23235	MAT 1:22	ጎዳይ ናቤ ኢሳያሳ ዱናን “ሄኮ! ጌላዖይ ቃንꬃታና፤ ኣቱማ ናካ ዬላና፤ ናዛ ሱንꬃይካ ኣማኑዔላ ጌቴታና፤ ሄሳ ቢርሼꬂካ ‘ፆሲ ኑናራ ዴስ’ ጌቴቲዲ ፃፌቲዳይሲ ፖሌታና ማላ ሃይሲ ዉሪካ ሃኒዴስ” ጊዴስ።
23247	MAT 2:9	ኤራንቻቲካ ካዎይ ኢስታስ ጊዳይሳ ሲዪዳፔ ጉዬ ሲሚ ቢዳ፤ ኣዋ ኣርሼይ ሞኪዛ ባጋራ ኢስታስ ቤቲዳ ፆሊንቴይ ኢስታ ካሌꬂዲ ጉꬃ ናዚ ዲዛሶ ጋꬂዴስ።
23254	MAT 2:16	ኤራንቻቲ ኢዛ ባሌꬂዳይሳ ኤሪዳ ዎዴ ሄርዶሲ ኬሂ ሃንቄቲዴስ። ኤራንቻቲ ኢዛስ ካሴ ዮቲዳ ማላ ባ ኣስ ኪቲዲ ናምዑ ላይꬃኔ ናምዑ ላይꬅ ኩሞንታይታ ቤቴሌሜኒኔ ቤታሌሜ ዩሾን ዲዛ ጉꬃ ኣቱማ ናይታ ኡባ ዎꬊሲዴስ።
23262	MAT 3:1	ሄ ዎዴ ፃማቂዛ ዮሃኒሲ ኣሳስ “ሳሎ ካዎቴꬂ ማቲዳ ጊሽ ኢንቴ ናጋራፔ ሲሚቴ” ጊ ሳባኪሼ ዩሁዳ ባዞራ ዪዴስ።
23264	MAT 3:3	“ጎዳ ኦጌ ኦꬂቴ፥ ዎጋ ኦጌዛካ ሎዔꬂቴ ጊሼ ባዞ ቢታን ዋሲዛ ቃላ” ጌቴቲዲ ካሴ ናቤ ኢሳያሳን ዮቴቲዳይሲ ዮሃኒሳ ጊሻሳ።
23269	MAT 3:8	ኢንቴ ኢንቴ ናጋራፔ ሲሚዳይሳ ቤሲዛ ኦሶ ኦꬂቴ።
23270	MAT 3:9	‘ኑ ኣዋይ ኣብራሃሜይ ኑስ ዴስ’ ጊዛይሳን ኢንቴርካ ኢንቴና ባሌꬆፍቴ፤ ታ ኢንቴስ ፆሲ ሃይታ ሹቻታፔ ኣብራሃሜስ ና ኦꬂ ዴንꬃናስ ዳንዳዬስ ጋይስ።
23271	MAT 3:10	ሄኮ ካልታይ ቃንፃናስ ሚꬃታ ጋርሳን ጊጌቲ ኡቲዴስ፤ ሄሳ ጊሽ ሎዖ ኣይፌ ኣይፎንታ ሚꬂ ዉሪ ቃንፄታናኔ ታማን ዬጌታና።
23276	MAT 3:15	ዬሱሲካ “ኣይኮይ ባዋ፥ ኤሮ ጋርኪ? ሃይሳ ኦꬂዲ ኑኒ ፂሎቴꬅ ኡባ ፖላናስ ኑስ ቤሴስ” ጊዴስ። ዮሃንሲካ ኢዛ ቆፋ ኤሮ ጊ ኤኪዴስ።
23295	MAT 4:17	ዬሱሲ ሄ ዎዴፔ ሃ ሲሚን “ሳሎ ካዎቴꬂ ማቲዴስ፥ ማሮታ ጌሊቴ” ጊዲ ሳባኮ ኦይኪዴስ።
