23242	MAT 2:4	Io, Herot ga tau hulungai bakut ira tamat na pris ma ira tena hausur ta ira warkurai ta Moses, gaam tiri diet bia, “Da kaha no Mesaia ha?”
23275	MAT 3:14	Senbia Ioanes ga walar bia na tigal ia, gaam tangai bia, “Gaar bilai bia u na bapitaiso iau. Wara biha u hanuat bia iau na bapitaiso uga?”
23462	MAT 9:14	Namur um, ira bulu na hausur ta Ioanes no tena bapitaiso diet ga hanuat ma diet ga tiri Iesu hoken: “Wara biha bia mehet ma ira Parasi, mehet la hahal tupas Kalou, senbia ira num bulu na hausur, pataia?”
23476	MAT 9:28	Ma bia Iesu ga haan laka tiga hala, ira airua pula dir ga haan tupas ia ma Iesu ga tiri dir hoken: “Mamur nurnur tagu bia iau tale bia ena halangalanga mamur?” Ma dir ga balu ia bia, “Watong, u tale.”
23530	MAT 11:2	Ma ne Ioanes no tena bapitaiso ga kis ra hala na harpidinau. Ma bia ga hadadei uta ira pinapalim ta Karisito, Ioanes ga tulei airua ta ira nuna bulu na hausur bia dir na tiri Iesu hoken: “Uga mon nong mehet la kiskis kahai ia bia na hanuat, bia mehet na kis kahai baa tiga mesa?”
23568	MAT 12:10	Ma tiga tunatuna no limana ga maat, ga kis taar kaia. Aring diet ga kis taar mah kaia ing diet ga sip bia diet na takun Iesu. Io hua, diet gaam tiri ia hoken: “I tahut bia da halangalanga ira ina minaset tano Bung na Sinangeh bia taia?”
23581	MAT 12:23	Ma ira tunatuna diet ga karup ma diet ga tangai bia, “Pai no tubu Dewit dak iakan?”
23618	MAT 13:10	Ma ira nuna bulu na hausur diet ga haan tupas Iesu, diet gaam tiri ia bia, “Wara biha u la iangianga ta diet ira mataniabar ma ra nianga harharuat?”
23659	MAT 13:51	Ma Iesu ga tiri bia, “Muat palai ta ken ra linga?” Ma diet ga balu ia bia, “Masa, mehet palai!”
23664	MAT 13:56	Ma ira hininina bakut diet ken ma dahat. Io, i kap lah tutuna at kaiken ra linga mamaha?”
23714	MAT 15:12	Io, ira nuna bulu na hausur diet ga haan tupas ia, diet gaam tiri ia bia, “U palai taar bia ira Parasi diet bala ngungut ing diet hadadei asa ing u tangai?”
23736	MAT 15:34	Ma Iesu ga tiri diet bia, “Aisa sibana beret kek ta muat?” Diet ga balu ia bia, “A len ma irua na sibana beret ma a bar nat na kiripa.”
23754	MAT 16:13	Iesu ga hanuat taar tano hanua tano pisa na hala Kaisaria Pilipai. Ma ga tiri ira nuna bulu na hausur bia, “Ira mataniabar diet la tangtangai bia Nong a Tunatuna Ia, siga ia?”
23756	MAT 16:15	Ma Iesu ga tiri diet, “Ma muat, muat tangai bia iau siga?”
23779	MAT 17:10	Ma bia no kaba bulu na hausur dal ga hadadei bia ga tangai hua, dal ga tiri ia bia, “Wara biha ira tena hausur ta ira warkurai ta Moses diet la tangtangai bia no poropet Elaija na tula hanuat?”
23788	MAT 17:19	Ma namur, ira nuna bulu na hausur diet ga haan tupas Iesu, diet gaam tiri kinawanei ia hoken: “Wara biha bia pa mehet tale wara tultulei hasur sei no sakana tanua?”
23793	MAT 17:24	Ma Iesu ma ira nuna bulu na hausur diet ga hanuat taar Kapeneam. Ma ari tunatuna diet ga hanahaan wara kap hartabar tano tamat na hala na lotu. Ma diet ga hanuat taar mah tane Pita. Ma diet ga tangai tana bia, “A tutuna bia no numuat tena hausur mah i la kulkul takis tano tamat na hala na lotu?”
