317	GEN 12:18	Yaina maiyamosa, Paraome Abrame epena latala baa lamaiyoo, “Embame namba aipuma dapa pipi? Enda doko embanya etanengena lao namba aipuma langya naeyapi?
328	GEN 13:9	Yuu andake waka nasilyape? Nalimba tale pimbana. Emba kingi koeyatena pateno kandao doko, namba kingi tolaetena patoo. Emba kingi tolaetena pateno kandao doko, namba kingi koeyatena patoana” lea.
438	GEN 18:13	Gii kaeyamo kandatala, akali aiyomba joo epeamo dokome Abrakame lamaiyoo, “Sarame aipuma gii kaeyao, 'Namba enda wambake dakeme kapa wane manditupi' lelyape?
439	GEN 18:14	Namba Kamongo dokome dopale mende pyaanya nongo pingipi? Nambame gii setelyo dokonya, ee kana omonya, wane ane mende mandipatamopa, ipatona” lea.
448	GEN 18:23	Pateambinopa, Kamongonya enomba dokonya Abrakame katapala, baa tipa pyoo, “Embame endakali koo pingi dupa etasoo pyateno dokopa, tolatae katatamino dupa apata pyatepe?
449	GEN 18:24	Endakali 50 tolatae katatamino dutupa masetala, embame yuu doko yakinatepe, pande dupa apata pyatepe?
463	GEN 19:5	Kakopatae katao dokaitame Lote lao wii lao, “Akali lapoma embanya andaka ipambino dolapo anja pilyambipi? Naimame dolapo elya pingi pimana, laminao kamaka pyakalya” leami.
500	GEN 20:4	Dopa leamopa, Abimelekeme baa lamaiyoo, “Nambame enda doko yonge tole napyapu. Akali Andake, embame naima endakali tenge nakatenge dupa mee pyao kumasetepe?
505	GEN 20:9	Dokopa Abimelekeme Abrakame epena latala, baa lamaiyoo, “Embame naima aipuma minao koeyasipipi? Embame nambapi, nambanya endakalipi, dupa aipuma elya andake nyoo dipipi? Embame naima-kisa nalapenge mende lapi-lamona” lea.
531	GEN 21:17	Goteme wane dokonya ee leamo doko sia. Sepala Gotenya enjele mendeme kaiti-kisa katao, wii lao, “Eka, emba aipa pyape? Goteme wane dokonya ee doko salamona, emba paka nakaeyape. Tenda baanya mandipaenya mandipae palitamino dupa, nambame minao andake jotona, emba pupala, wane doko kinginya minao toeya katasa!” lea.
642	GEN 24:50	Dopa lateamopa, Labane Betuelepame yanu pyao, “Doko Kamongome pyome-lumuna, nalimbame dee aki lambanape?
23268	MAT 3:7	Dokopa Parasaipi, Sadyusiapi longo mendapu kaimbu pyekena lao epeamino kandatala, baame dokaita lamaiyoo, “Nyakama koo kanopatonya mandipae dupa! Gotenya imbu kaeyapae ipatamo doko, apimi langimusa, paka epelyamipi?
23316	MAT 5:13	Jisasame dee mende lao pituu, “Nyakama yuu dakenya sole jepae kalyamino. Sole tende patamo doko, nyakamame aipa petala dee tende pisetamipi? Sole tende patae dokome mende napingi. Doko soo yakinatala moko katao nepenge.
23349	MAT 5:46	Takisa nyingi akali dupame, endakali nyakama auu kaenge dupa, itingi auu kaengema. Dopaleaka joo, nyakamame endakali nyakama auu kaeyatamino dupa, iki auu kaeyatamino doko, dokonya aki yole mende nyetamipi?
23350	MAT 5:47	Dee kamalya katenge endakali dupame, nyakamanya kaiminingi dupa pii epe lamaingima. Dopaleaka joo, nyakamame nyakamanya kaiminingi dupa, iki pii epe lamaitamino doko, mana aipale mendeme endakali kamalya katenge dupa, ita minatamipi?
