23218	MAT 1:5	ሳሎሞንካ ቦዔዜ ኤራዓቢፔ ዬሊዴስ፤ ቦዔዜይ ኡሩቲፔ ኢዮቤዴ ዬሊዴስ፤ ኢዮቤዴይ ኢሴዬ ዬሊዴስ፤
23219	MAT 1:6	ኢሴዬይ ካዎ ዳዉቴ ዬሊዴስ፤ ዳዉቴይ ኦሪዮ ማቼይፌ ሶሎሞኔ ዬሊዴስ።
23222	MAT 1:9	ኦዚያኔይ ኢዮዓታሜ ዬሊዴስ፤ ኢዮዓታሜይ ኣካዜ ዬሊዴስ፤ ኣካዜይ ሂዚቃሴ ዬሊዴስ፤
23223	MAT 1:10	ሂዚቃሲ ሚናሴ ዬሊዴስ፤ ሚናሴይ ኣሞፄ ዬሊዴስ፤ ኣሞፄይካ ዮሲያሳ ዬሊዴስ፤
23229	MAT 1:16	ያቆቤይካ ኪርስቶሳ ጌቴቲዳይሳ ዬሱሳ ዬሊዳ ማራሞ ኤካና ጊጊሲዳ ዮሴፌ ዬሊዴስ።
23230	MAT 1:17	ሄሳ ጊሽ ኣብራሃሜፔ ዪዲ ዳዉቴ ጋካናስ ታማኔ ኦይዱ ዬሌቴꬅ፤ ቃሴ ዳዉቴፔ ባቢሎኔ ዲዖ ዎዴ ጋካናስ ታማኔ ኦይዱ ዬሌቴꬅ፤ ባቢሎኔ ዲዖፔ ኪርስቶሳ ዬሌቴꬅ ጋካናስ ታማኔ ኦይዱ ዬሌቴꬅ ጊዴስ።
23231	MAT 1:18	ዬሱስ ኪርስቶሳ ዬሌቴꬃ ታሪኬይ ሃይሳፌ ካሊ ዲዛይሳ፤ ኢዛ ኣያ ማራማ ዮሴፌስ ጊጌታ ዲሺን ኢዚ ኢዚራ ጋይቶንታ ፂሎ ኣያናን ቃንꬃታዳ ቤታዱስ።
23232	MAT 1:19	ኢዞ ጊጊሲዳ ዮሴፌይ ፂሎ ኣስ ጊዲዳ ጊሽ ማራሞ ኣሳ ሲንꬃን ቆንጬ ኬሶንታ ቆታራ ኣጋናስ ባ ዎዝናራ ቃቺዴስ።
23233	MAT 1:20	ሃይሳ ኢዚ ቆፒሺን ፆሳ ኪታንቻይ ኣጉሞራ ኢዛስ ቆንጪዲ “ዳዉቴ ና ዮሴፌ! ኔ ጊጊሲዳ ማራማ ቃንꬃቲዳይ ፂሎ ኣያናን ጊዲዳ ጊሽ ኢዞ ኔሶ ኤፋናስ ባቦፋ።
23237	MAT 1:24	ዮሴፌይካ ꬊስኮፌ ቤጊዲ ጎዳ ኪታንቻይ ኢዛ ኣዛዚዳ ማላ ማራሞ ባሶ ኤፊዴስ።
23242	MAT 2:4	ኢዚካ ቄሴታ ሃላቃታኔ ዎጋ ታማርሲዛይታ ኡባ ሺሺዲ “ኪርስቶሲ ኣዋን ዬሌታኔ?” ጊዲ ኦይቺዴስ።
