13972	PSA 4:2	Taram iau ing bia iau tataau tupas ugu, no nugu takodasiana God. Hasangeh iau sukun ira nugu tinirih. Nu bala malum tagu ma nu taram ira nugu sinasaring.
13975	PSA 4:5	Ta ira numuat ngalngaluan, waak muat gil ta nironga. Ing muat noh taar ta ira numuat suuh, muat na nes gilgilse ira numuat nilon ma muat na kis kunkun.
13990	PSA 5:11	God, tange bia diet ronga! Bale leh diet bia ira udiet harpingit na burena ta ira udiet punuko. Tule isisai ta diet kanong ira udiet magingin sakena i haleng, kanong warah, diet te tur talur ugu.
13992	PSA 5:13	Tutun saakit, Watong, u la haidane ira ut na takodas. U beh luhutane diet ma no num harmarsai hoing tiga bahbahit.
13997	PSA 6:5	Talingaan, Watong, ma nu hasangeh iau. Halon iau murmur no num harmarsai nong pa na pataam.
13998	PSA 6:6	Taie tikai pa na lik leh ugu ing bia i te maat. Sige tiga nong i la pirpirlat ugu mekaia tano midi?
13999	PSA 6:7	Iau te tamaubal um tano sunuah. Tano kidilona bung ra bung iau suah tano suhugu. Ma iau hasulutne no kubegu ma ra polo na matagu.
14010	PSA 7:7	Watong, taman tut ma no num ngalngaluan. Tut hut wara hinarubu ma no nginangar ta ira agu suk. Nugu God, tangahun, ma nu bul harkurai wara harharahut iau.
14018	PSA 7:15	Nes baak! Tiga nong i tianane ra saksakena. I balaan ma ra purpuruan ma i kaha hapuasne ra bisbis.
14019	PSA 7:16	Tiga nong i bulbul kuun wara hakuni ira mes, na puko laka baling taar tano tungtung i kilkil ie.
14058	PSA 10:6	I la tangtange tana iaat, “Taie tiga linge pa na gune iau. Iau ni guama hathatikai ma pa ni haan tupas ta saksakena.”
14076	PSA 11:6	Na burange ira lakit na iaah ma ra solam ing i kalkalangaruan taar ta ira ut na sakena. Tiga mamahiana dadaip diet na kap bia udiet kunkulaan.
14082	PSA 12:5	ing diet la tangtange bia, “Mehet na petlaar ma ira karame mehet. Mehet at, mehet kure ira palabulu mehet. Taie tikai i tale bia na tikal mehet.”
14093	PSA 14:1	No ulba i tange narako tano kaatine, “Taie ta God.” Ira udiet nilon i mapus sakasaka ma da miliguruane ira udiet tintalen. Taie tikai i gil no tahut.
14095	PSA 14:3	Diet bakut diet te siel wiis laah. Diet tika bakut, diet te hanuat sakena. Taie tikai pai gil no tahut, taie tunat tikai.
14106	PSA 16:2	Iau ga tange tano Watong, “Augu no nugu Tamat. Iau pai kap tiga bilai na linge sen bia mekaia ho augu sen mon.”
14110	PSA 16:6	U te igah tar no nugu umaan kai ra bilai na katon. Tutun saakit, iau te hatur kawase ra melmel na pinlawegu.
14116	PSA 17:1	Watong, sa talingaam tano nugu takodasiana tintaau. Hadade no nugu sunuah. Taram no nugu sinasaring, nong i hansur mekatiga ta ira palabulugu ing pai harabota.
14119	PSA 17:4	Iau pai la murmur ira gingilaan ta ira tunotuno mon. Taie. Iesen iau te mur no nianga ta ira palabulum. Huo, iau te haan paas laah tano subaan ta ira ut na haragawai.
14121	PSA 17:6	God, iau tataau tupas ugu, kanong augu nu balu iau. Taram iau ma nu hadade no nugu sinasaring.
14128	PSA 17:13	Taman tut, Watong! Tur bat diet ma nu me bul hasur diet. Halon iau ma no num wise sukun ira ut na sakena.
14137	PSA 18:7	Tano nugu tapunuk iau ga tataau uram tano Watong. Iau ga suah uram hono nugu God wara harharahut. Meram tano uno hala na lotu ga hadade no ingagu. No nugu sunuah ga haan tupas ie ma ga hadade.