23376	MAT 6:25	Jisasame dee mende lao pituu, “Nyakamame nyakama tange auu pyoo, lete katapenge dupanya lao masetala, 'Naima neepi endakipi anja-tae nao katatamape? Yonge pee anja-tae pitamape?' lao masala naeyalapape. Lete katenge angi doko neepi, endakipi, yonge peepi, dopale daa.
23377	MAT 6:26	Nyakamame yaka dupa kanjepape. Dupame ee pokala naengema. Dupame nee nyoo ipao setenge anda dupanya, mau pyala naengemaka doko, nyakamanya Takange kaitinya katenge dokome dupa nee maingi. Nyakamame yaka dupa etete ita minao kalyamino dokonya, Goteme nyakama nisala naeyatape?
23378	MAT 6:27	Nyakamanya mendeme auu pyoo katapuli lao masepae longo nyetamo dokome, baanya lete katenge dokonya, ee kana mendatupa waipa setape?
23379	MAT 6:28	Aipuma nyakamame yonge pee anja-tae pitamape lao, masepae longo nyilyamipi? Palao dii auu pyoo pilyamo dupa kanjepape. Dupa auu pisalanya tangeme kalai mende napingima. Dee yonge peepi mende wasala naengemaka.
23381	MAT 6:30	Aipuma nyakamame Gote tungi kuki pilyamipi? Palao dii epapu telyamo, taita kepao yangapenge dupa, Goteme yati pisingi. Dopa pingi dokome, nyakama yonge pee pipenge dupa, kapa pao ditana lao masala naelyamipi?
23388	MAT 7:3	Embanya lengenya ita lyoo andake doko sina latala, mendenya lenge kuni yakane sipya doko, aipa petala kandakamaitipi?
23389	MAT 7:4	Embanya lengenya ita lyoo andake mende setamopa, aipa petala embame waka mende kandao, 'Embanya lengenya kuni silyamona, nyakaowape' latepe?
23394	MAT 7:9	Waneme takange kandao, betesa natoo latamopa, nyakama apimi wane doko kana mende nena lao maitipi?
23395	MAT 7:10	Waneme takange kandao, pisa natoo latamopa, nyakama apimi wane doko kanopato mende nena lao maitipi?
23401	MAT 7:16	Nyakamame dokaitanya mana minatamino dupa kandatala, dupa dopale-lamo lao masetami. Ikililyambu kende dupanya kopi lyingipi? Dee take ita dupanya anga lyingipi?
23440	MAT 8:26	Dopa leaminopa, Jisasame dokaita lamaiyoo, “Aipuma nyakama paka kaelyamipi? Nyakama Gote kuki tungi pingima-lamona” lea. Dokopa baame sakatatala, poo leapi, endaki buli piapi, dupa pyalanya leamopa, kuki emapi mende napia.
23443	MAT 8:29	Dokopa akali dolapome puu lao, “Gote Ikiningi, embame naima aipa piti? Embame tanda andake dipenge gii seteamo doko, ipatala naeyapumupa, embame naima tanda andake wambao dyaanya epelepe?” leambi.
23452	MAT 9:4	Dopa lao masiamino dupa Jisasame kandatala dokaita lamaiyoo, “Aipuma koo dopale dupa masilyamipi?
23535	MAT 11:7	Jonenya disaipolo dutupa pilyoo pateaminopa, endakali kambu dupa Jone kaimbu pingi dokonya lao, Jisasame pii mendapu lamaiyoo, “Wamba nyakamame endakali napalenge yuu dokonya, aki mende kanja peami? Kembo yokopi mende poome ema-ema piamo kanja peamipi,
23536	MAT 11:8	pande akali mende yonge pee yati pipae epe mendapu pyoo kateamosa, kanja peamipi? Daa, akali yonge pee yati pipae epe pingi dupa, kiŋi dupanya andaka katengema.