23794	MAT 17:25	Ma Pita ga balu diet bia, “Masa!” Ma bia Pita ga haan laka tano ngasiana, Iesu ga tula tangai tana bia, “U lik hoeh, Saimon? Ira tamat na lualua na gil warkurai ta iakan ra ula hanua diet la kapkap ira takis ta ira nudiet huntunaan bia ta ira mesa?”
23797	MAT 18:1	Ma ta iakanong ra pakana bung ira bulu na hausur diet ga haan tupas Iesu, diet gaam tiri ia bia, “Siga i tamat sakit tano matanitu maram ra mawai?”
23817	MAT 18:21	Io, Pita ga haan tupas Iesu, gaam tiri ia bia, “Nugu Watong, aisa pakaan tutun at ing iau na lik luban sei ira sakena ing no tasigu i gil tagu? A len ma irua na pakaan i haruat?”
23834	MAT 19:3	Ari Parasi diet ga hanuat taar ta Iesu wara walwalar ia bia pa naga balu timaan no nudiet tinir. Ma diet ga tiri ia hoken: “I takodas ta ira nudahat warkurai bia tiga tunatuna na waak sei no nuna hahina, ma taia mon ta burena?”
23838	MAT 19:7	Diet ga tiri habal ia bia, “Ing bia hua, wara biha bia Moses ga tangai, ing bia tikai na sei no nuna hahina, na pakat tar ta nianga palai tano nudir palas tinolen ma na tar ia tano nuna hahina?”
23847	MAT 19:16	Io, tiga tunatuna ga haan tupas Iesu ma ga tangai bia, “Tena hausur, a bilai na pinapalim sa ing iau na gil bia iau naga kap no nilon hatikai?”
23851	MAT 19:20	Ma no marawana ga tangai bia, “Iau la murmur bakut kaikek. Asa baal um ing iau supi?”
23856	MAT 19:25	Ma bia ira nuna bulu na hausur diet ga hadadei tar hua, diet ga manga karup, diet gaam tangai tana hoken, “Bia hua, i nanaas bia taia tikai pai tale wara kapkap no nilon tutuna. Naka?”
23858	MAT 19:27	Io, Pita ga tangai tana bia, “Nas, ira numehet linga bakut, mehet ta haan talur tar wara murmur uga. Asa um kana ing mehet na kap?”
23882	MAT 20:21	Ma Iesu ga tiri ia, “U nem sa?” Ga balu Iesu bia, “Iau nem bia u na tangai bia ken ra airua natigu, dir na kis tikai ma uga tano num matanitu. Tikai na kis tano kesa na limaam, ma tikai tano sot na limaam.”
23883	MAT 20:22	Ma Iesu ga tangai ta dal bia, “Pa mutal palai tano linga mutal tirtiri iau tana. Mamur tale bia mamur na kap no ngunungut nong iau na kap ia?” Dir ga balu ia bia, “Mamir tale.”
23893	MAT 20:32	Ma Iesu ga tur, gaam tatau dir, ma gaam tiri dir bia, “Mamur sip bia iau na gil hoeh ta mamur?”
23905	MAT 21:10	Ma bia Iesu ga haan laka aram Ierusalem, io, a tabi nianga ga hanuat, ma ira mataniabar bakut kaia, diet ga karup, ma diet gaam dedar. Diet gaam tiri bia, “Siga iakan?”
23911	MAT 21:16	Diet ga tangai tana bia, “U hadadei tar a mon ing kaiken ra nat na bulu diet tangtangai! I biha bia pau tigal diet?” Ma Iesu ga tangai ta diet bia, “Masa! Iau hadadei diet. Hoing a mon muat gata was tar ta ira nianga ta Kalou, i tangai hoken: ‘U ta tagurei tar ira nat na bulu ma diet mah ing diet la susus baa, bia diet na pirlat uga.’”
23915	MAT 21:20	Ira bulu na hausur diet ga nas hua, diet ga karup. Ma diet ga tiri bia, “I ngen tutun at hoeh bia iakan ra ina fig i maranga gasien?”
