329	GEN 13:10	Dopa lateamopa, Lote baa kandao aowali latala, Jodane duu taono Soa singi dokaita yuu lama-lama auu petae siamo doko kandea. Kamongome Sodomo Gomora koeyala naeyamopa, yuu doko Kamongonya ee jepae, dee yuu Injipi yale sia.
331	GEN 13:12	Abrame baa Kenane kateamopa, Lote baa Jodane duu lama-lama taono singi dupanya Sodomo makisa, sele anda petala katea.
382	GEN 15:21	Amoa, Kenane, Gigasa, Jebusapi, dupanyana” lea.
569	GEN 22:21	Wane mandeamoli pyoo kenge dupa: Usa, Basa, Kemuele, Kesete, Aso, Pilidasa, Jidilapa, Betuelepi lenge. Kemuele baa Arame takange. Betuele baa Rebeka takange.
661	GEN 25:2	Enda dokome wane ane 6-pela mandeamo dutupa: Simarane, Jokasane, Medane, Midiane, Isabake, Suapi lengema.
662	GEN 25:3	Jokasane baa Seba, Dedanepi takange. Dedanenya yumbange dokaita akali tata Asua, Letusa, Leumapi lengema.
23214	MAT 1:1	Pii dake Jisasa Kraisanya yumbange tata paliu epeamino dupanya. Jisasa baa Dapiti tatanya mandipae. Dapiti baa Abrakame tatanya mandipae.
23215	MAT 1:2	Abrakameme Aisake mandea. Aisakeme Jekope mandea. Jekopeme Juda mandipala, dee wane ane mendatupa apataka mandea.
23216	MAT 1:3	Judame Peresapa, Serapa mandea. Dolaponya endangi doko Tama lenge. Peresame Esorone mandea. Esoroneme Ramo mandea.
23218	MAT 1:5	Salomoneme Boasa mandea. Boasa endangi doko Reapa lenge. Boasame Obeta mandea. Obeta endangi doko Ruta lenge. Obetame Jesi mandea.
23219	MAT 1:6	Jesiame Kiŋi Dapiti mandea. Dapitimi Solomone mandea. Solomone endangi doko wamba Uria etanenge doko.
23221	MAT 1:8	Esame Jeosapata mandea. Jeosapatame Jeorama mandea. Jeoramame Usia mandea.
23222	MAT 1:9	Usiame Jotame mandea. Jotameme Easa mandea. Easame Esekia mandea.
23223	MAT 1:10	Esekiame Manase mandea. Manaseme Emone mandea. Emoneme Josaeya mandea.
23224	MAT 1:11	Josaeyame Jekonaeya mandipala, dee wane ane mendatupa apataka mandea. Dokopa Babilone tange yanda singi dupame, Israele tange dupa yanda pyoo ita minatala, Babilone anjoo soo peami.
23225	MAT 1:12	Pateaminopa, Jekonaeyame Seatiele mandea. Seatieleme Serubabele mandea.
23228	MAT 1:15	Eliutame Eleasa mandea. Eleasame Matana mandea. Mataname Jekope mandea.
23229	MAT 1:16	Jekopeme Josepe mandea. Josepe doko Maria akalingi. Maria doko Jisasa Kraisa lengema dokonya endangi.
23231	MAT 1:18	Jisasa Kraisa mandeamo dokonya pii lapae doko dake: Jisasa endangi Maria doko Josepe nyetana latala, andaka joo lakuo peteambi. Gii dokopa Josepeme Maria enda joo lanyala naeyamopa, Maria wane tongota peteamo kandeami. Wane doko Oli Spiritame maiya.
23232	MAT 1:19	Josepe doko akali epe tolatae dokonyana, baame Maria elya pisala naeyatoo lao masia. Dopa lao masetala, baame enda doko elyakalao pata-pata lao kaeyatoana lao masia.
23233	MAT 1:20	Dopa lao masoo kateamopa, Kamongonya enjele mendeme kombeame baa lamaiyoo, “Dapiti yumbange Josepe, Marianya inginya wane pilyamo doko, Oli Spiritame maipyana, embame baa enda joo lanyalanya paka nakaeyape.
