13950	PSA 2:1	Wara bih kaik ira kantri diet gi tut na kamahar? Hohe bia ira matanaiabar diet te harpingit? Diet pai haruat ma tiga linge.
13973	PSA 4:3	Na haruat hunanges ing muat ira matanaiabar muat na tange haliare no bilai na hinsagu? Na haruat hunanges ing muat na kalak ira linge bia, ma muat na silsilihe ira ina bis?
13977	PSA 4:7	Haleng diet tirtiri bia, “Sige i tale bia na hamines ta bilbilai ta dahat?” Waak tar no murarang tano num matmataan na bulo sare het, Watong.
13996	PSA 6:4	No nugu nilon i mon tamat na ngunngutaan. Na haruat um hunanges, Watong, na haruat um hunanges?
13998	PSA 6:6	Taie tikai pa na lik leh ugu ing bia i te maat. Sige tiga nong i la pirpirlat ugu mekaia tano midi?
14026	PSA 8:5	asa tunat ira tunotuno kaik u lilik uta mehet? A linge bia mon mehet. Wara bih u balaure mehet ira tunotuno?
14053	PSA 10:1	Watong, wara biha gu tur tapaka sakit? Wara biha gu suhe ugu ta ira sakana pakana bung?
14065	PSA 10:13	Wara biha ira ut na sakena diet gi tange hagahe God? Wara biha gi tange tana iaat, “Pana le tataau iau bia ni tur ra harkurai”?
14073	PSA 11:3	Bia ing kana di halhaliare ira burena ira bilbilai, asa mah um ing ira ut na takodas diet tale bia diet na gil?
14088	PSA 13:2	Nu luban hatikane um iau? Hunanges nu lik leh iau, nora Watong? Na haruat hunanges ing nu suhe no matmataan taam talur iau?
14089	PSA 13:3	Na haruat hunanges bia iau ni haruburubu ma no nugu lilik, ma ta ira kaba bungbung no kaatigu na tapunuk? Na haruat hunanges ira nugu ebar diet na petlaar iau?
14096	PSA 14:4	Hohe, pai tale bia ira ut na gil nironga diet na nunure tiga linge? Diet ing diet harsirikane ira nugu matanaiabar hoing tikai i ien beret, ma diet pai la sasaring tupas no Watong.
14100	PSA 15:1	Nora Watong, sige i tale bia na kis narako tano num halhaliana subaan? Sige i tale bia na lon aram tano num halhaliana uladih?
14162	PSA 18:32	Kanong warah, no Watong sen mon aie no God. Taie tiga mes. Ma sige mah um no Haatkis? Taie tiga mes. No udahat God sen mon.
14194	PSA 19:13	Sige i tale be na nes kilam leh ira uno nironga? Nu lik luban ira nugu saksakena ing i kis susuhai taar.
14222	PSA 22:2	Nugu God, nugu God, wara biha u te malok se iau? Wara biha u manga tapaka wara halhalon iau? U manga tapaka mah wara tartaram ira nugu sunuah na ngunngutaan?
14261	PSA 24:3	Sige na kawas no uladih tano Watong? Ma si mah na tur narako tano uno halhaliana subaan?
14266	PSA 24:8	Sige iakan ra King nong i tamat no minarine? No Watong nong a dadasinei ma ana tamat na baso, no Watong nong ana mon tamat na dadas wara hinarubu.
14268	PSA 24:10	Ma sige ie, iakano King nong i tamat no minarine? No Watong Nong i Dadas Harsakit. Aie no King nong i tamat no minarine.
14280	PSA 25:12	Sige um no tunotuno nong i burte no Watong? No Watong na tuko hamines no ngaas gate gilamis tar ie wara uta iakano tunotuno.
14303	PSA 27:1	No Watong aie no nugu lulungo ma no nugu harhalon. Iau ni burte sige? No Watong aie no nugu dadas na sibaan na barbarahit. Iau ni ramramin um ta sige?
14346	PSA 30:10	“Asa naga taam ing bia ni hiruo na minaat, bia ni hansur tano lulur? I haruat be kaabus na pirlat ugu? No kaabus na hinawas palai bia u la gilgil haruat ma ira num nianga?
14420	PSA 34:13	Sige tikai ta muat i kalak ra nilon ma i sip bia na nes halengin bilai na bung?
14440	PSA 35:10	No nugu kidilona nilon na tange, “Watong, sige i haruat ma ugu? U la harharahut leh ira maris sukun diet ing diet manga dadas. U la kapkap pukus ira maris ma ira malahahin sukun diet ira ut na kikinau.”
14447	PSA 35:17	Watong, na haruat hunanges ing nu ngok taar? Halangalanga iau sukun ira udiet halhaliarai. Harahut no nugu nilon sukun at kaiken ra laion.
