36	GEN 2:5	piraube ka nøtø kal-lab tusrmera chigucha kawei, chigucha kaumera kal-laig kawein købig køn, kaguende Jehová Tiusbe piraumay srewan pungarumø srø køben. Inchagucha kwallchabig mu møg mugawein køben.
38	GEN 2:7	Inchen Jehová Tiusbe pirøyu usrøtøga møg misag mara, trugurrimbe øsiguig kønrrai kimyu urrøben, møøbe øsiguig misrig køn.
39	GEN 2:8	Incha Jehová Tiusbe Eden taisrø kan ellmarin tul mara pasrøbig køn, tru pørr neeshibgatømaysrø. Incha tru nø mari møwan truyu kørrømarøbig køn.
40	GEN 2:9	Incha Jehová Tiusbe chi tusrkurrimbunø chull asamdø tab tusrmera pirau kal-langarubig køn, chull mamdø mamiimera nigabelø. Inchen tru tul tøbøtabe tru kwamø øsig køm tusrwanba, katø tru tabigwanba, kaigwanba nebua asam tusrwanba kal-langarubig køn.
46	GEN 2:15	Incha Jehová Tiusbe møwan pera arrua, tru Edén ellmarin tulyu kørrømarøbig køn, pirøwan kwallib ashib tsunrrai.
47	GEN 2:16	Incha Jehová Tiusbe tru møwane trencha karua pasrøbig køn: —Tru tulyu chi tusryu mamiimerandøgucha ka manrrig cha.
49	GEN 2:18	Incha trugurrimbe Jehová Tiusbe trenchibig køn: —Møg nøtø unamiibe chi tab kømøn cha, nun purugunrrabig nø maig palain køben, treegwan martrab— cha.
50	GEN 2:19	Incha Jehová Tiusbe maya ushameranba, illimeranba pirøwandøwei mara pønsra, møwei merrab pønsrøbig køn, chi munchi pønsramigwan nø asha pønsrønrrai. Inchen møg tru øsiguelan treeg munchi pønsra wamiiløbe tru munchin tøgar kørrømisrig køn.
52	GEN 2:21	Inchen Jehová Tiusbe møwan purø mur kingarua, nø kib tsumnebe kan tømbul tsutsigwan wesrawa, tru tsutsig wesrub kurigwane katøle treetøweih kasrøbig køn.
53	GEN 2:22	Inchen Jehová Tiusbe tru tømbul tsutsig wesraigwane ishug misag mara, møweimay pera arrubig køn.
57	GEN 3:1	Inchen tru ulbe maya ushamera lataguen kømø, chigøben maramigwane purø may isua marøbig købig køn, Jehová Tius nø mariiløyu. Incha tru ulbe ishuwane trenchibig køn: —¿Kabe Tiusbe ñimungan tru ellmarin tulyuigwan ni mø tusryuigwanguen kerriguwan mamønrrain taig kuitarru?— cha.
64	GEN 3:8	Inchen yandø mawab misrøb pishi isig ichibig webarruben, tru ellmarin tulyu Jehová Tiusbe llirab arri møra, møøbe nui sraimba tusr utumerawansrø trubabelø køn Tius nø pasrainukkurri.
65	GEN 3:9	Treendingucha Jehová Tiusbe møwan wamabe, payibig køn: —¿Ñibe chu pasrøgu?— cha
69	GEN 3:13	Inchene Jehová Tiusbe ishuwane trenchibig køn: —¿Øyeebe chi margu?— cha —Tru ul nan purø may wamincha isøben, nabe mar cha— trenchibig køn.
70	GEN 3:14	Inchen Jehová Tiusbe tru ulwane trenchibig køn: —Ñi øyeeg marikkurrindø maya ushamerai utu ñibe larrø trømbøig nebuig kønrrig cha, kusreeg ushamerai utu lata, namig ushamerai utu lata. Patsøtøgatø sraløb uña, ñi chugatig øsig tsuingatiibe pirøyu usrøwan manrrig cha.
76	GEN 3:20	Inchen Adánbe nui srawane Eva munchi pasrøbig køn, kaguende Evabe maya misagwei usrin kønrrabig kuimba.
77	GEN 3:21	Jehová Tiusbe møweimba, nui sraweimba kemelø ushamerai kalusmeran mara, kennøbig køn.
78	GEN 3:22	Incha Jehová Tiusbe trenchibig køn: “Møøbe møimbe kan møig køben nam lataitøwei misra pasramisrin køn cha, tabigwanba, kaigwanba nebua ashibig. Pøs, nui tasigwan larrøbitchain kømøn, chibig køn, tru øsig køm tusryu mamigwangucha nemøra, truigwan ma, managatig øsig kønrrab.”
