43	GEN 2:12	Ha'e va'e yvy re ouro oĩ va'e ma iporã. Ita bdélio ha'e ônix voi oiko ha'e py.
237	GEN 10:2	Jafé ra'y kuery ma Gômer, Magogue, Madai, Javã, Tubal, Meseque ha'e Tiras.
238	GEN 10:3	Gômer ra'y kuery ma Asquenaz, Rifate ha'e Togarma.
1052	GEN 36:11	Elifaz ra'y kuery ma Temã, Omar, Zefô, Gaetã ha'e Quenaz.
1056	GEN 36:15	Pova'e kuery ma Esaú ra'y kuery huvixa ikuai va'e: Esaú ra'y jypy'igua Elifaz ra'y kuery ma huvixa Temã, Omar, Zefô, Quenaz,
1064	GEN 36:23	Sobal ra'y kuery ma Alvã, Manaate, Ebal, Sefô ha'e Onã.
1408	GEN 46:21	Benjamim ra'y kuery ma Bela, Bequer, Asbel, Gera, Naamã, Ei, Rôs, Mupim, Hupim ha'e Arde.
2203	EXO 25:7	ita ônix ha'e ita sacerdote pegua manto ha'e ipexo regua jeguarã.
2303	EXO 28:9	Rejou 'rã mokoĩ ita ônix regua. Ha'e va'e re rembopara 'rã Israel kuery rery.
2314	EXO 28:20	Ha'e gui irundy ryxya ma berilo, ônix ha'e jaspe. Henda ouro guigua oĩ 'rã imbojeguaarã.
2417	EXO 30:34	Senhor aipoe'ive ju Moisés pe: — Ejopy joo ramigua e'ỹ-e'ỹ heakuã porã va'e irũrã estoraque, ônica ha'e gálbano. Ha'e va'e ma remboje'a 'rã heakuã porã va'e re, peteĩ-teĩ guigua peteĩ rami meme 'rã ipoyi va'e.
2541	EXO 35:9	ita ônix, manto sacerdote pegua re ha'e ipexo regua re ita oĩ va'erã”, he'i.
2559	EXO 35:27	Huvixa kuery ma ita ônix ha'e ita sacerdote pegua manto ha'e ipexo regua ombojegua pyrã ogueru,
2671	EXO 39:6	Ita ônix omoatyrõ vy omoĩ hendarã ouro guigua re. Ha'e va'e re ma ombopara Israel kuery rery, kuã reguarã omboparaa rami avi.
2678	EXO 39:13	Irundy ryxya ma berilo, ônix ha'e jaspe. Peteĩ-teĩ rendarã ojapo pyre ma ouro guigua meme.
5999	JOS 7:21	Mba'emo rei-reikue re ama'ẽ vy aexa peteĩ ao puku Babilônia guigua iporãve va'e, ha'e duzentos hatã'i va'e prata guigua, ha'e gui peteĩ ouro guigua meio quilo poyikue oĩ va'e. Ha'e nunga aipota vy ajopy karamboae. Ha'e vy anhomi yvy guýry, ajaty xeroguy mbyte py, ha'e iguýry ma prata oĩ — he'i.
6814	JDG 10:1	Abimeleque oiko rire ma Israel kuery repyarã oiko Issacar regua Puá ra'y Tola, Dodô ramymino. Ha'e va'e ma Samir py oiko Efraim regua yvy'ã reia re.
7025	JDG 18:30	Dã kuery ojeupe ae ogueraa ta'angaa yvyra guigua. Ha'e gui Dã regua kuery pe ju Gérson ra'y Jônatas, Manassés ramymino va'e oĩ sacerdote, ha'e va'e rire ta'y kuery pe ju, ha'e kuery escravo-rã ogueraapaa ára peve.
7320	1SA 4:21	Va'eri opi'a'i omboery Icabô, — Israel kuery pegua hexakãmba va'ekue okanhy ra'e — he'i vy. Ha'e rami ijayvu Nhanderuete ayvu ryru oipe'aa heravyague re, ime ru ha'e ime omanoague re guive.