14542	PSA 39:8	“Iesen kaiken um, Watong, asa kaik iau nanaas ine? Iau kis nanaho taam.
14572	PSA 41:6	Ira nugu ebar diet tange hagahe iau hoken: “Na maat hunanges, ma hunanges mah no hinsana na pataam hatika?”
14583	PSA 42:3	Iau maruk pane God, pane no lilona God. Hunanges um iau ni haan ma ni harso mane God?
14584	PSA 42:4	Ira polo na matagu i ngan bia agu nian ra kasakes ma ra bung, ma kana ira tunotuno diet tangtange tagu tano kudulena bung, “Ie he um no num God?”
14586	PSA 42:6	Iau haianga habaling iau, “Wara bih no balagu i hung ma ra tapunuk? Wara bih no nugu lilik pai sangeh? Kis nanahai ta God, kanong iau ni pirlat at baak ie, no nugu Ut na Harhalon ma no
14590	PSA 42:10	Iau tange ta God no nugu Haatkis, “Warah u gom luban iau? Warah kaik iau nigi tur na sunuah ta ira ngunngutaan diet ing diet malok tagu diet ga ubal iau me?”
14591	PSA 42:11	Ira surugu i kilingane ra tamat na ngunngutaan saakit ing diet ing diet malentakuane iau, diet tangtange haliare iau. Diet tangtange tagu tano kudulena bung bakut bia, “Ie he um no num God?
14592	PSA 42:12	Iau haianga habaling iau, “Wara bih no balagu i hung ma ra tapunuk? Wara bih no nugu lilik pai sangeh? Kis nanahai ta God, kanong iau ni pirlat at baak ie, no nugu Ut na Harhalon ma no nugu God.”
14594	PSA 43:2	God, augu no nugu dadas na subaan na barbarahit. Wara bih gu malok se iau? Wara bih tunat iau ni tur ra sunuah, kaik diet ing diet malentakuane iau, diet haliare iau?
14597	PSA 43:5	Iau haianga habaling iau, “Wara bih no balagu i hung ma ra tapunuk? Wara bih no nugu lilik pai sangeh? Kis nanahai ta God tano uno bilai na harharahut, kanong iau ni pirlat at baak ie, no nugu Ut na Harhalon ma no nugu God.”
14621	PSA 44:24	Watong, tangahun! Wara bih u kubaba? Nu pada! Waak bia u malentakuane hatikane het.
14622	PSA 44:25	Wara biha u mun ta mehet, ma u luban ira nuhet tamat na tapunuk ma ira nuhet ngunngutaan?
14716	PSA 50:16	Iesen ta ira ut na sakena, God i tange, “Wara biha nu tange mur ira nugu harkurai ma nu tange mah bia nu gil haruatne no nugu kunubus?
14747	PSA 52:3	Warah gu latlaat ta ira sakena, augu no tamat na lualua? Warah gu latlaat tano kidilona bung bakut, augu nong a linge na hirhir ugu tano matmataan ta God?
14760	PSA 53:5	Hohe, pai tale bia ira ut na gil nironga diet na nunure tiga linge? Diet ing diet harsirikane ira nugu matanaiabar hoing tikai i ien beret, ma diet pai la sasaring uram ho God.
14800	PSA 56:5	God nong no uno nianga iau pirlat ie, ta iakano God iau nurnur. Iau pa ni burburut. Asa kaik ira tunotuno mon diet tale bia diet na gil tagu?
14807	PSA 56:12	io, ta iakano God iau nurnur. Iau pa ni burburut. Asa kaik ira tunotuno mon diet tale bia diet na gil tagu?
14823	PSA 58:2	Muat ira lualua, muat lik bia i takodas ira numuat nianga? Ira numuat harkurai i takodas nalamin ta ira tunotuno?
14841	PSA 59:8	Nes asa diet maruane se ta ira ha diet. A mon sakana nianga ta ira palabulu diet ho ira wise na hinarubu, ma diet tange bia, “Sige tikai i tale bia na hadade dahat?”
14862	PSA 60:11	Sige na lamus halaka tar iau tano pise na hala nong i manga naliu ira uno lar? Sige na lua tagu ukaia Edom?
14878	PSA 62:4	Na haruat hunanges ma kana u iangianga huli tikai? I tale bia muat bakut muat na se hasur ie napu? Aie hoing tiga balo i ioh taar, ma hoing tiga wer pai dadas.
14905	PSA 64:6	Diet haragat harbasiane diet ta ira udiet lilik wara gil sakena. Diet iangianga wara suhsuhe ira udiet kuun, ma diet tange bia, “Sige i tale bia na nes leh kaike ra kuun?”
