23231 | MAT 1:18 | Yesu Geleso ägüla maasolo amo gala, gomalä hamoi. Ïe eme Meli Yosebegali olei sulo. Yosebea, aso, made neala sebegi, Godeïe Gesami Hedabifalïa malö dubo ï amo, ili sefolalo amolia beagolei. |
23240 | MAT 2:2 | Beselagalalahilä, ilia sähalea, Yu udia dolöïe beaha aligilo gini namolö malö dubo neegela ägüi amoda, abidi dialea. Ïe gasumilï eso maasido neebe amo bealahilä, nilïa ïe ëi gauia adamolö mofiaimelëla säi. |
23264 | MAT 3:3 | Godea bea sälo Aisaeama aligila Yoneïe dafidi bea säla negesalea sähalea, Sege nafade udia dolö aligisia made ami nea, afädëa wesalea sähalea, Dafidilo Geloi misiäia idi daiala hamogilasimalo. Ïe idida mogola fodolasimalola säha neamelëla säla dëdëla negei dialea. |
23392 | MAT 7:7 | Yesuea ado aso, sähamu neamu sähalea, Ïmola sämalo. Ïmoseda, diligali ïmolömelë. Hogosa namialo. Hogosa aligiseda, dilia beagolemolömelë. Idi gai dugimola säha namialo. Idi gai dugimola säha aligiseda, di digamäia idi gai doga negesimolömelë. |
23420 | MAT 8:6 | Dafidiloo, nïe hamoi hamolasilo e nïe mosöa oloi dialea. Ïe naabo emo baagola së edefademalä sëlahilä, fologomolö ulï dialeamelëla säla ï. |
23538 | MAT 11:10 | Ïe helësëla, gomalä dëdëla negei dialea. Nïe ado säla ïlo amo, dïe dafidila, mosalamolömelë. Di e baagia emosala nawemolöïe, ea dïe idi fodolasimolömelëla säla dëdëla negei dialea. |
23579 | MAT 12:21 | Ïe ëi helësëlahilä, udia dolö fii elö elöla nefolalebe amolia sisiläfüla beaha nefolamolömelëla säla dëdëla negei dialea. |
23771 | MAT 17:2 | Ami nefolalea beahaleamelebe, ilile sidaia Yesuïe domalo bedefala hïdo elöi neebe melï. Ïe odagi eso si gadoi neela, ïe fagulo gäi amoge falela yo digai hïdo elöi neebe melï. |
23954 | MAT 22:13 | Ado säla made obëgësebegi, beaha aligilo gini amea ïe hamoi hamolasilo amolima sähalea, Ïe naabo emole helegela nafodolahilä, gasimi sagai dibea ami sadia idogomo. Amida, ili dïisalea bese ali nalëgësa namolömelëla säi. |
23961 | MAT 22:20 | Ïasebegi, ea ilima nabahalea, Muni giwi egowegi dolö busa dibe gowege, ëi dëdëi dibe gowege, nowëïe gabula nabi. |
24072 | MAT 24:46 | Ïe dafidiloea maala beahalea, hamoi hamolasilo amea hamoi amo gadola wäla hamosa neë beaseda, hamoi hamolasilo amo obeägïlomelë. |
24147 | MAT 26:24 | Ïe säla dëdëla negei dibe amo gadola, Dolöïe Malöda baagomolö. Gaso, Dolöïe Malö e hololöla odoaïe naabogi gausise dolö amoda, asigii gabumelë. E emea made neegela ägüi galebeda, e hedabi aligilabiomelëla säi. |
24158 | MAT 26:35 | Amasebegi, Fidaea ema sähalea, Neda dibalä gaalu baagomolö galëge, ameada na di dawa madela dofä made sämolömelëla säi. Ïe bëgëla aulo amoli sulubadelaeage amalamu säla didigai. |
24223 | MAT 27:25 | Amala säsebegi, udia dolö amoli sulubadelaea säla obëgësalea, Ïe healeda nilïmage, nilïle malömage diamiäiala säi. |
24277 | MAT 28:13 | sähalea, Dilia gomalä sämalo. Ïe bëgëla aulo amolia gasigi maalahilä, nilï adidi dibegi, ïe domalo amo fa niimelëla sämalo. |
24287 | MRK 1:3 | Sege nafade udia dolö aligisia made ami nea afädëa wesalea sähalea, Dafidilo Geloi misiäia idi daiala hamogimalo. Ïe idi amoda mogola fodolasimalola säha neamelëla säi amo dëdëla negei dialea. |