23918	MAT 21:23	Iesu ga laka tano tamat na hala na lotu. Ma bia ga hausur ira mataniabar kaia, ari ta ira tamat na pris ma ari tena hausur ta ira warkurai ta Moses diet ga hanuat taar tana. Ma diet ga tiri ia bia, “U ta kap ra tamat na dadas na warkurai maha kaikek gu gil kaiken ra linga, ma siga i bul hatamat uga?”
23920	MAT 21:25	Muat lik bia Ioanes ga kap no nuna pinapalim na bapitaiso maram ra mawai bia makai ta ira tunatuna mon?” Diet ga worwor nalamin ta diet at hoken: “Bia dahat na tangai bia Ioanes ga kap no nuna pinapalim maram ra mawai, Iesu na tangai ta dahat bia, ‘Muat gaar ta nurnur mon ta ira nianga ta Ioanes.’
23926	MAT 21:31	Ma Iesu ga tiri diet ira lualua na lotu bia, “Siga ta dir ga mur ira sinisip tano nudir tata?” Diet ga balu Iesu bia, “No luena.” Io, Iesu ga tangai ta diet bia, “Muat hadadei baa! Ira tena kikinau ma ira hahina hilawai diet lalaka tano matanitu ta Kalou naluai ta muat.
23935	MAT 21:40	Ma Iesu ga tiri diet bia, “Io hua, bia no tunatuna a nuna no uma na hanuat, na gil bihanei ira tena balaura uma?”
23958	MAT 22:17	Io, u na hasasei mehet tano num lilik. I takodas bia dahat na kul tar no takis ta diet ing diet kurei dahat bia taia?”
23961	MAT 22:20	Io, ga tiri diet bia, “A malalari siga iakan ma a hinsa siga iakan?”
23977	MAT 22:36	“Tena hausur, gahim warkurai ta ira warkurai bakut ta Kalou i manga tamat?”
23983	MAT 22:42	“Muat lik hoeh ta nong di kilam ia bia no Mesaia? Na bulumur ta siga?” Diet ga balu ia bia, “Na bulumur ta Dewit.”
24029	MAT 24:3	Ma bia Iesu ga kis taar tano uladih Olip, ira nuna bulu na hausur sena mon diet ga hanuat taar tana, diet gaam tiri ia bia, “U na hasasei mehet bia, hunangesa kaiken ra linga ing u hasasei mehet tanai na hanuat. Ma a mangana hakilang sa mehet na nas ing na haminis no num hinanuat ma no hauhawatnei ta iakanin ra lon?”
24138	MAT 26:15	Gaam tiri bia, “Ing bia iau na tar sei Iesu ta muat, asa tutun at ing muat na tar tagu?” Io, diet ga was tar aitul a sangahul na siliwa tana.
24140	MAT 26:17	Io, tano luena bung tano Nian na Beret Pai Lalat, ira bulu na hausur diet ga haan tupas Iesu, diet gaam tiri ia, “U nem bia mehet na tagurei no Nian na Hinahaan Sakit aha?”
24145	MAT 26:22	Ing diet ga hadadei iakan ra nianga, diet ga manga tapunuk, io, tikatikai at ta diet ga tangai tane Iesu bia, “Nugu Watong, iau lik tutuna bia pai iau, naka?”
24148	MAT 26:25	Io, Iudas, nong na tur talur ia ma na tar sei ia, ga tangai tana bia, “Tena hausur, iau lik tutuna bia pai iau, naka?” Iesu ga balu ia bia, “Uga a mon.”
24185	MAT 26:62	Io, no tamat ta ira pris ga taman tut, gaam tangai ta Iesu bia, “Iau karup bia pau balu diet! U na tangai hoeh ta ken ra mangana nianga diet takun uga manei?”
24189	MAT 26:66	Muat lik hoeh?” Ma diet ga balu ia bia, “I tale at bia na maat!”
24209	MAT 27:11	Io, Iesu ga tur tano matmataan tano tamat ma Rom, ma no tamat ma Rom ga tiri ia bia, “Uga no king nudiet ira Iudeia?” Iesu ga balu ia bia, “A num nianga at!”
24211	MAT 27:13	Ma Pailat ga tangai tana bia, “Haleng na linga kaikek diet tangtangai tar taam. I ngen hoeh bia u hadadei bia tar a mon?”
