351	GEN 14:14	Yandapipili dupame Lote-pipa, baanya pinju dupa nyoo soo, pamino lapae doko Abrameme sia. Sepala baame baanya yanda pingi akali pupu lapae 318 dutupa lanyia. Lanyepala kiŋi kitomende dutupa watao pao, taono Dane dokonya pyakamea.
361	GEN 14:24	Namba tata dupame nee nyoo napimi-lamo, dupa namba ketae sina, namba mende nanyotoo. Nambanya kaita miningi akali Aneapi, Esekolepi, Mamarepi, dutupanya nyepenge dupa tange nyinana” lea.
363	GEN 15:2	Dopa leamopa, Abrameme pii yanu pyao, “Emba Dupa Pitakanya Kamongo, namba wane namandelyo dokonya, nambanya moeya dupa Eliesa Damaskesa tange dokome nyeta-lamona, embame namba aki mende ditipi?” lea.
384	GEN 16:2	Sarai baame Abrame lamaiyoo, “Kamongome namba wane mandipenge ingi kyeto jia-lamona, nambanya kalai enda doko ketae wane mandyuu nyotoo, emba baa-pipa palyepa” lea. Dokopa Abrameme baanya pii doko yakana lea.
476	GEN 19:18	Dokopa Loteme lao pituu, “Akali andake, embame namba kondo kaeyao niseteleno. Yuu manda omo londati waka-lamona, ene patopa, taono koeyasete dokonya apata koeyalapu-lumu.
551	GEN 22:3	Oo yongama wamba Abrakame sakatatala, baanya kalai akali lapo-pipa, baanya ikiningi Aisakepi lanyepala, kundi yangapenge ita waiyami. Dopa petala, dongi mende nyepala, oapi dupa mandisakamaiya. Mandisetala Goteme pena leamo yuu dokonya paanya, kaita peami.
564	GEN 22:16	“Namba Kamongo dokome nambanya kenge dokonya etete kyeto joo kiningi etete lelyo: Embame nambanya pii nepatala, embanya wane mendai iki doko namba nanditu latala, kaeyala naeyalene-lamo dokonya, nambame emba minao auu pisoto. Embanya mandipaenya mandipae palitamino dupa kaitinya bui-pipa, endaki lembasa kea-pipa, kapa pena lasoto. Embanya mandipae dupame nyakamanya yandapipi dupa pyao ita minatala, yuu dupa nyakama nyetami.
623	GEN 24:31	Kandatala lao pituu, “Nyakama Kamongome auu pyoo laminao ipame-lamona, asa kamaka nakalyepale, andaka mona ipupa. Nambame nyakama palipengepi, kamele dupa palipengepi, panda depa latakalona” lea.
642	GEN 24:50	Dopa lateamopa, Labane Betuelepame yanu pyao, “Doko Kamongome pyome-lumuna, nalimbame dee aki lambanape?
643	GEN 24:51	Kamongome kaitini setalame-lumuna, embanya akali andakenya ikiningi dokonya wanaku Rebeka lanyakamaiyoo, paale” leambi.
651	GEN 24:59	Patoana leanya, Abrakamenya kalai akalipi, baanya tole epeamino dupa-pipa, Rebeka koosa pituu isingi enda doko-pipa, tole pena leambi.
23240	MAT 2:2	endakali kateamino dupa lamaiyoo, “Naimame Judamanya kiŋi katapengena latae, wane ŋaŋa dokonya bui doko niki pyakaengesa-kaita, katamo kandatala, baa mambo pyala epelyamanona, anja mandipae silyape?” leami.
23250	MAT 2:12	Kuka Goteme akali dokaita Erote kalyamosa-kaita, pilyala naena lao kombea pimaiya. Dopa piamosa, dokaita kaitini waka mendenya-kaita, nyakamanya yuusa pilyiami.
23253	MAT 2:15	Pupala Josepe Isipiaka katao, Erote kumiamo gii dokonya tuu lea. Dopa piamo dokome, wamba Kamongome propeta mende-kisa, “Nambanya ikiningi doko Isipi yuu doko yakinatala, nambame epena latona,” leamo doko angi jia.
23282	MAT 4:4	Dopa leamopa, Jisasame baanya pii yanu pyakamaiyoo, “'Endakalimi betesa iki nenge dokonya-kaita, saka nakatenge. Goteme pii lelyamo dokonya-kaita, endakali saka katengena,' dopa lao pepa pyapae silyamona” lea.