79	GEN 3:23	Incha Jehovábe tru Edén tulyugurri nømun webusrøbig køn. Incha pirøwan kwallchain pasrig køn, tru nun mara pasrin pirøwan.
81	GEN 4:1	Adanbe nui srai Evaba unø tøgagønrrab pailø waramisrøbelø køn. Incha Evabe kwanrriig kørrømisra, Cain kal labene, trenchibig køn: “Na unø tøgagømig Jehová treeg kønrrain køben, kan møg-unø tøgaguinatan” cha.
83	GEN 4:3	Inchen kan maya yana køsrøn puraiben, Cainbe Jehováwan ketamig nui kwaliiløyugurri srua arrubig køn.
84	GEN 4:4	Inchen Abelgucha nui ubishamera ke srøsrø lluilan srua arrubig køn, sebowanba. Inchen Jehovábe Abelwanba tru nui kettrab srua arrigwanba truba tab kui ashibig køn.
86	GEN 4:6	Treenchene, Cainwane Jehovábe trenchibig køn: —¿Chindimbarre namøgu? cha. ¿Chindimbarre ñui maløbe ke peg misrøptinnda? cha.
89	GEN 4:9	Inchene Jehovábe Cainwane trencha payibig køn: —¿Ñui nuneg Abelbe chu unah?— cha. Inchen nøbe trencha løtabig køn: —Chindindøbeh cha. ¿Nagan nai nunewan ke tru ashib wendautø pasrabig kuitarru?— cha.
90	GEN 4:10	Inchene Jehovábe trenchibig køn: —¿Chi margu? cha. Ñui nunewei animbe piraugurri trashib nan wamøtan cha.
93	GEN 4:13	Inchene Cainbe Jehováwan trenchibig køn: —Nan øyeeg møra pasrønrrai mariibe purø nuig køtan cha, pasramguengaikke.
95	GEN 4:15	Inchene Jehovábe trenchibig køn: —Møikkøben Cainwan kweechibiibe siete pijisken purab trømbøig nebuin pasrønrrun— cha. Incha Jehovábe Cainwane kan siñal asamdiig tøgaig kønrrai marøbig køn, mugøben ashagucha, nune kweechimønrrai.
96	GEN 4:16	Incha Cainbe Jehováwei merrabgurri yandø tarømisra ya, Nod tain pirau Edén pørr kalabgatømaysrø tsubig køn.
105	GEN 4:25	Adánbe nui sraimba unø tøgagønrrab pailøba waramisrøbelø køn. Incha Evabe kan nusrkai tøgagua, trunune Set munchi pasrig køn. “Tiusbe nane katøgan nusrkai trandan cha, Cain Abelwan kweetsig købene truburø tøgagønrrai.”
106	GEN 4:26	Incha Setgucha kan nusrkai tøgagua, truigwane Enós munchi pasrig køn. Indig truyugurrimbunø yandø møgueløbe Jehováwei munchiwan wamab miabelø køn.
107	GEN 5:1	Iig køn tru Adánweinukkurri amrrub misaameran munchin merrarrailø, Tius møwan nø mara pasrøb kwalømbe, møwane Tius lataitøwein kønrrai marig køn.
115	GEN 5:9	Enósbe pilamera noventa tøgaig kua, kan nusrkai tøgaguig køn, Cainán taig.
116	GEN 5:10	Enósbe Cainánwan tøgaguikkurrimbunø pilamera ochocientos quince tøgaig kua, nusrkalø køben, nimbasrmera køben tøgaguig køn.
118	GEN 5:12	Cainánbe pilamera setenta tøgaig kua, nusrkai Mahalaleelwan tøgaguig køn.
119	GEN 5:13	Cainánbe Mahalaleelwan tøgaguikkurrimbunø pilamera ochocientos cuarenta tøgaig tsua, nusrkalø køben, nimbasrmera køben tøgaguig køn.
120	GEN 5:14	Inchawei Cainán kerrigu øsig tsuin kwalømmerabe pilamera novecientos diez køben, yandø kwaig køn.
135	GEN 5:29	Incha truigwane Noé cha wamig køn, kaguende nøbe trenchibig køn: “Jehová pirøwan larrø trømbøig nebunrrai mara pasrim pirau, nam chi mariiløyu purø trømbøig murig pui melaigugurri namun i unøbe chairannrrun” chib.
