23249	MAT 2:11	ኬꬄ ጌሊዲ ጉꬃ ናዛ ኢዛ ኣዮ ማራሚራ ዴሚዲኔ ጉልባቲዲ ኢዛስ ጎይኒዳ፤ ባ ሳፂኔ ሳፂኔ ዶይዲ ዎርቃ፥ ኤፃኔኔ ካርቤ ጊዛ ሚሽ ኢዛስ ኢሚዳ።
23299	MAT 4:21	ጉꬅ ሲንꬄ ቢሼ ሃራ ናምዑ ኢሻንታ ዛቢዶሳ ና ናምዓታ ያቆቤኔ ዮሃኒሳ ቤዪዴስ፤ ኢስቲካ ባ ኣዋ ዛቢዶሳራ ዎጎሎ ጊዶን ሞሌ ጊቴ ሎዔꬄቴስ። ዬሱሲካ ኢስታ ፄይጊን፤
23318	MAT 5:15	ኣሲ ፆምፔ ኦይꬂዲ ኬꬃን ዲዛ ኣሳ ኩሜꬃስ ፖዓና ማላ ꬎቃሶን ዎꬄስ ኣቲን ጌማ ሶን ዎꬂ ኤሬና።
23335	MAT 5:32	ታኒ ቃሴ ኢንቴና ሂዝጋይስ፥ ሃራ ኣሳራ ላይማቲሺን ቤዮንታ ዲሼ ባ ማቾ ኣንጂዛዴይ ዉሪ ኢዛ ላይማታና ማላ ኦꬄስ። ሄሳꬆካ ኣንጄቲዳሮ ኤኪዛዴይካ ላይማቲዳ ማላ ቆዴቴስ።
23349	MAT 5:46	ኢንቴና ዶሲዛይታ ፃላላ ኢንቴ ዶሲኮ ኢንቴስ ኣዛ ጎዓይ ዲዜ? ቃራፃ ቃንፂሲዝይቲ ሄሳꬆ ኦꬄቴኔ?
23350	MAT 5:47	ኢንቴ ኢሻታ ፃላ ኢንቴ ሳሮቲኮ ሃንኮይታፔ ኣዛን ሎዔቲ? ኣማኖንታይቲካ ሄሳꬆ ኦꬄቴስ።
23409	MAT 7:24	“ሂስቲኮ ሃይሳ ታ ቃላ ሲይዲ ኦሶን ፔይሺዛዴይ ባ ኬꬄ ዛላ ቦላ ኬፂዛዴ ሚሳቴስ።
23411	MAT 7:26	“ሃይሳ ታ ቃላ ሲይዲ ኦꬆንታዴይ ጊዲኮ ባ ኬꬄ ኣጬ ቦላ ኬፂዳ ኤያ ኣሳ ማላ።
23422	MAT 8:8	ማቶ ሃላቃይ ኢዛስ ዛሪዲ “ታ ኔና ታ ኬꬄ ጌልꬃናስ ቤሲዛዴ ጊዲኬ፤ ጊዶ ኣቲን ኔ ሃን ዳዳ ኢሲ ቃላ ፃላ ጊኮ ታ ኣሽካራይ ፓፃና።
23423	MAT 8:9	ታስካ ታና ኣዛዚዛ ሃላቃቲ ታፔ ቦላራ ዴቴስ፤ ቃሴካ ታስ ኣዛዜቲዛ ዎታዳራቲ ታፔ ጋርሳራ ዴቴስ፤ ኢስታፌ ኢሳ ‘ባ!’ ጊኮ ቤስ፤ ቃሴ ኢሳ ‘ሃያ!’ ጊኮ ዬስ፤ ታ ኣሽካራ ‘ሄሳ ኦꬃ!’ ጊኮ ኦꬄስ” ጊዴስ።
23428	MAT 8:14	ዬሱሲካ ቡሮ ጴፅሮሳ ኬꬄ ጌልሺን ጴፅሮሳ ቦሎቴያ ሚሾ ሃርጌ ሳኬታዳ ኢቺዳሮ ቤዪዴስ።
23473	MAT 9:25	ዴሬይ ዉሪ ኬꬃፌ ኬዚን ኢዚ ኬꬄ ጌሊዲ ናይ ኩሼ ኦይኪዴስ፤ ናያካ ዴንዳ ኤቃዱስ።