7489	1SA 13:2	ojeupe oiporavo três mil avakue Israel regua. Ha'e kuery va'e regua ma dois mil ikuai Saul reve Micmás py, Betel yvy'ã reia re, ha'e rã amboae mil avakue ma ta'y Jônatas reve ikuai Benjamim regua Gibeá py. Heta va'e kuery rembyrekue ma omondoukapa ju peteĩ-teĩ hoo katy.
7490	1SA 13:3	Ha'e gui Jônatas kuery ojukapa rai'i filisteu kuery Gibeá py ikuai va'e. Ha'e nunga filisteu kuery oendupa vy ivai ramo Saul omonhe'ẽ uka mimby guaxu oyvy ha'e javi rupi, “Hebreu kuery toendupa” he'i vy.
7503	1SA 13:16	Ha'e gui Saul, ta'y Jônatas ha'e heta va'e kuery hexeve opyta va'ekue ma Benjamim regua Geba py ikuai. Ha'e rã filisteu kuery ma Micmás py ijaty okuapy.
7509	1SA 13:22	Ha'e nunga rupi joguero'aa ára ma Saul ha'e Jônatas reve ikuai va'e po py neĩ kyxe, neĩ hu'y rakua ma voi ndoguerekoi. Ha'e nunga oguereko va'e ma Saul ha'e ta'y Jônatas anho'i.
7511	1SA 14:1	Ha'e gui peteĩ ára Saul ra'y Jônatas aipoe'i hu'y jokoa reraa kunumi va'e pe: — Eju, jaa filisteu kuery yvy'ã ugua rovai re ijaty va'e katy — he'i. Nguu pe oikuaa uka e'ỹ re oo.
7513	1SA 14:3	Ha'e py oiko avi sacerdote Aías, manto sacerdote pegua py onhemonde va'e. Ha'e va'e ma Icabô ryvy Aitube ra'y, Icabô ma Finéias ra'y, Finéias ma Eli ra'y. Eli ma sacerdote Senhor pegua Siló py oiko va'ekue. Saul reve ikuai va'e ndoikuaai okuapy Jônatas ooague.
7514	1SA 14:4	Ha'e gui Jônatas ma onhembopy'a tape rugua oaxa aguã filisteu kuery ijatya katy. Kyvõ rupi hi'aĩ peteĩ itaova, ha'e rã hovai re ma amboae hi'aĩ. Peteĩ rery ma Bozez, amboae ma Sené.
7516	1SA 14:6	Ha'e gui hu'y jokoa reraa pe Jônatas aipoe'i: — Eju, jaa opire omboi uka e'ỹ va'ekue ijatya katy. Xapy'a rei Senhor nhanepytyvõ 'rã, mba'eta ixupe ma ndaxyi jogueraa jepe aguã heta va'e rupi e'ỹ vy mboapy'i va'e rupi teĩ — he'i.
7518	1SA 14:8	Ha'e ramo Jônatas aipoe'i: — Jaa ha'vy ha'e va'e avakue ikuaia katy. Ha'e kuery pe jajexa uka 'rã.
7522	1SA 14:12	Ha'e rami vy Jônatas ha'e hu'y jokoa reraa ojexa uka rã filisteu kuery ijaty va'e ombovai vy aipoe'i: — Peju orea katy, ha'e ore rombopaga 'rã — he'i. Ha'e ramo hu'y jokoa reraa pe Jônatas aipoe'i: — Eju einy xerakykue'i rupi, mba'eta Senhor omboaxapa ma Israel kuery po py — he'i.
7523	1SA 14:13	Ha'e rami vy Jônatas oponhy reve ojeupi ovy. Hakykue'i rupi ma hu'y jokoa reraa ou avi oiny. Jônatas guenonde rupi oitypa filisteu kuery. Hakykue rupi ma hu'y jokoa reraa voi jojuka ovy.