23544	MAT 11:16	“Endakali indupa gii dakepa kalyamino dupa, aki mendepa nambame makande pyuape? Nyakama wane kole dupame, kamapusa kambu lapoma pyapala, mumu lao wii laloo pingi dopale. Wane kole dupame dapa lengema: 'Naimame nyakamanya pulupapunya wee pyakamanopa, dokonya danisa laa naeyalamino. Naimame kondo kaeyao ee wee lenge doko lapumanopa, nyakamame ee laa naeyalamino.'
23551	MAT 11:23	Dee nyakama taono Kapename tange dupa, kapa pao kaiti-kisa patama lao masilyamipi? Daa, Goteme nyakama ele panda koo dokonya, watao pyandata. Mirakolo kalai nyakamanya yuu dupanya pio dupa, Sodomo tange dupame kandeamili doko, mona kapilyiaminopa, yuu doko koeyala naeyali.
23561	MAT 12:3	Dokopa Jisasame dokaita lamaiyoo, “Dapitimi piamo doko nyakamame pepanya itaki napiamipi? Dapitipi, akali apata kateamino dupa lopo kaeyami. Lopo kaeyapala Dapitimi Gotenya lotuu andaka kolandatala, betesa Gote opa maitae, pitisa dupame iki napenge siamo dupa nyepala, akali dupa maiyoo nea.
23563	MAT 12:5	Dee Sambata gii dupanya, pitisa dupame lotuu anda andake dokonya, Gotenya enombanya koeyala naeyao, kalai pingimana lao pepa pyapae singi doko, itaki napiamipi?
23569	MAT 12:11	Dopa leaminopa, Jisasame dokaita lamaiyoo, “Sambata gii mendenya, nyakamanya sipisipi mende yulinya mangatamopa, tange pao kopyoo nanyetamipi?
23584	MAT 12:26	Dopaka pyoo, Satane tata doko pyaloo petala, nyakama wakale pitamino doko, baame aipa petala ita minatape?
23585	MAT 12:27	Belesabulu dokome namba pupu lapae dilyamopa, imambu koo dupa watao pingina lelyamino. Dopa lelyamino doko, nyakamanya disaipolo dupa apimi pupu lapae mailyamopa, imambu koo dupa watao pingina lelyamipi? Nyakamanya disaipolo dupameaka, nyakamame kopeta lapimi-lamona latami.
23592	MAT 12:34	Nyakama koo kanopatonya mandipae dupame, aipa petala pii epe mende latamipi? Endakalinya monanya paliu tumbilyamo dokoaka, kambunya pyakalyingi.
23606	MAT 12:48	Dopa leamopa, Jisasame akali dokonya pii yanu pyakamaiyoo, “Nambanya endangi doko apipi? Nambanya kaiminingi dupa apitupape?” lea.
23662	MAT 13:54	Baanya yuu tenge dokonya pupala, endakali dupa nyakamanya lotuu anda dokonya mana lamaiyamopa, walu latala, “Akali dakeme masepae epepi, mirakolo kalaipi, dupa pitaka anja-tae nyiape?
23663	MAT 13:55	Akali dake kapenda dokonya ikiningi daape? Baanya endangi doko Maria daape? Baanya kaiminingi dupa Jemesapi, Josepepi, Saimonepi, Judasapi dutupa daape?
23664	MAT 13:56	Baanya pimalenge dupa pitaka, ae naima-pipa apata napilyamape? Baame pilyamo datupa pitaka, anja mana nyiape?” leami.
23704	MAT 15:2	“Embanya disaipolo dupame mana wambatae naimanya, yumbangeme seteamino dupa, aipuma yalengemape? Dupame nee nalanya dokopa, kingi wasa pingili pyoo napingima-lamo” leami.
23705	MAT 15:3	Dopa leaminopa, Jisasame dupanya pii yanu pyakamaiyoo, “Nyakamame aipuma yumbangenya mana wambatae dupa, watao minama latala, Gotenya mana kyeto setapae dupa yalengemape?
23718	MAT 15:16	Dopa leamopa, Jisasame lao pituu, “Nyakamame apata nongo pyapala, pii tenge doko nanyilyamipi?
23719	MAT 15:17	Kamanda singi mende nengekaita pelyamo doko, inginya soo kamanda epenge, doko nyakamame masala naelyamipi?