23499	MAT 10:13	ሄ ኬꬃይ ሳሮታይ ቤሲዛ ኬꬄ ጊዲኮ ኢንቴ ሳሮታይ ሄ ኬꬃስ ጊዶ፤ ሶሮታይ ቤሶንታ ኬꬄ ጊዲኮ ኢንቴ ሳሮታይ ኣጊዲ ኢንቴስ ሲሞ።
23504	MAT 10:18	ታ ጌዶን ዴሬ ሃሪዛይታኮኔ ካዎታኮ ኢንቴና ኤፋና፤ ኢስታ ሲንꬄኒኔ ኣማኖንታ ኣሳታ ሲንꬃን ኢንቴ ማርካ ጊዳና።
23560	MAT 12:2	ፋርሳዌቲ ሄሳ ቤዪዲ ዬሱሳ “ሄኮ ኔና ካሊዛይቲ ሳምባታ ጋላስ ኦꬄታናስ ቤሶንታይሳ ኦꬄቴስ” ጊዳ።
23562	MAT 12:4	ፆሳ ኬꬄ ጌሊዲ ቄሴታፔ ኣቲን ዳዉቴይኔ ኢዛራ ዲዛይቲ ቦቻናስ ቤሶንታ ዱማቲዳ ኡኬꬅ ሚዴስ።
23575	MAT 12:17	ሄሲካ ሃኒዳይ ናቤ ኢሳያሳን “ታ ዶሪዳይኔ ታ ኢዛን ኡፋዬቲዛ ታ ናይ ሃይሳኮ! ታ ኣያናፔ ታ ኢዛ ቦላ ዎꬃና፤ ኢዚካ ኣማኖንታ ዴሬታስ ቱሙ ፒርዳ ኣዋጃና፤ ማርሼቴና፤ ዎይኮ ዋሴና። ኢዛስ ቃላይካ ካሬን ሲዬቴና፤ ቱማ ፒርዳ ፆኖስ ጋꬃና ጋካናስ ዲንጬቲ ኡቲዳ ሾምቦቆካ ሜንꬄናኔ ጩዋቲዛ ሙቃዳካ ቶይሴና፤ ኣይዛቤቲ ኢዛ ኡፋይሳን ናጋና” ጌቴቲ ዮቴቲዳ ቲንቢቴ ቃላይ ፖሌታና።
23587	MAT 12:29	“ዎይኮ ኢሲ ኣስ ዎልቃራ ዲዛዴ ኬꬄ ጌሊዲ ሚሼ ቦንቃና ኮይኮ ካሴቲዲ ሄ ዎልቃራ ዲዛ ኣዴዛ ኦይኪ ቃቾንታ ዎስቲ ቦንቃኔ? ቃቺዳፔ ጉዬ ቦንቃና ዳንዳዬስ።
23602	MAT 12:44	ሄሳፌ ቃሴ ካሴ ታ ዲዛሶ ሲማ ባና ጊዲ ቤኒሶ ኢዚ ሲሚሺን ካሴ ኢዚ ዲዛሶይ ኣይኮይኔ ባይንዳ ሜላ ኬꬄ ጊዲዲ ጌዬዳይሳኔ ጊጌቲ ዲዛይሳ ዴሜስ።
23622	MAT 13:14	“ኢሳያሲ ‘ኢንቴ ሲሳ ሲያናሺን ዩሺ ቆፔኬታ፤ ፄሎ ፄላና ሺን ዎዝናን ዎꬄኬታ፤ ዴሬዛ ዎዝናይ ሙሚዴስ፤ ኢስታ ሃይꬃይካ ሲዬና፤ ፄሎንታ ማላ ባ ኣይፌ ቂልምዒዳ፤ ሄሲ ባይንዳኮ ኢስቲ ባ ኣይፌራ ቤዪዲኔ ባ ሃይꬃራ ሲይዲ ባ ዎዝናን ዩሺ ቆፒዲ ታኮ ሃ ሲሚን ታ ኢስታ ፓꬃና ሺን’ ጊዳ ቲንቢቴ ቃላይ ኢስታን ፖሌቲዴስ።
