294	GEN 11:27	Teranya mandipae palu dokaita. Baame wane ane mandeamoli pyoo kenge dutupa: Abrame, Neo, Aranepi. Araneme Lote mandea.
298	GEN 11:31	Terame baanya ikiningi Abrame, Arane ikiningi Lote, aeyange Saraipi, dupa pitaka lanyoo, yuu andake Kalidia taono Uru yakinao, yuu Kenane paanya peami. Pao taono Arane pyakamatala, dokonya kateami.
303	GEN 12:4	Abrame baa ee kana 75 leamopa, Kamongome lamaiyamoliaka pyoo, Abrame, Lotepi, taono Arane doko yakineambi.
304	GEN 12:5	Baanya etanenge Saraipi, kaimininginya ikiningi Lotepi, pinju setao kateamino dupapi, Arane tange kendemane nyiamo dupa pitaka lanyoo, Kenane yuu dokonya paanya pea.
314	GEN 12:15	Paraonya kalai akali dupame enda doko kandatala, Parao lamaiyoo, “Enda doko etete malya paka-lamona” lamaiyami. Lamaitala, enda doko Paraonya andaka lanyoo peami.
320	GEN 13:1	Abrame baanya bulumakao, sipisipi, meme, dongi, silipa, golopi, dupa longo sia. Paraonya kalai akali dupame pena lateaminopa, Abrame baanya etanengepi, Lotepi, pinjupi, dupa pitaka lanyoo Injipi yakinao Negepe yuu dokonya peami.
324	GEN 13:5	Lotenya bulumakao, sipisipi, meme, dongi, kalai enda akalipi, baanya enda wanepi, dupa longoaka kateami.
326	GEN 13:7	Dopa piamosa, Abrame, Lotepanya kalai akali yangolapo imbu kaeyapae sakatea. Gii dokopa, Kenane tangepi, Peresa tangepi, dupa yuu dokonya paleamiaka.
327	GEN 13:8	Dokonyana, Abrameme Lote lamaiyoo, “Nalimba tange etetena, nalimbanya kainanya imbu kaeyapae nasina, dee embanya kalai akalipi, nambanya kalai akalipi, dupanya kainanya imbu kaeyapae nasinaka.
329	GEN 13:10	Dopa lateamopa, Lote baa kandao aowali latala, Jodane duu taono Soa singi dokaita yuu lama-lama auu petae siamo doko kandea. Kamongome Sodomo Gomora koeyala naeyamopa, yuu doko Kamongonya ee jepae, dee yuu Injipi yale sia.
330	GEN 13:11	Loteme yuu doko nyepala, baa niki pyakaenge dokaita pea. Dopa petala, akali dolapo tale piambi.
331	GEN 13:12	Abrame baa Kenane kateamopa, Lote baa Jodane duu lama-lama taono singi dupanya Sodomo makisa, sele anda petala katea.
333	GEN 13:14	Lote pateamopa, Kamongome Abrame lamaiyoo, “Emba kalyeno dosa katao, kingi koeyatenapi, tolaetenapi, niki pyakaengesapi, niki pambengesapi, kandao aowali laa.
338	GEN 14:1	Gii mendepa, Sodomo tange kiŋi Berapi, Gomora tange kiŋi Bisapi, Atama tange kiŋi Sinapapi, Seboma tange kiŋi Semebapi, dutupa Ilama tange kiŋi Kedolama dokome isia. Dee Bela tange kiŋi doko isoaka pia. (Taono Bela dokonya kenge mende doko Soa lenge.) Kedolama dokome ee kana 12 isoo katea. Ee kana 13 leamopa, baanya pii doko tanga leami. Ee kana 14 leamopa, kiŋi Kedolamame kiŋi waka tepoma yanda tole pingi dutupa lanyia. Dutupanya kenge dutupa: yuu Babilonia tange kiŋi Amarapelepi, yuu Elasa tange kiŋi Ariokopi, yuu Goima tange kiŋi Tidalapi, dutupa lanyia. Lanyepala kiŋi kitomende dutupame nyakamanya yanda pingi akali dupa lanyepala, taono Aseroto Kanaimi dokonya, akali Repaimi tata dupa pyao ita miniami. Dee maitapyao, taono Ame dokonya, akali Susa tata dupa pyao ita miniami. Ita minatala, yuu lama-lama taono Kititaimi tengesa dokonya, akali Eme tata dupa pyao ita miniami. Ita minatala, yuu Siya manda dokonya, akali Oro tata dupa, Elaparane yuu sapu dokonya watao pyasiami. Dokonya katao, dee kapilyetala, yuu Kadesa, kenge wambatae doko Ene Misapata lenge, dokonya pao pyakameami. Pyakamatala, akali Ameleke tata dokonya yuu andake dokopi, dee taono Asasone Tama dokonya, akali Amoa tata dupa pyao ita miniamiaka. Yanda doko pyoo ita minatala, Kedolamapi, baanya akali yanda pingi dutupapi pupala, kiŋi Sodomo tangepi, Gomora tangepi, Atama tangepi, Seboma tangepi, Bela tangepi, dutupa yanda pimaiya peami. Peaminopa, 5-pela kiŋi-pipa nyakamanya akali yanda pingi dutupa, yuu Sidimi lama-lama dokonya, yanda pyaanya kambu piami. Kambu pyatala, 5-pela kiŋi dutupame kiŋi kitomende dutupa yanda pimaiyami.
