363	GEN 15:2	Dopa leamopa, Abrameme pii yanu pyao, “Emba Dupa Pitakanya Kamongo, namba wane namandelyo dokonya, nambanya moeya dupa Eliesa Damaskesa tange dokome nyeta-lamona, embame namba aki mende ditipi?” lea.
369	GEN 15:8	Dopa leamopa, Abrameme tipa pyoo, “Dupa Pitakanya Kamongo, nambame aipa petala yuu dake nambanya-lamo lao masotope?” lea.
390	GEN 16:8	Ipupala baa tipa pyoo, “Eka, Sarainya kalai enda, emba anja pituu, anja paanya epelepe?” lea. Dopa leamopa, baame yanu pyao, “Nambanya isingi enda Sarai yakinatala, paka paanya epelyona” lea.
434	GEN 18:9	Nyakama nee napala, Abrakame tipa pyoo, “Embanya etanenge Sara doko anja pilyape?” leami. Dopa leaminopa, Abrakameme pii yanu pyao, “Baa sele andaka pilyamona” lea.
436	GEN 18:11	Pii sepala, baame masoo pituu, “Namba enda wambake joo etapae. Nambanya akali andake doko lyanga joo etapaeyaka. Nambame dee auu kaeyao akalingipa tole pyapengepe?” lao masetala, baanya mona andaka gii kaeya.
453	GEN 18:28	Embame endakali 45 tolatae katatamino kandao doko, pyatepe?” “Nambame endakali 45 tolatae katatamino kandato doko, pyala naeyato.”
454	GEN 18:29	“Endakali 40 tolatae katatamino kandao doko, pyatepe?” “Nambame endakali 40 tolatae katatamino kandato doko, pyala naeyatona” lea.
455	GEN 18:30	Dopa leamopa, deaka Abrakameme Kamongo lamaiyoo, “Akali Andake, embame namba imbu nakaeyape. Embame endakali 30 tolatae katatamino kandao doko, pyatepe?” “Nambame endakali 30 tolatae katatamino kandato doko, pyala naeyatona” lea.
456	GEN 18:31	Dopa leamopa, Abrakameme lao pituu, “Akali Andake, nambame deaka tipa pitoo, maka nakaeyape. Embame endakali 20 tolatae katatamino kandao doko, pyatepe?” “Nambame endakali 20 tolatae katatamino kandato doko, pyala naeyatona” lea.
457	GEN 18:32	Dopa leamopa, Abrakameme lao pituu, “Akali Andake, embame imbu kaeyapengeaka doko, mendai dake etao tipa pilyo: Embame kandatenopa, endakali 10 tolatae katatamino kandao doko, pyatepe?” “Nambame endakali 10 tolatae katatamino kandato doko, pyala naeyatona” lea.
467	GEN 19:9	Dopa leamopa, Sodomo tange dupame, “Lote embame kaita lyokala naeya!” leami. Dee nyakamalapo laloo pyoo, “Akali tata waka dakeme naima mana lelyape?” leami. Dopa latala, Lote lamaiyoo, “Naimame emba minao etete koeyasalamanona” leami. Dopa latala, Lote puu lao, tuu lanya nepatala, anda kaita doko kalunya pyandalanya piami.
506	GEN 20:10	Dopa latala Abimelekeme Abrakame tipa pyoo, “Embame aipa lao masetala, pii doko lapipi?” lea.
543	GEN 21:29	Dokopa, Abimelekeme Abrakame tipa pyoo, “Embame sipisipi ina 7-pela nyepala, waka mendasa palyipi-lamo doko, aipuma pipipi?” lea.
555	GEN 22:7	Peambinopa, Aisakeme, “Apane” leamopa, Abrakameme, “Apea laa” lea. Dopa leamopa, Aisakeme takange tipa pyoo, “Nalimba ita kaiyepaepi, ita waiyepaepi, dupa salambane-lamo doko, sipisipi yakane yangapenge doko anja kalyape?” lea.