14156	PSA 18:26	Ta diet ing pai haruat bia da nurnur songa ta diet, nu haminas be augu at pai haruat bia da nurnur songa taam. Ta diet ing diet takodas harsakit, nu haminas bia u takodas harsakit.
14157	PSA 18:27	Ta diet ing diet gamgamatien, nu haminas ugu bia augu at u gamgamatien, iesen ta ira sakapsakapuana nu haminas be a keskes ugu.
14162	PSA 18:32	Kanong warah, no Watong sen mon aie no God. Taie tiga mes. Ma sige mah um no Haatkis? Taie tiga mes. No udahat God sen mon.
14184	PSA 19:3	Ta ira kaba bung no mawe i la hurhurange hawaat ra nianga. Ta ira bung ra bung bakut i la bulbul hapalaine ra minmintot.
14185	PSA 19:4	Taie tiga kapis nianga bia tiga nianga, be no ingana pa di hadadei.
14188	PSA 19:7	No kasakes i tut hut ma tiga ngusuno no mawe ma i hilau luhutanei ukatiga tiga mes na palpal. Taie tiga linge pai mun tano uno mamahien.
14206	PSA 20:10	Watong, halon no king! Taram het ing het tataau!
14213	PSA 21:7	Tutun saakit, u te bale tar tana ira haraidaan ing pa na pataam. Ma i hung ma ra gungunuama kanong u kis tika mei.
14216	PSA 21:10	Tano pakana bung nu harapuasa, nu halo diet hoing ra iaah i manga mamahien. Tano uno nginangar no Watong na kanam diet, ma no uno iaah na ien diet.
14237	PSA 22:17	Ira paap diet tur bat iau. Tiga kaba sakana tunotuno dal te tur luhutane iau, dal te gaso ira limagu ma ira kakigu.
14243	PSA 22:23	Iau ni hinawas palai tano hinsaam ta ira tasigu. Tano kinkinis hurlungai iau ni pirlat ugu.
14246	PSA 22:26	Tano tamat na kinkinis hurlungai iau ni pirlat ugu uta ira linge u gate gil. Iau ni pakile haruatne no nugu kunubus ra matmataan ta diet ing diet urur taam.
14258	PSA 23:6	Tutun saakit, a bilbilai ma ra harmarsai na mur iau ta ira nugu bungbung na nilon bakut. Ma iau ni kis hathatikai narako tano ngasina no Watong.
14259	PSA 24:1	Tano Watong no pise ma ira linge bakut tana. No ula hanuo mah ma diet ing diet la lon aram naliu tana auno.
14271	PSA 25:3	Taie tikai ing i kis nanahai taam bia tiga pakana bung na kaha hirhir, iesen diet ing diet la gilgil ra sakana hasakit ma taie ta burena, diet na kaha hirhir.
14272	PSA 25:4	Tuko haminas iau ta ira num ngaas, Watong. Hausur iau ta ira num tintalen.
14284	PSA 25:16	Talingaan ukai ho iau ma nu marse iau, kanong iau te kis sen taar um ma ra hinangul.
14306	PSA 27:4	Tiga linge iau saring tano Watong. Iakan nong iau silsilihei, ma i hoken: bia iau ni lon narako tano hala tano Watong ta ira bungbung bakut tano nugu nilon, wara matmate no minamar tano Watong ma wara lilik murmur ie narako tano uno hala na lotu,
14343	PSA 30:7	Ing iau ga balaraan, iau ga tange, “Taie tiga linge pa na gune iau.”
14380	PSA 32:6	Io huo, sige diet ing diet te tar tutun ira udiet nilon taam, diet na sasaring ukatiga ho ugu tano pakana bung ing i tale bia da nes leh ugu. Tutun saakit, ing no taah na taahit ma na lel, pai tale bia na saal huat taar tana.
14388	PSA 33:3	Inge tiga sigar ninge uram ho ie. Ting timaan no gita, ma nu kup ma ra gungunuama.
14401	PSA 33:16	Taie tiga king i halon habaling ie ma no tamtamat tano uno matana ubane. Taie tiga umri i tale be na hilau pas ra rom ma no uno dadas at.