23251	MAT 2:13	ኤራንቻቲ ቢዳፔ ጉዬ ጎዳ ኪታንቻይ ዮሴፌስ ኣጉሞራ ቤቲዲ “ሄርዶሲ ጉꬃ ናዛ ዎꬋና ኮዪዛ ጊሽ ኔ ሲማና ዎዴ ታ ኔና ኤሪሳና ጋካናስ ዴንዳዳ ጉꬃ ናዛ ኣዬይራ ኤካዳ ዱጌ ጊብፄ ቢታ ባቃታዳ ሄን ዳሻ” ጊዴስ።
23252	MAT 2:14	ሄሳ ጊሽ ዮሴፌይ ዴንዲዲ ኣዪዮ ናዛራ ኤኪዲ ጊዶꬃራ ዱጌ ጊብፄ ቢታ ቢዴስ።
23253	MAT 2:15	ሄርዶሲ ሃይቃና ጋካናስ ሄን ዴዒዴስ። ሄሳንካ “ታ ናዛ ታ ጊብፄ ቢታፌ ፄይጋዲስ” ጊዲ ጎዳይ ካሴ ናቤ ዱናን ሃሳዪዳይሲ ፖሌቲዴስ።
23254	MAT 2:16	ኤራንቻቲ ኢዛ ባሌꬂዳይሳ ኤሪዳ ዎዴ ሄርዶሲ ኬሂ ሃንቄቲዴስ። ኤራንቻቲ ኢዛስ ካሴ ዮቲዳ ማላ ባ ኣስ ኪቲዲ ናምዑ ላይꬃኔ ናምዑ ላይꬅ ኩሞንታይታ ቤቴሌሜኒኔ ቤታሌሜ ዩሾን ዲዛ ጉꬃ ኣቱማ ናይታ ኡባ ዎꬊሲዴስ።
23257	MAT 2:19	ሄርዶሲ ሃይቂዳፔ ጉዬ ጎዳ ኪታንቻይ ኣጉሞራ ዮሴፌስ ጊብፄ ቢታን ቤቲዲ፥
23259	MAT 2:21	ዮሴፌይ ዴንዲዲ ናዛ ኣዪይራ ኤኪዲ ኢስራዔል ቢታ ሲሚዴስ።
23261	MAT 2:23	ናዚሬቴ ጌቴቲዛ ካታማዮ ቢዲ ሄን ዱስ ኦይኪዴስ። ሄሳንካ ካሴ ናቤታን “ናዚሬቴ ኣስ ጌቴታና” ጌቴቲዲ ካሴቲዲ ሲንꬃፌስ ሃሳዬቲዳይሲ ኩሚዴስ።
23264	MAT 3:3	“ጎዳ ኦጌ ኦꬂቴ፥ ዎጋ ኦጌዛካ ሎዔꬂቴ ጊሼ ባዞ ቢታን ዋሲዛ ቃላ” ጌቴቲዲ ካሴ ናቤ ኢሳያሳን ዮቴቲዳይሲ ዮሃኒሳ ጊሻሳ።
23265	MAT 3:4	ዮሃኒሲ ጋሜላ ኢሲኬፌ ኦሴቲዳ ማይዖ ማይዔስ። ባ ፄሳን ዳፎ ጊፄስ፤ ኢዚ ሚዛ ቁማይ ዴጌራ ኤሳኔ ቦሌ።
23266	MAT 3:5	ዬሩሳላሜፔ፥ ኩሜꬃ ዩሁዳፔኔ ዮርዳኖሴ ሻፋ ማታን ዲዛ ዴሬ ኣሳይ ዉሪ ዮሃኒሳኮ ዎꬊዲ፥
23267	MAT 3:6	ባ ናጋራካ ኢዛስ ፓፂሼ ዮርዳኖሴ ሻፋን ኢዛ ኩሼን ፃማቄቲዴስ።
