6	GEN 1:6	Katø Tiusbe trenchibig køn: “Larrø lendiig chiguchagaig kønrrain cha, tru pimeran nuingui, nuingui tarømartrabig tøbøtag pasrønrrai.”
9	GEN 1:9	Katø Tiusbe trenchibig køn: “Srømbalamerai umbu pimera købeløbe kanbalatø misrtrain cha, pur kenamisrtrai.” Inchen treeg kuig køn.
14	GEN 1:14	Tiusbe katø trenchibig køn: “Tru srømbala larrø lendiig chiguchagaigube pilabelø kønrrain cha, kwalømwanba, yemwanba tarømartrabelø, iiløbe chi utømera køben amrrubelan ashib kømig kønrrai, kwalømmerawan, pilamerawan.”
15	GEN 1:15	Incha truiløbe srømbalasrø larrø lendiig chiguchagaigu pilabelø kønrrain cha, pirøwan pilønrrabelø.” Inchen treeg kuig køn.
20	GEN 1:20	Incha Tiusbe trenchibig køn: “Pimerabe chigurrimbunø øsiguelø tøgagøbash cha, katø illimera tru pirøbalawan llirabeløgucha kønrrain cha, tru larrø lendiig chiguchagaigu srømbalamerawan amøñibelø.”
24	GEN 1:24	Incha Tiusbe trenchibig køn: “Pirøbe øsiguelø misringarubash cha, kusreeg ushamera køben, namig ushamera køben, srala ambubelø køben, nøm chimera køppe, treelø kønraingue.” Inchen treeg kuig køn.
28	GEN 1:28	Incha Tiusbe mayanguen tabig nebuilø kønrrigay chib, trenchibig køn: “Srøig larrøbitchabig yellmera tøgagøb, srøitø srøitø larrø nørrø nemisrtrigay cha. Ñimbe pirøwan netsøgana, pirøwane ñim ashib tøga pønrramisra, chinchaingaig ñim ashib karunrrigay cha, maryu piyaumeran, pala amøñib illimeran, katø maya ushamera pirau srala ambubelan købengue.”
29	GEN 1:29	Incha Tiusbe trenchibig køn: “Asay cha, nabe ñimune pirau mamig nigab kauzheelø yellmera tøgartø kønrrai tranar cha. Katø maya tusrmera mamig nigabelø, yell tøgarmera tranar cha, iibe kerriguba ñim mab kømig kønrrai.”
78	GEN 3:22	Incha Jehová Tiusbe trenchibig køn: “Møøbe møimbe kan møig køben nam lataitøwei misra pasramisrin køn cha, tabigwanba, kaigwanba nebua ashibig. Pøs, nui tasigwan larrøbitchain kømøn, chibig køn, tru øsig køm tusryu mamigwangucha nemøra, truigwan ma, managatig øsig kønrrab.”
105	GEN 4:25	Adánbe nui sraimba unø tøgagønrrab pailøba waramisrøbelø køn. Incha Evabe kan nusrkai tøgagua, trunune Set munchi pasrig køn. “Tiusbe nane katøgan nusrkai trandan cha, Cain Abelwan kweetsig købene truburø tøgagønrrai.”
145	GEN 6:7	Incha Jehovábe trenchibig køn: “Misagwan mara pønsrailan chigucha kaanrrai patsøgønrrab cha, misagwan lata, ushameran lata, srala amøñibelan lata, pala amøñib illimeran lata. Karrenguitamab isur cha, øsig kønrrai na mariilan.”
274	GEN 11:7	Inchawei kørraamun chibig køn, nømui wamindi wamwan ni chiwan wamindi møramgaig misrtrai martrab cha, møikkurrindøgucha nømasiitø ni chi tainguen mørtrab kaimanrrai.”
437	GEN 18:12	Inchen Sarabe intsaptinchibig køn, nui umbutø treeg isub: “¡Paare! kan na yan kølliibe, ke trengatikkucha kønrrai indamdiig kønrraitarru cha katø nai kekkucha yan kølligwein køben.”
