6	GEN 1:6	Katø Tiusbe trenchibig køn: “Larrø lendiig chiguchagaig kønrrain cha, tru pimeran nuingui, nuingui tarømartrabig tøbøtag pasrønrrai.”
22	GEN 1:22	Incha Tiusbe truilane mayanguen tabig kønrrai marabe, trenchibig køn: “Larrø nørrø tøgagøb, larrø nørrø larrøbitchigay cha, marmerayu netsab, katø illimeragucha larrø nørrø larrøbitchigay” cha.
98	GEN 4:18	Incha Enocbe kan nusrkai Irad taig tøgaguig køn. Inchen tru Iradbe Mehujaelwei møskain køben, Mehujaelbe Metusaelwei møskain køben, Metusaelbe Lamecwei møskain kuig køn.
99	GEN 4:19	Incha Lamecbe nuyasig pagatø ishumburmera tøgaguig køn. Kan ishuwei munchibe Ada købene, katøgan ishuwei munchibe Zila købig køn.
103	GEN 4:23	Kan piji Lamecbe nui sralan trenchibig køn: —Adaba, Zilaba, nai wamwan mørtray cha. Lamecwei sralø, nai wamwan tab mørtray cha. Nan kørriinchen, nabe kan møwan kweechib, nan mur kebachen, nabe kan matsinan kweechar cha.
104	GEN 4:24	Cainwanma siete pijisken purab trømbøig nebunrrai pasrig kuibe, Lamecbe sietebatø setenta pijisken treetø treetø purab trømbøig nebuin pasrønrrun” cha.
131	GEN 5:25	Matusalénbe pilamera ciento ochenta y siete øsig tsua, nusrkai Lamecwan tøgaguig køn.
132	GEN 5:26	Incha Matusalénbe nusrkai Lamecwan tøgaguinukkurrimbunø pilamera setecientos ochenta y dos tøgaig tsua, nusrkalø køben, nimbasrmera køben tøgaguig køn.
134	GEN 5:28	Lamecbe pilamera ciento ochenta y dos øsig tsua, kan nusrkai tøgaguig køn.
136	GEN 5:30	Incha Lamecbe nusrkai Noéwan tøgaguinukkurrimbunø pilamera quinientos noventa y cinco tøgaig tsua, nusrkalø køben, nimbasrmera køben tøgaguig køn.
137	GEN 5:31	Inchawei Lamec kerrigu øsig tsuin kwalømmerabe pilamera setecientos setenta y siete køben, yandø kwaig køn.
254	GEN 10:19	Inchen tru Canaánweinukkurri amrrub misaamerabe chu pirausrøn køben tru ørø, tru ørø chab ambubelø køn. Inchawei tru Canaán pirø muba kuimburab luløbiibe Sidongurri Gazasrøngatig larrøbichib luløbig køn, tru Gerarguebsrø. Incha trugurrimbe Lesasrøngatig luløbig køn, tru Sodomaba, Gomorraba, Admaba, Zeboimba truguebsrø.
257	GEN 10:22	Semwei nusrkaløbe iilø køn: Elam køben, Asur køben, Arfaxad køben, Lud køben, Aram købengue.
294	GEN 11:27	Iilø køn tru Térajweinukkurri amrrub misaamera: Térajbe Abramwan køben, Nacorwan køben, Haránwan køben tøgaguig køn. Inchen Haránbe tru Lotwan tøgaguig køn.
298	GEN 11:31	Inchen tru Tarébe tru nui nusrkai Abramwanba, katø Haránwei nusrkai nui awelu Lotwanba, nui yerna tru Abramwei srai Saraiwanba, pera webibig køn, caldeosmerai pirau Ur tainukkurri tru Canaán pirausrømay inrrab. Inchendø tru Harán taig pirausrø puabe, truyu kørrømisrøbelø køn.
303	GEN 12:4	Inchen Abrambe Jehová maig chiben ibig køn. Inchen nøbabe Lotgucha ibig køn. Tru Harán piraugurri Abram webib urasbe nøbe pilamera setenta y cinco tøgaig kuig køn.
304	GEN 12:5	Incha Abrambe nui srai Saraiwan køben, nui nunewei nusrkai Lotwan køben pera ibig køn, katø chigurrimbunø nø chi tøgaguilan køben, katø tru Harán pirau nui karuig mendig melab misaameran købengue. Nøbe Canaán pirausrø truiløba pubig køn.
320	GEN 13:1	Incha Abrambe Egiptogurri nui sraimba katø nui chine tøgaguiløbañau Neguev pirausrømay katø arruben, nui kuchiunø Lotgucha nøba arrubig køn.
