23235	MAT 1:22	ጎዳይ ናቤ ኢሳያሳ ዱናን “ሄኮ! ጌላዖይ ቃንꬃታና፤ ኣቱማ ናካ ዬላና፤ ናዛ ሱንꬃይካ ኣማኑዔላ ጌቴታና፤ ሄሳ ቢርሼꬂካ ‘ፆሲ ኑናራ ዴስ’ ጌቴቲዲ ፃፌቲዳይሲ ፖሌታና ማላ ሃይሲ ዉሪካ ሃኒዴስ” ጊዴስ።
23239	MAT 2:1	ካዎ ሄርዶሳ ዎዴ ዬሱሲ ቤቴሌሜ ዩሁዳን ዬሌቲዳፔ ጉዬ ኣዋ ኣርሼይ ሞኪዛ ባጋፌ ኤራንቻቲ ዬሩሳላሜ ዪዲ
23240	MAT 2:2	“ዬሌቲዳ ኣይሁዳ ካዎይ ኣዋን ዲዜ? ኣዋ ኣርሼይ ሞኪዛ ባጋራ ኢዛ ፆሊንቴዛ ቤዪዲ ኢዛስ ጎይናና ዪዶስ” ጊዲ ኦይቺዳ።
23247	MAT 2:9	ኤራንቻቲካ ካዎይ ኢስታስ ጊዳይሳ ሲዪዳፔ ጉዬ ሲሚ ቢዳ፤ ኣዋ ኣርሼይ ሞኪዛ ባጋራ ኢስታስ ቤቲዳ ፆሊንቴይ ኢስታ ካሌꬂዲ ጉꬃ ናዚ ዲዛሶ ጋꬂዴስ።
23262	MAT 3:1	ሄ ዎዴ ፃማቂዛ ዮሃኒሲ ኣሳስ “ሳሎ ካዎቴꬂ ማቲዳ ጊሽ ኢንቴ ናጋራፔ ሲሚቴ” ጊ ሳባኪሼ ዩሁዳ ባዞራ ዪዴስ።
23264	MAT 3:3	“ጎዳ ኦጌ ኦꬂቴ፥ ዎጋ ኦጌዛካ ሎዔꬂቴ ጊሼ ባዞ ቢታን ዋሲዛ ቃላ” ጌቴቲዲ ካሴ ናቤ ኢሳያሳን ዮቴቲዳይሲ ዮሃኒሳ ጊሻሳ።
23267	MAT 3:6	ባ ናጋራካ ኢዛስ ፓፂሼ ዮርዳኖሴ ሻፋን ኢዛ ኩሼን ፃማቄቲዴስ።
23273	MAT 3:12	ካꬅ ሱራጊዛ ፒꬃይ ኢዛ ኩሼን ዴስ፤ ኢዚካ ባ ካꬃ ባሌዛ ፒቲ ጌሻና፤ ባ ጊስቴዛካ ካꬃ ዲዔን ቆላና፤ ሃፓ ጊዲኮ ቶዖንታ ታማን ፁጋና” ጊዴስ።
23275	MAT 3:14	ጊዶ ኣቲን ዮሃኒሲ “ሃይሲ ሃኔና፤ ታኒ ኔናን ፃማቄታና ቤሲሺን ኔኒ ዋናዳ ታኮ ያይ?” ጊዲ ኢዛራ ማርሼቲዴስ።
23284	MAT 4:6	“ኔ ፆሳ ና ጊዲኮ ኣኔ ሃይሳፌ ዱጌ ጉፓ፤ ኣይሲ ጊኮ ‘ኔ ቶሆይ ሹቻን ꬉጴቶንታ ማላ ኪታንቻቲ ባ ኩሼራ ኔና ኦይኪ ዴንꬃና ማላ ኔ ጊሽ ፆሲ ባ ኪታንቻ ኪታና’ ጌቴቲ ፃፌቲዴስ” ጊዴስ።
23290	MAT 4:12	ዬሱሲ፥ ዮሃኒሲ ቃሼቲዳይሳ ሲይዲ ጌዴ ጋሊላ ሲሚዴስ።
23296	MAT 4:18	ዬሱሲ ጋሊላ ኣባ ላንቄራ ኣꬊሼ ናምዑ ኢሻንታ፤ ሄይቲካ ጴፅሮሳ ጌቴቲዛ ሲሞናኔ ኢዛ ኢሻ ኢንዲራሳ ቤዪዴስ። ኢስቲካ ሞሌ ኦይኪዛይታ ጊዲዳ ጊሽ ሞሌ ኦይኪዛ ጊቴ ኣባን ዬጊሼ ዴቴስ።
23299	MAT 4:21	ጉꬅ ሲንꬄ ቢሼ ሃራ ናምዑ ኢሻንታ ዛቢዶሳ ና ናምዓታ ያቆቤኔ ዮሃኒሳ ቤዪዴስ፤ ኢስቲካ ባ ኣዋ ዛቢዶሳራ ዎጎሎ ጊዶን ሞሌ ጊቴ ሎዔꬄቴስ። ዬሱሲካ ኢስታ ፄይጊን፤