23301	MAT 4:23	ዬሱሲ ኣይሁዳታ ኢስታ ዎሳ ኬꬃን ታማርሲሼኔ ካዎቴꬃ ሚሺራቾ ቃላ ሳባኪሼ ቃሴ ዴሬ ጊዶን ኣይ ሃርጌይካ ሳኪዛይታ ፓꬂሼ ኩሜꬃ ጋሊላን ዩዪዴስ።
23302	MAT 4:24	ሄሳ ጌዶን ሎዖ ናሾይ ኩሜꬃ ሶሪያ ቢታን ሲዬቲዴስ፤ ዴሬይካ ዱማ ዱማ ሳኮን ዳሮ ዋዬቲዛይታ፥ ዳይዳንꬂ ኢስታን ጌሊዳይታ፥ ቦላፌ ቢታን ዬጊዛ ሃርጌይ ዲዛይታኔ ሲሊዳይታ ኢዛኮ ኤሂን ኡባካ ፓꬂዴስ።
23310	MAT 5:7	ኣሳስ ሎዖ ኦꬂዛይቲ ኣንጄቲዳይታ፤ ኣይሲ ጊኮ ኢስታስካ ሎዖይ ኦሴታና።
23312	MAT 5:9	ሳሮቴꬅ ኦꬂዛይቲ ኣንጄቲዳይታ፤ ኣይሲ ጊኮ ኢስቲ ፆሳ ናይታ ጌቴቲ ፄይጌታና።
23313	MAT 5:10	ፂሎቴꬃ ጊሽ ጎዴቲዛይቲ ኣንጄቲዳይታ፤ ኣይሲ ጊኮ ሳሎ ካዎቴꬂ ኢስታሳ።
23318	MAT 5:15	ኣሲ ፆምፔ ኦይꬂዲ ኬꬃን ዲዛ ኣሳ ኩሜꬃስ ፖዓና ማላ ꬎቃሶን ዎꬄስ ኣቲን ጌማ ሶን ዎꬂ ኤሬና።
23322	MAT 5:19	ሄሳ ጊሽ ኦኒካ ሃ ኣዛዞታፔ ጉፂዛሮ ጊዲኮካ ኦꬆንታ ዬጊ ኣꬊኮ፥ ሃንኮይታካ ዬꬊ ኣꬋና ማላ ታማርሲኮ ሳሎ ካዎቴꬃን ሄሳዴይ ጉꬅ ጌቴቲ ፄይጌታና፤ ጊዶ ኣቲን ሃይታ ኣዛዞታ ኦꬂ ፖሊሼ ሃንኮይታ ፖላና ማላ ታማርሲኮ ሄሳዴይ ሳሎ ካዎቴꬃን ጊታ ጌቴታና።
23323	MAT 5:20	ታ ኢንቴስ ጋይስ፥ ኢንቴ ፂሎቴꬂ ፋርሳዌታፔኔ ሙሴ ዎጋ ታማርሲዛይታ ፂሎቴꬃፔ ኣꬎንታ ኣጊኮ ሳሎ ካዎቴꬅ ጌላና ዳንዳዬኬታ።
23328	MAT 5:25	“ኔና ሞቲዳ ኔ ሞርኬይ ኔ ቦላ ፒርዲሶንታ ማላ፥ ፒርዲዛ ዳናይ ቃቺዛይሳስ ኔና ኣꬂ ኢሞንታ ማላ፥ ቃሾ ኬꬃን ኔ ዎꬎንታ ማላ ቡሮ ኦጌ ቦላ ዳሼ ኔ ሞርኬራ ኤሌላ ጊጋይቻ።
23342	MAT 5:39	ታ ቃሴ ኢንቴስ ጊዛይ ኢታ ኦꬂዳዴራ ኤቄቶፒቴ፤ ጊዶ ኣቲን ኔስ ኡሻቻ ሻጋላ ባቂዛዴስ ሃንኮይሳካ ዩሻ ቤሳ።
23344	MAT 5:41	ኢሲ ኣሲ ኔና ኢሲ ሳቴ ኦጌ ኔ ባና ማላ ዎልቃꬂኮ ኢሲፌ ናምዑ ዳኮ ጊዳና ኦጌ ኢዛራ ባ።