597	GEN 24:5	Dokopa kalai akali dokome baa lamaiyoo, “Emba tata enda mende nambame lamaitupa, daa latamo dokopa, nambame embanya ikiningi doko lanyoo patopa, baa tange enda mende kandao nyetamo doko, kapape?” lea.
609	GEN 24:17	Epeamopa, kalai akali dokome alo pyao pupala, lamaiyoo, “Endaki mendalapo natoo ditipi?” lea.
615	GEN 24:23	Maitala, baame Rebeka lamaiyoo, “Embanya takange doko naima langipoko. Naima kuka gii doko iki palimana, embanya takangenya andaka panda silyape?” lea.
650	GEN 24:58	Dokopa baa ipateamopa, nyakambame tipa pyoo, “Emba akali dakepa patambipi?” leambinopa, wanaku dokome yanu pyao, “Namba patoana” lea.
657	GEN 24:65	Pyakanatala, Abrakamenya kalai akali doko tipa pyoo, “Akali laeyao epelyamo omo apipi?” lea. Dopa leamopa, kalai akali dokome yanu pyao, “Baa nambanya akali andake dokona” lea. Dokopa Rebeka aiyombanya yaki pingi lapalapa doko nyepala, baanya lengelyapi yame pia.
23240	MAT 2:2	endakali kateamino dupa lamaiyoo, “Naimame Judamanya kiŋi katapengena latae, wane ŋaŋa dokonya bui doko niki pyakaengesa-kaita, katamo kandatala, baa mambo pyala epelyamanona, anja mandipae silyape?” leami.
23242	MAT 2:4	Eroteme pitisa mupapi, Mosesanya loo mana nyepae akalipi, dupa pitaka epena lao nyoo elyambu pia. Elyambu petala dokaita tipa pyoo, “Kraisa doko yuu andukunya mandipengepe?” lea.
23275	MAT 3:14	Pao pyakameamopa, Joneme Jisasa lamaiyoo, “Embame nambanya kaimbu pyakapenge doko, aipuma nambame embanya kaimbu pyakatale lao epelepe?” lea.
23419	MAT 8:5	Jisasa Kapename pao pyakameamopa, yanda singi isingi akali mende ipupala, “Akali andake, nambanya kalai akali mende yainame tanda andake nao, andaka takyepae silyamona nisetepe?” lea.
23435	MAT 8:21	Dokopa dee akali waka Jisasa watao paeyamino, dupanya mendeme baa lamaiyoo, “Kamongo, nambanya takange doko malu petala, emba watao ipatoo paowape?” lea.
23441	MAT 8:27	Dopa piamopa, disaipolo dupame paka kaeyapala lao pituu, “Endakipa poopa dolapome, baanya pii lapyali pilyambino doko, akali dake api laa kanjemape?” leami.
23443	MAT 8:29	Dokopa akali dolapome puu lao, “Gote Ikiningi, embame naima aipa piti? Embame tanda andake dipenge gii seteamo doko, ipatala naeyapumupa, embame naima tanda andake wambao dyaanya epelepe?” leambi.
23459	MAT 9:11	Peteamino doko kandatala, Parasai dupame Jisasanya disaipolo dupa tipa pyoo, “Nyakamanya mana lenge akali doko, aipuma koo pingipi, takisa nyingipi, dupa-pipa nee nao pilyape?” leami.
23462	MAT 9:14	Gii dokopa Jone kaimbu pingi dokonya disaipolo dupame, Jisasa kateasa ipupala baa tipa pyoo, “Nee nanao loma singi gii dokonya, naimapi, Parasaipi, dupame Gote loma soo pituu nee nanengena, embanya disaipolo dupame aipuma dopa napingimape?” leami.
23476	MAT 9:28	Jisasa andaka kolandatala peteamopa, akali lenge monda dolapo epeambi. Epeambinopa, baame dolapo tipa pyoo, “Nyakamba nambame yaka nisalapeno lao masilyambipi?” lea. Dopa leamopa, dolapome yanu pyao, “Kamongo, kini embame yaka nisalapenona lao masilyambanona” leambi.
