23233	MAT 1:20	ሃይሳ ኢዚ ቆፒሺን ፆሳ ኪታንቻይ ኣጉሞራ ኢዛስ ቆንጪዲ “ዳዉቴ ና ዮሴፌ! ኔ ጊጊሲዳ ማራማ ቃንꬃቲዳይ ፂሎ ኣያናን ጊዲዳ ጊሽ ኢዞ ኔሶ ኤፋናስ ባቦፋ።
23235	MAT 1:22	ጎዳይ ናቤ ኢሳያሳ ዱናን “ሄኮ! ጌላዖይ ቃንꬃታና፤ ኣቱማ ናካ ዬላና፤ ናዛ ሱንꬃይካ ኣማኑዔላ ጌቴታና፤ ሄሳ ቢርሼꬂካ ‘ፆሲ ኑናራ ዴስ’ ጌቴቲዲ ፃፌቲዳይሲ ፖሌታና ማላ ሃይሲ ዉሪካ ሃኒዴስ” ጊዴስ።
23243	MAT 2:5	ኢስቲካ ኢዛስ “ናቤይ ‘ዩሁዳ ቢታን ዲዛሬ ሃኔ ቤቴሌሜ! ታ ዴሬ ኢስራዔሌ ናጊዛዴይ ኔፔ ኬዛና ጊሽ ሃንኮ ዩሁዳ ሃሪዛይታፔ ኣዛንካ ጉፃካ’ ጊዲ ፃፊዳ ጊሽ ኢዚ ቤቴሌሜ ዩሁዳን ዬሌታና” ጊዲ ዮቲዳ።
