23235	MAT 1:22	Goday nabe Isayaasa duunan “Hekko! Gela7oy qanthatana; attuma naakka yelana; naaza sunthayka Amanu7eela geetettana; hessa birsheththika ‘Xoossi nunara dees’ geetettidi xaafettidayssi polettana mala hayssi wurikka hanides” gides.
23243	MAT 2:5	Istika izas “Nabey ‘Yuhuda biittan dizaare hanne Beeteleme! Ta dere Isra7eele naagizadey neeppe kezana gish hanko Yuhuda haarizaytappe aazanka guuxakka’ giidi xaafida gish izi Beeteleme Yuhudan yelettana” giidi yootida.
23270	MAT 3:9	‘Nu aaway Abrahaamey nuus dees’ gizayssan interka intena baleththofte; ta intes Xoossi hayta shuchchatappe Abrahaames naa ooththi denthanas dandayees gays.
23282	MAT 4:4	Yesusikka “ ‘Asi Xoossa duunappe keziza qaalanpe attin kaththan xalla deenna’ geetetti xaafettides” giidi izas zaarides.
23284	MAT 4:6	“Ne Xoossa Naa gidikko ane hayssafe duge guppa; ayssi giikko ‘Ne tohoy shuchchan dhuphetonta mala kiitanchati ba kushera nena oykki denthana mala ne gish Xoossi ba kiitancha kiittana’ geetetti xaafettides” gides.
23285	MAT 4:7	Yesusikka “Geeshsha Maxaafan ‘Ne Goda Xoossa paacofa’ geetetti xaafettides” giidi zaarides.
23288	MAT 4:10	Yesusi “Haysso Xala7e! Ta sinthafe haakka! ‘Neni ne Godas Xoossas goynna; izas xalala azazeta’ geetetti Geeshsha maxaafan xaafettides” gides.
23334	MAT 5:31	“ ‘Macho anji yeddizadey pirma waraqata izis immana bessees’ geetettides.
23336	MAT 5:33	“Kase asatas ‘Wordo caaqofa; Xoossa sinthan ne caaqidayssa naaga’ geetettidayssa inte siyideta.
23341	MAT 5:38	“ ‘Ayfe gishas ayfe achcha gishas achcha’ geetettidayssa inte siyideta.
23346	MAT 5:43	“ ‘Ne lagge siiqa; ne morke ixxa’ geetettidayssa siyideta.
23360	MAT 6:9	Inte woossishe ‘Salon diza nu Aawawu! Ne sunthi anjeto.
23389	MAT 7:4	Ne ayfen gita mithi dishin ne isha ‘Ane ta ne ayfeppe qeeri buurayo kessays’ gaanas waana dandayay?
23408	MAT 7:23	He wode ta istas ‘Ta intena mulekka erikke! Inte iitati taappe haakkite’ gaada qoncera ta istas yootana.
23423	MAT 8:9	Taaska tana azaziza halaqati taappe bollara deettes; qasseka taas azazettiza wotadarati taappe garsara deettes; istafe issa ‘Ba!’ giikko bees; qasse issa ‘Haaya!’ giikko yees; ta ashkara ‘Hessa ooththa!’ giikko ooththes” gides.
23453	MAT 9:5	‘Ne nagaray atto geetettides’ guussafenne ‘Dendada ba!’ guussafe awayssi kawushshee?
23461	MAT 9:13	Hessa gish ‘Inte biidi yarsho gidonta maaroteth dosays’ giza qaala birsheth tamarite. Nagaranchata xeeygana yadis attin xillota xeeyganas yabekke” gides.
23493	MAT 10:7	Biidinne ‘Salo kawoteth matides!’ giidi sabakite.
23505	MAT 10:19	Intena isti oykkiza wode ‘Nu ay gi haasayinoo? Wozgi zaaro imminoo?’ gi hirgofte. He wode inte gaanazi intes imettana.
23538	MAT 11:10	“ ‘Ne bana oge nees giigissanadde neeppe kaseta ta nees kiittana geetettidi iza gish kase xaafettidadey izakko!’ gides.
23544	MAT 11:16	“Hayssa ha wode asaa aazan leemisoo? Giyan uttidi ba laggeta ‘Nu intes diiththi diixxin inte durbeekketa! Yeeho zilalth zilalin yeekkibeekketa!’ giza nayta misatetes.