141	GEN 6:3	Inchene Jehovábe trenchibig køn: “Nai Espiritube misag øsig kønrrai nuinuube managatikkucha pasrønrraamøn cha, kaguende møøbe patsønrrabig ka treetø køn cha. Inchawei nøbe øsig tsumibe pilamera ciento veintebe tøgagønrrun” cha.
143	GEN 6:5	Inchen Jehovábe ashibig køn pirau misaamera larrø trømbøig marøb amrruibe chi lamøtiig kømø, purø nuig kui, nømui manrraube chu uragucha kerrigu chi isuiløbe kaigwandø, kaigwandø isubelø kuikkurri.
144	GEN 6:6	Inchen Jehovábe yeekkucha kuitamab isubig køn, pirau misagwan tsunrrai marigwan. Nui manrraube purø kørrø isub pusrkwabig køn.
145	GEN 6:7	Incha Jehovábe trenchibig køn: “Misagwan mara pønsrailan chigucha kaanrrai patsøgønrrab cha, misagwan lata, ushameran lata, srala amøñibelan lata, pala amøñib illimeran lata. Karrenguitamab isur cha, øsig kønrrai na mariilan.”
146	GEN 6:8	Inchen køben Noébe Jehováwein kabyu nøbe tabig kui asig kuig køn.
161	GEN 7:1	Incha Jehovábe Noéwan trenchibig køn: —Ñiba ñui yaueløba arcayu kebinrrø cha, kaguendø nai merrab ñundøwei sølgandø tabigwan marøbig kui ashar cha, møi misaamerai utu.
165	GEN 7:5	Inchen Noébe Jehová maig karuigwan kerriguh treeg marøbig køn.
176	GEN 7:16	Inchen tru kebambubeløbe trumørig ishuuba, møøba kebambig køn, Tius maig karuig, treekke. Inchen Jehovábe yaskabwan yandø kasrøbig køn.
204	GEN 8:20	Incha trugurrimbe Noébe Jehováweyasig kan altar mara, tabig chish ushameran møigwanguen palab kømø, kerriguba, katø chish illimeran møigwanguen palab kømø, kerriguba, altarbala chishtø parrøb Jehováwan keta tranøbig køn.
205	GEN 8:21	Inchen larrø mayzhig irrabig nuinug puben, Jehovábe trenchibig køn: “Misakkurrindø pirøwane managuen katølebe larrø trømbøig nebuim pasrønrrai marmumønrrun cha, kaguende møwei manrrøbe shushkurrimbunø kaigwandø, kaigwandø martrab isubelø køn cha. Katø chigurrimbunø øsig købigwane katølebe kerriguba pinishimumønrrun cha, møi lataibe.
224	GEN 9:18	Noéwei nusrkalø arcayugurri webambubeløbe Semba, Camba, Jafetba køn. Inchen Cambe Canaánwei møskain kuig køn.
228	GEN 9:22	tru Canaánwei møskai Cambe, møskai køsaatiig tsui ashabe, nui pa nunelan wambiisrø eshkanrrab webyain købig køn.
231	GEN 9:25	trenchibig køn: Canaánbe larrø trømbøig nebuinanrrabig kønrrun cha. “Nunelø ka karuindiig megabig mas chigucha kømíig købash” cha.
232	GEN 9:26	Incha katø trenchibig køn: “Jehová, Semwei Tiuswane maya nuguen tab indig kønrrain cha. Inchen Canaánbe Sem manchiben, ka karuindiig megabig kønrrain cha.
233	GEN 9:27	Inchen Jafetwane purø nuig kønrrai Tius kusrua pasrig kønrrain cha. Incha Jafetbe Semwei carpa yamerayu tsubig kønrrain cha. Inchen Canaánbe Jafet manchiben, ka karuindiig megabig købash” cha.
241	GEN 10:6	Inchen Camwei nusrkaløbe iilø køn: Cus køben, Mizraim køben, Fut køben, Canaán købengue.
242	GEN 10:7	Inchen Cuswei nusrkaløbe: Seba køben, Havila køben, Sabta køben, Raama køben, Sabteca købengue. Inchen tru Raamawei nusrkaløbe: Sebaba, Dedánba kuig køn.
244	GEN 10:9	Truibe Jehováwei merrab kaambu ushameran pasraarøb kemøramibe ke piaig lataig købig køn. Inchawei misaabe treeg taig tøgar købig køn: “Jehováwei merrab kaambu ushameran pasraarøb kemøramigwan larrø may kemørammaybe, Nimrod lataig køn” cha.