23268	MAT 3:7	ዳሮ ፋርሳዌቲኔ ሳዱቃዌቲ ኢዚ ፃማቂዛሶ ዪሺን ቤዪዲ ዮሃኒሲ “ኢንቴኖ ሾሻቶ! ኢንቴ ሲንꬃራ ዲዛ ሃንቆፌ ኣታና ማላ ኢንቴና ኦኒ ቤሲዴ?
23288	MAT 4:10	ዬሱሲ “ሃይሶ ፃላዔ! ታ ሲንꬃፌ ሃካ! ‘ኔኒ ኔ ጎዳስ ፆሳስ ጎይና፤ ኢዛስ ፃላላ ኣዛዜታ’ ጌቴቲ ጌሻ ማፃፋን ፃፌቲዴስ” ጊዴስ።
23297	MAT 4:19	ዬሱሲ ኢስታ “ሃ ዪቴ! ታና ካሊቴ! ታ ኢንቴና ኣስ ኦይኪዛ ኣስ ኬሳና” ጊዴስ።
23360	MAT 6:9	ኢንቴ ዎሲሼ ‘ሳሎን ዲዛ ኑ ኣዋዉ! ኔ ሱንꬂ ኣንጄቶ።
23377	MAT 6:26	ኣኔ ሳሎ ካፎታ ፄሊቴ! ዜሬቴና፥ ማፄቴና፥ ዲዔን ቆሌቴና ሺን ኢንቴ ሳሎ ኣዋይ ኢስታ ሚዜስ። ኢንቴ ኢስታፌ ኬሂ ኣꬌኬቲ?
23381	MAT 6:30	ኢንቴኖ ፓጬ ኣማኖይ ዲዛይቶ! ሃቺ ኣሳ ኣይፌን ቤቲዲ ዎንቶ ታማን ዎꬋና ማታ ሃይሳꬆ ማይዚዛ ፆሲ ኢንቴና ሄሳፌ ሎዔꬂ ኣꬂ ማይዛናስ ዳንዳዬኔ?
23406	MAT 7:21	“ሳሎን ዲዛ ታ ኣዋ ሼኔ ፖሎንታ ዲሼ ታና ‘ጎዶ! ጎዶ!’ ጊዛይ ዉሪ ሳሎ ካዎቴꬅ ጌሌና።
23407	MAT 7:22	ሄ ጋላስ ዳሮቲ ‘ጎዶ! ጎዶ! ኑኒ ኔ ሱንꬃን ቲንቢቴ ዮቲቤኮኒ? ኔ ሱንꬃን ዳይዳንꬂ ኬሲቤኮኒ? ኔ ሱንꬃን ዳሮ ማላታ ኦꬂቤኮኒ?’ ጋና።
23408	MAT 7:23	ሄ ዎዴ ታ ኢስታስ ‘ታ ኢንቴና ሙሌካ ኤሪኬ! ኢንቴ ኢታቲ ታፔ ሃኪቴ’ ጋዳ ቆንጬራ ታ ኢስታስ ዮታና።
23416	MAT 8:2	ኢሲ ኢንቺራቻ ሃርጌይ ዲዛዴይ ዬሱሳኮ ሺቂዲ ኢዛ ሲንꬃን ጉልባቲዲ “ጎዶ! ኔ ኮይኮ ታና ፓꬃናስ ዳንዳያሳ” ጊዴስ
23417	MAT 8:3	ዬሱሲ ባ ኩሼ ዬዲዲ “ታ ዶሳዲስ፤ ፓፃ!” ጊን ኣዴዚ ሄ ሃርጌዛፔ ሄራካ ፓፂዴስ።
23420	MAT 8:6	“ጎዶ! ታ ኣሽካራይ ኬሂ ሳኬቲዲ ኬꬃን ኢቺዲ ዴስ” ጊዴስ።
23423	MAT 8:9	ታስካ ታና ኣዛዚዛ ሃላቃቲ ታፔ ቦላራ ዴቴስ፤ ቃሴካ ታስ ኣዛዜቲዛ ዎታዳራቲ ታፔ ጋርሳራ ዴቴስ፤ ኢስታፌ ኢሳ ‘ባ!’ ጊኮ ቤስ፤ ቃሴ ኢሳ ‘ሃያ!’ ጊኮ ዬስ፤ ታ ኣሽካራ ‘ሄሳ ኦꬃ!’ ጊኮ ኦꬄስ” ጊዴስ።
