48	GEN 2:17	Inchendø tru tabigwanba, kaigwanba nebua asamburab asam tusryu mamigwane manrrab kømø cha, kaguende tru tusryuigwan ñi mab kwalømbe isa kømø, ñibe kwanrrabguen— cha.
49	GEN 2:18	Incha trugurrimbe Jehová Tiusbe trenchibig køn: —Møg nøtø unamiibe chi tab kømøn cha, nun purugunrrabig nø maig palain køben, treegwan martrab— cha.
54	GEN 2:23	Inchen møøbe trenchibig køn: —Iibe sí, nain tsutsigugurrin tsutsig køb, katø nai asryugurri asr køb indan cha. “Ishug misag” cha wamig kønrrun chibig køn, kaguende nøbe møweinukkurri wesraig køn— cha.
66	GEN 3:10	Inchene møøbe trenchibig køn: —Tru ellmarin tulyu ñi llirab arri nabe mørøptindinaben, nane truba kørig køtan cha, kaguende nabe køsaatiig købrain købtinchen, treekkurri nabe trubar— cha.
68	GEN 3:12	Inchen møøbe trenchibig køn: —Tru ñi nan lincha pera uñchai trani ishug tru tusryu mamigwan nan srørren, nabe mar— cha.
69	GEN 3:13	Inchene Jehová Tiusbe ishuwane trenchibig køn: —¿Øyeebe chi margu?— cha —Tru ul nan purø may wamincha isøben, nabe mar cha— trenchibig køn.
71	GEN 3:15	Incha ishuuba ñibabe larrø ashig kømuindiyabelø kønrrai maramønrrun cha, ñuinukkurri amrrubeløba, katø ishuweinukkurri amrrubeløba. Incha tru ishug misagweinukkurri srøig srøig kurrab arrubiguig ñune turwan pusøbunøben, ñibe nune talunyu tsatchun— cha.
72	GEN 3:16	Incha ishuwane trenchibig køn: —Ñune unø tøgamisrøbyu pusrkwabigwan masken trømbøig pusrkwanrrai nemaramønrrun cha. Purø trømbøig pusrkwai incha, ñui ureemeran tøgamisrtrabguen cha. Inchen ñi ureg tøgagukkøb chull isuibe ñui kewein køben, ñui keebe ñune nø karub nø ashchabig køn— cha.
75	GEN 3:19	Ñibe pøsra, pøsra mara mamig tøgagønrrig cha, ñi katøle pirøtøwei misramnegatikke, kaguendø ñibe pirøtøga mara pasrig køn cha. Ñibe pirø usrø kuig køppe, katø ñibe usrøtøwei misrtrabig køn— cha.
87	GEN 4:7	Ñi sølwan isua marig kuimbe, ñibe utsøbasrmø kurraasha pasrabsruinrrun cha. Inchendø ñi sølwan isua marmuikkurrimbeh, kaigwan matrai inchabiibe ñun megambunrrab ¡katø! muniitø pasran cha. Inchen køben ñibe tru kaig marmumigwane ñi kananrrabguen— cha.
88	GEN 4:8	Cainbe nui nuneg Abelwane trenchibig køn: —Chugøben lliranrrab amun— cha. Indig yandø tru llirab amønaisrømbe Cainbe nui nuneg Abelwan namappe, kweechibig køn.
92	GEN 4:12	Pirøwan kwallib megaingucha, yandø mamig misrmønrrabig køn cha. Inchen ñibe piraube punø panrrø, punø panrrø ka lliraitø, lliraitø chuguen tsub tsumibe chigaig kønrrabguen— cha.
94	GEN 4:14	Møi na tsuinukkurri yandø nan weguchen; ñui merrabgurrimbe møimbe trubatø unamønrrun cha, pirø muba kuimburab lliraitø, lliraitø chuguen tsub tsumig chigaikke. Inchen mugøben nan ashibiibe nane kwetchautan— cha.
95	GEN 4:15	Inchene Jehovábe trenchibig køn: —Møikkøben Cainwan kweechibiibe siete pijisken purab trømbøig nebuin pasrønrrun— cha. Incha Jehovábe Cainwane kan siñal asamdiig tøgaig kønrrai marøbig køn, mugøben ashagucha, nune kweechimønrrai.
