302	GEN 12:3	Emba auu pisetami endakali dupa nambame auwaka pisoto. Emba koeyasetamino endakali dupa nambame koeyasotoaka. Tenda yuunya endakali palitamino dupa pitaka emba-kisa nisepae nyetamina” lea.
308	GEN 12:9	Gii mendatupa pateamopa, Abrameme baanya oapipi, endakalipi, dupa lanyoo yuu Negepe-kaita pea.
311	GEN 12:12	Injipi tange dupame emba kandatala, enda dake baanya etanenge-lamona latala, namba pyao kumasetala, emba pilyale kaeyalamino.
329	GEN 13:10	Dopa lateamopa, Lote baa kandao aowali latala, Jodane duu taono Soa singi dokaita yuu lama-lama auu petae siamo doko kandea. Kamongome Sodomo Gomora koeyala naeyamopa, yuu doko Kamongonya ee jepae, dee yuu Injipi yale sia.
331	GEN 13:12	Abrame baa Kenane kateamopa, Lote baa Jodane duu lama-lama taono singi dupanya Sodomo makisa, sele anda petala katea.
335	GEN 13:16	Nambame embanya mandipaenya mandipae dupa pitaka yuu dakenya yuu kunuma-pipa kapa pena lasoto. Endakali mendeme yuu dakenya yuu kunuma itaki pingima-tamo doko, embanya mandipaenya mandipae dupa itaki pyatamiaka.
338	GEN 14:1	Gii mendepa, Sodomo tange kiŋi Berapi, Gomora tange kiŋi Bisapi, Atama tange kiŋi Sinapapi, Seboma tange kiŋi Semebapi, dutupa Ilama tange kiŋi Kedolama dokome isia. Dee Bela tange kiŋi doko isoaka pia. (Taono Bela dokonya kenge mende doko Soa lenge.) Kedolama dokome ee kana 12 isoo katea. Ee kana 13 leamopa, baanya pii doko tanga leami. Ee kana 14 leamopa, kiŋi Kedolamame kiŋi waka tepoma yanda tole pingi dutupa lanyia. Dutupanya kenge dutupa: yuu Babilonia tange kiŋi Amarapelepi, yuu Elasa tange kiŋi Ariokopi, yuu Goima tange kiŋi Tidalapi, dutupa lanyia. Lanyepala kiŋi kitomende dutupame nyakamanya yanda pingi akali dupa lanyepala, taono Aseroto Kanaimi dokonya, akali Repaimi tata dupa pyao ita miniami. Dee maitapyao, taono Ame dokonya, akali Susa tata dupa pyao ita miniami. Ita minatala, yuu lama-lama taono Kititaimi tengesa dokonya, akali Eme tata dupa pyao ita miniami. Ita minatala, yuu Siya manda dokonya, akali Oro tata dupa, Elaparane yuu sapu dokonya watao pyasiami. Dokonya katao, dee kapilyetala, yuu Kadesa, kenge wambatae doko Ene Misapata lenge, dokonya pao pyakameami. Pyakamatala, akali Ameleke tata dokonya yuu andake dokopi, dee taono Asasone Tama dokonya, akali Amoa tata dupa pyao ita miniamiaka. Yanda doko pyoo ita minatala, Kedolamapi, baanya akali yanda pingi dutupapi pupala, kiŋi Sodomo tangepi, Gomora tangepi, Atama tangepi, Seboma tangepi, Bela tangepi, dutupa yanda pimaiya peami. Peaminopa, 5-pela kiŋi-pipa nyakamanya akali yanda pingi dutupa, yuu Sidimi lama-lama dokonya, yanda pyaanya kambu piami. Kambu pyatala, 5-pela kiŋi dutupame kiŋi kitomende dutupa yanda pimaiyami.
347	GEN 14:10	Yuu Sidimi lama-lama dokonya kolta petenge yuli longo singi. Kiŋi Sodomo tangepi, Gomora tangepi, dupa paka peaminosa, yuli dupanya mangeami. Dee yangi dupa mandale dupanya paka peami.