23433	MAT 8:19	ሄሳ ዎዴ ኢሲ ኣይሁዳ ኣማኖ ታማርሲዛዴይ ኢዛኮ ሺቂዲ “ኣስታማሬ! ኔ ቢዛሶ ኣዋካ ታ ኔና ካላና” ጊዴስ።
23435	MAT 8:21	ኢዛ ካሊዛ ኢሲ ሃራ ኣሲ ቃሴ “ጎዶ! ኮይሮ ባዳ ታ ኣዋ ሞጎ?” ጊዴስ።
23439	MAT 8:25	ኢዛ ካሊዛይቲ ኢዛ ቤጎꬂዲ “ጎዶ! ኑ ꬋዮስ፤ ኑና ኣሻ!” ጊዳ።
23440	MAT 8:26	ዬሱሲካ ኢስታ “ኢንቴኖ ኣማኖይ ፓጪዳይቶ! ኣዛስ ሃይሳ ማላ ባቤቲ?” ጊዴስ። ሄሳፌ ዴንዲዲ ጫርኮዛኔ ኣባ ዳምባላ ኢዚ ሃንቂን ሄራካ ሲርጵ ጊዴስ።
23443	MAT 8:29	ኢስቲካ “ፆሳ ናዉ! ኔስ ኑናራ ኣዛ ኢሲፌቴꬅ ዲዜ? ኑ ዎዴይ ጋኮንታ ዲሺን ኑና ፁጋና ያዲ?” ጊዲ ዋሲዳ።
23446	MAT 8:32	ዬሱሲካ ኢስታ “ቢቴ!” ጊዴስ። ዳይዳንꬃቲካ ኢስታፌ ኬዚዲ ጉዱንꬃታን ጌሊዳ። ጉዱንꬃቲ ዉሪካ ባ ዲዛሶ ኣፎራ ቢቻርሼ ኣባን ጌሊዲ ሃꬃን ሚቴቲዲ ሃይቂዳ።
23450	MAT 9:2	ሄን ኢሲ ጉንዳ ኣዴዛ፥ ኣሳይ ሃላራ ቶኪዲ ዬሱሳኮ ኤሂዴስ። ዬሱሲካ ኢስታ ኣማኖ ቤዪዲ ጉንዳ ኣዴዛ “ኣይኮይ ባ፤ ሃይሶ ናዞ! ኔ ናጋራይ ኣቶ ጌቴቲዴስ” ጊዴስ።
23453	MAT 9:5	‘ኔ ናጋራይ ኣቶ ጌቴቲዴስ’ ጉሳፌኔ ‘ዴንዳዳ ባ!’ ጉሳፌ ኣዋይሲ ካዉሼ?
23454	MAT 9:6	ጊዶ ኣቲን ኣሳ ናስ ቢታ ቦላ ኣሴ ናጋራፔ ማራናስ ሼኔይ ዲዛይሳ ኤራና ማላሳ” ጊዲ ጉንዳ ኣዴዛ “ዴንዳ! ኔ ሃላ ኤካዳ ጌዴ ኔሶ ባ” ጊዴስ።
23457	MAT 9:9	ዬሱሲ ሄፔ ዴንዲዲ ቢሼ ኢሲ ማቶሳ ጌቴቲዛዴይ ቃራፃ ቃንፂሲዛሶን ኡቲዳይሳ ቤዪዲ “ታና ካላ!” ጊን፥ ዴንዲዲ ኢዛ ካሊዴስ።
23472	MAT 9:24	“ኪቺቴ! ናያ ꬊስካዱስ ኣቲን ሃይቃቤኩ” ጊን ኢስቲ ኢዛ ቦላ ሚጪዳ።
23475	MAT 9:27	ዬሱሲካ ሄፔ ቢሺን ናምዑ ቆቄቲ “ዳዉቴ ናዉ! ኑና ማራሪኪ!” ጊዲ ዋሲሼ ኢዛ ጌዶ ካሊዳ።
23476	MAT 9:28	ቆቄቲካ ዬሱሲ ጌሊዳ ኬꬃ ኢዛ ካሊዲ ጌሊዳ። ዬሱሲካ ኢስታ “ታ ኢንቴ ኣይፌ ፓꬃና ዳንዳዒዛይሳ ኣማኔቲ?” ጊዲ ኦይቺዴስ። ኢስቲካ “ኤ፥ ጎዶ!” ጊዳ።
23477	MAT 9:29	ሄሳፌ ጉዬ ዬሱሲ ኢስታ ኣይፌ ቦቺዲ “ኢንቴ ኣማኖ ማላ ኢንቴስ ሃኖ!” ጊዴስ።
23486	MAT 9:38	ሄሳ ጊሽ ካꬃ ጎዳይ ካꬃኮ ኦሳንቻታ ዬዳና ማላ ዎሲቴ!” ጊዴስ።
23493	MAT 10:7	ቢዲኔ ‘ሳሎ ካዎቴꬅ ማቲዴስ!’ ጊዲ ሳባኪቴ።
23509	MAT 10:23	ኣሳይ ኢንቴና ኢንቴ ዲዛ ሄራፔ ጎዲኮ ሃራሶ ኪቺቴ! ታ ኢንቴስ ቱሙ ጋይስ፤ ኢንቴ ኢስራዔሌ ካታማ ኡባ ጋኮንታ ዲሺን ታ ኣሳ ናይ ያና።
23511	MAT 10:25	ታማሬይ ባና ታማርሲዛይሳ ማላ ዎይኮ ኣሽካራይ ጎዳ ማላ ጊዲኮ ሄሲ ኢዛስ ጊዳና። ኬꬃ ኣዋ ‘ቢዔሊዜቡላ’ ጊኮ ሶ ኣሳ ኣይሲ ሄሳፌ ኢታ ጌቴኔ!