14969	PSA 68:17	Muat ira tamat na uladih me Basan, wara bih muat nes haliare ma ra sakana bala no uladih nong God ga gilamis leh ie bia na lon tana? A tutun, no Watong at na kis kaia hatikai.
15100	PSA 73:25	Sige mah um ing a nugu ie aram ra mawe? Augu sen mon. Ma taie tiga linge kai tano pise iau masingan pane. Taie. Augu sen mon.
15104	PSA 74:1	God, wara bih u te malok se hatikane tar um het? Wara bih no balaam i mis taar ta ira num sipsip narako tano num longlong?
15113	PSA 74:10	God, na haruat hunanges bia ira ebar diet na kukutur taam? Ma ira am suk diet na tange haliare hatikane um no hinsaam?
15114	PSA 74:11	Wara biha gu ras pukus leh no kata na limaam? Palas leh ie mekaia ta ira kiniasim ma haliare diet.
15158	PSA 77:8	“Hohe, no Watong na malok se hatikane iau? Pa na hamines ta bilbilai baling at um?
15159	PSA 77:9	Hohe, no uno harmarsai nong pana le pataam i te takumut? Ma pana le pakile haruatne habaling at um ira uno kunubus?
15160	PSA 77:10	Hohe, God i te lik luban se no uno harmarsai? Ma tano uno ngalngaluan, na rahi pukus no uno marmaris?”
15164	PSA 77:14	God, ira num tintalen i halhaal. Sige tiga god a tamat ie hoing no udahat God?
15190	PSA 78:19	Diet ga ngurungur taar ta God, diet gaam tange, “I tale bia God na bul hawaat ta nian kai ra hanuo bia?
15191	PSA 78:20	Ing ga lawat no haat, no taah ga raronga suur, hoing ira laman taah di hasapang. Iesen i tale bia na tabar mah dahat ma ra nian? I tale bia na tar ginama mah ta ira uno matanaiabar?”
15248	PSA 79:5	Watong, na haruat um hunanges? U lik bia nu be ngalngaluan hatika taar at um? Na haruat hunanges no num bala mamahien nong i iaiaan hoing ra iaah?
15253	PSA 79:10	Wara bih bia ira hunhuntunaan ta ira mes na hanuo diet na tange, “Ie he no udiet God?” Mehet sip bia het na nes ing nu balu kaike ira kantri uta ira de diet ira num tultulai ing ga saal.
15261	PSA 80:5	Watong, augu no God Nong i Dadas Harsakit, na haruat hunanges no num bala mamahien taar ta ira sinasaring ta ira num matanaiabar?
15269	PSA 80:13	Warah u dure hasur no wer nong i la long bat tar ie, kaik diet ing diet hanahaan saakit ta iakano ra ngaas, diet gi dik ira hunena?
15295	PSA 82:2	Ma i tange, “Na haruat hunanges ing muat na hok diet ing diet pai gil ira takodasuana magingin, ma haruat um hunanges bia muat na tur taar tano palpal ta ira ut na sakena?
15339	PSA 85:6	U lik tar bia nu ngalngaluan hatika taar ma mehet? U lik bia nu halawaas mah no am kamahar taar ta ira bulumur?
15382	PSA 88:11	Hohe, u la hamines ira num tamat na melmel na gingilaan na kinarup ta ira minaat? Taie. Diet ing diet te maat, diet na tut hut baal ma diet naga pirlat ugu? Taie.
15383	PSA 88:12	I tutun bia di hinawas palai utano num harmarsai narakoman ta ira midi, bia di hinawas palai utano num tutun na magingin tano subaan na harhagawai? Taie.
15384	PSA 88:13	Diet nunure tar mah ira num tamat na melmel na gingilaan na kinarup tano subaan na kankado? Taie. Ma diet ing diet kis tano taman nong diet pai tale wara liklik leh tiga linge, diet nunure ira num takodasiana magingin? Taie.
15386	PSA 88:15	Watong, wara bih bia u malok se iau ma u suhe no matmataan taam tagu?
15397	PSA 89:7	Kanong sige tikai aram ra mawe da hapupuo tikanei ma no Watong? Sige tikai nalamin ta ira angelo bakut ing i haruat hoing no Watong?
15399	PSA 89:9	Watong, augu no God Nong i Dadas Harsakit, sige nong i haruat ma ugu? U manga dadas, Watong, ma u la hatutun ira linge bakut ing u tange.
15437	PSA 89:47	Watong, na haruat hunanges? Nu suhe hatikane no num matmataan? Na haruat hunanges ing no num ngalngaluan na iaan hoing ra iaah?
15439	PSA 89:49	A tunotuno sa nong na lon ma pa na nes no minaat? I tale be na pas no dadas tano midi? Taie.
15440	PSA 89:50	Watong, u la hatutun ing u tange, io kaik, ahe ira luena gingilaan i hamines no num harmarsai nong u ga kubus taar ta Devit?
