mana lamaiyanya pea.
23616	MAT 13:8	Ee wai yangi lyandeamo dupa, yuu epenya pupala, andao dii mandea. Yangimi 100 mandea, yangimi 60 mandea, yangimi 30 lao dii mandea.
23631	MAT 13:23	Ee wai yangi lyandeamo dupa, yuu epenya peamo dopaleaka joo, wai pii epe dokonya tenge angi doko soo nyepala, endakali yangimi dii 100 mandenge, yangimi 60 mandenge, yangimi 30 lao dii mandengena” lea.
23686	MAT 14:20	Endakali dupa pitakame nao tiaka kaeyateaminopa, kakana siamo dupa disaipolo dupame nyoo, 12 baseketa tumbasiami.
23808	MAT 18:12	Nyakamame aipa lao masilyami? Akali mendenya 100 sipisipi katatamo dokonya, mendai alu pitamopa, baame aipa pitape? Baame 99 sipisipi dutupa, pau manda mendenya katena latala, mendai alu pitamo doko kutala naeyatape?
23820	MAT 18:24	Kiŋi dokome tee pyao yanu dupa, pyekena lao kateamopa, kalai akali yanu singi dupanya mende, laminao epeamino doko-kisa, 10 milion kina yanu sakamaiya.
23824	MAT 18:28	Dopa peteamopa, kalai akali dokome pupala, baanya kalai akali yango mende-kisa, 100 kina baanya yanu sakamaingi doko kandanyia. Kandanyetala kalai akali yango dokonya, mangenya puu lao minatala, 'Nambanya yanu dutupa yapa pyaka' lea.
23859	MAT 19:28	Dopa leamopa, Jisasame dokaita lamaiyoo, “Nambame nyakama kiningi langilyo: Tenda Goteme yuu kaitipi enenge jetamo gii dokopa, Akalinya Ikiningi doko, baanya kiŋi petenge toko dokonya, tii pipae-pipa pitita. Gii dokopa nyakama, nambanya disaipolo dupa kiŋi petenge toko, 12-pela dutupanya pititami. Dokonya pituu, Israele tata 12-pela dutupanya pii lao tolasakamaiyoo pititami.
23860	MAT 19:29	Endakali mendeme namba lao masetala, ee andapi, takange endangipi, kaiminingi pimalengepi, wane wanakupi dupanya mende yakinatamo dokome, dee wakao 100 lao nyeta. Dee lete etete katenge doko apata nyetaka.
23863	MAT 20:2	Pupala ee tange dokome, akali mendatupa yuu gii mendainya, 1 kiname yole pingili pyoo pitoana, waene eenya kalai pyakala pena lea.
23866	MAT 20:5	Dopa lateamopa, akali dupa kalai pyakamaiya peami. Dutupa pateaminopa, 12 kilokopi, 3 kilokopinya baame deaka maketanya pupala, kalai akali mendatupa lanyepala, waene eenya kalai pyakala pena lea.
23870	MAT 20:9	Dokopa kalai akali 5 kilokonya, kalai tee piamino dupa ipupala, 1 kina lao nyiami.
23871	MAT 20:10	Dopa pyoo nyiaminosa, kalai akali yongama wamba kalai tee piamino, dupame nyakama muni mendalapo, apata wakao nyalamano lao masiaminoaka doko, nyakama apata 1 kina laowaka nyiami.
23874	MAT 20:13	Dopa leaminopa, akali ee tange dokome kalai akali dupanya mende lamaiyoo, 'Kaimia, nambame emba minakasala naeyalo. Emba 1 kina nyotoana lapinopa, nalimba pii lao yaki pyaa naeyalambape?
23875	MAT 20:14	Kalai akali maitapyao ipamino dupa, emba yole pilyo dopaka pyoo, dutupa nambanya auu kaengeme yole pyoo. Nambanya muni dokome, mendita mende pitoo lao masotoli pyoo napitupi? Nambame kalai akali maitapyao ipamino dupa, nambanya kondo kaengeme, 1 kina laowaka maiyo dokonya, embame dokaita-pipa tilya nyala naenya, embanya yole doko nyoo puu' lea-pyaa.
