23214	MAT 1:1	ዳዉቴ ና፥ ኣብራሃሜ ና ጊዲዳ ዬሱስ ኪርስቶሳ ዬሌቴꬃ ዛርኬይ ሃይሳፌ ካሊዛይሳ፤
23215	MAT 1:2	ኣብራሃሜይ ዪሳቃ ዬሊዴስ፤ ዪሳቂ ያቆቤ ዬሊዴስ፤ ያቆቤይ ዩሁዳኔ ኢዛ ኢሻታ ዬሊዴስ፤
23216	MAT 1:3	ዩሁዳይ ቲማሪፔ ፋሬሳኔ ዛራ ዬሊዴስ፤ ፋሬሳይ ኤስሮሜ ዬሊዴስ፤ ኤስሮሜይ ኣራሜ ዬሊዴስ፤
23217	MAT 1:4	ኣራሜይ ኣሚናዳቤ ዬሊዴስ፤ ኣሚናዳቤይ ኔዓሶኔ ዬሊዴስ፤ ኔዓሶኔይ ሳሎሞኔ ዬሊዴስ፤
23218	MAT 1:5	ሳሎሞንካ ቦዔዜ ኤራዓቢፔ ዬሊዴስ፤ ቦዔዜይ ኡሩቲፔ ኢዮቤዴ ዬሊዴስ፤ ኢዮቤዴይ ኢሴዬ ዬሊዴስ፤
23219	MAT 1:6	ኢሴዬይ ካዎ ዳዉቴ ዬሊዴስ፤ ዳዉቴይ ኦሪዮ ማቼይፌ ሶሎሞኔ ዬሊዴስ።
23220	MAT 1:7	ሶሎሞንካ ሮቢዓሜ ዬሊዴስ፤ ሮቢዓሜይ ኣቢያ ዬሊዴስ፤ ኣቢያይካ ኣሳፌ ዬሊዴስ፤
23221	MAT 1:8	ኣሳፌይ ዮሳፒፄ ዬሊዴስ፤ ዮሳፒፄይ ኢዮራሜ ዬሊዴስ፤ ኢዮራሜይ ኦዚያ ዬሊዴስ፤
23222	MAT 1:9	ኦዚያኔይ ኢዮዓታሜ ዬሊዴስ፤ ኢዮዓታሜይ ኣካዜ ዬሊዴስ፤ ኣካዜይ ሂዚቃሴ ዬሊዴስ፤
23223	MAT 1:10	ሂዚቃሲ ሚናሴ ዬሊዴስ፤ ሚናሴይ ኣሞፄ ዬሊዴስ፤ ኣሞፄይካ ዮሲያሳ ዬሊዴስ፤
23224	MAT 1:11	ዮሲያሲ ባቢሎኔ ዲዖ ላይꬅ ኢኮኛኔኔ ኢዛ ኢሻታ ዬሊዴስ።
23225	MAT 1:12	ባቢሎኔ ዲዖፔ ጉዬ ኢኮኛኔይ ሳላቲያሌ ዬሊዴስ፤ ሳላቲያሌይካ ዜሩባቤሌ ዬሊዴስ፤
23226	MAT 1:13	ዜሩባቤሌይ ኣቢዮዴ ዬሊዴስ፤ ኣቢዮዴይ ኤሊያቄሜ ዬሊዴስ፤ ኤሊያቄሜይ ኣዛሬ ዬሊዴስ፤
23227	MAT 1:14	ኣዛሬይ ሳዶቄ ዬሊዴስ፤ ሳዶቄይ ኣኪሜ ዬሊዴስ፤ ኣኪሜይካ ኤሊዮዴ ዬሊዴስ፤
23228	MAT 1:15	ኤሊዮዴይ ኣላዛሬ ዬሊዴስ፤ ኣላዛሬይ ማታኔ ዬሊዴስ፤ ማታኔይ ያቆቤ ዬሊዴስ፤
23229	MAT 1:16	ያቆቤይካ ኪርስቶሳ ጌቴቲዳይሳ ዬሱሳ ዬሊዳ ማራሞ ኤካና ጊጊሲዳ ዮሴፌ ዬሊዴስ።
23230	MAT 1:17	ሄሳ ጊሽ ኣብራሃሜፔ ዪዲ ዳዉቴ ጋካናስ ታማኔ ኦይዱ ዬሌቴꬅ፤ ቃሴ ዳዉቴፔ ባቢሎኔ ዲዖ ዎዴ ጋካናስ ታማኔ ኦይዱ ዬሌቴꬅ፤ ባቢሎኔ ዲዖፔ ኪርስቶሳ ዬሌቴꬅ ጋካናስ ታማኔ ኦይዱ ዬሌቴꬅ ጊዴስ።