14422	PSA 34:15	Tur talur ira sakena ma gil ra bilai na magingin. Silihe no malum ma hilau mur ie.
14430	PSA 34:23	No Watong na kul halangalanga ira uno tultulai. Taie tikai ing i barahit tana na kap ra harpidanau.
14432	PSA 35:2	Kap leh no bahbahit ma ira linge na hinarubu. Taman tut ma nu hanuat wara harharahut iau.
14433	PSA 35:3	Tatik no kusur ma no haasok wara harsomane diet ing diet paspasak hani iau. Tange tagu, “Iau no num harhalon.”
14434	PSA 35:4	Hamalahuan ma nu hahirhir diet ing diet wara bubu bing iau. Tule pukus diet ma nu hamarisne diet ing diet pingpingit sakena utagu.
14453	PSA 35:23	Tangahun, ma taman tut ukai wara gaiegu! Hargor wara gaiegu, augu no nugu God ma no nugu Watong.
14460	PSA 36:2	Tiga nianga na hakilang ie ken narako tagu uta ira saksakena tano sakana tunotuno ma i tange hoken: Taie ta bunurut tane God i kis tana.
14468	PSA 36:10	Kanong warah, ie ke ho ugu no puat na nilon. Tano num lulungo het nes ra madaraas.
14476	PSA 37:5	Tar se tar no num ngaas uram hono Watong. Nurnur tana ma na gil hoken:
14490	PSA 37:19	Ta ira pakana bung na tamat na halhaliarai, diet pa na maris. Ta ira pakana bung na taburungan, diet na guama ma ra haleng na nian.
14498	PSA 37:27	Tahurus talur ra sakena ma nu gil ra bilai. Kaik, nugu lon hatika tano uno taman.
14515	PSA 38:4	I burena tano num ngalngaluan, iau pai kilingane ra bilai na nilon. Taie ta dadas ta ira surugu tako bia ta ira nugu magingin sakena.
14519	PSA 38:8	No tihigu i te kilingane ra dadas na ngunngutaan ing i mamahien hoing ra iaah. Taie um ta bilbilai tano tamaigu.
14520	PSA 38:9	Taie nugu ta dadas ma di te haliare hatikane iau. Iau kup ma ra ngunngutaan meram narako tunat tagu.
14524	PSA 38:13	Diet ing diet silsiliha ngaas wara hapataam no nugu nilon, diet tagure ira udiet kuun, ma diet ing diet wara hanghagahe iau, diet iangianga bia diet na haliare iau. Tano kidilona bung bakut diet harpingit wara habato iau.
14575	PSA 41:9	“Tiga sakana minaset i te kap tar ie. Pa na taman tut laah tano sibaan i noh taar kaia.”
14595	PSA 43:3	Tule hawaat no num lulungo ma no num tutun bia dir na lue iau, dir na lamus iau uram ra num halhaliana uladih, ukaia hono subaan nong u la lalon kaia.
14603	PSA 44:6	Mehet la paspasak pukus diet ma no num dadas. Tano dadas tano hinsaam mehet papasuane diet ing diet malentakuane het.
14606	PSA 44:9	Tano kidilona bung bakut mehet latlaat tupas ugu, God, ma het na pirlat hatikane no hinsaam.
14613	PSA 44:16	Tano kidilona bung bakut iau palai bia diet hamarisne iau, ma a hirhir i te pulus no nugu matmataan
14624	PSA 44:27	Tut hut ma nu harahut het. Halon het kanong tano num harmarsai nong pai la patpataam.
14626	PSA 45:2	Tiga bilai na nianga i haguama no kaatigu ing iau was murmur ira nianga ing iau pakat utano king. No karamegu aie no linge na pinapakat tano keskes na ut na pakpakat.
14628	PSA 45:4	Taline hadikdikit no num wise na hinarubu ukaia ra binabatim, augu no dadas na tunotuno. Sigasigam ma ra melmel na minamarim.
14634	PSA 45:10	Nalamin ta ira num wasire na hahin u suko diet, ira nat na hahi diet ira king mah kaike. Tano kata na limaam no kwin nong di hamar ie ma ra gol me Opir.
14636	PSA 45:12	No king i te ngalabo tano num bilai na mangmangis. Taram ie kanong aie no num watong.
14637	PSA 45:13	A hinasik me Taia na hanuat ma ra hartabar, ma ira watong diet na silihe no num harkalak.
14647	PSA 46:5	Tiga taah kana, ing ira auno katen taah na haguama no tamat na pise na hala ta God, no halhaliana taman ing aie Nong i Naliu Harsakit i la lalon kaia.