250	GEN 10:15	Inchen Canaánbe tru nui mayur nusrkai Sidonweimba, Hetweimba møskain købig køn.
251	GEN 10:16	Inchen tru i Canaánweinukkurri amrrub misaamerabe jebuseosmera køben, amorreosmera køben, gergeseosmera køben,
254	GEN 10:19	Inchen tru Canaánweinukkurri amrrub misaamerabe chu pirausrøn køben tru ørø, tru ørø chab ambubelø køn. Inchawei tru Canaán pirø muba kuimburab luløbiibe Sidongurri Gazasrøngatig larrøbichib luløbig køn, tru Gerarguebsrø. Incha trugurrimbe Lesasrøngatig luløbig køn, tru Sodomaba, Gomorraba, Admaba, Zeboimba truguebsrø.
260	GEN 10:25	Indig katø wendø Eberbe pagatø nusrkalø tøgaguig køn: tru srøsriibe Peleg munchi købig køn, kaguende nø tsuin kwalømmerawan pirøwan pirisaig købig kua. Inchen kan nuneebe Joctán taig købig køn.
261	GEN 10:26	Inchen Joctánbe Almodadwan køben, Shelefwan køben, Hazarmavetwan køben, Jeran køben,
264	GEN 10:29	Ofirwan køben, Havilan køben, Jobabwan køben tøgaguig købig køn. Iiløbe kerriguba tru Joctánwei nusrkalø kuig køn.
272	GEN 11:5	Inchen Jehovábe kørraarrubig køn, tru ciudawanba tru torrenba tru møguelai nusrkalø marigwanba ashchab.
273	GEN 11:6	Incha Jehovábe trenchibig køn: “I misaamerabe kandø køb, wamgucha kandø waminchib, katø tru maramigwangucha yandø martrab pølbasra køn cha, trurrigu nøm martrab indigwane muguin katiasamørra cha.
275	GEN 11:8	Incha øyamay Jehovábe pirø muba kuimburab tru ørø larrøbichib amrrai maren, yandø tru ciudawan marmøtø, yandø lelachibelø køn.
276	GEN 11:9	Incha treekkurri Babel cha wamig køn, kaguende pirau muba kuimburab wamindi wamwan Jehová truyuh nøm mandø kuinguen mørmønrrai marig købig kua. Incha trusrøngurri nømune pirau muba kuimburab tru ørø amba warønrrai marig køn.
294	GEN 11:27	Iilø køn tru Térajweinukkurri amrrub misaamera: Térajbe Abramwan køben, Nacorwan køben, Haránwan køben tøgaguig køn. Inchen Haránbe tru Lotwan tøgaguig køn.
295	GEN 11:28	Inchen nui møskai Téraj kwamøwatø, tru Haránbe Caldeosmeraim pirausrø, tru nø kal-laim pirau kwaig købig køn.
296	GEN 11:29	Inchen Abramba, Nacorbabe nømuyasig sralø laig køn. Tru Abramwei sraimbe Sarai købene, Nacorwei sraimbe Milca taig købig køn, tru Haránwei nimbasr. Tru Haránbe Milcaimba, Iscaimba møskain kuig køn.
298	GEN 11:31	Inchen tru Tarébe tru nui nusrkai Abramwanba, katø Haránwei nusrkai nui awelu Lotwanba, nui yerna tru Abramwei srai Saraiwanba, pera webibig køn, caldeosmerai pirau Ur tainukkurri tru Canaán pirausrømay inrrab. Inchendø tru Harán taig pirausrø puabe, truyu kørrømisrøbelø køn.
299	GEN 11:32	Inchen tru Téraj øsig tsuin kwalømmerabe pilamera doscientos cinco kuig køn. Incha Térajbe Harán pirausrø kwaig købig køn.
300	GEN 12:1	Jehovábe Abramwane trenchibig køn: —Ñuim piraugurrimba, ñui yau misaamerainukkurrimba, trugurri ñui møskawei yaugurrimba inrrø cha, na ñun eshkam pirausrømay.
303	GEN 12:4	Inchen Abrambe Jehová maig chiben ibig køn. Inchen nøbabe Lotgucha ibig køn. Tru Harán piraugurri Abram webib urasbe nøbe pilamera setenta y cinco tøgaig kuig køn.
304	GEN 12:5	Incha Abrambe nui srai Saraiwan køben, nui nunewei nusrkai Lotwan køben pera ibig køn, katø chigurrimbunø nø chi tøgaguilan køben, katø tru Harán pirau nui karuig mendig melab misaameran købengue. Nøbe Canaán pirausrø truiløba pubig køn.