24386 | MRK 3:29 | Afädëa Godeïe Gesami gagadeseda, hëla fisimolö made. Ïe nafade hamoi amoda walioge hobealage hïbalä diamolöi diamolömelëla säla ï. |
24424 | MRK 4:32 | Ilia sagalahilä neëgida fedala edefademaläde aligilahilä dägöala hawa hëhela odoa sagai dibe amo baagila awäla bäulo neamelë. Ïe adomo edefade bafui amogi haea mafula bäu augi hawa ami mosö olelomelëla säi. |
24426 | MRK 4:34 | Ea mala sähalea ado besulamu säla olelesa nelo. Ïe bëgëla aulo nelo amoli hilidomu neada ea ado besula säla ïaha nelo amoïe mi sulubadela säla ïaha maadei. |
24479 | MRK 6:3 | Eda mosö olelo dolö, Meliïe malö nea madele. Eda Yemese Yosese Yudasa Saimonola ilile edoo madele. Ïe elefila ilida nilïbalä salea madele. Ilia amala sälahilä ema bimolö habobaha nelo. |
24495 | MRK 6:19 | Ïe udia Helodiasaea Yonema habobalahilä e baagomäia abilia nufulödula helësësa sulo. Amai gaso, nufulö fu made melï. |
24504 | MRK 6:28 | falodaia negela gaula obëgëlahilä dolïsä amoma ï. Ïasebegi, dolïsä amea emema ï. |
24523 | MRK 6:47 | Ïe bëgëla aulo amolimu ödä dudaia fila asi oeabo mogogi gasise amo gaalu, Yesu e hïdo segea ami nelo. |
24573 | MRK 8:4 | Ïe bëgëla aulo amolia ema nabahalea, Nilï sege nafadeia neebewe, udia dolö wi nefolalebe weli muäia, molö abidi nimolödula nabi. |
24583 | MRK 8:14 | Ïe bëgëla aulo amolia beledi elabolahilä, afädëmu ägüla ödä dudaia fila asi. |
24610 | MRK 9:3 | Ïe fagulo gäi amoge yo digalahilä faleifalï, sege fifii asi dibe amea fagulo falei amo gadoi hamomolöi made, neebe melï. |
26205 | JHN 3:16 | Godea udia dolö sege sulubadelagi nefolalebe amoli boba hamolahilä, ïe malö afädëfalï nelo amo ï. Ïe malöma asigi afädë negei nefolalebe amoli, made baagola namolöi namolö amo neala gaumäiaïe ïmelë. |
26249 | JHN 4:24 | Gode hï eda gesami nea. Ïe ëi gauia adalo amolia ilile gesamia Naadoïe ëi dofä gauia adamolö dialeamelëla säi. |
26368 | JHN 6:42 | Ilia sähalea, Goweda Yosebeïe malö Yesu madele. Ïe eme eedoleda nilïa dawadigi amo. Oböla, ea sähalea, Selesaiala digaila säi amoda abeahäladula säla didiäha difolalo. |
26402 | JHN 7:5 | Ïe edoola iliage ema asigi afädë made negesalea, amala säha nelo. |
26435 | JHN 7:38 | Nema asigi afädë negei neebe amolia bebagi säla dëdëla negei dibe amo gadola hamomolömelë. Ado säla dëdëla negei dibe amea sähalea, Ïe isogila namolöïe ödä amo bugagila awäha namolömelëla säla dëdëla negei dialeala säi |
26470 | JHN 8:20 | Yesuea ado amo säha nelo amoda, Godeïe mosöamadi Godegali muni odala ïlo hogoli ga madela ami nea, amala säha nelo. Ïe segeyo aso, amo gala made amea, afädëa e made gaui. |
26554 | JHN 10:4 | Ea hïle sugua sibi sulubadela segea sigi awälahilä, ilia e bëgëla misiäia, hï e dafidila aulomelë. Ïe sugua sibia ïe ado nabelo amea, e awäse amo gadola bëgëla aulo nea. |
26709 | JHN 13:10 | Amala säsebegi, Yesuea ema säla obëgësalea, Dolö afädë nigime hësa maadei neebe amoda, emomu hëmolö dialea. Ïe domalo sulubadela nigime made baai nea. Dilida hä, nigime made baai neamelë. Amai gaso, na dili sulubadela sähalea säha mademelëla säi. |
26961 | JHN 20:25 | Hobeala, bëgëla aulo odoa amolia ema sähalea, Nilïa Dafidilo Geloi melïmelëla säla ï. Amala säla ïasebegi, Domasaea ilima sähalea, Ïe naabogi milï gäwi amo made bealage, nïe naabo sögöea ïe milï gäwi bu amogi made digalage, amase, ïe afawa gäwi bu amogi nïe naaboea made digalage, nada dofä gabula made helësëmolömelëla säi. |