23538	MAT 11:10	‘ኔ ባና ኦጌ ኔስ ጊጊሳናዴ ኔፔ ካሴታ ታ ኔስ ኪታና ጌቴቲዲ ኢዛ ጊሽ ካሴ ፃፌቲዳዴይ ኢዛኮ!’ ጊዴስ።
23542	MAT 11:14	ሂስቲኮ ኢንቴ ኤካና ኮይኮ ኢዚ ያና ጌቴቲዳ ኤላሲ ኢዛኮ!
23543	MAT 11:15	ሲዪዛ ሃይꬂ ዲዛ ኣስ ሲዮ!
23544	MAT 11:16	“ሃይሳ ሃ ዎዴ ኣሳ ኣዛን ሌሚሶ? ጊያን ኡቲዲ ባ ላጌታ ‘ኑ ኢንቴስ ዲꬂ ዲፂን ኢንቴ ዱርቤኬታ! ዬሆ ዚላልꬅ ዚላሊን ዬኪቤኬታ!’ ጊዛ ናይታ ሚሳቴቴስ።
23547	MAT 11:19	ታ ኣሳ ናይ ማሼኔ ኡያሼ ዪን ‘ሃይሲ ሚዲ ካሎንታ ኣሳ፥ ኡሻንቻ፥ ቃራፃ ሺሺዛይታሲኔ ናጋራንቻታስ ላጌኮ!’ ጊዳ። ጊዶ ኣቲን ፆሳ ኤራቴꬂ ባ ኦሶን ፂላዱስ” ጊዴስ።
23548	MAT 11:20	ሄሳፌ ጉዬ ዬሱሲ ኢዚ ማላታታ ኦꬂዳ ካታማ ኣሳይ ማሮቴꬃን ጌሎንታ ኣጊዳ ጊሽ “ኩራዚኔኔ ቤቴሳይዳ! ኢንቴና ኣዬ ኣና! ኢንቴ ቦላ ኦሴቲዳ ማላታይ ፂሮሴ ቦላኔ ሲዶና ቦላ ኦሴቲዳኮ ኢስቲ ማቃ ማይዒዲኔ ቢዲንꬃን ኡቲዲ ቤኒ ቤኒ ማሮቴꬃን ጌላናኮሺን።
23553	MAT 11:25	ሄ ዎዴ ዬሱሲ “ሳሎኔ ሳዓ ጎዶ! ታ ኣዋዉ! ሃይሳ ዳሮ ኤራንቻታፔኔ ጪንጫታፔ ቆታዳ ቄሪ ናይታስ ኔ ቆንጪሲዳ ጊሽ ታ ኔና ጋላታይስ።
23554	MAT 11:26	ታ ኣዋዉ! ኤ ሃይሲ ኔ ሲንꬃን ሎዖ ኔ ሼኔ ጊዲዲ ቤቲዴስ።
23571	MAT 12:13	ቃሴካ ኣዴዛ “ኔ ኩሼ ፒዲሳ!” ጊዴስ፤ ኣዴዚካ ባ ኩሼ ፒዲሲን ሂንኮ ኩሼዛ ማላ ፓፃ ጊዲዴስ።
23575	MAT 12:17	ሄሲካ ሃኒዳይ ናቤ ኢሳያሳን “ታ ዶሪዳይኔ ታ ኢዛን ኡፋዬቲዛ ታ ናይ ሃይሳኮ! ታ ኣያናፔ ታ ኢዛ ቦላ ዎꬃና፤ ኢዚካ ኣማኖንታ ዴሬታስ ቱሙ ፒርዳ ኣዋጃና፤ ማርሼቴና፤ ዎይኮ ዋሴና። ኢዛስ ቃላይካ ካሬን ሲዬቴና፤ ቱማ ፒርዳ ፆኖስ ጋꬃና ጋካናስ ዲንጬቲ ኡቲዳ ሾምቦቆካ ሜንꬄናኔ ጩዋቲዛ ሙቃዳካ ቶይሴና፤ ኣይዛቤቲ ኢዛ ኡፋይሳን ናጋና” ጌቴቲ ዮቴቲዳ ቲንቢቴ ቃላይ ፖሌታና።
23592	MAT 12:34	ኢንቴኖ ማርꬔራ ዲዛ ሾሻቶ! ኢንቴ ኢታታ ጊዲ ኡቲዲ ዎስቲ ሎዖ ሃሳያናስ ዳንዳዬቲ? ኡሎ ጊዶን ኩሚዳዚ ዱናራ ሃሳዬቴስ።
23596	MAT 12:38	ሄሳፌ ጉዬ ኢሲ ኢሲ ሙሴ ዎጋ ታማርሲዛይቲኔ ፋርሳዌቲ ዬሱሳ “ኣስታማሬ! ኑ ኔፔ ማላሊሲዛ ማላታ ቤያናስ ኮዮስ” ጊዳ።
23617	MAT 13:9	ሲዪዛ ሃይꬂ ዲዛዴይ ሲዮ!” ጊ ዮቲዴስ።
23635	MAT 13:27	“ካꬃ ጎዳ ኣሽካራቲ ጎዳዛኮ ሺቂዲ ‘ጎዶ! ኔኒ ኔ ጎሻን ሎዖ ዜሬꬅ ዜራቤኪ? ሃይሲ ሌሾይ ኣዋፔ ዪዴ?’ ጊዳ።
23638	MAT 13:30	ኣጊቴ! ማፃ ዎዴይ ጋካናስ ኢሲፌ ዲጮ፤ ሄ ዎዴ ማፂዛይቲ ሌሾዛ ካሴቲዲ ቆሪ ማፂዲ ታማን ፁጋናስ ሚርቄን ሚርቄን ቃቺቴ፤ ጊስቴዛ ቃሴ ሺሺዲ ጎታራን ጌልꬂቴ’ ጋዳ ታ ኢንቴስ ዮታና” ጊ ዮቲዴስ።