23348	MAT 5:45	ኢንቴ ሄሳꬆ ኦꬂኮ ኢንቴ ሳሎ ኣዋስ ናይታ ጊዳና። ኢዚ ኣዋ ኣርሼ ኢታታሲኔ ሎዖታስ ኢሲ ቦላ ጋꬂ ኢሜስ። ኢራካ ፂሎታሲኔ ናጋራንቻታስ ኢሲ ቦላ ቡኪሴስ።
23352	MAT 6:1	“ኣሲ ኢንቴና ቤያና ማላ ኣሳ ሲንꬃን ሎዖ ኦꬆንታ ማላ ናጌቲቴ፤ ሄሳꬆ ኦꬂኮ ኢንቴ ሳሎ ኣዋፔ ጎዓ ዴሜኬታ።
23354	MAT 6:3	ኢንቴ ማንቆታስ ኢሚሺን ኡሻቻ ኩሼይ ኦꬂዛ ሃዲሪሳ ኩሼይ ኤሮፖ።
23360	MAT 6:9	ኢንቴ ዎሲሼ ‘ሳሎን ዲዛ ኑ ኣዋዉ! ኔ ሱንꬂ ኣንጄቶ።
23361	MAT 6:10	ኔ ካዎቴꬂ ሃዮ፤ ኔ ሼኔይ ሳሎን ጊዲዳ ማላ ሳዓንካ ሃኖ።
23367	MAT 6:16	“ኢንቴ ፆማ ፆሚሼ ቆꬌፔ ቆሞራ ፆሚዛይታꬆ ሹሎፍቴ። ኢስቲ ባ ፆሚዛይሳ ኣሲ ኤራና ማላ ባ ኣይፌሶ ኢሴቴስ። ታ ቱሙ ጋይስ፤ ሄሳꬆ ኦꬂዛይቲ ባ ዋጋ ኩሜꬅ ኤኪቺዳ።
23375	MAT 6:24	“ኢሲ ኣሲ ናምዑ ጎዳስ ኦꬃና ዳንዳዬና። ኢሳ ኢፂዲ ናምዓንꬆዛ ዶሳና፤ ዎይኮ ኢሳ ቦንቺዲ ናምዓንꬃ ሌቃና፤ ፆሳሲኔ ሚሻስ ናምዓታስ ጋꬂ ኦꬃናስ ዳንዳዬቴና።
23381	MAT 6:30	ኢንቴኖ ፓጬ ኣማኖይ ዲዛይቶ! ሃቺ ኣሳ ኣይፌን ቤቲዲ ዎንቶ ታማን ዎꬋና ማታ ሃይሳꬆ ማይዚዛ ፆሲ ኢንቴና ሄሳፌ ሎዔꬂ ኣꬂ ማይዛናስ ዳንዳዬኔ?
23389	MAT 7:4	ኔ ኣይፌን ጊታ ሚꬂ ዲሺን ኔ ኢሻ ‘ኣኔ ታ ኔ ኣይፌፔ ቄሪ ቡራዮ ኬሳይስ’ ጋናስ ዋና ዳንዳያይ?
23397	MAT 7:12	ሄሳ ጊሽ ሃራ ኣሲ ኢንቴስ ኦꬃና ማላ ኢንቴ ኮዪዛይሳ፥ ኢንቴካ ሃራታስ ኦꬂቴ። ሙሴ ዎጋይኔ ናቤቲ ሃይሳን ኩዬቴስ።
23399	MAT 7:14	ዴዖስ ጋꬂዛ ኦጌይ ጊዲኮ ፁንꬃ፤ ፔንጌይካ ፁንꬃ፤ ጌላናይቲካ ጉꬃታ ፃላላ።
23400	MAT 7:15	“ኢስታስ ጊዶ ባጋይ ካና ሱይቴ ማላ ጊዲ ኡቲዲኔ ዶርሳ ኢቴ ማይዒዲ ኢንቴ ጊዶ ጌሊዲ ጊዶራ ኦꬂዛ ዎርዶ ናቤታፔ ናጌቲቴ።