23301	MAT 4:23	ዬሱሲ ኣይሁዳታ ኢስታ ዎሳ ኬꬃን ታማርሲሼኔ ካዎቴꬃ ሚሺራቾ ቃላ ሳባኪሼ ቃሴ ዴሬ ጊዶን ኣይ ሃርጌይካ ሳኪዛይታ ፓꬂሼ ኩሜꬃ ጋሊላን ዩዪዴስ።
23322	MAT 5:19	ሄሳ ጊሽ ኦኒካ ሃ ኣዛዞታፔ ጉፂዛሮ ጊዲኮካ ኦꬆንታ ዬጊ ኣꬊኮ፥ ሃንኮይታካ ዬꬊ ኣꬋና ማላ ታማርሲኮ ሳሎ ካዎቴꬃን ሄሳዴይ ጉꬅ ጌቴቲ ፄይጌታና፤ ጊዶ ኣቲን ሃይታ ኣዛዞታ ኦꬂ ፖሊሼ ሃንኮይታ ፖላና ማላ ታማርሲኮ ሄሳዴይ ሳሎ ካዎቴꬃን ጊታ ጌቴታና።
23325	MAT 5:22	ታ ቃሴ ኢንቴስ ጊዛይ ባ ኢሻ ቦላ ኦጌይ ባይንዳ ሃንቄቲዛዴ ቦላ ፒርዴታና፤ ኦኒካ ባ ኢሻ ‘ናፓይ’ ጊዛዴይ ዱላታ ሲንꬃን ኦይሼታና። ‘ኤያይ’ ጊዛዴ ጋናሜ ታማ ፒርዳይ ናጌስ።
23326	MAT 5:23	ሄሳ ጊሽ ኔኒ ያርሾ ሺሺዛሶን ፆሳስ ያርሻና ጊሺን ኔ ኢሻይ ኔ ቦላ ሚሼቲዳዚ ኔስ ቆፔቲኮ፥
23328	MAT 5:25	“ኔና ሞቲዳ ኔ ሞርኬይ ኔ ቦላ ፒርዲሶንታ ማላ፥ ፒርዲዛ ዳናይ ቃቺዛይሳስ ኔና ኣꬂ ኢሞንታ ማላ፥ ቃሾ ኬꬃን ኔ ዎꬎንታ ማላ ቡሮ ኦጌ ቦላ ዳሼ ኔ ሞርኬራ ኤሌላ ጊጋይቻ።
23329	MAT 5:26	ታ ኔስ ቱሙ ጋይስ፤ ኢዚ ፒርዲሲ ዉርሲዳ ጊዲኮ ዉርሴꬃ ሳንቲዮ ቃንፃና ጋካናስ ቃሾፔ ቢርሼታካ።
23333	MAT 5:30	ኔ ኡሻቻ ኩሼይ ናጋራ ኦሶስ ጋሶ ጊዲኮ ኔፔ ቃንፃ ዲጋ፤ ኔ ኣሳቴꬃይ ኩሜꬅ ጋናሜን ዬጌታናይሳፌ ኔ ኣሳቴꬃፌ ኢሲ ቢሊቴይ ኔስ ፓጬ ጊዲኮ ሎዖ።
23335	MAT 5:32	ታኒ ቃሴ ኢንቴና ሂዝጋይስ፥ ሃራ ኣሳራ ላይማቲሺን ቤዮንታ ዲሼ ባ ማቾ ኣንጂዛዴይ ዉሪ ኢዛ ላይማታና ማላ ኦꬄስ። ሄሳꬆካ ኣንጄቲዳሮ ኤኪዛዴይካ ላይማቲዳ ማላ ቆዴቴስ።
23348	MAT 5:45	ኢንቴ ሄሳꬆ ኦꬂኮ ኢንቴ ሳሎ ኣዋስ ናይታ ጊዳና። ኢዚ ኣዋ ኣርሼ ኢታታሲኔ ሎዖታስ ኢሲ ቦላ ጋꬂ ኢሜስ። ኢራካ ፂሎታሲኔ ናጋራንቻታስ ኢሲ ቦላ ቡኪሴስ።
23354	MAT 6:3	ኢንቴ ማንቆታስ ኢሚሺን ኡሻቻ ኩሼይ ኦꬂዛ ሃዲሪሳ ኩሼይ ኤሮፖ።
23356	MAT 6:5	“ኢንቴ ዎሲሼ ቆꬌፔ ቆሞን ሃኒዛይታ ማላ ሃኖፒቴ፤ ኢስቲ ኣሲ ቤያና ማላ ኣይሁዳ ዎሳ ኬꬃታኒኔ ኦይዱ ኦጌ ቦላ ኤቂዲ ዎሳናስ ዶሴቴስ። ታ ኢንቴስ ቱሙ ጋይስ፤ ኢስቲ ኩሜꬃ ዋጋ ኤኪቺዳ።
