23214	MAT 1:1	ዳዉቴ ና፥ ኣብራሃሜ ና ጊዲዳ ዬሱስ ኪርስቶሳ ዬሌቴꬃ ዛርኬይ ሃይሳፌ ካሊዛይሳ፤
23225	MAT 1:12	ባቢሎኔ ዲዖፔ ጉዬ ኢኮኛኔይ ሳላቲያሌ ዬሊዴስ፤ ሳላቲያሌይካ ዜሩባቤሌ ዬሊዴስ፤
23226	MAT 1:13	ዜሩባቤሌይ ኣቢዮዴ ዬሊዴስ፤ ኣቢዮዴይ ኤሊያቄሜ ዬሊዴስ፤ ኤሊያቄሜይ ኣዛሬ ዬሊዴስ፤
23230	MAT 1:17	ሄሳ ጊሽ ኣብራሃሜፔ ዪዲ ዳዉቴ ጋካናስ ታማኔ ኦይዱ ዬሌቴꬅ፤ ቃሴ ዳዉቴፔ ባቢሎኔ ዲዖ ዎዴ ጋካናስ ታማኔ ኦይዱ ዬሌቴꬅ፤ ባቢሎኔ ዲዖፔ ኪርስቶሳ ዬሌቴꬅ ጋካናስ ታማኔ ኦይዱ ዬሌቴꬅ ጊዴስ።
23231	MAT 1:18	ዬሱስ ኪርስቶሳ ዬሌቴꬃ ታሪኬይ ሃይሳፌ ካሊ ዲዛይሳ፤ ኢዛ ኣያ ማራማ ዮሴፌስ ጊጌታ ዲሺን ኢዚ ኢዚራ ጋይቶንታ ፂሎ ኣያናን ቃንꬃታዳ ቤታዱስ።
23235	MAT 1:22	ጎዳይ ናቤ ኢሳያሳ ዱናን “ሄኮ! ጌላዖይ ቃንꬃታና፤ ኣቱማ ናካ ዬላና፤ ናዛ ሱንꬃይካ ኣማኑዔላ ጌቴታና፤ ሄሳ ቢርሼꬂካ ‘ፆሲ ኑናራ ዴስ’ ጌቴቲዲ ፃፌቲዳይሲ ፖሌታና ማላ ሃይሲ ዉሪካ ሃኒዴስ” ጊዴስ።
23238	MAT 1:25	ጊዶ ኣቲን ባዳ ኢዛ ኮይሮ ናዛ ዬላና ጋካናስ ኢዞ ኤኪቤና። ዬሌቲዳ ጉꬃ ናዛ ሱንꬃ “ዬሱሳ” ጊዴስ።
23239	MAT 2:1	ካዎ ሄርዶሳ ዎዴ ዬሱሲ ቤቴሌሜ ዩሁዳን ዬሌቲዳፔ ጉዬ ኣዋ ኣርሼይ ሞኪዛ ባጋፌ ኤራንቻቲ ዬሩሳላሜ ዪዲ
23240	MAT 2:2	“ዬሌቲዳ ኣይሁዳ ካዎይ ኣዋን ዲዜ? ኣዋ ኣርሼይ ሞኪዛ ባጋራ ኢዛ ፆሊንቴዛ ቤዪዲ ኢዛስ ጎይናና ዪዶስ” ጊዲ ኦይቺዳ።
23242	MAT 2:4	ኢዚካ ቄሴታ ሃላቃታኔ ዎጋ ታማርሲዛይታ ኡባ ሺሺዲ “ኪርስቶሲ ኣዋን ዬሌታኔ?” ጊዲ ኦይቺዴስ።