23744	MAT 16:3	Yuu yongao pituu, kaiti kate pilyamo kandatala, aiyuu ipata-lamo lengema. Nyakamame kaiti doko kandatala, taita dopa pita-lamo lao lengemaka doko, indupa gii dakepa mana makandepi, aloo pipae epelyamo dupa, nyakamame yapao nakandelyamipi?
23749	MAT 16:8	Dopa leamino doko Jisasame kandatala dokaita lamaiyoo, “Nyakama Gote tungi napingi dupame, aipuma betesa nasilyamo lao nyakamalapo lelyamipi?
23750	MAT 16:9	Nyakamame namba apipi lao masala naelyamiakape? Nambame 5-pela betesa, akali 5 tausene dupanya konjakamaiyo, doko nao kakana siamo dupa, baseketa longo tumbasiamino doko, kame silyamipi?
23751	MAT 16:10	Dee nambame 7-pela betesa, akali 4 tausene dupanya konjakamaiyo doko, nao kakana siamo baseketa longo tumbasiamino, doko kame silyamipi?
23752	MAT 16:11	Nambame betesanya iki lao nalalo doko, nasalamipi? Parasaipi, Sadyusiapi, dupanya yisa dupame koeyasetamina kandao kalyepape” lea.
23767	MAT 16:26	Endakali mendeme namba yakinatala, yuunya oapi dupa pitaka nyoo setao katapala, baa alu pitamo doko, oapi dupame tanga baa aipa petala nisetape? Aki mende Gote maitala, baanya lete etete katenge doko tange sambao nyetape?
23786	MAT 17:17	Dopa leamopa, Jisasame lao pituu, “Indupa endakali palelyamino dupame, koteaka lao pii tanga lao, Gote tungi napilyamino doko, namba oo koto doko, nyakama-pipaka tole katatope? Nyakama nongo pilyamino doko, andukupa tolataminopa lao nambame malisoo kataowape? Wane doko laminao asa ipupa” lea.
23794	MAT 17:25	Dopa leaminopa, Pitame yanu pyao, “Kini maingina” lea. Dopa latala baa andaka pao kolandatala, pii mende latala naeyamopa, Jisasame tipa pyoo, “Saimone, embame aipa lao masili? Yuu dakenya kiŋi dupame nyakamanya ikiningi dupa-kisa takisa nyingimape, pande endakali yuu tenge tange dupa-kisa takisa nyingimape?” lea.
23808	MAT 18:12	Nyakamame aipa lao masilyami? Akali mendenya 100 sipisipi katatamo dokonya, mendai alu pitamopa, baame aipa pitape? Baame 99 sipisipi dutupa, pau manda mendenya katena latala, mendai alu pitamo doko kutala naeyatape?
23835	MAT 19:4	Dopa leaminopa, baame yanu pyao, “Nyakamame pii dake itaki napiamipi? 'Tee piamo dokopa, Goteme enda akalipa lao wasia.
23848	MAT 19:17	Dopa leamopa, Jisasame baa lamaiyoo, “Aipuma embame mana epe dupanya lao namba tipa pilipi? Gote iki baa epe kalyamo. Emba lete etete katenge doko nyotoo lao maseteno doko, Gotenya loo dupa watao minape” lea.
23874	MAT 20:13	Dopa leaminopa, akali ee tange dokome kalai akali dupanya mende lamaiyoo, 'Kaimia, nambame emba minakasala naeyalo. Emba 1 kina nyotoana lapinopa, nalimba pii lao yaki pyaa naeyalambape?
23875	MAT 20:14	Kalai akali maitapyao ipamino dupa, emba yole pilyo dopaka pyoo, dutupa nambanya auu kaengeme yole pyoo. Nambanya muni dokome, mendita mende pitoo lao masotoli pyoo napitupi? Nambame kalai akali maitapyao ipamino dupa, nambanya kondo kaengeme, 1 kina laowaka maiyo dokonya, embame dokaita-pipa tilya nyala naenya, embanya yole doko nyoo puu' lea-pyaa.
