661	GEN 25:2	Truibe Zimramwan køben, Jocsánwan køben, Medánwan køben, Madiánwan køben, Isbacwan køben, Súajwan køben tøgaguig køn.
687	GEN 25:28	Incha Isaacbe Esaúwan mas undaarabig køn, kaguen nø chi kemøra srua arriilan srørrig mabig kua. Trune Rebecabe Jacobwanrre mas undaarabig køn.
733	GEN 27:5	Inchen Rebecabe Isaac tru nui nusrkai Esaúwan waminchen, mørøb wabig køn. Inchen Esaúbe wambigwansrø ibig køn, møskaweyasig kan ushawan pasraara, kweecha, sruattrab.
734	GEN 27:6	Inchen Rebecabe nui nusrkai Jacobwane trenchiptinchibig køn: —¡Au! nabe ñui møskai Isaacbe ñui nuneg Esaúba: “Kan usha kemøra larrø may mamiizhig tamara, srua attrig” chib øyeeg waminchen trunun mørar cha.
739	GEN 27:11	Inchene Jacobpe usri Rebecane trenchibig køn: —Nai nuneg Esaúbe ya isiitø møg køben, nabe ya chigucha isikkaibe cha.
743	GEN 27:15	Incha trugurrimbe usrimbe mayur nusrkai Esaú kewa uniilø purø tabig yau purrabelan Jacob wendø nusrkawan kenanøbig køn.
747	GEN 27:19	Inchene Jacobpe trenchiptinchibig køn: —Nabe Esaú, ñui mayur nusrkain kur cha. Nabe ñi maig taigwan marar cha. Kurra, wamisra na kemøra srua arrigwan ma chibig køn. Tru mayanguen tabig nebuig kømigwan nayasig Tiuswan miaben na utønrrab— cha.
749	GEN 27:21	Inchen Isaacbe Jacobwan trenchibig køn: —Nai nusrkai møimbe kemall cha, na katøranrrumøn cha, isa kømø, nai nusrkai Esaú køtamørtrab cha kabe peg kuin kui.—
750	GEN 27:22	Inchen møskai Isaacwan Jacobpe kemallen, nøbe katørawabe, trenchibig køn: —Wambe Jacobwein købendø, tasiimerabe Esaúwein købwain inndan— cha.
751	GEN 27:23	Pøs nøbe møig kui mørtrab kaimabig køn, kaguende tasiimerabe Esaúwei tasiimera lataig isiiteelø køben. Incha mayanguen tabig nebuig kømigwan yandø ke tranntrab inchabe,
752	GEN 27:24	Isaacbe katøle payibig køn: —¿Ñigan isa kømø, nai nusrkai Esaú køtirru?— cha. Inchen Jacobpe: —Nabe truwein kur— chiben,
758	GEN 27:30	Inchen Isaac tru mayanguen tabig nebuig kømigwan Jacobwan chab tranen, Jacobpe møskaweinukkurri webiben latatø, nuneg Esaúbe wambigwansrø usha kemørøb uña puptinchibig køn.
760	GEN 27:32	Inchene Isaac møskaimbe trenchiptinchibig køn: —¿Trube, ñibe mugugu?— cha. Inchen nøbe: —Nabe tru Esaú ñui mayur nusrkain kur— chiben,
762	GEN 27:34	Inchen Esaúbe møskai trendaig wamwan mørabe, truba mur wamab trashib, purø kørrø isui inchib ¡karren kønrrab! chib kishibig køn, trenchib: —Nai møskai, tiusmanda nangucha tru mayanguen tabig nebuig kømigwan trannrra— cha.
766	GEN 27:38	Inchen Esaúbe møskawan trenchibig køn: —Nai møskai, tru mayanguen tabig nebuig kømigwan tranamiibe kabe ke kanzhiitø kuig kuitarru cha. Nai møskai, nangucha tru tabig nebuig kømigwan trannrra— cha. Incha srawa, srawaa kishibig køn.