23231	MAT 1:18	ዬሱስ ኪርስቶሳ ዬሌቴꬃ ታሪኬይ ሃይሳፌ ካሊ ዲዛይሳ፤ ኢዛ ኣያ ማራማ ዮሴፌስ ጊጌታ ዲሺን ኢዚ ኢዚራ ጋይቶንታ ፂሎ ኣያናን ቃንꬃታዳ ቤታዱስ።
23232	MAT 1:19	ኢዞ ጊጊሲዳ ዮሴፌይ ፂሎ ኣስ ጊዲዳ ጊሽ ማራሞ ኣሳ ሲንꬃን ቆንጬ ኬሶንታ ቆታራ ኣጋናስ ባ ዎዝናራ ቃቺዴስ።
23233	MAT 1:20	ሃይሳ ኢዚ ቆፒሺን ፆሳ ኪታንቻይ ኣጉሞራ ኢዛስ ቆንጪዲ “ዳዉቴ ና ዮሴፌ! ኔ ጊጊሲዳ ማራማ ቃንꬃቲዳይ ፂሎ ኣያናን ጊዲዳ ጊሽ ኢዞ ኔሶ ኤፋናስ ባቦፋ።
23234	MAT 1:21	ኢዛ ኣቱማ ና ዬላና፤ ኢዚ ኣሳ ናጋራፔ ኣሻናዴ ጊዲዳ ጊሽ ኢዛ ሱንꬅ ኔ ‘ዬሱሳ’ ጋ ሱንꬃና” ጊዴስ።
23235	MAT 1:22	ጎዳይ ናቤ ኢሳያሳ ዱናን “ሄኮ! ጌላዖይ ቃንꬃታና፤ ኣቱማ ናካ ዬላና፤ ናዛ ሱንꬃይካ ኣማኑዔላ ጌቴታና፤ ሄሳ ቢርሼꬂካ ‘ፆሲ ኑናራ ዴስ’ ጌቴቲዲ ፃፌቲዳይሲ ፖሌታና ማላ ሃይሲ ዉሪካ ሃኒዴስ” ጊዴስ።
23237	MAT 1:24	ዮሴፌይካ ꬊስኮፌ ቤጊዲ ጎዳ ኪታንቻይ ኢዛ ኣዛዚዳ ማላ ማራሞ ባሶ ኤፊዴስ።
23238	MAT 1:25	ጊዶ ኣቲን ባዳ ኢዛ ኮይሮ ናዛ ዬላና ጋካናስ ኢዞ ኤኪቤና። ዬሌቲዳ ጉꬃ ናዛ ሱንꬃ “ዬሱሳ” ጊዴስ።
23239	MAT 2:1	ካዎ ሄርዶሳ ዎዴ ዬሱሲ ቤቴሌሜ ዩሁዳን ዬሌቲዳፔ ጉዬ ኣዋ ኣርሼይ ሞኪዛ ባጋፌ ኤራንቻቲ ዬሩሳላሜ ዪዲ
23240	MAT 2:2	“ዬሌቲዳ ኣይሁዳ ካዎይ ኣዋን ዲዜ? ኣዋ ኣርሼይ ሞኪዛ ባጋራ ኢዛ ፆሊንቴዛ ቤዪዲ ኢዛስ ጎይናና ዪዶስ” ጊዲ ኦይቺዳ።
23241	MAT 2:3	ካዎ ሄርዶሲ ሄሳ ሲይዲ ዳጋሚዴስ፤ ዬሩሳላሜን ዲዛ ኣሳይ ዉሪ ኢዛራ ዳጋሚዴስ።
23242	MAT 2:4	ኢዚካ ቄሴታ ሃላቃታኔ ዎጋ ታማርሲዛይታ ኡባ ሺሺዲ “ኪርስቶሲ ኣዋን ዬሌታኔ?” ጊዲ ኦይቺዴስ።
23243	MAT 2:5	ኢስቲካ ኢዛስ “ናቤይ ‘ዩሁዳ ቢታን ዲዛሬ ሃኔ ቤቴሌሜ! ታ ዴሬ ኢስራዔሌ ናጊዛዴይ ኔፔ ኬዛና ጊሽ ሃንኮ ዩሁዳ ሃሪዛይታፔ ኣዛንካ ጉፃካ’ ጊዲ ፃፊዳ ጊሽ ኢዚ ቤቴሌሜ ዩሁዳን ዬሌታና” ጊዲ ዮቲዳ።
