338	GEN 14:1	Gii mendepa, Sodomo tange kiŋi Berapi, Gomora tange kiŋi Bisapi, Atama tange kiŋi Sinapapi, Seboma tange kiŋi Semebapi, dutupa Ilama tange kiŋi Kedolama dokome isia. Dee Bela tange kiŋi doko isoaka pia. (Taono Bela dokonya kenge mende doko Soa lenge.) Kedolama dokome ee kana 12 isoo katea. Ee kana 13 leamopa, baanya pii doko tanga leami. Ee kana 14 leamopa, kiŋi Kedolamame kiŋi waka tepoma yanda tole pingi dutupa lanyia. Dutupanya kenge dutupa: yuu Babilonia tange kiŋi Amarapelepi, yuu Elasa tange kiŋi Ariokopi, yuu Goima tange kiŋi Tidalapi, dutupa lanyia. Lanyepala kiŋi kitomende dutupame nyakamanya yanda pingi akali dupa lanyepala, taono Aseroto Kanaimi dokonya, akali Repaimi tata dupa pyao ita miniami. Dee maitapyao, taono Ame dokonya, akali Susa tata dupa pyao ita miniami. Ita minatala, yuu lama-lama taono Kititaimi tengesa dokonya, akali Eme tata dupa pyao ita miniami. Ita minatala, yuu Siya manda dokonya, akali Oro tata dupa, Elaparane yuu sapu dokonya watao pyasiami. Dokonya katao, dee kapilyetala, yuu Kadesa, kenge wambatae doko Ene Misapata lenge, dokonya pao pyakameami. Pyakamatala, akali Ameleke tata dokonya yuu andake dokopi, dee taono Asasone Tama dokonya, akali Amoa tata dupa pyao ita miniamiaka. Yanda doko pyoo ita minatala, Kedolamapi, baanya akali yanda pingi dutupapi pupala, kiŋi Sodomo tangepi, Gomora tangepi, Atama tangepi, Seboma tangepi, Bela tangepi, dutupa yanda pimaiya peami. Peaminopa, 5-pela kiŋi-pipa nyakamanya akali yanda pingi dutupa, yuu Sidimi lama-lama dokonya, yanda pyaanya kambu piami. Kambu pyatala, 5-pela kiŋi dutupame kiŋi kitomende dutupa yanda pimaiyami.
347	GEN 14:10	Yuu Sidimi lama-lama dokonya kolta petenge yuli longo singi. Kiŋi Sodomo tangepi, Gomora tangepi, dupa paka peaminosa, yuli dupanya mangeami. Dee yangi dupa mandale dupanya paka peami.
348	GEN 14:11	Kiŋi kitomende dutupame Sodomo Gomorapi tange dupanya nee pinjupi pitaka minambao, nyepala kaita peami.
351	GEN 14:14	Yandapipili dupame Lote-pipa, baanya pinju dupa nyoo soo, pamino lapae doko Abrameme sia. Sepala baame baanya yanda pingi akali pupu lapae 318 dutupa lanyia. Lanyepala kiŋi kitomende dutupa watao pao, taono Dane dokonya pyakamea.
352	GEN 14:15	Dokonya katao, Abrameme baanya yanda pingi akali dutupa kambu lapo pia. Dopa petala, kiŋi kitomende dutupanya yanda pingi akali dutupa kuakama yanda pimaitala, pyao ita miniami. Dokaita watao pyao, taono Damaskesa dokonya pyakamatala, eteteaka watao pyao, taono Oba peami.
354	GEN 14:17	Kiŋi Kedolama tata dupa Abrameme yanda pyoo ita minatala pilyiamopa, Sodomo tange kiŋi dokome, yuu lama-lama kenge Sape dokonya, baa kanja epea. (Sape dokonya kenge mende doko kiŋinya yuu lama-lama.)
355	GEN 14:18	Melekisedeke baa taono Saleme dokonya kiŋi, dee baa Ketae Kaitinya Gote dokonya pitisa, dokome betesa waenepi minao, Abrame maiya epea.
