13956	PSA 2:7	No King i hinawas tano dadas na nianga tano Watong. Ga tange tagu, “Augu no Natigu. Katin iau te hanuat no raam Sus.
13961	PSA 2:12	Hanapu augu tano Natine, kabi ngalngaluan ma na gil haliare ugu tano num hinahaan, kanong warah no uno bala mamahien i tale bia na tut hut kaik at mon. A haraidaan na kis ta diet ing diet barahit taar menapu ta God.
13964	PSA 3:3	Haleng diet tangtange utagu hoken, “God pa na halon ie.”
13969	PSA 3:8	Watong, taman tut! Halangalanga iau, nugu God! Pasar ira iase diet ira nugu ebar. Warat ira ngise diet ira ut na sakena.
13972	PSA 4:2	Taram iau ing bia iau tataau tupas ugu, no nugu takodasiana God. Hasangeh iau sukun ira nugu tinirih. Nu bala malum tagu ma nu taram ira nugu sinasaring.
13982	PSA 5:3	Hatarame ira nugu tintaau wara harharahut, nugu King ma nugu God, kanong iau sasaring tupas ugu.
13984	PSA 5:5	Augu pai tiga mangana God nong i guama ta ira saksakena. Pai haruat bia ira ut na sakena diet na kis tika ma ugu.
13990	PSA 5:11	God, tange bia diet ronga! Bale leh diet bia ira udiet harpingit na burena ta ira udiet punuko. Tule isisai ta diet kanong ira udiet magingin sakena i haleng, kanong warah, diet te tur talur ugu.
14005	PSA 7:2	Watong, nugu God, iau barahit taam. Harahut iau ma nu lamus iau sukun diet ing diet hagahe iau.
14007	PSA 7:4	Watong, nugu God, bia ing iau gate gil ira sakena, bia a mon nironga ta ira limagu,
14010	PSA 7:7	Watong, taman tut ma no num ngalngaluan. Tut hut wara hinarubu ma no nginangar ta ira agu suk. Nugu God, tangahun, ma nu bul harkurai wara harharahut iau.
14013	PSA 7:10	No takodasiana God, nong i la nesnes salok ira liklik ma ira kaati nari, hapataam ira magingin na haragahai ta ira ut na sakena, ma nu balaure bat timaan ira ut na takodas.
14014	PSA 7:11	No nugu bahbahit, ne God Nong i Naliu Harsakit, nong i la halhalon diet ing ira kaati diet i gamgamatien.
14015	PSA 7:12	God aie tiga takodasiana ut na gil harkurai. Aie tiga God nong i la hapuasne no uno ngalngaluan ta ira kaba bungbung.
14016	PSA 7:13	Bia ing tiga nong pa na lilik pukus, God na tes no uno wise na hinarubu, ma na sarat no hinau tano uno laplapot ma na lukun ie.
14049	PSA 9:18	Ira ut na sakena diet tapukus taar tano midi, ma ira matanaiabar ta ira kantri bakut ing diet luban God.
14050	PSA 9:19	Iesen ira malahahin, God pa na luban hatikane diet. No harharahut nong ira maris diet nuruan ie, pa na pataam hatika.
14056	PSA 10:4	No ut na sakena pa na silihei narako ta ira uno minok. Narako tano uno lilik bakut taie ta subaan ta God.
14063	PSA 10:11	I la tangtange tana iaat, “God i te luban. I te suhe no uno matmataan ma pana le naanaas.”
14064	PSA 10:12	Watong, taman tut! Raun no limaam, God. Waak u lumluban diet ing taie ta harharahut ta diet.
14065	PSA 10:13	Wara biha ira ut na sakena diet gi tange hagahe God? Wara biha gi tange tana iaat, “Pana le tataau iau bia ni tur ra harkurai”?