23719	MAT 15:17	ዱናራ ጌሊዛይ ዉሪ ዱጌ ቃንꬄ ካንꬂዲ ጌዴ ካሬ ኬዚዛይሳ ኤሬኬቲ?
23759	MAT 16:18	ኔኒ ዛላ፤ ሃይሳ ዛላ ቦላ ታኒ ታ ዎሳ ኬꬄ ኬፃና፤ ጋናሜ ፔንጌቲካ ኢዞ ፆኔቴና።
23860	MAT 19:29	ታ ሱንꬃ ጊሽ ጊዲ ባ ኬꬄ፥ ባ ኢሻታ፥ ባ ሚቼታ፥ ባ ኣዋ፥ ባ ኣዮኔ ባ ናይታ፥ ዎይኮ ባ ቢታ ኣጊዛ ኣሲ ዉሪ ፄቱ ኩሼ ዳኮ ኤካና፤ ሜꬊና ዴዖካ ላታና።
23861	MAT 19:30	ጊዶ ኣቲን ዳሮ ሲንꬄ ጊዲዳ ኣሳቲ ጉዬ ጊዳና፤ ዳሮ ጉዬን ዲዛ ኣሳቲ ሲንꬃታና።
23877	MAT 20:16	“ጉዬን ዲዛይቲ ሲንꬄ፥ ሲንꬄን ዲዛይቲ ጉዬ ኣꬋና” ጊዴስ።
23898	MAT 21:3	ኦኒካ ኢንቴና ‘ኣይስ ሃይሳꬆ ኦꬄቲ?’ ጊኮ ‘ጎዳይ ኢስታ ኮዬስ’ ጊቴ፤ ኢንቴና ኦይቺዛዴይ ሄራካ ዬዳና።
23907	MAT 21:12	ሄሳፌ ዬሱሲ ፆሳ ኬꬃ ጌሊዲ ፆሳ ኬꬃ ካሬ ጊዶን ጋꬃን ባይዚዛይታኔ ሻሚዛይታ ጎዲዴስ። ሚሽ ላሚዛይታ ፃራጴዛታኔ ሃራጴ ባዪዚዛይታ ኦይዴ ሺሪ ሺሪ ዬጊዲ “ ‘ታ ኬꬃይ ዎሳ ኬꬄ ጌቴቴስ’ ጌቴቲዲ ፃፌቲዴስ፤ ኢንቴ ቃሴ ቦንቂዛይታ ጎንጎሎ ሂስቲዴታ” ጊዴስ።
23909	MAT 21:14	ኣይፌ ቆቄታኔ ቶሆይ ሲሊዳ ኣሳታ ዬሱሳኮ ፆሳ ኬꬄ ኤሂዳ። ኢዚካ ኢስታ ፓꬂዴስ።
23918	MAT 21:23	ዬሱሲ ፆሳ ኬꬄ ጌሊዲ ታማርሲሺን ቄሴታ ሃላቃቲኔ ዴሬ ጪማቲ ኢዛኮ ሺቂዲ “ሃይሳ ዉርሳ ኦና ሼኔን ኦꬃይ? ሃይሳ ኦꬃናስ ሼኔ ኔስ ኦኒ ኢሚዴ?” ጊዲ ኢዛ ኦይቺዳ።
23991	MAT 23:4	“ሄሳꬆካ ኣሲ ቶካናስ ዳንዳዮንታ ዴፆ ቶሆ ቃቺዲ ኣሳ ሃሼ ቦላ ዎꬄቴስ ሺን ባሲ ጊዲኮ ቢራꬌ ፄራንካ ቦቼቴና።
23992	MAT 23:5	ኢስታ ኦሶ ዉርሲ ኣሲ ቤያና ማላ ኦꬄቴስ፤ ባ ኣሼንኪታቤ ጌሻ ማፃፋ ጊዶፋ ፃፊ ኤኪዳ ኢሲ ኢሲ ፂቂሴታ ኪታቤ ሲኪዲ ሊጴ ቦላ ዎይኮ ኩሼን ቃቺዛዝ ኦꬄቴስ። ባ ማይዖ ማጫራ ኣዱሴቴስ።
24000	MAT 23:13	“ኢንቴኖ ቆꬌፔ ቆሞን ሃኒዛይቶ፥ ሙሴ ዎጋ ታማርሲዛይቶ፥ ኢንቴኖ ፋርሳዌቶ! ኣሳይ ፆሳ ካዎቴꬅ ጌሎንታ ማላ ኣሳ ቦላ ኢንቴ ፔንጌ ጎርዲዛ ጊሽ ኢንቴና ኣዬ-ኣና! ኢንቴ ኢንቴስ ጌሌኬታኔ ጌላናስ ኮዪዛይታካ ጌልꬄኬታ።