23651	MAT 13:43	ሄሳ ዎዴ ፂሎቲ ባ ኣዋ ካዎቴꬃን ኣዋ ኣርሼ ማላ ፖዓና። ሲዪዛ ሃይꬂ ዲዛዴይ ሲዮ!
23668	MAT 14:2	ሄርዶሲ ባ ኣሽካራታስ “ሄሳ ጊዲኮ፥ ፃማቂዛ ዮሃኒሲ ሃይቆፔ ዴንዲዲ ዪዴስ ጉሳካ! ሃይሲ ዉሪ ጊታ ማላታይ ኢዛ ኩሼን ኦሴቲዛይ ሄሳሳ” ጊዴስ።
23693	MAT 14:27	ዬሱሲ ሄራካ “ኣይኮይ ባ! ታናኮ፤ ባቦፍቴ!” ጊዴስ።
23694	MAT 14:28	ጴፅሮሲ “ጎዶ! ኔና ጊዲኮ ታ ኣባ ቦላራ ሃሙታዳ ኔኮ ባና ማላ ታና ኣዛዛ” ጊዴስ።
23695	MAT 14:29	ዬሱሲ ኢዛ “ሃያ!” ጊዴስ። ጴፅሮሲካ ዎጎሎዛፔ ዎꬊዲ ሃꬃ ቦላራ ሃሙቲዲ ዬሱሳኮ ዪዴስ።
23696	MAT 14:30	ጊዶ ኣቲን ጫርኮዛ ዎልቃ ቢዪዲ ባቢዳ ጊሽ ሃꬃን ሚቴቴꬅ ኦይኪዲ “ጎዶ! ታና ኣሻ!” ጊ ዋሲዴስ።
23697	MAT 14:31	ዬሱሲ ሄራካ ባ ኩሼ ዬዲ ኦይኪዲ “ኔኖ፥ ኣማኖይ ፓጪዳይሶ! ኣዛስ ሲꬋዲ?” ጊዴስ።
23699	MAT 14:33	ሄሳፌ ጉዬ ዎጎሎን ዲዛይቲ “ኔኒ ቱሙ ፆሳ ና!” ጊዲ ኢዛስ ጎይኒዳ።
23706	MAT 15:4	ፆሲ ‘ኔ ኣዪዮኔ ኔ ኣዋ ቦንቻ፤ ባ ኣዋ ቦላ ዎይኮ ባ ኣዪ ቦላ ኢታ ቃላ ሃሳዪዳዴይ ሃይቆ!’ ጊ ኣዛዚዴስ።
23709	MAT 15:7	ኢንቴኖ፥ ቆꬌፔ ቆሞን ሃኒዛይቶ! ኢሳያሲ ኢንቴ ጊሽ ዮቲሼ ‘ሃይሲ ዴሬይ ታና ዱናን ፃላላ ቦንቼስ፤ ዎዝናይ ጊዲኮ ታፔ ሃኪዴስ፤ ሜላ ሃዳ ታና ጎይኔስ፤ ኢስታ ቲሚርቴይካ ኣሲ ዎꬂዳ ዎጋ’ ጊዲዲ ሲንꬃፌ ሃናናይሳ ዮቲዳይሲ ቱማኮ” ጊዴስ።
