13945	PSA 1:2	Iesen no uno gungunuama aie wara tartaram ira harkurai tano Watong, ma i la liklik murmur ira uno harkurai ra kasakes ma ra bung.
13947	PSA 1:4	Iesen ira ut na sakena diet pai hokaiken. Diet hoing ira pala wit ing di te paas parok sukun ira patine, ma no baiangin i puuh se.
13948	PSA 1:5	Io kaik, ira ut na sakena diet pa na pas no bung na harkurai, ma diet ing diet gil nironga pa na tale diet bia diet na kis hurlungai tika ma ira ut na takodas.
13951	PSA 2:2	Ira king tano ula hanuo diet te tur taguro ma ira lualua ta ira pise na hala. Diet te hanuat hurlungen wara hinarubu ma no Watong ma nong mah no Watong gate gilamis ie.
13955	PSA 2:6	“Iau te hatur no nugu king aram Saion, no nugu halhaliana uladih.”
13959	PSA 2:10	Io huo, muat ira ut na harkurai, muat na mintot. Muat na taram ira nianga na harakatom, muat ira lualua tano ula hanuo.
13965	PSA 3:4	Iesen, Watong, augu tiga bahbahit luhutane iau. U la sukal tar iau ma iau balaraan baling um.
13967	PSA 3:6	Iau noh suur ma iau kubaba. Iau tangahun baling kanong warah no Watong i hadadas iau.
13968	PSA 3:7	Iau pa ni burte ira sangahul na arip ing diet hanuat luhutane iau wara suksukuane iau.
13970	PSA 3:9	A harhalon i la hanhanuat meram tano Watong. Iau sasaring bia no num haraidaan na kis ta ira num matanaiabar.
13974	PSA 4:4	I tahut bia muat na palai bia no Watong i te bul hasisingen wara uno iat diet ing diet te tar tutun ira udiet nilon tana. No Watong na taram ing iau ni tataau uram ho ie.
13975	PSA 4:5	Ta ira numuat ngalngaluan, waak muat gil ta nironga. Ing muat noh taar ta ira numuat suuh, muat na nes gilgilse ira numuat nilon ma muat na kis kunkun.
13979	PSA 4:9	Iau ni noh suur ma ni kubaba ma ra malum, kanong augu sen, no Watong, u la balbalaure timaan iau.
13985	PSA 5:6	Ira ut na minok diet pa na tur ra matmataan taam. U miliguruane diet ing diet gil nironga.
13986	PSA 5:7	U haliare diet ing diet la harabota. Ira ngangarina tunotuno ma ira ut na harababo, no Watong i manga malentakuane diet.
13987	PSA 5:8	Iesen tano num tamat na harmarsai, iau ni laka uram narako tano num hala. Ma iau ni singa bukunkek ma ra tamat na urur tupas no num halhaliana hala na lotu.
13989	PSA 5:10	Pai tale bia da nurnur ta ira nianga ing i suur ta ira ha diet. Ira kaati diet i hung ma ra harhagawai. Ira ha diet i mapus hoing no hurhuraan meram ta tiga midi di rarik tar ie. Ma diet tange ra bis ma ira karame diet.
13991	PSA 5:12	Iesen bale diet ing diet barahit narakoman taam bia diet na laro. Waak diet na inge hatikai ma ra gungunuama. Hakukuh diet ma no num harbalaurai, waing diet ing diet sip no hinsaam, diet naga pirlat ugu.
13999	PSA 6:7	Iau te tamaubal um tano sunuah. Tano kidilona bung ra bung iau suah tano suhugu. Ma iau hasulutne no kubegu ma ra polo na matagu.
14000	PSA 6:8	I te hansik um ira matagu ing iau suah ma ra tapanuk. Ma dir pai dadas um, i burena ta ira agu suk.
14003	PSA 6:11	Ira nugu ebar bakut, diet na hirhir ma diet na manga tapunuk. Diet na tahurus tapukus gasien ma ra hirhir.