23920	MAT 21:25	Joneme kaimbu piamo mana doko, apimi pina leamopa piape? Goteme pina leape, pande akalimi pina leamipi?” lea. Dopa leamopa, dokaitame pii doko sepala, nyakamalapo laloo pyoo, “Naimame 'Joneme kaimbu piamo mana doko, Goteme pina leana' latamano doko, 'Aipuma nyakamame baanya pii doko, kiningina lao masala naelyamipi?' laapome-lumu.
23937	MAT 21:42	Dopa leaminopa, Jisasame dokaita lamaiyoo, “Nyakamame pii pepa pyapae silyamo dake, itaki pyala naeyamipi? 'Kapenda dupame, anda pipenge kana mende kandao, koeyapae-lamo latala yakineamino doko, kana mupa jetelyamo. Kana mupa jetelyamo doko, Kamongome pipya-lamo dokonya, naimame eteteaka auu kaeyao, sani kandelyamano'” lapae silyamo.
23958	MAT 22:17	Dopana, embame aipa lao masili? Gapomane andake Sisa doko, naimame takisa maipengepe, daape?” leami.
23959	MAT 22:18	Dopa leaminopa, Jisasame baa minao koeyasalanya, makande pilyamini-lamo lao kandatala, dokaita lamaiyoo, “Nyakama Gote watao miningi mane-mane pingima dupame, aipuma namba minao makande pilyamipi?
23972	MAT 22:31	Endakali kumapae dupa, dee sakatatamino dokonya, Goteme pii lanya seteamo dake, itaki napiamipi?
23984	MAT 22:43	Dopa leaminopa, Jisasame dupa lamaiyoo, “Oli Spiritame lungu piamopa, Dapitimi dapa lea: 'Goteme nambanya Kamongo Mesaeya doko lamaiyoo, “Emba nambanya kingi tolae-kaita piti. Dokonya pititinopa, nambame embanya yandapipi dupa ita minatakala, embanya moko pundi-pundi katena latona' lao, pyapae silyamo.” Dopa latala Jisasame dokaita tipa pyoo, “Dapitimi Mesaeya doko kandao, baanya Kamongona lea-lumu doko, kaitini andukunya-kaita, Mesaeya doko baanya yumbangena leape? Mesaeya doko baa Dapitinya yumbange iki daa. Baanya Kamongo dokona lao, nyakamame masala naelyamipi?” lea.
24020	MAT 23:33	Nyakama koo kanopatonya mandipae dupa, Goteme ele panda koo dokonya watao pyandatamo doko, aipa petala wanditamipi?
24029	MAT 24:3	Jisasa Olipimanda peteamopa, disaipolo dupa elyakalao ipupala baa tipa pyoo, “Embame laleno dutupa, gii andukupa dopa pitape? Gii etatamo dokopi, emba ipateno gii dokopi, dolaponya kongali aipale mende pitamopa kandatamape? Naima langi” leami.
24114	MAT 25:37	Dopa latamopa, endakali tolatae dupame yanu pyao, 'Akali Andake, naimame andukupa lopo kaeyenopa, emba nee diamape? Andukupa endaki nanu kaeyenopa, emba endaki kamuo diamape?
24115	MAT 25:38	Andukupa opone joo epenopa, emba nyoo setao paleamape? Andukupa yonge pee napyoo katenopa, emba yonge pee diamape?
24116	MAT 25:39	Andukupa yaina siinopa, emba kandao nisiamape? Andukupa anjetae palenopa, emba kanja epeamape?' latami.
24133	MAT 26:10	Dopa leamino doko Jisasame sepala, dokaita lamaiyoo, “Baame namba-kisa kalai epe etete mende pilyamona, aipuma nyakamame enda dakenya mona kenda pisakamailyamipi?
24163	MAT 26:40	Dopa lao loma sepala ipao kandeamopa, disaipolo dutupa luu palyasiamisa, baame Pita lamaiyoo, “Nyakama aipuma namba-pipa, awa mendai iki dokonya kandao isoo nakatalamipi?