23245	MAT 2:7	ሄሳፌ ጉዬ ሄርዶሲ ሄ ኤራንቻታ ጌማራ ፄይጊሲዲኔ ኢስታ ሃሳይሲዲ ፆሊንቴዚ ኢስታስ ቤቲዳ ዎዴዮ ሻኪ ኤሪዴስ።
23246	MAT 2:8	ኤራንቻታ ቤቴሌሜ ዬዲዲ “ቢዲ ጉꬃ ናዛ ኮዪቴ፥ ታካ ባዳ ኢዛስ ጎይናና ማላ ዴሚዳ ማላ ሃ ታኮ ሲሚዲ ኢዚ ኣዋን ዲዛኮን ታስ ዮቲቴ” ጊዴስ።
23247	MAT 2:9	ኤራንቻቲካ ካዎይ ኢስታስ ጊዳይሳ ሲዪዳፔ ጉዬ ሲሚ ቢዳ፤ ኣዋ ኣርሼይ ሞኪዛ ባጋራ ኢስታስ ቤቲዳ ፆሊንቴይ ኢስታ ካሌꬂዲ ጉꬃ ናዚ ዲዛሶ ጋꬂዴስ።
23248	MAT 2:10	ኢስቲ ፆሊንቴዛ ቤዪዳ ዎዴ ዳሮ ኡፋዬቲዳ።
23249	MAT 2:11	ኬꬄ ጌሊዲ ጉꬃ ናዛ ኢዛ ኣዮ ማራሚራ ዴሚዲኔ ጉልባቲዲ ኢዛስ ጎይኒዳ፤ ባ ሳፂኔ ሳፂኔ ዶይዲ ዎርቃ፥ ኤፃኔኔ ካርቤ ጊዛ ሚሽ ኢዛስ ኢሚዳ።
23250	MAT 2:12	ኢስቲ ሄርዶሳኮ ሲሞንታ ማላ ኣጉሞን ኬሂ ናጌታና ማላ ጌቴቲዳ ጊሽ ሃራ ኦጌራ ባ ዴሬ ሲሚዳ።
23251	MAT 2:13	ኤራንቻቲ ቢዳፔ ጉዬ ጎዳ ኪታንቻይ ዮሴፌስ ኣጉሞራ ቤቲዲ “ሄርዶሲ ጉꬃ ናዛ ዎꬋና ኮዪዛ ጊሽ ኔ ሲማና ዎዴ ታ ኔና ኤሪሳና ጋካናስ ዴንዳዳ ጉꬃ ናዛ ኣዬይራ ኤካዳ ዱጌ ጊብፄ ቢታ ባቃታዳ ሄን ዳሻ” ጊዴስ።
23252	MAT 2:14	ሄሳ ጊሽ ዮሴፌይ ዴንዲዲ ኣዪዮ ናዛራ ኤኪዲ ጊዶꬃራ ዱጌ ጊብፄ ቢታ ቢዴስ።
23253	MAT 2:15	ሄርዶሲ ሃይቃና ጋካናስ ሄን ዴዒዴስ። ሄሳንካ “ታ ናዛ ታ ጊብፄ ቢታፌ ፄይጋዲስ” ጊዲ ጎዳይ ካሴ ናቤ ዱናን ሃሳዪዳይሲ ፖሌቲዴስ።
23254	MAT 2:16	ኤራንቻቲ ኢዛ ባሌꬂዳይሳ ኤሪዳ ዎዴ ሄርዶሲ ኬሂ ሃንቄቲዴስ። ኤራንቻቲ ኢዛስ ካሴ ዮቲዳ ማላ ባ ኣስ ኪቲዲ ናምዑ ላይꬃኔ ናምዑ ላይꬅ ኩሞንታይታ ቤቴሌሜኒኔ ቤታሌሜ ዩሾን ዲዛ ጉꬃ ኣቱማ ናይታ ኡባ ዎꬊሲዴስ።
23255	MAT 2:17	ሄሳን “ዬሆይኔ ጊታ ዋሶ ጊሪሳይ ኤራማን ሲዬቲዴስ፤ ኢራዔላ ባ ናይታስ ዬካዱስ፤ ናይቲ ዉሪ ዉሪዳ ጊሽ ሚናናስ ዳንዳዮንታ ኢፃዱስ” ጌቴቲዲ ናቤ ኤርማሳን ዮቴቲዳይስ ፖሌቲዴስ።