23402	MAT 7:17	ሄሳꬆካ ሎዖ ሚꬂ ዉሪ ሎዖ ኣይፌስ፤ ኢታ ሚꬂካ ኢታ ኣይፌ ኣይፌስ።
23403	MAT 7:18	ሎዖ ሚꬂ ኢታ ኣይፌ ኣይፋናስ ዳንዳዮንታይሳ ማላ ኢታ ሚꬂ ሎዖ ኣይፌ ኣይፋናስ ዳንዳዬና።
23404	MAT 7:19	ሎዖ ኣይፌ ኣይፎንታ ሚꬂ ዉሪካ ቃንፄታናኔ ታማን ዬጌታና።
23407	MAT 7:22	ሄ ጋላስ ዳሮቲ ‘ጎዶ! ጎዶ! ኑኒ ኔ ሱንꬃን ቲንቢቴ ዮቲቤኮኒ? ኔ ሱንꬃን ዳይዳንꬂ ኬሲቤኮኒ? ኔ ሱንꬃን ዳሮ ማላታ ኦꬂቤኮኒ?’ ጋና።
23414	MAT 7:29	ጋሶይካ ሙሴ ዎጋ ታማርሲዛይታ ማላ ጊዶንታ ኢዚ ጎዳቴꬂ ዲዛ ኣሳ ማላ ታማርሲዴስ።
23426	MAT 8:12	ሳሎ ካዎቴꬂ ኢስታስ ጊዳና ቤሲዛ ኣሳቲ ሄን ካሬ ꬉማን ዬጌታና። ሄንካ ዬሆይኔ ኣቻ ጋርጬች ጊዳና” ጊዴስ።
23430	MAT 8:16	ሄ ጋላሳ ኦማሪስ ዳይዳንꬂ ኦይኪዳ ዳሮ ኣሳታ ዬሱሳኮ ኤሂዳ። ኢዚካ ቱና ኣያናታ ባ ቃላራ ኢስታፌ ኬሲዴስ፤ ሃርጋንቻታካ ኡባ ፓꬂዴስ።
23432	MAT 8:18	ዳሮ ኣሳይ ኢዛ ጊዶꬂዳይሳ ቢዪዲ ዬሱሲ ኣሳ ኣባፌ ሄ ፒንꬅ ፒናና ማላ ኣዛዚዴስ።
23434	MAT 8:20	ዬሱሲካ ኢዛስ ዛሪዲ “ዎርካናታስ ኦላይ ዴስ፤ ሳሎ ካፎታስ ኬꬂ ዴስ፤ ታስ ኣሳ ናስ ጊዲኮ ሁዔ ጌልꬂዛሶይ ባዋ” ጊዴስ።
23439	MAT 8:25	ኢዛ ካሊዛይቲ ኢዛ ቤጎꬂዲ “ጎዶ! ኑ ꬋዮስ፤ ኑና ኣሻ!” ጊዳ።
23442	MAT 8:28	ኢዚ ኣባ ፒኒዲ ጌርጌሴኖኔ ጌቴቲዛ ዴሬ ጋኪዳ ማላ ዳይዳንꬂ ኦይኪዳ ናምዑ ኣስ ዳይቲ ባ ዲዛ ዱፎፔ ኬዚዲ ኢዛራ ጋጊዳ። ኣሲ ሄ ኦጌዛራ ኣꬋናስ ዳንዳዬቶንታ ማላ ኣሳስ ዳሮ ኬሂ ሜቶ ጊዲ ዴቴስ።
23447	MAT 8:33	ጉዱንꬃ ሄሚዛይቲ ኤሌሊዲ ካታማይ ዲዛሶ ቢዲ ጉዱንꬃይ ሃኖይሳኔ ዳይዳንꬂ ኢስታ ኦይኪዳ ኣሳታ ቦላ ሃኒዳይሳ ኡባ ኣሳስ ዮቲዳ።