23234	MAT 1:21	Baame wane ane mende manditamo dokome, baanya endakali dupanya koo dupa kunao nepakamaitala pyoo nyetana, baanya kenge doko Jisasa lape” lea.
23237	MAT 1:24	Josepe paliu sakatatala, Kamongonya enjele dokome lamaiyamoli pyoo, baame enda doko baanya etanenge joo lanyia.
23238	MAT 1:25	Lanyiamoaka doko, baame enda dokopa, yonge tole napiambinopaka, wane ane doko mandea. Wane doko mandipiamopa, Josepeme kenge doko Jisasa lea.
23239	MAT 2:1	Erote baa kiŋi kateamopa, Mariame Jisasa yuu andake Judia, taono Beteleme dokonya mandea. Mandipiamopa, niki pyakaengesa tange, buinya tenge masingi akali mendapuame Jerusalema ipupala,
23240	MAT 2:2	endakali kateamino dupa lamaiyoo, “Naimame Judamanya kiŋi katapengena latae, wane ŋaŋa dokonya bui doko niki pyakaengesa-kaita, katamo kandatala, baa mambo pyala epelyamanona, anja mandipae silyape?” leami.
23241	MAT 2:3	Dopa lapae sepala, Kiŋi Erote baa mona kenda kaeya. Dokopa Jerusalema tange endakali longome sepala, mona kenda kaeyamiaka.
23243	MAT 2:5	Dopa leamopa, dokaitame pii yanu pyao, “Goteme propeta mende-kisa lamaiyamo doko, dapa lao pepa pyapae silyamo: 'Nyakama Beteleme tange dupa, nyakamanya yuu taono doko taono waka Judia silyamo, dupanya pundi-pundi naseta. Nyakamanya mandipaenya mandipae, dupanya isingi akali mende pyakalyetamo dokome, nambanya Israele tange endakali dupa setao katakatana' lao pepa pyapae silyamo. Dopa lapae silyamo dokonya, Kraisa doko yuu andake Judia dokonya taono yakane Beteleme mandipengena” leami.
23251	MAT 2:13	Akali dokaita pateaminopa, kuka Kamongonya enjele mendeme, kombeame Josepe lamaiyoo, “Eroteme wane doko kutao pyao kumasalanya pilyamona, emba sakatatala, wane dokopa endangipa lanyoo, paka Isipi puu. Pupala katatenopa, nambame emba pilya lato gii dokopa pilyetena, emba dokonya mee katapena” lea.
23252	MAT 2:14	Dopa lamaitiamopa, kuka dokopaka Josepe sakatatala, wane dokopa endangipa lanyoo, Isipi paanya pea.
23253	MAT 2:15	Pupala Josepe Isipiaka katao, Erote kumiamo gii dokonya tuu lea. Dopa piamo dokome, wamba Kamongome propeta mende-kisa, “Nambanya ikiningi doko Isipi yuu doko yakinatala, nambame epena latona,” leamo doko angi jia.
23255	MAT 2:17	Dopa piamo dokome, “Taono Rama dokonya, Resolonya wanenge dupanya, wane dupa lao yamataka lao, ee leaminopa, endakali mendeme dupanya mona minao taiyu lasakamaipenge nanjiana” lao, wamba propeta Jeremaeyame leamo doko angi jia.
23257	MAT 2:19	Erote kumateamopa, Kamongonya enjele mende Isipi pupala, kombeame Josepe
23259	MAT 2:21	Dopa lateamopa, Josepeme wane dokopa endangipa lanyoo, Israele pilyia.
23260	MAT 2:22	Pilyiamoaka doko, Akelesa dokome baanya takange Erotenya panda nyepala, Judia yuu dokonya kiŋi joo kalyamo lapae sepala, Josepe yuu dokaita paanya paka kaeya. Dokopa Goteme kombeame, Judia yuu dokonya nakatape lao lamaiyamo dokonya, baame wane dokopa, endangipa lanyoo Galilea pea.
23262	MAT 3:1	Ee kana mendatupa pateamopa, Jone kaimbu pingi doko Judia yuu dokonya, endakali napalenge mendasa ipao katapala, pii tee pyao lamaiya.