23257	MAT 2:19	ሄርዶሲ ሃይቂዳፔ ጉዬ ጎዳ ኪታንቻይ ኣጉሞራ ዮሴፌስ ጊብፄ ቢታን ቤቲዲ፥
23258	MAT 2:20	“ዴንዳዳ ጉꬃ ናዛኔ ኢዛ ኣዪዮ ኤካዳ ኢስራዔሌ ቢታ ሲማ፤ ናዛ ዎꬋና ኮዪዛይቲ ሃይቂዳ” ጊዴስ።
23259	MAT 2:21	ዮሴፌይ ዴንዲዲ ናዛ ኣዪይራ ኤኪዲ ኢስራዔል ቢታ ሲሚዴስ።
23260	MAT 2:22	ጊዶ ኣቲን ኣርካላዎሲ ባ ኣዋ ሄርዶሳ ሶን ዩሁዳን ካዎቲዳይሳ ሲይዲኔ ሄ ባናስ ባቢዴስ፤ ጎዳይ ኣጉሞራ ኢዚ ሄ ቦንታ ማላ ዮቲዳ ጊሽ ጋሊላ ኣዉራጃ ቢዴስ።
23261	MAT 2:23	ናዚሬቴ ጌቴቲዛ ካታማዮ ቢዲ ሄን ዱስ ኦይኪዴስ። ሄሳንካ ካሴ ናቤታን “ናዚሬቴ ኣስ ጌቴታና” ጌቴቲዲ ካሴቲዲ ሲንꬃፌስ ሃሳዬቲዳይሲ ኩሚዴስ።
23262	MAT 3:1	ሄ ዎዴ ፃማቂዛ ዮሃኒሲ ኣሳስ “ሳሎ ካዎቴꬂ ማቲዳ ጊሽ ኢንቴ ናጋራፔ ሲሚቴ” ጊ ሳባኪሼ ዩሁዳ ባዞራ ዪዴስ።
23264	MAT 3:3	“ጎዳ ኦጌ ኦꬂቴ፥ ዎጋ ኦጌዛካ ሎዔꬂቴ ጊሼ ባዞ ቢታን ዋሲዛ ቃላ” ጌቴቲዲ ካሴ ናቤ ኢሳያሳን ዮቴቲዳይሲ ዮሃኒሳ ጊሻሳ።
23265	MAT 3:4	ዮሃኒሲ ጋሜላ ኢሲኬፌ ኦሴቲዳ ማይዖ ማይዔስ። ባ ፄሳን ዳፎ ጊፄስ፤ ኢዚ ሚዛ ቁማይ ዴጌራ ኤሳኔ ቦሌ።
23266	MAT 3:5	ዬሩሳላሜፔ፥ ኩሜꬃ ዩሁዳፔኔ ዮርዳኖሴ ሻፋ ማታን ዲዛ ዴሬ ኣሳይ ዉሪ ዮሃኒሳኮ ዎꬊዲ፥
23267	MAT 3:6	ባ ናጋራካ ኢዛስ ፓፂሼ ዮርዳኖሴ ሻፋን ኢዛ ኩሼን ፃማቄቲዴስ።
23268	MAT 3:7	ዳሮ ፋርሳዌቲኔ ሳዱቃዌቲ ኢዚ ፃማቂዛሶ ዪሺን ቤዪዲ ዮሃኒሲ “ኢንቴኖ ሾሻቶ! ኢንቴ ሲንꬃራ ዲዛ ሃንቆፌ ኣታና ማላ ኢንቴና ኦኒ ቤሲዴ?
23269	MAT 3:8	ኢንቴ ኢንቴ ናጋራፔ ሲሚዳይሳ ቤሲዛ ኦሶ ኦꬂቴ።