7524	1SA 14:14	Ha'e rami jypy Jônatas ha'e hu'y jokoa reraa reve jojuka vinte avakue meio litro yvy py rive'i.
7527	1SA 14:17	Ha'e ramo Saul aipoe'i hexeve ikuai va'e pe: — Ne'exa, peipapa xerevegua kuery, mava'e pa nhandea gui oo ra'ea peikuaa aguã — he'i ramo oipapa vy oikuaa Jônatas ha'e py noĩa, neĩ hu'y jokoa reraa va'e voi.
7531	1SA 14:21	Ha'e gui hebreu kuery filisteu kuery ijatya py ikuai va'ekue ma Israel kuerya katy ju oje'oi, ha'e vy Saul ha'e Jônatas reve ikuai va'e re ju onhemoirũ okuapy.
7537	1SA 14:27	Ha'e rã Jônatas ma noendui nguu heta va'e kuery oendua py ouraague. Ha'e rami vy yvyra'i opo py oguereko va'e apy omovaẽ vy omoakỹ ei rykue'i py. Oere vyve hexa hendypa.
7539	1SA 14:29	Ha'e ramo Jônatas aipoe'i: — Xeru ma ojapo ra'e nhandeyvy re ojexavaia aguã rami. Ne'exa, xerexa hendypa kuri kova'e ei ruxã'i aere va'ekue gui teĩ.
7549	1SA 14:39	Mba'eta anhetẽ ete Senhor oikove va'e Israel kuery reraa jepea rery rupi aura vy aipoa'e: Ojejavy va'ekue omano 'rã, xera'y Jônatas ae teĩ — he'i va'eri heta va'e kuery peteĩve nombovai.
7550	1SA 14:40	Ha'e gui aipoe'ive ju Israel kuery pe: — Peẽ kuery ma peteĩ henda py 'rã peĩ, ha'e rã xee ha'e xera'y Jônatas reve ma amboae py 'rã ore'aĩ. Heta va'e kuery ombovai: — Ejapo ha'vy rejou porãa rami — he'i okuapy.
7551	1SA 14:41	Ha'e gui Saul aipoe'i Senhor Israel kuery ruete pe: — Eikuaa uka ke anhetẽ va'e. Ha'e ramo xortea py oikuaa uka Jônatas ha'e Saul, ha'e rã heta va'e kuery e'ỹ ae ra'e.
7552	1SA 14:42	Saul aipoe'i ju: — Pexa ha'vy xortea xere ha'e xera'y Jônatas re — he'i ramo Jônatas ae oikuaa ukaa.
7553	1SA 14:43	Ha'e ramo Saul oporandu Jônatas pe: — Emombe'u porã ke mba'e pa rejapo ra'ea. Jônatas ombovai: — Aere kuri ei yvyra'i xepo py areko va'e py. Ha'e gui apy ma aĩ amano aguã.
7554	1SA 14:44	Ha'e ramo Saul aipoe'i: — Nhanderuete taxembopaga ha'e oipotaa rami, Jônatas omano e'ỹ rã.
7555	1SA 14:45	Ha'e rami teĩ heta va'e kuery aipoe'i Saul pe: — Jônatas ri ty'y omano 'rã, nhande Israel kuery nhandereraa jepe va'ekue ri? Tomano eme. Anhetẽ ete Senhor oikove va'e rery rupi roura vy aiporo'e: Ha'e va'e akã gui neĩ peteĩ hi'a ma voi ndo'ai 'rã. Nhanderuete reve vy ae ha'e nunga ojapo ange — he'i okuapy. Ha'e rami py heta va'e kuery ojapo Jônatas omano aguã gui oo jepe aguã rami.
7559	1SA 14:49	Saul ra'y kuery ma Jônatas, Isvi ha'e Malquisua raka'e. Tajy guaimive va'e rery ma Merabe, ha'e rã kyrĩve va'e ma Mical.