23546	MAT 11:18	Yohannisi muussafenne ushshafe naagetidi yida gish ‘Izi daydanthara dees’ gida.
23547	MAT 11:19	Ta Asa Nay mashenne uyashe yiin ‘Hayssi miidi kallonta asa, ushshancha, qaraxa shiishshizaytassinne nagaranchatas laggekko!’ gida. Gido attin Xoossa eratethi ba ooson xilladus” gides.
23565	MAT 12:7	‘Tani yarsho gidonta maaroteth dosays’ giza qaalay ay guussikkone inte erizakko xillota bolla pirdeketakkoshin.
23622	MAT 13:14	“Isayaasi ‘Inte sisa siyanashin yuushi qoppeketa; xeelo xeellana shin woznan wotheketa; dereza woznay muumides; ista haythayka siyenna; xeellonta mala ba ayfe qilm7ida; hessi bayndakko isti ba ayfera beyidinne ba haythara siydi ba woznan yuushi qoppidi taakko ha simmin ta ista pathana shin’ gida tinbite qaalay istan polettides.
23636	MAT 13:28	“Izikka istas ‘Hessa morkey ooththides’ gides. Ashkaratikka ‘Nu biidi leeshshoza shoddana mala koyay?’ gi oychida.
23637	MAT 13:29	“Izikka istas, ‘Akay hanenna; gaasoyka inte leeshshoza shoddishe gistezara gaththi shoddana;
23706	MAT 15:4	Xoossi ‘Ne aayiyonne ne aawa boncha; ba aawa bolla woykko ba aayi bolla iita qaala haasayidaddey hayqo!’ gi azazides.
23707	MAT 15:5	inte gidikko ay asikka ba aawa woykko ba aayo ‘Ta intes ooththanas bessizaz ay miishekka Xoossas yarsho ooththa shiishadis’ giikko,
23708	MAT 15:6	‘He addezi ba aawa woykko ba aayo bonchides’ geeta; hessa gish inte woga gish Xoossa qaala shaareta.
23709	MAT 15:7	Inteno, qoodheppe qommon hanizayto! Isayaasi inte gish yootishe ‘Hayssi derey tana duunan xalala bonchees; woznay gidikko taappe haakkides; mela hada tana goynnees; ista timirteykka asi woththida woga’ gididi sinthafe hananayssa yootidayssi tumakko” gides.
23743	MAT 16:2	Izikka istas “Omarsa wode saloy zo7ikko ‘Gadey awattana’ geeta.
23744	MAT 16:3	Wonta bolla ‘Saloy deexikko deexides; hachchi iray bukkana’ geeta; salo medha xeelidi shaakki ereeta shin ta yaana wode malata shaakki eranas dandayekketa.
23755	MAT 16:14	Istika “Issi issi asay ‘Xammaqiza Yohannisa’ gees; bagga asay ‘Elaasa’ gees; baggay ‘Ermaasa woykko nabetappe issade gidonta aggenna’ gees” gida.
23789	MAT 17:20	Izikka istas “Intes ammanoy pace gidida gish dandaybekketa; ta intes tumu gays; qeeri gaashe ayfe mala ammanoy inte bolla dizaakko hayssa zuma ‘Hayssafe dendada gede ba!’ inte gidakko izi intes baana. Intena xoonanay deenna.
23822	MAT 18:26	He wode ashkarazi godaza toho bolla kundidi ‘Tani ta bolla diza accoza wursi nees qanxana gakkanaas taas guutha wode immarki!’ giidi woossides.
23824	MAT 18:28	“He ashkaraykka ba goda achchafe kezida mala guutha accoy iza bolla diza ba lagge demmidinne ‘Ne bolla diza ta miishayo ha7i hannin qanxa’ giidi cuulli oykkides.
23825	MAT 18:29	He iza lagge ashkaray ‘Taas guutha wode immarki! Ta nees qanxana’ giidi iza toho bolla kundidi woossides.
23836	MAT 19:5	Qasseka ‘Asi aawanne aayo aggidi ba machira issife gides. Nam7aykka issi asho gidettes’ geetettidayssi hayssa geedon gidenee? gides.
23838	MAT 19:7	Istika izas “Histin Musey ‘Asi ba macho anji yeddida anjo waraqata izis immi yeddo’ giidi aazas azazidee?” gida.