23270	MAT 3:9	‘ኑ ኣዋይ ኣብራሃሜይ ኑስ ዴስ’ ጊዛይሳን ኢንቴርካ ኢንቴና ባሌꬆፍቴ፤ ታ ኢንቴስ ፆሲ ሃይታ ሹቻታፔ ኣብራሃሜስ ና ኦꬂ ዴንꬃናስ ዳንዳዬስ ጋይስ።
23271	MAT 3:10	ሄኮ ካልታይ ቃንፃናስ ሚꬃታ ጋርሳን ጊጌቲ ኡቲዴስ፤ ሄሳ ጊሽ ሎዖ ኣይፌ ኣይፎንታ ሚꬂ ዉሪ ቃንፄታናኔ ታማን ዬጌታና።
23272	MAT 3:11	ታኒ ማሮቴꬃስ ሃꬃን ፃማቃይስ፤ ሃራይ ኣቶ ሺን ታ ኢዛ ጫማ ቶካናስ ቤሶንታዴይ ታፔ ኣꬊዛ ሚኖይ ጉዬራ ያና፤ ኢዚካ ፂሎ ኣያናኒኔ ታማን ኢንቴና ፃማቃና።
23273	MAT 3:12	ካꬅ ሱራጊዛ ፒꬃይ ኢዛ ኩሼን ዴስ፤ ኢዚካ ባ ካꬃ ባሌዛ ፒቲ ጌሻና፤ ባ ጊስቴዛካ ካꬃ ዲዔን ቆላና፤ ሃፓ ጊዲኮ ቶዖንታ ታማን ፁጋና” ጊዴስ።
23274	MAT 3:13	ሄ ዎዴ ዬሱሲ ዮሃኒሳን ፃማቄታናስ ጋሊላፔ ዮርዳኖሴ ሻፋ ቢዴስ።
23275	MAT 3:14	ጊዶ ኣቲን ዮሃኒሲ “ሃይሲ ሃኔና፤ ታኒ ኔናን ፃማቄታና ቤሲሺን ኔኒ ዋናዳ ታኮ ያይ?” ጊዲ ኢዛራ ማርሼቲዴስ።
23276	MAT 3:15	ዬሱሲካ “ኣይኮይ ባዋ፥ ኤሮ ጋርኪ? ሃይሳ ኦꬂዲ ኑኒ ፂሎቴꬅ ኡባ ፖላናስ ኑስ ቤሴስ” ጊዴስ። ዮሃንሲካ ኢዛ ቆፋ ኤሮ ጊ ኤኪዴስ።
23277	MAT 3:16	ዬሱሲ ፃማቄቲዲ ሃꬃፌ ኬዚዳ ማላ ሄራካ ሳሎይ ዶዬቲን ፆሳ ኣያናይ ሃራጴ ካፎ ሚሳቲዲ ኢዛ ቦላ ዎꬊሺን ቤዪዴስ።
23278	MAT 3:17	ሳሎፔካ “ታኒ ኢዛን ኡፋዬቲዛ ናዚኔ ታ ሲቂዛ ታ ናዚ ሃይሳ” ጊዛ ቃላይ ሲዬቲዴስ።
23279	MAT 4:1	ሄሳፌ ጉዬ ፂሎ ኣያናይ ፃላዔን ፓጬታና ማላ ዬሱሳ ዱጌ ባዞ ቢታ ኤፊዴስ።
23280	MAT 4:2	ኦይዱ ታሙ ጋላሲኔ ኦይዱ ታሙ ቃማ ፆሚዳፔ ጉዬ ዬሱሲ ጋፊዴስ።