769	GEN 27:41	Indig truyugurrimbunø Esaúbe Jacobwan purø trømbøig ashig kømui inchibig køn, nui møskai tru mayanguen tabig nebuig kømigwan nun tranikkurri. Incha nøasiitøwei trenchibig køn: “Maya yanayutø namui møskai pinøben, larrø isuin pønrram kwalømmeragucha attrun cha. Yandø trugurrimbe si, pinisamønrrun cha, nai nuneg Jacobwan.”
770	GEN 27:42	Inchen Rebecabe tru Esaú øyeeg martrab isub unigwan wammørabe, Jacobwan wamønrrab øra, trenchibig køn: —Ñui nuneg Esaúbe ñun nøgucha lata martrab ñune kwetchab tan cha.
779	GEN 28:5	Øyamay Isaacbe Jacobwan Padan-Aramsrømay inrrai ørig købig køn, tru Betuel arameowei nusrkai tru Labanwei yausrømay. Truibe Rebecaimbe nuchag købig køn, Jacobweimba Esaúweimbabe usrin køben.
780	GEN 28:6	Inchen Esaúbe wammørøbig køn, møskai Isaacbe tru mayanguen tabig nebuig kønrrai tranøb, sraingucha lappe, Padan-aramsrø lanrrai chiben. Incha tru mayanguen tabig nebuig kømigwan møskai tranabe, øyeeg karua pasri ashibig køn: “Yu Canaán ishumburmeran ñui srain kønrrai marøb pasrønrrab kømø” cha.
781	GEN 28:7	Inchen Jacobpe møskawanba usranba møra, Padan-Aramsrømay yai ashibig køn Esaúbe.
783	GEN 28:9	Esaúbe Abrahamwei nusrkai Ismael tsuisrømay ya, tru katøgan sralø kømnetø, trusrø Mahalatwan nui srain kønrrai marøbig køn, tru Abrahamwei nusrkai Ismaelwei nimbasrwan, tru Nebaiotwei nuchawan.
932	GEN 32:4	Incha Jacobpe tru Edom pirau tru Seirsrømay wan sruar merrab amrrai ørøbig køn, Esaúwan katønrrabelø tru nabe punrrab arrumønrrun cha, nui nuneg eshkanrrabelø.
933	GEN 32:5	Incha øyeeg chinrrai karua ørøbig køn: —“Ñi nai mayur nuneg Esaúwan Jacob na ñi maig chiben megabiibe, trendan cha: ‘Nabe møi øyangatig Labanba kørrømisra tsua,
935	GEN 32:7	Inchen tru wam srua ambubeløbe Jacobweimay katøle amrrua, trenchibelø køn: —Ñui nuneg Esaú waisrø ashchab amber cha. Nøgucha ñun katønrrab arrun cha, møguelø cuatrocientos lincha peraig.—
937	GEN 32:9	Pøs nøbe treeg isubig køn: “Inchippa Esaú kan søtøwan kwayanrrab megambuingucha, katøgan søtøbe lulrrain” cha.
940	GEN 32:12	Nai nuneg Esaúwei taskugurri chi kømønrrai marøbsrumuguh cha. Nane kørig køtan cha, inchippa nanba, usralmeranba, ureemeranba kweecha petønrraitamab.
942	GEN 32:14	Incha tru yembe Jacobpe truyu kia, nø truyu chi tøgaguigwan nui nuneg Esaúwan ketamig lawa wesrabig køn.
946	GEN 32:18	Incha Jacobpe tru ke srøsrø merrana ibigwane trencha karua ørøbig køn: —Nai nuneg Esaú ñun kata: “¿Ñibe muinukkurriig kugu chib, chumay inrrab arrugu? chib. ¿Ñi merrana yaig ushamerabe muielø kø?” chib payene,
947	GEN 32:19	ñibe øyah chib løtønrrig cha: “Ñun ketamig ñi nai ashib karubig ñi Esaúwein køn cha, iilane ñi maig chiben marøb megabig, tru Jacob, keta trana øran cha, nui ushamerayugurri. Inchagucha nøbe namui wendau arrun” chinrrig— chibig køn.
