42	GEN 2:11	Tru srøsrø pibe Pisón munchi købig køn, truibe tru Havila pirø muba kuimburab pøtøgatanwan pureb ibig køben, trusrømbe oro tøgaikke.
242	GEN 10:7	Inchen Cuswei nusrkaløbe: Seba køben, Havila køben, Sabta køben, Raama køben, Sabteca købengue. Inchen tru Raamawei nusrkaløbe: Sebaba, Dedánba kuig køn.
250	GEN 10:15	Inchen Canaánbe tru nui mayur nusrkai Sidonweimba, Hetweimba møskain købig køn.
256	GEN 10:21	Inchen tru Sem Jafetwei mayur nuneg truikkucha nusrkalø tøgaguig køn. Semweinukkurri amrrub misaamera kuig køn tru Heberwei maya nusrkaløbe.
258	GEN 10:23	Inchen Aramwei nusrkaløbe: Uz køben, Hul køben, Geter køben, Mash køben kuig køn.
261	GEN 10:26	Inchen Joctánbe Almodadwan køben, Shelefwan køben, Hazarmavetwan køben, Jeran køben,
262	GEN 10:27	Hadoramwan køben, Uzalwan køben, Diklan køben,
264	GEN 10:29	Ofirwan køben, Havilan køben, Jobabwan køben tøgaguig købig køn. Iiløbe kerriguba tru Joctánwei nusrkalø kuig køn.
293	GEN 11:26	Térajbe pilamera setenta tøgagua, Abramwan køben, Nacorwan køben, Haranwan køben tøgaguig køn.
294	GEN 11:27	Iilø køn tru Térajweinukkurri amrrub misaamera: Térajbe Abramwan køben, Nacorwan køben, Haránwan køben tøgaguig køn. Inchen Haránbe tru Lotwan tøgaguig køn.
295	GEN 11:28	Inchen nui møskai Téraj kwamøwatø, tru Haránbe Caldeosmeraim pirausrø, tru nø kal-laim pirau kwaig købig køn.
296	GEN 11:29	Inchen Abramba, Nacorbabe nømuyasig sralø laig køn. Tru Abramwei sraimbe Sarai købene, Nacorwei sraimbe Milca taig købig køn, tru Haránwei nimbasr. Tru Haránbe Milcaimba, Iscaimba møskain kuig køn.
298	GEN 11:31	Inchen tru Tarébe tru nui nusrkai Abramwanba, katø Haránwei nusrkai nui awelu Lotwanba, nui yerna tru Abramwei srai Saraiwanba, pera webibig køn, caldeosmerai pirau Ur tainukkurri tru Canaán pirausrømay inrrab. Inchendø tru Harán taig pirausrø puabe, truyu kørrømisrøbelø køn.
299	GEN 11:32	Inchen tru Téraj øsig tsuin kwalømmerabe pilamera doscientos cinco kuig køn. Incha Térajbe Harán pirausrø kwaig købig køn.
303	GEN 12:4	Inchen Abrambe Jehová maig chiben ibig køn. Inchen nøbabe Lotgucha ibig køn. Tru Harán piraugurri Abram webib urasbe nøbe pilamera setenta y cinco tøgaig kuig køn.
304	GEN 12:5	Incha Abrambe nui srai Saraiwan køben, nui nunewei nusrkai Lotwan køben pera ibig køn, katø chigurrimbunø nø chi tøgaguilan køben, katø tru Harán pirau nui karuig mendig melab misaameran købengue. Nøbe Canaán pirausrø truiløba pubig køn.
307	GEN 12:8	Incha trugurrimbe tunmeragøba tøga pirømerasrømay ibig køn, tru Betel pørr neeshibgatømaysrø. Incha tru nui carpa yawan truyuh lasrua pasrøbig køn. Inchen Betelbe pørr pinebgatømay kørrømisrene, Haibe pørr neeshibgatømaysrø kørrømisrøbig køn. Incha nøbe Jehováweyasig kan altar kusrua, nui munchiwan isub wamabig køn.
322	GEN 13:3	Incha Abrambe Neguevsrøngurri katøle arruppe kørrømisrøb, kørrømisrøb arrub tsubig køn tru Betel misag søtømera waraisrøngatig, tru merrabwansrø nø tru carpa yawan lasrua tsuig købiisrø, tru Betelba, Haiba misaamera warabnug tru tøbøtag.