23264	MAT 3:3	Wamba propeta Aisaiyame Jone kaimbu pingi doko kandao, “Endakali napalenge yuu mendasa akali mendeme katapala wii lao, 'Kamongonya kaitini doko depa lakamaiyepape. Kaitini koeyapae dupa tolasakamaiyepape' lao katatana” lea.
23265	MAT 3:4	Jone baa yonge pee kamele itimi wasepaepi, matapu bulumakao yanungimi wasepaepi, dupa pyoo katea. Baa paiyombapi, ambulya kakasa lyingipi, dupa nao katea.
23266	MAT 3:5	Dokopa Jerusalema tangepi, Judia tangepi, endaki Jodane mate dosale tangepi, longo dupa Jone kateamo dokonya peami.
23267	MAT 3:6	Pupala dupame nyakamanya koo dupa lao panata piaminopa, baame endaki Jodane dokonya kaimbu pyakamaiya.
23274	MAT 3:13	Gii dokopa Jisasa Galilea yakinatala, endaki Jodane mate dokonya Joneme kaimbu pyekena lao pea.
23275	MAT 3:14	Pao pyakameamopa, Joneme Jisasa lamaiyoo, “Embame nambanya kaimbu pyakapenge doko, aipuma nambame embanya kaimbu pyakatale lao epelepe?” lea.
23276	MAT 3:15	Dopa leamopa, Jisasame baanya pii yanu pyakamaiyoo, “Nalimbame pyepale lao Goteme masilyamo, dupa apata pimbana pii” lea. Dopa leanya, Joneme baanya pii doko watao minatala, kaimbu pyakamaiya.
23277	MAT 3:16	Jisasa kaimbu nyepala, endaki ketae pyakalyiamopa, kaiti saa papa laloo petala, Gotenya Oli Spirit doko yaka maiyolee joo lanao ipao, baa-kisa petea.
23279	MAT 4:1	Gii dokopa Sataneme Jisasa minao makande pina lao, Oli Spiritame baa laminao endakali napalenge yuu mendasa pea.
23280	MAT 4:2	Pupala Jisasa baa yuu gii 40 kuka kotakapi, Gote loma soo, nee nanao katea. Dopa pyoo katapala, baa lopo kaeya.
23282	MAT 4:4	Dopa leamopa, Jisasame baanya pii yanu pyakamaiyoo, “'Endakalimi betesa iki nenge dokonya-kaita, saka nakatenge. Goteme pii lelyamo dokonya-kaita, endakali saka katengena,' dopa lao pepa pyapae silyamona” lea.
23283	MAT 4:5	Dopa lateamopa, Sataneme baa laminao taono epe Jerusalema dokonya pupala, lotuu anda andake ketae dokonya katena lea.
23284	MAT 4:6	Dopa latala baame Jisasa lamaiyoo, “Gotenya pii dapa lao pepa pyapae silyamo: 'Goteme emba masetala, kaname embanya mokopi mende, koeyatame latala, enjele dupame emba nisoo kopyoo nyina latana' latae silyamo. Dopana, emba kini Gote Ikiningi-tamo doko, ketae dakenya katao isa mangau laa” lea.
23285	MAT 4:7	Dopa leamopa, Jisasame baa lamaiyoo, “'Embame embanya Kamongo Gote doko minao makande napipi' lao pepa pyapae silyamona” lea.
23286	MAT 4:8	Sataneme Jisasa deaka laminao, yuu manda etete ketae mendenya pyakalyetala, isa yuu dakenya isingi matepi, oapi epe muni andake pupengepi, dupa baa kandena lea.
23287	MAT 4:9	Dopa latala, baame Jisasa lamaiyoo, “Embame namba lao luma lakapala, mambo pyateno doko, silyamo dupa pitaka nambame emba ditoana” lea.
23288	MAT 4:10	Dopa leamopa, Jisasame baa lamaiyoo, “'Embame embanya Kamongo Gote doko mambo pyao, baanya iki kalai pyakamaiyoo katape' lao pepa pyapae silyamona, Satane, emba puu” lea.