14066	PSA 10:14	Iesen augu, God, u la nesnes ira haragahai ma ira tapunuk. U la liklik kaike ra magingin wara balbalu pukus ma no limaam. Nong taie ta harharahut tana, i la tartar ise tar ie ukaia ho ugu. Augu no ut na harharahut ta ira tintana.
14079	PSA 12:2	Harahut, Watong, kanong taie um tikai ta diet ing diet tar tutun ira udiet nilon taam. Diet ing diet mur timaan God, diet te panim laah um.
14090	PSA 13:4	Nes iau ma nu taram iau, nora Watong, nugu God. Bul pukus no gungunuama ta ira matagu. Bia taie, iau ni kubaba na minaat.
14093	PSA 14:1	No ulba i tange narako tano kaatine, “Taie ta God.” Ira udiet nilon i mapus sakasaka ma da miliguruane ira udiet tintalen. Taie tikai i gil no tahut.
14094	PSA 14:2	No Watong i nanaas suur meram ra mawe ta diet ing a tunotuno mon diet wara nesnes ing bia tikai i palai ma bia tikai i sisilih uta God.
14097	PSA 14:5	Diet ke, nora ramramin i manga ubal diet, kanong God i kis tika ma ira ut na takodas.
14105	PSA 16:1	God, balaure bat iau, kanong narako taam iau ni barahit.
14121	PSA 17:6	God, iau tataau tupas ugu, kanong augu nu balu iau. Taram iau ma nu hadade no nugu sinasaring.
14123	PSA 17:8	Balaure iau narako ta ira limaam na harhalon. Gawane leh iau hoing tiga huna kareka i la pabong ira natine.
14124	PSA 17:9	Gawane leh iau huo talur ira ut na sakena ing diet helar tagu, ma diet ira nugu ebar ing diet tur luhut iau wara bubu bing iau.
14133	PSA 18:3	No Watong aie no nugu haatkis, no nugu subaan na munmun ma no nugu Ut na Harhalon. No nugu God aie no nugu haatkis, aie nong iau barahit tana. Aie no nugu bahbahit ma no dadas tano nugu harhalon, no nugu dadas na balo.
14137	PSA 18:7	Tano nugu tapunuk iau ga tataau uram tano Watong. Iau ga suah uram hono nugu God wara harharahut. Meram tano uno hala na lotu ga hadade no ingagu. No nugu sunuah ga haan tupas ie ma ga hadade.
14138	PSA 18:8	No ula hanuo ga dedar, gaam kunakunar, ma ira burena ira uladih ga gunagune. Diet ga dedar kanong warah God ga ngalngaluan.
14140	PSA 18:10	I ga harbasiane no mawe ma gaam hansur. Ga papaas kora ta ira bungbungana bahuto.
14141	PSA 18:11	I ga kawas hut ta ira kerubim ma gaam pupungo. Ga beel laah ta ira babana no baiangin.
14148	PSA 18:18	Ga halangalanga iau sukun no nugu dadas na ebar ma sukun mah ira sukagu ing diet manga dadas tagu.
14150	PSA 18:20	Ga kap hasur tar iau ukai tiga bilai na sibaan na harbalaurai. Ga harahut iau kanong ga kanakana utagu.
14152	PSA 18:22	Kanong warah, iau te mur ira ngaas tano Watong. Iau pai le gil ta nironga be ni tar tihigu tano nugu God.
14159	PSA 18:29	Watong, u la halulungo tar at no nugu laam. Nugu God, u la pukpukusane no nugu kankado wara madaraas.
14160	PSA 18:30	Ing nu harharahut iau, ni petlaar bia ni harsomane timaan tiga matana ubane. Ing no nugu God i tika ma iau, iau ni kawe tiga tamat na balo.
14161	PSA 18:31	Iesen ing ta God, ira uno ngaas i bilai harsakit. No nianga tano Watong i tutun, taie ta bis tana. Aie tiga bahbahit ta diet ing diet na barahit tana.