23456	MAT 9:8	ዴሬይካ ሄሳ ቤዪዲ ማላሌቴꬃኒኔ ባቦን ኩሚዲ ሃይሳ ሲሬ ጎዳቴꬂ ኣሳስ ኢሚዳ ፆሳ ጋላቲዴስ።
23464	MAT 9:16	“ጋልዓ ማይዖ ቦላ ኦራꬃ ዎሶ ዎꬂ ሲኪዛ ኣሲ ዴና። ጋልዓ ቦላ ኦራꬅ ዎꬂ ሲኪኮ ኦራꬃዚ ጋላዓዛ ፔꬌሬꬂዲ ሃ ዳሲ ዳሪሳና።
23468	MAT 9:20	ታማኔ ናምዑ ላይꬅ ኩሜꬅ ኢዚፔ ሱꬂ ጉኪዛ ኢሲ ማጫሲ ዬሱሳፔ ጉዬራ ያዳ ኢዛ ኣፋላ ማጫራ ቦቻዱስ።
23469	MAT 9:21	ኢዛ ሄሳ ኦꬂዳይ “ታ ኢዛስ ኣፋላ ማጫራ ቦቺዳኮ ፓፃና” ጊዛ ኣማኖይ ኢዚ ዎዝናን ዲዛ ጊሽ ቦቻዱስ።
23470	MAT 9:22	ዬሱሲካ ጉዬ ሲሚ ፄሊዲ ማጫሳዮ “ኣይኮይ ባ፥ ታ ናዬ፤ ኔና ኔ ኣማኖይ ፓꬂዴስ” ጊን ማጫሳያ ሄራካ ፓፃጋዱስ።
23474	MAT 9:26	ኢዛ ጎባቴꬂ ሄ ዴሬ ኡባን ሴቴቲዴስ።
23478	MAT 9:30	ኢስታ ኣይፌይካ ፄሊዴስ። ዬሱሲካ “ሃይሳ ኦኒካ ኤሮንታ ማላ” ጊዲ ሚንꬂ ዮቲዴስ።
23480	MAT 9:32	ኢስቲ ሄፔ ኬዚሺን ዳይዳንꬂ ኦይኪዳ ኢሲ ዱና ዱዴ ኣስ ዬሱሳኮ ኤሂዳ።
23482	MAT 9:34	ጊዶ ኣቲን ፋርሳዌቲ ዛሪዲ ኢዛ “ዳይዳንꬂ ኬሲዛይ ዳይዳንꬃታ ሃላቃና” ጊዳ።
23483	MAT 9:35	ዬሱሲ ኣይሁዳታ ዎሳ ኬꬃን ኣይሁዳታ ታማርሲሼኔ ፆሳ ካዎቴꬃ ሚሺራቾ ቃላ ዮቲሼ ቃሴካ ሃርጌ ኡባፌ ኣሳ ፓꬂሼ ጉታታን ጉታታን ዩዪዴስ።
23490	MAT 10:4	ባ ባጋስ ሚሼቲዛ ሲሞናኔ ጉዬፔ ዬሱሳ ሃይቆስ ኣꬂ ኢሚዳ ኣስቆሮንቶ ዩሁዳ።
23494	MAT 10:8	ሃርጋንቻታ ፓꬂቴ፥ ሃይቂዳይታ ሃይቆፔ ዴንꬂቴ፥ ኢንቺራቻ ሃርጊዛይታ ጌሺቴ፤ ዳይዳንꬃታ ኬሲቴ፤ ኢንቴ ሜላ ኤኪዳይሳ ሜላ ኢሚቴ፤
23498	MAT 10:12	ኢንቴ ኦና ኬꬂካ ጌሊሼ ‘ሳሮ’ ጊቴ።