23274	MAT 3:13	ሄ ዎዴ ዬሱሲ ዮሃኒሳን ፃማቄታናስ ጋሊላፔ ዮርዳኖሴ ሻፋ ቢዴስ።
23276	MAT 3:15	ዬሱሲካ “ኣይኮይ ባዋ፥ ኤሮ ጋርኪ? ሃይሳ ኦꬂዲ ኑኒ ፂሎቴꬅ ኡባ ፖላናስ ኑስ ቤሴስ” ጊዴስ። ዮሃንሲካ ኢዛ ቆፋ ኤሮ ጊ ኤኪዴስ።
23283	MAT 4:5	ቃሴካ ፃላዔይ ዬሱሳ ጌሻ ካታማዮ ኤፊ ፆሳ ኬꬃ ቁስቴ ቦላ ኬሲዲ፥
23286	MAT 4:8	ቃሴካ ፃላዔይ ዬሱሳ ኬሂ ꬎቃ ዙማ ቦላ ኬሲዲ ሳሎ ጉፓንꬆን ዲዛ ካዎቴꬃ ቦንቾዛራ ኡባ ኤሂ ቤሲዲ፥
23292	MAT 4:14	“ሄሳን ዛቢሎኔኒኔ ኒፍታሌሜ ቢታን፥ ዮርዳኖሴፔ ሄ ፒንꬃን ኣባ ላንቄራ ኤፊዛ ኦጌ ማታን ዲዛ ኣይዛቤ ጊዲዳ ጋሊላ ዴሬ ኣሳይ፥ ꬉማን ዲዛ ዴሬይ ዎልቃማ ፖዖ ቤዪዴስ። ሃይቆ ኩዋ ጊዶን ዲዛ ዴሬስ ፖዖይ ፖዒዴስ” ጌቴቲዲ ናቤ ኢሳያሳ ዱናን ካሴቲዲ ሃሳዬቲዳይሲ ፖሌቲዴስ።
23301	MAT 4:23	ዬሱሲ ኣይሁዳታ ኢስታ ዎሳ ኬꬃን ታማርሲሼኔ ካዎቴꬃ ሚሺራቾ ቃላ ሳባኪሼ ቃሴ ዴሬ ጊዶን ኣይ ሃርጌይካ ሳኪዛይታ ፓꬂሼ ኩሜꬃ ጋሊላን ዩዪዴስ።
23303	MAT 4:25	ሄሳፌ ዴንዲዳይሳን ጋሊላፔ፥ ታሙ ካታማታፔ፥ ዬሩሳላሜፔኔ ዩሁዳፔ፥ ዮርዳኖሴ ሻፋ ፒንꬃፌ ዪዳ ዳሮ ኣሳይ ኢዛ ካሊዴስ።
23310	MAT 5:7	ኣሳስ ሎዖ ኦꬂዛይቲ ኣንጄቲዳይታ፤ ኣይሲ ጊኮ ኢስታስካ ሎዖይ ኦሴታና።
23320	MAT 5:17	“ታኒ ሙሴ ዎጋኔ ናቤታ ቃላ ሻራና ዪዳ ኢንቴስ ሚሳቶፖ፤ ፖላናስ ያዲስ ኣቲን ሻራናስ ያቤኬ።
23321	MAT 5:18	ታ ኢንቴስ ቱሙ ጋይስ፤ ሳሎይኔ ሳዓይ ኣꬋና ጋካናስ ሙሴ ዎጋይ ዉሪ ፖሌታና ኣቲን ዎጋፔ ኢሲ ፒዳሌይካ ዎይኮ ቄሪኛካ ሻሬቱኩ።
23323	MAT 5:20	ታ ኢንቴስ ጋይስ፥ ኢንቴ ፂሎቴꬂ ፋርሳዌታፔኔ ሙሴ ዎጋ ታማርሲዛይታ ፂሎቴꬃፔ ኣꬎንታ ኣጊኮ ሳሎ ካዎቴꬅ ጌላና ዳንዳዬኬታ።