354	GEN 14:17	Kiŋi Kedolama tata dupa Abrameme yanda pyoo ita minatala pilyiamopa, Sodomo tange kiŋi dokome, yuu lama-lama kenge Sape dokonya, baa kanja epea. (Sape dokonya kenge mende doko kiŋinya yuu lama-lama.)
362	GEN 15:1	Gii mendatupa pateamopa, Kamongome Abrame lee mane-maneme pii lamaiyoo, “Abrame, namba embanya konambi, embanya nisingi akali andake joo kalyona, emba paka nakaeyape” lea.
369	GEN 15:8	Dopa leamopa, Abrameme tipa pyoo, “Dupa Pitakanya Kamongo, nambame aipa petala yuu dake nambanya-lamo lao masotope?” lea.
370	GEN 15:9	Dokopa Kamongome baa lamaiyoo, “Embame bulumakao ina ee kana tepoma patae mendepi, meme ina ee kana tepoma patae mendepi, sipisipi maipa ee kana tepoma patae mendepi, yaka maiyolee lapoma-pipa minao namba dyaa ipupi” lea.
374	GEN 15:13	Dokopa Kamongome Abrame lamaiyoo, “Emba auu pyoo gii londe katapala kumatenopa, nyoo malu pitami. Gii mendatupa patatamopa, embanya mandipaenya mandipae dupa, yuu wakamanya dupanya, tisa kendemane kalai pyoo, ee kana 400 katatami. Katataminopa, yuu tange dupame nyakama minao koeyasetami. Dopaka doko, nyakama koeyasetami dupa nambame tanda maitu. Gii dokopa, akali Amoa tata dupame luiyao koo pitamino dupa andake jetamopa, embanya mandipaenya mandipae dupa pinju longo-pipa auu pyoo pilyina latona, embame masepe” lea.
379	GEN 15:18	Peamo dokome, Kamongome Abrame-kisa pii yaki piamo doko dapa lao pia: “Embanya mandipaenya mandipae dupa endaki Naele matesa katao ipao, endaki Yupretisa tuu lao nambame maitu.
384	GEN 16:2	Sarai baame Abrame lamaiyoo, “Kamongome namba wane mandipenge ingi kyeto jia-lamona, nambanya kalai enda doko ketae wane mandyuu nyotoo, emba baa-pipa palyepa” lea. Dokopa Abrameme baanya pii doko yakana lea.
394	GEN 16:12	Baa dongi kapu joo, tuu-tuu pyoo katao, baanya tata dupapi, endakali waka dupa-pipa yandapipili joo katatana” lea.
400	GEN 17:2	Nambame emba-kisa pii yaki pio doko dee kyeto jotoo. Tenda emba tata dupa nambame minao andake jotona” lea.
402	GEN 17:4	“Nambame emba-kisa pii yaki pio doko masetala, kiningi etete lelyo. Endakali tata longo dupanya tenda emba yumbange jete.
405	GEN 17:7	Emba-kisa pii yaki pio doko tanga tangapi sulu seta. Embapa, embanya mandipaenya mandipae palitamino dupanya namba Gote doko katato.
407	GEN 17:9	Dopa latala, dee Goteme Abrakame lamaiyoo, “Embapi, embanya mandipaenya mandipae palitamino dupame nambanya pii nyakama-kisa yaki pilyo dake watao minaowaka katatami.
409	GEN 17:11	Kepatami dokome, nambame nyakama-kisa pii yaki pilyo dake petae katata.
417	GEN 17:19	Dokopa Goteme lao pituu, “Isamaleme embanya panda doko nanyeta. Embanya enda Sarame wane ane mende manditana, dokonya kenge doko Aisake lape. Nambame baapa, baanya mandipae dupa-kisa pii lao yaki pitu, doko tanga tangapi sulu seta.
