296	GEN 11:29	Kumateamopa, Abrame, Neopa lapota enda nyiambi. Abrameme Sarai nyia. Neome Arane wanenge Milika nyia. Milika baa Isika kakingi.
309	GEN 12:10	Pupala kateamo yuu dokonya lopo yale mende siamosa, baa Injipi yuu dokonya gii mendatupa kalyanya pea.
310	GEN 12:11	Pao Injipi tengesa pyakamao pituu, etanenge Sarai lamaiyoo, “Emba enda eteteaka malyame dokonya,
311	GEN 12:12	Injipi tange dupame emba kandatala, enda dake baanya etanenge-lamona latala, namba pyao kumasetala, emba pilyale kaeyalamino.
313	GEN 12:14	Dokopa, Abrame pao Injipi pyakameamopa, Injipi tange dupame enda doko kandeaminopa, etete malyame jia.
320	GEN 13:1	Abrame baanya bulumakao, sipisipi, meme, dongi, silipa, golopi, dupa longo sia. Paraonya kalai akali dupame pena lateaminopa, Abrame baanya etanengepi, Lotepi, pinjupi, dupa pitaka lanyoo Injipi yakinao Negepe yuu dokonya peami.
329	GEN 13:10	Dopa lateamopa, Lote baa kandao aowali latala, Jodane duu taono Soa singi dokaita yuu lama-lama auu petae siamo doko kandea. Kamongome Sodomo Gomora koeyala naeyamopa, yuu doko Kamongonya ee jepae, dee yuu Injipi yale sia.
337	GEN 13:18	Dopa lateamopa, taono Ibrone dokonya, akali Mamarenya lepa ita balo makisa dokonya, sele anda petala, Kamongonya kenge lao, kana toko mende pia.
338	GEN 14:1	Gii mendepa, Sodomo tange kiŋi Berapi, Gomora tange kiŋi Bisapi, Atama tange kiŋi Sinapapi, Seboma tange kiŋi Semebapi, dutupa Ilama tange kiŋi Kedolama dokome isia. Dee Bela tange kiŋi doko isoaka pia. (Taono Bela dokonya kenge mende doko Soa lenge.) Kedolama dokome ee kana 12 isoo katea. Ee kana 13 leamopa, baanya pii doko tanga leami. Ee kana 14 leamopa, kiŋi Kedolamame kiŋi waka tepoma yanda tole pingi dutupa lanyia. Dutupanya kenge dutupa: yuu Babilonia tange kiŋi Amarapelepi, yuu Elasa tange kiŋi Ariokopi, yuu Goima tange kiŋi Tidalapi, dutupa lanyia. Lanyepala kiŋi kitomende dutupame nyakamanya yanda pingi akali dupa lanyepala, taono Aseroto Kanaimi dokonya, akali Repaimi tata dupa pyao ita miniami. Dee maitapyao, taono Ame dokonya, akali Susa tata dupa pyao ita miniami. Ita minatala, yuu lama-lama taono Kititaimi tengesa dokonya, akali Eme tata dupa pyao ita miniami. Ita minatala, yuu Siya manda dokonya, akali Oro tata dupa, Elaparane yuu sapu dokonya watao pyasiami. Dokonya katao, dee kapilyetala, yuu Kadesa, kenge wambatae doko Ene Misapata lenge, dokonya pao pyakameami. Pyakamatala, akali Ameleke tata dokonya yuu andake dokopi, dee taono Asasone Tama dokonya, akali Amoa tata dupa pyao ita miniamiaka. Yanda doko pyoo ita minatala, Kedolamapi, baanya akali yanda pingi dutupapi pupala, kiŋi Sodomo tangepi, Gomora tangepi, Atama tangepi, Seboma tangepi, Bela tangepi, dutupa yanda pimaiya peami. Peaminopa, 5-pela kiŋi-pipa nyakamanya akali yanda pingi dutupa, yuu Sidimi lama-lama dokonya, yanda pyaanya kambu piami. Kambu pyatala, 5-pela kiŋi dutupame kiŋi kitomende dutupa yanda pimaiyami.