23324	MAT 5:21	“ካሴ ኣሳታስ ‘ዎꬎፓ፤ ዎꬊዳዴ ቦላ ፒርዴታና’ ጌቴቲዳይሳ ኢንቴ ሲዪዴታ።
23325	MAT 5:22	ታ ቃሴ ኢንቴስ ጊዛይ ባ ኢሻ ቦላ ኦጌይ ባይንዳ ሃንቄቲዛዴ ቦላ ፒርዴታና፤ ኦኒካ ባ ኢሻ ‘ናፓይ’ ጊዛዴይ ዱላታ ሲንꬃን ኦይሼታና። ‘ኤያይ’ ጊዛዴ ጋናሜ ታማ ፒርዳይ ናጌስ።
23329	MAT 5:26	ታ ኔስ ቱሙ ጋይስ፤ ኢዚ ፒርዲሲ ዉርሲዳ ጊዲኮ ዉርሴꬃ ሳንቲዮ ቃንፃና ጋካናስ ቃሾፔ ቢርሼታካ።
23334	MAT 5:31	“ ‘ማቾ ኣንጂ ዬዲዛዴይ ፒርማ ዋራቃታ ኢዚስ ኢማና ቤሴስ’ ጌቴቲዴስ።
23335	MAT 5:32	ታኒ ቃሴ ኢንቴና ሂዝጋይስ፥ ሃራ ኣሳራ ላይማቲሺን ቤዮንታ ዲሼ ባ ማቾ ኣንጂዛዴይ ዉሪ ኢዛ ላይማታና ማላ ኦꬄስ። ሄሳꬆካ ኣንጄቲዳሮ ኤኪዛዴይካ ላይማቲዳ ማላ ቆዴቴስ።
23336	MAT 5:33	“ካሴ ኣሳታስ ‘ዎርዶ ጫቆፋ፤ ፆሳ ሲንꬃን ኔ ጫቂዳይሳ ናጋ’ ጌቴቲዳይሳ ኢንቴ ሲዪዴታ።
23342	MAT 5:39	ታ ቃሴ ኢንቴስ ጊዛይ ኢታ ኦꬂዳዴራ ኤቄቶፒቴ፤ ጊዶ ኣቲን ኔስ ኡሻቻ ሻጋላ ባቂዛዴስ ሃንኮይሳካ ዩሻ ቤሳ።
23348	MAT 5:45	ኢንቴ ሄሳꬆ ኦꬂኮ ኢንቴ ሳሎ ኣዋስ ናይታ ጊዳና። ኢዚ ኣዋ ኣርሼ ኢታታሲኔ ሎዖታስ ኢሲ ቦላ ጋꬂ ኢሜስ። ኢራካ ፂሎታሲኔ ናጋራንቻታስ ኢሲ ቦላ ቡኪሴስ።
23355	MAT 6:4	ኢንቴ ኢሞይ ጌማን ጊዶ፤ ቆታን ኦሴቲዳይሳ ቤዪዛ ኢንቴ ኣዋይካ ኢንቴ ዋጋ ኢንቴስ ኢማና።
23356	MAT 6:5	“ኢንቴ ዎሲሼ ቆꬌፔ ቆሞን ሃኒዛይታ ማላ ሃኖፒቴ፤ ኢስቲ ኣሲ ቤያና ማላ ኣይሁዳ ዎሳ ኬꬃታኒኔ ኦይዱ ኦጌ ቦላ ኤቂዲ ዎሳናስ ዶሴቴስ። ታ ኢንቴስ ቱሙ ጋይስ፤ ኢስቲ ኩሜꬃ ዋጋ ኤኪቺዳ።