23865	MAT 20:4	‘Inte biidi ta woyne giddon ooththite; ta intes bessiza miishe immana’ gides.
23867	MAT 20:6	Omarsa wode tammanne issi saate gidiza wode kezidi coo eqqidayta harata demmidi ‘Inte kumeththa gallas oosoy baynda aazas hayssan eqqetii?’ giidi oychides.
23868	MAT 20:7	“Istika ‘Nuna ooththisiza asi dhayida gish eqqidos’ gida. Izikka ista ‘Inteka biidi ta woyne atakilte giddon ooththite’ gides.
23869	MAT 20:8	“Gadey qammishin woyne atakilteza goday oosanchata alafezas ‘Guyeppe yidaytappe oykkada koyro yidayta gakkanaas diza oosanchata wursi xeeygada ista ooso waaga qanxa’ gides.
23872	MAT 20:11	Miisha ekkishe qanxizade bolla ‘Hayti wursethan ooson gelidi issi saate xalala ooththidayti kumeththa gallas ooson duuridinne awan xuugetidi pe7ida nuussara wosta istas issi gina qanxay?’ gida.
23874	MAT 20:13	“Izikka istafe issades ‘Ta jalawu! Nena qohabeekke; issi gallassas gidiza damozan ooththanas tanara giigabeykii? Ha7i hehi ne gisha ekkada ba; nees immidayssa mala wursethan yidayssaska ta immana koyays.
23898	MAT 21:3	Oonikka intena ‘Ays hayssatho ooththetii?’ giikko ‘Goday ista koyees’ giite; intena oychizadey heerakka yeddana.
23907	MAT 21:12	Hessafe Yesusi Xoossa Keeththa gelidi Xoossa Keeththa kare giddon gaaththan bayzizaytanne shamizayta goodides. Miish laammizayta xaraphezatanne haraphe bayizizayta oyde shiri shiri yeggidi “ ‘Ta Keeththay Woosa Keeththe geetettes’ geetettidi xaafettides; inte qasse bonqizayta gongolo histideta” gides.
23916	MAT 21:21	Yesusikka ista “Ta intes tumu gays; intes ammanoy diikkonne inte sidhonta aggikko balase mithay bolla hanidayssa mala xalala gidonta hayssa zuma ‘Hayssafe dhoqalletada duge abban gela’ inte gidakkokka izi gelana” gides.
23920	MAT 21:25	Yohannisa xinqatey awappe yidee? Saloppe yideyee? Asappee?” gides. Istika “Nu ‘Saloppe yides’ giikko ‘Histin aazas ammanibekketii?’ gaana giidi ba giddon issoy issoy issara zorettida.
23923	MAT 21:28	Yesusi ista “Intes ay misatizee? Nam7u attuma nay diza issadey dees; izikka koyro naazakko biidi ‘Ta naazo! Hachchi gede woyne mithaso baada ooththa’ gides.
23932	MAT 21:37	Wursethan ooni erize ‘Isti iza bonchanakkonne’ giidi ba naa aaththi yeddides.
23933	MAT 21:38	Gido attin gadaa goyzayti naaza beyida mala ‘Hayssi iza laattanayssakko! Ane haa yiite, iza wodhidi gadaa laattoos’ gida.
23937	MAT 21:42	Yesusikka istas “Geeshsha Maxaafan ‘Gimbe keexxizayti iita giidi wora yeggida shuchchay keeththas maazanne bolla wodhdhiza shuch gidides; Xoossi hayssa ooththides; iza oosoykka nu ayfes malalisizaz’ geetetti xaafetidayssa nababibekketii?
23944	MAT 22:3	Kawoykka diggissas yootidayta xeeyganas ba ashkarata yeddides; xeeygettidaytikka ‘Nu bookko’ gida.
23945	MAT 22:4	“Qasseka hara ashkarata ‘Kase istas yootidayta hekko ta sanga booratanne modhida meheta shukada diggisa giigissadis; wurikka giigettida gish sargeso haa yiite!’ giidi yootite.
23949	MAT 22:8	Ba ashkarataka ‘Sargeza diggisey giigides; gido attin sargezaso xeeygettidayti sarges bessizayta gidibeetenna.
23954	MAT 22:13	Kawoykka ba ashkarata ‘Hayssa addeza tohonne kushe shiishshi qachidi heen karen diza dhuman kessi olite; heen yeehonne achcha garcech gidana.’