349	GEN 14:12	Lote baa Sodomo katenge dokonyana, Lotepi, baanya pinju oapipi, dupa apataka nyoo soo peami.
351	GEN 14:14	Yandapipili dupame Lote-pipa, baanya pinju dupa nyoo soo, pamino lapae doko Abrameme sia. Sepala baame baanya yanda pingi akali pupu lapae 318 dutupa lanyia. Lanyepala kiŋi kitomende dutupa watao pao, taono Dane dokonya pyakamea.
353	GEN 14:16	Patala, Lotenyapi, Sodomo Gomora tangemanya pinju pyao nyiamino dupapi, baanya endakali dupapi, endakali wakapi, lanyoo peamino dupa lanyoo pilyiami.
364	GEN 15:3	Latala deaka Abrameme lao pituu, “Embame namba wane mende nandipi, dokonya nambanya kalai akali dokome moeya dupa nyeta-lamona” lea.
378	GEN 15:17	Lateamopa, yuu kuiya. Dokopa iminjetae dokonya itate taputa pengenya palipae mendepa, kinduli taputa mendepa, dolapo bulumakao yakapi, konjepae siamo kaina dokonya ipao pea.
432	GEN 18:7	Lamaitala, baa bulumakao kamenya pupala, bulumakao yakane epe mende nyoo, baanya kalai akali dupame pupae yangakamaina lea.
459	GEN 19:1	Yuu kuiyala peamopa, Lote baa Sodomo lome kambu dokonya peteamopa, enjele lapoma epeambi. Epeambino kandatala, baa sakatao pao enjele dolaponya enombanya luma lakapala, langalu yuunya sia. (Enjele dolapo wamba Abrakame kanja epeambino dolapoaka.)
461	GEN 19:3	Dopaka doko, Loteme etete kongo leamosa, akali dolapome yakana latala, baanya andaka peami. Pupala Loteme neepi, betesa yisa napalengepi, dupa yangapeamopa, neami.
462	GEN 19:4	Nee napala, ene luu palyanya peteaminopa, Sodomo tange wane kolepi, akali angipi, pitakame Lotenya anda doko katao kakopeami.
463	GEN 19:5	Kakopatae katao dokaitame Lote lao wii lao, “Akali lapoma embanya andaka ipambino dolapo anja pilyambipi? Naimame dolapo elya pingi pimana, laminao kamaka pyakalya” leami.
464	GEN 19:6	Dokopa Lote baa akali kateamino dokonya kamaka pupala, kaita paii lanyia.
467	GEN 19:9	Dopa leamopa, Sodomo tange dupame, “Lote embame kaita lyokala naeya!” leami. Dee nyakamalapo laloo pyoo, “Akali tata waka dakeme naima mana lelyape?” leami. Dopa latala, Lote lamaiyoo, “Naimame emba minao etete koeyasalamanona” leami. Dopa latala, Lote puu lao, tuu lanya nepatala, anda kaita doko kalunya pyandalanya piami.
468	GEN 19:10	Dokopa enjele dolapome kingi kamaka pyasetala, Lote andakote pyalya lanyetala, kaita paii lanyiambi.
470	GEN 19:12	Dokopa enjele dolapome Lote lamaiyoo, “Taono dakenya mana koo tata longo pilyamino lapae Kamongome sepala, nalimbame taono dake koeyasala pupa laamo. Dokonya nalimbame yuu dake koeyasalanya pilyambano. Dopana, embanya enda wanepi, wanengenya lakuingipi, dupa lanyoo, yuu dake yakinao, paka puu” leambi.