24303	MRK 1:19	ጉꬅ ጌዴ ሲንꬄ ኣꬊዲ ዛቢዶሳ ና ያቆቤይኔ ኢዛ ኢሻ ዮሃኒሲ ዎጎሎን ኡቲዲ ሞሌ ጊቴ ጊጊሲሺን ቤዪዲኔ ሄራካ ኢስታ ፄይጊዴስ።
24305	MRK 1:21	ሄፔካ ቂፊርናሆሜ ቢዳ። ሄራካ ዬሱሲ ኣይሁዳታ ሳምባታ ጋላስ ኣይሁዳታ ዎሳ ኬꬄ ጌሊዲ ታማርሶ ኦይኪዴስ።
24355	MRK 2:26	ኣቢያታሬይ ቄሴታ ሃላቃቴꬃን ዲሺን ኢዚ ፆሳ ኬꬄ ጌሊዲ ቄሴቲ ፃላላ ማናስ ቤሲዛ ዱማ ካꬃ ባሲ ሚዲኔ ባናራ ዲዛይታስ ኢሚዴስ” ጊዴስ።
24358	MRK 3:1	ሃራ ጋላስ ዬሱሲ ኣይሁዳ ዎሳ ኬꬄ ጌሊዴስ። ሄንካ ኩሼይ ሲሊዳዴይ ዴስ።
24413	MRK 4:21	ቃሴካ ዬሱሲ “ፆምፔ ኦይꬂዲ ጌማሶን ዎይኮ ኣርሳ ጊዶን ዎꬂ ኤሬቲ? ፖዓና ማላ ቆንጬሶን ዎꬄታ ጊዴኔ?
24437	MRK 5:4	ዳሮ ዎዴ ቶሆ ቢራታራኔ ሳንሳላታራ ቃሼቴስ። ጊዶ ኣቲን ኩሼ ሳንሳላታ ዱꬄꬂ ዬጌስ፤ ቶሆ ቢራታካ ሜንꬄሬꬂ ዬጌስ፤ ኦኒካ ኢዛ ኦይኪዲ ቴቃናስ ዳንዳይቤና።
24438	MRK 5:5	ጋላሲኔ ቃማ ዱፎታ ጊዶኒኔ ዙማታ ቦላ ዩዪ ዩዪ ዋሲሼ ባ ቦላ ሹቻራ ቃንፄሬꬂዲ ማዱንꬄስ።
24468	MRK 5:35	ዬሱሲ ቡሮ ሃሳያን ዲሺን ኣይሁዳታ ዎሳ ኬꬄ ሃላቃ ኢያዒሮሳ ሶፔ ዪዲ ኢያዒሮሳስ “ኔ ናያ ሃይቃዱስ፥ ጎዳ ሜላ ኣዛስ ዳቡሪሳይ?” ጊዳ።
24478	MRK 6:2	ኣይሁዳታ ሳምባታይ ጋኪን ኣይሁዳታ ዎሳ ኬꬄ ጌሊዲ ታማርሲሺን ሲዪዳ ኣሳይ “ሃይሲ ኣዴዚ ሃይሳ ዉርሲ ኣዋፔ ኤኪዴ? ሃይሲ ኢዛስ ኢሜቲዳ ኤራቴꬃይ ኣዜ? ቃሴ ሃይቲ ኢዚ ኦꬂዛ ማላታቲ ዋኒ ኢዛ ኩሼን ሃኒዞ?” ጊሼ ማላሌቲዳ።