633	GEN 24:41	Inchen nai yauelø ishug unan tranøg kømuincheneguende ñi nan ¡katø! nabe treeg marmø kømø, maramønrrun taigwane trube, yandø ñibe chi isumikkaig kørrømisrabguen chibig køn.” cha.
636	GEN 24:44	nan øyah cha løtabig truig kønrrain cha: nan ‘muchi’ cha srørrøb, ‘katø ñui camellosmeraingucha pi wesrunrrur’ chibig, truig kønrrain cha, tru nan karub peragøbigwei nusrkawei srain kønrrai Jehová lawa wesruig ishug unø.”
639	GEN 24:47	Inchen nabe “¿Ñibe mui nimbasr kugu?” cha payene, nøbe nane trenchibig køn: “Nabe Betuelwei nimbasr kur cha, tru Nacorweimba Milcaimba nusrkawei.” Inchen nabe nune kan surtigas kimyu mesrøb, kualmerayu pønsraigwan pønsrøb inchibig kur.
735	GEN 27:7	“Incha nø mamigwan ma, Jehováwei merrab mayanguen tabig nebuig kønrrai ñuyasig na Tiuswan mianrrab chitan cha, nø kwamøwatø.”
769	GEN 27:41	Indig truyugurrimbunø Esaúbe Jacobwan purø trømbøig ashig kømui inchibig køn, nui møskai tru mayanguen tabig nebuig kømigwan nun tranikkurri. Incha nøasiitøwei trenchibig køn: “Maya yanayutø namui møskai pinøben, larrø isuin pønrram kwalømmeragucha attrun cha. Yandø trugurrimbe si, pinisamønrrun cha, nai nuneg Jacobwan.”
898	GEN 31:24	Inchen tru yem tru Laban arameowane Tiusbe kan piabyu kenamisra, trenchibig køn: “Isuptø mar cha. Chigøben martrumøn chib tsag, tsag waminchab kømø.”
1491	GEN 49:17	Danbe kan may menda tsub ul lataig køn, tsachippe kwetchab tsachib ul may menda tsubig lataig, kaullin chiñimerayu tsacha, itøguana wabigwan wendømay palasig kebinab kutsingarubig.”
1501	GEN 49:27	Inchen Benjamínbe kan larrø namig lobo lataig køn, løtsøbe nui kemøra mamigwan ma, maabene unchibelan pirishibig.”
23829	MAT 18:33	Pøs ñigucha tru karuindiig ñui lincha megabigwane maindi lastima asambala chibig køn, na ñun lastima ashib lataitøwei.”
23868	MAT 20:7	Inchene nømbe trencha løtabelø køn: “Namune muguen chi maramig tranmøtan” cha. Inchen nøbe trenchibig køn: “Ñimgucha ambay cha, nai uvas ellgwainug kwallchab.”
23900	MAT 21:5	Sion ciudayuelan øyah chib eshkau cha: “Asay chib, ñimui Rey ñimuimay arruppe, chigucha chi nuig kømíig lataig kan burroyu, burro-unøyu itøguana arrun taig, kan carga nigab animal lluig unøyu.”
23965	MAT 22:24	—Kusrennøbig, Moisésbe trendaig køn cha: “Møikkøben kan møg urekkaig kwabene, nuneebe tru piudan kasharam nebunrrun cha, tru nuneg kwabigweimburab ureg kørrømartrab.”
23985	MAT 22:44	Señor Tiusbe tru nai Señorwane trendan cha: “Nai kusrmaygatø wamisr cha, ñui ashig kømui inchib tsalø inchibelan ñi itøbunønrrai ñui srøb umbu na pønsramnegatig.”
24086	MAT 25:9	Inchen tru srusralmera tamara isuatø melabeløbe trencha løtabelø køn: “Kaimaysruandøbe cha. Kaguende ñimui lata namui lata nebunrraamøn cha. Trembe yanøbelaisrø penønrrab ambay chibelø køn, ñimuyasiitøwei.”
24217	MAT 27:19	Inchen Pilatobe nø wamisra karub waigu srø wamnetø, nui sraimbe trenchinrrai eshkawa ørøbig køn: “Ñibe ñuimburappe chigucha marmøta cha, ø møwan sølgandø tabigwane. Kaguende mira yem purø trømbøig nan piaig køn cha, ø møkkurrindø.”