23293	MAT 4:15	“Endakali Napatalaipa, Sebyulanepa, dupanya yuu Jodane omotenapa, Galilea lembasapa, dupanya tii pipae andake mende ipatamopa, endakali kamalya katenge dupa-kisa tapyatamo kandatami. Kamalya katenge dupa, yuu iminjetaenya kumapae joo katangema dupa-kisa, tii pipae dokome tii pisetana” lea.
23299	MAT 4:21	Umbisale pateaminopa, Jisasame akali Sebedi-pipa, ikiningi Jemesa, Jonepa sipi andaka umbene nuu tambuo peteambino kandatala, epena lea.
23303	MAT 4:25	Dokopa endakali kambu longo mendapuame, yuu Galileapi, Dekapolisapi, Jerusalemapi, Judiapi, endaki Jodane yangi-kaitapi, dupanya katao ipupala, Jisasa watao paeyami.
23342	MAT 5:39	Dopaka doko, nambame nyakama dapa langilyo: Endakali mendeme emba-kisa koo pitamo doko yanu nanyepe. Endakali mendeme embanya wakena tolae-kaita, kingi kapame pia kandeno doko, yangi-kaita apata pina maipi.
23430	MAT 8:16	Niki landa piamopa, endakali mendapuame imambu koo paleta endakali longo dupa, Jisasa kateasa laminao epeami. Dokopa Jisasame endakali dupa-kisa, imambu koo paleamo dupa, piimi watao pyata, endakali yaina pyapae dupa, pitaka mee jakamaita pia.
23447	MAT 8:33	Dokopa mena setao katenge akali dupame, taono dokonya alo pyao pupala, akali imambu koo palenge dolapo-kisa, piamo dupa pitaka lamaiyami.
23463	MAT 9:15	Dopa leaminopa, Jisasame dokaitanya pii yanu pyakamaiyoo, “Akali mendeme enda kelyapala, watapae pyao baanya tata dupa-pipa, apata kalyamino gii dokopa, baanya tata dupa-pipa nee nao, mona yaepao, auu kaeyao katengema. Akali enda kelyenge dopale joo, namba nyakama-pipa apata katao, nee nao kalyamano. Gii mendepa, akali waka mendapuame namba nyokonyoo patataminopa, nambanya disaipolo dupa loma soo, nee nanao katatamina” lea.
23481	MAT 9:33	Dokopa akali doko-kisa, imambu koo paleamo doko watao piamopa, muumaa doko pii lea. Dopa piamopa, endakali kambu piamino dupame kandatala, walu leami. Walu latala lao pituu, “Wamba naimame Israele tange endakali dupanya, mana dapale mende nakandeamana” leami.
23497	MAT 10:11	Nyakama taono andake-tamopi, yakane-tamopi, mendenya pataminopa, endakali mendeme nyakama auu kaeyao lanyeta mende kutao kandatala, doko-pipa iki katao etapala, pupenge gii dokonya, baa yakinatala pupape.
23552	MAT 11:24	Goteme endakali mokosetamo gii dokopa, Sodomo tange dupa-kisa, tenge andake setataka doko, nyakama Kapename tange dupa-kisa, Goteme tenge eteteaka andake setatana” lea.
23559	MAT 12:1	Sambata gii mendenya, Jisasapi baanya disaipolo dupa-pipa, wita ee kaina mendenya kaita pao pituu, baanya disaipolo dupame lopo kaeyapala, wita dii kii lanyetala tambao neami.
23565	MAT 12:7	Gotenya pii mende dapa lao pepa pyapae singi: 'Endakalimi namba kundi iki dingima mana doko, nambame auu nakaenge. Endakali yango kondo kaenge mana doko, nambame auu kaenge.' Pii dakenya tenge dupa nyakamame siamili doko, endakali tenge nakatenge dupa-kisa, tenge setala naeyamili.
23600	MAT 12:42	Wamba kuini enda Seba tange dokome, yuu londati waka pituu, Kiŋi Solomonenya masepae epe dupanya pii yandaita dupa, nyotoo lao epea. Indupa akali mende kalyamo dokome, Kiŋi Solomone nyoo ana pyandao katamupa, nyakamame baanya masepae epe dupanya, pii yandaita dupa nanyilyamino. Tenge dokonya, Goteme endakali mokosetamo gii dokopa, kuini enda Seba tange dokome, sakatatala nyakama Parasaipi, endakali epapu pii silyamino dupa-kisa, tenge setatana” lea.