358	GEN 14:21	Dokopa, Sodomo tange kiŋi dokome Abrame lamaiyoo, “Embame yanda petala nyipino, dupa pitaka emba ketae sina. Nambanya endakali dupa epekena lakape” lea.
404	GEN 17:6	Nambame emba tata dupa minao andake jotopa, dupanya mandipae mendapu kiŋi katatami.
414	GEN 17:16	Nambame baa minao auu pisotopa, embanya wane ane mende manjakata. Tenda baanya aputingi tata longo palitamino dupanya mendapu kiŋi katatamina” lea.
498	GEN 20:2	Dokonya katao, Abrakameme Gera tange dupa lamaiyoo, Sara baanya pimalengena lea. Dokopa Gera tange kiŋi Abimelekeme Sara kandatala, baanya kalai akali dupame Sara andaka lanyoo epena lea.
614	GEN 24:22	Kamele dutupa endaki napeaminopa, kalai akali dokome muni longo pupenge kitambu golome pipae, kinginya pisingi lapomapi, lyamunginya pisingi golo riŋi mendepi, dutupa Rebeka maiya.
621	GEN 24:29	Lamaitiamopa, Rebeka pimalenge Labaneme leamo dupa soo, lyamunginya golo riŋipi, kinginya golo kitambupi, dupa kandatala, baa alo pyao endaki pete tombapae dokonya kanja pea. Pao kalai akali doko kamele-pipa kateamo kandea.
639	GEN 24:47	Dopa pipyanya, nambame baa apinya wanengepe lapupa, baa Neo Milikapanya ikiningi Betuele wanengena laamo. Dopa lapyanya, baanya lyamunginya golo riŋipi, kingi dolaponya golo kitambupi, dupa pisakamaiyo.
23219	MAT 1:6	Jesiame Kiŋi Dapiti mandea. Dapitimi Solomone mandea. Solomone endangi doko wamba Uria etanenge doko.
23239	MAT 2:1	Erote baa kiŋi kateamopa, Mariame Jisasa yuu andake Judia, taono Beteleme dokonya mandea. Mandipiamopa, niki pyakaengesa tange, buinya tenge masingi akali mendapuame Jerusalema ipupala,
23240	MAT 2:2	endakali kateamino dupa lamaiyoo, “Naimame Judamanya kiŋi katapengena latae, wane ŋaŋa dokonya bui doko niki pyakaengesa-kaita, katamo kandatala, baa mambo pyala epelyamanona, anja mandipae silyape?” leami.
23241	MAT 2:3	Dopa lapae sepala, Kiŋi Erote baa mona kenda kaeya. Dokopa Jerusalema tange endakali longome sepala, mona kenda kaeyamiaka.
23247	MAT 2:9	Dopa lateamopa, kiŋi dokonya pii dupa sepala, nyakama peami. Peaminopa, wamba niki pyakaengesa-kaita bui kateamo kandeamino, dokoaka wambao pao wane mandipae siamo dokonya katea.
23260	MAT 2:22	Pilyiamoaka doko, Akelesa dokome baanya takange Erotenya panda nyepala, Judia yuu dokonya kiŋi joo kalyamo lapae sepala, Josepe yuu dokaita paanya paka kaeya. Dokopa Goteme kombeame, Judia yuu dokonya nakatape lao lamaiyamo dokonya, baame wane dokopa, endangipa lanyoo Galilea pea.
23338	MAT 5:35	Yuu dake Gotenya moko setenge panda dokona, embame pii lateno dupa kyeto tasalanya, yuu dakenya kenge latala, kiningi etete lelyona laa naeyape. Jerusalema doko Kiŋi Andake dokonya taono dokona, embame pii lateno dupa kyeto tasalanya, Jerusalema kenge latala, kiningi etete lelyona laa naeyape.
23340	MAT 5:37	Dopana, embame pii mende ŋee lao pituu, ŋee iki lape. Daa lao pituu, daa iki lape. Pii kyeto tasalanya, waipa sinyoo leleno, dupa Sataneme waipa singina” lea.