23281	MAT 4:3	ፓጪዛይሲ ዬሱሳኮ ሺቂዲ “ኔ ፆሳ ና ጊዲኮ ኣኔ ሃይታ ሹቻታ ኡኬꬅ ጊዳና ማላ ኣዛዛ” ጊዴስ።
23282	MAT 4:4	ዬሱሲካ “ ‘ኣሲ ፆሳ ዱናፔ ኬዚዛ ቃላንፔ ኣቲን ካꬃን ፃላ ዴና’ ጌቴቲ ፃፌቲዴስ” ጊዲ ኢዛስ ዛሪዴስ።
23283	MAT 4:5	ቃሴካ ፃላዔይ ዬሱሳ ጌሻ ካታማዮ ኤፊ ፆሳ ኬꬃ ቁስቴ ቦላ ኬሲዲ፥
23284	MAT 4:6	“ኔ ፆሳ ና ጊዲኮ ኣኔ ሃይሳፌ ዱጌ ጉፓ፤ ኣይሲ ጊኮ ‘ኔ ቶሆይ ሹቻን ꬉጴቶንታ ማላ ኪታንቻቲ ባ ኩሼራ ኔና ኦይኪ ዴንꬃና ማላ ኔ ጊሽ ፆሲ ባ ኪታንቻ ኪታና’ ጌቴቲ ፃፌቲዴስ” ጊዴስ።
23285	MAT 4:7	ዬሱሲካ “ጌሻ ማፃፋን ‘ኔ ጎዳ ፆሳ ፓጮፋ’ ጌቴቲ ፃፌቲዴስ” ጊዲ ዛሪዴስ።
23286	MAT 4:8	ቃሴካ ፃላዔይ ዬሱሳ ኬሂ ꬎቃ ዙማ ቦላ ኬሲዲ ሳሎ ጉፓንꬆን ዲዛ ካዎቴꬃ ቦንቾዛራ ኡባ ኤሂ ቤሲዲ፥
23287	MAT 4:9	“ኔ ኩንዳዳ ታስ ጎይኒኮ ሃይሳ ኡባ ታ ኔስ ኢማና” ጊዴስ።
23288	MAT 4:10	ዬሱሲ “ሃይሶ ፃላዔ! ታ ሲንꬃፌ ሃካ! ‘ኔኒ ኔ ጎዳስ ፆሳስ ጎይና፤ ኢዛስ ፃላላ ኣዛዜታ’ ጌቴቲ ጌሻ ማፃፋን ፃፌቲዴስ” ጊዴስ።
23289	MAT 4:11	ሄሳፌ ፃላዔይ ኢዛ ኣጊዲ ቢዴስ፤ ኪታንቻቲካ ዪዲ ኢዛ ማዲዳ።
23290	MAT 4:12	ዬሱሲ፥ ዮሃኒሲ ቃሼቲዳይሳ ሲይዲ ጌዴ ጋሊላ ሲሚዴስ።
23291	MAT 4:13	ናዚሬቴ ካታማ ኣጊዲ ዛቢሎኔ ኒፍታሌሜ ሄራን ኣባ ማታን ዲዛ ቂፊርናሆሜ ካታማን ዱስ ኦይኪዴስ።
23292	MAT 4:14	“ሄሳን ዛቢሎኔኒኔ ኒፍታሌሜ ቢታን፥ ዮርዳኖሴፔ ሄ ፒንꬃን ኣባ ላንቄራ ኤፊዛ ኦጌ ማታን ዲዛ ኣይዛቤ ጊዲዳ ጋሊላ ዴሬ ኣሳይ፥ ꬉማን ዲዛ ዴሬይ ዎልቃማ ፖዖ ቤዪዴስ። ሃይቆ ኩዋ ጊዶን ዲዛ ዴሬስ ፖዖይ ፖዒዴስ” ጌቴቲዲ ናቤ ኢሳያሳ ዱናን ካሴቲዲ ሃሳዬቲዳይሲ ፖሌቲዴስ።