472	GEN 19:14	Dopa lateambinopa, Lote kamaka pyakalyetala, baanya wanenge dolaponya lakuingi dolapo lamaiyoo, “Kamongome taono dake koeyasotoo lelyamona, nyakamba taono dake yapa yakinao, paka pupa!” lea. Pii leamo doko, male pyoo lelyamo lao masiambi.
473	GEN 19:15	Yuu yongalanya piamopa, enjele dolapome Lote lamaiyoo, “Embanya enda dokopi, wanenge dolapopi, yapa lanyoo puu. Endakali waka dupa koeyatami kainanya nyakama koeyala naeyalapalena” leambi.
474	GEN 19:16	Dopa leambinoaka doko, Lote nembo tele peteamopa, enjele dolapome Lotepi, etanengepi, wanengepinya kinginya minatae katao, taono yakinao kamaka peami. Kamongome Lote kondo kaeyamo dokonya, dopa piambi.
476	GEN 19:18	Dokopa Loteme lao pituu, “Akali andake, embame namba kondo kaeyao niseteleno. Yuu manda omo londati waka-lamona, ene patopa, taono koeyasete dokonya apata koeyalapu-lumu.
480	GEN 19:22	Nyakama kaitinisa pao katataminopa, nambame mende napitoana, nyakama yapa patae katao pupa” lea. Loteme taono doko yakanena leamo dokonya, kenge Soa maiyami.
481	GEN 19:23	Niki pyakaeyamopa, Lote Soa pao kalyu pia.
484	GEN 19:26	Lote etanenge paka pao pituu, dee maitakaita kandalyulu piamopa, baa sole kuli jia.
487	GEN 19:29	Goteme yuu lama-lama dokonya taono Lote katenge dupa pitaka yangao etasia. Dopaka doko, Goteme Abrakame masetala, endakali koeyamino kaina dupanya, Lote koeyala naena latala, baa nyoo lemba pia.
488	GEN 19:30	Lote baa taono Soa kalyanya paka kaeyapala, wanenge dolapo lanyoo, yuu manda mendenya pea. Dokaita pao kananda koko mendenya paliu kateami.
489	GEN 19:31	Dokonya kateaminopa, Lote wanenge mupa dokome kakingi kole doko lamaiyoo, “Nalimbanya takange lyanga jetelyamo. Akali mendeme nalimba lanyepala, wane mandyuu dita mende yuu dakenya nakalyamo.
491	GEN 19:33	Leambinoli pyoo, kuka dokonya nyakambanya takange waene longo nena maiyambi. Baa napala, masala naeyamopa, wanenge mupa dokome baa palimaiya. Oo yongama wanengeme piamo dupanya mende takangeme masala naeya.
494	GEN 19:36	Dopa piambino dokome, Lote wanenge dolapo wane tongota peteambi.
499	GEN 20:3	Lanyiamoaka doko, kuakama Goteme kombeame Abimeleke lamaiyoo, “Embame enda akali katenge nyipi-lamo dokonya, emba kumalapenona” lea.
504	GEN 20:8	Oo yongama Abimeleke baanya kalai akali dupa pitaka epena latala, Goteme leamo dupa pitaka lamaiya. Lamaiyamopa sepala, paka kaeyami.
582	GEN 23:10	Lome kambusa endakali peteamino kaina dokonya, Eprone pituu, Abrakameme leamo dupa sepala yanu pyao,
599	GEN 24:7	Kamongo Gote ketae kaitinya katenge dokome nambanya takangenya palupi, yuupi, dupa yakinatale lao, wii lao lanyia. Lanyoo ipupala, kyeto joo namba langyoo, nambanya mandipaenya mandipae dupa yuu dake etete maiyakatona lea. Kamongo dokome enjele mende wambao pupala, depa latamopa, embame nambanya ikininginya enda mende kandao lanyakamaiyapeno.
602	GEN 24:10	Dokopa kalai akali dokome oapi epe maipengepi, nyakamanyapi, dupa Abrakame-kisa nyepala, kamele 10 dutupanya mandisoo depa lea. Latala, baanya akali apata pupenge dupa lanyoo, yuu andake Mesopotamia, akali Neonya taono dokonya-kaita yuu gii mendatupa kaitinisa paliu pea.
607	GEN 24:15	Loma soo kateamopa, wanaku Rebeka lenge mende penge soo endaki kamuala epea. Baa Betuele wanenge. Betuele baa Abrakame kaiminingi Neopa, enda Milikapanya ikiningi.