324	GEN 13:5	Lot tru Abramba lincha ibikkucha ubishamera køben, waaramera køben, carpa yamera køben tøgaig købig køn.
326	GEN 13:7	Indiibe kan kwaløm Abramwei ushameran ashibeløba, Lotwei ushameran ashibeløba aleguiab kurrabelø køn. Inchagucha tru urasbe cananeosmeraba ferezeosmeraba truiløgucha truyu warabelø købig køn.
327	GEN 13:8	Inchen Abrambe Lotwane trenchibig køn: —Nam pailainug lata, katø nai ubisha ashibeløba, ñui ubishameran ashibeløba truiløgucha chi kwayab kømig chi kaanrrain cha, kaguende nambe nunelø ker cha.
329	GEN 13:10	Inchen Lotbe ashib pasrøwabe, tru Jordan chaabe kerriguba Zoarsrøngatig pizheelø purø tøga pirømera kui ashibig køn. Jehováwei ellmarin tul lata tabzhikke; kabe tru Egipto pirømera lataikke. Tru Jordanbe treeg kuig køn, Jehová Sodoma ciudawanba Gomorra ciudawanba pinishimøwatøbe.
330	GEN 13:11	Incha Lotbe kerrigu Jordan chagwan nø merrarrawa, Lotbe tru pørr neeshibguebwansrø ibig køn. Incha øyamay Abramba, Lotba nøørø misrig køn.
331	GEN 13:12	Abrambe Canaán pirau kørrømisra tsuben, trune Lotbe tru Jordan chag pirø ciudamerasrø tsunrrab ibig køn. Incha tru nui carpa yamerane Sodomasrøngatig lasrua pønsrøb ibig køn.
333	GEN 13:14	Inchen yandø Lotbe Abramwan tarømisringuen køben, Jehovábe Abramwane trenchibig køn: —Abram, kurrasha cha, ñi pasrainukkurri tab ash cha, waguebwansrø, walliguebwansrø, pørr neeshibgatøwansrø, pørr pinebgatøwansrø,
349	GEN 14:12	Inchen tru Abramwei nunewei nusrkai Lotgucha sodomasrø tsubig kuig køppe, nungucha merrarrawa, tøga srua ambuptinchibelø køn, nui chi tøgamisrigwanbañaungue.
353	GEN 14:16	Treencha chigurrimbunø wesra srua ambiilan katøle chab kerrab, katø nui kasugunø Lotwan nui chigurrimbunø tøgamisriilanbañau kerriguh chab kerrabig køn, katø ishumburmeranba, katøganelanba.
459	GEN 19:1	Incha tru pagatø angelesmerabe tru Sodomasrømbe nøsig pineb iben, pubene, Lotbe tru Sodoma ciudayu kebambi yaskabsrø wabig køn. Incha Lotbe truilan ashippe, amrruy chinrrab pasramisrøptincha, maløwan pirausrø kebatamnegatig utsøbasrøbig køn.
461	GEN 19:3	Inchen Lotbe truba truba inchen, nømbe nøba amba, nui yau kebamben, nøbe tab mamiimera tamarøb, pirri chi levaduragailø karøb inchen, nømbe mabelø køn.
463	GEN 19:5	Incha Lotwane trenchib trashibelø køn: —Tru ñui yau kinrrab amrrub møgueløbe chu purra? chib. ¡Wambig webetay! chib. Nambe nømba ishumburmeraba lataitøwei marøg kuin pønrrer— chib.
464	GEN 19:6	Inchen Lotbe wambig webya, yaskabwan kasrøb trenchibig køn:
467	GEN 19:9	Inchene nømbe trenchib løtabelø køn: —¡Yugurrimbe mendatsu!— cha. Inchabe treekkucha chibelø køn: —Ya peesriig namui utu ka tsunrrab arruatiig købendø, ¡paare! ¿namune maig maramigwan ke ñi asha karunrrab indirru? cha. Møimbe truilan lataguen kømø, ñune purø trømbøikken martrumøn— chibelø køn. Inchabe Lotwan melambua, yaskabsrø kemalla, yaskabwan wesra kutchab inchibelø køn.
468	GEN 19:10	Inchen tru pailø møgueløbe yaambugurri taska kemørøppa Lotwane yaambumay kesrub, trugurrimbe yaskabwan kasrøptinchibelø køn.
470	GEN 19:12	Incha tru møguelø kørrømisrøbeløbe Lotwan trenchibelø køn: —¿Ñigan ñui yauelø mas tøgagøtirru? cha. Ñui yernomeran køben, ñui nusrkalan køben, ñui nimbasrmeran køben, yugurri wesru chibig køn.