14017	PSA 7:14	I te tagure ira uno rumus wara hinarubu. I te tagure ira uno lulungo na rumus.
14018	PSA 7:15	Nes baak! Tiga nong i tianane ra saksakena. I balaan ma ra purpuruan ma i kaha hapuasne ra bisbis.
14020	PSA 7:17	No purpuruan i haburen tar ie, na wis habaling ie. Ira uno nginangar na soot habaling no uluno at.
14021	PSA 7:18	Iau ni tanga tahut tano Watong uta ira uno taktakodas. Ma iau ni inge na pirharlat tano hinsana no Watong Nong i Naliu Harsakit.
14025	PSA 8:4	Ing bia iau la nesnes leh no num mawe, ira pinapalim na kaskas na limaam, no teka ma ira tiding ing u gate hakisi diet ta ira udiet subaan,
14033	PSA 9:2	Watong, iau ni pirlat ugu ma no nugu nilon bakut. Iau ni hapuasne ira num tamat na melmel na gingilaan na kinarup bakut.
14034	PSA 9:3	Iau ni kanakana ma ni guama taam. Iau ni inge na pirharlat tupas ugu, augu Nong U Naliu Harsakit.
14035	PSA 9:4	Ira nugu ebar diet tahurus tapukus, diet talau ma diet maat menalua taam.
14037	PSA 9:6	U te boor ira kantri ing diet pai Iudeia, ma u te gil haliare ira ut na sakena. U te suge hatikane se um ira hinsa diet.
14039	PSA 9:8	No Watong i harkurai hatika. I te hatur hadadas no uno kinkinis na harkurai wara tar harkurai.
14041	PSA 9:10	No Watong aie no barbarahit wara audiet ing di hagahe diet. I la balbalaure hadadas diet ta ira pakana bung na tinirih.
14043	PSA 9:12	Inge na pirlat tupas no Watong nong i la kiskis aram Saion. Da harpir nalamin ta ira kantri ta ira linge gate gil,
14047	PSA 9:16	Ira kantri ing diet pai Iudeia, diet te puko laka taar tano naan nong diet gate koh tar ie, ma ira kaki diet te taaba baling at tano kuun diet ga kapis tar ie.
14048	PSA 9:17	Di nunure no Watong tano uno takodasiana harkurai. Ira ut na sakena diet taaba baling ta ira pinapalim na lima diet.
14049	PSA 9:18	Ira ut na sakena diet tapukus taar tano midi, ma ira matanaiabar ta ira kantri bakut ing diet luban God.
14050	PSA 9:19	Iesen ira malahahin, God pa na luban hatikane diet. No harharahut nong ira maris diet nuruan ie, pa na pataam hatika.
14051	PSA 9:20	Nora Watong, taman tut! Waak u bale leh tiga tunotuno mon bia na petlaar ugu. Bale ira kantri ing diet pai Iudeia bia diet na tur ra matmataan taam, ma nu kure diet.
14055	PSA 10:3	I la butbut ta ira nginarau tano kaatine. I la haidane ira gumut ma i la ngangare no Watong.
14057	PSA 10:5	Ira uno hinahaan i la mon hunena. I manga gotgot ma ira num harkurai i tapaka makaia ho ie. I la ngaangangar taar ta ira ana suk.
14058	PSA 10:6	I la tangtange tana iaat, “Taie tiga linge pa na gune iau. Iau ni guama hathatikai ma pa ni haan tupas ta saksakena.”
14060	PSA 10:8	I la nanaho kumkumaan hutet ta ira taman. I la bubu bing hakarup ira tunotuno ing taie pa da nes leh ta nironga ta diet. I la munmunuane kuman diet ing na haliare diet.
14061	PSA 10:9	I la nohnoh hoing tiga laion ing i susuhai taar. I la palpalim kawase diet ing taie ta harharahut ta diet ma i la rahrahi leh diet ma no uno uben.