23380	MAT 6:29	Wamba Kiŋi Solomoneme, yati tata epe longo dupa pitaka piamoaka doko, palao dii auu pyoo pilyamo dopale mendeme, baa yati napiana lao, nambame nyakama langilyo.
23504	MAT 10:18	Nyakamame namba tungi pyatala, watao paelyamino dokonya, endakali dupame nyakama pyalya lao soo, kiŋipi, gapenapi, dupanya enombanya katasetami. Katasetaminopa, nyakamame wai pii epe doko kiŋipi, gapenapi, endakali kamalya katengepi, dupa panao lamaitami.
23536	MAT 11:8	pande akali mende yonge pee yati pipae epe mendapu pyoo kateamosa, kanja peamipi? Daa, akali yonge pee yati pipae epe pingi dupa, kiŋi dupanya andaka katengema.
23553	MAT 11:25	Gii dokopa Jisasame lao pituu, “Apane, emba yuupi, kaitipi, dupa pitakanya Kamongo. Mana longo kandenge endakalipi, mana longo nyepae endakalipi, dupame nakandena lao yalo piino dupa, wane ŋaŋa joo katengema endakali dupame, kandena lao embame panasino dokonya, nambame emba lao mambo pilyo.
23583	MAT 12:25	Dopa leaminopa, Jisasame masiamino dupa kandatala, dokaita lamaiyoo, “Kiŋi mendenya tata doko pyaloo petala, nyakama wakale pitamino doko, pitaka koeyatami. Dee taono mendenya tangepi, akali mendenya enda wanepi, dupa wakale pyoloo petala, nyakama yangolapo pyaloo pitamino doko, nyakama saa latami.
23600	MAT 12:42	Wamba kuini enda Seba tange dokome, yuu londati waka pituu, Kiŋi Solomonenya masepae epe dupanya pii yandaita dupa, nyotoo lao epea. Indupa akali mende kalyamo dokome, Kiŋi Solomone nyoo ana pyandao katamupa, nyakamame baanya masepae epe dupanya, pii yandaita dupa nanyilyamino. Tenge dokonya, Goteme endakali mokosetamo gii dokopa, kuini enda Seba tange dokome, sakatatala nyakama Parasaipi, endakali epapu pii silyamino dupa-kisa, tenge setatana” lea.
23794	MAT 17:25	Dopa leaminopa, Pitame yanu pyao, “Kini maingina” lea. Dopa latala baa andaka pao kolandatala, pii mende latala naeyamopa, Jisasame tipa pyoo, “Saimone, embame aipa lao masili? Yuu dakenya kiŋi dupame nyakamanya ikiningi dupa-kisa takisa nyingimape, pande endakali yuu tenge tange dupa-kisa takisa nyingimape?” lea.
23795	MAT 17:26	Pitame yanu pyao, “Endakali yuu tenge tange dupa-kisa nyingimana” lea. Dopa leamopa, Jisasame baa lamaiyoo, “Dopa-tamo doko, kiŋi ikiningi dupame takisa namaipenge.
23819	MAT 18:23	Dopana, Gotenya isingi mate doko kiŋi mendeme, baanya kalai akali dupa-kisa, yanu maiyamo dupa tolasekena, latoo lao masiamo dopale.
23820	MAT 18:24	Kiŋi dokome tee pyao yanu dupa, pyekena lao kateamopa, kalai akali yanu singi dupanya mende, laminao epeamino doko-kisa, 10 milion kina yanu sakamaiya.
23821	MAT 18:25	Akali dokome yanu andake doko, kapa pao pyapenge nanjiamosa, kiŋi dokome baanya kalai akali dupa lamaiyoo, 'Nyakamame akali dakepi, baanya enda wanepi, dee oapi dupa pitakame muni nyepala, yanu doko pyekena lamaiyepape' lea.
23822	MAT 18:26	Dopa leamopa, kalai akali dokome kiŋi dokonya enombanya, pao luma lakapala tee lao, 'Nambame embanya yanu dupa pitaka pyakatona, embame namba kondo kaeyapala, gii dipoko' lea.