7679	1SA 18:1	Ha'e gui Saul reve Davi ijayvupa ma ramo ta'y Jônatas onhe'ẽ py joayvu Davi reve. Jônatas ha'e ae ojeayvua rami oayvu.
7681	1SA 18:3	Davi reve Jônatas ojapo peteĩ rami ikuai aguã, ha'e ae ojeayvua rami oayvu vy.
7682	1SA 18:4	Ha'e rami vy Jônatas oao puku oiporu va'ety omboi vy ome'ẽ Davi pe, tembiporu joe opu'ãa pygua guive: kyxe, guyrapa ha'e ku'akuaa.
7709	1SA 19:1	Ha'e gui ma gua'y Jônatas pe Saul ijayvu Davi ojuka aguã re, guembiguai kuery ha'e javi pe guive. Ha'e rami teĩ Saul ra'y Jônatas Davi oayvu ete vy
7712	1SA 19:4	Ha'e gui ma nguu Saul reve Jônatas ijayvu porã Davi re. Ha'e vy aipoe'i: — Xeruvixa, ejejavy eme nerembiguai Davi rovai, mba'eta ndevy pe ndojapo vai. Ha'e rami 'rãgue py ndevy ojapo oikovy va'e ma iporã va'e meme.
7714	1SA 19:6	Ha'e rami Jônatas ijayvu 'rã Saul oendu vy oura: — Anhetẽ ete Senhor oikove va'e rupi aura vy aipoa'e: Davi ma nomanoi 'rã — he'i.
7715	1SA 19:7	Ha'e rã Jônatas Davi oenoĩ uka vy ixupe omombe'upa tuu ijayvuague ha'e javi. Ha'e rami vy Saul oĩa py ju ogueru. Ha'e ramo henonde rupi ju oiko jypyguare rami ae.
7733	1SA 20:1	Ha'e gui Ramá tetã py profeta kuery ro oĩ va'e gui Davi onhave ju ovy. Ha'e vy aipoe'i Jônatas pe: — Mba'e tu xee ajapo? Mba'e nungakue py tu ajejavy? Mba'e py tu xee ajapo vai nderu pe, xejuka ukaxe aguã?
7735	1SA 20:3	Ha'e rã Davi oura reve ombovai: — Nderu ma oikuaa ae ndee xemboaxya. Ha'e nunga rupi ojeupe ae aipoe'i: “Jônatas toikuaa eme ha'e nunga, iporiau e'ỹ aguã”, he'i va'ekue. Anhetẽ ete Senhor oikove va'e rupi, ha'e ndee Jônatas nderekove rupi avi aura vy aipoa'e: Xee amano aguã ovaẽ rai'i ma — he'i.
7736	1SA 20:4	Ha'e rami rã Jônatas aipoe'i Davi pe: — Ndee reipota va'e tema xee ajapo 'rã.
7741	1SA 20:9	Jônatas ombovai: — Ha'e nunga ma ndoikoi 'rãe ndere. Xeru ndejukaxea aikuaa ri vy aju voi 'rã ndea py, xee ae amombe'u aguã — he'i.
7742	1SA 20:10	Davi oporandu Jônatas pe: — Ha'e rami rã nderu ivai reve ri ombovai rã mava'e tu ou 'rã xevy pe omombe'u aguã?
7743	1SA 20:11	Jônatas ombovai: — Eju ha'vy, jaa nhuũndy rupi — he'i. Ha'e vy jogueraa.
7744	1SA 20:12	Ha'e gui Jônatas aipoe'i Davi pe: — Senhor Israel kuery ruete oendua py aipoa'e: Ko'ẽ rã e'ỹ vy ko'ẽ mboae ramo aikuaa pota 'rã xerua py. Xapy'a rei ndee Davi pe ha'e ojapo porãxe ri ramo xee amombe'u uka 'rã.