350	GEN 14:13	Akali paka pea mendeme Ibru akali Abrame doko dopa pyomona lao lamaiya. Abrame baa Mamarenya lepa ita balo singi dosa tengesa paliu katea. Mamare doko baa akali tata Amoa dokonya. Mamarenya kaiminingi dolapo Esekolepi, Aneapi lenge. Mamarepi, Esekolepi, Aneapi, akali tepoma dutupa Abramenya kaita miningi.
381	GEN 15:20	Itai, Peresa, Repaimi,
383	GEN 16:1	Abrame etanenge Sarai baa wane manja naeyao enda wambake jiamopa, baanya Injipi tange kalai enda Eka lenge mende apata peteambi.
385	GEN 16:3	Gii dokopa, Abrame Kenane yuu dokonya ee kana 10 katapeamopa, Sarainya kalai enda Eka Injipi tange dokopa, Abramepa, enda akalipa joo petena lao, nyoo maiya.
390	GEN 16:8	Ipupala baa tipa pyoo, “Eka, Sarainya kalai enda, emba anja pituu, anja paanya epelepe?” lea. Dopa leamopa, baame yanu pyao, “Nambanya isingi enda Sarai yakinatala, paka paanya epelyona” lea.
393	GEN 16:11	Emba wane ane mende manjapeno. Nambame embanya ee lapino tenge doko sepelyo dokonya, baanya kenge doko Isamale lape.
397	GEN 16:15	Abrame ee kana 86 leamopa, Ekame wane ane mende mandea. Mandipiamopa, Abrameme kenge doko Isamale lea.
416	GEN 17:18	Gii kaeyapala, baame Gote lamaiyoo, “Isamale auu pyoo katena, baa nisepe” lea.
417	GEN 17:19	Dokopa Goteme lao pituu, “Isamaleme embanya panda doko nanyeta. Embanya enda Sarame wane ane mende manditana, dokonya kenge doko Aisake lape. Nambame baapa, baanya mandipae dupa-kisa pii lao yaki pitu, doko tanga tangapi sulu seta.
418	GEN 17:20	Embame Isamale nisepe leeno dokonya, nambame baa minao, akali tata andake jetala, auu pisoto. Baanya ikiningi dutupa tata 12 palitaminopa, dutupanya akali aiyomba wakale-wakale katatami.
421	GEN 17:23	Gii dokopaka, Goteme pina leamoli pyoo, Abrakameme baanya ikiningi Isamalepi, mee kalai akalipi, kalai akali sambao nyepaepi, baa tatapi, dupa pitaka Gote tatana lao yanu kepakamaiya. Dokopa, Abrakame baa Gote tatana lao yanu kepeaka. Gii dokopa, Abrakame ee kana 99 leamopa, baanya ikiningi Isamale baa ee kana 13 lea.
523	GEN 21:9	Gii dokopa, Injipi tange enda Ekame Abrakamenya wane ane manjakamaiyamo dokopa, Aisakepa, male pyoo kateambinopa, Sarame kandea.
534	GEN 21:20	Wane doko Gotepa apata katao angi jia. Baa yuu sapu Parane lenge dokonya katao, yanda ipyoo pyao, etete waa katea. Dokonya kateamopa, endangimi enda Injipi tange mende lanyakamaiya.
574	GEN 23:2	Yuu andake Kenane, taono Kiriata Aba lenge, kenge mende doko Ibrone lenge dokonya pituu, Sara kumateamopa, Abrakame kumanda petea.
575	GEN 23:3	Kumanda pituu sakatatala, Abrakameme Sara malu pitoo latala, akali tata Itai dokaita pii lamaiyoo,
577	GEN 23:5	Akali tata Itai dokaitame yanu pyao,
579	GEN 23:7	Dopa leaminopa, Abrakameme endakali Itai tange peteamino dokaita mambo pia.
588	GEN 23:16	Dopa leamopa, Abrakameme kapana latala, silipa muni 400 dutupame endakali Itai tata dupanya enombanya Eprone-kisa yuu doko sambao nyia.