14162	PSA 18:32	Kanong warah, no Watong sen mon aie no God. Taie tiga mes. Ma sige mah um no Haatkis? Taie tiga mes. No udahat God sen mon.
14163	PSA 18:33	Ne God at nong i la tartar dadas tagu, ma i la hatakodasne timaan no nugu ngaas.
14177	PSA 18:47	No Watong i lon! A pirharlat tupas no nugu Haatkis! Da hatamat God no nugu Ut na Harhalon.
14178	PSA 18:48	Aie no God nong i la turtur wara utagu, nong i paas hasur ira hunhuntunaan ta ira mes na hanuo, ma i bul diet napu ra nugu harkurai,
14183	PSA 19:2	No mawe na hapuasne no minamarine God. No mauho na hapalaine ira pinapalim ta ira iruo limana.
14186	PSA 19:5	No ingana no mawe i la hanahaan harbasia tano ula hanuo bakut. Ira katona nianga i haan taar ta ira hauhawatine no ula hanuo. Aram ra mawe God i te hatur tiga palpalih wara utano kasakes,
14198	PSA 20:2	Iau sasaring bia no Watong na taram ugu ing u kis narako ra harangungut. I tahut bia no hinsana no God tane Iakop na nes mur ugu.
14202	PSA 20:6	Het na kup ma ra gungunuama ing nu paas hasur ira num ebar, ma het na tatik haut ira nuhet hakilang na gungunuama tano hinsana no udahat God. Iau sip bia no Watong na pakile haruatne bakut ira linge u saring.
14204	PSA 20:8	Ari diet nurnur ta ira karis ma ari diet nurnur ta ira hos wara hinarubu, iesen dahat nurnur tano hinsana no Watong, no udahat God.
14211	PSA 21:5	Ga saring ugu bia na lon, ma u ga tar nilon tana, a nilon hathatika nong pa na pataam.
14222	PSA 22:2	Nugu God, nugu God, wara biha u te malok se iau? Wara biha u manga tapaka wara halhalon iau? U manga tapaka mah wara tartaram ira nugu sunuah na ngunngutaan?
14223	PSA 22:3	Nugu God, iau tataau ra malaan tuk ra matarahien, iesen pau babalu. No bung i hanuat ma iau pai kis kunkun.
14231	PSA 22:11	Ing di ga kaha iau di ga suro tar iau taam. Ing iau hanuat tano lienat tano makai, u gabe hanuat no nugu God.
14250	PSA 22:30	Ira watong bakut tano ula hanuo diet na iaan ma diet na lotu tupas God. Ira minaat diet na singa bukunkek tana, diet ing pai tale bia diet na balaure habaling at diet bia diet pa naga maat.
14252	PSA 22:32	Diet na hinawas palai ta ira matanaiabar ing baak pa di kaha diet ta ira uno taktakodasiana magingin, kanong warah, God i la harharahut ira uno matanaiabar.
14263	PSA 24:5	Na kap no haraidaan meram tano Watong, ma God, no uno Ut na Harhalon, na haminas bia a takodasiana ie.
14264	PSA 24:6	Ira mangana matanaiabar hokaiken, kaike ra tunotuno ing diet silsilihe mur ie. Diet la silsilihe no num matmataan, God ta Iakop.
14270	PSA 25:2	Nugu God, iau so no nugu nurnuruan taam. Waak u balbale se tar iau bia da bul iau ra hirhir ma bia ira nugu ebar mah diet pa na paas hasur iau.
14273	PSA 25:5	Lue iau narako ta ira num tutun ma nu hausur iau, kanong augu, God, no nugu Ut na Harhalon, ma iau kis nanahai taam ta ira bungbung bakut.
14290	PSA 25:22	God, halangalanga Israel sukun ira udiet ngunngutaan.
14311	PSA 27:9	Waak u suhe no num matmataan tagu. Waak bia nu tule se no num tultulai ma ra ngalngaluan. U te harahut haitne iau. Waak u malentakuane iau ma bia nu waak kapis iau, God, nugu Ut na Harhalon.