24778	MRK 12:36	Kaguende Davidtøweinguen Espíritu Santo eshkaig trendaig køn cha: Señor Tiusbe tru nai Señorwane trendan cha: “Nai kusrmaygatø wamisr cha, ñui ashig kømui inchib tsalø inchibelan ñi itøbunønrrai ñui srøb umbu na pønsramnegatig.”
24987	LUK 1:25	“Møi i kwalømmerawan Señor nayasig øyeeg tabig martan cha, misaamera kaasiinab megamig kømønrrai martrab.”
25017	LUK 1:55	tru merrabsrø namui kølli misag Abrahamwanba, nuinukkurri karrab misaameranba maig wamindig managatig treeg kønrrai.”
25041	LUK 1:79	purø løstøyu warabelanba, katø kwamitø itøgasraig warabelanba kebilønrrab. Incha ambumay imay tabig amønam maywan ambamig kønrrai martrab.”
25291	LUK 7:27	Juanbe tru Tiuswei wamwan pørigu øyah taig truig køn cha: “Au, nabe nai wam srua inrrabigwan ñui merrab ørar taig, ñui maywan ñui merrab tamartrai.”
25498	LUK 11:24	’Kan trømbøig maringarub kwaimandzig møweinukkurri webippe, chugøben purmerasrø isramig lab uña, yandø wetørranrrab kaimappe, trenchibig køn: “Katø nai yamay inrrab cha, na chugurri webarrua arrinuumaytøwei.”
25684	LUK 15:27	Inchen truibe trenchibig køn cha: “Ñui nuneg puben, ñui møskaimbe tru tsal-lanin toron kweetsingarun cha, kaguen chigucha kømø, tabig ka øsig puben.”
25715	LUK 16:26	Treeg køben katøgucha, namuimba, ñimuimba tøbøtag kan purø trømbø umbu kulli pasran cha. Yugurri ñimuimay ambug kui inchibelø puramrrab kaimabwei, katø ñimuinukkurri namuimay purørrug kui inchibelø kaimabwei inchai.”
25821	LUK 19:21	pøs ñun kørig køben, kaguende ñibe chiwandøgucha chi chippe kandø chibig kuimba; pøs ñi pønsrømubendø, ñi merrarrab; ñibe ñiashib ellgwaig kømubendø, ellmarigwan tulishib, treeg inchibig kuimba.”
26146	JHN 1:33	Inchen nabe katøgucha nune mu kui ashmuig køn cha. Inchen misaameran pitøga pinøbulrrai piu ulsrønrrai nan Karua Ørøbiibe trendaig købig køn cha: “Tru ñi ashen Espíritu Santo nuim pala kørraarrua, pasramisrinabig, truig kønrrun cha, Espíritu Santotøga pinøbulrrabiibe.”
27191	ACT 7:6	Incha Tiusbe trendaig købig køn cha: “Ñuinukkurri karrab misaamerabe peg pirausrø ka ambatø warøben, nømune ka karua srua kuindiig melabelø kømig kønrrun cha, larrø kaig indinab cuatrocientos años ørøba.”
27529	ACT 15:18	Tru Señor iilan marøbig øyeeg tan taig, tru manasrøngurri øyeeg martrab isua tøgaguen waig købigwan.”
27561	ACT 16:9	Indig trusrø Pablobe yem kan piab lataig asig tøgagúig køn. Truyube kan møg Macedonia pirausriig pasramisra trenchib miab pasrai ashibig køn: “Macedoniasrømay larraamø cha, namun purugunrrab.”
28096	ROM 4:6	Davidbe katø treetøwein taig køn: “Maya nuguen tab kuig køn cha, kan møg nui tabig mariiløgurrin kømøtø, Tius ka yandø chi kaig kømíig lataig tabig treeg asha treeg kørrømarinabigweimbe.”