23243	MAT 2:5	ኢስቲካ ኢዛስ “ናቤይ ‘ዩሁዳ ቢታን ዲዛሬ ሃኔ ቤቴሌሜ! ታ ዴሬ ኢስራዔሌ ናጊዛዴይ ኔፔ ኬዛና ጊሽ ሃንኮ ዩሁዳ ሃሪዛይታፔ ኣዛንካ ጉፃካ’ ጊዲ ፃፊዳ ጊሽ ኢዚ ቤቴሌሜ ዩሁዳን ዬሌታና” ጊዲ ዮቲዳ።
23246	MAT 2:8	ኤራንቻታ ቤቴሌሜ ዬዲዲ “ቢዲ ጉꬃ ናዛ ኮዪቴ፥ ታካ ባዳ ኢዛስ ጎይናና ማላ ዴሚዳ ማላ ሃ ታኮ ሲሚዲ ኢዚ ኣዋን ዲዛኮን ታስ ዮቲቴ” ጊዴስ።
23247	MAT 2:9	ኤራንቻቲካ ካዎይ ኢስታስ ጊዳይሳ ሲዪዳፔ ጉዬ ሲሚ ቢዳ፤ ኣዋ ኣርሼይ ሞኪዛ ባጋራ ኢስታስ ቤቲዳ ፆሊንቴይ ኢስታ ካሌꬂዲ ጉꬃ ናዚ ዲዛሶ ጋꬂዴስ።
23253	MAT 2:15	ሄርዶሲ ሃይቃና ጋካናስ ሄን ዴዒዴስ። ሄሳንካ “ታ ናዛ ታ ጊብፄ ቢታፌ ፄይጋዲስ” ጊዲ ጎዳይ ካሴ ናቤ ዱናን ሃሳዪዳይሲ ፖሌቲዴስ።
23254	MAT 2:16	ኤራንቻቲ ኢዛ ባሌꬂዳይሳ ኤሪዳ ዎዴ ሄርዶሲ ኬሂ ሃንቄቲዴስ። ኤራንቻቲ ኢዛስ ካሴ ዮቲዳ ማላ ባ ኣስ ኪቲዲ ናምዑ ላይꬃኔ ናምዑ ላይꬅ ኩሞንታይታ ቤቴሌሜኒኔ ቤታሌሜ ዩሾን ዲዛ ጉꬃ ኣቱማ ናይታ ኡባ ዎꬊሲዴስ።
23255	MAT 2:17	ሄሳን “ዬሆይኔ ጊታ ዋሶ ጊሪሳይ ኤራማን ሲዬቲዴስ፤ ኢራዔላ ባ ናይታስ ዬካዱስ፤ ናይቲ ዉሪ ዉሪዳ ጊሽ ሚናናስ ዳንዳዮንታ ኢፃዱስ” ጌቴቲዲ ናቤ ኤርማሳን ዮቴቲዳይስ ፖሌቲዴስ።
23258	MAT 2:20	“ዴንዳዳ ጉꬃ ናዛኔ ኢዛ ኣዪዮ ኤካዳ ኢስራዔሌ ቢታ ሲማ፤ ናዛ ዎꬋና ኮዪዛይቲ ሃይቂዳ” ጊዴስ።
23265	MAT 3:4	ዮሃኒሲ ጋሜላ ኢሲኬፌ ኦሴቲዳ ማይዖ ማይዔስ። ባ ፄሳን ዳፎ ጊፄስ፤ ኢዚ ሚዛ ቁማይ ዴጌራ ኤሳኔ ቦሌ።
23270	MAT 3:9	‘ኑ ኣዋይ ኣብራሃሜይ ኑስ ዴስ’ ጊዛይሳን ኢንቴርካ ኢንቴና ባሌꬆፍቴ፤ ታ ኢንቴስ ፆሲ ሃይታ ሹቻታፔ ኣብራሃሜስ ና ኦꬂ ዴንꬃናስ ዳንዳዬስ ጋይስ።