589	GEN 23:17	Epronenya yuu Makapela, Mamare makisa singi dokonya kanandapi, ita katengepi, dupa katapae, Abrakameme sambao nyia. Sambeamopa, lome kambu dokonya endakali Itai tange peteamino dupa pitakame, Eprone-kisa Abrakameme yuu doko sambao, etete nyilyamo lao kandeami.
592	GEN 23:20	Abrakameme yuupi, kanandapi, akali tata Itai-kisa sambeamo doko, Abrakame palu dupanya malu pingi panda joo etete nyia.
606	GEN 24:14	Ipatamino dokopa, nambame wanaku mapukae dupanya mende lamaiyoo, 'Embanya penge dokonya namba endaki natoo dii' latopa, namba ditala, kamele dupa apata maiyakatoo latamo doko, embanya kalai akali Aisakenya enda lanyakamaipenge doko-lamo lao kandatoo” lao loma sia.
661	GEN 25:2	Enda dokome wane ane 6-pela mandeamo dutupa: Simarane, Jokasane, Medane, Midiane, Isabake, Suapi lengema.
668	GEN 25:9	Abrakameme akali tata Itai dokonya Soa ikiningi Eprone-kisa kananda mende sambapala, Sara malu piamo dokonya Aisake Isamalepame takange malu piambi. Kananda doko yuu Makapela singi. Yuu Makapela doko Mamare tengesa singi.
23224	MAT 1:11	Josaeyame Jekonaeya mandipala, dee wane ane mendatupa apataka mandea. Dokopa Babilone tange yanda singi dupame, Israele tange dupa yanda pyoo ita minatala, Babilone anjoo soo peami.
23230	MAT 1:17	Dopana, wamba Abrakame kateamo gii dokonya pituu, Dapiti kateamo dokonya tuu lao, yumbange tata paleamino dupa 14 paleami. Dapiti kateamo gii dokonya pituu, Israele tange dupa Babilone anjoo soo peamino, gii dokonya tuu lao, yumbange tata paleamino dupa 14-aka paleami. Babilone anjoo soo, peamino gii dokonya pituu, Kraisa doko mandeamo gii dokonya tuu lao, yumbange tata dupa 14-aka paleami.
23243	MAT 2:5	Dopa leamopa, dokaitame pii yanu pyao, “Goteme propeta mende-kisa lamaiyamo doko, dapa lao pepa pyapae silyamo: 'Nyakama Beteleme tange dupa, nyakamanya yuu taono doko taono waka Judia silyamo, dupanya pundi-pundi naseta. Nyakamanya mandipaenya mandipae, dupanya isingi akali mende pyakalyetamo dokome, nambanya Israele tange endakali dupa setao katakatana' lao pepa pyapae silyamo. Dopa lapae silyamo dokonya, Kraisa doko yuu andake Judia dokonya taono yakane Beteleme mandipengena” leami.
23251	MAT 2:13	Akali dokaita pateaminopa, kuka Kamongonya enjele mendeme, kombeame Josepe lamaiyoo, “Eroteme wane doko kutao pyao kumasalanya pilyamona, emba sakatatala, wane dokopa endangipa lanyoo, paka Isipi puu. Pupala katatenopa, nambame emba pilya lato gii dokopa pilyetena, emba dokonya mee katapena” lea.
23252	MAT 2:14	Dopa lamaitiamopa, kuka dokopaka Josepe sakatatala, wane dokopa endangipa lanyoo, Isipi paanya pea.
23253	MAT 2:15	Pupala Josepe Isipiaka katao, Erote kumiamo gii dokonya tuu lea. Dopa piamo dokome, wamba Kamongome propeta mende-kisa, “Nambanya ikiningi doko Isipi yuu doko yakinatala, nambame epena latona,” leamo doko angi jia.
