13990	PSA 5:11	God, tange bia diet ronga! Bale leh diet bia ira udiet harpingit na burena ta ira udiet punuko. Tule isisai ta diet kanong ira udiet magingin sakena i haleng, kanong warah, diet te tur talur ugu.
14016	PSA 7:13	Bia ing tiga nong pa na lilik pukus, God na tes no uno wise na hinarubu, ma na sarat no hinau tano uno laplapot ma na lukun ie.
14051	PSA 9:20	Nora Watong, taman tut! Waak u bale leh tiga tunotuno mon bia na petlaar ugu. Bale ira kantri ing diet pai Iudeia bia diet na tur ra matmataan taam, ma nu kure diet.
14054	PSA 10:2	No ut na sakena i la palpalim kawase ma ra minok diet ing taie ta harharahut ta diet. Bale diet bia ira udiet harpingit na hakuni habaling diet.
14073	PSA 11:3	Bia ing kana di halhaliare ira burena ira bilbilai, asa mah um ing ira ut na takodas diet tale bia diet na gil?
14090	PSA 13:4	Nes iau ma nu taram iau, nora Watong, nugu God. Bul pukus no gungunuama ta ira matagu. Bia taie, iau ni kubaba na minaat.
14123	PSA 17:8	Balaure iau narako ta ira limaam na harhalon. Gawane leh iau hoing tiga huna kareka i la pabong ira natine.
14193	PSA 19:12	Diet la haakatom no num tultulai. Bia tikai na taram, na palim kawase ra tamat na harkul.
14195	PSA 19:14	Balaure iau, no num tultulai, bia pa ni sip bia ni gil sakena. Waak bia nu haut leh iakano magingin wara gilgil sakena bia na gau iau. Bia na hokaiken, pai tale bia tikai na tung iau ta nironga, ma iau ni langalanga sukun ra tamat na nironga.
14233	PSA 22:13	Haleng tumatena bulumakau diet tur bat iau. Ira dadasina tumatena bulumakau me Basaan diet tur luhutane iau.
14276	PSA 25:8	Bilai ma takodasiana no Watong, io kaik, gi pir ira ut na sakena ta ira uno ngaas.
14288	PSA 25:20	Balaure no nugu lon ma nu ras leh iau. Waak u bale iau be da bul iau ra hirhir, kanong iau la barahit taar taam.
14304	PSA 27:2	Bia ing ira sakana tunotuno diet haan tultul iau wara hagahe no palatamaigu, ma bia ing ira nugu ebar ma ira agu suk diet harubu ma iau, diet na laleka ma diet na puko.
14320	PSA 28:4	Balu pukus diet ta ira udiet mangana magingin ma ta ira udiet sakana pinapalim. Balu pukus diet ta ira linge ira lima diet gate pakile, ma nu tar pukus tar ta diet asa ing i haruat ma ira udiet tintalen.
14455	PSA 35:25	Waak u bale bia diet na lik, “Bilai! Ing at mon dahat sipsip!” Waak u bale bia diet na tange, “Dahat te kanam bakut leh ie!”
14737	PSA 51:14	Bul habaling no gungunuama tano num harhalon taar tagu ma nu sukal hadadas iau ma tiga mangana lilik narakoman tagu nong i la kanakana taar wara tartaram ugu.
14741	PSA 51:18	Bia ing u gor guama ta ira hartabar, iau gor tar. Iesen pau la kanakana ta ira hartabar di la tuntun.
14835	PSA 59:2	God, halon iau mekaia ta ira nugu ebar. Balaure iau mekaia ta ing diet wara hinarubu ma iau.
14846	PSA 59:13	Bul diet bia no udiet latlaat na hakuni diet, kanong ta ira saksakena ta ira ha diet ma ta ira nianga ta ira palabulu diet. Diet la harabota ma diet la iangianga na harhuli,
14901	PSA 64:2	God, taram iau ing iau tange hapuasne no linge i hatirih iau. Balaure no nugu nilon ta ira linge ira nugu ebar diet haburut iau bia diet na gil tagu.
14968	PSA 68:16	Ira uladih ta Basan i manga tamat. Da kadape me tapaka.
14969	PSA 68:17	Muat ira tamat na uladih me Basan, wara bih muat nes haliare ma ra sakana bala no uladih nong God ga gilamis leh ie bia na lon tana? A tutun, no Watong at na kis kaia hatikai.