23643	MAT 13:35	Baame kongaliaka lao lamaiyamo dokome, wamba Goteme propeta mende-kisa, “Yuupi kaitipi tee piamo dokonya pituu, indupa tuu lao, yalo petae dupa nambame kongaliaka lao, endakali dupa lamaituna” leamo doko angi jia.
23683	MAT 14:17	Dopa leamopa, dupame baa lamaiyoo, “Naimanya nee longo nasilyamo. 5-pela betesa-pipa, pisa lapo-pipa iki silyamona” leami.
23685	MAT 14:19	Dopa latala baame endakali dupa tanu dupanya petena lea. Petena latala, 5-pela betesa-pipa, pisa lapoma-pipa nyepala, kaiti-kisa kandalyetae katao, yaka pilino lea. Dopa latala betesa dutupa konjepala, baanya disaipolo dupa maiyamopa, dupame endakali dupa mokosoo maiyami.
23700	MAT 14:34	Jisasa disaipolo dupa-pipa, Galilea pete dokonya yangi-kaita, Genesarete yuu dokonya pao pyakameami.
23736	MAT 15:34	Dopa leaminopa, “Nyakamanya betesa akipate silyape?” Jisasame lea. “7-pela betesa-pipa, pisa yakane kuki mendalapo-pipa, silyamona” leami.
23753	MAT 16:12	Dopa lateamopa, yisa doko palaonya taelyamopa, betesa doko andengeli pyoo, Parasaipi, Sadyusiapinya mana koeyapae dupa taenge. Taelyamo dokome, endakali longo dupa-kisa andinyilyamopa, koengemana lao yisa-pipa, Jisasame makande pyoo lalame-lamo lao, disaipolo dupame masiami.
23754	MAT 16:13	Jisasa baanya disaipolo dupa-pipa, taono Sisaria Pilipae pupala, baanya disaipolo dupa tipa pyoo, “Endakali dupame Akalinya Ikiningi doko kandao, apina lelyamipi?” lea.
23768	MAT 16:27	Akalinya Ikiningi doko baanya enjele dupa-pipa, baanya Takangenya tii pipae dokonya ipata. Ipupala endakali mendai-mendai lao, mana minataminoli pyoo, yole maita.
23769	MAT 16:28	Nambame nyakama kiningi langilyo: Endakali ae kalyamino datupanya mendapu, kumala naeyataminopa, Akalinya Ikiningi doko, baanya isingi mate dokonya pupu lapae doko-pipa, ipatamopa kandatamina” Jisasame lea.
23789	MAT 17:20	Dopa leaminopa, Jisasame dokaita lamaiyoo, “Nyakamame Gote kuki tungi pilyamino dokonya, imambu koo doko kapa pao watao pyala naeyalamino. Nambame nyakama kiningi langilyo: Nyakamanya Gote tungi pingi doko, yakane mastet dii dopale-pili, dokome yuu manda dake lamaiyoo, 'Emba sakatatala, omosale puu' lapinopa, pupyaliakana” lea.
23791	MAT 17:22	Jisasa baanya disaipolo dupa-pipa, Galilea yuu dokonya kambu pyatala dokaita lamaiyoo, “Akali mendeme Akalinya Ikiningi doko, enge nyepala, endakali waka dupa laitaka pyaanya pilyamo.
23793	MAT 17:24	Jisasa baanya disaipolo dupa-pipa, taono Kapename dokonya pyakameaminopa, lotuu anda andakenya takisa nyingi akali dupame, ipupala Pita tipa pyoo, “Nyakamanya mana lenge akali dokome, lotuu anda andakenya takisa doko maingipi?” leami.
23806	MAT 18:10	Jisasame dee mende lao pituu, “Wane koo dupanya isingi enjele dupa, nambanya Takange kaitinya katenge doko-pipa, apata katengema. Dopana, nyakamame dupa kandanya palyala naeyalapape.
23819	MAT 18:23	Dopana, Gotenya isingi mate doko kiŋi mendeme, baanya kalai akali dupa-kisa, yanu maiyamo dupa tolasekena, latoo lao masiamo dopale.