23254	MAT 2:16	Niki pyakaengesa tange masingi akali dupame Erote baa minakasetala, pupimi-lumu lao sepala, baa etete imbumi kumia. Imbu kaeyapala baame wamba akali dupa, bui doko gii andukupa kateape lao tipa piamo, doko masia. Masetala Betelemepi, yuu dosa makisa singipi, dupanya pupala, wane ane ee kana laponya anatena patae, dupa pitaka baanya yanda singi dupame, pyao kumasala pena lea.
23257	MAT 2:19	Erote kumateamopa, Kamongonya enjele mende Isipi pupala, kombeame Josepe
23258	MAT 2:20	lamaiyoo, “Wane doko pyalanya piamo akali doko kumatelyamona, embame wane dokopa endangipa lanyoo, Israele pilya” lea.
23259	MAT 2:21	Dopa lateamopa, Josepeme wane dokopa endangipa lanyoo, Israele pilyia.
23271	MAT 3:10	Goteme ita tenge dokonya, wua doko depa lanya setapelyamo. Ita dii epe manja naenge dupa pitaka, pokapala baame itatenya soo yangata.
23273	MAT 3:12	Wita angi imbupi pyasoo silyamopa, baame yapenge sapolo doko nyepala, ketae pyasingi. Dopa pingisa, poome imbu umbisa soo kambu pilyamopa, angi isa lapalapa kuiyetaenya ipao singi. Ipao silyamo dupa nyoo baanya nee setenge anda dokonya setapala, imbu dupa ita konjala naenge dokonya soo yangatana” lea.
23278	MAT 3:17	Dokopa kaiti-kisa katao, pii mende lea dokome lao pituu, “Doo kalyamo doko nambanya Ikiningi, mona setenge doko. Nambame baa etete auu kaengena” lea.
23281	MAT 4:3	Dokopa makande pingi akali dokome, baa kateasa ipupala lao pituu, “Emba kini Gote Ikiningi-tamo doko, kana silyamo datupa betesa jina laa” lea.
23284	MAT 4:6	Dopa latala baame Jisasa lamaiyoo, “Gotenya pii dapa lao pepa pyapae silyamo: 'Goteme emba masetala, kaname embanya mokopi mende, koeyatame latala, enjele dupame emba nisoo kopyoo nyina latana' latae silyamo. Dopana, emba kini Gote Ikiningi-tamo doko, ketae dakenya katao isa mangau laa” lea.
23362	MAT 6:11	Indupaka natamanoli pyoo, nee dupa dipi.
23370	MAT 6:19	Jisasame dee mende lao pituu, “Isa yuu dakenya oapi epe setelyamino dupa, kokalyame nao koeyasingi. Dee kaa tao koengeaka. Pake nenge endakali dupame, anda kalupala pake nyingimakana, nyakamame oapi epe dupa isa yuu dakenya nyoo setala naeyalapape.
23385	MAT 6:34	Dopana, nyakamame taitanya lao masepae longo nyala naeyalapape. Taita kenda pipae ipatamo dupa, taita sepenge. Indupa kenda pipae ipatamo dupa, indupaka sepengena” lea.
23401	MAT 7:16	Nyakamame dokaitanya mana minatamino dupa kandatala, dupa dopale-lamo lao masetami. Ikililyambu kende dupanya kopi lyingipi? Dee take ita dupanya anga lyingipi?
23402	MAT 7:17	Ita epe dupame dii koo namandenge. Ita koo dupame dii epe namandengeaka. Ita epe dupa pitakame dii epeaka mandenge. Ita koo dupa pitakame dii koaka mandenge.
23424	MAT 8:10	Pii leamo doko walu lao sepala, Jisasame endakali baa watao epeamino dupa lamaiyoo, “Nambame nyakama kiningi langilyo: Akali dakeme namba tungi pilyamoli pyoo, Israele tange mendeme, namba tungi pyaminopa nakandapu.