28098	ROM 4:8	Mayanguen tab kuig køn cha, Señor nui kaig marigwan trunun isua ashmøtø, Señor kagøbasinab møøbe.”
28240	ROM 9:17	Pøs Tiuswei wamwan pørigube Faraónwanma Tiusbe trenchibig køn: “Øyeeg martrab ñune rey kønrrai kusraig køn cha, ñi øyeeg inchib pasraigu tru nai maramburab mariilan kenamartrappa, katø nai munchiwan pirø muba kuimburab nan mu kui nebua asig kønrrai martrappa.”
28263	ROM 10:7	Kabe: ‘¿Tru purø umbusrø mu kørrainrrerah?’ cha, tru kwabelø pønrraisrø truilai utugurri Criston nebattrai inchib lataig.”
28277	ROM 10:21	Inchen israelitasmeraimburappe Tiusbe trendaig køn: “Nabe nømun utønrrab nai kwalmeran chu urastøgucha nabe larrøbicha pasraig køn cha, yeeg mørmø misaamera, trurrigu nøm maig isuigwandø martrab inchibelan.”
28498	1CO 3:20	Katø treekkucha chibig køn: “Señorbe ashibig køn cha, tru nørrø kusrebelai isuiløbe chi isumuinguenig isuilø kui.”
28661	1CO 10:26	Kaguende: “Pirøba, truyu chi pønrrabeløbañau kerriguba Señorweindø køn.”
28819	1CO 15:33	Ñimbe chi isa køben sruamrramamøtay. Mugøsrøn chibgunrrig: “Kaig marøbeløba linchib pønrraibe tabelø kuigwan ka mindishibig køn.”
29147	GAL 1:23	Truiløbe øyeegwandøwei wammørøbelø køn: “Tru merrabsrø namun kaig marøb llirab uñibig købiibe, møimbe tru Jesucristoi tabig srø wamwan eshkab kusrenanøb unan taig, tru merrabsrømbe nø pinishinrrab inchib unig købigwan.”
29179	GAL 3:10	Kaguende mayeeløba tru maig maramigwan martrai Moisés pørig, truig maig chibig køben treeg mariitøga trumay kaigyugurri webamrrab inchibeløbe, trømbøig nebuig pønrrønrrai pønsrailø køn. Kaguende treeg pørig pasran: “Mundøgucha trømbøig nebuig pønrrønrrai pønsrailø kønrrun cha, tru maig maramigwan martrai pørin kilgayu maig taigwan marøbig marmeelane.”
29180	GAL 3:11	Inchawei tru maig maramigwan martrai pørig maig chibig køben, treeg mara, Tiuswei merrappe, chi kaig kømeelø lataig muguen tabig kørrømisrmuig kuin kui tørgandø asamdiig køn. Kaguende: “Sølgandø tabig uñibiibe isubigwan Tiusweinuutø pasra tøgagúikkurri øsig uñchun.”
29225	GAL 4:27	Kaguende øyeeg chibig pørig pasran: “Ureg tøgagønrrab kaimab ishug, managuen ureg tøgagømíibe, truba tab kui mørøb kasraarab trashi cha, unø tammisrtrab pusrkwabigwan ñi mana maig kui mørmíibe. Kaguende kan ishug nundø elatsigwei ureebe mas nu køn, keg tøga ishuwei lataguen kømø.”
29238	GAL 5:9	Pøs: “Levaduran kan lamøzhig pusriitø harinawan maya sømarimba kerrigu larrøbig køn.”
29402	EPH 5:31	“Inchawei treekkurri møøbe usri møskawane elacha, sraimba kandø misrtrun. Incha tru pailøbe kan asrtø kønrrun.”
29407	EPH 6:3	yu pirau purø tabig kasraatø tsumig kønrraimba, øsig køllirab tsumig kønrraimba.” (Tru maig maramigwan martrai karua pønsrailøyu iimerrig køn, tabig trannrrab misra kørrømisrigwan utamibañauibe.)
29626	COL 4:17	Ñim Arquipone trenchinrrigay: “Señor ñun chi martrai karua pasrigwane isuptø marøb megau tan cha, maig maramigwan mara kørrømartrab.”