418	GEN 17:20	Embame Isamale nisepe leeno dokonya, nambame baa minao, akali tata andake jetala, auu pisoto. Baanya ikiningi dutupa tata 12 palitaminopa, dutupanya akali aiyomba wakale-wakale katatami.
419	GEN 17:21	Kana kalyamano dakenyaka, ee kana mende omonya, Sarame wane Aisake mandita, doko-kisa nambame tenda pii lao yaki pituna” lea.
420	GEN 17:22	Goteme Abrakame-pipa pii lao etapala, baa pea.
430	GEN 18:5	Koto nyetaminopa, nyakamanya kalai akali namba katapu dokonya ipamini-lamo dokonya, nambame nee mendatupa nyepakatopa, nyakama napala, kyeto nyepala, nyakamanya patami dupanya pupale” lea. Dopa leamopa, nyakamame baa lamaiyoo, “Etete auu pyoo leeno, dopa pii” leami.
442	GEN 18:17	Dokopa, Kamongome masoo pituu, “Nambame mende Abrakame-kisa pituna leo doko pitoo lao masilyo. Baanya wanepi, palupi, dupame nambanya pii sepala, watao minao tolao katapenge. Baame nyakama mana lamaina lao, nambame baa yapao nyio. Baa tata dupa andake jetala, pupu lapae joo palitaminopa, yuunya endakali palitamino dupa pitaka nyakama-kisa nisepae nyetami. Nambame mende Sodomo-kisa pyaanya pelyo doko, Abrakameme sina lamaitoo” lao masia.
475	GEN 19:17	Dopa petala, enjele dokonya mendeme lamaiyoo, “Nyakama tatamina, yuu manda silyamo omonya yapa pupa. Pao pituu, maitakaita kandapilyala naeyalapape. Yuu lama-lama dupanya mendasa nembo tao napilyapape” lea.
482	GEN 19:24	Dokopa Kamongome kana yuli taputa dupa kaitinya katao, taono Sodomo Gomorapa-kisa aiyuu joo kaii lao yangea.
483	GEN 19:25	Yangeamo dokome, taono dolaponya yuu lama-lama makisa singi dupa pitakanya endakalipi, kaka itapi, pitaka yangao koeyasia.
486	GEN 19:28	Dokonya katao, Abrakame taono Sodomo Gomorapi makisa yuu lama-lama singi dokaita kandaneamopa, anda telyamopa kena pingili pia.
487	GEN 19:29	Goteme yuu lama-lama dokonya taono Lote katenge dupa pitaka yangao etasia. Dopaka doko, Goteme Abrakame masetala, endakali koeyamino kaina dupanya, Lote koeyala naena latala, baa nyoo lemba pia.
490	GEN 19:32	Dopana, nalimbanya takange waene longo nena maitala, baa masala naeyatamopa, palimaitala, baa-kisa wane mandyuu nyembana. Nyetambano dokome, naima tata doko paliuwaka patana” lea.
499	GEN 20:3	Lanyiamoaka doko, kuakama Goteme kombeame Abimeleke lamaiyoo, “Embame enda akali katenge nyipi-lamo dokonya, emba kumalapenona” lea.
505	GEN 20:9	Dokopa Abimelekeme Abrakame epena latala, baa lamaiyoo, “Embame naima aipuma minao koeyasipipi? Embame nambapi, nambanya endakalipi, dupa aipuma elya andake nyoo dipipi? Embame naima-kisa nalapenge mende lapi-lamona” lea.
512	GEN 20:16	Dopa latala Abimelekeme Sara lamaiyoo, “Nambame embanya pimalenge doko silipa muni 1,000 mailyo dokome, embanya tata dokaitame emba koo mende napipi-lamo lao, kandena lao pilyona” lea.
520	GEN 21:6	Dokopa Sarame lao pituu, “Goteme namba-kisa mana etete auu pipae minalame-lamo dokonya, nambame auu kaeyao, gii kaelyo. Pii dake setamino dupa pitakame auu kaeyapae nyetamina” lea.