14975	PSA 68:23	No Watong i tange, “Iau ni lamus diet maram Basan. Iau ni lamus diet mekaia tano tingena no tes,
14980	PSA 68:28	No nat na huntunaan ta Beniamin iakaikenam i lulue hani diet. Haleng saakit ira lualua ta Iuda kaia mah, ma ira lualua ta Sebulon ma ira lualua ta Naptali diet mur.
14983	PSA 68:31	Boor ira matanaiabar ta ira hunhuntunaan ta ira mes na hanuo, diet hoing ira rakaia na wawaguai nalamin ta ira putuputu ma ira huna luhur na tumatena bulumakau tika ma ira nati diet. I bilai bia diet na hanapu diet ma diet na hartabar ma ra siliwa. Pasak harbasiane ira kantri ing diet kanakana wara hinarubu.
15013	PSA 69:25	Burange bus diet ma no num ngalngaluan. Bale no num nginangar bia na kabit diet.
15259	PSA 80:3	nalua ta ira huntunaan na Epraim, Beniamin ma Manase. Hamines ta mehet ira num dadas. Mai, ma nu halon mehet.
15290	PSA 81:14	Bia ing ira nugu matanaiabar diet naga taram iau, ma bia ing Israel naga tale bia na mur ira nugu tintalen,
15292	PSA 81:16	Bia diet ing diet malentakuane no Watong diet gor hirhir ma ra bunurut tano matmataan ta God, ira nudiet harpidanau pa gor kis hatika taar.
15313	PSA 83:12	Bu bing ira udiet lualua hoing u ga gil ta Oreb ma Seeb, ma ira udiet kabinsit hoing u ga gil ta Seba ma Salmuna,
15327	PSA 84:7	Ing diet saakit tano mamasina salil Baka, i kikios gi hanuat a katon ta ira mataan taah. Ma ira luena bata na halabon ira pup na taah.
15368	PSA 87:4	God i tange, “Iau ni was halaka Isip ma Babilon nalamin ta diet ing diet nunure iau. Ma uta ira matanaiabar meras Pilistia ma Taia ma Itiopia mah, iau ni tange bia, ‘I hoing bia diet ira so taman me Ierusalem.’”
15499	PSA 94:2	Augu no ut na gil harkurai tano ula hanuo, tut hut! Balu pukus ira ut na tangarot haruat ma ira udiet tintalen.
15668	PSA 104:30	Bia ing u tule no Tanuaam, i hatahuat diet, ma u hasigarine no ninaas tano ula hanuo.
15746	PSA 106:28	Diet ga mur ira mes wara lalotu tupas Baal nong me Peor ma diet ga ien ira hartabar di ga tus tar ta ira minaat na god.
15829	PSA 109:6	Pilak tiga sakana tunotuno wara tangtange haliare no nugu ebar. Bale tiga ut na hartutung bia na tur kaia tano kata na limana wara tungtung ie.
15836	PSA 109:13	Bale bia ira uno bulumur diet na maat bakut, ma bia ira tunotuno ing diet na lon namur, diet na lik luban diet.
15945	PSA 118:8	Bia da barahit narakoman tano Watong, iakano i manga bilai tano magingin na so nurnuruan ta tiga tunotuno.
15946	PSA 118:9	Bia da barahit narakoman tano Watong, iakano i manga bilai tano magingin na so nurnuruan ta ira tamat na lualua.
16003	PSA 119:37	Kap se ira matagu ta ira linge ing a linge bia mon. Balaure timaan no nugu nilon haruat ma no num nianga.
16006	PSA 119:40	Tutun saakit, no kaatigu i la murmur ira num nianga na harakatom. Balaure bat no nugu lon ma ira num tutun na magingin.
16009	PSA 119:43	Bale iau bia ni hinawas palai utano num tutun na nianga, kanong iau kis nanaho ta ira bilbilai ta ira num ula harkurai.
16027	PSA 119:61	Bia ira ut na sakena diet na kubus iau ma ra hinau, iau pa ni lik luban ira num harkurai.
16042	PSA 119:76	Bale tar no num harmarsai nong pai la patpataam bia na habaraam iau, haruat ma ing u ga kukubus taar tagu, no num tultulai.