30037	HEB 1:7	Inchen tru ángelesmeraimburappe Tiusbe trenchibig køn: “Nui ángelesmerane kan isig ichibig latailø kønrrai maran cha, katø nuiwan marøb melabelane nag pilabelø latailø kønrraingue.”
30039	HEB 1:9	Sølgandø tabigwane ñibe undaarawa, kaigwane ashig kømui indig køn cha. Incha treekkurri Tius, tru ñui Tiusbe, tru ñui linchibelan lataguen kømø, purab nuig kønrrai mara, ñune aceite srølig køn cha maya nuguen kasraaranrrai.”
30043	HEB 1:13	Tiusbe mø ángelwan køben managuen trendaig kaagøn: “Nai kusrmaygatø wamisr cha, ñun ashig kømui inchib tsalø inchibelan ñi ñui srøbmeran truilaim pala nebuna wamig kønrrai pønsramnegatig.”
30077	HEB 3:15	Inchawei Tiuswei wamwan pøriguma trendan: “Ñim møin kwaløm Tiuswei wamwan mørabe, ñimui manrrømeran mur marmøtay cha, Tius maig taigwan mørøg kømub itøbunab uras lataitøwei.”
30103	HEB 5:6	Katø katøganbaløsrøngucha Tiuswei wamwan pørigu nøbe Criston trendaig køn: “Ñibeguende managatigwei sacerdote køn cha, Melquisedec maig køben, treetøweingue.”
30148	HEB 7:17	Kaguende nuimburappe Tiuswei wamyu øyeegwein chibig køn: “Ñibe managatig sacerdote køn cha, Melquisedec maig køben, treetøweingue.”
30192	HEB 9:20	trenchibig køn: “I anin køn cha, tru acuerdo marigwan yandø treeg marig kørrømisrtrai marøbiibe, ñim martrai Tius nø karua pasrig.”
30305	HEB 12:26	Tru Moisés tsub urassrøma Tiuswei wamdøgabe pirøwane kønøgagutsig kuibe, møimbe øyamay maramønrrun cha kørrømisrig køn: “Nabe katøle pirøwane kønøgagutsamønrrun cha, trurrigu pirøwandø kømøtø, srømbalameranbañau.”
30488	1PE 2:22	“Nøma chigucha chi kaig marmøwei, ni mana kwaløm mungucha may wamincha isømøwei inchibig køn.”
30503	1PE 3:12	Kaguende Señor Tiuswei kabmerabe sølgandø tabelaim pala ashib pasrøben, nui kalumerabe nøba wamindiilan mørtrab muniitø pasrabig køn. Trune Señor Tiusbe kaig marøbelane nømuingatø pasrømøn.”
30755	JUD 1:15	maya misaameran maig kønrrabigwan asha marøb, nøm chu pønrramigwan pønrrønrrai pønsrønrrab, tru larrø kailane nøm kailø kuimaytø larrø kaig mariilan mundøgucha treeg martrab. Katø tru larrø kailø chigurrimbunø mørøbguen møram kaig wamindi wammeratøga nun waminchibelan treeg kørrømartrappa arrun taig køn.”
30773	REV 1:8	Tru Señor Tius, Newan Maramburab Marøbiibe trendan: “Srøsriiba, Srabeibabe na kur cha, Aba, Zetaba latawei, tru møi ya køb, merrabsrø køb, katø attrabig.”
30872	REV 6:11	Inchen nømune kanun kanun kemig puløzheelø tranabe: “Maya yanatø katøguchi ka israb munuguy chibig køn, ñimui nunelø Cristoiwan ñim lataitøwei marøb melabelan treetøwei kweetsiilø nemisramnegatig.”
30890	REV 7:12	trenchibelø køn: “¡Treeg kønrrun! cha. Purø tabig wamindiiba, tørguegwalmabiiba, muguen nebua kusremgaiba, maya nuguen ungwa, ungwa taiba, tabig kui asha tab indiiba, maramburab mariiba, mugucha chindamgaiba, iiløbe managatig namui Tiuswein kønrrain chibelø køn. Treeg kønrrun.”