23357	MAT 6:6	ኔ ዎሳና ጌሊዛ ኔ ኪፊሌ ጌላ፤ ካሬካ ኔ ቦላ ጎርዳዳ ጌማን ዲዛ ኔ ኣዋኮ ዎሳ። ጌማን ኦሴቲዳይሳ ቤዪዛ ኔ ኣዋይ ኔ ኦሶ ማላ ኔስ ኢማና።
23359	MAT 6:8	ጊዶ ኣቲን ኢንቴ ኣዋይ ኢንቴ ዎሳናፔ ካሴቲዲ ኢንቴስ ኣዚ ኮሺዛኮኔ ኤሪዛ ጊሽ ኢንቴ ኢስታ ሚሳቶፒቴ።
23366	MAT 6:15	ቃሴ ኢንቴ ኣሳ ናጋራ ኣቶ ጎንታ ኢፂኮ ኢንቴ ኣዋይካ ኢንቴ ናጋራ ኣቶ ጌና።
23367	MAT 6:16	“ኢንቴ ፆማ ፆሚሼ ቆꬌፔ ቆሞራ ፆሚዛይታꬆ ሹሎፍቴ። ኢስቲ ባ ፆሚዛይሳ ኣሲ ኤራና ማላ ባ ኣይፌሶ ኢሴቴስ። ታ ቱሙ ጋይስ፤ ሄሳꬆ ኦꬂዛይቲ ባ ዋጋ ኩሜꬅ ኤኪቺዳ።
23369	MAT 6:18	ሄሳꬆ ኔ ፆሚኮ ጌማን ዲዛ ኔ ኣዋይ ፃላላ ኤሪዛዚኔ ኣሲ ኦኒካ ኤሮንታ ቆታን ጊዳና። ቆታን ኦሴቲዳይሳ ቤዪዛ ኔ ኣዋይካ ኔ ዋጋ ኔስ ኢማና።
23374	MAT 6:23	ኔ ኣይፌይ ሃርጋንቻ ጊዲኮ፥ ኔ ኩሜꬃ ኣሳቴꬃይካ ꬉማ ፃላ ጊዳና። ሂስቲኮ ኔናን ዲዛ ፖዖይ ꬉማ ጊዲኮ፥ ቃሴ ꬉማይ ዋኒዳ ጊርድ ጊዳ ꬉማ ጊዳንዴ?
23379	MAT 6:28	“ቃሴ ማይዖ ጊሽ ኣዛስ ሂርጌቲ? ኣኔ ጮ ዴንባን ዲዛ ጪሻታ ፄሊቴ፤ ዳቡሬቴና ዎይኮ ሱቄቴና።
23390	MAT 7:5	ኔኖ ቆꬌፔ ቆሞን ሃኒዛይሶ ካሴታዳ ኔ ኣይፌን ዲዛ ጊታ ሚꬃ ኬሳይቻ። ሄሳፌ ካላዳ ኔ ኢሻ ኣይፌን ዲዛ ቡራ ኬሳናስ ሎዔꬃ ፄላንዳሳ።
23391	MAT 7:6	ባ ቶሆን ዬꬎንታ ማላኔ ሲሚዲ ኢንቴና ሳፂ ዳኬሬꬆንታ ማላ ኣንጄቲዳይሳ ካናታ ሲንꬃን ዬጎፍቴ፤ ቃሴ ኢንቴ ዎርቃካ ጉዱንꬃታ ሲንꬃን ዬጎፍቴ።
23397	MAT 7:12	ሄሳ ጊሽ ሃራ ኣሲ ኢንቴስ ኦꬃና ማላ ኢንቴ ኮዪዛይሳ፥ ኢንቴካ ሃራታስ ኦꬂቴ። ሙሴ ዎጋይኔ ናቤቲ ሃይሳን ኩዬቴስ።