23507	MAT 10:21	“ኢሻይ ባ ኢሻ ሃይቆስ ኣꬂ ኢማና፤ ኣዋይ ባ ና ቦላ፥ ናይቲ ባና ዬሊዳይታ ቦላ ማካላቴꬃን ዴንዲዲ ሃራ ኣሳን ዎꬊሳና።
23510	MAT 10:24	“ኣሽካራይ ጎዳፔ ዎይኮ ካሊዛዴይ ካሌꬂዛዴፌ ኣꬌና።
23514	MAT 10:28	ኣሾ ዎꬊኮፌ ኣቲን ሼምፖ ዎꬋናስ ዳንዳዮንታይታስ ባቦፍቴ፤ ሄሳፌ ኣሾኔ ሼምፖ ጋꬂ ጋናሜ ታማን ꬋይሳናስ ዳንዳዪዛይሳስ ባቢቴ።
23523	MAT 10:37	“ታፔ ኣꬂዲ ባ ኣዋ ዎይኮ ባ ኣዮ ሲቂዛዴይ ታስ ጊዳናስ ቤሴና። ታፔ ኣꬂዲ ባ ኣቱማ ና ዎይኮ፥ ማጫ ና ሲቂዛዴይ ታስ ጊዳናስ ቤሴና።
23525	MAT 10:39	ባ ሼምፖ ኣሻናስ ኮዪዛዴይ ꬋይሴስ፤ ባ ሼምፖ ታ ጊሽ ኣꬂ ኢሚዛዴይ ኣሼስ።
23530	MAT 11:2	ዮሃኒሲ ቃሾ ኬꬃን ዲሼ ኪርስቶሳስ ኦꬂዛ ሃኖታ ሲይዲ ባና ካሊዛይታ ኢዛኮ ዬዲዲ “ኣሲ ኣሺዛዴይ ያና ጌቴቲዳይ ኔኔዬ? ሃራ ናጊኖ?” ጊዲ ኦይቺዴስ።
23535	MAT 11:7	ዮሃኒሳ ካሊዛይቲ ቢዳፔ ጉዬ ዬሱሲካ ኣሳስ ዮሃኒሳ ጊሽ “ኣይ ቤያናስ ዱጌ ባዞ ቢዴቲ? ጫርኮይ ቃꬂዛ ሾምቦቆ ቤያናስ ዪዴቲ?
23543	MAT 11:15	ሲዪዛ ሃይꬂ ዲዛ ኣስ ሲዮ!
23544	MAT 11:16	“ሃይሳ ሃ ዎዴ ኣሳ ኣዛን ሌሚሶ? ጊያን ኡቲዲ ባ ላጌታ ‘ኑ ኢንቴስ ዲꬂ ዲፂን ኢንቴ ዱርቤኬታ! ዬሆ ዚላልꬅ ዚላሊን ዬኪቤኬታ!’ ጊዛ ናይታ ሚሳቴቴስ።
23547	MAT 11:19	ታ ኣሳ ናይ ማሼኔ ኡያሼ ዪን ‘ሃይሲ ሚዲ ካሎንታ ኣሳ፥ ኡሻንቻ፥ ቃራፃ ሺሺዛይታሲኔ ናጋራንቻታስ ላጌኮ!’ ጊዳ። ጊዶ ኣቲን ፆሳ ኤራቴꬂ ባ ኦሶን ፂላዱስ” ጊዴስ።
23548	MAT 11:20	ሄሳፌ ጉዬ ዬሱሲ ኢዚ ማላታታ ኦꬂዳ ካታማ ኣሳይ ማሮቴꬃን ጌሎንታ ኣጊዳ ጊሽ “ኩራዚኔኔ ቤቴሳይዳ! ኢንቴና ኣዬ ኣና! ኢንቴ ቦላ ኦሴቲዳ ማላታይ ፂሮሴ ቦላኔ ሲዶና ቦላ ኦሴቲዳኮ ኢስቲ ማቃ ማይዒዲኔ ቢዲንꬃን ኡቲዲ ቤኒ ቤኒ ማሮቴꬃን ጌላናኮሺን።