16054	PSA 119:88	Balaure bat no nugu lon haruat ma ira num harmarsai, waing iau nigi mur ira kaba harpir mekaia tano haam.
16073	PSA 119:107	Watong, i te manga ubal iau ra haleng tinirih. Balaure bat no nugu lon haruat ma no num nianga.
16082	PSA 119:116	Balaure timaan iau haruat ma no num nianga, waing iau nigi lon. Ma waak u bale iau bia ni malahuan ta ira linge iau kis kawasei ma ra nurnur.
16101	PSA 119:135	Bale bia no matmataan taam na murarang naliu tagu, no num tultulai, ma nu hausur iau ta ira num dadas na harkurai.
16111	PSA 119:145	Iau tataau ma no nugu kidilona lon. Balu iau, Watong. Iau ni taram ira num dadas na harkurai.
16120	PSA 119:154	Tur harahut iau ma nu halangalanga ise iau. Balaure bat no nugu lon haruat ma no num nianga na kunubus.
16122	PSA 119:156	Watong, no num harmarsai i manga tamat. Balaure bat no nugu lon haruat ma ira num ula harkurai.
16136	PSA 119:170	Bale leh no nugu sinasaring bia na hanuat taar taam. Halon iau haruat ma no num nianga na kunubus.
16139	PSA 119:173	Bale tar no limaam bia na taguro wara harharahut iau, kanong iau te pilak leh ira num nianga na harakatom.
16141	PSA 119:175	Bale leh iau bia ni lon waing iau nigi pirlat ugu, ma bale ira num ula harkurai bia diet na harahut iau.
16225	PSA 132:6	Aram Betlehem het ga seer no nianga utano bokis na kunubus, ma het ga haan tupas ie aram tano hanuo hutet tano taman Kiriat-Jearim.
16254	PSA 135:11	Ga bu bing Sihon, no king ta ira Amor, ma Og, no king me Basan, ma ira king bakut me Kenan mah.
16284	PSA 136:20	Ma ga bu bing Og, no king me Basan. No uno harmarsai i kis hathatika.
16291	PSA 137:1	Dahat ga kis taar ta ira gagen taah me Babilon ma dahat ga suah ing dahat ga lik leh Saion.
16298	PSA 137:8	Babilon, u kis taguro taar um wara hiniruo. A haraidaan na kis ta nong na balu pukus tar taam haruat ma ira linge u ga gil tar ta mehet.
16324	PSA 139:17	God, tano nugu ninanaas, ira num lilik i melmel ma a tabi matana! Bia da bul tikane i manga haleng saakit.
16325	PSA 139:18	Bia iau nigi was diet, ira udiet winawas gor sakit ira pat na wana. Ing iau tangahun, iau kis tika taar at ma ugu.
16354	PSA 141:9	Balaure timaan iau, bia iau kabi taaba ta ira udiet kuun ing diet te hatudu tar wara utagu. Balaure bat iau ta ira kuun ing ira ut na hangat gaia diet te kapis tar.
16464	PSA 149:9	ma wara gil haruatne no ula harkurai God gate pakat tar uta kaike ra mes na kantri. Bia kaiken ra linge na hanuat tutun huo, a tamat na urur na haan tupas diet ing diet te tar tutun ira udiet nilon ta God. Da pirlat no Watong.
23218	MAT 1:5	Ma ne Salmon no susine Buas, ma ne Rahap no pawasine. Ma ne Buas no susine Obet, ma ne Rut no pawasine. Ma ne Obet no susine Iesi.
23224	MAT 1:11	Ma ne Iosia no susine Iekonia ma ira tasine. Ta iakano pakana bung di ga lamus ira Israel urau Babilon bia diet na lon hoing ira wasire kaia.
23225	MAT 1:12	Namur ta ing diet ga lon hoing ira wasire arau Babilon, io, Iekonia ga susine Silatiel, ma ne Silatiel no susine Serababel.