23401	MAT 7:16	ኢንቴ ኢስታ፥ ኢስታ ኦሶን ኤራንዴታ። ኣጉንꬃ ዎራፔ ዎይኔይ፥ ኪንዲቾ ኣጉንꬃፌ ባላሴ ኣይፌይ ማፄቲዜ?
23414	MAT 7:29	ጋሶይካ ሙሴ ዎጋ ታማርሲዛይታ ማላ ጊዶንታ ኢዚ ጎዳቴꬂ ዲዛ ኣሳ ማላ ታማርሲዴስ።
23418	MAT 8:4	ቃሴካ ዬሱሲ ኣዴዛ “ኔ ፓፂዳይሳ ኦናስካ ዮቶፓ፤ ጊዶ ኣቲን ባዳ ኔና ቄሴስ ቤሳ። ኢስቲ ኣዛዚዳ ያርሾዛ ጋꬃ፤ ሄሲካ ኢስታስ ማርካ ጊዳና” ጊዴስ።
23423	MAT 8:9	ታስካ ታና ኣዛዚዛ ሃላቃቲ ታፔ ቦላራ ዴቴስ፤ ቃሴካ ታስ ኣዛዜቲዛ ዎታዳራቲ ታፔ ጋርሳራ ዴቴስ፤ ኢስታፌ ኢሳ ‘ባ!’ ጊኮ ቤስ፤ ቃሴ ኢሳ ‘ሃያ!’ ጊኮ ዬስ፤ ታ ኣሽካራ ‘ሄሳ ኦꬃ!’ ጊኮ ኦꬄስ” ጊዴስ።
23435	MAT 8:21	ኢዛ ካሊዛ ኢሲ ሃራ ኣሲ ቃሴ “ጎዶ! ኮይሮ ባዳ ታ ኣዋ ሞጎ?” ጊዴስ።
23436	MAT 8:22	ኢዚ ቃሴ “ሃይቂዳይቲ ባ ሃይቄꬅ ሞጌቶ፤ ኔኒ ጊዲኮ ታና ካላ” ጊዴስ።
23442	MAT 8:28	ኢዚ ኣባ ፒኒዲ ጌርጌሴኖኔ ጌቴቲዛ ዴሬ ጋኪዳ ማላ ዳይዳንꬂ ኦይኪዳ ናምዑ ኣስ ዳይቲ ባ ዲዛ ዱፎፔ ኬዚዲ ኢዛራ ጋጊዳ። ኣሲ ሄ ኦጌዛራ ኣꬋናስ ዳንዳዬቶንታ ማላ ኣሳስ ዳሮ ኬሂ ሜቶ ጊዲ ዴቴስ።
23449	MAT 9:1	ሄሳፌ ጉዬ ዬሱሲ ኣባ ቦላ ዎጎሎራ ፒኒዲ ካሴ ባ ዲዛ ካታማ ዪዴስ።
23451	MAT 9:3	ሄ ዎዴ ሙሴ ዎጋ ታማርሲዛይቲ “ሃይሲ ፆሳ ጫሻ” ጊዲ ባ ዎዝናን ቆፒዳ።
23454	MAT 9:6	ጊዶ ኣቲን ኣሳ ናስ ቢታ ቦላ ኣሴ ናጋራፔ ማራናስ ሼኔይ ዲዛይሳ ኤራና ማላሳ” ጊዲ ጉንዳ ኣዴዛ “ዴንዳ! ኔ ሃላ ኤካዳ ጌዴ ኔሶ ባ” ጊዴስ።
23474	MAT 9:26	ኢዛ ጎባቴꬂ ሄ ዴሬ ኡባን ሴቴቲዴስ።