23559	MAT 12:1	ሄሳፌ ጉዬ ዬሱሲ ሳምባታ ጋላስ ካꬃ ጊዶራ ኣꬊ ቢዴስ። ኢዛ ካሊዛይቲካ ጋፊዳ ጊሽ ቲያ ዱꬂዲ ሺጌቺ ሙስ ኦይኪዳ።
23561	MAT 12:3	ኢዚካ ኢስታስ ዛሪዲ “ዳዉቴይኔ ኢዛራ ዲዛ ኣሳቲ ጋፊዳ ዎዴ ኢዚ ኣይ ኦꬂዳኮኔ ናባቢቤኬቲ?
23563	MAT 12:5	ቃሴ ቄሴቲ ሳምባታ ሻሪዲ ፆሳ ኬꬃ ጊዶን ኦሶ ኦꬂኮ ሞሮ ጊዶንታይሳ ሙሴ ዎጋፔ ናባቢቤኬቲ?
23573	MAT 12:15	ዬሱሲ ኢስታ ቆፋ ኤሪዲ ሄፔ ሃራሶ ሼርዒ ጊዴስ። ዳሮ ዴሬይ ኢዛ ካሊዴስ፤ ሃርጋንቻታካ ኡባ ፓꬂዴስ።
23580	MAT 12:22	ሄሳፌ ጉዬ ዳይዳንꬂ ኦይኪን ፄላናሲኔ ሃሳያናስ ዳንዳዮንታ ኢሲ ኣስ ዬሱሳኮ ኤኪ ዪዳ። ዬሱሲካ ኢዛ ፓꬂን ኣዴዚ ፄላናሲኔ ሃሳያናስ ዳንዳዪዴስ።
23583	MAT 12:25	ዬሱሲካ ኢስታ ቆፋ ኤሪዲ “ባ ጊዶን ኢሶይ ኢሳፌ ሻኬቲዛ ካዎቴꬂ ዉሪካ ኩንዳና፤ ባ ጊዶን ሻኬቲዛ ካታማይ ዎይኮ ኬꬃ ኣሲ ሚኔና።
23584	MAT 12:26	ፃላዔይ ፃላዔ ኬሲዛ ጊዲኮ ፃላዔይ ባ ጊዶን ሻኬቲዴስ ጉሳ። ሄሳꬆ ሃኒኮ ኢዛ ካዎቴꬂ ዋኒ ሚናና ዳንዳዪዜ?
23586	MAT 12:28	ጊዶ ኣቲን ታኒ ዳይዳንꬅ ኬሲዛይ ፆሳ ኣያናን ጊዲኮ ፆሳ ካዎቴꬂ ኢንቴኮ ዪዴስ ጉሳ።
23591	MAT 12:33	“ሚꬂ ዉሪ ኣይፌን ኤሬቲዛይሳ ማላ ኢንቴ ሎዖ ኣይፌ ዴማናስ ኢንቴስ ሎዖ ሚꬂ ዶ፤ ኢንቴስ ኢታ ሚꬂ ዲዛ ጊዲኮ ኢንቴ ኢታ ኣይፌ ኤካና።
23593	MAT 12:35	“ሎዖ ኣሲ ባ ዎዝናን ኩንꬂ ዎꬂዳ ሎዖ ቆፋፔ ሎዖ ሃሳዬስ፤ ኢታ ኣሲካ ባ ዎዝናን ኩንꬂ ዎꬂዳ ኢታቴꬃፌ ኢታ ዮዖ ኬሴስ።
23601	MAT 12:43	“ቱና ኣያናይ ኣሳፔ ኬዚዲ ሼምፖ ዴማናስ ሃꬂ ባይንዳ ሜላ ቢታን ዳቡሬስ። ጊዶ ኣቲን ባ ኮዪዛ ሼምፖ ዴሜና።
23608	MAT 12:50	ሳሎን ዲዛ ታ ኣዋ ሼኔ ኦꬂዛይቲ ዉሪካ ታስ ኢሻ፥ ሚቾኔ ኣዮ” ጊዴስ።
23610	MAT 13:2	ዳሮ ዴሬይ ኢዛ ዩዪ ኣꬊ ጊዶꬂዳ ጊሽ ኣሳ ኣባ ጋፃን ኣጊዲ ዎጎሎ ጊዶ ጌሊ ኡቲዲ፥
23612	MAT 13:4	ኢዚ ዜሪሺን ኢሲ ኢሲ ዜሬꬂ ኦጌ ዱናን ዎꬊን ካፎቲ ዪዲ ማፂ ሚዳ።
23613	MAT 13:5	ኢሲ ኢሲ ዜሬꬂ ሜላኔ ሹቻቲዛ ቢታ ቦላ ዎꬊን ቢታይ ሜላ ቢታ ጊዲዳ ጊሽ ኤሌ ጫሪዴስ።
23616	MAT 13:8	ሃራ ዜሬꬂካ ሎዖ ኦርዴ ቢታን ዎꬊዲ ኣይፌካ ኣይፊዴስ፤ ኢሶይ ፄቱ፥ ኢሶይ ኡሱፑን ታሙ ኢሶይ ሄꬑ ታሙ ኣይፌ ኢሚዴስ።
23617	MAT 13:9	ሲዪዛ ሃይꬂ ዲዛዴይ ሲዮ!” ጊ ዮቲዴስ።