337	GEN 13:18	Incha Abrambe tru nui carpa yameran picha kusrua, Manre tainug nørrø parøndzig encinas tusrmera pønrrabnug tsunrrab ibig køn, tru Hebrónsrø. Incha truyube Jehováweyasig kan altar kusrubig køn.
342	GEN 14:5	Incha tru pa tratrø y pib pilayube Quedorlaomerbe tru reymera nuingatø pønrrabeløba Astarot Karnaim pirausrømay amba, truyube refaitasmeran kanawa kørrømarøppe, Ham taisrømbe zuzitasmeran, Save Quiriataimsrømbe emitasmeran,
344	GEN 14:7	Incha truiløbe katøle amrruabe, tru Gadessrø Enmispat taisrø pua, amalecitasmerai pirømerasrømbe kerriguh chi købigwan chishtø pinisha, katø tru Hazezon Tamar pirau amorreosmera warabelan treetøweih mara kørrømarøbelø køn.
352	GEN 14:15	Incha yandø yem køben, Abrambe tru kwayamig kusrenni møgueløba, pesan københ kwayanrrab kegørra, Hoba taisrøngatig pasra ambubelø køn, Damasco tru waguebgatømay pasrab ciudasrø.
570	GEN 22:22	Tru wendau kal-labeløbe Hazo køben, Pildas køben, Jidlaf køben, Betuel købengue.
574	GEN 23:2	Canaan pirau Hebrón ciudayu Quiriat Arbasrø kwaig købig køn. Incha nøbe Sara kwaben kisha, truba isuin kørrømisrøbig køn.
591	GEN 23:19	Incha trugurri Abrahambe nui srai Saran tru Mamre pørr neeshibgatømay Macpela tain pirau søramig tru srug trab lalig pasrabigu sørabig køn, tru Hebron Canaán pirausrø.
674	GEN 25:15	Hadar køben, Tema køben, Jetur køben, Nafis køben, Cedema køben kuig køn.
677	GEN 25:18	Incha ismaelitasmerabe Havilasrøngurri Shur taisrøngatig waraig købig køn, Egipto pinrrøguewansrø, tru Asiriamay ambi maywansrø. Inchen nøbe nunelan, ka kwayam laptø, kwayam laptø tsubig køn cha.
771	GEN 27:43	Inchawei nai nusrkai na maig taigwan møra mar cha. Nai nuchag Laban Haran pirau tsuisrømay trubab inrrø chibig køn.
784	GEN 28:10	Inchen Jacobpe Beersebagurri webya, Haran pirausrømay ibig køn.
800	GEN 29:4	Inchen Jacobpe tru ubisha ashibelan: —¡Nai nunelø! ¿Ñimbe chuelø køgue?— cha payene: —Nambe Haransreelø ker— chiben,
980	GEN 33:19	kan tul penabig køn, tru Hamorwei nusrkalan. Incha truibe Siquénwei møskawan, tsantsøn andøga mari monedasmera sulu cien pagaraig køn. Incha truyu nui carpa yawan lasrua tsumisra,
983	GEN 34:2	Inchen tru heveo truyu ashib karubig Hamorwei nusrkai Siquém ashabe, Dinane kemøra, kaig mara mindisha kørrømarøbig køn.
985	GEN 34:4	Incha Siquémbe nui møskai Hamorwan trenchibig køn: —I srusran nai srain kønrrai møskaløba waminchay— cha.
987	GEN 34:6	Incha pumøwatø, tru Siquémwei møskai Hamorbe nui nusrkai pa misrtrab isuigwan Jacobpa waminchab arrubig køn.
989	GEN 34:8	Inchen Hamorbe tru møskawanba nusrkalanba trenchib waminchib køn: —Nai nusrkai Siquémbe ñui nimbasrwan purø chull asan cha, ishug-unø nøba kasharanrrai treegwan isubsrumøgue chinrrab inchar cha.
994	GEN 34:13	Inchen Jacobwei nusrkaløbe tru møskai Hamorwanba Siquémwanba purø may kegørrøsrkønrrab isua løtabelø køn, kaguen nømui nuchag Dinan kaig kui lataig purø trømbøig marøb mindisha kørrømarikkurri.