23724	MAT 15:22	ኢሲ ካናኔ ማጫሲ ዲዛራ ሄ ሄራፔ ኬዛዳ ዬሱሳኮ ያዳ “ጎዶ፥ ዳዉቴ ናዉ! ታስ ሚሼታ! ታ ናያ ቱና ኣያናይ ኦይኪን ኬሃ ዋያዉስ” ጋዳ ዋሳዱስ።
23727	MAT 15:25	ማጫሳያካ ዬሱሳ ቶሆ ቦላ ኩንዳዳ “ጎዶ! ታና ማዳርኪ!” ጋዱስ።
23730	MAT 15:28	ሂዝጊን ዬሱሲካ ማጫሳዮ “ሃኔ ማጫሳዬ፥ ኔ ኣማኖይ ጊታ! ኔ ኮይዳ ማላ ኔስ ሃኖ” ጊዴስ። ማጫሳይ ናያካ ሄራካ ፓፃዱስ።
23749	MAT 16:8	ዬሱሲካ ኢስታ ቆፋ ኤሪዲ “ኢንቴኖ ኣማኖይ ፓጪዳይቶ! ካꬅ ኦይኮንታ ጊሽ ኣዛስ ኢሶይ ኢሳራ ሃሳዬቴቲ?
23758	MAT 16:17	ዬሱሲ “ዮና ና ሲሞና ኔኒ ኣንጄቲዳዴ! ኔስ ሃይሳ ቆንጪሲዳይ ሳሎን ዲዛ ታ ኣዋፔ ኣቲን ኣሾኔ ሱꬂ ጊዴና።
23763	MAT 16:22	ጴፅሮሲ ዬሱሳ ጌዴ ኢሲ ባጋ ዛሪዲ “ጎዶ! ሃይሲ ኔ ቦላ ጋኮፎ!” ጊዲ ሃንቂዴስ።
23764	MAT 16:23	ዬሱሲ ጴፅሮሳኮ ሺቂዲ “ሃይሶ ፃላዔ! ሃይሳፌ ኪቻ! ኔኒ ኣሳዛፔ ኣቲን ፆሳ ዮዖይ ኔ ዎዝና ጊዶን ባይንዳ ጊሽ ኔ ታስ ꬉጴ ጊዳዳሳ” ጊዴስ።
23773	MAT 17:4	ጴፅሮሲ ዬሱሳ “ጎዶ! ኑ ሃኒን ዲዛኮ ኑስ ሎዖኮ! ኔ ሼኔ ጊዲኮ ኢሲ ዳሴ ኔስ፥ ኢሲ ዳሴ ሙሴስ፥ ኢሲ ዳሴ ኤላሳስ ሄꬑ ዳሴ ኦꬆ?” ጊዴስ።
23776	MAT 17:7	ዬሱሲ ኢስታኮ ሺቂ ኢስታ ባ ኩሼን ቦቺዲ “ዴንዲቴ፤ ባቦፍቴ!” ጊዴስ።
23783	MAT 17:14	ዬሱሲኔ ኢዛ ካሊዛይቲ ኣሳኮ ሲሚዳ ማላ ኢሲ ኣሲ ዬሱሳኮ ሺቂዲ ኢዛ ሲንꬃን ጉልባቲዲ “ጎዶ! ታ ና ዳይሳ ቦላፌ ዬጊዛ ሃርጌይ ዳሮ ዋይሲዛ ጊሽ ታስ ማራሪኪ! ዳሮ ዎዴ ታማን ኩንዴስ፤ ሃꬃንካ ጌሌስ።
23786	MAT 17:17	ዬሱሲ “ኔኖ ኣማኖንታ ጌላ ዬሌታዞ! ኣይዴ ጋካናስ ታ ኢንቴናራ ዳኔ? ቃሴ ኣይዴ ጋካናስ ታ ኢንቴና ዳንዳያኔ? ኣኔ ናዛ ሃ ታኮ ኤሂቴ” ጊዴስ።
23789	MAT 17:20	ኢዚካ ኢስታስ “ኢንቴስ ኣማኖይ ፓጬ ጊዲዳ ጊሽ ዳንዳይቤኬታ፤ ታ ኢንቴስ ቱሙ ጋይስ፤ ቄሪ ጋሼ ኣይፌ ማላ ኣማኖይ ኢንቴ ቦላ ዲዛኮ ሃይሳ ዙማ ‘ሃይሳፌ ዴንዳዳ ጌዴ ባ!’ ኢንቴ ጊዳኮ ኢዚ ኢንቴስ ባና። ኢንቴና ፆናናይ ዴና።
23795	MAT 17:26	ጴፅሮሲካ “ሃራታፔ ኤኬቴስ” ጊዴስ። ዬሱሲ “ሂስቲኮ ናይታ ቦላ ኣጮይ ባ ጉሳካ!
23803	MAT 18:7	ሃና ኣላሜያ ኣሲ ꬉጳና ጋሶ ጊዲዳ ጊሽ ኢዚስ ኣዬ-ኣና! ꬉጴይ ዩስ ኣጌና ሺን ꬉጴዛስ ጋሶ ጊዲዛዴስ ኣዬ-ኣና!