23434	MAT 8:20	Dopa leamopa, Jisasame baa lamaiyoo, “Yana kapu dupanya palenge yuli tombapae dupa singi. Dee yaka dupanya anda katengeaka doko, Akalinya Ikiningi dokonya palenge anda mende nakatengena” lea.
23443	MAT 8:29	Dokopa akali dolapome puu lao, “Gote Ikiningi, embame naima aipa piti? Embame tanda andake dipenge gii seteamo doko, ipatala naeyapumupa, embame naima tanda andake wambao dyaanya epelepe?” leambi.
23454	MAT 9:6	Dopaka doko, Akalinya Ikiningi dokome isa yuu dakenya katao, endakali dupanya koo dupa kunao nepenge pupu lapae doko, baa-kisa singi-lamo lao kanjepalena” lea. Dopa latala baame akali papa tambutae doko lamaiyoo, “Emba sakatatala, embanya lapa toko doko nyoo soo, andaka puu” lea.
23481	MAT 9:33	Dokopa akali doko-kisa, imambu koo paleamo doko watao piamopa, muumaa doko pii lea. Dopa piamopa, endakali kambu piamino dupame kandatala, walu leami. Walu latala lao pituu, “Wamba naimame Israele tange endakali dupanya, mana dapale mende nakandeamana” leami.
23482	MAT 9:34	Dopa leaminoaka doko, Parasai dupame lao pituu, “Imambu koo dupanya isingi doko baa-kisa ipao palipya dokome, imambu koo waka dupa watao pilyamona” leami.
23490	MAT 10:4	Saimone, baanya kenge mende doko Selote, Jisasa enge nyiamo akali doko, Judasa Iskariota, akali dutupa yapao nyia.
23492	MAT 10:6	Israele tange sipisipi alu petae joo, kalyamino dupanya pupape.
23494	MAT 10:8	Endakali yaina pyapae dupa saka nyalapape. Kumapae dupa lenge tasalapape. Kopetali dupa mee jakamaiyepape. Imambu koo dupa watao pyakamaiyepape. Nyakamame mee nyilyamino dokonya, meaka maiyepape.
23509	MAT 10:23	Dopana, endakali dupame taono mendenya, nyakama minao koeyasetamino dokopa, taono doko yakinatala, mendenya paka pupape. Nyakamame Israele yuu dokonya, taono dupa pitakanya kalai pyoo etala naeyataminopa, Akalinya Ikiningi doko ipatana lao, nambame nyakama kiningi langilyona” lea.
23511	MAT 10:25	Endakali dupame mana lenge akali doko, mana maitaminoliaka pyoo, mana nyingi akali doko mana maitami. Isingi akali doko mana maitaminoliaka pyoo, kalai akali doko mana maitami. Dopana, endakali dupame namba isingi akali doko kandao, kenge koo Belesabulu ditamino dokonya, nyakama nambanya tata dupa kandao, kenge etete koo mendapu ditamiakana” lea.
23521	MAT 10:35	Ikiningipa takangepa wakale pyoloo pingipi, wanengepa endangipa wakale pyoloo pingipi, aeyangepa wakale pyoloo pingipi, nambame mana doko, mapisala epeo.
23542	MAT 11:14	Nyakamame dake kiningi-lumuna lao masetamino doko, dake salapape: Ilaija ipatana lao pii pepa pyapae singi doko, Jone kaimbu pingi doko kandao latae singi.
23547	MAT 11:19	Dopaka doko, endakali dupame Akalinya Ikiningi doko kandao betesa waenepi, longo lao napumupa, mumu lao baa nee tiaka nakaeyao nenge-lamona lelyamino. Endakali koo pingipi, takisa nyingipi, dupa kaita minao apata kalyamona' lelyamino. Dopaka doko, Gotenya masepae epe nyilyami dupa watao minilyaminopa, masepae epe dokome kalai tolatae pipenge dupa, pipae singina,” Jisasame lea.