23820	MAT 18:24	Kiŋi dokome tee pyao yanu dupa, pyekena lao kateamopa, kalai akali yanu singi dupanya mende, laminao epeamino doko-kisa, 10 milion kina yanu sakamaiya.
23824	MAT 18:28	Dopa peteamopa, kalai akali dokome pupala, baanya kalai akali yango mende-kisa, 100 kina baanya yanu sakamaingi doko kandanyia. Kandanyetala kalai akali yango dokonya, mangenya puu lao minatala, 'Nambanya yanu dutupa yapa pyaka' lea.
23834	MAT 19:3	Dopa piamopa, Parasai mendapuame ipupala, baa minao makande pyoo, “Akali mendeme baanya enda doko-kisa, tenge mee mende-tamopi, angi mende-tamopi, setapala yakinatamo doko, loome daa latae singi doko yalatape?” leami.
23890	MAT 20:29	Jisasa baanya disaipolo dupa-pipa, taono Jereko doko yakinatala peaminopa, endakali kambu andake mendeme baa watao peami.
23928	MAT 21:33	Jisasame dee mende lao pituu, “Kongali pii dake salapape. Akali yuu andake singi mendeme, waene ee mende kame petala pokea-pyaa. Pokatala dii lyao waene ipange nyalanya, takyoo indyapenge yuli mende tombao wasia. Wasetala ee doko kandao isoo pitipenge, anda ketae mende pia. Petala akali mendapu-pipa, propeta mokosetamanopa latala, ee doko isoo bisnis pyoo katekena latala, baa yuu londati mendakaita pao katea.
23984	MAT 22:43	Dopa leaminopa, Jisasame dupa lamaiyoo, “Oli Spiritame lungu piamopa, Dapitimi dapa lea: 'Goteme nambanya Kamongo Mesaeya doko lamaiyoo, “Emba nambanya kingi tolae-kaita piti. Dokonya pititinopa, nambame embanya yandapipi dupa ita minatakala, embanya moko pundi-pundi katena latona' lao, pyapae silyamo.” Dopa latala Jisasame dokaita tipa pyoo, “Dapitimi Mesaeya doko kandao, baanya Kamongona lea-lumu doko, kaitini andukunya-kaita, Mesaeya doko baanya yumbangena leape? Mesaeya doko baa Dapitinya yumbange iki daa. Baanya Kamongo dokona lao, nyakamame masala naelyamipi?” lea.
24023	MAT 23:36	Dopa piamino dupa pitakanya, yanu doko endakali indupa palelyamino dupa-kisa, ipatana lao nambame nyakama kiningi langilyona” lea.
24024	MAT 23:37	Jisasame Jerusalema tange dupa kondo kaeyao, “O Jerusalema Jerusalema! Nyakamame propeta dupa pyao kumasoo, Goteme epena latae akali dupa, kaname pyao kumasoaka katengema. Paa longosa, nambame nyakama nyoo kambu pyatala, yaka matakaimi yakane dupa, papa pundi-pundi, yapu nengeli pitoo lao masipupa, nyakamame tanga lelyamino.
24086	MAT 25:9	Dopa leaminopa, enda masepae singi dutupame pii yanu pyakamaiyoo, 'Katasini datupame naimapi, nyakamapi, pitaka kapa napapome-lamona, stoa andaka pupala, nyakama waka sambala pupa' leami.
24096	MAT 25:19	Yuu gii longo pateamopa, akali andake doko dee pilyetala, muni maiyamo dutupanya baanya kalai akali dupa-pipa, pii lao wasalanya epea.
24103	MAT 25:26	Dopa leamopa, akali andake dokome baa lamaiyoo, 'Emba kalai akali koo, maka-maka kaeyapae-lamona, nambame wakamanya ee waingi pokatae, dupanya nee yukuo mandyuu, wakamanya ee waingi lyandatae dupanya, dii lyao mandengeaka-lumu doko,
24106	MAT 25:29	Endakali mende-kisa longo setamo kandao doko, baa longoaka konda pyoo maita. Maitamopa, baa-kisa longoaka seta. Endakali nasingi mende-kisa, kuki setamo dutupa, baa-kisa nasina lao tange nyokonyeta.