23273	MAT 3:12	ካꬅ ሱራጊዛ ፒꬃይ ኢዛ ኩሼን ዴስ፤ ኢዚካ ባ ካꬃ ባሌዛ ፒቲ ጌሻና፤ ባ ጊስቴዛካ ካꬃ ዲዔን ቆላና፤ ሃፓ ጊዲኮ ቶዖንታ ታማን ፁጋና” ጊዴስ።
23291	MAT 4:13	ናዚሬቴ ካታማ ኣጊዲ ዛቢሎኔ ኒፍታሌሜ ሄራን ኣባ ማታን ዲዛ ቂፊርናሆሜ ካታማን ዱስ ኦይኪዴስ።
23292	MAT 4:14	“ሄሳን ዛቢሎኔኒኔ ኒፍታሌሜ ቢታን፥ ዮርዳኖሴፔ ሄ ፒንꬃን ኣባ ላንቄራ ኤፊዛ ኦጌ ማታን ዲዛ ኣይዛቤ ጊዲዳ ጋሊላ ዴሬ ኣሳይ፥ ꬉማን ዲዛ ዴሬይ ዎልቃማ ፖዖ ቤዪዴስ። ሃይቆ ኩዋ ጊዶን ዲዛ ዴሬስ ፖዖይ ፖዒዴስ” ጌቴቲዲ ናቤ ኢሳያሳ ዱናን ካሴቲዲ ሃሳዬቲዳይሲ ፖሌቲዴስ።
23296	MAT 4:18	ዬሱሲ ጋሊላ ኣባ ላንቄራ ኣꬊሼ ናምዑ ኢሻንታ፤ ሄይቲካ ጴፅሮሳ ጌቴቲዛ ሲሞናኔ ኢዛ ኢሻ ኢንዲራሳ ቤዪዴስ። ኢስቲካ ሞሌ ኦይኪዛይታ ጊዲዳ ጊሽ ሞሌ ኦይኪዛ ጊቴ ኣባን ዬጊሼ ዴቴስ።
23298	MAT 4:20	ኢስቲ ሄራካ ሞሌ ኦይኪዛ ጊቴዛ ዬጊ ኣጊዲ ዬሱሳ ካሊዳ።
23299	MAT 4:21	ጉꬅ ሲንꬄ ቢሼ ሃራ ናምዑ ኢሻንታ ዛቢዶሳ ና ናምዓታ ያቆቤኔ ዮሃኒሳ ቤዪዴስ፤ ኢስቲካ ባ ኣዋ ዛቢዶሳራ ዎጎሎ ጊዶን ሞሌ ጊቴ ሎዔꬄቴስ። ዬሱሲካ ኢስታ ፄይጊን፤
23321	MAT 5:18	ታ ኢንቴስ ቱሙ ጋይስ፤ ሳሎይኔ ሳዓይ ኣꬋና ጋካናስ ሙሴ ዎጋይ ዉሪ ፖሌታና ኣቲን ዎጋፔ ኢሲ ፒዳሌይካ ዎይኮ ቄሪኛካ ሻሬቱኩ።
23328	MAT 5:25	“ኔና ሞቲዳ ኔ ሞርኬይ ኔ ቦላ ፒርዲሶንታ ማላ፥ ፒርዲዛ ዳናይ ቃቺዛይሳስ ኔና ኣꬂ ኢሞንታ ማላ፥ ቃሾ ኬꬃን ኔ ዎꬎንታ ማላ ቡሮ ኦጌ ቦላ ዳሼ ኔ ሞርኬራ ኤሌላ ጊጋይቻ።