24486	MRK 6:10	ኢሲ ኬꬄ ኢንቴ ጌሊኮ ሄ ካታማፔ ኢንቴ ኬዛና ጋካናስ ሄ ኬꬃን ዲቴ።
24493	MRK 6:17	ሄርዶሲ ባ ኢሻ ፒሊጶሳ ማቾ ሄሮዲያዶ ኤኪዳ ጌዶን ኦይኬቲዲ ቃሼታና ማላ ኣዛዚዲ ዮሃኒሳ ቃሾ ኬꬄ ጌልꬂዴስ።
24509	MRK 6:33	ኢስቲ ቢሺን ዳሮቲ ቤዪዲ ቶሆራ ዎꬃን ኢስታፌ ሲንꬄ ኣꬊዳ።
24536	MRK 7:4	ጊያ ቢ ሲሚኮካ ቦላ ሜጬቲ ጌዮንታ ዲሼ ካꬅ ሚ ኤሬቴና። ሄሳꬆካ ዋንጫካ፥ ኦቶካ፥ ኬሬካ፥ ኢቺዛ ሂꬄካ ሜቻ ማላታ ሃራ ዎጋታካ ናጌቴስ።
24545	MRK 7:13	ሄሳ ጊሽ ኢንቴ ዎጋ ናጋና ጊዲ ፆሳ ቃላ ላሜታ። ሄይታንታ ሚሳቲዛ ዳሮታ ኦꬄታ።” ጊዴስ።
24549	MRK 7:17	ኢዚ ኣሳ ካሬን ኣጊዲ ኬꬄ ጌሊን ኢዛ ካሊዛይቲ ኢዚ ዮቲዳ ሌሚሶዛ ቢርሼꬅ ዬሱሳ ኦይቺዳ።
24556	MRK 7:24	ዬሱሲ ሄፔ ኬዚዲ ፂሮሴ ጌቴቲዛ ዴሬ ቢዴስ። ሄን ኢሳዴ ኬꬄ ጌሊዲ ኢዚ ሄን ዲዛይሳ ኣሲ ኤሮንታ ማላ ኮዪዴስ። ጊዶ ኣቲን ኢዚ ሄን ኢዛ ዱሳይ ቆቴታናስ ዳንዳዬቲቤና።
24586	MRK 8:17	ቃሴ ዬሱሲ ኢስታ ቆፋ ኤሪዲ “ኑስ ካꬂ ባይንዳ ጊሽ ጋሳ ጊዲ ኢንቴ ጊዶን ኣዛስ ሃሳዬቴቲ? ሃዒካ ዩሺ ቆፔኬቲ? ዎዝናንካ ዎꬄኬቲ? ዎይኮ ኢንቴ ዎዝናይ ሹቻቲዴ?
24640	MRK 9:33	ሄሳፌ ጉዬ ቂፊርናሆሜ ቢዳ። ኢዚ ኬꬄ ጌሊዲ “ኢንቴ ዪሼ ኦጌ ቦላ ኣዛ ጊሽ ፓላሜቲዴቲ?” ጊ ኦይቺዴስ።
24668	MRK 10:11	ኢዚ ኢስታስ “ኦኒካ ባ ማቾ ኣንጂ ዬዲዲ ሃራ ማጫስ ኤኪኮ ሄ ማጫሳይ ቦላ ላይማ ኦꬄስ።
24686	MRK 10:29	ዬሱሲካ ዛሪዲ “ታ ኢንቴስ ቱሙ ጋይስ፤ ታ ጊሺኔ ሚሺራቾ ቃላ ጊሽ ጊዲ ባ ኬꬄ፥ ዎይኮ ባ ኢሻታ፥ ዎይኮ ባ ሚቼታ፥ ዎይኮ ባ ኣዮ፥ ዎይኮ ባ ኣዋ፥ ባ ናይታ፥ ዎይኮ ባ ጋዴ ኣጊዳ ኣስ ዉሪ፥
24689	MRK 10:32	ኢስቲ ዬሩሳላሜ ኤፊዛ ኦጌ ቦላ ዲሺን ዬሱሲ ኢስታፌ ሲንꬄ ሲንꬄ ቤስ። ኢዛ ካሊዛይቲ ኢዛ ቡሳን ማላሌቲዳ። ሃንኮ ኢዛ ጌዶን ዲዛ ኣሳይ ቃስ ኢዛስ ባቢዴስ። ቃሴካ ታማኔ ናምዓታ ዴሬዛፔ ዱማ ሻኪዲ ባ ቦላ ኣዚ ጋካናኮኔ ኢስታስ ሂዝጊ ዮቲዴስ፤
24701	MRK 10:44	ሲንꬄ ኣꬋና ኮዪዛይ ዉሪካ ኡባስ ኣይሌ ጊዶ።
24712	MRK 11:3	ኦኒካ ኢንቴና ‘ሃይሳ ኣይስ ኦꬄቲ?’ ጊኮ ጎዳስ ኮሼስ ጊዲ ዮቲቴ፤ ኢዚካ ኢንቴስ ኤሶን ዛሪ ዬዳና” ጊዴስ።
24720	MRK 11:11	ዬሱሲ ዬሩሳላሜ ጋኪዲ ሄሳፌካ ፆሳ ኬꬄ ጌሊዴስ። ሄ ሄራን ዲዛይሳ ዉርሲ ፄሊዲ ጋዴይ ቃሚዳ ጊሽ ታማኔ ናምዓታራ ጌዴ ቢታኒያ ኬዚዴስ።