472	GEN 19:14	Inchen Lotbe tru nui yerno kønrrabeløba waminchab webibig køn, tru nui nimbasrmeran kasharanrrab misrarmera købeløba. Incha trenchibig køn: —¡Mallatø webambay! cha, kaguen Jehovábe i ciudawan pinishinrrab køn— cha. Trune nui yerno kønrrabeløbe ka intsab trendaitamaptøh isubelø køn.
473	GEN 19:15	Inchen yandø tør— rrab arruben, ángelesmerabe Lotwan mallatø indingarub, trenchibelø køn: —¡Mallatø inchi chiben! cha. Ñui srawanba, ñui pagatø nimbasrmeranba yu purrabelan pera inrrø chibig køn, ciudayu trømbøig nebunrrai marigu ñim pinømønrrappe.—
474	GEN 19:16	Inchen Lotbe ke peguen inchimuben, tru pagatø møgueløbe nunba, nui srawanba, nui pagatø nimbasrmeranba tasku kemøra, nømune ciudayugurri wambiisrø wesrubelø køn, Jehováwei lastima asiitøga.
476	GEN 19:18	Inchene Lotbe trenchibig køn: —Kah, cha nai kasuku na ñim maig taigwan megabig tiusmanda, treebe kaimamønrrun cha.
481	GEN 19:23	Inchen Lotbe Zoarsrø pubene, yandø pørrbe neeshib arrubig køn.
484	GEN 19:26	Inchen Lotwei sraimbe møimbe wendømay keeshenba, nøbe maig kuimaytiig tre srug misra pasrambuig køn.
487	GEN 19:29	Øyamay tru muba chag kuimburab ciudameran Tiusbe pinisaig køn. Inchendø Tiusbe Abrahamwane isua tøga pasrøwa, tru Lot tsuig ciudameran purø trømbøig pinishib arrubigugurri Lotwane wesraig køn.
488	GEN 19:30	Inchen Lotwane Zoarsrø kørrømisra tsumibe kørig køben, nui pagatø nimbasrmeraba tunmera tøga pirømerasrø tsunrrab ya, nømbe pøneløba kan peña trab pasrabyu warønrrab kørrømisrøbelø køn.
494	GEN 19:36	Incha Lotwei pa mimbasrmerabe pailøba møskawei kwanrreelø kørrømisra,
621	GEN 24:29	Inchen tru Rebeca kan nuchag Laban taig tøgaguibe, truibe tru møwan lanrrab pisusrøngatig luløbig køn,
622	GEN 24:30	kaguende Labanbe nuchawei tru surtigaswan køben, katø tru kwalyu pønsraigwan køben ashib, katø ‘tru møg øyah, øyah chitan’ chib eshkaigwan mørøb indig kua. Incha Labanbe tru Abrahamwei karuig mendig megabigwein pulusrø kemallibig køn, truibe nui camellosmeraba pisu pulusrø srø pasramne.
623	GEN 24:31	Incha Labanbe trusrø pua: —Jehová maya nuguen tabig nebuig kønrrai indi møg, amø chibig køn. ¿Ñibe wambiitøbe chinchib pasrønrragu? cha. Nabe yawane ñuyasig chab tamarar cha, katø ñui camellosmerain chigucha.—
625	GEN 24:33	Incha manrrai mamiimera pønsrøben, Abrahamwei mendig megabiibe trenchibig køn: —Nabe na chi wamindamigwan wammørøsrømøwatøbe uta manrrab kaimamønrrun— cha. Inchen Labanbe: —Trube, wammørøsrørra— chibene,
642	GEN 24:50	Inchene Labánba, Betuelbabe trenchibelø køn: —Pøs, øyeebe chiguen kømøtø, Jehováweinukkurri arriinrrun cha. Nambe søl køn cha løtamig kømøwei, kabe kalø køn cha løtamig kømøwein køtan cha.
667	GEN 25:8	Larrø kølliizhig misra, kwaig købig køn, larrø yam pilamera øsig tsua. Incha nui kølli misaameraba tsunrrab yaig købig køn.
679	GEN 25:20	Isaacbe Rebecaba kasharab uras pilamera cuarenta tøgaig kuig køn, tru Rebecabe Betuelwei nimbasr Labanwei nuchag købig køn. Inchen Betuelba Labanbabe arameosmera Padan-aramsrø warabelø kuig køn.