24215	MAT 27:17	Io, bia ira mataniabar diet ga hanuat hulungai, Pailat ga tiri diet bia, “Muat nem bia iau na waak sei siga ukaia ta muat—Barabas, bia Iesu nong di kilam bia Karisito?”
24219	MAT 27:21	Ma no tamat ma Rom ga tiri diet bia, “Siga ta dir kaiken, muat nem bia iau na hasur tar ia ta muat?” Diet ga balu ia bia, “Barabas!”
24220	MAT 27:22	Io, Pailat ga tiri diet bia, “Ma iau na bihanei um Iesu nong di kilam ia bia Karisito?” Ma diet bakut, diet ga balu ia bia, “Da tut tar ia tano ula kabai!”
24221	MAT 27:23	Ma Pailat ga tiri diet bia, “Wara biha muat tangai hua? A mangana ronga sa i ta gil tar?” Sen diet ga manga kakonga balik, diet gaam tangai bia, “Da tut tar ia ra ula kabai!”
24244	MAT 27:46	Ma ra aitul a pakana bung ra matarahien Iesu ga kukula ma ga tangai, “Eloi, Eloi, lama sabaktani?” Ma no kukuraina bia, “Nugu God, nugu God, wara biha bia u ta haan talur iau?”
24347	MRK 2:18	Io, tiga pakaan ira bulu na hausur tane Ioanes no tena bapitaiso ma ira Parasi diet ga hahal tupas Kalou. Ma aring mataniabar diet ga haan tupas Iesu ma diet ga tiri ia, “Wara biha ira bulu na hausur tane Ioanes no tena bapitaiso ma diet ing diet mur ira magingin ta ira Parasi diet hahal tupas Kalou, ma ira num bulu na hausur, pataia?”
24361	MRK 3:4	Ma Iesu ga tangai ta diet, “Asa ing ira warkurai tane Moses i tangai bia da gil ra Bung na Sinangeh? Bia da harahut bia da hangungut? Bia da halon tikai, bia da bing tikai?” Senbia diet ga kis kunkun.
24378	MRK 3:21	Ma bia ira hinsaka Iesu diet ga hadadei hua, io, diet ga marsei ia, diet gaam tangai bia, “I biha? I ta ba. Naka?” Ma diet ga haan bia diet na hanawaan lah ia.
24430	MRK 4:38	Ma Iesu a mon kana ga sua manamur tano mon ma ga ulalang taar at. Ira bulu na hausur diet ga hangun ia ma diet ga tangai bia, “Tena hausur, pau manga lilik bia dahat wara mormorung?”
24432	MRK 4:40	Ma Iesu ga tangai ta ira nuna bulu na hausur bia, “Muat burut wara biha? Taia a baa numuat ta nurnur?”
24442	MRK 5:9	Ma Iesu ga tiri ia, “Siga no hinsaam?” Ga balu ia hoken: “No hinsagu ‘Arip na arip.’ Warah? A haleng sakit mehet.”
24463	MRK 5:30	Ing at no hahina ga sigirei no maal, Iesu ga hamaan kilam bia aring ta ira nuna dadas maram naliu gata haan talur ia. Ga tahurus gaam tiri diet, “Siga i sigirei no nugu sigasigam?”
24464	MRK 5:31	Ira nuna bulu na hausur diet ga tangai tana, “U biha? U nas ira mataniabar diet hartaguniguni ma diet sumsubak uga ma kana a baa u tirtiri bia siga i sigirei uga?”
24468	MRK 5:35	Bia Iesu ga iangianga a baa, aring tunatuna diet ga hanuat maram tano hala tane Jairos ma diet ga hasasei ia bia, “No natim i ta maat. Wara biha um u balbalaan ma no tena hausur?”
24482	MRK 6:6	Ma Iesu ga lik bia, “Maris! Wara biha pa diet nurnur?” Io, Iesu ga haan hurlabit taar ta ira taman gaam hausur ira mataniabar.
24500	MRK 6:24	Io, no gurar ga hansur gaam tiri Herodias, no pawasina, hoken: “Iau ni tiri um ia ta sa?” Ma no pawasina ga nem bia da bu bing Ioanes, kaikek gaam balu ia bia, “U na tangai tana bia u sip no wali Ioanes no tena bapitaiso.”