24168	MAT 26:45	Loma sepala dee ipao disaipolo dutupa lamaiyoo, “Nyakama mee luaka paliu silyamipi? Namba enge nyipumu akali doko ipatelyamo. Akalinya Ikiningi doko, koo pingi endakali dupa laitaka pyaapomo, gii doko ipatelyamona, mona sakatalapa” lea.
24176	MAT 26:53	Nambame nambanya Takangeme, namba nisina lao wii lalu pipupa, baame enjele 72 tausenepi mende, epena lapyalina lao masala naelepe?
24178	MAT 26:55	Dopa latala, baame endakali kambu doko lamaiyoo, “Nyakamame pake nenge mende, anjala epele lao konja-wuapi, kolyepepi, dupa minao namba anjala epelyamipi? Nambame koteaka lao lotuu anda andake dokonya, endakali dupa mana lamaiyoo kateo dokopa, nyakamame namba anjala naeyami.
24188	MAT 26:65	Dopa leamo sepala, pitisa mupa dupanya aiyomba dokome, baa tangenya yonge pee dupa minao lapyepala, lao pituu, “Baame Gote lamba lao pii lelyamo doko, nyakamame sepelyamino. Aipuma endakali mendapuanya pii deaka nyemanape?
24215	MAT 27:17	Pitisa mupa dupame Jisasa-pipa tilya nyepala, baa anjoo dimini-lamo lao kandatala, Pailateme endakali kambu kateamino dupa tipa pyoo, “Nambame api mokakaowape? Barabasape, pande Jisasa Kraisa lengema dokope?” lea.
24308	MRK 1:24	“Nasarete tange Jisasa, emba Gotenya akali anali latae doko nambame kandengena, embame naima aipa pyaa epepe? Naima minao koeyasalanya epepe?” lea.
24311	MRK 1:27	Peamo kandatala, endakali dupa pitaka etete paka kaeyao walu latala, mende lamai-lamai pyoo, “Dake aipa pilyape? Dake mana waka pupu lapae singi mende-lamo! Baame imambu koo dupame mende pina lelyamopa, lelyali pingima-lamona” leami.
24336	MRK 2:7	“Akali dakeme aipuma Gote lamba lao dopa lelyape? Endakali mendeme koo dupa kunao nepala naenge. Goteme iki koo dupa kunao nepengena” lao masiami.
24337	MRK 2:8	Masiamino dupa Jisasame kandatala dokaita lamaiyoo, “Aipuma nyakamame dopa lao masilyamipi?
24348	MRK 2:19	Jisasame dokaita lamaiyoo, “Akali mendeme enda kelyapala, watapae pyao, baanya tata dupa-pipa apata kalyamo gii dokopa, baanya tata dupame nee nala naenya kaengemape? Daa, enda kelyelyamo akali doko kalyamo dokopa, watapae pyao nee nengema.
24354	MRK 2:25	Dokopa Jisasame dokaita lamaiyoo, “Dapitimi piamo doko nyakamame pepanya itaki napiamipi? Wamba akali Abiata doko pitisa mupa dupanya aiyomba joo kateamopa, Dapitipi, akali apata kateamino dupa lopo kaeyami. Lopo kaeyapala, Dapitimi Gotenya lotuu andaka kolandatala, betesa Gote opa maitae, pitisa dupame iki napenge siamo dupa nyepala, akali dupa maiyoo neana” lea.
24361	MRK 3:4	Dopa latala baame dokaita tipa pyoo, “Sambata gii dokonya kalai koo pipengepe, pande epe pipengepe? Dee endakali pyao kumasepengepe, pande nisepengepe?” lea. Dopa leamopa, dokaita ema napiami.
24380	MRK 3:23	Dopa leaminopa, baame dokaita epena latala, kongali piimi lamaiyoo, “Sataneme Satane tange aipa petala watao pyatape?