528	GEN 21:14	Oo yongama wamba Abrakameme penge meme yanungimi wasepae mendenya endaki kamuo mandipala, nee dupa mandipala, Ekanya latainya sakamaiya. Dopa petala, Ekapa wane dokopa, lapota pena lea. Pena lateamopa, nyakamba yuu sapu Besiba dokonya patala, kyakao maeko-maeko lao, paeyambi.
531	GEN 21:17	Goteme wane dokonya ee leamo doko sia. Sepala Gotenya enjele mendeme kaiti-kisa katao, wii lao, “Eka, emba aipa pyape? Goteme wane dokonya ee doko salamona, emba paka nakaeyape. Tenda baanya mandipaenya mandipae palitamino dupa, nambame minao andake jotona, emba pupala, wane doko kinginya minao toeya katasa!” lea.
543	GEN 21:29	Dokopa, Abimelekeme Abrakame tipa pyoo, “Embame sipisipi ina 7-pela nyepala, waka mendasa palyipi-lamo doko, aipuma pipipi?” lea.
544	GEN 21:30	Dokopa Abrakameme pii yanu pyao, “Sipisipi yakane 7-pela datupa emba ditoo lao pipu. Embame nyeteno dokome, endaki pete nambame tombeo dake, nambanya-lamo lao panena” lea.
548	GEN 21:34	Pilistiamanya yuu dokonya Abrakame mendasa pata-pata pyoo, gii longo waka katea.
553	GEN 22:5	Siamo kandatala, baanya kalai akali dolapo lamaiyoo, “Namba wane kole dakepa omosa loma soo kundi yangala pelyambano. Yangatala dee ae pilyambanana, nyakamba dongi dake-pipa asa kalyepape” lea.
555	GEN 22:7	Peambinopa, Aisakeme, “Apane” leamopa, Abrakameme, “Apea laa” lea. Dopa leamopa, Aisakeme takange tipa pyoo, “Nalimba ita kaiyepaepi, ita waiyepaepi, dupa salambane-lamo doko, sipisipi yakane yangapenge doko anja kalyape?” lea.
559	GEN 22:11	kaiti-kisa katao, Kamongonya enjele mendeme, “Abrakame! Abrakame!” lao wii lea. Dopa leamopa, Abrakameme, “Namba ae kalyo dake” lea.
560	GEN 22:12	Dokopa Kamongonya enjele dokome Abrakame lamaiyoo, “Wane doko koeyasala kaeya. Embanya wane mendai iki doko, namba nanditu latala kaeyala naeyaleno dokonya, embame Gote paka kaeyalene-lamo lao kandelyona” lea.
563	GEN 22:15	Kamongonya enjele dokome kaiti-kisa katao, Abrakame lao dee lapo pyoo, wii lao pituu,
564	GEN 22:16	“Namba Kamongo dokome nambanya kenge dokonya etete kyeto joo kiningi etete lelyo: Embame nambanya pii nepatala, embanya wane mendai iki doko namba nanditu latala, kaeyala naeyalene-lamo dokonya, nambame emba minao auu pisoto. Embanya mandipaenya mandipae palitamino dupa kaitinya bui-pipa, endaki lembasa kea-pipa, kapa pena lasoto. Embanya mandipae dupame nyakamanya yandapipi dupa pyao ita minatala, yuu dupa nyakama nyetami.
566	GEN 22:18	Embame nambanya pii watalene-lamo dokonya, embanya mandipaenya mandipae mendeme endakali yuunya palitamino dupa pitaka auu pisetana” lea.
576	GEN 23:4	“Namba nyakamanya kainanya tisa kalyo. Nambanya enda malu pitoo, yuu mendatupa nyakama-kisa sambatoana” lea.
578	GEN 23:6	“Akali andake, emba naima-pipa auu pyoo katamano dokonya, naima-kisa pii mende nasilyamo. Malu pipenge panda auu petae silyamo dupanya, mendenya embanya enda doko malu pyaalena” leami.