7745	1SA 20:13	Ha'e rami avi xapy'a rei xeru ndejukaxe teĩ ndevy xee ndaikuaa ukai ri ramo reo jepe aguã rami, ha'e ramo tove Senhor xee Jônatas taxembopaga ha'e ae oipotaa rami. Senhor toiko ndereve, xeru reve oikoague rami.
7748	1SA 20:16	Ha'e rami Davi ro pygua kuery re Jônatas oma'ẽ vy ojapo peteĩ rami ikuai aguã. Ha'e vy aipoe'i: — Tove Senhor tombopaga Davi rovaigua kuery ha'e javi — he'i.
7749	1SA 20:17	Teĩgue ju Jônatas ojapo Davi oayvua rupi oura aguã rami, mba'eta Jônatas oayvu onhe'ẽ ha'e javi py.
7750	1SA 20:18	Ha'e gui Jônatas aipoe'ive: — Ko'ẽ ramo oiko 'rã ngaru jaxy pyau pygua. Ha'e va'e py oporandua 'rã ndere, nerenda oĩ rive ramo.
7757	1SA 20:25	Gueko rami vy guenda py ae oĩ oo mbotya yvy'iry. Jônatas ma henonde'i oĩ, ha'e gui Saul yvy'iry ma Abner oĩ avi. Ha'e rã Davi renda ma oĩ rive.
7759	1SA 20:27	Ko'ẽ jevy ha'ekue rami ae ju oiko mokoĩ araa ma ngaru jaxy pyau pygua. Davi renda oĩ rive ae tema. Ha'e ramo Saul aipoe'i gua'y Jônatas pe: — Mba'e re tu Jessé ra'y ndoui okaru vy, kuee neĩ aỹ ma voi?
7760	1SA 20:28	Jônatas ombovai: — Davi ijayvu porã'ia rupi ojerure xevy Belém tekoa katy oo aguã re.
7762	1SA 20:30	Ha'e ramo Saul ma Jônatas pe ae ivai. Ha'e vy aipoe'i: — Kunha heko vai ha'e inhakã ratã va'e pi'a! Xee ndaikuaai teve Jessé ra'y reiporavoague nemoxĩmbaarã, ha'e ndexy nekuavãare voi oxĩmba aguã?
7764	1SA 20:32	Ha'e ramo Jônatas ombovai vy aipoe'i nguu Saul pe: — Mba'e re 'rã ha'vy rejuka? Mba'e tu ojapo vai?
7765	1SA 20:33	Ha'e rami teĩ hexe Saul omombo hu'y guaxu onhyvõ aguã. Ha'e rami rã Jônatas oikuaa anhetẽ ae tuu onhembopy'aa Davi ojuka aguã.
7766	1SA 20:34	Ha'e rire Jônatas ivai vy mesa gui opu'ã ovy. Mokoĩ araa ma ngaru jaxy pyau pygua va'e ára ma ndokarui, tuu ha'e rami ete Davi re ijayvu rã iporiau vy.
7767	1SA 20:35	Ko'ẽ jevy Davi reve Jônatas oa'angaague ára py oo nhuũndy katy. Ogueraa avi peteĩ guembiguai kunumi va'e.
7769	1SA 20:37	Jônatas hu'y omombo va'ekue ho'aague py kunumi va'e ovaẽ ramo Jônatas ojapukai ixupe. Ha'e vy aipoe'i: — Nderovaive'i e'ỹ teve hu'y ho'a?
7770	1SA 20:38	Teĩgue ju Jônatas ojapukai: — Neĩ ejapura ke, neakuã ta'vy — he'i. Ha'e ramo kunumi Jônatas rembiguai hu'y ojopy ma vy ojevy ju herekoa oĩa py.
7771	1SA 20:39	Kunumi va'e mba'eve ma voi ndoikuaai. Jônatas ha'e Davi anho'i oikuaa ha'e nunga.
7772	1SA 20:40	Ha'e gui ma kunumi ogueru va'ekue po py Jônatas omoĩ guapa. Ha'e vy aipoe'i: — Tereo, eraa tetã katy.
7773	1SA 20:41	Kunumi va'e oo'i ramove Davi opu'ã ouvy kuaray puku-a katy oĩague gui. Mboapykue oĩ guenapy'ã re, ngova yvy re omovaẽ reve. Ha'e vy Jônatas reve mokoĩve joayvu vyve ojae'o. Davi ma ojae'ove oiny.
7775	1SA 21:1	Jônatas aipoe'i Davi pe: — Tereo porã'i ke, nhande mokoĩve Senhor rery rupi jaura vy “ Senhor toĩ nhanembyte, ha'e gui xero pygua ha'e ndero pygua kuery mbyte avi”, ja'e rire — he'i. Ha'e ramo Davi opu'ã ovy. Ha'e rã Jônatas ma tetã katy ju ojevy.
7829	1SA 23:16	Ha'e ramo Saul ra'y Jônatas opu'ã vy oo Davi oĩa katy Horesa py. Ha'e vy ombopy'a guaxuve Nhanderuete re ojeroviaa py.
7831	1SA 23:18	Ha'e rami vy Senhor renonde mokoĩve ojapo peteĩ rami ikuai aguã. Ha'e gui Davi opyta Horesa py, ha'e rã Jônatas ma ngoo katy ju ojevy.
8014	1SA 31:2	Filisteu kuery ojoko avi Saul ha'e ta'y kuery. Ha'e vy ojuka Saul ra'y kuery Jônatas, Abinadabe ha'e Malquisua.
8029	2SA 1:4	Davi oporanduve ju: — Mba'e tu oiko ha'e py? Emombe'u ke xevy. Ombovai: — Joguero'aa gui ore kuery ronhamba, heta ho'a vy omano rã, Saul ha'e ta'y Jônatas guive — he'i.
8030	2SA 1:5	Ha'e rami rã Davi aipoe'i kunumi imombe'ua va'e pe: — Mba'exa tu ha'vy reikuaa Saul ha'e ta'y Jônatas omanoa?
8037	2SA 1:12	Iporiaupa, ojae'opa okuapy, ha'e va'e ára okaru e'ỹ re ikuai ka'aru peve, Saul ha'e ta'y Jônatas omano ramo, ha'e Senhor pegua Israel kuery re guive, kyxe py ho'apa rire.
8042	2SA 1:17	Ha'e gui Davi ojae'o Saul ha'e ta'y Jônatas re. Po rami oporaei iporiaua rupi.
8047	2SA 1:22	Jônatas peteĩgueve ma voi ndogueropytu'ui va'ekue guapa, neĩ Saul ndogueru jevy rivei va'ekue okyxe, ojuka va'ekue ruguy ha'e ipy'a guaxukueve kyrakue oĩ e'ỹ re.
8048	2SA 1:23	Saul ha'e Jônatas ma ija'ea ha'e oayvuve pyre, oikovea ja ha'e omano ma teĩ nomboja'oai! Taguato gui ipojavave, ha'e guary gui imbaraeteve va'ekue.
8050	2SA 1:25	Mba'exa tu ipy'a guaxukueve ho'apa raka'e joguero'aa py! Jônatas voi ojukaa yvy'ã re!
8051	2SA 1:26	Xeryvy Jônatas, xeporiau aikovy ndere! Ndee xerayvu vaipa va'ekue! Xerayvu ete vy kunhague gui voi ndee xerayvuve va'ekue.
8127	2SA 4:4	Ha'e gui Saul ra'y Jônatas ma peteĩ gua'y oguereko va'ekue oguata e'ỹ va'e. Peteĩ nhiruĩ ma'etỹ rivyvyi oguereko va'ekue Saul ha'e Jônatas omanoague mombe'ua ou jave Jezreel gui. Ha'e ramo hexe opena va'ety oupi heravy oguerojava vy. Oguerojava aguã ojapura ramo ava'i ho'a vy oguata karẽ'i va'e oiko. Hery ma Mefibosete raka'e.