23878	MAT 20:17	Jisasa Jerusalema pao pituu, baanya 12 disaipolo dutupa iki laminao, umbisale pupala lamaiyoo,
23885	MAT 20:24	Pii doko sepala, 10-pela disaipolo dutupame Jemesa Jonepa imbu kaeyami.
24010	MAT 23:23	“Mosesanya loo mana nyepae akalipi, Parasaipi, nyakama Gote watao miningi mane-mane pingima dupa, koeyatamina kandao kalyepape. Nyakama lenge monda dupame, endakali waka dupa kii miningima-lamo. Nyakamame takaepi, mondaipi, itamaiyapi, dupa malu 10-pela mokosoo setapala, dutupanya malu mendai Gote maingima. Dopa pingimaka doko, mana epeme endakali tolasingipi, kondo kaengepi, Gote tungi pingipi, loo andake dutupa nyakamame watao naminingima-lamo. Nyakamame loo yakane dupa watao miningimali pyoo, loo andake dupa apata watao minalapape. Dopa napitamino doko, nyakamanya kapo mendenya pongena mende, koko setamo doko, nyoo nepatala, kamele mende nyoo nengekaita goe lapimili dopale-lamo.
24078	MAT 25:1	Jisasame dee mende lao pituu, “Gotenya isingi mate doko dapale: Gii mendepa akali mendeme, baanya enda watapae pyala ipatoo lateamopa, enda mapukae 10-pela dutupame, nyakamanya lama kaiyoo minao, kandanyemana latala malisoo peteami.
24092	MAT 25:15	Akali dokome baanya kalai akali dupame, mana kandengemali pyoo, kalai pyaamino lao masetala, muni mokosoo maiya. Mende 5 tausene kina maiya. Mende 2 tausene kina maiya. Mende 1 tausene kina maiya. Dopa petala baa paanya piamo dokonya pea.
24095	MAT 25:18	Akali 1 tausene kina nyiamo dokome, pupala baanya akali andake dokonya muni dutupa yuli pia.
24101	MAT 25:24	Dokopa akali 1 tausene kina nyiamo doko, apata ipupala, 'Akali Andake, emba akali tomba nenge, nambame kandenge. Embame wakamanya ee waingi pokatae, dupanya nee yukuo mandenge. Dee wakamanya ee waingi lyandatae, dupanya dii lyao mandengeaka.
24105	MAT 25:28	Dopa latala, baanya kalai akali yangi dokaita lamaiyoo, “1 tausene kina doko nyepala, akali 10 tausene kina singi doko maiyepa.
24137	MAT 26:14	Judasa Iskariota lenge doko, 12 disaipolo dutupanya mende, baa pitisa mupa dupa kateamisa pupala,
24143	MAT 26:20	Yuu kuiyala peamopa, Jisasa baanya 12 disaipolo dutupa-pipa, nee nao peteami.
24170	MAT 26:47	Jisasame dopa lao kateamopa, baanya 12 disaipolo dutupanya mende, Judasa lenge doko epea. Epeamo dokonya, endakali kambu andake mende, konja-wua, kolyepepi dupa minao, baa apata epeami. Dupa pitisa mupapi, Judamanya isingi akalipi, dupame pena leaminosa epeami.
24243	MAT 27:45	Jisasa yukutae kateamopaka, 12 kilokonya pituu yuu kuiya. Kuiyamo doko, kuiyataeyaka katao pao, 3 kilokonya tuu lea.
24280	MAT 28:16	Disaipolo 11-pela dutupa, Galilea pupala, wamba Jisasame manda mendenya pena leamo dokonya peami.
24371	MRK 3:14	Epeamino dupanya akali 12 dutupa yapao nyepala, baa-pipa tole katamana latala, kenge aposolo maiya. Dutupame wai pii epe doko lamaiyoo, dee imambu koo dupa watao pingi pupu lapae doko maiyanya yapao nyia.
24373	MRK 3:16	Baame 12 disaipolo dutupa yapao nyepala, Saimone kandao kenge enenge Pita lea.
24400	MRK 4:8	Ee wai yangi lyandeamo dupa yuu epenya pupala, andao dii mandea. Yangimi dii 30 mandea. Yangimi dii 60 mandea. Yangimi dii 100 mandeana” lea.
24402	MRK 4:10	Maitakao Jisasa baa endakali kambu doko yakinateamopa, 12 disaipolo dupapi, dee endakali mendatupa tole kateamino dupapimi kongali pii dupanya baa tipa piami.
24412	MRK 4:20	Ee wai yangi lyandeamo dupa yuu epenya pupala, andao dii mandea. Dopaleaka joo, wai pii epe doko sepala, endakali yangimi dii 30 mandenge. Yangimi 60 mandenge. Yangimi 100 lao dii mandengena” lea.