14062	PSA 10:10	I la halhaliare ira ana hiruo ma diet puko suur. Diet puko menapu ta ira uno dadas.
14063	PSA 10:11	I la tangtange tana iaat, “God i te luban. I te suhe no uno matmataan ma pana le naanaas.”
14066	PSA 10:14	Iesen augu, God, u la nesnes ira haragahai ma ira tapunuk. U la liklik kaike ra magingin wara balbalu pukus ma no limaam. Nong taie ta harharahut tana, i la tartar ise tar ie ukaia ho ugu. Augu no ut na harharahut ta ira tintana.
14068	PSA 10:16	No Watong aie no tamat na lualua hathatikai. Ira sakana kantri diet na panim sukun no uno pise.
14074	PSA 11:4	No Watong ie kenam narakoman tano uno halhaliana hala. No Watong i kis taar kenam tano uno kinkinis na harkurai aram ra mawe. I nes tar ira tunotuno tano ula hanuo. Ira matana i walar diet.
14077	PSA 11:7	Kanong warah, no Watong i takodas. I manga sip ira takodasiana magingin. Ira ut na takodas, diet na nes no matmataan tana.
14080	PSA 12:3	Diet bakut diet la habato ira udiet harwis. Ira palabulu diet la harhau ma ra harabota.
14083	PSA 12:6	No Watong i tange hoken, “I taar burena ta ira magingin na haragahai taar ta ing taie ta harharahut ta diet ma ira sunuah na marmaris ta ira maris, iau ni taman tut um kaiken. Iau ni balaure bat diet sukun sige diet ing diet tange hagahe diet.”
14086	PSA 12:9	Ira ut na sakena diet haan hurbit bia um, huo mah asa ing i tar hirhir, di hatamat taar ra matmataan ta ira tunotuno.
14091	PSA 13:5	No nugu ebar na tange, “Iau te petlaar ie,” ma ing diet malentakuane iau diet na guama bia iau puko.
14092	PSA 13:6	Iesen iau nurnur tus tano num mangana harmarsai nong pa na haan talur iau. No kaatigu i kanakana tano num harhalon. Iau ni inge tupas no Watong, kanong gate gil ra bilai tagu.
14093	PSA 14:1	No ulba i tange narako tano kaatine, “Taie ta God.” Ira udiet nilon i mapus sakasaka ma da miliguruane ira udiet tintalen. Taie tikai i gil no tahut.
14099	PSA 14:7	Maris, iau manga sip bia no harhalon ta ira Israel na hanuat me Saion! Ing no Watong na bul pukus habaling ira bilbilai taar ta ira uno matanaiabar, i tahut bia ira bulumur te Iakop diet na guama. I bilai bia ira Israel diet na laro.
14106	PSA 16:2	Iau ga tange tano Watong, “Augu no nugu Tamat. Iau pai kap tiga bilai na linge sen bia mekaia ho augu sen mon.”
14107	PSA 16:3	Ira halhaliana sige diet ken ta ira numehet pise, diet ing ira minamari diet i tamat, ma ira nugu kanakana bakut i kis narako ta diet.
14108	PSA 16:4	Ira marmaris ta diet ing diet hilau mur ira mes na god na tamat hanahaan. Iau pa ni hurange ise ira udiet hartabar na de tupas ira palimpuo, ma iau pa ni kilam mah ira hinsa diet.
14111	PSA 16:7	Iau ni pirlat no Watong, aie nong i la harharahut iau ma no uno minminonas na nianga. Huo mah ra bung no kaatigu i la pirpir iau.
14112	PSA 16:8	Iau te bul hatikane tar no Watong menalua tagu. Aie ken ra kata na limagu, kaik, pai tale be da gune iau.
14113	PSA 16:9	Io kaik, no kaatigu i guama ma no karamegu i kanakana, no palatamaigu mah na kis timaan sukun ira hiniruo,
14114	PSA 16:10	kanong pa nu waak se tar iau tano hanuo na minaat. Iau te tar tutun no nugu nilon taam, kaik pa nu tode tar iau bia ni marsang.