23483	MAT 9:35	ዬሱሲ ኣይሁዳታ ዎሳ ኬꬃን ኣይሁዳታ ታማርሲሼኔ ፆሳ ካዎቴꬃ ሚሺራቾ ቃላ ዮቲሼ ቃሴካ ሃርጌ ኡባፌ ኣሳ ፓꬂሼ ጉታታን ጉታታን ዩዪዴስ።
23487	MAT 10:1	ዬሱሲ ባና ካሊዛ ታማኔ ናምዓታ ባኮ ፄይጊዲ፥ ኢስቲ ቱና ኣያናታ ኬሳና ማላ ቃሴካ ሳኮፔኔ ሃርጌፌ ፓꬃና ማላ ኢስታስ ጎዳቴꬅ ኢሚዴስ።
23495	MAT 10:9	ዎርቃ፥ ቢራ ዎይኮ ፃርቂማላ ጊዲን ኢንቴ ኪሴን ኦይኮፍቴ።
23508	MAT 10:22	ታ ጊሽ ኣሲ ዉሪካ ኢንቴና ኢፃና። ጊዶ ኣቲን ዉርሴꬅ ጋካናስ ሚቅኒ ኤቂዳይ ኢዚ ኣታና።
23519	MAT 10:33	ቃሴ ኣሳ ሲንꬃን ታና ካዲዳዴ ታካ ሳሎን ዲዛ ታ ኣዋ ሲንꬃን ኢዛ ካዳና።
23523	MAT 10:37	“ታፔ ኣꬂዲ ባ ኣዋ ዎይኮ ባ ኣዮ ሲቂዛዴይ ታስ ጊዳናስ ቤሴና። ታፔ ኣꬂዲ ባ ኣቱማ ና ዎይኮ፥ ማጫ ና ሲቂዛዴይ ታስ ጊዳናስ ቤሴና።
23524	MAT 10:38	ባ ማስቃሌ ቶኪዲ ታና ካሎንታ ኣሲ ታስ ጊዳናስ ቤሴና።
23525	MAT 10:39	ባ ሼምፖ ኣሻናስ ኮዪዛዴይ ꬋይሴስ፤ ባ ሼምፖ ታ ጊሽ ኣꬂ ኢሚዛዴይ ኣሼስ።
23538	MAT 11:10	‘ኔ ባና ኦጌ ኔስ ጊጊሳናዴ ኔፔ ካሴታ ታ ኔስ ኪታና ጌቴቲዲ ኢዛ ጊሽ ካሴ ፃፌቲዳዴይ ኢዛኮ!’ ጊዴስ።
23541	MAT 11:13	ናቤቲካ ሙሴ ዎጋይካ ዉሪ ዮሃኒሳ ዎዴ ጋካናስ ቡሮፔ ሃናናይሳ ዮቲዳ።
23548	MAT 11:20	ሄሳፌ ጉዬ ዬሱሲ ኢዚ ማላታታ ኦꬂዳ ካታማ ኣሳይ ማሮቴꬃን ጌሎንታ ኣጊዳ ጊሽ “ኩራዚኔኔ ቤቴሳይዳ! ኢንቴና ኣዬ ኣና! ኢንቴ ቦላ ኦሴቲዳ ማላታይ ፂሮሴ ቦላኔ ሲዶና ቦላ ኦሴቲዳኮ ኢስቲ ማቃ ማይዒዲኔ ቢዲንꬃን ኡቲዲ ቤኒ ቤኒ ማሮቴꬃን ጌላናኮሺን።