8163	2SA 6:3	Nhanderuete ayvu ryru ma peteĩ karóxa ipyau va'e áry omoĩ vy ogueru Abinadabe ro yvy'ã re oĩague gui. Ha'e rã Abinadabe ra'y kuery Uzá ha'e Aiô oje'oi karóxa pyau reraarã.
8164	2SA 6:4	Ha'e rami py Abinadabe ro yvy'ã re oĩague gui ogueru inony Nhanderuete ayvu ryru. Ha'e rã Aiô oo oiny hyru renonde.
8231	2SA 9:1	Davi aipoe'i: — Oikove teri teve Saul ro pygua kuery va'e regua, Jônatas ayvua rupi xee apena porã aguã? — he'i.
8233	2SA 9:3	Huvixa aipoe'i: — Ndoikovei ma teve Saul ro pygua Nhanderuete porayvua rami apena porã aguã? Ziba ombovai huvixa pe: — Oiko teri peteĩ Jônatas ra'ykue, opy jovaive oiporu ve'ỹ va'e — he'i.
8236	2SA 9:6	Davi-a py Saul ra'y Jônatas ra'ykue Mefibosete ou vy guenapy'ã re oĩ, ngova yvy re omovaẽ reve. Ixupe Davi aipoe'i: — Mefibosete! Ombovai: — Apy ma nerembiguai aiko! — he'i.
8237	2SA 9:7	Ha'e gui Davi aipoe'i: — Ekyje eme, mba'eta nderu Jônatas ayvua rupi apena porã 'rã ndere. Ha'e vy ndevy ame'ẽmba 'rã neramoĩ Saul yvykue ha'e javi. Ha'e rã ndee ma rekaru riae 'rã xe-mesa py.
8419	2SA 15:27	Sacerdote Zadoque pe huvixa aipoe'ive ju: — Ndee ha'e Abiatar imba'ekuaa va'e vy pejevy porã'i ke tetã katy. Pendereve too porã'i avi pendera'y mokoĩ: ndera'y Aimaás, Abiatar ra'y Jônatas guive.
8428	2SA 15:36	Ta'y kuery avi 'rã ikuai ha'e py: Zadoque ra'y Aimaás ha'e Abiatar ra'y Jônatas. Ha'e kuery pe ma xeremiendurã pemombe'u uka 'rã mba'emo pyau pendu va'ekue ha'e javi — he'i.
8469	2SA 17:17	Ha'e jave ma Jônatas ha'e Aimaás ma En-Rogel katy'i oĩ, tetã py ha'e kuery ovaẽ rã oexaa e'ỹ aguã. Ha'e gui ha'e kuery pe peteĩ tembiguai kunha'i omombe'u ha'e nunga, Davi pe ju ha'e kuery omombe'u aguã.
8472	2SA 17:20	Ha'e va'e oo py Absalão rembiguai kuery ovaẽ vy aipoe'i okuapy kunha va'e pe: — Mamo tu ikuai Aimaás ha'e Jônatas? Kunha va'e ombovai: — Ha'e kuery oaxapa ae ma yy oaxaaty — he'i. Ha'e ramo ha'e kuery oeka teĩ ndojoui vy ojevypa ju Jerusalém katy.
8590	2SA 21:7	Ha'e rã Jônatas ra'y Mefibosete Saul ramymino va'e ma huvixa nomboaxai, Senhor rery rupi Saul ra'y Jônatas reve Senhor Davi ouraague rami vy.
8595	2SA 21:12	Ha'e rami rã Davi oo vy Jabes-Gileade gui ogueru Saul ha'e ta'y Jônatas kãgue, ha'e pygua kuery Bete-Seã tetã mbyte gui ogueraa rire. Ha'e py ma Gilboa yvyty re filisteu kuery Saul ojukaa ára py oeja imoiny va'ekue.