948	GEN 32:20	Incha tru srøsriigwei wendau ibigwan lata, pøn kønrrabyu ibigwan lata, tru wendau ambubelan møilandøgucha treetø, treetø chinrrai karua pasrig køn. Esaúwan katabe, øyeetøh chinrrigay cha.
962	GEN 33:1	Møimbe Jacob kurraashene, Esaúbe arruptinchibig køn, tru cuatrocientos møguelan pera. Inchen Jacobpe nui ureezheelan kanelane Leai merrab, kanelane Raquelwei merrab, kanelane pagatø nui tru karuig mendig melab ishumburmerai merrab øyamay pirisha merranøbig køn.
965	GEN 33:4	Trune Esaúbe nunewan katønrrab luløb ya, naashiburab ira, muchabig køn. Incha pailøba kishibelø køn.
966	GEN 33:5	Incha møimbe Esaú kurraashabe ishumburmeranba, ureezheelanba ashabe, trenchibig køn: —Iilø ñiba pønrrabeløbe ¿mumeragøh?— cha. Inchene Jacobpe trenchibig køn: —Na, ñi maig chiben marøb megabigwan, iiløbe Tius nan trani ureezheelø køn— cha.
969	GEN 33:8	Inchen Esaúbe trencha payibig køn: —¿Tru na katab arrigu øyeeg nørrø søtø, merrana amrruiløtøgabe nan chi chinrrab treenchigu?— cha. Inchen Jacobpe trenchibig køn: —Ñi nane kan chigucha inchimø, ñuin kabyu tab kui asig kønrrab øyeeg marar— cha.
970	GEN 33:9	Inchene Esaúbe trenchibig køn: —Nai nuneg, nabe tsabøtø tøgaig kur cha. Ñuimbe ñuin kønrrain— cha.
972	GEN 33:11	Na ñun ketamig srua arrigwan ka utørra cha. Tiusbe nane øyeeg nørrø tøgaig kønrrai maren, nabe menrrazhikken tøgagur— cha. Incha Jacobpe utønrrai truba inchen, Esaúbe tru ketiilan ka utabig køn.
973	GEN 33:12	Incha Esaúbe trenchibig køn: —Ambamigwan amun cha. Trube, naba lincha amun— cha.
976	GEN 33:15	Inchen Esaúbe trenchibig køn: —Trube, treeg ka amrrab cha. Inchendø tru naba lincha amrrub møguelan møilan køsrøn ñiba lincha amrrunrrai kørrømartrab— chibig køn. Inchene Jacobpe trenchibig køn: —Truburappe chi isumøta cha. Ñuin kabyu na tab kui asig kuinaig købene, truig mas purø nuig køtan— cha.
977	GEN 33:16	Incha tru kwaløm Esaúbe Seirsrømay inrrab ibig køn.
1013	GEN 35:1	Tiusbe Jacobwane trenchibig køn: —Kurrab, Betelsrø tsunrrab inrrø cha. Trusrømbe, tru ñui nuneg Esaúwan ñi trubab arruben kenamisrøb Tiuswan kan altar kusrunrrig— cha.
1041	GEN 35:29	Inchen Isaacbe yandø larrø kølliizhig, larrø yana øsig tsua, yandø nui israbig luchen, nui nusrkalø Esaúba Jacobpa misra kusra sørøben, nui kølli misaameraba isrønrrab tsumisrøbig køn.
1042	GEN 36:1	Iilø køn tru Esaúweinukkurri amrrub misaamera, tru Edomwei.
1043	GEN 36:2	Esaúbe Canaán ishumburmeraba kasharaig køn. Tru Elon hititai nimbasr tru Adaba katø Aholibamababe Anai nimbasr køben, truibe Zibeón heveowei awela kuig køn.
1045	GEN 36:4	Esaúbe i ureemeran tøgaguig køn: Adababe Elifazwan Basematbabe Reuelwan;
1046	GEN 36:5	Aholibamababe Jeúswan køben, Jalánwan køben, Coréwan køben tøgaguig køn. Iilø kuig køn tru Esaú Canaán pirau tsub uras tøgagui ureemera.