23358	MAT 6:7	“ኣማኖንታ ኣሳይ ኢሲ ቃላ ዛሪ ዛሪ ዎሲኮ ኢስታስ ሲዬቲዛ ሚሳቲን ኢስቲ ዛሪ ዛሪ ጊዛይሳꬆ ኢንቴካ ዎሲሼ ኢሲ ቃላ ዛሪ ዛሪ ጎፒቴ።
23360	MAT 6:9	ኢንቴ ዎሲሼ ‘ሳሎን ዲዛ ኑ ኣዋዉ! ኔ ሱንꬂ ኣንጄቶ።
23361	MAT 6:10	ኔ ካዎቴꬂ ሃዮ፤ ኔ ሼኔይ ሳሎን ጊዲዳ ማላ ሳዓንካ ሃኖ።
23367	MAT 6:16	“ኢንቴ ፆማ ፆሚሼ ቆꬌፔ ቆሞራ ፆሚዛይታꬆ ሹሎፍቴ። ኢስቲ ባ ፆሚዛይሳ ኣሲ ኤራና ማላ ባ ኣይፌሶ ኢሴቴስ። ታ ቱሙ ጋይስ፤ ሄሳꬆ ኦꬂዛይቲ ባ ዋጋ ኩሜꬅ ኤኪቺዳ።
23368	MAT 6:17	ኔኒ ፆማ ፆማሼ ኔ ኣይፌሶ ሜጬታ፥ ኔ ሁዔ ቲዬታ።
23370	MAT 6:19	“ቢላይ ሚዛሶን ቡቂዲኔ ሺይዲ ሞሬቲዛሶን ካይሶይ ቦኪዲ ካይሳናስ ዳንዳዪዛሶን፥ ሃ ቢታ ቦላ ኢንቴስ ሚሼ ሺሾፍቴ።
23376	MAT 6:25	“ሄሳ ጊሽ ታ ኢንቴና ኢንቴ ዱሳ ጊሽ ኣይ ሚኖ? ኣይ ኡዪኖ? ኣይ ማይዒኖ? ጊዲ ሂርጎፍቴ ጋይስ። ሼምፖይ ቁማፔ፥ ኣሾይ ማይዖፔ ኣꬌኔ?
23388	MAT 7:3	ኔ ኣይፌን ዲዛ ጊታ ሚꬃ ቤዮንታ ዳሼ ኔ ኢሻ ኣይፌን ዲዛ ቄሪ ቡራ ኣዛስ ፄላይ?
23406	MAT 7:21	“ሳሎን ዲዛ ታ ኣዋ ሼኔ ፖሎንታ ዲሼ ታና ‘ጎዶ! ጎዶ!’ ጊዛይ ዉሪ ሳሎ ካዎቴꬅ ጌሌና።
23417	MAT 8:3	ዬሱሲ ባ ኩሼ ዬዲዲ “ታ ዶሳዲስ፤ ፓፃ!” ጊን ኣዴዚ ሄ ሃርጌዛፔ ሄራካ ፓፂዴስ።
23425	MAT 8:11	ታ ኢንቴስ ዮታይስ፤ ዳሮቲ ኣዋ ኣርሼይ ሞኪዛ ባጋፌኔ ዉሊዛ ባጋፌ ያና። ሳሎ ካዎቴꬃ ማዳን ኣብራሃሜንታራ ዪሳቃንታራኔ ያቆቤንታራ ኢሲፌ ኡታና።