23965	MAT 22:24	“Astamaare! Musey ‘Issadey macho ekkidi naa yelonta hayqqikko iza ishay hayqqidayssa macho ekkidi ba isha laattiza naa izas yelo’ gides.
23972	MAT 22:31	Hayqqidayta dentha gish gidikko Xoossi ‘Tani Abrahaame Xoossa, Yisaaqa Xoossa, Yaqoobe Xoossa’ giidi intes yootoyssa nababibekketii? Xoossi paxata Xoossa attin hayqethata Xoosse gidenna” gides.
23978	MAT 22:37	Izikka zaaridi “ ‘Ne Goda Xoossa ne kumeththa woznappe, ne kumeththa shempofe, ne kumeththa qofappe dosa.’
23980	MAT 22:39	Nam7anthoykka iza misatees, hessika ‘Ne shooro ne hu7e mala dosa’ gizayssa.
23984	MAT 22:43	Izikka istas “Histin Dawutey Xillo Ayana wolqan ‘Xoossay ta Goda’ giidi waani xeygidee? ‘Ta ne morketa ne toho giddon gulbatissana gakkanaas ne ta ushachan utta!’ gides.
23986	MAT 22:45	Hessa gish Dawutey iza ‘Ta Goda’ giidi xeygikko waanidi izas naa gidana dandayizee?” gides.
24003	MAT 23:16	“Inteno! Intes qooqi uttidi harata kaalethizayto! Intes aayye-ana! ‘Oonikka Xoossa Keeththan caaqikko aykkoy ba’ gido attin ‘Xoossa Keeththa giddon diza worqan caaqikko caaqo gomey gakkana’ geeta.
24005	MAT 23:18	Hessathoka ‘Oonikka yarsho yarshizaso bolla caaqikko aykkoy baawa; shin yarshizason diza yarsho bolla caaqikko caaqoy gomees’ geeta.
24031	MAT 24:5	Buro daroti ‘Ta Kirstoosa’ gishe ta sunthan yaana; darotaka baleththana.
24041	MAT 24:15	“Hessa gish nabe Daanelan yootettidayssa mala ‘Harassiza tunatethi’ anjettidason eqqidayssa inte beyiza wode nababizadey woznan wotho.
24049	MAT 24:23	“He wode oonikka ‘Hekko Kirstoosi hayssan dees!’ Woykko ‘Hessan dees’ gizade ammanoppite.
24052	MAT 24:26	Hessa gish ‘Hekko hirki bazzon dees’ giidi intes yootikko he kezoppite; ‘Hekko ilpinen dees’ giikko ammanoppite.
24074	MAT 24:48	Gido attin he oosanchay iita gididi ‘Ta goday gam7idi yaana’ gi qoppidi,
24083	MAT 25:6	“Leela gidoth gidishin ‘Mishirazi yees! Kezidi mokki ekkite!’ giza xeeyssa qaalay siyettides.
24085	MAT 25:8	Eeyati cincata ‘Nu xompey to7ana giza gish inte lambappe nuus immite’ gida.
24086	MAT 25:9	“Cinca gela7oti istas zaaridi ‘Nuus diza lambay nuussaranne intessara gidonta gish biidi lamba bayzizaytappe intes shammite’ gida.
24089	MAT 25:12	Izikka zaaridi ‘Ta intes tumu gays; ta intena erikke!’ gides.
24103	MAT 25:26	“Iza goday zaaridi ‘Haysso iita azalla ashkarazo! Tani zerontasoppe maxizade laallontasoppe shiishshizade gididayssa ne eray?
24105	MAT 25:28	“ ‘Ane ha7i izappe shi bira ekkidi tammu shi biray dizaddes immite.
24117	MAT 25:40	Kawoykka zaaridi ‘Ta intes tumu gays; hayta laafa gidida ta ishatappe issades ooththidayssi inte taas ooththida mala’ gaana.
24118	MAT 25:41	“Qasseka hadirsa baggara dizaytas; ‘Inteno qangetidayto! Taappe shaaketidi Dabulossassinne iza kiitanchatas giigetida merna taman biite gaana.
24122	MAT 25:45	“He wode izikka istas zaaridi ‘Ta intes tumu gays; hanta laafa ta ishatappe issades inte ooththonta aggidayssi taas inte ooththonta aggida mala’ gaana.