23230	MAT 1:17	Io, sangahul ma ihat na harmur na nilon ta ira tunotuno makatiga laah tane Abraham tuk taar tane Dawit. Ma sangahul ma ihat makatiga ho Dawit tuk tano pakana bung di ga lamus Israel urau Babilon bia diet na lon hoing ira wasire kaia. Ma sangahul ma ihat mah makaia ta ing diet ga lon hoing ira wasire arau Babilon tuk taar di ga kaha no Mesaia.
23231	MAT 1:18	Io, di ga kaha Jisas Krais hoken. Bia Iosep ga tar bat ta mon baak Maria, no pawasine Jisas, ma bia dir pa ga noh tika baak, ga palai bia Maria gate tianan. Kaik, no Halhaliana Tanuo gate sosoha tana.
23233	MAT 1:20	Bia Iosep ga lilik ta iakan ra linge, tiga angelo gar tano Watong ga harapuasa taar tana tano uno barbarien, ma ga tange, “Iosep, no bulumur ta Dawit, waak u burut wara lamlamus leh Maria wara num hahin. Warah, iakanong i tianan taar mei, aie makaia tano Halhaliana Tanuo.
23239	MAT 2:1	Di ga kaha Jisas tano taman Betlehem tano hanuo Iudeia ing bia Herot ga tamat na lualua na gil harkurai. Io, ari ut na mintota ta ira tiding, merau ra kasakes i la hanhanut makaia, dal ga hanuat uram Ierusalem.
23241	MAT 2:3	Bia Herot, no tamat na lualua na gil harkurai, ma diet aram Ierusalem diet ga hadade hokaike, diet ga kalar.
23243	MAT 2:5	Diet ga balui, “Arau Betlehem, kai Iudeia. Hokaik no tangesot i te pakat tar huo,
23244	MAT 2:6	‘Betlehem, tano hanuo Iudeia, pau manga hansiksik ta ira bilai na taman ta Iudeia, kanong makaia at ho ugu tiga lualua na hanuat nong na lue ra nugu matanaiabar Israel.’”
23246	MAT 2:8	Ma ga tule se dal urau Betlehem ma ga tange ta dal, “Muat na nanaas timaan tano nat na bulu. Ma bia muat te nas tupas leh ie, muat na hinawase iau. Io kaik, iau mah, nigi haan wara lotu tana.”
23254	MAT 2:16	Bia Herot ga ser leh bia ira ut na mintota ta ira tiding dal gate pet mei, ga manga ngalngaluan. Io, gom hartula bia da bu bing ira bulu na tunaan bakut, ing i te iruo tinahon ta diet ma ing mah di ga sigar kaha diet makaia Betlehem ma ira taman mah kaia hutet. Ga gil huo kanong gate ser leh ta ira ut na mintota tano pakana bung bia no tiding ga harapuasa.
23256	MAT 2:18	“Dahat te hadade a ingana tiga nong aram Rama hutet Betlehem. A sunuah ma a tamat na tapunuk. Ira hatatnaan na Israel diet susuah pane ira nati diet, ma i malok bia da haiau ie, kanong diet te maat bakut.”
23284	MAT 4:6	Sataan gom tange tana, “Bia ing a Nati God ugu, kaia, nu karwas suur, kanong ira nianga tane God ing di ga pakat ie i tange hoken, ‘God na tule ira uno angelo wara utaam, diet na palim hatur ugu ma ira lima diet, waing pa nu sage ira kakim ra ula haat.’”
23296	MAT 4:18	Bia ing Jisas ga hanahaan ra gagena no tamat na taah kom Galili ga nas leh airuo ut na kap kirip, dir tasin, ne Simon nong di kilam ie bia Pita, ma no tasine Andru, dir ga sase tiga uben.
23297	MAT 4:19	Ma Jisas ga tange ta dir, “Bia mur na mur iau ma ni hausur mur wara soh tunotuno.”
23325	MAT 5:22	Sen iau at, iau tange ta muat bia sige tikai i ngalngaluan taar ta tiga hinsakana, i tale bia da lamus tar ie ra harkurai tano komiti. Ma bia sige tikai ing na tange taar tano hinsakana bia, ‘Ba ugu!’, io, i tale bia da lam tar ie tano harkurai tano kaunsil. Ma sige tikai ing na kilam no hinsakana bia, ‘A ba sokopi ugu!’ na tale mah bia na haan taar tano ula iaah.