588	GEN 23:16	Dopa leamopa, Abrakameme kapana latala, silipa muni 400 dutupame endakali Itai tata dupanya enombanya Eprone-kisa yuu doko sambao nyia.
589	GEN 23:17	Epronenya yuu Makapela, Mamare makisa singi dokonya kanandapi, ita katengepi, dupa katapae, Abrakameme sambao nyia. Sambeamopa, lome kambu dokonya endakali Itai tange peteamino dupa pitakame, Eprone-kisa Abrakameme yuu doko sambao, etete nyilyamo lao kandeami.
592	GEN 23:20	Abrakameme yuupi, kanandapi, akali tata Itai-kisa sambeamo doko, Abrakame palu dupanya malu pingi panda joo etete nyia.
602	GEN 24:10	Dokopa kalai akali dokome oapi epe maipengepi, nyakamanyapi, dupa Abrakame-kisa nyepala, kamele 10 dutupanya mandisoo depa lea. Latala, baanya akali apata pupenge dupa lanyoo, yuu andake Mesopotamia, akali Neonya taono dokonya-kaita yuu gii mendatupa kaitinisa paliu pea.
606	GEN 24:14	Ipatamino dokopa, nambame wanaku mapukae dupanya mende lamaiyoo, 'Embanya penge dokonya namba endaki natoo dii' latopa, namba ditala, kamele dupa apata maiyakatoo latamo doko, embanya kalai akali Aisakenya enda lanyakamaipenge doko-lamo lao kandatoo” lao loma sia.
613	GEN 24:21	Dopa piamopa, Abrakamenya kalai akali dokome pii laa naeyao, Rebekame kalai piamo dupa kandatala, Kamongome Aisakenya enda anali lakamaiyamo doko-lamo lao masia.
619	GEN 24:27	“Kamongo, nambanya akali andake Abrakamenya Gote dokome, wamba Abrakame-kisa pii yaki piino doko masetala, nambanya akali andake doko auu pisoo, namba lanyoo baanya tata etete dokonya epene-lamo dokonya, yaka pilinona” lea.
621	GEN 24:29	Lamaitiamopa, Rebeka pimalenge Labaneme leamo dupa soo, lyamunginya golo riŋipi, kinginya golo kitambupi, dupa kandatala, baa alo pyao endaki pete tombapae dokonya kanja pea. Pao kalai akali doko kamele-pipa kateamo kandea.
633	GEN 24:41	Namba tata katatami dokonya patatenopa, wanaku mende nandimana latamino, doko pii kyeto joo leleno, dokome emba-kisa tenge naipatana' lea.
636	GEN 24:44	Dopa latopa, yakalumuna latala, endaki namba natale ditoo, dee kamele dokaita maiyakatoaka latamo doko, Kamongome nambanya akali andake dokonya ikininginya enda anali latae doko-lamo lao kandatoo' lao loma solo.
641	GEN 24:49	Dopana, nyakambame nambanya akali andake doko kondo kaeyapala, baanya pii doko yakinala naeyatambino kandao doko, namba tolao langyepa. Naimanya mana singili pyoo, wanaku dake nambanya akali andake dokonya ikininginya lanyoo pakamaitoo, dyepa. Daa-tamo doko, namba kaitini waka mende kutatoana” lea.
646	GEN 24:54	Maitala, Abrakamenya kalai akali dokonya endakali tole epeamino dupa-pipa nee endakipi neami. Napala kuka gii doko paleami. Yongama sakatatala, kalai akali dokome dokaita lamaiyoo, “Nambanya akali andake Abrakame kalyamo dokonya patoo, nyakamame namba yakinalapa” lea.
647	GEN 24:55	Dopa leamopa, Rebekanya endangi pimalengepame pii yanu pyao, “Wanaku doko yuu gii 10-pela naima-pipa pitimana kaeya. Pitipala baa nyakama-pipa patamina” leambi.