23429	MAT 8:15	ኢዚ ኩሼ ዬሱሲ ቦቺን ሚሾ ሃርጌይ ኣጊዴስ። ኢዛካ ዴንዳዳ ዬሱሳ ሞካዱስ።
23446	MAT 8:32	ዬሱሲካ ኢስታ “ቢቴ!” ጊዴስ። ዳይዳንꬃቲካ ኢስታፌ ኬዚዲ ጉዱንꬃታን ጌሊዳ። ጉዱንꬃቲ ዉሪካ ባ ዲዛሶ ኣፎራ ቢቻርሼ ኣባን ጌሊዲ ሃꬃን ሚቴቲዲ ሃይቂዳ።
23453	MAT 9:5	‘ኔ ናጋራይ ኣቶ ጌቴቲዴስ’ ጉሳፌኔ ‘ዴንዳዳ ባ!’ ጉሳፌ ኣዋይሲ ካዉሼ?
23454	MAT 9:6	ጊዶ ኣቲን ኣሳ ናስ ቢታ ቦላ ኣሴ ናጋራፔ ማራናስ ሼኔይ ዲዛይሳ ኤራና ማላሳ” ጊዲ ጉንዳ ኣዴዛ “ዴንዳ! ኔ ሃላ ኤካዳ ጌዴ ኔሶ ባ” ጊዴስ።
23457	MAT 9:9	ዬሱሲ ሄፔ ዴንዲዲ ቢሼ ኢሲ ማቶሳ ጌቴቲዛዴይ ቃራፃ ቃንፂሲዛሶን ኡቲዳይሳ ቤዪዲ “ታና ካላ!” ጊን፥ ዴንዲዲ ኢዛ ካሊዴስ።
23461	MAT 9:13	ሄሳ ጊሽ ‘ኢንቴ ቢዲ ያርሾ ጊዶንታ ማሮቴꬅ ዶሳይስ’ ጊዛ ቃላ ቢርሼꬅ ታማሪቴ። ናጋራንቻታ ፄይጋና ያዲስ ኣቲን ፂሎታ ፄይጋናስ ያቤኬ” ጊዴስ።
23466	MAT 9:18	ዬሱሲ ኣሳ ሃሳይሶን ዲሺን ኢሲ ሹሜይ ኢዛ ሲንꬃን ኩንዲዲ “ታስ ና ዳራ ሃይቃና ጋዉስ። ኢዛ ፓፃ ዳና ማላ ያዳ ኔ ኩሼ ኢዚ ቦላ ዎꬃርኪ?” ጊን፥
23471	MAT 9:23	ዬሱሲካ ሹሜዛ ሶ ማታ ጋኪሺን ዴሬይ ዛዬራኔ ዲንኬራ ዋሲሼ ዬኪዛይሳ ቤዒዲ፥
23473	MAT 9:25	ዴሬይ ዉሪ ኬꬃፌ ኬዚን ኢዚ ኬꬄ ጌሊዲ ናይ ኩሼ ኦይኪዴስ፤ ናያካ ዴንዳ ኤቃዱስ።
23475	MAT 9:27	ዬሱሲካ ሄፔ ቢሺን ናምዑ ቆቄቲ “ዳዉቴ ናዉ! ኑና ማራሪኪ!” ጊዲ ዋሲሼ ኢዛ ጌዶ ካሊዳ።
23483	MAT 9:35	ዬሱሲ ኣይሁዳታ ዎሳ ኬꬃን ኣይሁዳታ ታማርሲሼኔ ፆሳ ካዎቴꬃ ሚሺራቾ ቃላ ዮቲሼ ቃሴካ ሃርጌ ኡባፌ ኣሳ ፓꬂሼ ጉታታን ጉታታን ዩዪዴስ።