23295	MAT 4:17	ዬሱሲ ሄ ዎዴፔ ሃ ሲሚን “ሳሎ ካዎቴꬂ ማቲዴስ፥ ማሮታ ጌሊቴ” ጊዲ ሳባኮ ኦይኪዴስ።
23296	MAT 4:18	ዬሱሲ ጋሊላ ኣባ ላንቄራ ኣꬊሼ ናምዑ ኢሻንታ፤ ሄይቲካ ጴፅሮሳ ጌቴቲዛ ሲሞናኔ ኢዛ ኢሻ ኢንዲራሳ ቤዪዴስ። ኢስቲካ ሞሌ ኦይኪዛይታ ጊዲዳ ጊሽ ሞሌ ኦይኪዛ ጊቴ ኣባን ዬጊሼ ዴቴስ።
23297	MAT 4:19	ዬሱሲ ኢስታ “ሃ ዪቴ! ታና ካሊቴ! ታ ኢንቴና ኣስ ኦይኪዛ ኣስ ኬሳና” ጊዴስ።
23298	MAT 4:20	ኢስቲ ሄራካ ሞሌ ኦይኪዛ ጊቴዛ ዬጊ ኣጊዲ ዬሱሳ ካሊዳ።
23299	MAT 4:21	ጉꬅ ሲንꬄ ቢሼ ሃራ ናምዑ ኢሻንታ ዛቢዶሳ ና ናምዓታ ያቆቤኔ ዮሃኒሳ ቤዪዴስ፤ ኢስቲካ ባ ኣዋ ዛቢዶሳራ ዎጎሎ ጊዶን ሞሌ ጊቴ ሎዔꬄቴስ። ዬሱሲካ ኢስታ ፄይጊን፤
23300	MAT 4:22	ኢስቲ ሄራካ ዎጎሎዛኔ ባ ኣዋ ኣጊዲ ካሊዳ።
23301	MAT 4:23	ዬሱሲ ኣይሁዳታ ኢስታ ዎሳ ኬꬃን ታማርሲሼኔ ካዎቴꬃ ሚሺራቾ ቃላ ሳባኪሼ ቃሴ ዴሬ ጊዶን ኣይ ሃርጌይካ ሳኪዛይታ ፓꬂሼ ኩሜꬃ ጋሊላን ዩዪዴስ።
23302	MAT 4:24	ሄሳ ጌዶን ሎዖ ናሾይ ኩሜꬃ ሶሪያ ቢታን ሲዬቲዴስ፤ ዴሬይካ ዱማ ዱማ ሳኮን ዳሮ ዋዬቲዛይታ፥ ዳይዳንꬂ ኢስታን ጌሊዳይታ፥ ቦላፌ ቢታን ዬጊዛ ሃርጌይ ዲዛይታኔ ሲሊዳይታ ኢዛኮ ኤሂን ኡባካ ፓꬂዴስ።
23303	MAT 4:25	ሄሳፌ ዴንዲዳይሳን ጋሊላፔ፥ ታሙ ካታማታፔ፥ ዬሩሳላሜፔኔ ዩሁዳፔ፥ ዮርዳኖሴ ሻፋ ፒንꬃፌ ዪዳ ዳሮ ኣሳይ ኢዛ ካሊዴስ።
23304	MAT 5:1	ዳሮ ዴሬይ ሺቂዳይሳ ቤዪዲ ዬሱሲ ፑዴ ዙማ ቦላ ኬዚ ኡቲዴስ፤ ኢዛ ካሊዛይቲካ ኢዛኮ ዪዳ።