999	GEN 34:18	Inchene Hamorwanba Siquémwanba tru øyeeg margun taigwane truba tabig mørørai inchibelø køn.
1001	GEN 34:20	Incha Hamorba Siquémba nømui ciudayu kebambi yaskabumay amba, truyu warab misaameran trenchibelø køn:
1005	GEN 34:24	Inchen tru chi maramigwan nøm ashibelø maya møguelø tru ciudayu kebambi yaskabu tuluntsunabeløbe tru Hamorba, tru nusrkai Siquémba treegwan martrab pønrramisrøbelø køn. Incha tru maya møgueløbe circuncidailø kørrømisrig køn.
1007	GEN 34:26	Incha Hamorwanba nui nusrkai Siquémwanba espadatøga kweecha peta, Dinane Siquémwei yaugurri wesrawa, pera ambubelø køn.
1039	GEN 35:27	Incha Jacobpe Isaac nui møskawei yausrømay ibig køn, Mamre taisrømay Kiriat Arba pulusrø, tru Hebrón cha wamiisrømay, Abrahamba, Isaacba tsuig købiisrømay.
1063	GEN 36:22	Inchen Lotánwei nusrkaløbe iilø kuig køn: Horiba, Hománba. Inchen Timnabe Lotánwei nuchag købig køn.
1067	GEN 36:26	Inchen Disónwei nusrkaløbe iilø kuig køn: Hemdán køben, Esbán køben, Itrán køben, Kerán købengue.
1076	GEN 36:35	Inchen Jusán kwabene, tru nuimburøbe Bedadwei nusrkai Hadad karub wanrrab nebyaig køn, truibe tru Moab pirau madianitasmeran kanawa kørrømarøbig. Tru nø tsuig ciudabe Avit taig kuig køn.
1077	GEN 36:36	Inchen Hadad kwabene, tru nuimburøbe Masreca misag søtømera waraisriig Samla karub wanrrab nebyaig køn.
1080	GEN 36:39	Inchen Acborwei nusrkai Baal-Janán kwabene, tru nuimburøbe nusrkai Hadad karunrrab nebyaig køn, tru nø tsuig ciudabe Pau taig køben. Inchen tru Hadadwei sraimbe Mehitabel taig købig køn, Matredwei nimbasr, Mezabweimbe awela.
1098	GEN 37:14	Inchen Israelbe trenchibig køn: —Ashchab ya, tru ubishameraba cabrameraba, ñui nuneløba maig warai ashabe, wam srua attrunrrig— cha. Incha Hebrón chaasrøngurri inrrai ørøbig køn. Inchen Josébe ya, Siquémsrø pubig køn.
1121	GEN 38:1	Tru urassrø Judábe nui nunelan mendamisra, kan Adulamsrø møwei yausrø tsunrrab ibig køn, Hira taigweisrø.
1132	GEN 38:12	Indig yandø yana puraiben, tru Súai nimbasr tru Judáwei sraimbe kwabig køn. Inchen nøbe yandø tru isubig puraiben, Timnat pueblosrømay ibig køn, tru nui ubisha isig parøbelø waraisrømay. Inchen tru adulamita Hira taig tru nun linchibiibe nune lincha ibig køn.
1396	GEN 46:9	Katø trugurri Rubenwei nusrkaløbe iilø køn: Hanoc køben, Falu køben, Hezrón køben, Carmí købengue.
1399	GEN 46:12	Inchen Judáwei nusrkaløbe iilø køn: Er køben, Onán køben, Sela køben, Fares køben, Zera købengue. (Inchendø Erbaba Onánbabe Canaán pirausrøndø kwaig købig køn). Inchen Fareswei nusrkaløbe Ezrónba Hamulba kuig køn.
1403	GEN 46:16	Inchen Gadwei nusrkaløbe iilø køn: Zifión køben, Hagui køben, Ezbón køben, Suni køben, Eri køben, Arodi køben, Areli købengue.