24724	MRK 11:15	ጌዴ ዬሩሳላሜ ቢዳ፤ ሄፔካ ጌዴ ፆሳ ኬꬄ ጌሊዲ ሄን ባይዚዛይታኔ ሻሚዛይታ ኬሲ ጎዶ ኦይኪዴስ። ሚሼ ላሚዛይታ ፃራጴዛኔ ሃራጴ ባይዚዛይታ ኦይዴ ጉፋንꬂ ጉፋንꬂ ዬጊዴስ።
24725	MRK 11:16	ኦኒካ ኣይ ሚሽ ቶኪዲ ፆሳ ኬꬄ ጊቤ ጊዶራ ኣꬎንታ ማላ ዲጊዴስ።
24726	MRK 11:17	ኢስታካ ታማርሲሼ “ታ ኬꬂ ዴሬ ኡባስ ዎሳ ኬꬄ ጊዳና ጌቴቲ ፃፌቲቤኔ? ጊዶ ኣቲን ኢንቴ ቃሴ ካይሶታ ጎንጎሎ ኬሲዴታ” ጊዴስ።
24736	MRK 11:27	ቃሴካ ዬሩሳላሜ ዪዳ። ዬሱሲ ፆሳ ኬꬄ ካሬ ጊዶን ጌዴኔ ሃኔ ዩዬቲሺን ቄሴታ ሃላቃቲ፥ ሙሴ ዎጋ ታማርሲዛይቲኔ ዴሬ ጪማቲ ኢዛኮ ሺቂዲ፥
24743	MRK 12:1	ቃሴ ኢስታስ ሌሚሶራ ዮቲሼ “ኢሳዴይ ባ ዎይኔ ሚꬅ ቶኪዴስ። ኬላ ዩሺ ኣꬂ ኬሊዴስ፤ ዎይኔ ሚꬃ ኣይፌ ጉምዓና ኦላ ቦኪዴስ። ናጌ ኬꬄካ ኬፂዴስ። ሄሳፌ ጎሻንቻታስ ኪራ ኢሚዲ ሃራ ዴሬ ቢዴስ።
24752	MRK 12:10	ጌሻ ማፃፋን ‘ሹቻ ኬꬄ ኬፂዛይቲ ሃኔና ጊዲ ዎራ ዬጊዳ ሹቻይ ኬꬃ ማዛኔስ ቦላ ሁዔ ጊዲዴስ፤ ሄሳካ ጎዳይ ኦꬂዴስ። ሄሲካ ኑ ኣይፌስ ማላሊሲዛዝ ጌቴቲዲ ፃፌቲዳይሳ ናቤቢቤኬቲ?’ ” ጊዴስ።
24777	MRK 12:35	ዬሱሲ ፆሳ ኬꬄ ጋꬃን ታማርሲሼ “ሙሴ ዎጋ ታማርሲዛይቲ ኣዛስ ‘ኪርስቶሳ ዳዉቴ ና’ ጊዞ?
24801	MRK 13:15	ኬꬃ ካሬን ዲዛዴይ ሶ ጌሎፖ፤ ባ ሚሽ ኬሳና ጊዲ ኬꬄ ጌሎፖ።
24820	MRK 13:34	ሄሲካ ባ ኬꬄ ኣሽካራታስ ኣጊዲ ኣሽካራታ ኢሳ ኢሳ ኦሶ ኦይꬂዲ ፔንጌ ናጊዛይሲ ቤጊዲ ናጋና ማላ ኣዛዚዲ ቢዳ ኣሳ ሚሳቴስ።
24836	MRK 14:13	ኢዚካ ባና ካሊዛይታፔ ናምዓታ “ጌዴ ካታማ ቢቴ፤ ኢንቴ ቢሺን ሃꬄ ኦቶራ ቶኪዳ ኢሳዴይ ኢንቴናራ ጋጋና።
24906	MRK 15:11	ቄሴታ ሃላቃቲ ቃስ “ኢዛ ኤፃ ባርባኔይ ቢርሼቶ!” ጊ ኦይቻና ማላ ዴሬዛ ዴንꬄꬂዳ።
24933	MRK 15:38	ፆሳ ኬꬄ ማጋላሻይ ሁዔራ ዱጌ ናምዑ ኬዚ ዳኬቲዴስ።
24965	LUK 1:3	ታካ ታ ባጋራ ፃጶፔ ዴንꬃዳ ኬሃ ናጌታዳኔ ፓጫ ፄላዳ ታሪኬዛ ዉርሳ ሲንꬄ ፃፌታናስ ቤሲዛይሳ ሲንꬃሳዳ ካሊዲ ፃፌታናስ ቤሲዛይሳ ካሌꬃዳ ናጌታዳ ኔስ ፃፋና ማላ ታስ ሎዖ ጊዲ ቤቲዴስ።
25002	LUK 1:40	ዛካራሳ ኬꬄ ጌላዳ ኤሊሳቤፆ ሳሮታዱስ።
25064	LUK 2:22	ሙሴ ዎጋ ማላ ኢስቲ ጌዪዛ ዎዴይ ዉሪን ዮሴፌይኔ ማራማ ጉꬃ ና ዬሱሳ ጎዳ ፆሳ ሲንꬄ ሺሻናስ ኤኪዲ ዬሩሳላሜ ኬዚዳ። ሄሲካ ጎዳ ዎጋን ኮይሮ ዬሌቲዛ ኣቱማ ናይ ዉሪ ጎዳስ ዱማ ጊዳና ጌቴቲዲ ፃፌቲዳይሳ ፖላናሲኔ