23530	MAT 11:2	Jone kaimbu pingi doko anjetae paliu, Kraisame kalai pupu lapae dupa pilyamo lapae sepala, baanya disaipolo mendatupame Kraisa kateasa pupala, “Emba akali naima pyoo nyala ipatana latae singi dokope, pande naimame akali waka mende malisemape?” lao, tipa pyoo sala pena lea.
23568	MAT 12:10	Peamopa, akali kingi yangi talyanga mende peteamo doko, Jisasame tolasakamaitamopa, Parasai dupame Jisasa kote lamana lao masetala, baa tipa pyoo, “Sambata gii dupanya endakali yaina pyapae dupa, mee jakamaipengepe, daape?” leami.
23581	MAT 12:23	Baame piamo dupa kandatala, endakali kambu piamino dupa pitakame walu latala, “Akali dake Dapiti Yumbange dokope?” leami.
23606	MAT 12:48	Dopa leamopa, Jisasame akali dokonya pii yanu pyakamaiyoo, “Nambanya endangi doko apipi? Nambanya kaiminingi dupa apitupape?” lea.
23618	MAT 13:10	Maitakao disaipolo dupame Jisasa kateasa ipupala, baa tipa pyoo, “Embame endakali dupa kongaliaka lao pii lamaiyoo kalyeno doko, aipuma pilipi?” leami.
23659	MAT 13:51	Jisasame disaipolo dupa tipa pyoo, “Nyakamame pii datupanya tenge dupa nyilyamipi?” lea. Dopa leamopa, dokaitame yanu pyao, “Naimame tenge dupa nyepelyamanona” leami.
23664	MAT 13:56	Baanya pimalenge dupa pitaka, ae naima-pipa apata napilyamape? Baame pilyamo datupa pitaka, anja mana nyiape?” leami.
23697	MAT 14:31	Dopa leamopa, Jisasame yapa kingi pyale latala, Pita kii nyokonyetala, “Aipuma emba mona lapo palipala, namba kuki tungi pyalepe?” lea.
23714	MAT 15:12	Gii dokopa disaipolo dupame ipupala baa lamaiyoo, “Parasai dupame embanya pii doko sepala, imbu kaelyamino doko embame kandelepe?” leami.
23735	MAT 15:33	Dokopa disaipolo dupame baa lamaiyoo, “Endakali napalenge yuu dakenya, naimame betesa anja-tae nyepala, endakali kambu andake dake nena maimape?” leami.
23736	MAT 15:34	Dopa leaminopa, “Nyakamanya betesa akipate silyape?” Jisasame lea. “7-pela betesa-pipa, pisa yakane kuki mendalapo-pipa, silyamona” leami.
23754	MAT 16:13	Jisasa baanya disaipolo dupa-pipa, taono Sisaria Pilipae pupala, baanya disaipolo dupa tipa pyoo, “Endakali dupame Akalinya Ikiningi doko kandao, apina lelyamipi?” lea.
23756	MAT 16:15	Dopa leaminopa, Jisasame dokaita tipa pyoo, “Endakali dupame dopa lalumino doko, nyakamame namba kandao apina lelyamipi?” lea.
23779	MAT 17:10	Dokopa disaipolo dupame Jisasa tipa pyoo, “Mosesanya loo mana nyepae akali dupame, aipuma 'Ilaija wambao ipatatamopa, Kraisa ipupengena' lengemape?” leami.
23788	MAT 17:19	Maitakao Jisasa iki peteamopa, disaipolo dupame ipupala baa tipa pyoo, “Aipuma naimame imambu koo doko, kapa pao watao napyalamape?” leami.
23793	MAT 17:24	Jisasa baanya disaipolo dupa-pipa, taono Kapename dokonya pyakameaminopa, lotuu anda andakenya takisa nyingi akali dupame, ipupala Pita tipa pyoo, “Nyakamanya mana lenge akali dokome, lotuu anda andakenya takisa doko maingipi?” leami.