24458	MRK 5:25	Kateamino dupanya enda mende ee kana 12 dutupanya yuu gii dii lao angupae kandenge doko etala naeya.
24475	MRK 5:42	Dopa leamopa, wanaku ee kana 12 patae doko sakatatala paeya. Paeyamo kandatala, dupame etete paka kaeyao, walu leami.
24483	MRK 6:7	Mana lamaitala Jisasame 12 disaipolo dutupa epena latala, imambu koo dupa watao pina lao pupu lapae maitala, dupa lapo-lapo lao pena lea.
24516	MRK 6:40	Leamoli pyoo, kambu mende 50 lao pitipa, 100 lao pitipa piami.
24519	MRK 6:43	Napeaminopa, disaipolo dupame betesa pisapi konjepae kakana siamo dupa nyoo, 12-pela baseketa tumbasiami.
24588	MRK 8:19	Nambame 5-pela betesa nyepala, akali 5 tauseneme nena lao konjakamaiyo dokonya nao, kakana baseketa akipatenya tumbasiamipi?” lao Jisasame tipa pia. Dupame yanu pyao, “12-pela baseketana” leami.
24642	MRK 9:35	Dokopa Jisasame 12 disaipolo dutupa tengesale epena latala lamaiyoo, “Endakali mende alyasale joo katapuli lao masetamo doko, baa anasale jepala, endakali pitakanya kalai akali joo katapengena” lea.
24686	MRK 10:29	Dopa leamopa, Jisasame lao pituu, “Nambame nyakama kiningi langilyo: Nambapa, wai pii epe dokopa, dolapo lao masetala, endakali mendeme baanya ee andapi, takange endangipi, kaiminingi pimalengepi, wane wanakupi, dupanya mende yakinatamo dokome, ee andapi, endangipi, kaiminingi pimalengepi, wane wanakupi, dupa wakao 100 lao baa nyeta. Dee endakali dokome kenda pipae longo dupa apata nyoaka katata. Dopa petala yuu enenge ipatamo dokonya, baa lete etete katenge doko nyeta.
24689	MRK 10:32	Jisasa disaipolo dupa-pipa Jerusalema paanya, kaita peaminopa, Jisasa wambea. Dokopa disaipolo dupa walu leami kandatala, watao peamino dupa paka kaeyami. Dopa piaminopa, baame 12 disaipolo dutupa lanyepala, tenda baa-kisa pitamo dupa dokaita lamaiyoo pituu,
24698	MRK 10:41	Dopa lelyambino lapae doko sepala, 10 disaipolo dutupame Jemesa, Jonepa imbu kaemaiyami.
24720	MRK 11:11	Dopa leaminopa, Jisasa pao Jerusalema pyakamatala, lotuu anda andake kame dokonya kolandatala, siamo dupa pitaka kandea. Niki lenge landa pyalanya piamopa, 12 disaipolo dutupa-pipa taono Betani dokonya peami.
24833	MRK 14:10	Judasa Iskariota doko, 12 disaipolo dutupanya mende, dokome Jisasa enge nyotoo lao masetala, pitisa mupa dupa laitaka pyaanya pea.
24840	MRK 14:17	Depa lateambinopa, yuu kuiyala peamopa, Jisasa baa 12 disaipolo dutupa-pipa epeami.
24843	MRK 14:20	Dopa leaminopa, baame dokaita lamaiyoo, “Nyakama 12 disaipolo nee disanya poeyanyoo apata nao pilyamano dakenya mendeme dopa pyaapomo.
24866	MRK 14:43	Jisasame dopa lao kateamopa, baanya 12 disaipolo dutupanya mende, Judasa lenge doko epea. Epeamo dokonya, endakali kambu mende konja-wuapi, kolyepepi, dupa minao baa apata epeami. Dupa akali pitisa mupapi, Mosesanya loo mana nyepae akalipi, Judamanya isingi akalipi, dupame pena leaminosa, epeami.
24928	MRK 15:33	Jisasa yukutae kateamopaka, 12 kilokonya pituu yuu kuiya. Kuiyamo doko kuiyataeyaka katao pao, 3 kilokonya tuu lea.
24956	MRK 16:14	Maitakao 11 disaipolo dutupa nee nao peteaminopa, Jisasa baa dokaitame kandena lao ipao panea. Baa sakatatala paneamo kandeamino endakali dupame kiningi lelyaminona lao, disaipolo dupame masala naenya, tuu pyoo mona pyakilyiaminosa, Jisasame dokaita pyalanya lea.