23484	MAT 9:36	ኣሳይ ዉሪ ሄሚዛዴይ ባይንዳ ዶርሳ ማላ ኬሂ ሜቶቴቲዲ ፄሊዛይ ባይንዳዴ ጊዲዳይሳ ቤዪዳ ዎዴ ኢስታስ ዳሮ ሚሼቲዴስ።
23490	MAT 10:4	ባ ባጋስ ሚሼቲዛ ሲሞናኔ ጉዬፔ ዬሱሳ ሃይቆስ ኣꬂ ኢሚዳ ኣስቆሮንቶ ዩሁዳ።
23497	MAT 10:11	“ኢሲ ካታማ ዎይኮ ኢሲ ጉታ ኢንቴ ጌሊዛ ዎዴ ኢንቴና ሞካናዴ ኮዪ ዴሚዲ ኢዛ ኬꬃን ሼምፒቴ፤ ሄፔ ኬዛና ጋካናስ ሄን ዲሺቴ።
23498	MAT 10:12	ኢንቴ ኦና ኬꬂካ ጌሊሼ ‘ሳሮ’ ጊቴ።
23500	MAT 10:14	ኣይ ኣሲካ ኢንቴና ሞኪ ኤካናሲኔ ኢንቴ ጊዛ ሲያናስ ኮዮንታዴ ጊዲኮ ሄሳዴ ኬꬃፌ ዎይኮ ሄ ካታማፔ ኬዚሼ ኢስታ ቦላ ዪዛ ጎሜፔ ኢንቴ ኣቲዳይሳስ ማርካ ጊዳና ማላ ኢንቴ ቶሆ ቦላ ዲዛ ጉዱላ ፒቲዲ ኬዚቴ።
23514	MAT 10:28	ኣሾ ዎꬊኮፌ ኣቲን ሼምፖ ዎꬋናስ ዳንዳዮንታይታስ ባቦፍቴ፤ ሄሳፌ ኣሾኔ ሼምፖ ጋꬂ ጋናሜ ታማን ꬋይሳናስ ዳንዳዪዛይሳስ ባቢቴ።
23515	MAT 10:29	ኢሲ ሳንቴን ባይዜቲዛ ናምዑ ሲኔ ካፎታፔ ኢሲኒያካ ኢንቴ ሳሎ ኣዋ ሼኔይ ባይንዳ ጮ ኩንዳ ኣቱኩ።
23525	MAT 10:39	ባ ሼምፖ ኣሻናስ ኮዪዛዴይ ꬋይሴስ፤ ባ ሼምፖ ታ ጊሽ ኣꬂ ኢሚዛዴይ ኣሼስ።
23530	MAT 11:2	ዮሃኒሲ ቃሾ ኬꬃን ዲሼ ኪርስቶሳስ ኦꬂዛ ሃኖታ ሲይዲ ባና ካሊዛይታ ኢዛኮ ዬዲዲ “ኣሲ ኣሺዛዴይ ያና ጌቴቲዳይ ኔኔዬ? ሃራ ናጊኖ?” ጊዲ ኦይቺዴስ።
23547	MAT 11:19	ታ ኣሳ ናይ ማሼኔ ኡያሼ ዪን ‘ሃይሲ ሚዲ ካሎንታ ኣሳ፥ ኡሻንቻ፥ ቃራፃ ሺሺዛይታሲኔ ናጋራንቻታስ ላጌኮ!’ ጊዳ። ጊዶ ኣቲን ፆሳ ኤራቴꬂ ባ ኦሶን ፂላዱስ” ጊዴስ።