665	GEN 25:6	Dokopaka mendatupa baanya enda maitakao nyiamo dolaponya wane mandeambino dokaita maiya. Maitala dokaita Aisake-pipa nakatena lao, nyakama niki pyakaenge dokaita-kaita pena lea.
668	GEN 25:9	Abrakameme akali tata Itai dokonya Soa ikiningi Eprone-kisa kananda mende sambapala, Sara malu piamo dokonya Aisake Isamalepame takange malu piambi. Kananda doko yuu Makapela singi. Yuu Makapela doko Mamare tengesa singi.
23232	MAT 1:19	Josepe doko akali epe tolatae dokonyana, baame Maria elya pisala naeyatoo lao masia. Dopa lao masetala, baame enda doko elyakalao pata-pata lao kaeyatoana lao masia.
23235	MAT 1:22	Dopa pitana lao wamba Kamongome propeta mende-kisa pii leamo dake angi jia: “Enda mapukae, akali tole napingi mendeme wane ane mende manditamo, dokonya kenge doko Emanyuele latami.” (Emanyuele dokonya tenge doko, “Gote naima-pipa tole katenge.”)
23243	MAT 2:5	Dopa leamopa, dokaitame pii yanu pyao, “Goteme propeta mende-kisa lamaiyamo doko, dapa lao pepa pyapae silyamo: 'Nyakama Beteleme tange dupa, nyakamanya yuu taono doko taono waka Judia silyamo, dupanya pundi-pundi naseta. Nyakamanya mandipaenya mandipae, dupanya isingi akali mende pyakalyetamo dokome, nambanya Israele tange endakali dupa setao katakatana' lao pepa pyapae silyamo. Dopa lapae silyamo dokonya, Kraisa doko yuu andake Judia dokonya taono yakane Beteleme mandipengena” leami.
23247	MAT 2:9	Dopa lateamopa, kiŋi dokonya pii dupa sepala, nyakama peami. Peaminopa, wamba niki pyakaengesa-kaita bui kateamo kandeamino, dokoaka wambao pao wane mandipae siamo dokonya katea.
23254	MAT 2:16	Niki pyakaengesa tange masingi akali dupame Erote baa minakasetala, pupimi-lumu lao sepala, baa etete imbumi kumia. Imbu kaeyapala baame wamba akali dupa, bui doko gii andukupa kateape lao tipa piamo, doko masia. Masetala Betelemepi, yuu dosa makisa singipi, dupanya pupala, wane ane ee kana laponya anatena patae, dupa pitaka baanya yanda singi dupame, pyao kumasala pena lea.
23277	MAT 3:16	Jisasa kaimbu nyepala, endaki ketae pyakalyiamopa, kaiti saa papa laloo petala, Gotenya Oli Spirit doko yaka maiyolee joo lanao ipao, baa-kisa petea.
23278	MAT 3:17	Dokopa kaiti-kisa katao, pii mende lea dokome lao pituu, “Doo kalyamo doko nambanya Ikiningi, mona setenge doko. Nambame baa etete auu kaengena” lea.
23281	MAT 4:3	Dokopa makande pingi akali dokome, baa kateasa ipupala lao pituu, “Emba kini Gote Ikiningi-tamo doko, kana silyamo datupa betesa jina laa” lea.
23284	MAT 4:6	Dopa latala baame Jisasa lamaiyoo, “Gotenya pii dapa lao pepa pyapae silyamo: 'Goteme emba masetala, kaname embanya mokopi mende, koeyatame latala, enjele dupame emba nisoo kopyoo nyina latana' latae silyamo. Dopana, emba kini Gote Ikiningi-tamo doko, ketae dakenya katao isa mangau laa” lea.
23293	MAT 4:15	“Endakali Napatalaipa, Sebyulanepa, dupanya yuu Jodane omotenapa, Galilea lembasapa, dupanya tii pipae andake mende ipatamopa, endakali kamalya katenge dupa-kisa tapyatamo kandatami. Kamalya katenge dupa, yuu iminjetaenya kumapae joo katangema dupa-kisa, tii pipae dokome tii pisetana” lea.