23823	MAT 18:27	Dopa leamopa, kiŋi dokome baa kondo kaeyapala, baanya yanu dupa kaeyapala yakinea.
23827	MAT 18:31	Dokopa baanya kalai akali yango dupame, piamo doko kandatala, kondo kaeyao maka kaeyapala, kiŋi doko pao lamaiyami.
23828	MAT 18:32	Lamaiyaminopa, kiŋi dokome kalai akali doko epena latala lamaiyoo, 'Emba kalai akali koo-lamo! Nambame emba kondo kaeyao, nisepoko lao tee lapino dokonya, nambanya yanu emba-kisa sipumu dutupa pitaka kaeyapu.
23830	MAT 18:34	Dopa latala, kiŋi dokome imbu kaeyapala, kalai akali doko anjoo, tanda maina lao, anjingi andaka isingi akali dupanya kingilyaka maiyoo pituu, 'Akali dakeme nambanya yanu dutupa, etao pyatakala ipatana, anjoo soo pupa' lea-pyaa.
23859	MAT 19:28	Dopa leamopa, Jisasame dokaita lamaiyoo, “Nambame nyakama kiningi langilyo: Tenda Goteme yuu kaitipi enenge jetamo gii dokopa, Akalinya Ikiningi doko, baanya kiŋi petenge toko dokonya, tii pipae-pipa pitita. Gii dokopa nyakama, nambanya disaipolo dupa kiŋi petenge toko, 12-pela dutupanya pititami. Dokonya pituu, Israele tata 12-pela dutupanya pii lao tolasakamaiyoo pititami.
23882	MAT 20:21	Dokopa Jisasame baa tipa pyoo, “Nambame embanya aipa pyakaowape?” lea. Dopa leamopa, enda dokome baa lamaiyoo, “Embanya isingi mate dokonya, kiŋi joo pititinopa, nambanya wane dalaponya mende, embanya kingi tolae-kaita petena lakape, mende embanya kingi koeya-kaita petena lakape” lea.
23900	MAT 21:5	“Jerusalema tange dupa lamaiyoo, 'Nyakamanya kiŋi doko, dongi yakane mendenya maitanya pituu, akali kenge nasingi joo, nisala epelyamona kanjepape' lao, lamaiyepape” lea-pyaa.
23942	MAT 22:1	Jisasame kongali pii mende deaka dokaita lamaiyoo, “Gotenya isingi mate doko dapale mende: Kiŋi mendenya ikiningi doko, enda keleamopa, takangeme nee andake mende yangakamaiya-pyaa.
23944	MAT 22:3	Kiŋi dokome baanya kalai akali dupame, endakali nee napenge latae dupa lanyala pena lea. Dopa lateamopa, nyakama pupala, nee nala epena lamaiyaminopa, dokaitame nyakama naipumanana leami.
23948	MAT 22:7	Dopa piamino doko, kiŋi dokome sepala, imbu kaeya. Imbu kaeyapala baanya yanda singi dupame, kalai akali pyao kumasiamino dupa pyao kumasetala, dupanya taono doko yangala pena lea.
23949	MAT 22:8	Dokopa kiŋi dokome baanya kalai akali dupa lamaiyoo, 'Nambanya nee andake doko depa latae sepelyamoaka doko, nee napenge latae endakali dupa mana epe naminingima, dokonyana nee nala naepena daa lelyo.
23952	MAT 22:11	Peteamino dokonya kiŋi dokome ipupala, endakali dokaita kandeamopa, akali mende yonge pee, enda kelyengesa pingi doko napyoo peteamo kandea.
23953	MAT 22:12	Kandatala kiŋi dokome baa lamaiyoo, 'Kaimia, aipuma embanya yonge pee, enda kelyengesa pingi doko napyoo dakenya epepe?' lea. Dopa leamopa, akali doko ema napia.