23804	MAT 18:8	ኔ ኩሼይ ዎይኮ ኔ ቶሆይ ኔና ꬉጳናስ ጋሶ ጊዲኮ ኔፔ ቃንፃ ዲጋ! ኔ ናምዑ ኩሼራ ዎይኮ ናምዑ ቶሆራ ጌዴ ሜርና ታማን ዬጌታናፔ ዎቤ ዎይኮ ቶሆ ሲላ ጊዳዳ ሄ ጌዴ ዴዖይ ዲዛሶ ጌሎይ ኔስ ሎዓና።
23805	MAT 18:9	ሄሳꬆካ ኔ ኣይፌይ ኔስ ꬉጴ ጊዲኮ ኔፔ ኬሳ ዬጋ! ናምዑ ኣይፌራ ጌዴ ጋናሜ ታማን ኔ ዬጌታናፔ ኢሲ ኣይፌራ ዴዖይ ዲዛሶ ኔ ጌሊዛይሲ ኔስ ሎዖ።
23806	MAT 18:10	“ሃይታ ጉꬃታ ጊዶፌ ኢሲኒዮካ ኢንቴ ካꬎንታ ማላ ናጌቲቴ! ታ ኢንቴስ ቱሙ ጋይስ፤ ሳሎን ዲዛ ኢስታ ኪታንቻቲ ሳሎን ታ ኣዋ ኣይፌሶ ኡባ ጋላስ ፄሌቴስ።
23817	MAT 18:21	ሄሳ ዎዴ ጴፅሮሲ ዬሱሳኮ ሺቂዲ “ጎዶ! ታ ኢሻይ ታና ቆሂኮ ታ ኢዛስ ኣፑንቶ ኣቶ ጎ? ላፑንቶ ኣቶ ጎ?” ጊዴስ።
23822	MAT 18:26	ሄ ዎዴ ኣሽካራዚ ጎዳዛ ቶሆ ቦላ ኩንዲዲ ‘ታኒ ታ ቦላ ዲዛ ኣጮዛ ዉርሲ ኔስ ቃንፃና ጋካናስ ታስ ጉꬃ ዎዴ ኢማርኪ!’ ጊዲ ዎሲዴስ።
23825	MAT 18:29	ሄ ኢዛ ላጌ ኣሽካራይ ‘ታስ ጉꬃ ዎዴ ኢማርኪ! ታ ኔስ ቃንፃና’ ጊዲ ኢዛ ቶሆ ቦላ ኩንዲዲ ዎሲዴስ።
23828	MAT 18:32	“ሄ ዎዴ ጎዳዚ ሄ ኣሽካራ ፄይጊሲ ኤሂዲ፥ ሃይሶ ኔኖ! ኢታዞ፥ ኔ ታና ዎሲን ኔ ቦላ ዲዛ ኣጮዛ ታ ኔስ ኣጋዲሲሺን ታ ኔና ማሪዳ ማላ ኔካ ኔ ላጌዛ ማራናስ ቤሴኔ?
23845	MAT 19:14	ዬሱሲ “ናይቲ ሃ ታኮ ዬቶ፤ ዲጎፍቴ፤ ሳሎ ካዎቴꬂ ሃይታንታ ማላሳ!” ጊዴስ።
23847	MAT 19:16	ሄሳፌ ጉዬ ኢሳዴይ ዬሱሳኮ ሺቂዲ “ኣስታማሬ! ሜርና ዴዖ ዴማናስ ታኒ ሎዖ ኦሶ ኣይ ኦꬆ?” ጊዲ ኦይቺዴስ።
23874	MAT 20:13	“ኢዚካ ኢስታፌ ኢሳዴስ ‘ታ ጃላዉ! ኔና ቆሃቤኬ፤ ኢሲ ጋላሳስ ጊዲዛ ዳሞዛን ኦꬃናስ ታናራ ጊጋቤይኪ? ሃዒ ሄሂ ኔ ጊሻ ኤካዳ ባ፤ ኔስ ኢሚዳይሳ ማላ ዉርሴꬃን ዪዳይሳስካ ታ ኢማና ኮያይስ።
23882	MAT 20:21	ኢዚካ ኢዞ “ኣይ ኮያይ?” ጊዴስ፤ ኢዛካ “ሃይቲ ታ ና ናምዓቲ ኔ ካዎቴꬃን ኢሶይ ኔ ኡሻቻራ፥ ኢሶይ ኔ ሃዲርሳራ ኡታና ማላ ኦꬃርኪ!” ጋዱስ።
23891	MAT 20:30	ሄን ኣይፌይ ቆቂዳ ናምዑ ኣሳቲ ኦጌ ዱናን ኡቲ ዴቴስ። ዬሱሲ ኣꬊ ቢዛይሳ ሲይዲ “ጎዶ! ዳዉቴ ናዉ ኑና ማራ!” ጊዲ ዋሲዳ።
23892	MAT 20:31	ዴሬዚ “ሃይዚቴ!” ጊዲ ሃንቂዴስ፤ ጊዶ ኣቲን ኢስቲ ዳርሲ ዋሲሼ “ጎዶ! ዳዉቴ ናዉ ኑና ማራ!” ጊዳ።
23899	MAT 21:4	“ሃይሲካ ሃኒዛይ ካሴ ናቤን ፂዮኒስ ሂዝጊቴ ‘ሄኮ! ኔ ካዎይ ኣሽኬ ጊዲዲ ሃሬዮኔ ሃሬይ ጉቴዮ ቶጊዲ ኔኮ ያና’ ጌቴቲዳይሲ ፖሌታናሳ” ጊዴስ።