23328	MAT 5:25	“Bia no hinsakaam i wara kapkap tar ugu ra harkurai, mur na haratakodas gasien mei ing bia mur hanahaan baak na ngaas. No hinsakaam kabi tar ugu tano ut na harkurai, ma no ut na harkurai na tar ugu ta nong i la balaure tar diet ing di ga wis kawase diet narako tano hala na harpidanau, ma aie na bul halaka ugu ra hala na harpidanau.
23332	MAT 5:29	“Kap se ira lilik ing na harango no num nilon. Tiga malalar hoken. Bia tiga mataam i harongane ugu, nu luar sei. I tahut dahin bia tiga subaan tano tamaim na panim laah. Sen bia pai manga tahut bia da ise no tamaim bakut tano ula iaah.
23333	MAT 5:30	“Tiga malalar mah hoken. Bia no kata na limaam i harango ugu, nu kato kutus isei. I tahut dahin bia tiga subaan tano tamaim na panim laah. Sen bia pai manga tahut bia no tamaim bakut na haan taar tano ula iaah.
23334	MAT 5:31	“Muat gate hadade mah no harkurai tane Moses i tange bia, ‘Bia sige tikai i se no uno hahin, na pakat ta nianga palai utano udir palas tinolen ma na tar ie tano uno hahin.’
23340	MAT 5:37	Sen bia, i tale bia nu haut mon bia nu harus. Bia nu tange tiga mes na mangana linge wara hadadas ira num nianga, io, u nunure bia i te hanuat mekaia tano Ut na Gil Sakena.
23350	MAT 5:47	Bia muat pai haianga leh ing muat bala ngungut taar ta diet, io, muat pai gil ra tahut ta ke ra mes. Io, ing diet pai la nurnur ta God, diet mah, diet la gilgil huo!
23355	MAT 6:4	Bia u gil huo, io, u te gil suhe mon ie. Ma no raam Sus, nong i la nasnas ing di la gilgil suhe, na tar no hunena ira num mangason taam.
23356	MAT 6:5	“Bia muat sasaring, waak muat ngan hoira ut na harababo. Diet la sipsip bia diet na turtur narako ta ira hala na lotu ma diet na sasaring. Ma diet la sasaring ta ira katon mah ing ira matanaiabar diet la hanhanuat ukaia, waing ira tunotuno na nes diet. Muat hadade baak! Diet te hatur kawase bakut leh at mon ira hunena ira udiet mangason.
23378	MAT 6:27	Muat ngarngarau warah? Waak muat gilgil huo! Bia muat na ngarngarau, pa na halawaas ira numuat nilon ta dahin.
23381	MAT 6:30	Kaik, God i gil hamaririsuan ira pitoka nong i lon mon katin ma marakan da halo iaah mei. Bia i tutun ing God i gil huo tano pitoka, i tutun sakit bia na hasigam muat mah ma ira kiniasi muat. Maris! Pai patpatuan ira numuat nurnuruan!
23382	MAT 6:31	“Io, waak um bia muat ngarngarau ma muat na tangtange bia, ‘Dahat na ien ra sa? Ma dahat na mame ra sa? Bia asa ing dahat na sigam?’
23415	MAT 8:1	Bia Jisas ga hansur meram ra uladih, a tamat na matanaiabar diet ga mur ie.
23430	MAT 8:16	Bia gate matmatarahien um, ira matanaiabar diet ga kap hawaat haleng tunotuno ing ira sakana tanuo ga sosoha ta diet ukaia ho Jisas. Ma Jisas ga tule hasur se ira sakana tanuo ta diet ma ra nianga, ma ga halangalanga ira ina minaset.
23432	MAT 8:18	Bia Jisas ga nas ira tamat na matanaiabar ga tange ta diet bia, “Dahat na balos no taah kom uras tiga palpal.”
23464	MAT 9:16	“Taie ta tiga nong bia na dungut pakur ta tiga sigar katona maal taar tiga tuarena. Bia na gil huo no katon na sigar maal na diris ie bia ing di gis ie. Ma bia na diris ie, na tamarumut laah sukun no tuarena ma no mauho na manga tamat balik um.
23469	MAT 9:21	Ga gil huo kanong ga lik hoken: “Bia ni sigire mon no kiniasine ni langalanga.”