1047	GEN 36:6	Incha Esaúbe nui sralan køben, nusrkalan køben, nui nimbasrmeran køben katø tru nøba lincha warab misaameran køben pera, tru Jacob nui nuneeba tarømisrtrab katøgan paløsrømay ibig køn. Incha ushameran kerriguba katø Canaán pirau nø chi tøgamisriilane chishtøh srua ibig køn.
1048	GEN 36:7	Jacobpa Esaúbabe purø nørrø tøgamisrøptø, pailøba kanbalatøbe waramgaig købig køn. Inchagucha tru nøm waraig pirøbe ushameran mannamig truburab tranmíig køn.
1049	GEN 36:8	Treekkurri Esaú tru Edom taibe Seir pirau tunmeragøba tøgasrø tsunrrab yaig køn.
1050	GEN 36:9	Iilø køn tru Esaúweinukkurri amrrub misaamera: edomitasmerai møskai tru Seir tunmeragøba tøga pirømerasrø warab misaamera.
1051	GEN 36:10	Inchen tru nui nusrkalai munchimerabe iilø køn: Esaúwei srai Adai nusrkai Elifaz køben Esaúwei srai Basematwei nusrkai Reuel købengue.
1053	GEN 36:12	Inchen Timná ka linchatø ishug tru Esaúwei nusrkai Elifazwei kan nusrkai tøgaguig køn, tru Amalecwan. Iiløbe kerriguba Esaúwei srai Adai awelumera kuin køn.
1054	GEN 36:13	Inchen Reuelwei nusrkaløbe iilø kuig køn: Najat køben, Zera køben, Sama køben, Mizá købengue, truiløbe tru Esaúwei srai Basematwei awelumera købig køn.
1055	GEN 36:14	Inchen tru Esaúwei katøgan srai Anai nimbasr tru Sibeónweimbe awela tru Aholibamai nusrkaløbe iilø kuig køn: Jeús køben, Jalán køben, Coré købengue tru Esaúwei nusrkalø.
1056	GEN 36:15	Iilø kuig køn tru Esaúweinukkurri amrrub misaamera, nørreelø nøm asha karubelø, tru Esaúwei mayur nusrkai Elifazwei nusrkalø: Temán køben, Omar køben, Zefo køben, Kenaz køben,
1058	GEN 36:17	Inchen Esaúwei nusrkai tru Reuelwei nusrkaløyu nørreelø nøm asha karubeløbe iilø kuig køn: Najat køben, Zera køben, Sama køben, Mizá købengue. Iilø kuig køn tru Edom pirau Reuelweinukkurri amrrub misaamera nørreelø nøm asha karubelø truiløbe kerriguba, Esaúwei srawei Basematwei awelumera.
1059	GEN 36:18	Inchen tru Anai nimbasr tru Esaúwei srai Aholibamai nusrkalø nørreelø nøm asha karubeløbe iilø kuig køn: Jeús køben, Jalán køben, Coré købengue.
1060	GEN 36:19	Iilø kuig køn tru Esaúweinukkurri amrrub misaamera, katø nune Edomgucha taigwei. Trumørig nømui nørrø misag søtømera købelan nøm asha karubelø.
1078	GEN 36:37	Inchen Samla kwabene, tru nuimburøbe Rejobotsrø Saúl karunrrab nebyaig køn, tru Eufrates pi menda.
1079	GEN 36:38	Inchen Saúl kwabene, tru nuimburøbe Acoborwei nusrkai Baal-Janán karunrrab nebyaig køn.
1081	GEN 36:40	Iilø køn tru Esaúwei karub pønrrab møguelai munchimera, mu møskalø køben, trumørig truilainukkurri amrrubelø, nøm waraigwan nømui munchitøgatøwei wamiilø: Timná køben, Alvá køben, Jetet køben,
1084	GEN 36:43	Magdiel køben, Iram købengue. Iilø kuig køn tru Edom pirau nørreelø nøm asha karubelø, nøm chu waraig pirømerayu, nømui pønrrabigu. Edombe Esaútøwein køn, tru edomitasmerai møskai.