24574	MRK 8:5	Io, Iesu ga tiri diet, “Aisa sibana beret kek ta muat?” Ma diet ga balu ia bia, “A len ma irua na sibaan.”
24588	MRK 8:19	Muat ta luban ing iau ga bingit ira liman na sibana beret wara adiet ira liman na arip na mataniabar? Aisa ira kalot na sibana nian muat ga hahung?” Diet ga balu ia ma diet ga tangai bia, “A sangahul ma irua na kalot.”
24589	MRK 8:20	“Aisa mah ira kalot na nian muat ga hahung ing iau ga bingit ira liman ma irua na beret wara adiet ira ihat na arip na mataniabar?” Diet ga balu ia ma diet ga tangai bia “A liman ma irua na kalot.”
24590	MRK 8:21	Io, ga tangai ta diet, “Hoeh, pa muat palai a baa?”
24592	MRK 8:23	Iesu ga palim no limana no pula gaam lam hasur ia makaia tano taman. Ma bia Iesu gata iabis tar ira irua matana, io, ga bul ira irua limana tano pula, ma Iesu ga tiri ia, “U ta nas ta linga?”
24596	MRK 8:27	Io, Iesu ma ira nuna bulu na hausur diet ga hanahaan ta ira taman huteta tano pisa na hala Kaisaria Pilipai. Ma Iesu ga tiri diet kaia na ngaas bia, “Ira mataniabar diet la tangtangai bia iau siga?”
24598	MRK 8:29	Ma Iesu ga tiri diet, “Ma muat, muat tangai bia iau siga?” Pita ga balu ia ma ga tangai bia, “Uga no Mesaia.”
24618	MRK 9:11	Ma dal ga tiri Iesu bia, “Wara biha ira tena hausur ta ira warkurai tane Moses diet la tangtangai bia no poropet Elaija at na hanuat naluai tano Mesaia?”
24623	MRK 9:16	Ma Iesu ga tiri diet bia, “Muat hargau ma diet wara gaiana sa?”
24628	MRK 9:21	Ma Iesu ga tiri no tata tano bulu hoken: “Ga tur lah hunangesa iakan i la bubu ia?” Ma ga balu ia gaam tangai bia, “Tur lah at naluai ing ga nat na bulu.
24635	MRK 9:28	Ma bia Iesu ga laka uras narako tano hala, ira nuna bulu na hausur diet ga tiri kinawanei ia hoken: “Wara biha bia pa mehet tale wara tultulei hasur sei no sakana tanua?”
24640	MRK 9:33	Io, bia Iesu ma ira nuna bulu na hausur diet ga hanuat Kapeneam ma bia diet ga kis taar narako tano hala, Iesu ga tiri diet bia, “Asa iakanong muat ga harhargau pinei ia na ngaas?”
24659	MRK 10:2	Ma aring Parasi diet ga hanuat wara walwalar Iesu bia pa naga balu timaan no nudiet tinir. Diet ga tiri ia hoken: “I takodas ta ira nudahat warkurai bia tiga tunatuna na waak sei no nuna hahina?”
24660	MRK 10:3	Io, Iesu ga balu diet bia, “A warkurai ia hoeh nong Moses ga tar ia ta muat?”
24674	MRK 10:17	Bia Iesu ga hatahun hinahaan balin, tiga tunana ga hilau huat taar tana gaam satudu manaluai tana ma gaam tiri Iesu bia, “Bilai na tena hausur, iau na gil ra sa bia iau naga kap no nilon hatikai?”
24683	MRK 10:26	Ma diet ga manga karup, diet gaam tangtangai harbasianei ta diet, “Bia hua, i nanaas bia taia tikai pai tale wara kapkap no nilon tutuna. Naka?”
24693	MRK 10:36	Ma ga tiri dir, “Mamur sip bia ena gil sa ta mamur?”
24695	MRK 10:38	Ma Iesu ga tangai ta dir bia, “Pa mamur palai tano linga mamur tirtiri bia ena gil ia ta mamur. Mamur tale bia mamur na kap no ngunungut nong iau na kap ia? Ma mamur tale bia mamur na sola ta ira linga ing da gil tagu?”