30908	REV 8:13	Inchen na møimbe ashene, kan wasrø srømbalawan llirab arri mørøbig kur, mur trashib, øyah chib: “¡Ay karrengucha kuita! ¡Ay karrengucha kuita! ¡Ay karrengucha kuita! ¡Pirau warab misag waachameran maig kønrrer! chib, tru katøgan pøngatø ángelesmera trompetan urrøbene.”
30936	REV 10:7	Pøs tru ángel siete kønrrabyuig trompetan urram kwalømmera puben, urrab pølbasrene, Tiuswei chigøben maramig søriilø pønrrabeløbe yandø marig kørrømistrun cha, tru nui marøb melabelø tru nø maig karuigwan eshkabelø maig eshkaig, treeg.”
30971	REV 12:12	Inchawei treekkurri, srømbalameraba, katø kerrigu truyu pønrrabelø chigucha truba kasraaray cha. Inchendø ¡nusiamus, pirau chi øsig købelø lata, marmerayu lata øsigueløbe chincher! cha. Kaguende nugwaimandzig ñimuimay ke ne namig kuin kørrayan cha, nui llirab unamibe yana unamig kømønrrab kuimba.”
31003	REV 14:8	Inchen katøgan ángel tru wendau øyah chib, ibig køn: “¡Babilonia truba truba nuibe yandø penan, yandø penan! chib, truørø tru misag nørrø pønrrabelan kerriguba nui trømbøig marøg købiitø keerøba chinchimmørø indi vinon mutsamne incha, mutsiiranøbig.”
31006	REV 14:11	Tru purø trømbøig kui melønrrai marøb naguishbe managatig nebarrub pasrøben, nømuimbe yem kwaløm pishindø tab purramibe managuen kaagøn, tru trømbøgøligwanba, katø nundøwei asha treezhigwei marigwanba køriibala tabig waminchibelaimba, katø tru nui munchitøga marcarramabelaimba.”
31038	REV 16:15	“Au, nabe kan niliig lataig arrumønrrun. Mayanguen tab kuig køn pesannamø, ashiptø megabigweimbe, nui keigwan tab asha tøgagøb, katø ñi køsaatiig uñen, ñui køsagwan misagasinab, kørig puraimønrrappe.”
31065	REV 18:3	Kaguende misaamera nørrø pønrrabelø mayamba, nø ke chinchimmørø inchib, møgueløba trømbøig maringarub vinon mucha, mutsiirain køn cha. Inchen pirau reymerabe tru ishuuba trømbøig maren, pirau yanøb, penab inchibeløbe puarmera misrin køn cha, tru nun maig marøg køben trømbøig marøb pasrai anmeratøga.”
31086	REV 18:24	Babilonia ciudayube Tius maig karuigwan eshkabelan kweetsiilai aniwanba, Tiuswei misaameran kweetsiilai aniwanba, katø yu pirau mayeelan kweetsiilai aniwanba wetørraig køn.”
31101	REV 19:15	Inchen nui trigugurrimbe kan trøsr espada webarrubig køn, trutøga misaamera nørrø pønrrabelan kørrinchab. “Incha nøbe ashib karuppe, kan tsandzøn pørøtsiitøga karub lataig ashib karunrrun.” Incha katø nøbe tru uvaswan pi wesrunrrab kwarainug kebusra, Tius Newan Maramburab Marøbigwei purø trømbøig namig købiitøga tru uvas piwan wesrunrrab pusøbunønrrun.
31104	REV 19:18	Reymerai yauwan køben, maya suldaumeran ashib pønrrabelai yauwan køben, chiwangucha kørmø kwayam møguelai yauwan køben, kaullimerai yauwan køben, tru itøgwanabelai yauwan køben, mayeelai yauwan, tru karuindiig melabelai yauwan køben, karuindiig melømeelai yauwan køben, kusreb møguelai yauwan køben, katø treeg kømeelaiwan købengue.”
31165	REV 22:16	’Na, Jesúsbe, nai ángelwan iigwan ñimun eshkanrrai ørar tru iglesiamerayasig. David kønrrai tru srøl namerrig pasrabig kua, katø nabe Davidweinukkurrindøwei larrøbicha arrubig kur, tru løtsø tør-rram uras tørguegwalmab estrella.”