23555	MAT 11:27	Nambanya Takangeme dupa pitaka nambame isepe lao, namba-kisa setea. Endakali mendeme Ikiningi doko angi nakandenge. Takangeme iki kandenge. Dee endakali mendeme Takange doko angi nakandengeaka. Ikiningimi iki kandenge. Dee Ikiningi dokome, Takange doko endakali mendeme kandena lao masetala, laitaka petelyamopa, endakali dokome Takange doko-lamo lao kandenge.
23566	MAT 12:8	Akalinya Ikiningi dokome, Sambata gii dokonya apata isoo kalyamoakana,” Jisasame lea.
23578	MAT 12:20	Kembo maitange tambapae mende, baame etete lakanyala naeyata. Ita langa konjalanya kii lao seta mende, baame etete konjesala naeyata. Dopaka pyoo, baame endakali dupa kondo kaeyao, baanya mana tolatae dokome, koo dupa pitaka ita minata.
23590	MAT 12:32	Endakali mendeme Akalinya Ikiningi doko kandao, lamba latamo doko, Goteme baanya koo doko kunao nepakamaita. Dopaka doko, endakali mendeme Oli Spirit doko kandao, lamba latamo doko, Goteme baanya koo doko kunao nepakamaiya naeyatamopa, baa-kisa tanga tangapi sulu setana,” Jisasame lea.
23591	MAT 12:33	Jisasame dee mende lao pituu, “Ita epe dupame dii epeaka mandenge. Ita koo dupame dii koaka mandenge. Ita mendenya dii mandelyamo dupa, wambao kandatala, ita angi doko dopale-lamo lao masingima.
23598	MAT 12:40	Wamba Jonaa doko kotaka gii tepo, kuka gii tepoaka, pisa andake mendenya ingi koko paleamoliaka pyoo, Akalinya Ikiningi doko, kotaka gii tepo, kuka gii tepoaka, malunya palita.
23599	MAT 12:41	Wamba Jonaa dokome yuu Ninipe tange dupa, pii panao lamaiyamopa, dokaitame sepala, mona kapilyiami. Indupa akali mende kalyamo dokome, Jonaa nyoo ana pyandao katamupa, nyakamame baanya pii doko sepala, mona kapilyala naelyamino. Tenge dokonya, Goteme endakali mokosetamo gii dokopa, endakali Ninipe tange dupame sakatatala, nyakama Parasaipi, endakali epapu pii silyamino, dupa-kisa tenge setatami.
23600	MAT 12:42	Wamba kuini enda Seba tange dokome, yuu londati waka pituu, Kiŋi Solomonenya masepae epe dupanya pii yandaita dupa, nyotoo lao epea. Indupa akali mende kalyamo dokome, Kiŋi Solomone nyoo ana pyandao katamupa, nyakamame baanya masepae epe dupanya, pii yandaita dupa nanyilyamino. Tenge dokonya, Goteme endakali mokosetamo gii dokopa, kuini enda Seba tange dokome, sakatatala nyakama Parasaipi, endakali epapu pii silyamino dupa-kisa, tenge setatana” lea.
23601	MAT 12:43	Jisasame dee mende lao pituu, “Imambu koo mendeme endakali mende yakinatala, yuu sapu dupanya katapenge panda kutingi. Kutao kaeyapala
23645	MAT 13:37	Jisasame yanu pyao, “Ee wai epe lyandeamo doko, Akalinya Ikiningi doko kandao lea.
23649	MAT 13:41	Akalinya Ikiningi dokome baanya enjele dupa pena latamopa, dupame pupala koo pina lao mapisingipi, tanga lao koo pingi endakalipi, dupa baanya isingi mate dokonya nakatena lao yukuo nepatami.
23699	MAT 14:33	Yatu leamo doko kandatala, disaipolo sipinya peteamino dupame, “Kiningi etete, emba Gote Ikiningi-lamona” lao mambo piami.
23724	MAT 15:22	Peamopa, enda Kenane tange mendeme ipupala, puu lao, “Akali Andake, emba Dapiti Yumbange. Imambu koo mendeme nambanya wanenge doko, etete koeyasilyamona embame namba kondo kaeyao nisepoko” lea.