23311	MAT 5:8	“Endakali Gote-kisa iki mona setenge dupa, Goteme minao auu pisingi. Auu pisetae dupame Gote kandatami.
23317	MAT 5:14	“Nyakama yuu dakenya tii pipae joo kalyamino. Yuu taono mende manda mendenya silyamo doko, yalo pyoo nasingi. Dopaleaka joo, nyakama-kisa tii pipae doko yalo napipenge.
23319	MAT 5:16	Dopaleaka joo, nyakama-kisa tii pipae silyamo doko, endakali waka dupame kandena lao kalyepape. Dopa pitaminopa, dupame nyakamanya kalai epe pitamino dupa kandatala, nyakamanya Takange kaitinya katenge doko lao mambo pyatamina” lea.
23325	MAT 5:22	Dopaka doko, nambame nyakama dapa langilyo: Endakali mendeme endakali yango mende imbu kaeyatamo doko, laminao kote laa pupenge. Dee endakali mendeme, endakali yango mende kandao, lamba lao pii koo latamo doko, baa kanjole kambuingi andake doko-kisa laminao pupenge. Dee endakali mendeme mende kandao, kyakaenge mona napalengena latamo doko, baa ita tao katenge ele panda koo dokonya pupenge.
23328	MAT 5:25	“Dee endakali mendeme emba-pipa kote laanya pia kandeno dokopa, kaitinisa kote laa pao pituu, embame kote langitamo endakali doko mona auu pisakamaipi. Dopa napitino doko, endakali dokome emba laminao pao jasa doko maitamopa, dokome yanda singi dupa maita. Dokopa dupame emba anjinya palyetami.
23342	MAT 5:39	Dopaka doko, nambame nyakama dapa langilyo: Endakali mendeme emba-kisa koo pitamo doko yanu nanyepe. Endakali mendeme embanya wakena tolae-kaita, kingi kapame pia kandeno doko, yangi-kaita apata pina maipi.
23343	MAT 5:40	Dee endakali mendeme, embanya yonge pee isa pingi doko, nyotoo lao kote lea kandeno dokopa, yonge pee-kisa pingi doko apata baa maipi.
23348	MAT 5:45	Dopa pitamino dokome, nyakamanya Takange kaitinya katenge dokonya, wane joo katatami. Baame niki doko endakali koopi epepi, dupa pitaka-kisa tapina lenge. Baame aiyuu doko, endakali mana tolatae miningipi, mana koo miningipi, dupa pitakanya epena lenge.
23353	MAT 6:2	“Endakali Gote watao miningi mane-mane pingima dupame, nyakamanya lotuu andapi, kaitini kembopi, dupanya endakali dupame nyakama lalyipimili lao masoo, endakali tipya dupa maingima. Nambame nyakama kiningi langilyo: Dopa pingi endakali dupame nyakamanya yole doko nyepelyaminona, nyakamame dopa napyepape.
23354	MAT 6:3	Dopana, nyakamame endakali tipya dupa kingi tolae-kaitame nisoo pituu, kingi koeya-kaitame nakandena lao pyepape. Dopa pitamino dokome, endakali mendeme nakandata.
23356	MAT 6:5	Jisasame dee mende lao pituu, “Nyakamame loma setamino gii dokopa, endakali Gote watao miningi, mane-mane pingima dupame, loma singimali pyoo sala naeyalapape. Dupame lotuu andapi, kaitini kembopi, dupanya katao, endakali enombanya loma sipuma laka lao masingima. Nambame nyakama kiningi langilyo: Dopa pingi endakali dupanya yole doko nyepelyamino.
23365	MAT 6:14	Dopana, endakali mendeme nyakama-kisa koo pingitamo dupa, kame setamino doko, nyakamanya Takange ketae kaitinya katenge dokome, nyakamanya koo dupa kameaka sakata.