1122	GEN 38:2	Incha trusrømbe kan cananeo Súa taigwei nimbasrwan srain kønrrai kabgucha, truigwan nui srain mara, pailø kibelø køn.
1132	GEN 38:12	Indig yandø yana puraiben, tru Súai nimbasr tru Judáwei sraimbe kwabig køn. Inchen nøbe yandø tru isubig puraiben, Timnat pueblosrømay ibig køn, tru nui ubisha isig parøbelø waraisrømay. Inchen tru adulamita Hira taig tru nun linchibiibe nune lincha ibig køn.
1397	GEN 46:10	Inchen Simeónwei nusrkaløbe Jemuel køben, Jamin køben, Ohad køben, Jaquin køben, Zohar køben, katø kan Canaánsrø ishuwei nusrkai Saúl købengue.
1400	GEN 46:13	Inchen Isacarwei nusrkaløbe iilø kuig køn: Tola køben Fúva køben Job køben, Simrón købengue.
23229	MAT 1:16	Jacobpe Joséwei møskain købig køn. Inchen tru Josébe Maríai keg køben, tru Maríagurri Jesús kal-laig købig køn, tru Cristo taig.
23234	MAT 1:21	Nøbe kan møg-unø tøgagøben, truigwane Jesús munchi pasrtrig chibig køn. Nøbe øyeeg wamig kønrrun chibig køn, kaguende nui misagwan kaig mariiløyugurri wesranrrabig kuimba.—
23238	MAT 1:25	Incha Josébe Marían nui nusrkawan tøgagømnegatig keeba, sraimba lataig nømui asrtøga chi marmuig køn. Incha Josébe unane Jesús munchi pasrøbig køn.
23239	MAT 2:1	Jesúsbe Judea pirau Belén puebloyu kal-labig køn, Herodes tru pirau rey køb uras. Inchen tru uras pørr kal-labgatøsrø kusreb møguelø tru estrellameran ashib kusrebelø Jerusalén puabe,
23261	MAT 2:23	Incha Josébe trusrø puabe, Nazaret pueblosrø tsunrrab ibig køn. Iig øyeeg nebuppe, Tius maig karuigwan eshkab møguelø øyah taig nebunrrain kuig køn: “Jesúsbe nazaretsriig cha wamig kønrrun” taig.
23265	MAT 3:4	Juan kewagúibe camello isiitøga marig købig køn. Inchen nui pørønaibe kaluswan marig køben, nui mamibe nørrø chapullba kaambu mielba købig køn.
23274	MAT 3:13	Jesúsbe Galileasrøngurri Jordán piyumay arrubig køn, tru Juan uninuumay nun piu umbu ulsrønrrai.
23276	MAT 3:15	Inchen Jesúsbe trenchiptinchibig køn: —Møimbatøbe øyamay ka mar cha. Tius tru sølgandø tabig maramigwane nambe kutøgue øyamay maramig køn— cha. Inchen Juanbe ka treeg marøbig køn.
23277	MAT 3:16	Incha Juanbe Jesúswan piu umbu ulsrøben, piyugurri webibig køn. Inchen møimbe srømbalabe kurøptinchen, Jesúsbe Tiuswei Espíritu nuim pala kan paloma lataig kørraarri ashibig køn.
23279	MAT 4:1	Inchen Espíritu Santobe mu misag warab waraimøsrømay Jesúswan pera yaig køn, nugwaimandzig nun kebenøsrkønrrab inchai.
23281	MAT 4:3	Inchen tru kebenøsrkønrrab inchibiibe Jesúswan kemallabe, trenchibig køn: —Isa kømø, tru ñi Tiuswei Nusrkain kuabe, i sruumeran pirri misringaru— cha.
23282	MAT 4:4	Inchen Jesúsbe trencha løtabig køn: —Tiuswei wamwan pørigube trenchibig køn cha: “Møøbe pirrindøgatø øsig tsumøtø, kerrigu Tiuswei wamdøgagucha tsumig køn”— cha.