621	GEN 24:29	Lamaitiamopa, Rebeka pimalenge Labaneme leamo dupa soo, lyamunginya golo riŋipi, kinginya golo kitambupi, dupa kandatala, baa alo pyao endaki pete tombapae dokonya kanja pea. Pao kalai akali doko kamele-pipa kateamo kandea.
624	GEN 24:32	Dopa latala, Labaneme Abrakamenya kalai akalipi, kamelepi, dupa lanyoo andaka pupala, kamele maitanya mandeamino dupa nyoo andaka seteami. Dopa petala, kamele kateamino dosa neepi, tanupi, dupa setapala, Abrakamenya kalai akali dupa moko wasa pina lao, endaki kamuo maiyami.
625	GEN 24:33	Maitala nee nena lao maitiaminopa, kalai akali dokome dokaita lamaiyoo, “Tanga nee namana, nambame pii mende laa epo doko latatoalena” lea. Lateamopa, Labaneme, “Yakalumuna naima langi” lea.
642	GEN 24:50	Dopa lateamopa, Labane Betuelepame yanu pyao, “Doko Kamongome pyome-lumuna, nalimbame dee aki lambanape?
644	GEN 24:52	Leambino sepala, Abrakamenya kalai akali dokome luma lakapala, langalu yuunya soo, Kamongo mambo pia.
652	GEN 24:60	Leambinopa, baanya palu dupame lamaiyoo, “Pakae, emba endakali tausene tausene dupanya endangi pititi. Embanya mandipaenya mandipae dupame nyakamanya yandapipili dupa pyao ita minaowaka katatamina” lao, Rebeka pii kyeto epe dupa lamaiyami.
653	GEN 24:61	Lamaitiaminopa, Abrakamenya kalai akali dokome baanya tole epeamino dupapi, Rebekapi, baanya kalai endapi, dupa lanyoo, kamele maitanya pituu paanya peami.
659	GEN 24:67	Lamaitiamopa, Aisakeme Rebeka baanya enda joo lanyepala, baanya endanginya moeya anda dokonya lanyoo pea. Patala Rebeka baa endanginya panda nyoo peteamopa, baa mona yaepao katao, baanya enda doko auu kaeyao katea.
662	GEN 25:3	Jokasane baa Seba, Dedanepi takange. Dedanenya yumbange dokaita akali tata Asua, Letusa, Leumapi lengema.
23238	MAT 1:25	Lanyiamoaka doko, baame enda dokopa, yonge tole napiambinopaka, wane ane doko mandea. Wane doko mandipiamopa, Josepeme kenge doko Jisasa lea.
23263	MAT 3:2	Lamaiyoo pituu, “Gotenya isingi mate doko tengesa ipatelyamona, mona kapilyalapa” lea.
23309	MAT 5:6	“Lopo pilyamopapi, endaki nanu pilyamopapi, napu laka lao putiti kaengeli pyoo, mana tolatae dupa nyepala, watao minapu laka lao putiti kaeyao katenge endakali dupa, Goteme minao auu pisingi. Auu pisetae dupa Goteme maitamopa, nyakama etete yaka jeta.
23373	MAT 6:22	Jisasame dee mende lao pituu, “Lenge doko yongenya kia joo tenge. Embanya lenge doko auu pyoo tao paeyateno doko, embanya yonge doko pitaka etete tii pita.
23375	MAT 6:24	Jisasame dee mende lao pituu, “Endakali mendeme kamongo lapomanya, kalai pyakamaiya naeyapenge. Lapotanya kalai pyakamaitamo dokome, mende auu kaeyapala, mende doko auu kaeyala naeyata. Dee mende mona setapala, mende doko mona setala naeyata. Dopana, nyakama Gotepa, munipa, lapotanya kalai akali joo, nakatapengena” lea.
23376	MAT 6:25	Jisasame dee mende lao pituu, “Nyakamame nyakama tange auu pyoo, lete katapenge dupanya lao masetala, 'Naima neepi endakipi anja-tae nao katatamape? Yonge pee anja-tae pitamape?' lao masala naeyalapape. Lete katenge angi doko neepi, endakipi, yonge peepi, dopale daa.
23398	MAT 7:13	Jisasame dee mende lao pituu, “Koo pandanya koeyala penge lome kaita doko, pee lapae. Kaitini dokonya endakali longo dupa, leke-leke natao pengema. Lete etete katenge panda dokonya penge lome kaita doko, etete yakane. Kaitini dokonya etete tanda nao pupenge. Lome kaita etete yakane dokonya, endakali kukimi kutao kandengema. Dopana, nyakama lome kaita yakane dokonya pupape” lea.