14117	PSA 17:2	Iau sasaring bia nu hamines hapalaine bia iau pai gil ta sakena. Na tahut bia ira mataam at na nas asa ing i takodas.
14118	PSA 17:3	Ing bia u la nesnes salok no kaatigu ma u la rare timaan iau ra bung, ma ing mah bia u la walwalar iau, pa nu silihe tiga linge. Iau te bul tar no nugu dadas na lilik bia no hagu pa na gil magingin sakena.
14119	PSA 17:4	Iau pai la murmur ira gingilaan ta ira tunotuno mon. Taie. Iesen iau te mur no nianga ta ira palabulum. Huo, iau te haan paas laah tano subaan ta ira ut na haragawai.
14120	PSA 17:5	Ira pinpaas na kakigu i te mur ira num sinalil. Ira kakigu pai le malmalagir.
14130	PSA 17:15	Ma iau, iau ni nes no num matmataan kanong iau te gil ra takodas. Ing iau ni pada, iau ni guama wara nesnes ugu.
14132	PSA 18:2	Iau sip ugu, Watong, no nugu dadas.
14134	PSA 18:4	Iau tataau uram tano Watong nong i takodas bia da pirlat ie, ma iau te langalanga sukun ira nugu ebar.
14135	PSA 18:5	Iau te wiwis taar um tano winwisaan na minaat. No dadas na tektek na halhaliarai i te kap iau.
14137	PSA 18:7	Tano nugu tapunuk iau ga tataau uram tano Watong. Iau ga suah uram hono nugu God wara harharahut. Meram tano uno hala na lotu ga hadade no ingagu. No nugu sunuah ga haan tupas ie ma ga hadade.
14140	PSA 18:10	I ga harbasiane no mawe ma gaam hansur. Ga papaas kora ta ira bungbungana bahuto.
14141	PSA 18:11	I ga kawas hut ta ira kerubim ma gaam pupungo. Ga beel laah ta ira babana no baiangin.
14142	PSA 18:12	I ga gil no kankado bia uno hanuo na munmun, ma uno pupulus wara hakukuh bus ie ma ra bungbungana bahuto na bata tano mawe.
14145	PSA 18:15	I ga lapotane ira uno rumus ma gaam pasak harbasiane ira ebar. A tamat na hile ga haliare harbasiane diet.
14146	PSA 18:16	Ira salil tano balana no tes ga hanuat puasa, ma ira burena no ula hanuo ga kis palai tano num harboor, Watong, ing no dadas na mansungum ga suur tano matana ngarngarom.
14147	PSA 18:17	I ga sasangaha suur meram naliu ma gaam palim leh iau, gaam sor leh iau mekaia ra lamlamana taah.
14151	PSA 18:21	No Watong i te balu iau haruat ma ira nugu takodasiana magingin. I te kul iau haruat ma ira limagu ing pai bilinge.
14152	PSA 18:22	Kanong warah, iau te mur ira ngaas tano Watong. Iau pai le gil ta nironga be ni tar tihigu tano nugu God.
14153	PSA 18:23	Ira uno harkurai bakut kanik menalua tagu. Iau pai le tur talur ira uno harkurai.
14154	PSA 18:24	Iau te mur ira bilai sen mon ra matmataan tana, ma iau pai le gil ta sakena.
14155	PSA 18:25	No Watong te balu iau haruat ma ira nugu takodasiana magingin. I te kul iau haruat ma ira limagu ing pai bilinge ra matmataan tana.
14160	PSA 18:30	Ing nu harharahut iau, ni petlaar bia ni harsomane timaan tiga matana ubane. Ing no nugu God i tika ma iau, iau ni kawe tiga tamat na balo.
14161	PSA 18:31	Iesen ing ta God, ira uno ngaas i bilai harsakit. No nianga tano Watong i tutun, taie ta bis tana. Aie tiga bahbahit ta diet ing diet na barahit tana.
14164	PSA 18:34	I la gilgil ira kakigu hoing ira kakina dia. I la harharahut iau waing nigi tur aram naliu ra uladih.