23554	MAT 11:26	ታ ኣዋዉ! ኤ ሃይሲ ኔ ሲንꬃን ሎዖ ኔ ሼኔ ጊዲዲ ቤቲዴስ።
23555	MAT 11:27	“ዉሪካ ታ ኣዋፔ ታስ ኢሜቲዴስ፤ ኣዋፔ ኣቲን ናዛ ጊሽ ኤሪዛ ኣስ ባዋ፤ ቃሴ ናዛፔኔ ናዚ ባ ሼኔን ቆንጪሲዳ ኣሳፔ ሃራይ ኣዋ ኤሪዛ ኣስ ባዋ።
23556	MAT 11:28	“ቶሆይ ዴፂዳይቶ፥ ዳቡሪዳይቶ ኢንቴ ዉሪካ ታኮ ሃ ዪቴ፤ ታካ ኢንቴስ ሼምፖ ኢማና።
23557	MAT 11:29	ታ ቃምባራ ቶኪቴ፤ ታፔካ ታማሪቴ፤ ታኒ ታ ዎዝናን ኣዳኔ ኣሽኬ፤ ኢንቴ ሼምፖስ ኢንቴ ሼምፖ ዴማና።
23567	MAT 12:9	ሄፔ ኢዚ ጌዴ ኣꬊሼ ኣይሁዳታ ዎሳ ኬꬃን ጌሊዴስ።
23568	MAT 12:10	ሄንካ ኢሲ ኩሼ ሲሊዳዴይ ዴስ። ዬሱሳ ሞታናስ ጋሶ ኮይዲ “ሳምባታ ጋላስ ፓꬃናስ ቤሲዜ?” ጊዲ ኢዛ ኦይቺዴስ።
23571	MAT 12:13	ቃሴካ ኣዴዛ “ኔ ኩሼ ፒዲሳ!” ጊዴስ፤ ኣዴዚካ ባ ኩሼ ፒዲሲን ሂንኮ ኩሼዛ ማላ ፓፃ ጊዲዴስ።
23573	MAT 12:15	ዬሱሲ ኢስታ ቆፋ ኤሪዲ ሄፔ ሃራሶ ሼርዒ ጊዴስ። ዳሮ ዴሬይ ኢዛ ካሊዴስ፤ ሃርጋንቻታካ ኡባ ፓꬂዴስ።
23575	MAT 12:17	ሄሲካ ሃኒዳይ ናቤ ኢሳያሳን “ታ ዶሪዳይኔ ታ ኢዛን ኡፋዬቲዛ ታ ናይ ሃይሳኮ! ታ ኣያናፔ ታ ኢዛ ቦላ ዎꬃና፤ ኢዚካ ኣማኖንታ ዴሬታስ ቱሙ ፒርዳ ኣዋጃና፤ ማርሼቴና፤ ዎይኮ ዋሴና። ኢዛስ ቃላይካ ካሬን ሲዬቴና፤ ቱማ ፒርዳ ፆኖስ ጋꬃና ጋካናስ ዲንጬቲ ኡቲዳ ሾምቦቆካ ሜንꬄናኔ ጩዋቲዛ ሙቃዳካ ቶይሴና፤ ኣይዛቤቲ ኢዛ ኡፋይሳን ናጋና” ጌቴቲ ዮቴቲዳ ቲንቢቴ ቃላይ ፖሌታና።