23433	MAT 8:19	Dokopa Mosesanya loo mana nyepae akali mendeme, Jisasa kateasa ipupala lamaiyoo, “Mana Lenge Akali, emba paeyateli pyoo, namba watao ipatoana” lea.
23446	MAT 8:32	Dopa leaminopa, Jisasame dupa kandao, “Pupa” lea. Dopa leamopa, imambu koo dupame akali dolapo soo yakinatala, mena dupa-kisa pao landa piami. Landa pyateaminopa, mena elyambu doko pitaka, papatale mendenya-kaita alo pyao pao, endaki pete mendenya mangatala kumiami.
23533	MAT 11:5	Lenge monda dupa dee lenge telyamino. Moko koo dupa kaita paelyamino. Endakali kopetali dupa mee jakamailyamo. Kaleketa dupame pii silyamino. Endakali kumapae dupa sakatatala paelyamino. Endakali tipya dupame wai pii epe doko silyamino.
23561	MAT 12:3	Dokopa Jisasame dokaita lamaiyoo, “Dapitimi piamo doko nyakamame pepanya itaki napiamipi? Dapitipi, akali apata kateamino dupa lopo kaeyami. Lopo kaeyapala Dapitimi Gotenya lotuu andaka kolandatala, betesa Gote opa maitae, pitisa dupame iki napenge siamo dupa nyepala, akali dupa maiyoo nea.
23612	MAT 13:4	Lyandeamopa, ee wai yangi kaitininya pea. Peamo dupa pitaka yaka dupame nyoo neami.
23614	MAT 13:6	Langa leamoaka doko, pingi auu pyoo napiamosa, niki teamo dokome kumasia.
23707	MAT 15:5	Dopa leamoka doko, nyakamame mana waka mende miningima-lamo. Akali mendeme endangi takangepi lamaiyoo pituu, 'Nambame nyakamba oapi dipenge dupa pitaka, Gote maitalona' latamo kandao doko, nyakamame kapana lao mana lengema-lamo. Lelyamino dokome, endangi takangepi nisepengena lao, Gotenya loo seteamo doko mee joo nepengema.
23787	MAT 17:18	Lanyoo ipateaminopa, Jisasame imambu koo doko pyalanya latala, wane doko yakinatala pena leamopa pea. Puu piamopa, wane dokonya yaina doko mee jia.
23792	MAT 17:23	Laitaka petatamopa, dupame baa pyao kumasetami. Kumasetataminopa, yuu gii tepo dokonya, Goteme baa dee sakatasetana” lea. Dopa leamo sepala, disaipolo dupa mona etete kenda kaeyami.
23811	MAT 18:15	Jisasame dee mende lao pituu, “Embanya kaiminingi mendeme emba koo pingitamo doko, baa katatasa emba pupala, nyakamba iki pitipala, baanya koo pitamo doko, lao panasoo lamaipi. Lamaitinopa, baame embanya pii setamo doko, embanya kaiminingi doko dee pilyoo nyete.
23828	MAT 18:32	Lamaiyaminopa, kiŋi dokome kalai akali doko epena latala lamaiyoo, 'Emba kalai akali koo-lamo! Nambame emba kondo kaeyao, nisepoko lao tee lapino dokonya, nambanya yanu emba-kisa sipumu dutupa pitaka kaeyapu.
23847	MAT 19:16	Gii mendepa akali mende Jisasa kateasa ipupala, “Mana Lenge Akali, mana epe aipale mende minatala, tanga namba lete etete katenge doko nyotope?” lea.
23849	MAT 19:18	Dopa lateamopa, akali dokome baa tipa pyoo, “Loo dupa andutupape?” lea. Dokopa Jisasame baa lamaiyoo, “Embame endakali pyao kumasala naeyape. Kepo kolala naeyape. Pake nala naeyape. Endakali mende sambo lao minakasala naeyape.
23851	MAT 19:20	Dokopa akali patange dokome pii yanu pyao, “Loo dutupa pitaka nambame watao miningina, dee nambame aki mende apata pipengepe?” lea.
23914	MAT 21:19	Lopo kaeyapala baame piki ita mende kaitini lembasa kateamo kandatala, dokonya dii lyilyape lao kanja pea. Pao kandeamopa, dii nalyoo yoko iki pyoo katea. Dokopa baame piki ita doko kandao, “Embame tanga tangapi dee dii mende namanditina” lea. Dopa lalu piamopa, piki ita doko sapuiya.