23367	MAT 6:16	Jisasame dee mende lao pituu, “Nyakamame Gote loma soo, nee nanao katao, endakali Gote watao miningi, mane-mane pingima dupame pingimali pyoo, enomba kumala naeyalapape. Dokaitame nee nanao kalyamini-lamo lao, endakali dupame nyakama kandena lao, enomba kumao lambalu pyapae paengema. Dopa pingi endakali dupame, nyakamanya yole doko nyepelyaminona lao, nambame nyakama kiningi langilyo.
23374	MAT 6:23	Dopaka doko, embanya lenge lapota natao paeyateno doko, embanya yonge doko pitaka iminjeta. Emba-kisa kia telyamo doko konjetamopa, emba iminjetae andake mendenya katatena” lea.
23376	MAT 6:25	Jisasame dee mende lao pituu, “Nyakamame nyakama tange auu pyoo, lete katapenge dupanya lao masetala, 'Naima neepi endakipi anja-tae nao katatamape? Yonge pee anja-tae pitamape?' lao masala naeyalapape. Lete katenge angi doko neepi, endakipi, yonge peepi, dopale daa.
23379	MAT 6:28	Aipuma nyakamame yonge pee anja-tae pitamape lao, masepae longo nyilyamipi? Palao dii auu pyoo pilyamo dupa kanjepape. Dupa auu pisalanya tangeme kalai mende napingima. Dee yonge peepi mende wasala naengemaka.
23382	MAT 6:31	Dopana, nyakamame neepi endakipi anja-tae natamape, yonge pee anja-tae pitamape lao masala naeyalapape.
23392	MAT 7:7	Jisasame dee mende lao pituu, “Gote loma soo tee lelyamino endakali dupa pitaka, Goteme maingi. Kutilyamino endakali dupa pitaka, Goteme laitaka pingi. Anda kaita wata-wata pilyamino endakali dupa, pitakanya Goteme kaita lumbakamaingi. Dopana, nyakamame Gote loma soo tee lapape. Tee lataminopa, Goteme dita. Kutalapape. Kutataminopa, Goteme laitaka pita. Anda kaita wata-wata pyepape. Wata-wata pitaminopa, Goteme kaita lumbakata.
23396	MAT 7:11	Nyakama takange dupa koaka doko, nyakamanya wane dupa, oapi epe maipenge dupa maingima. Nyakamanya Takange kaitinya katenge dokome, nyakama ita minao, baa-kisa tee lelyamino endakali dupa, oapi epe maipenge dupa maingi.
23398	MAT 7:13	Jisasame dee mende lao pituu, “Koo pandanya koeyala penge lome kaita doko, pee lapae. Kaitini dokonya endakali longo dupa, leke-leke natao pengema. Lete etete katenge panda dokonya penge lome kaita doko, etete yakane. Kaitini dokonya etete tanda nao pupenge. Lome kaita etete yakane dokonya, endakali kukimi kutao kandengema. Dopana, nyakama lome kaita yakane dokonya pupape” lea.
23401	MAT 7:16	Nyakamame dokaitanya mana minatamino dupa kandatala, dupa dopale-lamo lao masetami. Ikililyambu kende dupanya kopi lyingipi? Dee take ita dupanya anga lyingipi?
23405	MAT 7:20	Dopana, sambo propeta dupame mana makandepi, minatamino dupa kandatala, nyakamame dopale-lamo lao masetamina” lea.
23413	MAT 7:28	Jisasame mana leamo dupa, Mosesanya loo mana nyepae akali dupame lengemali pyoo nalenya, baa-kisa singi joo mana lea. Tenge dokonya, baame mana dutupa lao etapeamopa, endakali kambu longo peteamino dupame sepala, walu lao paka kaeyami.
23418	MAT 8:4	Dokopa Jisasame baa lamaiyoo, “Nambame embanya pyakalo doko, mende lamaiya naenya, pitisa dokome emba kandena puu. Pupala Mosesame wamba mana seteamoli pyoo, dopale mende Gote kundi maitinopa, endakali dupame embanya yaina doko, mee jipya-lamo lao kandenana” lea.