23587	MAT 12:29	“ዎይኮ ኢሲ ኣስ ዎልቃራ ዲዛዴ ኬꬄ ጌሊዲ ሚሼ ቦንቃና ኮይኮ ካሴቲዲ ሄ ዎልቃራ ዲዛ ኣዴዛ ኦይኪ ቃቾንታ ዎስቲ ቦንቃኔ? ቃቺዳፔ ጉዬ ቦንቃና ዳንዳዬስ።
23594	MAT 12:36	ጊዶ ኣቲን ታ ኢንቴስ ጊዛይ ኣሳይ ባ ሃሳዪዳ ሃዳ ቃላ ኡባ ጊሽ ፒርዳ ጋላስ ዉሪካ ኦይሼታና።
23601	MAT 12:43	“ቱና ኣያናይ ኣሳፔ ኬዚዲ ሼምፖ ዴማናስ ሃꬂ ባይንዳ ሜላ ቢታን ዳቡሬስ። ጊዶ ኣቲን ባ ኮዪዛ ሼምፖ ዴሜና።
23607	MAT 12:49	ባ ኩሼራ ባና ካሊዛይታኮ ማላቲዲ “ታ ኣያኔ ታ ኢሻቲ ሃይታንታ።
23608	MAT 12:50	ሳሎን ዲዛ ታ ኣዋ ሼኔ ኦꬂዛይቲ ዉሪካ ታስ ኢሻ፥ ሚቾኔ ኣዮ” ጊዴስ።
23621	MAT 13:13	ታ ሃይሳꬆ ሌሚሶራ ዮቲዛይ ኢስቲ ሲዪሼ ኤዝጎንታ ጊሺኔ ፄሊሼ ዴሞንታ ጊሻሳ።
23626	MAT 13:18	“ሂስቲኮ ሃዒ ዜሬꬃ ሌሚሶዛ ቢርሼꬅ ሲዪቴ፡
23637	MAT 13:29	“ኢዚካ ኢስታስ፥ ‘ኣካይ ሃኔና፤ ጋሶይካ ኢንቴ ሌሾዛ ሾዲሼ ጊስቴዛራ ጋꬂ ሾዳና፤
23644	MAT 13:36	ሄሳፌ ዬሱሲ ኣሳ ኣጊዲ ሶ ጌሊዴስ። ኢዛ ካሊዛይቲ ኢዛኮ ሺቂዲ “ካꬃ ጊዶን ዲዛ ሌሾዛ ጊሽ ኔ ዮቲዳ ሌሚሶዛ ቢርሼꬅ ኑስ ዮታ” ጊዳ።
23651	MAT 13:43	ሄሳ ዎዴ ፂሎቲ ባ ኣዋ ካዎቴꬃን ኣዋ ኣርሼ ማላ ፖዓና። ሲዪዛ ሃይꬂ ዲዛዴይ ሲዮ!
23652	MAT 13:44	“ሳሎ ካዎቴꬂ ጋዴ ጊዶን ቆቴቲዳ ሚሼ ሚሳቴስ። ኢሲ ኣስ ሄ ሚሻዮ ዴሚዲ ዛሪ ቆቲዴስ። ኡፋይሳፌ ዴንዲዳይሳን ቢዲ ባስ ዲዛዚ ኡባ ባይዚዲ ሄ ሚሺያ ዲዛ ቢታ ሻሚዴስ።
23656	MAT 13:48	ሞሌ ኦይኪዛይቲ ጊቴይ ኩሚን ጎቺዲ ኣባ ላንቄ ኬሲዳ። ሄን ኡቲዲ ሎዖ ሎዖ ሞሌ ቆሪዲ ኬሼን ጉጂዳ። ኢታ ሞሌታ ዎራ ዬጊዳ።