23726	MAT 15:24	Dopa leaminopa, Jisasame dupanya pii yanu pyakamaiyoo, “Goteme namba Israele tange, sipisipi alu petae joo kalyamino, dupanya iki puu leana” lea.
23733	MAT 15:31	Yaina mee jakamaiyamo dupa kandatala, endakali kambu dupame walu leami. Muumaa dupame pii lao, papa tambutae dupa tolao, moko koo dupa kaita paeyao, lenge monda dupa lenge tao piaminosa, Israelemanya Gote doko lao mambo piami.
23734	MAT 15:32	Dokopa Jisasame baanya disaipolo dupa epena latala lamaiyoo, “Endakali dakaita yuu gii tepoma, namba-pipa katapuma. Indupa nee etalame-lamo dokonya, nambame dakaita kondo kaelyo. Nee nanao andaka pena latopa, kaitinisa laowambe lapae setamina” lea.
23754	MAT 16:13	Jisasa baanya disaipolo dupa-pipa, taono Sisaria Pilipae pupala, baanya disaipolo dupa tipa pyoo, “Endakali dupame Akalinya Ikiningi doko kandao, apina lelyamipi?” lea.
23755	MAT 16:14	Dopa leamopa, dupame yanu pyao, “Yangimi emba kandao Jone kaimbu pingi dokona lelyamino. Yangimi emba propeta Ilaijana lelyamino. Yangimi emba propeta Jeremaeyana lelyamino. Yangimi propeta waka wamba kateamino dupanya mendena, lelyaminona” leami.
23757	MAT 16:16	Dokopa Saimone Pitame Jisasa kandao, “Emba Kraisa, Gote saka katenge dokonya Ikiningi dokona” lea.
23768	MAT 16:27	Akalinya Ikiningi doko baanya enjele dupa-pipa, baanya Takangenya tii pipae dokonya ipata. Ipupala endakali mendai-mendai lao, mana minataminoli pyoo, yole maita.
23769	MAT 16:28	Nambame nyakama kiningi langilyo: Endakali ae kalyamino datupanya mendapu, kumala naeyataminopa, Akalinya Ikiningi doko, baanya isingi mate dokonya pupu lapae doko-pipa, ipatamopa kandatamina” Jisasame lea.
23772	MAT 17:3	Dokopa Mosesa, Ilaija, Jisasa-pipa pii lao kalyu piaminopa kandeami.
23773	MAT 17:4	Kandatala Pitame Jisasa lamaiyoo, “Kamongo, naima dakenya katapumanopa auu pyuumuna, embame kapana lao maseteno doko, nambame dakenya sele anda tepoma pitoo. Mende embanya, mende Mosesanya, mende Ilaijanyana” lea.
23774	MAT 17:5	Pitame dopa lao kateamopa, kopa tii pipae mendeme ipupala, dokaita sanga pia. Dopa piamopa, kopa tambe-tambe dokonya pii mende lea dokome, “Doo kalyamo doko nambanya Ikiningi, mona setenge doko. Nambame baa etete auu kaengena, nyakamame baanya pii doko sakamaiyepape” lea.
23778	MAT 17:9	Dokaitame yuu manda dokonya katao lanao pituu, Jisasame kyeto joo, “Nyakamame kanjimino doko mende lamaiya naeyalapape. Tanga Akalinya Ikiningi doko, kumapala sakatatamopa, endakali dupa lamaitamina” lea.
23779	MAT 17:10	Dokopa disaipolo dupame Jisasa tipa pyoo, “Mosesanya loo mana nyepae akali dupame, aipuma 'Ilaija wambao ipatatamopa, Kraisa ipupengena' lengemape?” leami.
23780	MAT 17:11	Jisasame dutupanya pii yanu pyakamaiyoo, “Kini, dupa pitaka depa lasalanya, Ilaija wambao ipupenge.