23305	MAT 5:2	ኢዚካ ኢስታ ሂዝጊ ታማርሶ ኦይኪዴስ፤
23306	MAT 5:3	“ኣያናን ባና ካዉሺዛይቲ ኣንጄቲዳይታ፤ ኣይሲ ጊኮ ሳሎ ካዎቴꬅ ኢስታሳ።
23307	MAT 5:4	ቃꬌቲዛይቲ ኣንጄቲዳይታ፥ ኣይሲ ጊኮ ኢስቲ ሚኔታና።
23308	MAT 5:5	ኣሽኬቲ ኣንጄቲዳይታ፤ ኣይሲ ጊኮ ኢስቲ ቢታ ላታና።
23309	MAT 5:6	ፂሎቴꬅ ጋፌቲዛይቲኔ ሳሞቲዛይቲ ኣንጄቲዳይታ፤ ኣይሲ ጊኮ ኢስቲ ካላና።
23310	MAT 5:7	ኣሳስ ሎዖ ኦꬂዛይቲ ኣንጄቲዳይታ፤ ኣይሲ ጊኮ ኢስታስካ ሎዖይ ኦሴታና።
23311	MAT 5:8	ዎዚና ፂሎቲ ኣንጄቲዳይታ፤ ኣይሲ ጊኮ ኢስቲ ፆሳ ቤያና።
23312	MAT 5:9	ሳሮቴꬅ ኦꬂዛይቲ ኣንጄቲዳይታ፤ ኣይሲ ጊኮ ኢስቲ ፆሳ ናይታ ጌቴቲ ፄይጌታና።
23313	MAT 5:10	ፂሎቴꬃ ጊሽ ጎዴቲዛይቲ ኣንጄቲዳይታ፤ ኣይሲ ጊኮ ሳሎ ካዎቴꬂ ኢስታሳ።
23314	MAT 5:11	“ታ ጌዶን ኣሳይ ኢንቴና ጫዪኮ፥ ጎዲኮኔ ኢታ ዮዖ ዎርዶራ ኢንቴ ቦላ ሃሳዪኮ ኢንቴ ኣንጄቲዳይታ።
23315	MAT 5:12	ኢንቴ ሳሎን ዴማና ዋጋይ ኬሂ ጊታ ጊዲዳ ጊሽ ኡፋይሳን ጉፒቴ። ኢንቴፌ ሲንꬃን ዲዛ ናቤታካ ሄሳꬆ ጎዲዳ።
23316	MAT 5:13	“ኢንቴ ሃ ቢታ ኣሳስ ማፂኔ ማላ። ማፂኔይ ባ ማልዖቴꬃ ዬዲዛ ጊዲኮ ጌዴ ካሬ ዬጌቲዲ ዬꬌቴꬃፌ ኣቲን፥ ዛሪዲ ዴማናስ ዳንዳዪዜ?
23317	MAT 5:14	ኢንቴ ዴሬስ ፖዖ። ዙማ ቦላ ዲዛ ካታማያ ቆቴታናስ ዳንዳዑኩ።
23318	MAT 5:15	ኣሲ ፆምፔ ኦይꬂዲ ኬꬃን ዲዛ ኣሳ ኩሜꬃስ ፖዓና ማላ ꬎቃሶን ዎꬄስ ኣቲን ጌማ ሶን ዎꬂ ኤሬና።
23319	MAT 5:16	ሄሳꬆካ ኣሳይ ኢንቴ ሎዖ ኦሶ ቤዪዲ ሳሎን ዲዛ ኢንቴ ኣዋ ቦንቻና ማላ ኢንቴ ፖዖይ ኣሳ ሲንꬃን ፖዖ።