23954	MAT 22:13	Dokopa kiŋi dokome baanya kalai akali dupa lamaiyoo, 'Akali dake kingi mokopi yaki petala, kamalya iminjetae, endakali ee lao, yamataka lao, nenge gilyoo katenge dokonya soo pyale lapa' lea.
24033	MAT 24:7	Kantri mendeme kantri mende yanda pimaita, kiŋi mendeme kiŋi mende yanda pimaita pitami. Dee yuu wakale-wakale dupanya, titiwali dupa minata, lopo andake dupa sepa pita.
24104	MAT 25:27	nambanya muni dutupame, propeta mendatupa mandekena, beŋenya setakateno! Embame dopa pyekeeli kandao doko, nambanya muni dutupanya, wakao mendatupa apata nyipulina” lea.
24108	MAT 25:31	Jisasame dee mende lao pituu, “Tanga Akalinya Ikiningi doko, baanya tii pipae-pipa, enjele dupa pitaka-pipa, apata ipao, baanya kiŋi petenge toko dokonya pitita.
24111	MAT 25:34	Dokopa kiŋi dokome kingi tolae-kaita katatamino dokaita lamaiyoo, 'Nyakama nambanya Takangeme auu pisetae. Yuu kaitipi tee piamo dokopa, baanya moeya doko nyakama nyetamina latala, baanya isingi mate dokonya, depa lanya setekeamo doko nyala ipupa.
24117	MAT 25:40	Dopa lataminopa, kiŋi dokome dokaita lamaiyoo, 'Nambame nyakama kiningi langilyo: Nambanya kaiminingi datupanya, koo kenge nasingi mende nisiamino dokome, namba nisiamiakana' lata.
24122	MAT 25:45	Dopa lataminopa, kiŋi dokome dokaita lamaiyoo, 'Nambame nyakama kiningi langilyo: Nyakamame endakali datupanya, koo kenge nasingi mende, nisala naeyamino dokome, namba nisala naeyamiakana' latana,” Jisasame lea.
24209	MAT 27:11	Jisasa baa Gapena Pondiasa Pailatenya, enombanya laminao pao katasiaminopa, Pailateme baa tipa pyoo, “Emba Judamanya Kiŋi dokope?” lea. Dokopa Jisasame, “Embame leleno dokoaka” lea.
24226	MAT 27:28	Dopa petala dupame baanya yonge pee dupa, lyokao nyepala, kiŋinya yonge pee kala pepola jepae mende, baanya pyakamaiyami.
24227	MAT 27:29	Dee kende nenge-nenge katapae mende nyoo, makipu petala, Jisasanya aiyombanya pisetala, kiŋinya pangali jepae mende, baanya kingi tolae-kaita minasiami. Dopa petala baa lamba lao, luma lakao, mambo pyao, “Judamanya Kiŋi, emba auu pyoo katape!” leami.
24235	MAT 27:37	Jisasa-kisa tenge seteamino pii doko, “Dake Jisasa, Judamanya Kiŋi dokona” lao pepa pyatae, doko poko ita ketae dokonya yukuiyami.
24240	MAT 27:42	“Baame endakali waka dupa pyoo nyipumuaka doko, baa tange kapa pao pyoo nyala naenge-lamo. Baa Israelemanya Kiŋi daape, epapu poko ita doko yakinatala, isa epena kaeya. Yakinatamo doko, naimame baa lao masoo minamanalena” leami.
24363	MRK 3:6	Tolaseteamopa, Parasai dokaita kamaka pyakalyetala, Kiŋi Erote Antipasa tata dupa-pipa, Jisasa aipa petala pyao kumasemape lao, yapa pao kambuiyami.
24381	MRK 3:24	Kiŋi mendenya tata doko pyaloo petala, nyakama wakale pitamino doko, nyakama mendai joo napalitami.
24490	MRK 6:14	Jisasame kalai andake pilyamo lapae doko yuu dupa pitakanya taeyamopa, Kiŋi Erote Antipasame sia. Endakali mendapuame lao pituu, “Jone kaimbu pingi doko malunya sakatatala, kalai pupu lapae dupa pyoo kalyamona” leami.