23794	MAT 17:25	Dopa leaminopa, Pitame yanu pyao, “Kini maingina” lea. Dopa latala baa andaka pao kolandatala, pii mende latala naeyamopa, Jisasame tipa pyoo, “Saimone, embame aipa lao masili? Yuu dakenya kiŋi dupame nyakamanya ikiningi dupa-kisa takisa nyingimape, pande endakali yuu tenge tange dupa-kisa takisa nyingimape?” lea.
23797	MAT 18:1	Gii dokopa disaipolo dupame Jisasa tipa pyoo, “Gotenya isingi mate dokonya api alyasale joo katatape?” leami.
23817	MAT 18:21	Dokopa Pitame Jisasa tipa pyoo, “Kamongo, nambanya kaiminingi mendeme koo petae katao pingitamopa, nambame baanya koo dupa, paa 7-pela kame sakamaipengepe, pande akipatesape?” lea.
23834	MAT 19:3	Dopa piamopa, Parasai mendapuame ipupala, baa minao makande pyoo, “Akali mendeme baanya enda doko-kisa, tenge mee mende-tamopi, angi mende-tamopi, setapala yakinatamo doko, loome daa latae singi doko yalatape?” leami.
23838	MAT 19:7	Dopa leamopa, Parasai dupame baa tipa pyoo, “Dopa-tamo doko, Mosesame loo seteamo dokonya, 'Akali mendeme baanya enda doko yakinao pituu, enda yakinapenge pepa mende maitala pena lapengena' lao, aipuma seteape?” leami.
23847	MAT 19:16	Gii mendepa akali mende Jisasa kateasa ipupala, “Mana Lenge Akali, mana epe aipale mende minatala, tanga namba lete etete katenge doko nyotope?” lea.
23849	MAT 19:18	Dopa lateamopa, akali dokome baa tipa pyoo, “Loo dupa andutupape?” lea. Dokopa Jisasame baa lamaiyoo, “Embame endakali pyao kumasala naeyape. Kepo kolala naeyape. Pake nala naeyape. Endakali mende sambo lao minakasala naeyape.
23851	MAT 19:20	Dokopa akali patange dokome pii yanu pyao, “Loo dutupa pitaka nambame watao miningina, dee nambame aki mende apata pipengepe?” lea.
23856	MAT 19:25	Dokopa disaipolo dupame pii dutupa soo etete walu latala, “Dopa-tamo doko, endakali apimi Gotenya isingi mate dokonya patape?” leami.
23858	MAT 19:27	Dokopa Pitame baa lamaiyoo, “Naimanya tatapi, pinjupi, dupa pitaka yakinatala, emba watao epelyamano dokonya, tanga naimame aki mende nyetamape?” lea.
23882	MAT 20:21	Dokopa Jisasame baa tipa pyoo, “Nambame embanya aipa pyakaowape?” lea. Dopa leamopa, enda dokome baa lamaiyoo, “Embanya isingi mate dokonya, kiŋi joo pititinopa, nambanya wane dalaponya mende, embanya kingi tolae-kaita petena lakape, mende embanya kingi koeya-kaita petena lakape” lea.
23883	MAT 20:22	Dopa leamopa, Jisasame baa lamaiyoo, “Embame masala naeyao lelenona” lea. Dopa latala, wane dolapo lamaiyoo, “Nambame kenda pipae salapo-lamo doko, nyakambame kapa pao setambipi?” lea. Dokopa dolapome yanu pyao, “Nalimbame kenda pipae dupa, kapa pao setambakana” leambi.
23893	MAT 20:32	Dopa leambinopa, Jisasa baa katapala, akali dolapo epena latala lamaiyoo pituu, “Nambame nyakambanya aipa pyakapili lao masilyambipi?” lea.
23905	MAT 21:10	Jisasa Jerusalema pao pyakameamopa, endakali dupa pitakame walu latala, “Akali epelyamo dake apipi?” leami.