25069	LUK 2:27	ኢዚካ ሄ ዎዴ ፂሎ ኣያናይ ካሌꬂን ፆሳ ኬꬄ ላሻ ጋꬅ ጌሊዴስ። ናዛ ኣዬዪራኔ ኣዋራ ሙሴ ዎጋን ቤሲዛይሳ ፖላናስ ጉꬃ ና ዬሱሳ ኤኪዲ ጌሊዳ ዎዴ፥
25112	LUK 3:18	ዮሃኒሲ ኣሳ ሃራ ዱማ ዱማ ዞሬ ቃላራ ሚኒꬄꬂ ዞሪሼ ሚሺራቾ ቃላ ዮቲዴስ።
25148	LUK 4:16	ሄፔ ባ ዬሌቲዳ ካታማ ናዚሬቴ ዪዲ ካሴ ሳምባታ ጋላስ ኣይሁዳ ዎሳ ኬꬄ ጌሊዛ ማላ ጌሊዲ ፆሳ ማፃፋ ናባባናስ ዴንዲ ኤቂዴስ።
25152	LUK 4:20	ማፃፋካ ጎርዲዲ ኣይሁዳ ዎሳ ኬꬄ ናጊዛይሳስ ዛሪ ኢሚዲ ኡቲዴስ። ኣይሁዳታ ዎሳ ኬꬃን ዲዛይቲ ዉሪካ ኢዛ ቲሺ ኦꬂ ፄሊዳ።
25170	LUK 4:38	ሄሳፌ ጉዬ ዬሱሲ ኣይሁዳ ዎሳ ኬꬃፌ ኬዚዲ ሲሞና ኬꬄ ጌሊዴስ። ሲሞና ቦሎቴያ ዎልቃማ ሚሾ ሃርጌይ ኦይኪን ሳኬታዳ ዲሺን ዬሱሳ ኢዞ ፓꬃርኪ” ጊዲ ዎሲዳ።
25194	LUK 5:18	ሄ ዎዴ ኣሳይ ኢሲ ኩሜꬃ ቦላይ ሲሊዲ ቃፆንታ ሃርጋንቻ ሃላራ ቶኪ ኤኪ ዪዲ ኬꬄ ጌልꬂዲ ዬሱሳ ሲንꬃን ዎꬃናስ ፓጪዳ።
25195	LUK 5:19	ኣሳ ዳሮቴꬃፌ ዴንዲዳይሳኒ ኬꬄ ጌልꬃናስ ፆኔቲዳ ጊሽ ፑዴ ኬꬃ ካራ ቦላ ኬዚዲኔ ካራ ቃሪዲ ሃርጋንቻ ሃላራ ቶኪ ኤሂዲ ኣሳ ጊዶራ ዬሱሳ ሲንꬃን ዎꬂዳ።
25209	LUK 5:33	ኢስቲካ ዛሪዲ “ዮሃኒሳ ካሊዛይቲ ዳሮ ዎዴ ፆሜቴሲኔ ዎሴቴስ። ፋርሳዌታ ካሊዛይቲካ ኢዛꬆ ኦꬄቴስ። ኔና ካሊዛይቲ ጊዲኮ ኡባ ዎዴ ሜቴሲኔ ኡዬቴስ” ጊዳ።
25217	LUK 6:2	ፋርሳዌታፔ ኢሲ ኢሲ ኣሳቲ “ሳምባታ ጋላስ ኦꬃናስ ቤሶንታይሳ ኣይሲ ኦꬄቲ?” ጊዳ።
25219	LUK 6:4	ኢዚ ፆሳ ኬꬄ ጌሊዲ ቄሴቲ ፃላ ማና ማላ ኣዛዜቲዳ ዱማ ኡኬꬃ ባሲ ሚዲ ባናራ ዲዛይታስ ኢሚዴስ” ጊዲ ዛሪዴስ።
25221	LUK 6:6	ዬሱሲካ ሃራ ሳምባታ ጋላስ ኣይሁዳ ዎሳ ኬꬄ ጌሊዲ ታማርሲሺን ኡሻቻ ኩሼይ ሲሊዳ ኢሲ ኣሲ ሄን ዴስ።
25261	LUK 6:46	“ታኒ ጊዛይሳ ኦꬄኬታ ሺን ኣይስ ታና ‘ጎዶ! ጎዶ!’ ጌቲ?
25262	LUK 6:47	ታኮ ዪዲኔ ታ ቃላ ሲይዲ ፖሊዛይ ዉሪ ኦና ሚሳቲዛኮኔ ታ ኢንቴና ቤሳና፤ ኬꬄ ኬፃናስ ዚቂ ኦꬂ ቦኪዲ ሹቻ ቦላን ባ ኬꬃ ኬፂዳ ኣሳ ሚሳቴስ። ሃሮ ሃꬂ ዪዲ ሄ ኬꬃ ሱጊዴስ፤ ጊዶ ኣቲን ሚኒ ኬፄቲዳ ጊሽ ቃꬃናስ ዳንዳይቤና።