23357	MAT 6:6	ኔ ዎሳና ጌሊዛ ኔ ኪፊሌ ጌላ፤ ካሬካ ኔ ቦላ ጎርዳዳ ጌማን ዲዛ ኔ ኣዋኮ ዎሳ። ጌማን ኦሴቲዳይሳ ቤዪዛ ኔ ኣዋይ ኔ ኦሶ ማላ ኔስ ኢማና።
23375	MAT 6:24	“ኢሲ ኣሲ ናምዑ ጎዳስ ኦꬃና ዳንዳዬና። ኢሳ ኢፂዲ ናምዓንꬆዛ ዶሳና፤ ዎይኮ ኢሳ ቦንቺዲ ናምዓንꬃ ሌቃና፤ ፆሳሲኔ ሚሻስ ናምዓታስ ጋꬂ ኦꬃናስ ዳንዳዬቴና።
23377	MAT 6:26	ኣኔ ሳሎ ካፎታ ፄሊቴ! ዜሬቴና፥ ማፄቴና፥ ዲዔን ቆሌቴና ሺን ኢንቴ ሳሎ ኣዋይ ኢስታ ሚዜስ። ኢንቴ ኢስታፌ ኬሂ ኣꬌኬቲ?
23395	MAT 7:10	ዎይኮ ሞሌ ዎሲኮ ሾሽ ኢሚዛዴይ ዳንዴ?
23398	MAT 7:13	“ፁንꬃ ፔንጌራ ጌሊቴ፤ ꬋዮሶ ኤፊዛ ኦጌይ ጊታ፤ ፔንጌይካ ኣሆ፤ ዳሮ ኣሳይ ሄ ፔንጌዛራ ጌሌስ።
23406	MAT 7:21	“ሳሎን ዲዛ ታ ኣዋ ሼኔ ፖሎንታ ዲሼ ታና ‘ጎዶ! ጎዶ!’ ጊዛይ ዉሪ ሳሎ ካዎቴꬅ ጌሌና።
23408	MAT 7:23	ሄ ዎዴ ታ ኢስታስ ‘ታ ኢንቴና ሙሌካ ኤሪኬ! ኢንቴ ኢታቲ ታፔ ሃኪቴ’ ጋዳ ቆንጬራ ታ ኢስታስ ዮታና።
23413	MAT 7:28	ዬሱሲ ታማርሲ ዉርሲን ኣሳይ ኢዛ ቲሚርቴዛን ማላሌቲዴስ።
23424	MAT 8:10	ዬሱሲ ኢዛ ዛሮዛን ማላሌቲዲ ባና ካሊዛይታስ “ታ ኢንቴስ ቱሙ ጋይስ፤ ሃራይ ኣቶሺን ኢስራዔሌታ ጊዶን ሃይሳ ማላ ኣማኖይ ዲዛዴ ኢሳዴካ ዴማቤኬ።
23431	MAT 8:17	ኢሳያሲ “ኢዚ ኑ ሃርጌ ኤኪዴስ፤ ኑ ሳኮካ ቶኪዴስ” ጊዳ ቃላይ ሃይሳን ፖሌቲዴስ።
23441	MAT 8:27	ኢስቲካ “ሃይሲ ኣባይኔ ጫርኮይካ ኢዛስ ኣዛዜቲዛዴይ ኢዚ ዋኒዳዴ?” ጊዲ ማላሌቲዳ።
23447	MAT 8:33	ጉዱንꬃ ሄሚዛይቲ ኤሌሊዲ ካታማይ ዲዛሶ ቢዲ ጉዱንꬃይ ሃኖይሳኔ ዳይዳንꬂ ኢስታ ኦይኪዳ ኣሳታ ቦላ ሃኒዳይሳ ኡባ ኣሳስ ዮቲዳ።
23456	MAT 9:8	ዴሬይካ ሄሳ ቤዪዲ ማላሌቴꬃኒኔ ባቦን ኩሚዲ ሃይሳ ሲሬ ጎዳቴꬂ ኣሳስ ኢሚዳ ፆሳ ጋላቲዴስ።
23481	MAT 9:33	ዳይዳንꬃዚ ኬዚዳፔ ጉዬ ሄ ዱና ዱዴ ኣዴዚ ሃሳያ ኦይኪዴስ፤ ዴሬዚካ ማላሌቲዲ “ሃይሳ ማላ ሃኖይ ኢስራዔሌ ቢታን ሃኒን ኑ ቤዪ ኤሮኮ” ጊዳ።
23489	MAT 10:3	ፒሊጶሳኔ ባርቴሌሞሳ፥ ቶማሳኔ ቃራፃ ሺሺዛ ማቶሳ፥ ኢልፊዮሳ ና ያቆቤኔ ታዶሳ፥