23911	MAT 21:16	Imbu kaeyapala dokaitame Jisasa tipa pyoo, “Wane koo dupame wee lelyamino dupa embame silipi?” leami. Dopa leaminopa, baame yanu pyao, “Kini nambame silyo. 'Wane koo dupame, kambumi Gote lao mambo pyatamina' lao, pepa pyapae silyamo doko nyakamame itaki napiamipi?” lea.
23915	MAT 21:20	Disaipolo dupame piamo doko kandatala walu leami. Walu latala tipa pyoo, “Piki ita dake aipa petala pupae lao sapuilyape?” leami.
23918	MAT 21:23	Jisasa lotuu anda andake dokonya, kamenya andakote pilyetala, endakali dupa mana lamaiyoo kateamopa, pitisa mupapi, Judamanya isingi akalipi, dupame ipupala baa tipa pyoo, “Emba apimi kalai andake dupa pii lapumupa pilipi?” leami.
23920	MAT 21:25	Joneme kaimbu piamo mana doko, apimi pina leamopa piape? Goteme pina leape, pande akalimi pina leamipi?” lea. Dopa leamopa, dokaitame pii doko sepala, nyakamalapo laloo pyoo, “Naimame 'Joneme kaimbu piamo mana doko, Goteme pina leana' latamano doko, 'Aipuma nyakamame baanya pii doko, kiningina lao masala naelyamipi?' laapome-lumu.
23926	MAT 21:31	Dopa latala, “Wane dolaponya andukumi, takangenya masiamoli piape?” lao, Jisasame pitisa mupapi, Judamanya isingi akalipi, dupa tipa pia. Dokopa dokaitame yanu pyao, “Wane mupa dokomena” leami. Dopa leaminopa, Jisasame lamaiyoo, “Jone kaimbu pingi dokome, mana epe tolatae dupa leamopa, nyakamame kiningina lao masala naeyami. Dopaka doko, takisa nyingi akalipi, 2 kina endapi, dupame kiningina lao masiamino dokonya, Gotenya isingi mate dokonya, wambao puminopa, nyakama mona aloo napilyamino dokonya, nyakama napelyaminona lao kiningi langilyona” lea.
23935	MAT 21:40	Dopa latala Jisasame dokaita tipa pyoo, “Dopa piami-lumu dokonya, akali ee tange dokome ipupala, ee isakamaingi dupa aipa pitape?” lea.
23958	MAT 22:17	Dopana, embame aipa lao masili? Gapomane andake Sisa doko, naimame takisa maipengepe, daape?” leami.
23961	MAT 22:20	Jisasame dokaita tipa pyoo, “Muni konde dakenya, apinya lengelyapi, kengepi kalyape?” lea.
23969	MAT 22:28	Akali kaiminingi 7-pela dutupa pitakame, enda mendai dokoaka nyiamino dokonya, tanga endakali sakatatamino gii dokopa, enda doko apinya jetape?” lao tipa piami.
23977	MAT 22:36	“Mana Lenge Akali, Mosesanya loo dupanya anduku mupa joo silyape?” lao, tipa pia.
23983	MAT 22:42	“Nyakamame Mesaeya dokonya yumbange doko, apina lao masilyamipi?” leamopa, “Baa Dapitinya yumbangena” leami.
23984	MAT 22:43	Dopa leaminopa, Jisasame dupa lamaiyoo, “Oli Spiritame lungu piamopa, Dapitimi dapa lea: 'Goteme nambanya Kamongo Mesaeya doko lamaiyoo, “Emba nambanya kingi tolae-kaita piti. Dokonya pititinopa, nambame embanya yandapipi dupa ita minatakala, embanya moko pundi-pundi katena latona' lao, pyapae silyamo.” Dopa latala Jisasame dokaita tipa pyoo, “Dapitimi Mesaeya doko kandao, baanya Kamongona lea-lumu doko, kaitini andukunya-kaita, Mesaeya doko baanya yumbangena leape? Mesaeya doko baa Dapitinya yumbange iki daa. Baanya Kamongo dokona lao, nyakamame masala naelyamipi?” lea.