24108	MAT 25:31	Jisasame dee mende lao pituu, “Tanga Akalinya Ikiningi doko, baanya tii pipae-pipa, enjele dupa pitaka-pipa, apata ipao, baanya kiŋi petenge toko dokonya pitita.
24141	MAT 26:18	Dopa leaminopa baame dokaita lamaiyoo, “Nyakamame Jerusalema pupala, akali mende kanjaminona, doko lamaiyoo, 'Mana Lenge Akali dokome, baanya gii doko tengesa petelyamona, Napinya Kaeyamo Pasopa nee doko, baanya disaipolo dupa-pipa, embanya andaka natoo lalamona' lao lamaiyepape” lea.
24143	MAT 26:20	Yuu kuiyala peamopa, Jisasa baanya 12 disaipolo dutupa-pipa, nee nao peteami.
24159	MAT 26:36	Dopa lateaminopa, Jisasa baanya disaipolo dupa-pipa, Gesemani ee dokonya peami. Pupala baame dupa lamaiyoo, “Namba omosale loma sala pelyona, nyakama asa pilyepa” lea.
24163	MAT 26:40	Dopa lao loma sepala ipao kandeamopa, disaipolo dutupa luu palyasiamisa, baame Pita lamaiyoo, “Nyakama aipuma namba-pipa, awa mendai iki dokonya kandao isoo nakatalamipi?
24170	MAT 26:47	Jisasame dopa lao kateamopa, baanya 12 disaipolo dutupanya mende, Judasa lenge doko epea. Epeamo dokonya, endakali kambu andake mende, konja-wua, kolyepepi dupa minao, baa apata epeami. Dupa pitisa mupapi, Judamanya isingi akalipi, dupame pena leaminosa epeami.
24177	MAT 26:54	Namba nisina lapuli doko, kenda pipae dake namba-kisa, dopa pyoo ipupengena lao, pii pepa pyapae singi doko dii manja naeyapyalina,” Jisasame lea.
24178	MAT 26:55	Dopa latala, baame endakali kambu doko lamaiyoo, “Nyakamame pake nenge mende, anjala epele lao konja-wuapi, kolyepepi, dupa minao namba anjala epelyamipi? Nambame koteaka lao lotuu anda andake dokonya, endakali dupa mana lamaiyoo kateo dokopa, nyakamame namba anjala naeyami.
24237	MAT 27:39	Jisasa pyao yukutae kateamo dokonya-kaita, endakali paeyamino dupame, baa lamba lao, aiyomba wangatoto pyoo,
24242	MAT 27:44	Akali pake nenge baa-pipa, apata pyao yukutae kateambino dolapome, mendai dopaka pyoo, baa-kisa lamba pii kando piambi.
24363	MRK 3:6	Tolaseteamopa, Parasai dokaita kamaka pyakalyetala, Kiŋi Erote Antipasa tata dupa-pipa, Jisasa aipa petala pyao kumasemape lao, yapa pao kambuiyami.
24514	MRK 6:38	Dopa leaminopa, baame dokaita lamaiyoo, “Betesa akipate silyape lao kanja pupa” lea. Pao kandatala dokaitame baa lamaiyoo, “Naimanya 5-pela betesa-pipa, pisa lapoma-pipa iki silyamona” leami.
24725	MRK 11:16	Watao pyapala, endakali mendeme oapi mende soo, lotuu anda andake kame andakote-kaita, poko napina lao daa lea.
24789	MRK 13:3	Jisasa Olipimanda pituu, lotuu anda andake katenge dokaita-kaita, kandamatae petea. Peteamopa, Pita, Jemesa, Jone, Andruapi, dutupame elyakao baa tipa pyoo,
24866	MRK 14:43	Jisasame dopa lao kateamopa, baanya 12 disaipolo dutupanya mende, Judasa lenge doko epea. Epeamo dokonya, endakali kambu mende konja-wuapi, kolyepepi, dupa minao baa apata epeami. Dupa akali pitisa mupapi, Mosesanya loo mana nyepae akalipi, Judamanya isingi akalipi, dupame pena leaminosa, epeami.
24871	MRK 14:48	Dokopa Jisasame dokaita lamaiyoo, “Nyakamame pake nenge mende anjala epele lao, konja-wuapi, kolyepepi, dupa minao namba anjala epelyamipi?