27012 | ACT 1:20 | Fidaea sähalea, Sama bebagi ado afädë säla negei amo gowe. Ïe mosö nalämäia. Mosö amogi afädë made midiäiala säla dëdëla negei dialea. Amase, ado elö säla negei dibe amo gowe. Hamoi ea hamolo negei amo elöea hamola bedefamäiala säla dëdëla negei dialea. |
27049 | ACT 2:31 | Godea Afädë Memelei amo baagolahilä nowela ifosimolö amoïe Debidia bea sähalea, Ïe gesami uguli mosöa dïgïla made moholö, ïe domalo bauia ami sïgämolö madela bea säla negei. |
27080 | ACT 3:15 | Udia dolögali Namolö Gaumäia Ïlo amoda baagomäia nufimelë. Amo baagolahilä Godea bauia amila neala nowela ifosi neebe amo alïa siia melïmelë. |
27088 | ACT 3:23 | Ïe ado nabalahilä made hamose dolö amolida Isilale udia dolö amolibalä made namiäia nufudala baagomolömelëla Mosesea säi. |
27127 | ACT 4:36 | Amo gadola dolö afädë nelo amoïe ëida Yosebe. Ïe ëi elö abosolo dolö amolia negeida Banabasa. (Banabasa amoda ado gowe gadoi. Iso asigi neala gelolasilo dolöla säla ëi negei.) Banabasada Ilibai sosogo nelo. Eda ödä södölogi Saibulusi fii. |
27130 | ACT 5:2 | Muni bidi nii amo Ananaiasaea mogela odoa hïle negesi. Ïe udiaeage amo dawadigi sulo. Amalahilä Ananaiasaea muni odoa amo gaula awäla abosolo dolö amolima ï. |
27131 | ACT 5:3 | Ïasebegi Fidaea Ananaiasama sähalea, Dia Godeïe Gesamima wäfalï sämolöïe mugabe Saidani dïe isogi nobamäia fu ïgo edoïe. Dia dïe segeïe bidi nii muni amogi odoa dihïle negei gabu. |
27162 | ACT 5:34 | Amala helësësa dibegi, Galïsolö dolö sefolalebea amoligi afädë nowei. Eda Felesi dolö, eada Ado säla negei dibe amo olelelo. Ïe ëi Gamaliele. Udia dolö nefolalo sulubadelaeada ëi sälo neala sälo nelo. Amea sähalea, Dolö go ili oodola segea namolö mosalamola säi. |
27189 | ACT 7:4 | Amala säi amo nabalahilä, e Galadia sege dïgïla Halana namolö asi. Ïe eedo baagolahilä, sege walio dili neebea ami namiäia e Godea namolö mosalola säi. |
27329 | ACT 10:1 | Sisalia gaamugi ami dolö afädë nelo. Ïe ëida Gonilïasa. Eada ami dolö hädali afädë sigi aligilo nelo. Hädali afädë amoda hädali gafeia amoligi, hädali gafeia amolile ëida Idali Ami Dolöla sälo. |
27330 | ACT 10:2 | Gonilïasa eada Godea hamei dibe amomu hamolo nea, Godebalä bedäla nagadaiala aligilo. Ïe mosöa nefolalo amoli sulubadelaeage amalo. Eada busadäoi neebe amoli ugila negela muni nelegeige ïaha aligilo nea, segeyo sulubadelagi Godema adolasisa aligilo nelo. |
27334 | ACT 10:6 | Dolö amoda edaio Saimonoïe mosöa söfë misi saleamelë. Saimono ameada sugua gao gafodo nealahilä, amea nelebo odoa hamomolöïe daiaha aligilo. Ïe mosöda duhulu agesugi neamelëla säi. |
27360 | ACT 10:32 | Dolö afädë Saimono, ïe ëi elöda Fida, e Yoba gaamugi neamelë. Dolö odoama bea mosalamalo. Dolö amoda edaio Saimonoïe mosöa söfë misi saleamelë. Saimono ameada sugua gao gafodo nealahilä, amea nelebo odoa hamomolöïe daiaha aligilo. Ïe mosöda duhulu agesugi neamelëla säi. |
27460 | ACT 13:29 | Ïe helësëla dëdëla negei dibe amo sulubadela gausiaha maadesebegi, ilia idaiala gaula digalahilä igi äbägi bausi. |