24131	MAT 26:8	Kaii lakamaiyamo doko kandatala, “Wele dake endakalimi sambaminopa, muni andake nyepala, endakali daa jepae dupa maipumalina, aipuma wele dake baame mee pyoo nepelyape?” lao, disaipolo dupame imbu kaeyami.
24138	MAT 26:15	dokaita tipa pyoo, “Nambame Jisasa nyakama laitaka pitoo, nyakamame namba aki mende ditamipi?” lea. Dopa leamopa, dokaitame baa silipa muni 30 maiyami.
24140	MAT 26:17	Israele tange dupame betesa yisa napalenge nengema, yuu gii tee pyao dokonya, disaipolo dupame Jisasa kateasa ipupala baa lamaiyoo, “Napinya Kaeyamo Pasopa nee doko, naimame anja depa lamape?” leami.
24145	MAT 26:22	Dopa leamopa, nyakama mona etete kenda kaeyapala, baa tipa pyoo, “Kamongo, doko namba kandao leepe?” lao laa-laa peami.
24148	MAT 26:25	Dopa leamopa, Jisasa enge nyiamo akali Judasa dokome, baa lamaiyoo, “Mana Lenge Akali, embame leeno doko, namba lao leepe?” lea. Dopa leamopa, Jisasame baa lamaiyoo, “Emba tangeme leleno dokoakana” lea.
24185	MAT 26:62	Dokopa pitisa mupa dupanya, aiyomba dokome toeya katapala Jisasa lamaiyoo, “Pii emba-kisa tenge setao lelyambino dake, aipuma yanu napilipi?” lea.
24186	MAT 26:63	Dopa leamoaka doko, Jisasa ema napia. Dopa piamosa, pitisa mupa dupanya aiyomba dokome, dee baa lamaiyoo, “Gote saka katenge dokome kandao kalyamona, embame pii tolao kiningi doko naima langi. Emba Gote Ikiningi, Kraisa dokope?” lea.
24189	MAT 26:66	Nyakamame aipa pimana lao masilyamipi?” lea. Dopa leamopa dupame, “Baa pyao kumasepengena” leami.
24209	MAT 27:11	Jisasa baa Gapena Pondiasa Pailatenya, enombanya laminao pao katasiaminopa, Pailateme baa tipa pyoo, “Emba Judamanya Kiŋi dokope?” lea. Dokopa Jisasame, “Embame leleno dokoaka” lea.
24211	MAT 27:13	Dopa piamopa, Pailateme baa lamaiyoo, “Emba-kisa tenge longo setao, pii lelyamino dupa embame nasilipi?” lea.
24215	MAT 27:17	Pitisa mupa dupame Jisasa-pipa tilya nyepala, baa anjoo dimini-lamo lao kandatala, Pailateme endakali kambu kateamino dupa tipa pyoo, “Nambame api mokakaowape? Barabasape, pande Jisasa Kraisa lengema dokope?” lea.
24219	MAT 27:21	Dopa piaminopa, Pailateme endakali kambu dupa deaka tipa pyoo, “Nambame akali lapoma dolaponya, anduku nyakamanya mokakapili lao masilyamipi?” lea. Dopa leamopa, dokaitame yanu pyao, “Barabasana” leami.
24220	MAT 27:22	Dokopa Pailateme dokaita lamaiyoo, “Dopa-tamo doko, nambame Jisasa Kraisa lengema doko, aipa pyuape?” lea. Dopa leamopa dokaitame, “Poko itanya pyao yuku!” leami.
24221	MAT 27:23	Dopa leaminopa, baame dokaita lamaiyoo, “Baame koo aki mende pipyape?” lea. Dopa leamopa, dokaitame eteteaka puu lao, “Baa pyao yuku!” leami.