24405	MRK 4:13	Deaka Jisasame dokaita lamaiyoo, “Nyakamame kongali pii dake sepala, tenge nyala naelyamino doko, aipa petala kongali pii waka dupanya tenge dupa soo nyetamipi?
24413	MRK 4:21	Dopa latala baame dokaita lamaiyoo, “Endakali mendeme lama kaiyepae nyepala, titopene pengenya koko pyandengepe, pande toko pundi-pundi pyandengepe? Daa, lama kaiyepae doko toko ketae setenge.
24422	MRK 4:30	Jisasame deaka dokaita lamaiyoo, “Naimame Gotenya isingi mate doko aipalena lamape? Dee aki mendepa makande pimape?
24432	MRK 4:40	Dokopa baame dokaita lamaiyoo, “Aipuma nyakama paka kaelyamipi? Nyakamame namba tungi napilyamipi?” lea.
24440	MRK 5:7	Luma lakapeamopa, Jisasame baa lamaiyoo, “Imambu koo, embame akali dake yakinatala puu!” lea. Dopa lateamopa, baame puu lao, “Jisasa, emba Gote Etete Ketae Katenge dokonya Ikiningi. Embame namba aipa pitipi? Embame Gotenya kenge dokonya kyeto joo, namba tanda andake nanditoo lao laa” lea.
24472	MRK 5:39	Dokopa Jisasame andaka kolandatala dokaita lamaiyoo, “Aipuma nyakama yako lao ee lelyamipi? Wanaku doko kumala naeyalamo. Mee luu palelyamona” lea.
24478	MRK 6:2	Pupala Sambata gii doko epeamopa, baame Judamanya lotuu anda dokonya mana lamaiya. Lamaiyamopa, pii siamino endakali longo dupame walu latala lao pituu, “Baanya masepae epe tolatae dokopi, mirakolo kalai pupu lapae pilyamo dokopi, dolapo anja-tae nyiape?
24479	MRK 6:3	Akali dake kapenda kalai pingi doko daa kandamuape? Baa Maria ikiningi, Jemesa, Josepe, Judasa, Saimonepi dutupanya kaiminingi daape? Baanya pimalenge dupa ae naima-pipa apata napilyamape?” leami. Dopa latala dupame Jisasa kandao mona koo palyetala, baa yakineami.
24550	MRK 7:18	Tipa piaminopa, baame dokaita lamaiyoo, “Nyakamame masala naelyamipi? Kamanda singi mende nengekaita pelyamo doko mona andaka napenya, mee inginya soo kamanda ipao penge. Dopa pilyamo dokome, baa minao koeyasala naengena” lea. (Dopa leamo dokome, Jisasame nee dupa pitaka napengena lea.)
24581	MRK 8:12	Dopa leaminopa, Jisasame mona ŋee yale pyoo latala, “Aipuma endakali indupa palelyamino dupame mirakolo mende pii lelyamipi? Nambame nyakama kiningi langilyo: Mirakolo mende nyakama kanjepale lao napitoana” lea.
24586	MRK 8:17	Dopa leamino doko Jisasame kandatala dokaita lamaiyoo, “Nyakamame aipuma betesa nasilyamo lao mende lamai-lamai pilyamipi? Nyakama nongo pyapala, namba kandao apipi lao masala naelyamipi?
24587	MRK 8:18	Nyakama lenge tenge-lamo doko, angi kanja naelyamipi? Nyakama kale katenge-lamo doko, angi nasilyamipi? Nambame kalai pilyo dupa nyakamame kame silyamipi?
24605	MRK 8:36	Endakali mendeme namba yakinatala, yuunya oapi dupa pitaka nyoo setao katapala, baa alu pitamo doko, oapi dupame tanga baa aipa petala nisetape?
24606	MRK 8:37	Dee aki mende Gote maitala, baa tange kapa pao pyoo nyetape?
24619	MRK 9:12	Baame yanu pyao, “Dupa pitaka depa lasalanya, Ilaija wambao ipupenge. Dopa latae singi-tamo doko, tenge aipuma Akalinya Ikiningi doko maka kaeyapala, tanda longo maitamina lao pepa pyapae silyape?