15454	PSA 90:11	Sige tikai i nunure no dadas tano num ngalngaluan? No num nginangar i tamat saakit. I haruat hoing i takodas bia da ru ugu.
15456	PSA 90:13	Watong, waak um u manga ngalngaluan! Nu sal halawaas ie haruat hunanges? Nu hamines ra marmaris ta ira num tultulai.
15500	PSA 94:3	Na haruat um hunanges no kanakana audiet ira ut na sakena? Watong, na haruat um hunanges?
15505	PSA 94:8	Muat ira ngulo nalamin ta ira matanaiabar, muat hadoda timaan. Muat ira ba, hunanges um muat na mintot?
15506	PSA 94:9	U lik bia nong ga bul ira talingaam, pai la hadoda? U lik bia nong ga pakile ira mataam, pai la nanaas?
15507	PSA 94:10	U lik bia iakanong i la hapanpador ira kantri, pa na hapidanau ugu? U lik bia iakanong i la hausur tunotuno, pai minonas?
15513	PSA 94:16	Sige na tur laah utagu wara hinarubu ma ira ut na sakena? Sige na tur tano nugu subaan wara hinarubu ma ira ut na gil nironga?
15517	PSA 94:20	Hohe, I tale bia tiga ut na gil harkurai na tur tika ma ugu ing bia i kure hagahe bia mon ira tunotuno, ma i kap hawaat ra tapunuk ta diet ma ira uno harkurai?
15581	PSA 101:2	Iau ni harbalaurai timaan wara murmur tiga mangana lon bia taie tikai pa na tale bia na tung soot iau tana. Hunanges nu haan tupas iau? Iau ni mur a mangana lon aram tano nugu hala mah bia taie tikai pa na tale bia na tung soot iau tana.
15720	PSA 106:2	Sige i tale bia na hinawas ta ira dadas na pinapalim tano Watong, bia i tale bia na tar ira pirharlat bakut ing i takodas bia da pirlat ie me?
15820	PSA 108:11	Sige na lamus halaka tar iau tano pise na hala nong i manga naliu ira uno lar? Sige na lua tagu ukaia Edom?
15895	PSA 114:5	Dardarana Tes, warah bih gu hilau laah? Taah Ioridaan, u saal tapukus warah mah?
15896	PSA 114:6	Muat ira tamat na uladih, warah bih muat karkaruas ho ira tumatena sipsip, ma muat ira nat na uladih, ho ira nat na sipsip?
15900	PSA 115:2	Wara biha bia ira hunhuntunaan ta ira mes na hanuo diet tange bia, “Ie he no udiet God?”
15928	PSA 116:12	Iau ni balu no Watong uta ira uno bilbilai ukai ho iau hohe?
15943	PSA 118:6	No Watong ie ken tika ma iau. Iau pa ni burut. Asa ing i tale bia ira tunotuno diet na gil tagu?
15975	PSA 119:9	Tiga marawaan na tale bia na balaure ira uno tintalen hohe, kaik no uno nilon naga takodas? Na tahut bia na lon murmur ira num nianga.
16048	PSA 119:82	Ira matagu i te manga tirih wara ninaas bia nu gil haruatne ira num nianga na kunubus. Iau tange hoken, “Hunanges um nu habaraam iau?”
16050	PSA 119:84	Iau, no num tultulai, iau ni kis nanaho haruat hunanges? Hunanges kaik nu bul no num ula harkurai wara hapidanau diet ing diet helar tagu?
16145	PSA 120:3	No Watong na gil ra sa ta muat ira ut na harabota? A tamat na harpidanau sa bia na ubal muat mei?
16150	PSA 121:1	Iau nanaas uram ta ira uladih. No nugu harharahut na hanuat meh?
16171	PSA 124:1	“Gor ngan hohe ing bia no Watong pa gate tur wara harharahut dahat?” Na tahut bia Israel na tange habaling hoken:
16172	PSA 124:2	“Gor ngan hohe ing bia no Watong pa gate tur wara harharahut dahat tano pakana bung ing ira tunotuno diet ga tut na hinarubu ma dahat?
16211	PSA 130:3	Watong, ing bia kana u pakat kawase tar ira magingin sakena, Watong, sige i tale bia na papas tano num harkurai?
16294	PSA 137:4	Dahat na inge ira ninge tano Watong hohe ma dahat kana tiga mes na taman?
16314	PSA 139:7	Uhe kaik i tale bia ni haan talur no Tanuaam? Ahe kaik i tale bia ni hilau pas ugu?
16328	PSA 139:21	Watong, hohe, iau pai malok ta diet ing diet malok taam? Ma iau pai malentakuane sige ing diet tur huat wara bulbul hasur ugu?