771	GEN 27:43	Inchawei nai nusrkai na maig taigwan møra mar cha. Nai nuchag Laban Haran pirau tsuisrømay trubab inrrø chibig køn.
776	GEN 28:2	Kurra, Padan-Aram pirausrømay inrrø cha, tru Betuel ñui usrai møskai waisrømay. Incha ñui kuchimøskai Labanwei kan nimbasrwan ñui srain kønrrai lanrrig cha.
779	GEN 28:5	Øyamay Isaacbe Jacobwan Padan-Aramsrømay inrrai ørig købig køn, tru Betuel arameowei nusrkai tru Labanwei yausrømay. Truibe Rebecaimbe nuchag købig køn, Jacobweimba Esaúweimbabe usrin køben.
793	GEN 28:19	Incha truyube Betel cha wamabig køn, merrabsrømbe tru ciudawane Luz cha wamig købig kuindøgucha.
801	GEN 29:5	Jacobpe katøle trencha payibig køn: —¿Nacorwei awelu Labanwan ñimbe ashibelø kømøgueh?— cha. Inchen nømbe: —Truigwane nambe ashibeløwein ker— chibelø køn.
806	GEN 29:10	Inchen Jacobpe tru nui usraimbe nuchag Labanwei nimbasr Raquelwanba, katø tru Labanwei ubishameraba arri ashabe, kemalla, tru pisuyu srug kasraig tsubigwan malsra, nui kuchimøskai Labanwei ubishameran pi mutsøsrøbig køn.
808	GEN 29:12	Incha nøbe: —Rebecai nusrkain kur’ cha. Labanweimbe kuchiunø kur— chib waminchen, Raquelbe nui møskawan eshkanrrab luløbig køn.
809	GEN 29:13	Inchen Labanbe tru nui nuchawei nusrkai Jacobweimburab wamindi mørøppe, katønrrab luløb ya, ira, muchawa, nui yamay pera ibig køn. Inchen Jacobpe nun chitø purayaigwan kerriguh eshkabig køn.
810	GEN 29:14	Inchen Labanbe trenchibig køn: —Ñibeguende nai anindøwein køn— cha. Inchen Jacobpe yandø Labanba pølguen tsuben,
811	GEN 29:15	Labanbe nune trenchibig køn: —Ñi nai yauig kuimburøtø chi pagaraimíig ka mara tranøptø megamig kømøn cha. ¿Mayanzhig pagaramø?— cha.
812	GEN 29:16	Inchen tru Labanbe nimbasrmera pagatø tøgaig købig køn, mayurbe Lea købene, wendiibe Raquel.
813	GEN 29:17	Leabe kammera larrø tabzhig ashibig købene, trune Raquelbe larrø tab malø pasraig, larrø tab ishuuzhig købig køn.
815	GEN 29:19	Inchene Labanbe trenchiptinchibig køn: —Asiimíigwan tranøbgunrriibe ñi yauigwan tranrrumøn cha. Trube, naba kørrømisr— cha.
817	GEN 29:21	Yandø Jacobpe pilamera trattrø y par nemisrene, Labanwane trenchibig køn: —Maya yana mara tranøb meganrrain taigwan yandø nemaran cha. Møimbe nai srai kønrrai trannrra— cha.
818	GEN 29:22	Inchene Labanbe truyu maya misaameran tulamrrai wama larrø tab fiesta marøbig køn.
819	GEN 29:23	Indiibe yandø yem misren Labanbe nui nimbasr Lean pera arrua, Jacobwane truigwan tranøptinchen, Jacobpe pera kibig køn.
820	GEN 29:24	Inchagucha Labanbe kan karuig mendig megabig Zilpa taigwane Lean purugub meganrrai tranøbig køn.
821	GEN 29:25	Indiibe løtsøbe, Jacoppe Leaba kib tsuptinchibrain kui ashibig køn. Incha Jacobpe Labanwane trenchibig køn: —¿Øyeebe nane ñibe chi margu? cha. ¿Yamba Raquelwan tranamwei nabe ñuyasig marøb megaig kømuitarru? cha. ¿Nane chindimbarre øyeeg isa kebenøsrkugu?— cha.
822	GEN 29:26	Inchene Labanbe trenchibig køn: —Nam waraim piraube kasharanrrai wendiigwanmerrig tranamig kømøn cha, mayurguen ka tsumnetøbe.
823	GEN 29:27	Leaba tru kasharabyu tabig mab kasrag waramigwan trune neigwan patsøgø chibig køn Labanbe. Trugurrimbe Raquelwangucha tranrrumøn cha, trattrø y pa pila ñi nayasig katøle srøig marøb meganrrab købene.—
824	GEN 29:28	Inchen Jacobpe treeg marøbig køn. Incha tru Leaba tru kasharabyu tabig mab kasrag waramigwan tru trune neig maramigwan chab nemarene, Labanbe Raquel nui nimbasrwan srain kønrrai tranøbig køn.