201	GEN 8:17	Incha ushamera tru ñiba purrabelangucha mayamba chishtøh wer chibig køn; maya illimeran køben, ushameran køben, katø pirau srala amøñibelan køben, pirau ørøba truørø amrrain cha; pirau yellmera purø nørrø misrøb purø nu larrøbichib amrrain— cha.
217	GEN 9:11	Nabe ñimba øyamay kønrrai martrab cha pasramønrrun cha, nabe kerrigu øsig warabelan pi pulab arrubiitøgabe katølebe chishtø pinishinrrab kømur cha. Ni katø pirøwan pinishinrrab pi pulab attrabig katølebe chigaanrrabig køn— cha.
222	GEN 9:16	Inchawei køshømbøtø wañiyu kenamisrimørig maya misaameraba, katø i pirau kerrigu øsig købeløba tru na managatig øyamay kønrrai martrab cha pasrigwan isumønrrun— chibig køn.
223	GEN 9:17	Incha Noéwan trendaig køn: —Maya misaameraba, pirau chigøben øsig købeløba tru na øyamay kønrrai martrab cha pasrigwan treeg kuitamab asamiibe, iig køn— cha.
302	GEN 12:3	Nabe ñun mayanguen tabig nebuig kønrrai marøbelane, nømungucha mayanguen tabig nebuilø kønrrai maramønrrun cha. Ñun trømbøig nebunrrai marøbelane, nømungucha trømbøig nebuilø kønrrai maramønrrun cha. Incha pirau chi misaamera køben pirø muba kuimburab warabeløbe ñuinug mayanguen tabig nebuilø kønrrai mariilø kønrrun— chibig køn.
306	GEN 12:7	Inchen Jehovábe Abramwan kenamisrabe trenchibig køn: —Ñuinukkurri amrrub misaameran nabe truilan i pirøwan trananmønrrun— cha. Inchen Abrambe kan altar kusrabig køn tru Jehová nun kenamisrøbigweyasig.
328	GEN 13:9	¿Pirøbe asimburab kerriguba ñui merrab pasrømuitarru? cha. Tiusmanda nainukkurri tarømisrtra cha, ñi atsimay ibene, nabe kursmay yamønrrun cha, ñi kusrmay ibene, nabe atsimay inrrur— cha.
336	GEN 13:17	Kurra, tru pirø yammay maya yab kuigwanba, lendømay mayan kuigwanba llirab inrrø chibig køn, kaguende nabe ñun tranamig køn— cha.
358	GEN 14:21	Inchene tru Sodomasrø reybe Abramwane trenchibig køn: —Misaamerane nan trannrra cha, chigurrimbunø købigwane ñi tøga kørrømisrtrig— cha.
361	GEN 14:24	Tru na pera pasraig møguelø mab mutsigwandø srørri maig kørrømistrain cha. Inchen tru naba amrrub møguelø Anerba, Escolba, Mamreba truiløbe si, nømuimburappe ka utønrrun— chibig kø n.
362	GEN 15:1	Inchen øyeelø chab puraiben, kan piab lataigu Jehováweinukkurri wam Abramwan trenchibig køn: —Abram, chi kørig kui inchimøta cha. Nabe ñun chi kømønrrai ashib tøga pasrabig truig kur cha. Ñun tranamibe purø nuig kønrrabig køn— cha.
364	GEN 15:3	Incha katø Abrambe trenchibig køn: —Ñi nan kan nusrkai tranmuig købene, kan nai yautøwei kal-lawei nai kan karuindiig mendig megabig, truig nai chi tøgaguilan ketig utønrrabig køn— cha.
365	GEN 15:4	Inchen katø Jehovaweinukkurri wam trenchibig køn: —Ñui chi købigwane truig ashchabig kømøtø, truilane ñui nusrkai utønrrabig køn— cha.
366	GEN 15:5	Incha wambiisrø pera yabe, trenchibig køn: —¡Au! srømbalaneb nesh cha, kønchabiimeran mundamdø køtamørtrig— cha. Incha katø trenchibig køn: —Ñuinukkurri katøburø ureemerabe øyeetøwein kønrrun— cha.
370	GEN 15:9	Inchene Jehovábe trenchibig køn: —Kan ishug waara-unøzhig pøn pilaiba, kan cabra pøn pilaiba, kan carnero pøn pilaiba, katø kan palomaba, kan paloma-unøzhiiba srua amø— cha.
384	GEN 16:2	Saraibe Abramwane trenchibig køn: —Nane Jehovábe ureg chigaig kønrrai treeg martan cha. Inchendø tiusmanda tru namui karuindiig megabig tru Agarwan pera, ki chibig køn. Inchippa truikkurri na ureg tøgaguinabgun— cha. Inchen Abrambe Sarai taigwan mørøbig køn.
388	GEN 16:6	Inchen Abrambe Saraiwane trenchibig køn: —Ñui ka karuindiig megabiibe ñuin tasku køn cha. Ñun maig marøg køben, treeg mar— chibig køn. Inchen Saraibe kaig inchib mendøben, Agarbe welula yam nebuig køn.
390	GEN 16:8	Inchabe payibig køn: —Agar, Saraiwei ka karuindiig megabig, ¿Chugurri arrugu? cha. ¿Chumay inrrab inchigu?— cha. Inchene nøbe trenchibig køn: —Nan karub pera købig Saraiwan nabe trubab welula arrur— cha.
391	GEN 16:9	Inchen ángelbe trenchibig køn: —Ñui karub pera købigweimay katøle llirawa ya, tammay mur kurrashmø, nø maig chiben nui tasku treeg mørøb megau— cha.
394	GEN 16:12	Nøbe muguen kemalamgaig kønrrabig køn cha, kan kaambu mula-unø lataig. Incha nøbe mayeelan kwayam lanrrabig køben, katø nungurringucha mayeelø kwayam lanrrun chibig køn. Inchen nøbe nunelan, ka kwayam laptø, kwayam laptø tsunrrun— cha.
395	GEN 16:13	Incha Agarbe Jehovába wamindig køppe, nøbe nune trencha wamabig køn: —Ñibe tru nan ashib wab Tius køn— cha. Kaguen Agarbe trenchibig køn: “Øsig Wab, katø Nan Ashibigwan nabe ashar” cha.
400	GEN 17:2	Nabe ñiba øyamay kønrrai martrab cha kørrømarøb, katø ñui misaamera larrø nørrø larrøbitchai marøb indamønrrun— cha.
406	GEN 17:8	Ñunba, ñuinukkurri amrrub misaameranba tru ñi ka arruatiig tsuin pirøwan tranamønrrun cha, Canaán pirøwan muba kuimburab managatig tøgagønrrai. Inchen nabe pasrabig pasrøwa, managatig nømuyasig Tius kømønrrun— chibig køn.
414	GEN 17:16	Nabe nune mayanguen tabig nebuig kønrrai maren, nøbe ñui kan nusrkai tøgagønrrun cha. Nabe mayanguen tabig nebuig kønrrai maren, nøbe nørrø søtø misaamerai usrin kønrrabig køben, katø nuinukkurrimbe misag søtømerai reymera werrunrrun— chibig køn.
416	GEN 17:18	Inchene Abrahambe Tiuswan trenchibig køn: —Ñi treeg martrab cha kørrømisrigu Ismael truigwane nø tøga pasrønrrai tranø— cha.
430	GEN 18:5	Na ñi maig chiben purugunrraptøwei wabigwei yaburab puramrrab amrruig købene, nabe lamø mamig manrrai sruaarrumønrrun chibig køn, ñimui ambamigwan chishtø ambamdø kønrrai.— Inchen nømbe trenchibelø køn: —Ñi maig taigwan mar— cha.
431	GEN 18:6	Inchen Abrahambe tru Sara waig carpa yausrømay kørinatø lulabe, trenchibig køn: —Petøzhiitø purø tab harinawan arroba y media menrra, nemøra, harinawan masawa, trutøga pirrimera naarrøsryu kar— cha.
434	GEN 18:9	truiløbe payibelø køn: —¿Ñui srai Sarabe chu wah?— cha. Inchen Abrahambe: —Yu carpa yau wainrrun— chiben,
435	GEN 18:10	kan møig køsrønbe trenchibig køn: Nabe katø pila katø øyan kwalømmerawandøwei arrumønrrun cha. ¡Au! Tru urasbe Sara ñui sraimbe kan nusrkai tøgagønrrun— chibig køn. Inchen Sarabe, nømui wendau, tru carpa yau kebambi yaskabu tru wamindigwan mørøb pasrabig køn.
439	GEN 18:14	¿Kabe Jehováweingan kaimamdiig chi købig kuitarru? cha. Inchawei katø pila arrubigu tru chu ura treeg kønrrun taiguh, na katø ashchab arrubene, tru urasbe Sarabe kan nusrkai tøgaguen wanrrun— chibig køn.
440	GEN 18:15	Inchen Sarabe kwaarøppa, trenchib isabig køn: —Nabe intsømuig køn— cha. Inchene Jehovábe trenchibig køn: —Ñibe intsabwei indig køn— cha.
446	GEN 18:21	Møimbe na kørraarrumønrrun cha, tru nøm øyeeg, øyeeg køtan chib trashib melaig nainug pubig isa kømøtø, treeg købwei indiitashchab. Treeg kuin kuisruandøbe, trube, na asamønrrun— cha.
451	GEN 18:26	Inchene Jehovábe trencha løtabig køn: —Sodoma ciudayu cincuenta sølgandø tabigwan marøbelø wetørrappe, truilan isua, truyube chinchimø, kagøbasamønrrun— cha.
454	GEN 18:29	Inchen Abrahambe katøgucha: —¿Inchippa cuarenta wetørrappe?— chiben, Jehovábe trenchibig køn: —Tru cuarenteelan isua, chinchimumønrrun— cha.
455	GEN 18:30	Inchen Abrahambe katøgucha payibig køn: —Nai Señor, na øyeeg chiben namømørrunrrig cha. ¿Inchippa truyu treinta wetørrabeneh?— cha. —Tru treinteelan isua, kagøbasamønrrun— chibig køn Jehovábe.
456	GEN 18:31	Inchen Abrahambe katøgucha: —Nabe nai Señorwan ke menrra indinatan cha, ¿truyu veinte wetørraimbe maig købsruerah?— chiben, —Veinteelan isua, nabe pinishimumønrrun— chibig køn.
457	GEN 18:32	Incha katøle Abrahambe trenchibig køn: —¡Nai Señor, nan namømørrunrrig cha, i piejindøh na ñun katølø trenchibashibsrumuguh cha: ¿Inchippa truyu pa trattrø wetørraimbeh?— cha. Inchene Jehovábe trenchibig køn: —Tru pa trattrøn isuptø, pinishimumønrrun— cha.
460	GEN 19:2	Inchabe trenchibig køn: —Nai kasukumera, na ñui karui megabigwei yausrø kørrømisrtrab amrrurray cha. Incha ñimui katsiimeran kwallchigay cha. Incha srønabe løtsø kurra ñimui ambamigwan amrrigay— cha. Inchen nømbe trenchibelø køn: —Kah cha, møi yembe nambe yu umbu puinuutø, ka kørrømisrtrab ker— cha.
463	GEN 19:5	Incha Lotwane trenchib trashibelø køn: —Tru ñui yau kinrrab amrrub møgueløbe chu purra? chib. ¡Wambig webetay! chib. Nambe nømba ishumburmeraba lataitøwei marøg kuin pønrrer— chib.
466	GEN 19:8	Nabe pagatø nimbasrmera tøgaig kur cha, managuen kan mu møøba kimeelø. Nabe truilane wertrur chibig køn, ñim truilan maig marøg køben martrigay cha. I møguelane chigucha treebe marmørrunrrigay chibig køn. Kaguende truiløbe nai yaambu mugøben kaig martrab inchib kønrrain kømøtø, na ashib tøgaguilø purran— cha.
467	GEN 19:9	Inchene nømbe trenchib løtabelø køn: —¡Yugurrimbe mendatsu!— cha. Inchabe treekkucha chibelø køn: —Ya peesriig namui utu ka tsunrrab arruatiig købendø, ¡paare! ¿namune maig maramigwan ke ñi asha karunrrab indirru? cha. Møimbe truilan lataguen kømø, ñune purø trømbøikken martrumøn— chibelø køn. Inchabe Lotwan melambua, yaskabsrø kemalla, yaskabwan wesra kutchab inchibelø køn.
471	GEN 19:13	Kaguende nambe i ciudawan kerrigu pinisamig køn cha. Tru katøgan misaamera yeeg kaig martan chib trashib eshkab melaibe Jehová nø waisrø puin køn cha. Inchagurri Jehovábe namune ciudawan pinishinrrai ørig køn— cha.
472	GEN 19:14	Inchen Lotbe tru nui yerno kønrrabeløba waminchab webibig køn, tru nui nimbasrmeran kasharanrrab misrarmera købeløba. Incha trenchibig køn: —¡Mallatø webambay! cha, kaguen Jehovábe i ciudawan pinishinrrab køn— cha. Trune nui yerno kønrrabeløbe ka intsab trendaitamaptøh isubelø køn.
473	GEN 19:15	Inchen yandø tør— rrab arruben, ángelesmerabe Lotwan mallatø indingarub, trenchibelø køn: —¡Mallatø inchi chiben! cha. Ñui srawanba, ñui pagatø nimbasrmeranba yu purrabelan pera inrrø chibig køn, ciudayu trømbøig nebunrrai marigu ñim pinømønrrappe.—
478	GEN 19:20	Yu puluwandø kan lamø ciudagøllig køn cha, trusrømaybe lulamønrrun chibig køn nabe. Trusrømay ibashcha cha, pøs, truibe lamø ciudagøllig kømuitarru cha— truyu na øsig kømigwan ka tøgagømig kønrrai.—
480	GEN 19:22	Trube, øsig kug købene, mallatø trusrømay lul chibig køn. Kaguende ñi trusrø pumuatøbe, nabe chigucha martrab kaimamønrrun— cha. (Inchagurri tru ciudawane Zoar cha wamig kuig køn.)
490	GEN 19:32	Namui møskawan vino mutsøsra mutsiirana, nøba kigun cha, trumay namui møskaweinukkurri amrrub misaamera tøgagømig kønrrain— cha.
492	GEN 19:34	Incha katø kwalømbe tru køli numøsraimbe wendø numøsrawane trenchibig køn: —Nabe marig yem nai møskaimba kiaig køn cha, katø møi yemgucha mutsiirana, møimbe ñi kebya kinrrig cha, trumay nam namui møskaweinukkurri amrrub misaamera tøgagømig kønrrain— cha.
499	GEN 20:3	Inchen tru yem Abimélecbe kan piaig tøgaguiyu Tiusbe arrua, nune trenchibig køn: —Ñibe kwanrrabguen cha, kaguende ñi ñui srain kønrrai ñi kørrømari ishuube kasharaweig køn— cha.
501	GEN 20:5	Yamba Abraham nøtøwei ¿øyah chimuig kuitarru? cha: “Naimbe nøbe nuchag køn” cha. Inchen katø ishug misakkucha: “Naimbe nuchagwein køn” cha trendaig køn cha. Nabe nai manrrø umbugurri chi kaig isua kømøtø, nai tasiimeran chishig tøga pasrab, iigwan øyeeg marig køn— cha.
503	GEN 20:7	Inchawei ñi katøle nui keeba inrrai ibashmuisruandøbe ñibe isa kømø, kwanrrabguen cha, ñui yau mutø purrabelø køben truiløbañau. Kaguendø nøbe Tius maig karuigwan eshkabig køn cha. Incha ñi øsig kønrrai ñuimburø purøwaminchun cha—
511	GEN 20:15	Incha Abimelecbe trenchibig køn: —Nai pirømerabe kerriguba ñui merrab pasran cha, ñun katøguchi tab tsumdønug, truyu kørrømisra tsu— cha.
512	GEN 20:16	Incha Sarane trenchibig køn: —Nabe ñui nuchawane tsantsøn anmera mil tranar cha, tru anbe øyeeg purayaigwan truburø trani an køn cha, truibe ñi chi kalø marmíig kuin kui ashchai maya misagwei malau kenamarig kønrrain cha. Trumaybe ñune mugucha kaig waminchippe kønrraamøn— cha.
524	GEN 21:10	Sarabe Abrahamwane trenchibig køn: —Ñui tru karuindiig megab ishuwane nui nusrkawanba yugurri weguchi cha, kaguende tru ka karuindiig megab ishuwei nusrkaimbe nai nusrkai Isaacbabe chi tøgaguigwan keta tranamigube tøgatø ashchabig kømøn— cha.
532	GEN 21:18	Kurra ya, unan tasku kemøra, srua pasramisr cha, kaguende nabe nuinukkurri misaamera purø nørrø søtø kønrrai maramønrrun— cha.
538	GEN 21:24	Inchen Abrahambe trenchibig køn: —¡Katø! nabe treeg marmø kømø, maramønrrun— cha.
540	GEN 21:26	Inchen Abimelecbe trenchibig køn: —Nabe øyeegwane murreendi mørmur cha. Katø ñigucha nan wammørøsrømøwei inchene, nabe møinguen wammørøb pasrar— cha.
544	GEN 21:30	Inchen Abrahambe trenchibig køn: —Tru iig ishug ubisha-ureezheelø trattrø y par iilan na ñun tranen, ñi utiibe tru pirø umbugurri pizhigwane na lalla wesraig købigwan trunun eshkab pasrønrrabig køn— cha.
549	GEN 22:1	Inchen kan maya yanagøsrøn puraiben, Tiusbe Abrahamwane nui isubigwan Tiusweinug tøga pasraibe maig køtashchab ashchab marøbig køn. Incha Abrahamwan trenchibig køn: —Abraham— cha. Inchen nøbe: —Yu pasrar— chiben,
550	GEN 22:2	Tiusbe trenchibig køn: —Møimbe ñui kandø nusrkai ñi truba undaaraigwan pera, Moriah pirausrømay ya, truyu kweecha, nan keta trannrra chibig køn. Kan tunyu maramigwan na eshkarrumøn— cha.
553	GEN 22:5	Inchabe tru nui karub pera kuilane trenchibig køn: —Ñimbe yutø burrun srua muniiranrrigay cha. Nabe unøbatø trusrøngatig amba, Tiuswan tabig waminchib kua, katøle ñimuimay amrrumønrrun— cha.
556	GEN 22:8	Inchene Abrahambe trenchibig køn: —Nai nusrkainzhig, tru keta tranam ubisha unane Tius nø ashchab kuinrrun— cha. Incha pailøba ambub købelø køn.
559	GEN 22:11	møimbe Jehováwei kan ángel srømbalasrøngurri wamaptinchibig køn: —¡Abraham! ¡Abraham!— chib. Inchen nøbe: —Yu pasrar— chiben,
560	GEN 22:12	ángelbe trenchibig køn: —Ñui tasigwan ñui nusrkaweimbala kusramøta cha. Chigucha marmøta cha. Ñibe Tiuswane kørig tøgaig maig købash inchimíig kui ashar cha, kaguende ñui nusrkai kandiigwan treebe marøg kømøtan chimøn— cha.
576	GEN 23:4	—Nabe ñimui utube ka peesrøngurri arruatiig kuinaindøgucha, nai srawan søramigweyasig yanrra— chib.
578	GEN 23:6	—Tiusmanda namui kølli misag namun mørtra cha: Ñibe namui utube chi maramigwan ñi asha karubig kønrrai Tius wesra pasrig møg køn cha. Ñui srawane namuyasig purø tabig tamarig pønrrabigu sørø chibelø køn. Namui utube møikkucha ñui srawan tru søra tramigwane ka chimønrrun— cha
581	GEN 23:9	tru Macpela tain pirau linderomerayu søramig srug trab lalig pasrabigwan nan yanrrai. Mayaweyig kønrraptiig køben treezhigwan ñim mayeelø ashen anwan na wartrab tan chirrunrrigay cha, trumay nai yau misaameran søramig tøgagønrrab— cha.
583	GEN 23:11	—Nai kølli misag, tiusmanda, pirøwane ka kettrumøn cha, katø tru søramig srug trab lalig tru pirau pasrabigwanba. Nai misaamerabe nømbe asha kørrømisran cha. Na pirøwane ñune ketig køben, ñui srawane ka sørø— chibig køn.
585	GEN 23:13	truyu warab misaamerai merrab tru Efronwan Abrahambe trenchibig køn: —Ñi pirøwan nan yanrrab isuppe, tiusmanda mørtra cha. Tru pirø mayaweyig køn, chiben, nabe treegwan anwan wartrumøn cha. Trumay kørrømisrtra cha, treebe si, nai srawan na truyu søramønrrun— cha.
587	GEN 23:15	Pirøbe tsandzøn an cuatrocientosweyig køn cha. Inchendø anwan isumøtø tru kwabigwan ka sørø— chibig køn.
600	GEN 24:8	Inchene ishug-unø yandø arrumubene, trube, tru ¡katø! nabe treegwan maramønrrun cha, ñi kørrømisriibe ñuimburappe yandø ñibe chi isumikkaig kørrømisrabguen chibig køn. Inchendø nai nusrkawanesi trusrømayguimbe pera imørrunrrig— cha.
609	GEN 24:17	tru Abrahamwei karuig mendig megabiibe truigweimay lulabe, trenchibig køn: —Ñui køtsøyu piwan kuchi srørrøbsrumuguh— cha.
610	GEN 24:18	Inchene nøbe: —Nai kasuku, muchi— chibig køn. Incha mallatø køtsøn pinøsrub, køtsøn tasku muta pasramisra srørrøbig køn.
625	GEN 24:33	Incha manrrai mamiimera pønsrøben, Abrahamwei mendig megabiibe trenchibig køn: —Nabe na chi wamindamigwan wammørøsrømøwatøbe uta manrrab kaimamønrrun— cha. Inchen Labanbe: —Trube, wammørøsrørra— chibene,
641	GEN 24:49	Inchawei nai karub tøga pasrabigwan ñim yauelø kermab pesannameelø køb, larrø tammayelø køb treelø kuabe, nan eshkarray cha. Inchen treeg kønrrab kømubene, trube, trunungucha eshkarray cha. Trumaybe na mandø indamigwan na isumig kønrrautan— cha.
646	GEN 24:54	Incha tru Abrahamwei karuig mendig megabiibe tru nui lincha pera yailøba uta mab, uta muchib incha, truyu kørrømisra kibelø køn. Incha katø løtsø kurrabe, tru Abrahamwei karuig mendig megabiibe trenchibig køn: —Nan karub peragøbig Abrahamwei yausrømay ambashchay— cha.
647	GEN 24:55	Treeg kuingucha Rebecai nuchaaba, usrimbabe trenchibelø køn: —Ishug unøbe kan pa trattrø kwalømdøguen namba ka kørrømisrtrain cha. Trugurrimbeguendø ka ibwei inchun— cha.
648	GEN 24:56	Inchen tru Abrahamwei mendig megabiibe trenchibig køn: —Nan kørrømisrtrai inchumørrunrrigay cha, na arrigwan Tiusbe yangucha tab punrrai marig købene, trube, tru nan karub pera købigwei yamay katø ibashchunrrigay— cha.
649	GEN 24:57	Inchen nømbe trenchibelø køn: —Trube, ishug unan wamønrrab cha, nø manchitashchab— cha.
650	GEN 24:58	Incha nømbe Rebecan wama, payibelø køn: —¿I møøba inrraguh?— cha. Inchene nøbe: —Øø, na lincha inrrur— chibig køn.
652	GEN 24:60	Incha Rebecane mayanguen tabig nebuig kønrrai nømbe øyeeg chibelø køn: —Ñi, namui nuchag, misaamera purø nørrø katøyug katøyug amrrubelai usrin kønrrai isuer cha. Tru ñuinukkurri amrrub misaamerabe nømun ashig kømuinchibelai ciudameran nøm merrarrawa tøga pønrramisrtrun— cha.
657	GEN 24:65	tru Abrahamwei mendig megabigwan payibig køn: —¿Mugøh? cha, ø møg namun katønrrab øsrø arrubiibe.— Inchene nøbe: —Øibe nan karub pera købig truig køn— chiben, Rebecabe tru malø kasraitøga pinab kasrøptinchibig køn.
682	GEN 25:23	Jehovábe trenchibig køn: —Ñui patsaube misaamera purø nørrøbatø pa søtø køn cha. Misagwan ashib karub pønrrønrrabelø pailø nørreelø ñui patsau purraisrøngurri nøørømisrøbguen purran cha. Kane katøgan lataguen kømø, mu chindamgaig kønrrabig køn cha. Inchen mayur kal-labiibe wendiig nø karuig meganrrabig køn— cha.
689	GEN 25:30	Jacobwane trenchibig køn: —Ø pigø mamig may tamara ñi neniizhigwan tiusmanda srøttra cha, kaguende nabe larrø muraaraig war— cha. (Inchagurri Edom cha wamig kuig køn.)
690	GEN 25:31	Inchene Jacobpe trencha løtaptinchibig køn: —Ñi mayur nusrkain kuimburø uta tøgagømigwan møin kwaløm, trube, yunømariyagun— cha.
692	GEN 25:33	Jacobpe trenchiptinchibig køn: —Møin kwaløm ¡katø! treegwan marmø kømø, maramønrrun chirra— cha. Inchen nøbe: —¡Katø! treegwan maramønrrun— cha kørrømisra, nø mayur nusrkain kuimburø uta tøgaguigwan Jacobpa yunømariyabelø køn.