23492	MAT 10:6	ጊዶ ኣቲን ኢስራዔሌ ዴራ ጋርሳፌ ꬋዪዳ ዶርሳታኮ ቢቴ።
23509	MAT 10:23	ኣሳይ ኢንቴና ኢንቴ ዲዛ ሄራፔ ጎዲኮ ሃራሶ ኪቺቴ! ታ ኢንቴስ ቱሙ ጋይስ፤ ኢንቴ ኢስራዔሌ ካታማ ኡባ ጋኮንታ ዲሺን ታ ኣሳ ናይ ያና።
23510	MAT 10:24	“ኣሽካራይ ጎዳፔ ዎይኮ ካሊዛዴይ ካሌꬂዛዴፌ ኣꬌና።
23524	MAT 10:38	ባ ማስቃሌ ቶኪዲ ታና ካሎንታ ኣሲ ታስ ጊዳናስ ቤሴና።
23533	MAT 11:5	ቆቄቲ ፄሌቴስ፤ ዎቤቲ ሃሙቴቴስ፤ ኢንችራቻ ሃርጊዛይቲ ፓፄቴስ፤ ቱሌቲ ሲዬቴስ፤ ሃይቂዳይቲ ሃይቆፔ ፓፂ ዴንዴቴስ፤ ማንቆታስ ሚሺራቾ ቃላይ ዮቴቴስ።
23539	MAT 11:11	ታ ኢንቴስ ቱሙ ጋይስ፤ ማጫሳፔ ዬሌቲዳ ኣሳፔ ፃማቂዛ ዮሃኒሳ ሚሳቲዛ ኣሲ ቢታ ቦላ ዴንዲቤና። ጊዲኮካ ፆሳ ካዎቴꬃን ኣስ ኡባፌ ላፋ ኣሲ ዮሃኒሳፔ ኣꬋና።
23544	MAT 11:16	“ሃይሳ ሃ ዎዴ ኣሳ ኣዛን ሌሚሶ? ጊያን ኡቲዲ ባ ላጌታ ‘ኑ ኢንቴስ ዲꬂ ዲፂን ኢንቴ ዱርቤኬታ! ዬሆ ዚላልꬅ ዚላሊን ዬኪቤኬታ!’ ጊዛ ናይታ ሚሳቴቴስ።
23551	MAT 11:23	“ሃኔ ቂፊርናሆሜ ፑዴ ሳሎ ꬎቁ ꬎቁ ጋናስ ኮያዲ? ጊዶ ኣቲን ኔኒ ዱጌ ሲዖሌ ዎꬋንዳሳ፤ ኔ ቦላ ኦሴቲዳ ማላታይ ሶዶሜን ኦሴቲዳኮ ሶዶሜይ ሃቺ ጋካናስ ዳናኮሺን።
23575	MAT 12:17	ሄሲካ ሃኒዳይ ናቤ ኢሳያሳን “ታ ዶሪዳይኔ ታ ኢዛን ኡፋዬቲዛ ታ ናይ ሃይሳኮ! ታ ኣያናፔ ታ ኢዛ ቦላ ዎꬃና፤ ኢዚካ ኣማኖንታ ዴሬታስ ቱሙ ፒርዳ ኣዋጃና፤ ማርሼቴና፤ ዎይኮ ዋሴና። ኢዛስ ቃላይካ ካሬን ሲዬቴና፤ ቱማ ፒርዳ ፆኖስ ጋꬃና ጋካናስ ዲንጬቲ ኡቲዳ ሾምቦቆካ ሜንꬄናኔ ጩዋቲዛ ሙቃዳካ ቶይሴና፤ ኣይዛቤቲ ኢዛ ኡፋይሳን ናጋና” ጌቴቲ ዮቴቲዳ ቲንቢቴ ቃላይ ፖሌታና።
23581	MAT 12:23	ኣሳይ ዉሪካ ማላሌቲዲ “ሃይሲ ኣዴዚ ዳዉቴ ናሻ?” ጊዴስ።
23588	MAT 12:30	“ታናራ ጊዶንታዴይ ታናራ ኤቄቴስ፤ ታናራ ኢሲፌ ሺሾንታ ኣሲ ዉሪካ ላሌስ።
23597	MAT 12:39	ኢዚ ኢስታስ ዛሪዲ “ሃ ኢታኔ ላይማ ዬሌታይ ማላታ ኦይቼስ፤ ጊዶ ኣቲን ናቤ ዮናሳ ማላታፔ ኣቲን ሃራ ማላታይ ኢሜቴና።