1404	GEN 46:17	Inchen Aserwei nusrkaløbe iilø køn: Imna køben, Isva køben, Isvi køben, Beria køben, katø nømui nuchag Sera taikkuchague. Inchen tru Beriai nusrkaløbe iilø køn: Heber køben, Malquiel købengue.
1408	GEN 46:21	Inchen Benjamínwei nusrkaløbe iilø køn: Bela køben, Bequer køben, Asbel køben, Gera køben, Naamán køben, Ehi køben, Ros køben, Mupim køben, Hupim køben, Ard købengue.
1410	GEN 46:23	Inchen Danwei nusrkaimbe Husin taig køn.
1506	GEN 49:32	Pøs tru pirøwanba tru peña trab lalig pasrabigwanbabe, Hititasmeran penig kuig køn.—
23239	MAT 2:1	Jesúsbe Judea pirau Belén puebloyu kal-labig køn, Herodes tru pirau rey køb uras. Inchen tru uras pørr kal-labgatøsrø kusreb møguelø tru estrellameran ashib kusrebelø Jerusalén puabe,
23241	MAT 2:3	Inchen rey Herodesbe trendaigwan mørabe, ni mumaygucha kømui inchibig køn. Inchen katø Jerusalén misaamerangucha treetøweim pubig køn.
23245	MAT 2:7	Inchen Herodesbe tru srømbalasrø estrellameran ashib kusrebelan mu ashmøwatø wama, estrellabe tappe chu uras kenamisrigwan payibig køn.
23250	MAT 2:12	Incha yandø nømune piabyu Herodesweimburab ammønrrain cha, eshkailø kua, nømui pirausrømaybe peg maywan ambubelø køn.
23251	MAT 2:13	Yandø tru kusreb møguelø chab amben, Señorwei kan ángel Joséwan piabyu kenamisrabe, trenchibig køn: —Kurra, unan usranba perøb Egiptosrømay trubab inrrø cha. Incha trusrø na eshkamnegatig kørrømisrtrig cha. Kaguende Herodesbe unan kwetchab lanrrab køn— cha.
23253	MAT 2:15	trusrø tru Herodes kwamnegatig waraig købig køn. Øyeeg nebuppe, Tius maig karuigwan eshkabikkurri øyah taig, truig nebunrrain kuig køn: “Nai Nusrkawan Egiptogurri wamar” taig.
23254	MAT 2:16	Inchen Herodes nun tru kusreb møguelø isin kui mørabe, truba truba nama, tru kusreb møguelø tru ureg chu uras kal-laigwan eshkaigwan, trunun cuenta mara kal-laingurrimbunø pa pilagatiguelø Belén pøtøgatan warabelan kerriguba kwetchain karubig køn.
23257	MAT 2:19	Inchen yandø Herodes kwaben, Señorwei kan ángel Joséwan Egiptosrø piabyu kenamisra, trenchibig køn:
23260	MAT 2:22	Inchen Herodeswein cuentabe nui nusrkai Arquelau Judea pirau truig karub wan taig mørøppe, Josébe trusrømay yamig køriimatøben, Tius piabyu Judeasrømay imønrrai eshkaben, Galileasrømay ambig køn.
23667	MAT 14:1	Tru kwalømmerawan Galilea pirau karubig Herodesbe Jesúsweimburabgøba wamindi mørabe,
23669	MAT 14:3	Kaguende Herodesbe tru Juanwan kemøringarua, lusra, kailan keeri yaumay kertrai srua ambingaruig købig køn, tru nui nuneg Felipei srai Herodíaskurrindø.
23670	MAT 14:4	Kaguende Juan Bautistabe Herodeswane trendaig købig køn: —Tru Herodíaswan ñui srai mara tøgagømibe merig pasran— cha,
23671	MAT 14:5	Herodesbe Juanwan kwetchab inchendø, misagwan køriimatabig køn, kaguende mayeeløba Juanbe Tius maig karuigwan eshkabig kui kørewa køben.
23672	MAT 14:6	Inchen tru Herodeswei kal-lain kwalømwan isub kasrag waram kwaløm, tru Herodíaswei nimbasrbe tru linchai eshkailø mayeelø purrabelai merrab pailaben, Herodeswane truba tabig asønaptø, tru srusrane:
23674	MAT 14:8	Inchen tru srusrøbe usri øyeeg chinrrig cha eshkaig køppe, Herodeswane trenchiptinchibig køn: —Juan Bautistai turwan kan platilloyu trannrra— cha.