23550	MAT 11:22	ሄሳ ጊሽ ታኒ ኢንቴስ ጊዛይ ፒርዳ ጋላስ ኢንቴፌ ኣꬊ ፂሮሴሲኔ ሲዶናስ ቂፃቴይ ካዉያና።
23551	MAT 11:23	“ሃኔ ቂፊርናሆሜ ፑዴ ሳሎ ꬎቁ ꬎቁ ጋናስ ኮያዲ? ጊዶ ኣቲን ኔኒ ዱጌ ሲዖሌ ዎꬋንዳሳ፤ ኔ ቦላ ኦሴቲዳ ማላታይ ሶዶሜን ኦሴቲዳኮ ሶዶሜይ ሃቺ ጋካናስ ዳናኮሺን።
23555	MAT 11:27	“ዉሪካ ታ ኣዋፔ ታስ ኢሜቲዴስ፤ ኣዋፔ ኣቲን ናዛ ጊሽ ኤሪዛ ኣስ ባዋ፤ ቃሴ ናዛፔኔ ናዚ ባ ሼኔን ቆንጪሲዳ ኣሳፔ ሃራይ ኣዋ ኤሪዛ ኣስ ባዋ።
23562	MAT 12:4	ፆሳ ኬꬄ ጌሊዲ ቄሴታፔ ኣቲን ዳዉቴይኔ ኢዛራ ዲዛይቲ ቦቻናስ ቤሶንታ ዱማቲዳ ኡኬꬅ ሚዴስ።
23563	MAT 12:5	ቃሴ ቄሴቲ ሳምባታ ሻሪዲ ፆሳ ኬꬃ ጊዶን ኦሶ ኦꬂኮ ሞሮ ጊዶንታይሳ ሙሴ ዎጋፔ ናባቢቤኬቲ?
23571	MAT 12:13	ቃሴካ ኣዴዛ “ኔ ኩሼ ፒዲሳ!” ጊዴስ፤ ኣዴዚካ ባ ኩሼ ፒዲሲን ሂንኮ ኩሼዛ ማላ ፓፃ ጊዲዴስ።
23575	MAT 12:17	ሄሲካ ሃኒዳይ ናቤ ኢሳያሳን “ታ ዶሪዳይኔ ታ ኢዛን ኡፋዬቲዛ ታ ናይ ሃይሳኮ! ታ ኣያናፔ ታ ኢዛ ቦላ ዎꬃና፤ ኢዚካ ኣማኖንታ ዴሬታስ ቱሙ ፒርዳ ኣዋጃና፤ ማርሼቴና፤ ዎይኮ ዋሴና። ኢዛስ ቃላይካ ካሬን ሲዬቴና፤ ቱማ ፒርዳ ፆኖስ ጋꬃና ጋካናስ ዲንጬቲ ኡቲዳ ሾምቦቆካ ሜንꬄናኔ ጩዋቲዛ ሙቃዳካ ቶይሴና፤ ኣይዛቤቲ ኢዛ ኡፋይሳን ናጋና” ጌቴቲ ዮቴቲዳ ቲንቢቴ ቃላይ ፖሌታና።
23582	MAT 12:24	ጊዶ ኣቲን ፋርሳዌቲ ሄሳ ሲዪዳ ዎዴ “ሃይሲ ኣዴዚ ዳይዳንꬅ ኬሲዛይ ዳይዳንꬃ ሃላቃ ቢዔሊዜቡላ ዎልቃን ፃላ ጊዳናስ ቤሴስ” ጊዳ።
23587	MAT 12:29	“ዎይኮ ኢሲ ኣስ ዎልቃራ ዲዛዴ ኬꬄ ጌሊዲ ሚሼ ቦንቃና ኮይኮ ካሴቲዲ ሄ ዎልቃራ ዲዛ ኣዴዛ ኦይኪ ቃቾንታ ዎስቲ ቦንቃኔ? ቃቺዳፔ ጉዬ ቦንቃና ዳንዳዬስ።
23593	MAT 12:35	“ሎዖ ኣሲ ባ ዎዝናን ኩንꬂ ዎꬂዳ ሎዖ ቆፋፔ ሎዖ ሃሳዬስ፤ ኢታ ኣሲካ ባ ዎዝናን ኩንꬂ ዎꬂዳ ኢታቴꬃፌ ኢታ ዮዖ ኬሴስ።
23596	MAT 12:38	ሄሳፌ ጉዬ ኢሲ ኢሲ ሙሴ ዎጋ ታማርሲዛይቲኔ ፋርሳዌቲ ዬሱሳ “ኣስታማሬ! ኑ ኔፔ ማላሊሲዛ ማላታ ቤያናስ ኮዮስ” ጊዳ።
23602	MAT 12:44	ሄሳፌ ቃሴ ካሴ ታ ዲዛሶ ሲማ ባና ጊዲ ቤኒሶ ኢዚ ሲሚሺን ካሴ ኢዚ ዲዛሶይ ኣይኮይኔ ባይንዳ ሜላ ኬꬄ ጊዲዲ ጌዬዳይሳኔ ጊጌቲ ዲዛይሳ ዴሜስ።