14328	PSA 29:3	No ingana no Watong ie ke naliu tano taahit. No God nong i tamat ira minamarine, i parparara, no Watong i parparara naliu tano tamat na taah.
14339	PSA 30:3	Watong, nugu God, iau ga tataau ukatiga ho ugu wara harharahut, ma u ga balaure halon iau.
14349	PSA 30:13	waing iau ni inge ukatiga ho ugu ma pa ni kis kunkun. Watong, nugu God, iau ni tanga tahut taam hathatika.
14355	PSA 31:6	Iau tar se no tanuagu ukatiga tano limaam. Kul halangalanga iau, Watong, augu no God ta ira tutun.
14364	PSA 31:15	Iesen iau nurnur taam, Watong. Iau tange, “Augu no nugu God.”
14375	PSA 32:1	A haraidaan na kis tano tunotuno nong ira uno magingin na laka hartula God te lik luban, ma ira uno magingin sakena God i te kasar.
14397	PSA 33:12	A haraidaan na kis tano huntunaan nong no uno God no Watong, diet ira matanaiabar ing gate gilamis leh diet bia auno tus.
14446	PSA 35:16	Hoing ira tunotuno diet tur talur God, diet hasakit sakasaka taar tagu. Diet hatagiris na ngise taar tagu.
14453	PSA 35:23	Tangahun, ma taman tut ukai wara gaiegu! Hargor wara gaiegu, augu no nugu God ma no nugu Watong.
14454	PSA 35:24	Haruat ma no num taktakodas, hamines bia iau pai gil ta nironga, Watong, nugu God. Waak u bale bia diet na hasakit sakasaka tagu.
14460	PSA 36:2	Tiga nianga na hakilang ie ken narako tagu uta ira saksakena tano sakana tunotuno ma i tange hoken: Taie ta bunurut tane God i kis tana.
14493	PSA 37:22	Sige diet ing no Watong i haidane, diet na tinane no uno taman, iesen sige diet ing God i sasalim bia na haliare diet, na pasak hasur diet.
14502	PSA 37:31	No harkurai tano uno God ie ke narako tano kaatine. Ira kakine pa na surmalagir.
14509	PSA 37:38	Iesen ira ut na laka harkurai bakut, no Watong na haliare diet. Ira ut na sakena, God na hakumkum ira udiet bung na nilon.
14527	PSA 38:16	Iau kis kawase ugu, Watong, bia nu babalu, Watong, nugu God.
14533	PSA 38:22	Watong, waak u waak kapis tar iau. Waak u kis tapaka tagu, nugu God.
14552	PSA 40:4	I ga bul tiga sigar ninge narako tano hagu, a ninge na pirharlat ie tupas no udahat God. Haleng diet na nes ma diet na burut, ma diet na so ira udiet nurnuruan tano Watong.
14554	PSA 40:6	Watong, nugu God, haleng ira tamat na melmel na gingilaan na kinarup u gate gil. Ira linge u ga pingit wara numehet, taie tikai bia na was mur habal taar taam. Ing bia iau gor ianga ma iau gor hinawas ta kaike ra linge, diet manga haleng saakit ta ing i tale bia ni hinawas urie.
14557	PSA 40:9	Iau kanan taar bia ni gil haruatne no num sinisip, nugu God. Ira num harkurai ken narako tano kaatigu.”
14566	PSA 40:18	Iesen kana iat iau tiga maris ma ra nugu mon sunupi. Io kaik, na bilai bia no Watong na lik leh iau. Augu no nugu harharahut ma no nugu Ut na Harhalon. Nugu God, waak u halis.
14580	PSA 41:14	A pirharlat tupas no Watong, no God ta Israel, mekatiga laah menalua tano hamhaburen tano ula hanuo tuk taar tano hauhawatine ma pana le pataam. Amen ma Amen.