23676	MAT 14:10	Incha Juanbe kailan keeri yau waben, Herodesbe turwan paringarubig køn.
23904	MAT 21:9	Inchen merrab amrrubelø lata, wendau amrrubelø lata, øyah chib trashib amrrubelø køn: “¡Rey Davidwei Nusrkai Hosanna! chib. ¡Señor Tiuswei munchiyu nø ørig arrubiibe mayanguen tab kuig køn! chib. ¡Srømbalasrømbe Hosanna!” chib.
23910	MAT 21:15	Inchen sacerdotesmeran karubeløba, Moisés pørigwan kusrenanøbeløba Jesúswei tru purø nørreelø mariilan ashib katø Tiuswei yau shush ureemera: “¡Rey Davidwei Nusrkai Hosanna!” chib trasai mørabe, truba namabelø køn.
23915	MAT 21:20	Inchen tru chi purayaigwan nui kusrenanøb pera uniiløbe ashabe, truba kwaarøb, Jesúswan trenchib payibelø køn: —Higuerabe møi møi mul-lanrrappe ¿mandø indah?— cha.
23957	MAT 22:16	Inchabe møilan køsrøn nømui mendig amøñibelanba, Herodesweingateelanba øyah chinrrai ørøbelø køn: —Kusrennøbig, ñibe ciertonigwan waminchib møg, Tius maig amøñinrrai karuigwan, isa kømø, trunun treeg kusrenanøb, katø misag maig chitanmaptø mørøb pasrømíig kui ashibelø ker cha. Kaguende ñibe mundøgucha nømun mailø køtasha kandarøtø imøwei inchibig køn cha.
24363	MRK 3:6	Inchen fariseosmerabe webamba, tru urastø Herodesweingateeløba Jesúswan namig kurra, mandø incha pinisamigwan waminchib mendabelø køn.
24490	MRK 6:14	Rey Herodesbe Jesúswan wamindi mørøbig køn, kaguende Jesúswei munchiwane misaamerabe nun, nun waminchib køben. Inchen møiløbe trenchibelø køn: —Juan Bautista kwailai utugurri katø kurriinrrun cha. Incharre tru maramburab øyeeg maramig tøgaig kuinrrun— cha.
24492	MRK 6:16	Inchen Herodes trunun mørabe, trenchibig køn: —Iibe Juan, na tru turwan paringaruig kuinrrun cha. Møimbe kwailai utugurri katø kurriinrrun— cha.
24493	MRK 6:17	Kaguende Herodesbe tru Juanwane kemøringarua, kailan keeri yau lusra wanningaruig købig køn, tru nui nuneg Felipei srai Herodíaskurrindø. Tru Herodíasbe Herodeswei nuneg Felipei srain købig køn. Inchen Herodesbe truigwane nui srai marin køben,
24494	MRK 6:18	Juanbe Herodeswane trenchibig køn: —Ñi ñui nunewei srawan ñui srai mara tøgagømibe merig pasran— cha.
24495	MRK 6:19	Inchen tru ishug Herodíasbe Juanwan tsalø køptø kwetchab inchendø, kaimabig købig køn.
24496	MRK 6:20	Kaguende Herodesbe Juanwane sølgandø tabig, katø Tiusweindø tarømari møg kwaasha, køriimata, trugurri nune mu chinchimønrrai ashib tøgagøbig køn. Incha Herodesbe Juan wamindigwane mandøguen kømui inchendø, tammay ka mørøbig køn.
24497	MRK 6:21	Indiibe Herodíasbe Juanwan maig maramigwan yandø treeg maramdiig puin kui ashibig køn. Kaguende Herodesbe tru chiwangucha nøm asha karubelaimba, suldaumeran karubelø nørreelaimba, Galilea mas kusreb møguelaimba nui kal-lain kwalømwan isub kasrag waram kwaløm tabig maren,
24498	MRK 6:22	møimbe Herodíaswei nimbasrbe truyu kebya, pailaben, Herodeswanba, truyu mab purrabelanba tru pailaibe truba tabig asønaben, reybe tru srusrane trenchibig køn: