94	GEN 4:14	Møi na tsuinukkurri yandø nan weguchen; ñui merrabgurrimbe møimbe trubatø unamønrrun cha, pirø muba kuimburab lliraitø, lliraitø chuguen tsub tsumig chigaikke. Inchen mugøben nan ashibiibe nane kwetchautan— cha.
177	GEN 7:17	Inchen pirau tru pi pulab arrubiibe kwalømmera cuarenta nemisramnegatig pulab iben; pimera pulab menda, tru pimerabe arcane piraugurri pala kusruig køn.
201	GEN 8:17	Incha ushamera tru ñiba purrabelangucha mayamba chishtøh wer chibig køn; maya illimeran køben, ushameran køben, katø pirau srala amøñibelan køben, pirau ørøba truørø amrrain cha; pirau yellmera purø nørrø misrøb purø nu larrøbichib amrrain— cha.
329	GEN 13:10	Inchen Lotbe ashib pasrøwabe, tru Jordan chaabe kerriguba Zoarsrøngatig pizheelø purø tøga pirømera kui ashibig køn. Jehováwei ellmarin tul lata tabzhikke; kabe tru Egipto pirømera lataikke. Tru Jordanbe treeg kuig køn, Jehová Sodoma ciudawanba Gomorra ciudawanba pinishimøwatøbe.
640	GEN 24:48	Incha nabe Jehováwan tabig waminchab tømbønsrøbig kur. Jehováwan mayanguen, tabig køn chib, nan karub tøga pasrabig Abrahamwei Tiuswan, nan tru muba arrum maywan pera arrimburø; tru nø nan karub peragøbig Abrahamwei nusrkawan nui trag yau misagwan srain kønrrai tranen.
693	GEN 25:34	Inchen Jacobpe nuimburappe, pirrin køben, tru lentejas tamari mamiizhigwan køben tranen; truigwan uta mab muchib inchabe, truyugurri kurrab ibig køn. Øyeeg mara, Esaube nø mayur nusrkain kuimburø uta tøgagømigwan chiguen tabig kømui lataig indig købig køn.
696	GEN 26:3	I pirautø ka tsu cha, ka petø purainrrab arruatiig lataitøweingue. Nabe ñiba pasramønrrun cha. Incha nabe ñun mayanguen tabig nebuig kønrrai maramønrrun cha; kaguen ñuinukkurri amrrub misaamerane i pirømeran kerriguh tranamønrrun cha. Øyamay ñui møskai Abrahamwan ¡katø! nabe tru treegwan marmø kømø, martrab taigwane maramønrrun cha.
711	GEN 26:18	Møskai øsig wab urassrø pisumera lalla, wesruilø købigwan, katøle kura wesrubig køn; møskai kwaimbala tru filisteosmera kasra pønsraig købelan. Incha tru pisumerane møskai chi munchi pønsraig købelan tru munchimeratøgatøwein pønsra wamabig køn.
959	GEN 32:31	Incha Jacobpe truyube Peniel cha wamabig køn; kaguen nøbe trendaig køn: “Nabe Tiuswan malaugue ashendø, katøgucha ka øsig pasrainatan” cha.
1045	GEN 36:4	Esaúbe i ureemeran tøgaguig køn: Adababe Elifazwan Basematbabe Reuelwan;
1089	GEN 37:5	Indiibe Josébe kan piji kan piaig tøgagua, nunelan waminchen, trugurrimbe nuneløbe masken tsalø ashibelø køn;
1236	GEN 41:40	Ñi kønrrabig køn cha, nai purø tab yau na mubøraptø nebua karub tøgaguigwan ashib karub wanrrabiibe, nai maya misaamerabe ñi maig chiben møramig kønrrun cha; ñuimbalabe natøh mas nuig kømønrrun cha, kaguende nabe rey kuikkurri.—
1345	GEN 44:20	Inchen nambe ñi namui karubigwane øyeeg cha løtab pønrraig kuig køn cha: “Nambe namui møskai kølli misazhiiba, kan matsinø nuneg-unøba tøgar ker cha, truibe namui møskai kølli misag køben kal-lawaig. Inchagurri tru i srabeigwane møskaimbe purø undaguig køn” cha; kaguendø kan usraindø nusrkain kuikkurri kan nuneebe yandø kwain kaaben, nøtø kørrømisra pasran cha.
1438	GEN 47:17	Inchen egipciosmerabe nømui ushameran srua amrrubelø køn; kaullimera køben, ubishamera køben, cabrasmera køben, burrumera køben, waramera køben. Incha tru ushameraba yunømara, tru pilawan mamiimera tranøbig køn.
1500	GEN 49:26	Ñui møskaimbe tru maya nuguen tabig nebuig kømigwan ñun tranøppe, nai møskalø tru maya nuguen tabig nebuig kømigwan nan trani lataitøguen kømø tranig køn; managatig tru pønrrab tunmerasrøngatig. Tru iig mayanguen tabig nebuig kønrrai traniiløbe, Joséwei turbala kønrrain køn, nui nunelai utugurri tru lawa wesruigweinug.
23215	MAT 1:2	Abrahambe Isaacwei møskain køben; Isaacbe Jacobwei møskain køben; Jacobpe Judába, nui nunelaimba møskain købig køn.
23216	MAT 1:3	Judábe Faresweimba, Zaraimba møskain køben, tru uregwei usrimbe Tamar købig køn. Faresbe Esromwei møskain køben; Esrombe Aramwei møskain købig køn.
23217	MAT 1:4	Arambe Aminadabwei møskain køben; Aminadabpe Naasónwei møskain købig køn. Inchen Naasónbe Salmónwei møskaingue.
23218	MAT 1:5	Salmónbe Boozwei møskain køben, nui usrimbe Rahab købig køn. Boozbe Obedwei møskain køben, nui usrimbe Rut købig køn. Obedbe Isaíwei møskain køben;
23220	MAT 1:7	Salomónbe Roboamwei møskain køben; Roboambe Abíaswei møskain køben; Abíasbe Asaiwei møskain købig køn.
23221	MAT 1:8	Inchen Asabe Josafatwei møskain køben; Josafatbe Joramwei møskain køben; Jorambe Uzíaswei møskain købig køn.
23222	MAT 1:9	Uzíasbe Jotamwei møskain køben; Jotambe Acazwei møskain køben; Acazbe Ezequíaswei møskain købig køn.
23223	MAT 1:10	Ezequíasbe Manaséswei møskain køben; Manasésbe Amonwei møskain køben; Amonbe Josíaswei møskain købig køn.
23225	MAT 1:12	Øyeeg chab srua amben, Jeconíasbe Salatielwei møskain køben; Salatielbe Zorobabelwei møskain køben;
23226	MAT 1:13	Zorobabelbe Abiudwei møskain køben; Abiudbe Eliaquimwei møskain køben; Eliaquimbe Azorwei møskain købig køn.
23227	MAT 1:14	Azorbe Sadocwei møskain køben; Sadocbe Aquimwei møskain købig køn. Inchen Aquimbe Eliudwei møskaingue.
23228	MAT 1:15	Inchen Eliudbe Eleazarwei møskain køben; Eleazarbe Matánwei møskain køben; Matánbe Jacobwei møskain køben;
23382	MAT 6:31	Inchawei øyeeg chib chi isumøtay chibig køn: “¿Chi mamer?” chib; “¿Chi mutsamer?” chib; “¿Chi kemer?” chib.
23423	MAT 8:9	Kaguende nagucha mas nørreelø karuig kur cha. Katø treeg køben na karub tøgagúilø suldaumera tøgagur cha. Truilanma na møigwan køben: “Inrrø” chibene, ib; katø na møigwan køben: “Amø” chibene, arrub; katø nai karuindiig megabigwan chigøben: “Mar” chibene, marøb inchibig køn— cha.
23496	MAT 10:10	katø mayuwei murral ila ammøwei, turingucha yunømaramiba kømøtø, kandø tøga; alpargatiskucha keeta kømøwei; ni pøtønain tsikkucha srua ammøwei inday cha. Kaguende chigøben marøbiibe nui marimburøbe mu chi chinrrainga mamigwane utamig køn cha.
23542	MAT 11:14	Ñim iigwan kørewa utønrrappe; Juanbe Tius maig karuigwan eshkabig Elías attrabig købig, truigwein køn.
23704	MAT 15:2	—¿Ñui kusrenanøb pera uniiløbe namui merrabsreelø trendø treeg marøb tøgagúigwane chindimbarre itøbunabelø køh? cha; pøs mappe, nømbe tasigwan kinømø mabelø køn— cha.
23755	MAT 16:14	Inchene nømbe trencha løtabelø køn: —Møiløbe ‘Juan Bautista køn’ chiben; møiløbe ‘Elías køn’ chiben; møiløbe ‘Jeremías kuinrrun’ tan cha, kabe møikkøben ‘Tius maig karuigwan eshkabig kui’.—
24118	MAT 25:41	’Incha katø atsimay pønrrabelangucha Reybe trenchinrrun cha: “Ñimbe nainukkurri tarømisray cha; kaigyu pønrrønrrai pønsrailøbe, nugwaimandzigweimba, nui ángelesweimba tru managuen kwamø nag tamarig pasrabigumay ambay cha.
24261	MAT 27:63	trenchibelø køn: —Au, namui kubenadur, nambe isua ker cha; tru isa waminchiptiibe øsig uñippatø trendaig køn cha: “Kwawa, pøn kwalømyube katø øsiiramønrrun” cha.
24404	MRK 4:12	nømbe ashippe ashendø, ashmøwa lataig kørrømisrøb; mørøppe mørendø, chi tainguen mørmøwa lataig kørrømisrøb inchain cha. Incha isua møra Tiusweimay lliramøwei, nømui kaig mariilan Tius ulø payamigwan pesannamø, ulø payamig kønrrain kuig køn— cha.
24516	MRK 6:40	Inchen kan søtømørig cienbatø, cienbatø purramisren; kan søtømerabe cincuentabatø, cincuentabatø purramisrøbelø køn.
24597	MRK 8:28	Inchen nømbe trencha løtabelø køn: —Møiløbe Juan Bautista køn chiben; katøganeløbe Elías køn chiben; møiløbe møikkøben Tius maig karuigwan eshkabig kuinrrun tan— cha.
24650	MRK 9:43	Pøs ñui tasig kaig maringarua kaigu ñun kebenøsrkøbene, par, chibig køn. Trembe managatig øsig wamsrø kan tasiitø tøgaig kebyamikken søl kønrrun cha, pa tasig tøgaig tru møra melamnug tru managuen kwamø naasrø kebibgunrriibe;
24654	MRK 9:47	’Kabe ñui kab kaig maringarua kaigu ñun kebenøsrkøbene, trunun wesru, chibig køn. Trembe Tius nø ashib karub wainug kan kaptø tøgaig kebyamikken søl køn cha, pa kab pusraig tru møra melamnug kegutsig købgunrriibe;
24718	MRK 11:9	merrab amrrubelø lata, wendau amrrubelø lata trenchib trashibelø køn: —¡Hosanna! chib; ¡Señor Tiuswei munchiyu nø ørig arrubiibe mayanguen tab kuig køn! chib.
24893	MRK 14:70	Pedrobe katøguen ‘ashmíig kur’ chib isabig køn. Inchen truyu purrabeløbe yanayutø katøguen Pedrone trenchibelø køn: —Isa kømø, ñigucha truilai utuigwein køn cha; kaguende ñibe galileasriig køn— cha.
25150	LUK 4:18	“Señor Tiuswei Espíritube naim pala pasran cha. Kaguende nane waachameran tabig srøigwan eshkanrrai aceite itølusha tarømarig køn cha; merrarraig pønrrabelan ‘Elatsiilø kønrrun’ chinrraimba, katø kabgarwan ashibelø kønrrai martraimba, katø kaig indinab melabelane, amrrai wesrab inchaimba,
25224	LUK 6:9	Inchen Jesúsbe katøganelan trenchibig køn: —Na ñimun payrrab inchar cha: ¿Maig maramigwan martrai Moisés pøriibe isrin kwalømbe chiwan martrain taig køh cha, tabiiteh, kabe kaiteh cha; kwamønrrai indamig køh, kabe kweetsamig kø, chindah?— cha.
25253	LUK 6:38	Katøganelan tranay; ñimungucha tranrrun, talegayu tab unaasig tingandø kørrøguana, pinølusam netsøganig. Kaguende ñim kanelan maig unaasha traniibe, ñimungucha treetøwei unaasha tranrrun— chibig køn.
25272	LUK 7:8	Kaguende nagucha mas nørreelø karua pasrig kur cha. Katø treeg køben na karub tøgagúilø suldaumera tøgaig kur cha. Truilanma na møigwan køben: “Inrrø” chibene, ib; katø na møigwan køben: “Amø” chibene, arrub; katø nai karuindiig megabigwan: “Chigøben mar” chibene, marøb inchibig køn cha. Nøbe trendan— chibelø køn.
25296	LUK 7:32	Kan plazayu ureemera esheerrab purramisra, kangurrin kangurri øyeeg chib trashib purrabelø latailø køn cha: “Nambe ñimuyasig luswan urringucha, ñimbe pailamøwei; cantailø isumdeelø cantaben, ñimbe miirab kishmøwei indan” chibelø latailø.
25324	LUK 8:10	Jesúsbe trenchibig køn: —Tiusbe nø ashib karub wainug mu asiimíig tøgagúilan ñimun ashchai tranan cha. Trune katøganelane ‘øyeeg lataitøwein køn’ chib wamindiiløtøga eshkab waminchar cha, “nømbe ashippe ashendø, ashmøwa lataig kørrømisrøb; mørøppe mørendø, chigúi mørmøwa kørrømisrøb inchain” cha.
25456	LUK 10:24	Kaguende nabe ñimun trendamønrrun cha: Truba nørrø Tius maig karuigwan eshkabelø køben, reymera køben, i ñim asigwan asinrrabna kui inchendø, ashmuig køn cha; i ñim mørigwan mørinrrabna kui inchendø, mørmuig køn— cha.
25563	LUK 12:35	’Ñimbe kewa, tamara, pørønawa, martrab ke muniitø kuy; katø ñimui aceite usri lámparamerangucha piløga kuy;
25689	LUK 15:32	Trune ñui nuneebe kwaig lataig kua, katø øsiirain køn cha; trubig lataig kuigwan, katø wetørrar cha. Treekkurri møimbe fiesta marøb, kasraaramibe søl køn” tan— cha, trenchibig køn Jesúsbe.
25821	LUK 19:21	pøs ñun kørig køben, kaguende ñibe chiwandøgucha chi chippe kandø chibig kuimba; pøs ñi pønsrømubendø, ñi merrarrab; ñibe ñiashib ellgwaig kømubendø, ellmarigwan tulishib, treeg inchibig kuimba.”
25822	LUK 19:22	Inchen nøbe trenchibig køn cha: “Karuindiig megabig larrø kaig, pøs ñi nan øyeeg køn chib, treeg køn taig kuig købene, trube, ñui trig maig wamindiitøgatøwei møimbe ñun trubalawei nebunrrai maig kønrrabigwan marar cha. Nabe chiwandøgucha chi chippe kandø chibig kui ashib, na pønsrømubendø, na merrarrab; na ellgwaig kømubendø, tulishib inchibig kui ashabe,
25904	LUK 21:9	Incha ‘misaamera katøgan peesrø misaameraba purø trømbøig kørig kømdiig kwayab kweetsiyab køn’ chib; ‘misaamera tru piraueløtøwei trømbøig namig kurra kwayab køn’ taig ñim wamindi mørabe, ñimbe kwarmøtay cha. Kaguende iilømerrigwei trendø treeg purainrrabigwein køn cha. Inchendø katøgucha patsamibe ke møi møin kønrraamøn— chibig køn.
26014	LUK 23:10	sacerdotesmeran karubeløba, tru Moisés pørigwan kusrenanøbeløbabe ‘øyeeg køn’ chib; ‘øyeeg marøbig køn’ chib, truiløbe truba truba trenchib truyu purrabelø køn.
26248	JHN 4:23	Pøs treeg maram kwalømbe punrrun cha; Inchen truibe møiweinguen pubguen indan cha, tru cierton køriibala tabig waminchibelø Møskawan køriibala tabig wamindamig espíritutøga, cierton isua. Pøs Møskaimbe køriibala tabig waminchibelø øyamay marøbelan lan cha.
26404	JHN 7:7	Yu piraueløbe ñimune chi tsalinchab kaimanrrun cha. Trune nane tsalinndan chibig køn; kaguende nøm marøb kuigwan kaig køn cha, na eshkaben.
26513	JHN 9:4	Kwaløm købenbatø nan karua ørøbigwei maramigwan nambe marmø kømø, maramigwein køn cha; kaguende yembe attrun cha, mugucha maramgaikke.
26548	JHN 9:39	Inchen Jesúsbe trenchibig køn: —Nabe yu piraumay arruppe, maig kønrrabigwan asha martrab arrig køn cha, ashmeeløbe ashibelø misrtrai; Inchen ashibeløbe ashmeelø misrtrain— cha.
26743	JHN 14:6	Inchene Jesúsbe trenchibig køn: —Nabe may køb; tru newan ciertonig køb; katø øsig kømig køb kur cha. Inchawei Møskaweimaybe nagurrin kømíibe mugucha attraamøn cha.
26812	JHN 16:17	Inchen møiløgøsrøn nui kusrenanøb pera uniiløbe nømdø kangurrin kangurri payibelø køn: —¿Øyeeg chippe, mandø terah? cha: “Maya yanayutø ñimbe nane yandø ashmønrrun chib; katø yana kømøwatø ñimbe nane katø ashchun chib. Kaguende nabe nai Møskai waisrømay inrrainchar” chib.
27103	ACT 4:12	’Pøs nam kaigyugurri wesrailø kømibe mu katøgan pegwei munchiyube chi kaagøn cha; kaguende kaigyugurri wesramigwane yu piraube mungucha treeg martrai tranig kaagøn— chibig køn.
27610	ACT 17:18	Inchen nørrø kusreb møguelø, tru filósofos “epicúreosmera” tailø, nømui nørrø isuigu asrwan ka tab kønrrai marøb tøgagúinuutø tabig køn chibeløba, katø tru filósofos “estoicosmera” tailø nørrø isuigwan kusrebeløba ‘iibe øyeeg køn’ chib; ‘iibe øyamay køn’ chib, Pabloba waminchibelø køn. Inchabe kan utueløbe trenchibelø køn: —¿I møg ya wamdø nigaibe namune chi wamincherah?— cha. Inchen kaneløbe: —Katøgan peg pirausrø tiusmeraiwan eshkab kusrennøbig køb asønan— chibelø køn, kaguende Pablobe Jesúswei tru tabig srø wamwanba, kwawa katø øsiiraigwanba eshkab kusrenanen.
27635	ACT 18:9	Inchen Señorbe Pablon yem kan piab lataigu trenchibig køn: —Kørig kui inchimøta cha; waminchibig waminchi cha; ka købashiptinchimøtø.
27880	ACT 25:16	Inchen nabe nømune trencha løtig købig køn cha: “Tru ‘øyeeg kaig mara pasran’ tainabig; tru ‘ñi øyeeg maraweim pasrømøtirru’ chibelø nui malaugue trenchib amrruben, ‘øyeeg kømuig køn’ chib; ‘øyeeg mara pasrømur’ chib nøashib waminchimøwatøbe, romanosmerabe mu møwangucha mana treebe marmeelø køn” cha.
27945	ACT 27:22	Treeg kuindøgucha tru isuptø chi kullaaramugun chinrrab inchar cha; kaguende barcobe chab pinindøgucha, ñimbe møikkucha kwanrraamøn cha.
28241	ROM 9:18	Inchawei Tiusbe mun lastima ashig køben, truigwan lastima ashib; møigwei manrrøwan køben murig marøg købene, murig marøb inchibig køn.
28321	ROM 12:8	Katøganelan øyamay maramdiig køn chib waminchibig kømigwan uta tøgaibe, øyamay maramdiig køn chib waminchi. Chigøben palai melabelan tranøbiibe, merøbala kømø, treeg tranøb; chi maramigwan nø pera marøb pasramigwan uta tøgaibe, trunun martrab isua pera marøb; lastima ashibig kømigwan uta tøgaibe, larrø tab kui kasraatø marøb; treeg maramig køn.
28327	ROM 12:14	Ñimun kaig marøbelane ‘chigøben trømbøig nebubash’ chib, treeg inchimøtø; ‘mayanguen tabig nebunrrun’ chib, treeg indamig køn.
28328	ROM 12:15	Kasraatø purrøbene, tru kasraatø purrabeløba lata kasraarab; kishib purrøbene, tru kishib purrabeløba lata kishib inday.
28341	ROM 13:7	Pøs mønundøgucha ñim maig pagaramigwan trunun treeg pagaramig køn: chi tøgagúimburø chi pagaramigwane trunun pagarab; yanøb, penab indimburø pagaramigwane treeburø pagaramig køn. Inchen tab inchib tøgagømelane tab inchib; maig købash inchimumelane tab inday.
28356	ROM 14:8	Pøs nambe øsig warappe, Señorweyasig øsig warab; kwamig nebubene, Señorweyasig kwamig kønrrun. Inchawei øsig waramig nebui lata, kwamig nebui lata, nambe Señorweyelø ker.
28500	1CO 3:22	na Pablo lata, Apolos lata, Pedro lata; iig waraig pirø lata, øsig kømig lata, kwamig lata, møin kwaløm lata, katø wendø attrabig lata; pøs ñimuiwein køn kerriguba.
28565	1CO 7:10	Inchen kasharawarmerane iigwan karua pasrar; na karua pasrig kømøtø, Señor nø karua pasrig køn: Sraimbe kewane kuchimumig køn cha.
28764	1CO 14:18	Nabe Tiuswan ‘mayanguen ungwa, ungwa’ char; kaguende nabe peg wammera mas yamguen waminchibig kur, ñim mayeelø lataitøguen kømø.
28931	2CO 4:4	Kaguende tru møin kwaløm yu pirau tius, tru nugwaimandziibe, tru chi køremeelane nøm chigúi møramig isubig tøgagúigwane chigúi mørmeelø kønrrai kasra pasrin køn, tru Cristoi tørguegwalmabigwei tabig srø wam tørbilabigwan nøm nebua ashmønrrai; tru Cristobe Tius maig køben, truig køn.
28962	2CO 5:17	Inchawei møikkøben Cristoinug pasrabiibe, yandø nøbe kerrigu srøig køn; merrabiibe yandø chab puraiben, møimbe yandø kerrigu srøig marig peemayig køn.
29055	2CO 10:16	Tiuswei tru tabig srø wamwan ñim corintoelainukkurri mas yabsrønguen eshkab kusrenanig kønrrai; peenug katøganelø kebamba marinug trusrø nam kebuna møg inchib waminchib pønrrømønrrab.
29271	GAL 6:16	Tru iig maig karuigwan treeg amøñibelane tru chi isumgaig tab købiiba, lastima asiiba, nømuim pala kønrrai inchar; katø tru cierton mayeelø Tiuswei israelitasmeraim palagucha.
29389	EPH 5:18	Vino mucha; mutsiiramøtay. Truibe chugatig kaig marøg køben kaig martrai srua ibig køn. Masken treeg kømøtø, Espíritu Santotø netsailø kømig køn.
29574	COL 2:13	Tru ñimui chigurrimbunø kaig mariiløyuba, ñimuinug trendø trømbøig marøg kui inchib pasrabigwan kerrab tru asru circuncisiónwan marøb lataitøwei chi mariimeelø ñim kwailø srø købenbatøwei, Tiusbe Cristoba kanbalatø øsig kømigwan ñimune tranig køn; namui kaig mariilan ulø paymø, kerriguwan pesannab.
29619	COL 4:10	Aristarco, tru kailan keeri yau naba lincha pasrabikkucha, ñimun ‘tab ka amøñigueh’ tan; katø Marcos Bernabéwei lenunekkucha. (Marcosweimburab na maig martrai eshkaigwan ñimbe wammøra kuinrrun, ñimuisrømay ibene, tab utønrrigay.)
29706	1TH 5:18	chi pub arrindøgucha, Tiuswane ‘ungwa, ungwa’ tamig køn; kaguende Tiusbe ñim øyeeg marøbelø kønrraiwei isua køn, Cristo Jesúskurri.
29757	2TH 3:12	Treeg inchib misaamerane nambe Señor Jesucristoi munchiyu marmø kømø, martrai karua pasrer, maig maramigwan treeg marøb melønrrain cha, nambe nømun waminder: warappe, nømuiwan marøb wasrøndaa marøb kuy cha; mappe, nømuiwan manrrab.
29760	2TH 3:15	Inchendø kaig kønmab ashiptø ashig kømui inchib treeg inchib tøgagømøtø, nuneg kui ashabe, ‘ashiptø megau cha; øyeebe marmumig køn’ chib, eshkab wamindamig køn.
29913	2TI 2:19	Inchendø treeg kuingucha, Tius purø may tamara pølbasra pasriibe muguen kønøgamgaig pasran. Truyube øyeeg chibig pørig tøgaig: “Señorbe møiløtø nuielø kuigwan ashibig køn” chibiiba; katø: “Møitøgucha ‘Señorwei munchiyu uñibig kur’ chib waminchibiibe kaig marigugurri tarømisramig køn” chibiiba.
29990	TIT 2:15	Ñibe iilan waminchig ‘øyeeg, øyeeg marøb kømig køn’ chib; ‘øyeeg maramibe kalø køn chib; marmøtay’ chib. Waminchippe, mu mandamgaig waminchig; ñun mu kaashib kønrrain kømøtøgue.
30035	HEB 1:5	Pøs Tiusbe kan mø ángelwan køben managuen øyeebe chimuig køn: “Ñibe nai Nusrkain køn cha; nabe møi ñui Møskai misrar” cha. Katø mø ángelwangucha øyeeg chimuig køn: “Nabe nui Møskain køben, nøgurrimbe nai Nusrkain kønrrun” cha.
30093	HEB 4:12	Pøs kaguende Tiuswei wambe øsiguig kømba, ka pasrømø, marøb pasrabig kømba, treeg køn. Kan espada pinrrøba katsig lataitøguen kømø, purø trøsrig lataikke, namui møsiiba, namui espírituba pønrraisrøngatig kebibig køn; namui asru kønabimørig, tsutsigu tutanumerasrønguen kelarrabgue. Incha chitø isua tøgagúilanba, katø manrrau chitø, chitø martrab isua tøgagúilanba tørgandø kelarrab kenamara pønsrøbig køn.
30158	HEB 7:27	Tru katøganelø maya sacerdotesmeran nøm karub sacerdotesmera pønrrabeløbe møitøgucha nømui kaig mariilaimburabigwanmerrig trana, trugurrimbe tru maya misagweyasig kaig marimburø kwalømmørig animalmera kweecha, Tiuswan tranøb pasramig, nøm lata Cristobe treeg maramig palain kømøn; kaguende nøbe nøasiitøwei tranøppe, kan pijitø managatigweyasig tranig køn.
30362	JAS 2:2	Ñim tulundzuna purrøbenma, kan truba pua møg oro surtigastiig, truba tabig keweig pubene, truba tabzhig wamab, ñimbe trenchinrrun: “Yu katøguchi tab wamdønug warra” cha. Inchen trunetø katøgan, kwa waacha, truba shautøzhig chilliguig keweig pubene, ñimbe trunune trenchinrrun: “Ñibe øsrøndø, ka pasrau” cha; kabe: “Uyu pirau wamisr” cha.
30386	JAS 2:26	Kan asrma chi espíritugaibe kwaig køn; katø treetøwei isubigwan Jesucristoinuutø pasra tøgagøppe, tøgagøbendø, chi tabig mariilø chigaibe kwaitøwein køn.
30413	JAS 4:9	¡Ñimbe truba isui inchib, chindimbarre nambe øyeeg kailø kermab truba isub, katø kishib inday! Ñimbe indzabgunrriibe kishib; kasraarabgunrriibe truba isui inday.
30430	JAS 5:9	Nai nunelø, kangurrin kangurri chigøben ‘øyan køtan’ chib; ‘treeg inndan’ chib, waminchimøtay, ñimun marigwan asha, kaigyu kørrømara pønsrainab pønrrømønrrappe. ¡Au! Tru ñimun maig maramigwan asha martrabiibe yandø yaskabuguen pasran.
30457	1PE 1:16	Inchawei nui wamwan pøriiløyuma Tiusbe trenchibig køn: “Ñimbe newan tabelø kuy cha; nama newan tabig kur” cha.
30495	1PE 3:4	Treeg kømøtø, ñimui manrrau kønrrai inday; mana patsab minchabgaig, larrø kørrøtiig kuiguba, larrø tammayig kuiguba kønrrai. Inchen øyeebe si, Tiuswein kabyube purø tabzhig kui asig køn.
30608	1JN 1:1	Nambe ñimun iigwan pørøppe, tru srøsrøgurri købigwan tru nam mørigwan, namashib namui kaptøga asigwan; maig køtashchab nam tab asigwan, namui tasiimeratøga katørab indigwan, tru Øsig køm wamweimburab pører.
30781	REV 1:16	Nui kusrmay taskube estrellamera siete sruaig, nui trigugurrimbe kan espada pinrrøba purø trøsrig tøgaig webarrubig køn; nui maløbe nøsig tør køptø pilamburab pilab lataikke.
30837	REV 4:1	Øyeelø chab puraiben, na ashene, kan yaskab srømbalasrø kurig pasraptinchibig køn. Inchen kan wam trompeta wanrrøb lataig srøtø tru na møriibe nan øyah waminchib trenchibig køn: —Yusrø nebamø cha; iilai wendau purainrrabigwan na ñun kenamartrumøn— cha.
30844	REV 4:8	Inchen tru pibgatø øsigueløbe møitøgucha kwaldzariimera seisbatø tøgar, truiløbe wambiimay, umbumay kabmeratø netseelø, yem kwaløm øyah tamigwane pinømø, trenchibelø køn: “Newan tabig, newan tabig, newan tabig Señor Tius Newan Maramburab Marøbig; tru købig, møi ya wabig, tru attrabig” chib.