25264	LUK 6:49	ጊዶ ኣቲን ታ ቃላ ሲይዲ ፖሎንታ ኣሲ ባ ኬꬄ ሎዔꬂ ባሶንታኔ ጊዶን ሹች ዬጎንታ ኬፂዳ ኣሳ ሚሳቴስ፤ ሃሮይካ ኬꬃ ሱጊን ኬꬃይ ሄራካ ኩንዲዲ ኢታ ላሌꬅ ላሌቲዴስ” ጊ ዮቲዴስ።
25269	LUK 7:5	ኣይስ ጊኮ ሃይሲ ኣዴዚ ኑ ኣሳ ዳሮ ዶሴስ፤ ኑስካ ኣይሁዳ ዎሳ ኬꬄ ኬፂሲዳይ ኢዛ” ጊዲ ሚንꬂ ዎሲዴስ።
25270	LUK 7:6	ዬሱሲካ ኢስታራ ቢዴስ። ዬሱሲ ኣዴዛ ኬꬃኮ ማቲዛ ዎዴ ኣዴዚ ባ ላጌታ ዬሱሳኮ ዬዲዲ “ጎዶ! ኔ ታ ኬꬄ ጌላናስ ቤሴና፤ ታካ ኔና ታ ኬꬄ ጌልꬃናስ ቤሲዛ ኣሲ ጊዶንታ ጊሽ ሃ ያሼ ዳቡሮፓ።
25272	LUK 7:8	ታስካ ታና ኣዛዚዛ ኣሲ ታፔ ቦላራ ዴስ። ታፔ ጋርሳራ ታኒ ኣዛዚዛ ዎታዳራቲ ዴቴስ። ኢሳ ‘ሃያ!’ ጊኮ ዬስ፤ ኢሳ ‘ሄ ባ!’ ጊኮ ቤስ፤ ኣሽካራይካ ‘ሄሳ ኦꬃ!’ ጊኮ ኣዛዜቲዳይሳ ኦꬄስ” ጊዴስ።
25288	LUK 7:24	ዮሃኒሲ ኪቲዳ ኣሳቲ ዬሱሳ ኣቻፌ ቢዳይሳፌ ጉዬ ዬሱሲ ዳሮ ኣሳስ ዮሃኒሳ ጊሽ “ኢንቴ ኣይ ቤያናስ ባዞ ኬዚዴቲ? ጫርኮይ ሄኔ ሃኔ ቃꬄꬂዛ ሾምቦቆ ቤያናሴ?
25300	LUK 7:36	ሄሳፌ ጉዬ ፋርሳዌታፔ ኢሲ ኣሲ ዬሱሳ ቁማ ማናስ ባ ኬꬄ ፄይጊን ዬሱሲ ፄይጊዳ ፋርሳዌ ኬꬃ ቢዲ ኡቲዴስ።
25308	LUK 7:44	ሄ ማጫሳይኮ ዩዪዲ ሲሞና “ሃኖ ማጫሳዮ ፄላይ? ታ ኔ ኬꬄ ጌሊን ኔ ታ ቶሆስ ሃꬄ ሺሻቤካ፤ ኢዛ ጊዲኮ ታ ቶሆ ባ ኣፉንꬃን ጫጲሳዳ ባ ሁዔ ቢናናራ ቁጫዱስ።
25330	LUK 8:16	“ፖዖ ፖዒሲዲ ባꬃ ጊዶን ዎይኮ ኣርሳ ጊዶን ዎꬂዛ ኣሲ ባዋ፤ ጊዶ ኣቲን ኬꬄ ጌሊዛ ኣሳስ ፖዓና ማላ ቆንጬሶን ዎꬄቴስ።
25339	LUK 8:25	ኢዚካ ባና ካሊዛይታ “ኢንቴ ኣማኖይ ኣዋ ቢዴ?” ጊዴስ። ኢስቲካ ባ ጊዶን ባቢሼኔ ማላሌቲሼ “ጫርኮኔ ሃꬄ ኣዛዚዛይ፤ ኢስቲካ ኢዛስ ኣዛዜቲዛይ ኢዚ ኦኔ?” ጊዳ።
25343	LUK 8:29	ቱና ኣያናይ ሄሳ ጋናስ ዳንዳዪዳይ ኣዴዛፔ ኬዛና ማላ ዬሱሲ ኣዛዚዳ ጊሻሳ። ቱና ኣያናዚካ ዎዴን ዎዴን ዴንዲዛ ጊሽ ኣዴዚ ሳንሳላታኒኔ ቢራታን ቶሆ ቃቺ ናጊንካ ቃሼቲዳ ሳንሳላታ ዱꬄሬꬂዲ ኢዛ ቦላ ዲዛ ዳይዳንꬃይ ኢዛ ዱጌ ባዞ ዛሪ ኤፌስ።