23904	MAT 21:9	ኢዛፔ ሲንꬃራ ቢዛ ዴሬይኔ ጉዬራ ካሊዛ ዴሬይካ ባ ቃላ ꬎቁ ሂስቲዲ “ሆሳና! ዳዉቴ ናይ ጋላቴቶ! ጎዳ ሱንꬃን ዪዳይ ኣንጄቲዳዴ! ፆሲ ጋላቴቶ!” ጊዳ።
23910	MAT 21:15	ጊዶ ኣቲን ቄሴታ ሃላቃቲኔ ሙሴ ዎጋ ታማርሲዛይቲ ኢዚ ኦꬂዳ ማላታታ ቤዪዳይሳኒኔ ጉꬃ ናይቲ “ዎዜ ካዎ፥ ጋላታይ ዳዉቴ ናስ ጊዶ!” ጊዲ ዋሲዛይሳ ሲዪዳ ጊሽ ዳሮ ሃንቄቲዳ።
23914	MAT 21:19	ኦጌ ማታን ኢሲ ባላሴ ጌቴቲዛ ሚꬂ ቤዪዲ ጌዴ ኢዚኮ ሺቂሺን ሃይꬅ ፃላላፔ ኣቲን ኣይፌይ ባይንዳይሳ ቤዪዲ “ሂያፔ ጉዬ ኔ ቦላ ኣይፌይ ዶፖ!” ጊን ባላሴ ሚꬃያ ሄራካ ሜላዱስ።
23923	MAT 21:28	ዬሱሲ ኢስታ “ኢንቴስ ኣይ ሚሳቲዜ? ናምዑ ኣቱማ ናይ ዲዛ ኢሳዴይ ዴስ፤ ኢዚካ ኮይሮ ናዛኮ ቢዲ ‘ታ ናዞ! ሃቺ ጌዴ ዎይኔ ሚꬃሶ ባዳ ኦꬃ’ ጊዴስ።
23924	MAT 21:29	ናዚ ቃሴ ‘ቢኬ!’ ጊዲኔ ጉዬፔ ሙዞቲዲ ቢዴስ።
23925	MAT 21:30	“ናምዓንꬆ ናዛካ ካሴይሳꬆካ ‘ባ!’ ጊን ናዚ ‘ኤሮ!’ ጊዲ ቦንታ ኣጋጊዴስ።
23926	MAT 21:31	ሃይታ ናምዓታፔ ኣዋ ሼኔ ፖሊዳይ ኣዋይሴ?” ጊዲ ኦይቺዳ። ኢስቲካ “ኮይሮ ናዛ!” ጊዳ። ዬሱሲካ ኢስታስ፥ “ታ ኢንቴስ ቱሙ ጋይስ፤ ቃራፃ ቃንፂሲዛይቲኔ ላይማቲዛይቲ ሳሎ ካዎቴꬂ ኢንቴፌ ሲንꬃን ጌላና።
23933	MAT 21:38	ጊዶ ኣቲን ጋዳ ጎይዛይቲ ናዛ ቤዪዳ ማላ ‘ሃይሲ ኢዛ ላታናይሳኮ! ኣኔ ሃ ዪቴ፥ ኢዛ ዎꬊዲ ጋዳ ላቶስ’ ጊዳ።
23935	MAT 21:40	“ኤሮ! ዎይኔዛ ጎዳይ ዪዛ ዎዴ ሄ ጋዳ ጎዪዛ ኣሳታ ዎስታና ኢንቴስ ሚሳቲዜ?” ጊዴስ።
23945	MAT 22:4	“ቃሴካ ሃራ ኣሽካራታ ‘ካሴ ኢስታስ ዮቲዳይታ ሄኮ ታ ሳንጋ ቦራታኔ ሞꬊዳ ሜሄታ ሹካዳ ዲጊሳ ጊጊሳዲስ፤ ዉሪካ ጊጌቲዳ ጊሽ ሳርጌሶ ሃ ዪቴ!’ ጊዲ ዮቲቴ።
23953	MAT 22:12	‘ሃይሶ! ሳርጌ ማይዖ ማይዖንታ ዋናዳ ሃይሳ ጌላናስ ዳንዳያዲ?’ ጊ ኦይቺን ኣዴዛስ ዛራና ቃላይ ꬋዪዴስ።
23957	MAT 22:16	ባና ካሊዛይታ ሄርዶሳ ኣሳታራ ኢዛኮ ኪቲዲ “ኣስታማሬ! ኔኒ ቱማንቻኔ ፆሳ ኦጌ ቱማፔ ታማርሲዛዴ ጊዲዳይሳኔ ኦናስካ ዱማ ማዶ ኦꬆንታ ዉርሳካ ኢሲ ማላ ኔ ፄሊዛይሳ ኑ ኤሮስ።
23965	MAT 22:24	“ኣስታማሬ! ሙሴይ ‘ኢሳዴይ ማቾ ኤኪዲ ና ዬሎንታ ሃይቂኮ ኢዛ ኢሻይ ሃይቂዳይሳ ማቾ ኤኪዲ ባ ኢሻ ላቲዛ ና ኢዛስ ዬሎ’ ጊዴስ።