23283	MAT 4:5	Incha nugwaimandziibe Jesúswan Jerusalén tru Tiusweindø tarømari ciudasrømay srua ya, tru Tiuswei yau purø palasrø pasrabe,
23285	MAT 4:7	Inchen Jesúsbe trenchibig køn: —Katø Tiuswei wamwan pørigube treekkucha chibig køn cha: “Ñui Señor Tiuswane ke chinchibig køtashchab lataikkucha maramig kømøn”— cha.
23286	MAT 4:8	Katøbe nugwaimandziibe kan truba pala tunsrømay srua yabe, yu pirau chutøgucha nørreelø tru nøm ashib karub purrailanba, katø nømui chigurrimbunø tabig tørig tøgagúigwanba kenamarabe,
23288	MAT 4:10	Inchene Jesúsbe trencha løtabig køn: —¡Satanás, møi møi iptsu! cha. Kaguende Tiuswei wamwan pørigube trenchibig køn cha: “Señor ñui Tiuswandø køriibala tabig waminchib, nuyasiitø marøb megamig køn”— cha.
23289	MAT 4:11	Inchen nugwaimandziibe nuinukkurri tarømisren, ángelesmera amrrua, purugubelø køn Jesúswan.
23290	MAT 4:12	Juan Bautistan kailan keeri yau keerin køn taig Jesús wammørabe, Galileamay ibig køn.
23295	MAT 4:17	Trugurrimbunø Jesúsbe eshkab kusrenanøb trenchibig køn: —Kaig mariilan isua møra, Tiusweimay lliray cha. Srømbalasrø Tius nø ashib karub waibe lutau pasran— cha.
23296	MAT 4:18	Jesús Galilea nu pisu mendawan ib pasrøwabe, pa nunelan ashibig køn, kane Simón, truigwane katø Pedrogucha taig, kane Andrés taig. Truiløbe peskabelø kua, nømui atarrayameran piyu keguchib warøben,
23297	MAT 4:19	Jesúsbe trenchiptinchibig køn: —Nai mendig amrruy cha. Nabe ñimune misaameran peskabelø kønrrai maramønrrun— cha.
23299	MAT 4:21	Incha Jesúsbe katøguchi mas ambuurø yabe, katøgan pa nunelø warai ashibig køn, truiløbe Zebedeowei nusrkalø, Santiagoba, Juanba. Nømbe nui møskaimba barcoyu atarrayamera kølsrailan tamarøb purrøbene, Jesúsbe tru nusrkalan wamabig køn.
23300	MAT 4:22	Inchen nømbe tru urastø barconba, nømui møskawanba kørrømarøppa, Jesúswei mendig ambuptinchibelø køn.
23301	MAT 4:23	Jesúsbe Galilea pirau ørøba llirab ibig køn, judíosmera tulundzuni yamørig Tius nø ashib karub pasrainuguig tabig srø wamwan eshkab kusrenanøb. Incha misaameran chi kwanrreelan køben, chi pusrkwailan køben tamarøbig køn.
23302	MAT 4:24	Jesúswane Siria pirausrø kerrigu wammøra kua, mayan kwanrreelan srua amrrubelø køn. Tru chi kwanrrø køben tøgarmeran, katø ni mumayguen tab kømui mørøb inchibelan, tru kwaimandziimera tøgarmeran køben, itønab pesannabig tøgarmeran køben, kønønrrab kaimabelan køben srua amrrubelø køn. Inchen Jesúsbe tamarøbig køn.
23303	MAT 4:25	Inchen misaamera galileasreelø køben, decápolissreelø køben, jerusalénsreelø køben, judeasreelø køben, Jordán pi tru pørr kal-labgatøsreelø køben Jesúswei mendig truba nu ambubelø køn.
23304	MAT 5:1	Incha Jesúsbe misag truba truba nuwan ashabe, kan tun pala nebya wamisren, nui kusrenanøb pera uniilø kemallen,