825	GEN 29:29	Inchen Labanbe kan karuig mendig megabig Bilha taigwangucha Raquelwan purugub meganrrai tranøbig køn.
826	GEN 29:30	Inchen Jacobpe Raquelbagucha kibig køn. Incha truigwane Lean lataguen kømø, masken undaarabig køn. Incha Labanweyasig katøgucha srøig trattrø y pa pila mara tranøb megaig købig køn.
827	GEN 29:31	Jehovábe Leane Jacobpe ke palabinø indi ashabe, truigwane ureg tøgagønrrai tranøbig køn. Trune Raquelbe urekkaig kønrrabig købig køn.
828	GEN 29:32	Incha Leabe kwanrriig kørrømisra, kan nusrkai tøgagua, truigwane Rubén munchi pasrøbig køn, kaguende nøbe trenchibig køn: “Na yeekkucha isui megaben, Jehová nan isua ashtan cha. Møimbeguende nai keebe nan undaaranrrautan” cha.
830	GEN 29:34	Incha katøle kwanrriig kørrømisra, katø kan nusrkai tøgagua trenchibig køn: “Møimbe nai keebe naba mas trakkandø linchautan cha, kaguen nabe nune chabguen pøn nusrkaløguen tranar” cha. Inchagurri truigwane Leví munchi pasrøbig køn.
831	GEN 29:35	Incha Leabe katø kwanrriig kørrømisra, katø kan nusrkai tøgaguig køn. Inchabe trenchibig køn: “Møi iyube Jehováwan mayanguen tabig wamindamønrrun” cha. Inchagurri truigwane Judá munchi pasrøbig køn. Incha trugurrimbe yandø kan maya yana køsrøn mas ureg chigaa guig køn.
840	GEN 30:9	Inchen Leagucha yandø mas ureg tøgagønrrab kaimappe, nui karuig mendig megabig Zilpan pera arrua, Jacobwan tranøbig køn, nui srain kønrrai.
841	GEN 30:10	Inchen tru Zilpa Leai karuig megab ishuube, Jacobwei kan unø tøgamisrøbig køn.
842	GEN 30:11	Inchen Leabe trenchibig køn: “Yangucha tabig pub attrabigwan tøgaguinatan” cha. Incha treekkurri Gad munchi pasrøbig køn.
843	GEN 30:12	Inchen Leai karuig mendig megabig tru Zilpabe Jacobwei katøgan nusrkai tøgaguig køn.
844	GEN 30:13	Incha katø Leabe trenchibig køn: “Nane larrø kasrag køtan cha. Ishumburmerabe: ¡kan yangucha tabgui unamigwan tøgaguita!” chinrrautan cha. Treekkurri tru unane Aser munchi pasrig køn.
845	GEN 30:14	Tirigu parøb kwalømmerawan Rubenbe wambigwansrø llirab yabe, mamig trulmera mandrágoras tailø wetørrawa usri Leayasig lurra, srua arrubig køn. Inchen Raquelbe Leane trenchibig køn: —Tiusmanda, ñui nusrkai tru mandrágoras tailø srua arriilan srøttra— cha.
846	GEN 30:15	Inchene Leabe trencha løtabig køn: —¿Ñibe nai kewan yeeg kerrawa pasraptøga ñungan chigucha kømui lataig mørøraitarru? cha. ¿Møimbe nai nusrkai mandrágoras srua arriilangucha nan kerranrrab indirru?— cha. Inchene Raquelbe trenchiptinchibig køn: —Tru ñui nusrkai mandrágoras srua arriilan na merrarranrrur cha, truburø møi yem Jacobpa ñi ki pøs— cha.
847	GEN 30:16	Inchen yandø maaben køben, Jacob wambigwansrø uña katø arruben, Leabe katønrrab webyabe, trenchibig køn: —Møi yembe ñibe naba kiamig kønrrab køn cha, kaguen nai nusrkai mandrágoras srua arriitøga nabe Raquelwan pagarawa, truburø møi yembe nabe ñiba kiamig køn— cha. Inchen tru yembe Jacobpe Leaba kibig køn.
848	GEN 30:17	Inchen tru Lea miab megaigwan Tius møren, Leabe kwanrriig kørrømisra, trattrøgatø kønrrabyu nusrkawan Jacobwei tøgaguig køn.