14582	PSA 42:2	Hoing ra dia i taaba ra karamena pane ra taah saal, huo mah, iau manga masingan pane ugu, God.
14583	PSA 42:3	Iau maruk pane God, pane no lilona God. Hunanges um iau ni haan ma ni harso mane God?
14584	PSA 42:4	Ira polo na matagu i ngan bia agu nian ra kasakes ma ra bung, ma kana ira tunotuno diet tangtange tagu tano kudulena bung, “Ie he um no num God?”
14585	PSA 42:5	Iau lik kawase tar kaiken ra linge ing iau tangtange hapuasne no balagu, ma i hoken. Iau git hanahaan tika ma ira haleng. Iau git lulue no hinahaan uram tano hala tane God ma ra kunup na gungunuama ma ra pirhakasing tika ma ira tamat na matanaiabar diet mangmangata haan ma ra kanakana.
14586	PSA 42:6	Iau haianga habaling iau, “Wara bih no balagu i hung ma ra tapunuk? Wara bih no nugu lilik pai sangeh? Kis nanahai ta God, kanong iau ni pirlat at baak ie, no nugu Ut na Harhalon ma no
14587	PSA 42:7	nugu God.” No balagu i tapunuk, io kaik, iau nigi lik leh ugu, merau Ioridaan, meram hono uluno no uladih Hermon ma mekaia hono uladih Misar.
14589	PSA 42:9	Ra kasakes no Watong i la tultule no uno harmarsai. Ra bung iau ni inge auno tiga ninge, a sinasaring uram hono God tano nugu nilon.
14590	PSA 42:10	Iau tange ta God no nugu Haatkis, “Warah u gom luban iau? Warah kaik iau nigi tur na sunuah ta ira ngunngutaan diet ing diet malok tagu diet ga ubal iau me?”
14591	PSA 42:11	Ira surugu i kilingane ra tamat na ngunngutaan saakit ing diet ing diet malentakuane iau, diet tangtange haliare iau. Diet tangtange tagu tano kudulena bung bakut bia, “Ie he um no num God?
14592	PSA 42:12	Iau haianga habaling iau, “Wara bih no balagu i hung ma ra tapunuk? Wara bih no nugu lilik pai sangeh? Kis nanahai ta God, kanong iau ni pirlat at baak ie, no nugu Ut na Harhalon ma no nugu God.”
14593	PSA 43:1	God, hinawas palai utagu bia iau pai gil ta nironga, ma tur harahut iau wara nianga taar ta ira haleng matanaiabar ing diet pai mur ugu. Halon iau sukun ira ut na harabota ma ira ut na sakena.
14594	PSA 43:2	God, augu no nugu dadas na subaan na barbarahit. Wara bih gu malok se iau? Wara bih tunat iau ni tur ra sunuah, kaik diet ing diet malentakuane iau, diet haliare iau?
14596	PSA 43:4	Io, iau ni haan ukaia hono suuh na tun hartabar ta God, ma uram ho God aie no nugu gungunuama ma no nugu kanakana. Iau ni pirlat ugu ma ra haap, God, nugu God.
14597	PSA 43:5	Iau haianga habaling iau, “Wara bih no balagu i hung ma ra tapunuk? Wara bih no nugu lilik pai sangeh? Kis nanahai ta God tano uno bilai na harharahut, kanong iau ni pirlat at baak ie, no nugu Ut na Harhalon ma no nugu God.”
14599	PSA 44:2	God, mehet te hadade ma ira talinga het, ma ira hintubu het diet ga hinawase tar het ta ira linge ing u ga gil ta ira nudiet pakana bung nalua saakit.
14602	PSA 44:5	Augu no nugu King ma no nugu God, nong i kure bia no huntunaan ta Iakop na petlaar ira hinarabu ma ira nuhet ebar.