24708	MRK 10:51	Ma Iesu ga tiri ia bia, “U sip bia iau na gil hoeh taam?” No pula ga balu ia bia, “Tena hausur, iau sip bia iau na nanaas.”
24713	MRK 11:4	Io, dir ga haan laah ma dir ga nas lah tiga sigara donki di ga kubus tar ia tano matanangas tiga hala ma ga tur taar tano ngaas. Bia dir ga palpalas ia, aring tunatuna ing diet ga turtur haan huteta diet ga tiri dir bia, “Mamur palpalas no sigara donki wara biha?”
24737	MRK 11:28	Io, diet ga tiri Iesu “U ta kap ra tamat na dadas na warkurai maha kaikek gu gil kaiken ra linga, ma siga i bul hatamat uga kaikek gu gil hua?”
24757	MRK 12:15	Dahat na kul no takis bia pa dahat na kul ia?” Senbia Iesu ga palai tano nudiet nianga bisbis, io, gaam tangai ta diet bia, “Muat nem bia muat na hakuni iau wara, biha? Muat kap baa tiga siliwa ukai nigi nas ia.”
24758	MRK 12:16	Io, diet ga kap hahuat no siliwa gaam tiri um diet, “A malalari siga iakan? Ma a hinsa siga iakan?” “Tano lualua ta ira tena warkurai,” diet ga balu ia.
24770	MRK 12:28	Tikai ta ira tena hausur ta ira warkurai tane Moses ga hanuat ma ga hadadei diet ga harhargau. Bia ga nas hoken bia Iesu gata balu timaan diet, ga tiri ia, “Gahim no warkurai ta ira warkurai bakut ta Kalou i manga luai?”
24790	MRK 13:4	“U na hasasei mehet, bia hunangesa kaiken ra linga ing u hasasei mehet tanai na hanuat. Ma a mangana hakilang sa mehet na nas ing na haminis bia kaikek ira linga diet ta huteta bia diet na hanuat?”
24835	MRK 14:12	Tano luena bung tano Nian na Beret Pai Lalat, ira Iudeia diet git bubu bing mah ira nat na sipsip diet naga ien wara liklik kahai no bung na Hinahaan Sakit. Ta iakanong ra bung ira bulu na hausur ta Iesu diet ga tiri ia, “U nem bia mehet na tagurei no Nian na Hinahaan Sakit aha?”
24842	MRK 14:19	Io, diet ga tapunuk hua tikatikai at ta diet gaam tangai ta Iesu bia, “Iau lik tutuna bia pai iau, naka?”
24883	MRK 14:60	Io, no tamat ta ira pris ga taman tut ra matmataan ta diet gaam tangai ta Iesu, “Iau karup bia pau balu diet! U na tangai hoeh ta ken ra mangana nianga diet takun uga manei?”
24884	MRK 14:61	Senbia Iesu pa ga babalu, ga tur kunkun taar a mon. Io, no tamat ta ira pris ga tiri habal ia, “Uga no Mesaia, no Nati Kalou, bia taia?”
24887	MRK 14:64	Muat ta hadadei tar ing i tangai hagawai Kalou bia dir haruat mon. Muat lik hoeh?” Diet bakut diet ga tangai bia Iesu i ta ronga ma i tale bia na maat.
24897	MRK 15:2	Ma Pailat ga tiri ia bia, “Uga no king nudiet ira Iudeia?” Iesu ga balu ia bia, “A num nianga at!”
24907	MRK 15:12	Io, Pailat ga tiri diet, “Iau na bihanei um iakan ra tunatuna muat kilam ia bia no king numuat ira Iudeia?”
24909	MRK 15:14	Pailat ga tiri habalin diet, “Wara biha muat tangai hua? A mangana ronga sa i ta gil tar?” Sen diet ga manga kakonga balik, diet gaam tangai bia, “Da tut tar ia tano ula kabai!”
24929	MRK 15:34	Ma ra aitul a pakana bung ra matarahien Iesu ga kukula ma ga tangai, “Eloi, Eloi, lama sabaktani?” Ma no kukuraina bia, “Nugu God, Nugu God, wara biha bia u ta haan talur iau?”
24945	MRK 16:3	Bia dal ga hanan haan dal ga hartiritiri ta dal bia, “Siga um na pulek sei no haat tano matana no midi?”