24244	MAT 27:46	Dokopa Jisasame etete puu lao wii lao, “Ilai, Ilai, lema sabatani?” lea. (Pii dokonya tenge doko, “Nambanya Gote, nambanya Gote, embame namba aipuma yakinelepe?”)
24308	MRK 1:24	“Nasarete tange Jisasa, emba Gotenya akali anali latae doko nambame kandengena, embame naima aipa pyaa epepe? Naima minao koeyasalanya epepe?” lea.
24345	MRK 2:16	Mosesanya loo mana nyepae akali Parasai dupame kandeaminopa, Jisasa koo pingipi, takisa nyingipi, dupa-pipa nee nao apata peteamopa, baanya disaipolo dupa tipa pyoo, “Baa aipuma koo pingipi, takisa nyingipi, dupa-pipa nee nao pilyape?” leami.
24347	MRK 2:18	Jone kaimbu pingi dokonya disaipolopi, Parasaipi, dupame Gote loma soo nee nanao kateami. Dopa piaminopa, endakali dupame Jisasa tipa pyoo, “Jonenya disaipolopi, Parasaipi, dupa Gote loma soo nee nanao kataminopa, aipuma embanya disaipolo dupa dopa napilyamipi?” leami.
24361	MRK 3:4	Dopa latala baame dokaita tipa pyoo, “Sambata gii dokonya kalai koo pipengepe, pande epe pipengepe? Dee endakali pyao kumasepengepe, pande nisepengepe?” lea. Dopa leamopa, dokaita ema napiami.
24390	MRK 3:33	Jisasame yanu pyao, “Nambanya endangi kaiminingipi dupa apitupape?” lea.
24430	MRK 4:38	Jisasa baa sipi dokonya maitakaita sanda setapae mendenya paleamopa, disaipolo dupame baa pyale tatala, “Mana Lenge Akali, naima kumalamane-lamo doko, embame nakandelepe?” leami.
24432	MRK 4:40	Dokopa baame dokaita lamaiyoo, “Aipuma nyakama paka kaelyamipi? Nyakamame namba tungi napilyamipi?” lea.
24433	MRK 4:41	Dopa piamopa, disaipolo dupa etete paka kaeyapala, nyakamalapo laloo pyoo, “Endakipa poopa dolapome baanya pii lapyali pilyambino doko, akali dake api laa kanjemape?” leami.
24442	MRK 5:9	Dokopa Jisasame baa tipa pyoo, “Emba kenge apipi?” lea. Dopa leamopa, akali dokome yanu pyao, “Naima imambu koo longo kalyamano. Tenge dokonya, namba kenge Longo lengena” lea.
24463	MRK 5:30	Dokopa Jisasa baanya pupu lapae mendatupa puumu lao sepala, endakali kambu kateamino dupa kandapilyetala, “Apimi nambanya yonge peenya watandelyape?” lea.
24464	MRK 5:31	Baanya disaipolo dupame yanu pyao, “Endakali kambu dakeme emba katao tambukinilyamino kandeleno doko, aipuma embame 'Apimi namba watandelyape?' leepe?” leami.
24479	MRK 6:3	Akali dake kapenda kalai pingi doko daa kandamuape? Baa Maria ikiningi, Jemesa, Josepe, Judasa, Saimonepi dutupanya kaiminingi daape? Baanya pimalenge dupa ae naima-pipa apata napilyamape?” leami. Dopa latala dupame Jisasa kandao mona koo palyetala, baa yakineami.
24500	MRK 6:24	Dopa leamopa, wanaku doko endangi peteasa pupala, baa tipa pyoo, “Aki mende dina lao tee laowape?” lea. Dopa leamopa, endangimi baa lamaiyoo, “Jone kaimbu pingi dokonya aiyomba doko dina lape” lea.
24513	MRK 6:37	Dopa leaminopa, baame pii yanu pyakamaiyoo, “Nyakamameaka nee maiyepa” lea. Dokopa dokaitame baa lamaiyoo, “Naimame muni andake anjataeme betesa sambapala, endakali longo dake nena lao maimape?” leami.