23668	MAT 14:2	ሄርዶሲ ባ ኣሽካራታስ “ሄሳ ጊዲኮ፥ ፃማቂዛ ዮሃኒሲ ሃይቆፔ ዴንዲዲ ዪዴስ ጉሳካ! ሃይሲ ዉሪ ጊታ ማላታይ ኢዛ ኩሼን ኦሴቲዛይ ሄሳሳ” ጊዴስ።
23675	MAT 14:9	ሄ ዎዴ ካዎዚ ኢዛስ ሚሼቲዴስ። ጊዶ ኣቲን ጫቂዳ ጊሺኔ ኢዛራ ዲዛ ኢማꬃታ ጊሽ ጊዲ ናይ ኦይሾይ ፖሌታና ማላ ኣዛዚዴስ።
23680	MAT 14:14	ዬሱሲካ ዎጎሎዛፔ ዎꬊሼ ዳሮ ኣሳ ቤዪዲ ኣሳስ ሚሼቲዴስ። ሳኬቲዛይታካ ፓꬂዴስ።
23682	MAT 14:16	ጊዶ ኣቲን ዬሱሲካ ኢስታ “ኢንቴ ኣሳስ ማናዝ ኢሚቴ ኣቲን ኣሳይ ባናስ ኮሼና” ጊዴስ።
23685	MAT 14:19	ቃሴካ ኣሳይ ማታ ቦላ ኡታና ማላ ኣዛዚዴስ። ኢቻሹ ኡኬꬃኔ ናምዑ ሞሌታ ባ ኩሼን ኦይኪዲ ባ ኣይፌ ፑዴ ሳሎ ꬎቁ ሂስቲ ጋላቲዲ፥ ኡኬꬃ ሜንꬂ ባና ካሊዛይታስ ኢሚዴስ። ኢስቲካ ኣሳስ ኢሚዳ።
23697	MAT 14:31	ዬሱሲ ሄራካ ባ ኩሼ ዬዲ ኦይኪዲ “ኔኖ፥ ኣማኖይ ፓጪዳይሶ! ኣዛስ ሲꬋዲ?” ጊዴስ።
23704	MAT 15:2	“ኔና ካሊዛይቲ ካሴ ኑ ኣዋታ ዎጋ ኣዛስ ꬋይሲዞ? ቁማ ማናስ ኩሼ ሜጬቴቴና” ጊዳ።
23707	MAT 15:5	ኢንቴ ጊዲኮ ኣይ ኣሲካ ባ ኣዋ ዎይኮ ባ ኣዮ ‘ታ ኢንቴስ ኦꬃናስ ቤሲዛዝ ኣይ ሚሼካ ፆሳስ ያርሾ ኦꬃ ሺሻዲስ’ ጊኮ፥
23709	MAT 15:7	ኢንቴኖ፥ ቆꬌፔ ቆሞን ሃኒዛይቶ! ኢሳያሲ ኢንቴ ጊሽ ዮቲሼ ‘ሃይሲ ዴሬይ ታና ዱናን ፃላላ ቦንቼስ፤ ዎዝናይ ጊዲኮ ታፔ ሃኪዴስ፤ ሜላ ሃዳ ታና ጎይኔስ፤ ኢስታ ቲሚርቴይካ ኣሲ ዎꬂዳ ዎጋ’ ጊዲዲ ሲንꬃፌ ሃናናይሳ ዮቲዳይሲ ቱማኮ” ጊዴስ።
23721	MAT 15:19	ኢታ ቆፋይ፥ ሼምፖ ዎꬎይ፥ ላይማይ፥ ላይማታናስ ቃቃቶይ፥ ካይሶይ፥ ዎርዶ ማርካቴꬂኔ ኣሳ ሱንꬅ ሞሮይ ዉሪ ዎዝናፔ ፑልቴስ።