23598	MAT 12:40	ዮናሲ ጊታ ሞሌ ኡሎ ጊዶን ሄꬑ ቃማኔ ሄꬑ ጋላስ ጋምዒዳ ማላ ኣሳ ናይካ ሄꬑ ጋላሲኔ ሄꬑ ቃማ ቢታ ጋርሳን ጋምዓና።
23599	MAT 12:41	ናናዌ ኣሳይ ፒርዳ ጋላስ ሃይሳ ሃ ዬሌታራ ዴንዲዲ ሃ ዬሌታ ቦላ ፒርዳና፤ ጋሶይካ ናናዌ ኣሳይ ዮናሳ ማርካቴꬃን ማሮቴꬅ ጌሊዳ ጊሻሳ። ሄኮ ዮናሳፔ ኣꬊዛዴይ ሃን ዴስ።
23600	MAT 12:42	ዱጌሃ ዴሬ ካዎያ ሶሎሞኔ ኤራቴꬅ ሲያናስ ቢታ ጋፃፔ ዴንዳዳ ዪዳ ጊሽ ፒርዳ ጋላስ ኢዛ ሃይሳ ዬሌቴꬃራ ዴንዳዳ ሃ ዬሌቴꬃ ቦላ ፒርዳና። ሄኮ ሶሎሞኔፔ ኣꬊዛዴይ ሃይሳን ዴስ።
23603	MAT 12:45	ሄሳፌ ቢዲ ሃራ ባፔ ኢቲዛ ላፑን ኢታ ኣያናታ ባናራ ኤኪዲ ዬስ። ኢስቲካ ሄ ኣዴዛን ጌሊዲ ዴዓና። ሄ ኣዴዛስ ካሴ ዱሳፌ ጉዬ ዱሳይ ኢታ ጊዳና። ሃይሳ ኢታ ዬሌቴꬃስካ ሄሳ ማላ ሃናና” ጊዴስ።
23611	MAT 13:3	ዳሮ ዮዖ ሌሚሶራ “ኢሲ ጎሻንቻይ ዜሬꬅ ዜራናስ ኬዚዴስ።
23613	MAT 13:5	ኢሲ ኢሲ ዜሬꬂ ሜላኔ ሹቻቲዛ ቢታ ቦላ ዎꬊን ቢታይ ሜላ ቢታ ጊዲዳ ጊሽ ኤሌ ጫሪዴስ።
23618	MAT 13:10	ሄሳፌ ኢዛ ካሊዛይቲ ኢዛኮ ሺቂዲ “ኣዛስ ሌሚሶራ ዮታይ?” ጊዳ።
23621	MAT 13:13	ታ ሃይሳꬆ ሌሚሶራ ዮቲዛይ ኢስቲ ሲዪሼ ኤዝጎንታ ጊሺኔ ፄሊሼ ዴሞንታ ጊሻሳ።
23622	MAT 13:14	“ኢሳያሲ ‘ኢንቴ ሲሳ ሲያናሺን ዩሺ ቆፔኬታ፤ ፄሎ ፄላና ሺን ዎዝናን ዎꬄኬታ፤ ዴሬዛ ዎዝናይ ሙሚዴስ፤ ኢስታ ሃይꬃይካ ሲዬና፤ ፄሎንታ ማላ ባ ኣይፌ ቂልምዒዳ፤ ሄሲ ባይንዳኮ ኢስቲ ባ ኣይፌራ ቤዪዲኔ ባ ሃይꬃራ ሲይዲ ባ ዎዝናን ዩሺ ቆፒዲ ታኮ ሃ ሲሚን ታ ኢስታ ፓꬃና ሺን’ ጊዳ ቲንቢቴ ቃላይ ኢስታን ፖሌቲዴስ።
23626	MAT 13:18	“ሂስቲኮ ሃዒ ዜሬꬃ ሌሚሶዛ ቢርሼꬅ ሲዪቴ፡
23629	MAT 13:21	ጊዶ ኣቲን ፃጶ ዬዳናስ ዳንዳዮንታ ኣጊዳ ጊሽ ዳሮ ጋምዖንታ ቃላ ጌዶን ሜቶይኔ ጎዴቴꬂ ዪዛ ዎዴ ኤሌሊ ꬉጴቴስ።
23630	MAT 13:22	ኣጉንꬃ ጊዶን ዜሬቲዳ ዜሬꬃይ ቃላ ሲይዲ ሃይሳ ሃ ኣላሜዛስ ዳሮ ሜቶቴꬃኔ ዱሬቴꬃ ቆፋን ባሌቲዲኔ ጩሌቲዲ ኣይፌ ኢሞንታ ኣሳ ማላ።
23632	MAT 13:24	ዬሱሲ ቃሴካ ሃራ ሌሚሶ ኢስታስ “ሳሎ ካዎቴꬂ ባ ጎሻ ጋዴን ሎዖ ዜሬꬅ ዜሪዳዴ ሚሳቴስ።