23289	MAT 4:11	Dopa lateamopa, Sataneme Jisasa yakinatala pea. Dokopa enjele mendapu ipupala, Jisasa nisiami.
23290	MAT 4:12	Jone kaimbu pingi doko, anjiami lapae doko sepala, Jisasa baa Galilea pilyia.
23293	MAT 4:15	“Endakali Napatalaipa, Sebyulanepa, dupanya yuu Jodane omotenapa, Galilea lembasapa, dupanya tii pipae andake mende ipatamopa, endakali kamalya katenge dupa-kisa tapyatamo kandatami. Kamalya katenge dupa, yuu iminjetaenya kumapae joo katangema dupa-kisa, tii pipae dokome tii pisetana” lea.
23295	MAT 4:17	Gii dokopa pituu, Jisasame endakali dupa pii tee pyao lamaiyoo, “Gotenya isingi mate doko tengesa ipatelyamona, nyakama mona kapilyalapa” lea.
23296	MAT 4:18	Jisasa Galilea pete lemba dokonya pao kandeamopa, pisa nyingi akali Saimone, kenge mende Pita lenge dokopa, kaiminingi Andruapame umbene nuu mende endaki pete dokonya pyandao, pisa nyoo kateambi.
23297	MAT 4:19	Jisasame dolapo lamaiyoo, “Nyakambame pisa nyingimbali pyoo, endakali nyalapale mana langitoo, namba watao ipupa” lea.
23299	MAT 4:21	Umbisale pateaminopa, Jisasame akali Sebedi-pipa, ikiningi Jemesa, Jonepa sipi andaka umbene nuu tambuo peteambino kandatala, epena lea.
23300	MAT 4:22	Dopa leamopa, nyakambanya takangepa, sipi dokopa yakinatala, Jisasa watao peambi.
23301	MAT 4:23	Jisasame Galilea yuu doko pitakanya paeyao, endakali dupa Judamanya lotuu anda dupanya mana lamaita, Gotenya isingi mate dokonya lao, wai pii epe doko lamaita pia. Dee baame endakali yaina tata longome pyapae dupa, pitaka mee jeta pyakamaiya.
23302	MAT 4:24	Baame piamo dupa Siria yuu doko, pitakanya lao taeyami. Dopa piamopa, endakali dupame yaina tata longome pyapaepi, tanda koo nengepi, imambu koo paletapi, mandipaeme nyingipi, papa tambutaepi, dupa pitaka laminao baa kateasa epeami. Dopa piaminopa, Jisasame yaina dupa mee jeta pyakamaiya.
23303	MAT 4:25	Dokopa endakali kambu longo mendapuame, yuu Galileapi, Dekapolisapi, Jerusalemapi, Judiapi, endaki Jodane yangi-kaitapi, dupanya katao ipupala, Jisasa watao paeyami.
23304	MAT 5:1	Jisasame endakali kambu longo dupa kandatala, baa yuu manda mendenya pao petea. Peteamo dokonya baanya disaipolo dupa epeami.
23315	MAT 5:12	Wamba propeta kateamino dupa, endakali dupame minao koeyasiamiakana, nyakama minao koeyasetamino dokopa, nyakama walu nalalapape. Yole etete andake doko kaitinya setekelyamona, nyakama eteke kaeyao, mona epe palyoo kalyepape,” Jisasame lea.
23316	MAT 5:13	Jisasame dee mende lao pituu, “Nyakama yuu dakenya sole jepae kalyamino. Sole tende patamo doko, nyakamame aipa petala dee tende pisetamipi? Sole tende patae dokome mende napingi. Doko soo yakinatala moko katao nepenge.
23320	MAT 5:17	Jisasame dee mende lao pituu, “Mosesame loo seteamo dupapi, propeta dupame mana leamino, dupa nambame nyoo nepalanya epeepe lao masala naeyalapape. Dupa nambame nyoo nepalanya naepeo. Dupa angi jisalanya epeo.
23324	MAT 5:21	Jisasame dee mende lao pituu, “'Embame endakali yango mende tuu pyoo pyao kumasala naeyape. Pyao kumasetamo endakali doko, laminao kote laa pupengena' lao, wamba nyakamanya yumbange dupa lamaiyamino doko, nyakamame siami.
23330	MAT 5:27	Jisasame dee mende lao pituu, “'Embame kepo kolala naeyape' lao, wamba nyakamanya yumbange dupa lamaiyamino doko nyakamame siami.