305	GEN 12:6	Incha Abrambe Canaánsrø puabe, tru pirau kerrigu pureb ya, tru Siquénsrø pubig køn, tru Moré Tusr taig pasramnug. Inchen tru urassrø tru cananeo misaamerabe Canaan pirau warabelø købig køn.
306	GEN 12:7	Inchen Jehovábe Abramwan kenamisrabe trenchibig køn: —Ñuinukkurri amrrub misaameran nabe truilan i pirøwan trananmønrrun— cha. Inchen Abrambe kan altar kusrabig køn tru Jehová nun kenamisrøbigweyasig.
307	GEN 12:8	Incha trugurrimbe tunmeragøba tøga pirømerasrømay ibig køn, tru Betel pørr neeshibgatømaysrø. Incha tru nui carpa yawan truyuh lasrua pasrøbig køn. Inchen Betelbe pørr pinebgatømay kørrømisrene, Haibe pørr neeshibgatømaysrø kørrømisrøbig køn. Incha nøbe Jehováweyasig kan altar kusrua, nui munchiwan isub wamabig køn.
316	GEN 12:17	Inchendø tru Abramwei srai Saraigurri Jehovábe tru Faraónwanba nui yau misaameranba murba kebatig køn, purø trømbø kwanrrømeratøga.
323	GEN 13:4	Truyu kuig køn tru merrabsrø nø kan altar mara kusruinug. Incha truyu Abrambe Jehováwei munchiwan isub wamabig køn.
329	GEN 13:10	Inchen Lotbe ashib pasrøwabe, tru Jordan chaabe kerriguba Zoarsrøngatig pizheelø purø tøga pirømera kui ashibig køn. Jehováwei ellmarin tul lata tabzhikke; kabe tru Egipto pirømera lataikke. Tru Jordanbe treeg kuig køn, Jehová Sodoma ciudawanba Gomorra ciudawanba pinishimøwatøbe.
331	GEN 13:12	Abrambe Canaán pirau kørrømisra tsuben, trune Lotbe tru Jordan chag pirø ciudamerasrø tsunrrab ibig køn. Incha tru nui carpa yamerane Sodomasrøngatig lasrua pønsrøb ibig køn.
332	GEN 13:13	Inchen tru Sodoma warab misaamerabe larrø kailø kua, larrø trømbøgølig marøbelø købig køn, Jehováwan kalø marøb.
333	GEN 13:14	Inchen yandø Lotbe Abramwan tarømisringuen køben, Jehovábe Abramwane trenchibig køn: —Abram, kurrasha cha, ñi pasrainukkurri tab ash cha, waguebwansrø, walliguebwansrø, pørr neeshibgatøwansrø, pørr pinebgatøwansrø,
337	GEN 13:18	Incha Abrambe tru nui carpa yameran picha kusrua, Manre tainug nørrø parøndzig encinas tusrmera pønrrabnug tsunrrab ibig køn, tru Hebrónsrø. Incha truyube Jehováweyasig kan altar kusrubig køn.
359	GEN 14:22	Inchene Abrambe tru Sodomasrø reywane trencha løtabig køn: —Tius Mayeelain Pala Pasrabig Srømbalameranba Pirøwanba Marøbig Jehováwan ¡katø! nabe treebe marmumønrrun cha, nabe trendaig kuig køn cha.
362	GEN 15:1	Inchen øyeelø chab puraiben, kan piab lataigu Jehováweinukkurri wam Abramwan trenchibig køn: —Abram, chi kørig kui inchimøta cha. Nabe ñun chi kømønrrai ashib tøga pasrabig truig kur cha. Ñun tranamibe purø nuig kønrrabig køn— cha.
363	GEN 15:2	Inchendø Abrambe trenchibig køn: —Jehová Tius ¿Ñi nan keta traniibe chi puruguimøriasamørra cha, na chi urekkaigwane? Inchen tru na chine tøgamisriilan merrarranrrabiibe tru Damascosrø Eliezer kømuitarru?— cha.
367	GEN 15:6	Inchen Abrambe Jehováwan køreben, treekkurri nune Tiusbe chi kaig marmíig lataig, tabig treeg asha pasrig køn.
368	GEN 15:7	Inchene nøbe trenchibig køn: —Nabe Jehová kur cha, caldeosmeraim pirau tru Ur taisrøngurri wesrabig i Canáan pirøwan na ñun keta trannrab.—