23633	MAT 13:25	ጊዶ ኣቲን ኣሲ ዉሪ ኢቺዳ ዎዴ ሞርኬይ ዪዲ ጊስቴዛ ጊዶን ሌሾ ዜሪዲ ቢዴስ።
23634	MAT 13:26	ጊስቴዚ ዲጪዲ ኣይፌ ኣይፊዛ ዎዴ ሌሾይካ ኢዛራ ኢሲፌ ቤቲዴስ።
23635	MAT 13:27	“ካꬃ ጎዳ ኣሽካራቲ ጎዳዛኮ ሺቂዲ ‘ጎዶ! ኔኒ ኔ ጎሻን ሎዖ ዜሬꬅ ዜራቤኪ? ሃይሲ ሌሾይ ኣዋፔ ዪዴ?’ ጊዳ።
23636	MAT 13:28	“ኢዚካ ኢስታስ ‘ሄሳ ሞርኬይ ኦꬂዴስ’ ጊዴስ። ኣሽካራቲካ ‘ኑ ቢዲ ሌሾዛ ሾዳና ማላ ኮያይ?’ ጊ ኦይቺዳ።
23637	MAT 13:29	“ኢዚካ ኢስታስ፥ ‘ኣካይ ሃኔና፤ ጋሶይካ ኢንቴ ሌሾዛ ሾዲሼ ጊስቴዛራ ጋꬂ ሾዳና፤
23638	MAT 13:30	ኣጊቴ! ማፃ ዎዴይ ጋካናስ ኢሲፌ ዲጮ፤ ሄ ዎዴ ማፂዛይቲ ሌሾዛ ካሴቲዲ ቆሪ ማፂዲ ታማን ፁጋናስ ሚርቄን ሚርቄን ቃቺቴ፤ ጊስቴዛ ቃሴ ሺሺዲ ጎታራን ጌልꬂቴ’ ጋዳ ታ ኢንቴስ ዮታና” ጊ ዮቲዴስ።
23639	MAT 13:31	ሃራ ሌሚሶ ኢስታስ “ሳሎ ካዎቴꬂ ኢሲ ኣሲ ባ ጋዴ ጊዶን ዜሪዳ ባርዛፌ ሚꬃ ኣይፌ ማላ።
23641	MAT 13:33	ሃዒካ ሃራ ሌሚሶ ኢስታስ “ሳሎ ካዎቴꬂ ማጫሲ ሊፄይ ዴንዳና ማላ ሊፄ ጊዶን ጉጂዳ ጉꬃ ኢርሾ ሚሳታዉስ” ጊዴስ።
23642	MAT 13:34	ዬሱሲ ሃይሳ ኡባ ኣሳስ ሌሚሶራ ዮቲዴስ። ሌሚሶይ ባይንዳ ኢሲኖካ ዮቲቤና።
23643	MAT 13:35	ሄሳንካ ካሴ ናቤ ዱናን “ታ ዱና ታ ሌሚሶን ዶያና፤ ኣላሜይ ሜꬌቶሳፔ ሃ ሲሚን ቆቴቲዳይሳ ታ ሃሳያና” ጌቴቲ ዮቴቲዳይስ ፖሌቲዴስ።
23644	MAT 13:36	ሄሳፌ ዬሱሲ ኣሳ ኣጊዲ ሶ ጌሊዴስ። ኢዛ ካሊዛይቲ ኢዛኮ ሺቂዲ “ካꬃ ጊዶን ዲዛ ሌሾዛ ጊሽ ኔ ዮቲዳ ሌሚሶዛ ቢርሼꬅ ኑስ ዮታ” ጊዳ።
23646	MAT 13:38	ጎሻይ ሃይሳ ኣላሜዛ፤ ሎዖ ዜሬꬃይ ካዎቴꬃ ናይታ ጊዲዳይሳ ቤሴስ፤ ሌሾይ ቃሴ ፃላዔ ናይታ።
23647	MAT 13:39	ሌሾዛ ዜሪዲ ቢዳ ሞርኬይ ዳቡሎሳ። ማፃ ዎዴይ ኣላሜ ዉርሴꬂ ጊዲሺን ማፂዛይቲ ፆሳ ኪታንቻታ።
23648	MAT 13:40	“ሌሾይ ቆሬቲዲ ታማን ፁጌቲዛይሳ ማላ ኣላሜ ዉርሴꬃን ሄሳꬆ ሃናና።
23655	MAT 13:47	“ቃሴካ ሳሎ ካዎቴꬂ ኣባ ጊዶን ዬጌቲዲ ዱማ ዱማ ሞሌ ኦይኪዳ ሞሌ ጊቴ ሚሳቴስ።