27532 | ACT 15:21 | Mida, siibafalï Mosese nebegi mala säla negei dibe amoda gaamu sulubadelagi dolö odoaea säla ïahamu aligilo. Ïe ado mala amoda gedolo mosö difolalebea ami segeyo Sabada gafe sulubadelagi nidesamu aligilomelëla Yemesea säi. |
27553 | ACT 16:1 | Folo e awähamu nelolahilä, Debige Ilisidalage awäla beselagalai. Ami bëgëla aulo afädë ëi Dimodi nelo. Ïe emeda Yu fii udia gaso, ïe eedoda Giligi dolö nelo. Emeda asigi afädë negei sulo. |
27633 | ACT 18:7 | Amala sälahilä, amila ili dïgïla Folo e dolö afädë ëi Didiasa Yasadasa amea mosöa asi. Ïe mosöda gedolo mosö gägägëlafalï nelo. Dolö ameada Godeïe ëi gauia adalo nelo. |
27651 | ACT 18:25 | Dafidi Dafidilo Geloiïe Idigi aulo mala ema olelei. Ïe iso asigigi sämo sämosa nebegi, ea Yesuïe mala amo udia dolöma hedabola olelesa nelo. Abolosi eada Yonea ödägi gelo mala olelei amomu dawadigi nelo. |
27666 | ACT 19:12 | Ïe filïmo dogelo faguloge bululo faguloge hïle domalogi diigilo amo gaula oloi difolalebea ami awäsebegi, oloi damuladigi, mugabe doadigila awäladigisa nelo. |
27741 | ACT 21:9 | Ïe idiwilali biyidia sulo amoli dolö made fila awäla salea, Godeïe bea sälo sulo. |
27777 | ACT 22:5 | Gobela ïlo Busa Edefade neebe ameage galïsolö dolö nefolalebe sulubadelaeage, ilia na dofä säsebewe dilima säla ïlo amo. Ilia ilile edoo Damasaga nefolalebe amolima beba dëdëla, na gaula mosäia ïasisio. Ïasisebegi Idi bëgëla aulo ami nefolalo amoli gaulahilä së ïmäia Yalusaleme sigi obëgëmolöïe nea asimelë. |
27804 | ACT 23:2 | Amala säsebegi, gobela ïlo Busa Edefade Ananaiasaea dolö odoa Folo ga made nefolalo amolima sähalea, Ïe nafigi nufuöla säi. |
29810 | 1TI 3:12 | Digono dolö udia afädë goaea namolö dialea. Ïe malöge, ïe mosöa aligiloge hedabola sigi aligimolö dialea. |
29814 | 1TI 3:16 | Godeïe ado mi dafidi ulufadigila made, negesi dilo. Amoda geloi edefade gelola dibe amo afädëa iso gäwi made gabula sämolöi mademelë. Eda dolö domalola ulufala digai. Godeïe Gesamia e mogoifalï neamelëla olei. Selesaia fiia e melï. Ïe ado mala fii odoama säla ï. Udia dolö sege elö elölagi nefolalo amolia ema asigi afädë negei. E selesaia mosöa yo digalo dibea ami fedalasimelë. |
29871 | 1TI 6:16 | Gode hï emuda made baagolo nea. Eda yo digalo edefade dibea ami nea. Afädëa yo digalo dibea ami ga madela aligimolöi mademelë. Afädëa e siia melï made nelo amo, siia bimolöi made nea. Ïe ëi gauia adamolöige, e geloi neamu neala sämolöige, Gode hïlemu dialea. Amala hamomäiamelë. |
29955 | 2TI 4:18 | Dafidilo Geloia nafade sulubadela dibea amila ne nea neahamu nelolahilä, selesaia mosöa hï Beaha Maadela Sigi Neebea ami ne sigi moholömelë. Ïe ëi gauia adamolö amoda diamolöi diamiäia helësësa neawe. Amala hamomäiamelë. |
30627 | 1JN 2:10 | Afädëa ïe edooma boba hamosa neebe amoda yo digalomadi nea. Ïe isogi yo digalo neebe ameada nelebo afädëa e digalasimolöi mademelë. |
30701 | 1JN 5:10 | Amala säla ï amo, afädëa Godeïe malöma asigi afädë negei neebe amoïe isogi ïe malöea hamoi Eedoea säsisa neebe amo neala gaula nea. Amai gaso, elöea Godema asigi afädë made negei nea, Gode eda wäfalï sälo neala helësëlo nea. Mida gowe. Ïe malöea hamoi säla ï amo dofä gabula asigi afädë made negei amea. |
30702 | 1JN 5:11 | Amaimo, ado säla ï amoda gowe. Godea nilïgali namolöi namolö ï. Ïe malömadila namolöi namolö amo ï. |