24141	MAT 26:18	Izikka istas zaaridi gede katama biidi ebelo geetettiza as “Astamarey ‘Ta wodey matida gish tana kaallizaytara Paaziga ta ne keeththan bonchana gides’ giidi yootite” gides.
24154	MAT 26:31	Yesusi istas “Inte wuri hachchi omarsi tanan dhuphettidi tana yeggi baana; ‘Heemmizayssa ta shocana; mehetinne laalettana’ geetettidi kase xaafettides.
24183	MAT 26:60	Wordo markati daroti shiiqikkokka bessiza markateth demmibeetenna; gido attin guyeppe nam7u as dayti shiiqidi “Hayssi addezi ‘Ta Xoossa Keeththa laallada heedzdzu gallassara zaarada keexana dandayays’ gides” giidi markattida.
24261	MAT 27:63	“Godo! He wordoy kase paxa dishe ‘Heedzdzu gallassafe guye ta dendana’ gida qaalay nu woznan turchu gides.
24262	MAT 27:64	Hessa gish iza kaallizayti iza aha kaysoti ekkidi deres ‘Izi hayqoppe dendides’ giidi woresonta mala heedzdzantho gallas gakkanaas duufoy naagettana mala azaza; akay giikko kaseyssafe guye balay aadhdheth gidana” gida.
24271	MAT 28:7	Ha7ikka eleli biidi iza kaallizaytas ‘Hayqoppe dendides. Intefe kasetidi Galila bees; inte iza heen demmana’ giidi yootite. Hi7a ta intes yootadis” gides.
24276	MAT 28:12	Qeeseta halaqatikka dere cimatara shiiqettidi zorettida; wotadaratas gidiza miish immidi “ ‘Nuni dhisikidaashin iza kaallizayti qammara yiidi kaysoti efida’ gite gida.
24287	MRK 1:3	‘Godas oge giigissite; izi baana oge suurisidi ooththite’ gishe bazzo biittan waassiza giiris” geetetti xaafettides.
24338	MRK 2:9	Tohoy silida addeza, ‘Ne nagaray atto geetettides’ guussafenne ‘Dendada ne hala tookkada ba guussafe awayssi matizee?’
24404	MRK 4:12	Hessika kase ‘Isti beyidi beyidayssa akeekonta malanne simonta mala, qasseka ista nagaray maaretonta malakko’ ” gides.
24464	MRK 5:31	Iza kaallizayti qasse “Hayssi derey un7etidi sugetishin beyashe waanada ‘Tana bochiday oonee?’ gay” gida.
24538	MRK 7:6	Izikka istas “Isayaassi qoodheppe qommon haniza inte gish ‘Hayssi derey ba metershan xalala tana bonches; woznay gidikko taappe haakkides.
24542	MRK 7:10	Ays giikko Musey ‘Ne aayonne ne aawa boncha; ba aayonne ba aawa cayizaddey mulekka hayqqo’ gides.
24543	MRK 7:11	Gido attin inte qasse ‘Issi asi ba aawa woykko ba aayo inte taappe demmanas koshshiza maado ta Xoossas immadis’ giikko;
24630	MRK 9:23	Yesusi qasse “ ‘Nees dandayettikko’ gay? Ammanizades wurikka dandayettes” gides.
24712	MRK 11:3	Oonikka intena ‘Hayssa ays ooththetii?’ giikko Godas koshshees giidi yootite; izikka intes eeson zaari yeddana” gides.
24732	MRK 11:23	Ta intes tumu gays; ‘Oonikka hayssa zumaza ne dhoqalletada gede abban gela’ gizakkonne hessaka woznan sidhonta ammanidakko izaades hanana.
24740	MRK 11:31	Istika ba giddon issoy issara “Nu saloppe giikko izi nuna ‘Histin aazas iza ammanibeyketii?’ gaana;
24741	MRK 11:32	‘Nu asappe’ giikko” Yohannisi tumu nabe gididayssa derey wuri ammaniza gish hessatho gaana babbida.
24748	MRK 12:6	“Ha7ikka kiittonta attiza haray dees; izikka aaway dosiza iza naaza. ‘Ta naaza isti boossana’ gi qoppidi wursethan ba naaza yeddides.