24498	MRK 6:22	Dokopa nee nao peteamino dokonya Erodiasa wanenge doko ipao kolandatala, danisa lea. Dopa piamopa, Erotepi, baa-pipa apata nee nao peteamino dupame etete auu kaeyao kandeami. Kandatala Kiŋi Eroteme wanaku doko lamaiyoo, “Embame dopale mende namba-kisa tee latenopa, nambame latenoli pyoo, emba dyaapo.
24501	MRK 6:25	Dokopa kiŋi doko peteasa wanaku doko alo pyao pupala, “Embame Jone kaimbu pingi dokonya aiyomba doko pelesa mendenya setapala, epapuaka dii” lea.
24502	MRK 6:26	Dopa leamopa, kiŋi doko etete mona kenda kaeyamoaka doko, wamba endakali dupanya enombanya kiningi etete maitoana leamo doko masetala, wanaku dokonya pii nepala naeyatoo lao masia.
24566	MRK 7:34	Dopa petala kaiti-kisa kandalyetae katao, mona ŋee latala, “Epata” lea. (Pii dokonya tenge doko, “Lumba.”)
24581	MRK 8:12	Dopa leaminopa, Jisasame mona ŋee yale pyoo latala, “Aipuma endakali indupa palelyamino dupame mirakolo mende pii lelyamipi? Nambame nyakama kiningi langilyo: Mirakolo mende nyakama kanjepale lao napitoana” lea.
24755	MRK 12:13	Jisasame pii mende kopeta latamo dokonya, baa mangenya minamana latala, Judamanya isingi akali dupame Parasai mendapuapi, Kiŋi Erote Antipasa tata mendapuapi, baa kateamo dokonya pena leami.
24794	MRK 13:8	Kantri mendeme kantri mende yanda pimaita, kiŋi mendeme kiŋi mende yanda pimaita pitami. Dee yuu wakale-wakale dupanya titiwali dupa minata, lopo andake dupa sepa pita. Dopa pitamo doko, enda wane manjanya, maita pingi dopale joo pita.
24795	MRK 13:9	Endakali dupame nyakama anjoo soo, kanjole dupa-kisa kote laa patami. Dee Judamanya lotuu anda dupanya nyakama pyatamiakana, kandao kalyepape. Nyakamame namba watao paeyataminosa, endakali dupame gapenapi, kiŋipi, dupanya enombanya nyakama laminao pao, katasetami. Katasetataminopa, nyakamame nambanya pii doko akali dokaita panao lamaitami.
24897	MRK 15:2	Maitiaminopa, Pailateme baa tipa pyoo, “Emba Judamanya Kiŋi dokope?” lea. Dopa leamopa, Jisasame pii yanu pyakamaiyoo, “Embame leleno dokoakana” lea.
24904	MRK 15:9	Dokopa pitisa mupa dupame Jisasa-pipa tilya nyepala, baa anjoo dimini-lamo lao Pailateme kandea. Kandatala dokaita tipa pyoo, “Nambame Judamanya Kiŋi doko mokakapili lao masilyamipi?” lea.
24907	MRK 15:12	Dokopa Pailateme dokaita deaka tipa pyoo, “Nyakamame Judamanya Kiŋi lengema dake nambame aipa pyakaowape?” lea.
24913	MRK 15:18	Dopa petala, dupame baa lamba lao, “Judamanya Kiŋi, emba auu pyoo katape!” leami.
24921	MRK 15:26	Jisasa-kisa tenge seteamino pii doko, “Judamanya Kiŋi dokona” lao pepa pyatae doko poko ita ketae dokonya katea.
24927	MRK 15:32	Kraisa dake, Israelemanya Kiŋi daape, epapu poko ita doko yakinatala, isa epena kaeya. Yakinatamo doko, naimame kandatala, baa lao masoo minamanalena” leami. Akali lapoma baa-pipa apata pyao yukutae kateambino dolapome mendai dopaka pyoo, baa-kisa lamba pii kando piambi.