23930	MAT 21:35	Leamo dokonya pateaminopa, ee isakamaingi akali dupame baanya kalai akali dupa minatala, mende pyao indyepa, mende pyao kumaseta, mende kaname pyapa piami.
23957	MAT 22:16	Dopa petala Parasai dupame, nyakamanya disaipolo mendapuapi, Erote Antipasa tata mendapuapi, dupa Jisasa kateasa pena leami. Dupame pupala Jisasa lamaiyoo, “Mana Lenge Akali, embame akali andake dupa paka nakaeyao, kiningi pii doko tolao lenge. Endakali dupame pipimili lao Goteme masilyamo, dokonya-kaita embame tolao mana lenge.
23965	MAT 22:24	“Mana Lenge Akali, wamba Mosesame mana leamo dokonya, 'Akali mendeme enda nyepala, wane manja naeyao kumatamopa, baanya kaiminingi dokome enda walyakae doko piseta. Baapa enda walyakae dokopa, wane mupa manditambino doko, kaiminingi kumia dokonya lao, manjakamaitana' lapae silyamo.
23977	MAT 22:36	“Mana Lenge Akali, Mosesanya loo dupanya anduku mupa joo silyape?” lao, tipa pia.
23980	MAT 22:39	Loo lapo doko dake: 'Embame emba tange auu kaengeli pyoo, embanya endakali yango dupa auu kaeyape.'
23989	MAT 23:2	“Loo mana nyepae akalipi, Parasaipi, dupame Mosesanya panda nyoo mana lengema.
23995	MAT 23:8	Dopa pingimaka doko, nyakamanya Mana Lenge Akali mendai iki kalyamo, dokonya nyakama kaiminingiaka kalyaminona, endakali dupame nyakama kandao, mana lenge akali lena nalalapape.
24004	MAT 23:17	Nyakama lenge monda kyakaenge! Lotuu anda andake dokome, golome wasepae andakote silyamo dupa, Gote maitaena lao auu pisingi. Tenge dokonya, golome wasepae andakote silyamo dupame, lotuu anda andake doko ita naminingi. Lotuu anda andake dokome, golome wasepae andakote silyamo dupa, ita miningi.
24027	MAT 24:1	Jisasame lotuu anda andake, kame doko yakinatala peamopa, disaipolo dupame ipupala baa lamaiyoo, “Lotuu anda andake dakenya makisa, anda auu petae kalyamo datupa kanda” leami.
24038	MAT 24:12	Luiyao koo pingi mana doko andatamopa, endakali longo dupame, endakali yango auu kaenge mana doko yakinatami.
24083	MAT 25:6	Lemonguti latala paleaminopa, kuka andatombe dokonya, wii mende epeamo dokome, 'Akali enda watapae pyapenge doko, ae epelyamona, nyakama kandanyalapale ipupa' lea.
24141	MAT 26:18	Dopa leaminopa baame dokaita lamaiyoo, “Nyakamame Jerusalema pupala, akali mende kanjaminona, doko lamaiyoo, 'Mana Lenge Akali dokome, baanya gii doko tengesa petelyamona, Napinya Kaeyamo Pasopa nee doko, baanya disaipolo dupa-pipa, embanya andaka natoo lalamona' lao lamaiyepape” lea.
24148	MAT 26:25	Dopa leamopa, Jisasa enge nyiamo akali Judasa dokome, baa lamaiyoo, “Mana Lenge Akali, embame leeno doko, namba lao leepe?” lea. Dopa leamopa, Jisasame baa lamaiyoo, “Emba tangeme leleno dokoakana” lea.
24154	MAT 26:31	Dokopa Jisasame dokaita lamaiyoo, “Goteme dapa lea: 'Sipisipi setao katenge doko pyatopa, sipisipi dupa wakale saa latamina' lao, pii pepa pyapae silyamo. Lapae silyamoliaka pyoo, indupa kuka gii dakepa, kenda pipae namba-kisa ipatamo kandatala, nyakama pitakame namba soo yakinalamino.
24165	MAT 26:42	Dopa latala Jisasa paa lapo pyoo loma sala pea. Loma soo pituu, “Apane, kenda pipae epelyamo dake, namba-kisa epena lao kaeya kandeno doko, embame masilino dokonya-kaita pipi” lea.
24166	MAT 26:43	Loma sepala dee ipao kandeamopa, disaipolo dutupa lemonguti kaeyapala, luu paliu siami.