14667	PSA 48:3	No uladih Saion i manga tamat ma i nanaas timaan, ma no ula hanuo bakut i guama tana. Hoing no uluno no tamat na uladih Zapon, huo mah no uladih Saion, no pise na hala tano Tamat na King.
14672	PSA 48:8	U ga haliare diet hoing ira tamat na mon me Tasis. Tiga dadaip meres hono kasakes i la tutut hut mekaia ga puuh sale diet.
14681	PSA 49:2	Hadade ken, muat ira tunotuno. Taram, muat ing muat lon ta iakan ra ula hanuo,
14687	PSA 49:8	Taie tikai i tale bia na kul pukus no lon auno tiga mes, bia na tar kunkulaan ta God wara gaena.
14688	PSA 49:9	No kunkulaan wara gaena tiga lon a tabi matana. Taie ta kunkulaan i haruat
14695	PSA 49:16	Iesen God na kul pukus leh iau mares ra midi. Tutun saakit, na lamus leh iau tupas ie.
14700	PSA 49:21	Tikai auno mon tamat na bunbulaan ma taie ta palpalai tana, i ngan hoing ira wawaguai di haliare.
14714	PSA 50:14	Tar ra hartabar na tanga tahut uram ho God. Gil haruatne ira num kunubus uram ta Nong i Naliu Harsakit.
14730	PSA 51:7	Tutun saakit, a ut na sakena iau ing di ga kaha iau. A ut na sakena iau mekaia laah ing no pawasigu ga tianane leh iau.
14731	PSA 51:8	Tutun saakit, u sip bia no tutun na kis aram narakoman tagu. A kai narako tagu tano katon i kis susuhai, u hausur iau tano minmintot.
14736	PSA 51:13	Waak u se hasur iau mekaia tano matmataan taam bia nu kap se no num Halhaliana Tanuo mekai ho iau.
14743	PSA 51:20	Tano num bilai na sinisip, gil hanunuhuan Saion. Hatur haut ira balo ta Ierusalem.
14751	PSA 52:7	Tutun saakit, God na bul hasur ugu ma na bu bing hatikane ugu. Na palim hadadas haut ugu ma na ras tapikane ugu tano num palpalih. Na ragatane haut ugu mekaia ra hanuo gar ta ira lilona.
14757	PSA 53:2	No ulba i tange narako tano kaatine, “Taie ta God.” Ira udiet nilon i mapus sakasaka ma da miliguruane ira udiet tintalen. Taie tikai i gil no tahut.
14759	PSA 53:4	Diet bakut diet te siel wiis laah. Diet tika bakut, diet te hanuat sakena. Taie tikai pai gil no tahut, taie tunat tikai.
14766	PSA 54:4	God, hadade ira nugu sinasaring. Taram ira nianga mekai ra hagu.
14768	PSA 54:6	Tutun saakit bia God aie no nugu harharahut. No Watong aie nong i la hatur hadadas tar iau.
14794	PSA 55:23	Tar se ira num tinirih tano Watong ma aie na hadadas ugu. Pa na waak se ira ut na takodas bia diet na puko.
14797	PSA 56:2	God, nu marse iau, kanong ira tunotuno diet paspasak hurbitane hani iau. Ta ira kaba bungbung diet sunang tartar wara hinarubu ma iau.
14801	PSA 56:6	Tano kudulena bung diet ruru halilie ira nugu nianga. Diet la pingpingit wara hagahe iau.
14804	PSA 56:9	Pakat kawase ira nugu tapunuk. Pintare leh ira luur na matagu tano num gingop. Tutun saakit, u te was bakut leh.
14805	PSA 56:10	Ira nugu ebar diet na tahurus tapukus, ing ni tataau wara harharahut. Ta iakan iau ni nunure bia God i tur ma iau.
14824	PSA 58:3	Taie. Narako tano kaati muat, muat pingpingit ira harkurai pai takodas, ma ira lima muat i helar tano ula hanuo bakut.
14833	PSA 58:12	Ira tunotuno diet na tange, “Tutun! A mon kunkulaan audiet ira ut na takodas. Tutun! Tiga God kana nong i kure no ula hanuo.”