598	GEN 24:6	Abraão ombovai: — Nda'evei! Ejapo eme xera'y ha'e katy ojevy aguã rami.
702	GEN 26:9	Ha'e gui Abimeleque oenoĩ uka Isaque. Ha'e vy aipoe'i: — Anhetẽ ae kunha va'e ndera'yxy ra'e! Mba'e re tu ixupe “Xereindy” 're? Isaque ombovai: — Mba'eta “Ikáuxa xejukaa e'ỹ aguã”, ha'e vy — he'i.
1103	GEN 37:19	Joupe-upe aipoe'i: — Pee ma ou oiny oexa ra'u kuaa va'e!
6450	JOS 22:22	— Senhor, Nhanderuete ipo'akapa va'e! Senhor, Nhanderuete ipo'akapa va'e! Ha'e ma oikuaa porã. Ha'e Israel kuery voi toikuaapa. Xapy'a rei ronhe'ẽ rendu e'ỹa rupi, e'ỹ vy Senhor rovai rojapo vaia rupi roiko ramo toremomba aỹ'ive.
6984	JDG 17:2	Ha'e va'e ma aipoe'i oxy pe: — Ha'e gui mil e cem hatã'i va'e prata guigua ndegui imondaague va'e, ha'e va'e re ndeayvu vaiague ha'e xevy remombe'u avi va'ekue, ma'ẽ, ha'e va'e peráta ma xee ae areko. Xee ae xemonda karamboae ndegui. Ha'e ramo ixy ombovai: — Tove Senhor tanemoingo porã, xepi'a! — he'i.
7294	1SA 3:16	Ha'e gui Eli oenoĩ Samuel. Ha'e vy aipoe'i: — Xera'y Samuel! Ombovai: — Apy ma ha'ã! — he'i.
7308	1SA 4:9	Filisteu kuery, penembaraete ke ha'vy! Avakue ipy'a guaxukueve peiko, hebreu kuery pegua escravo nhandekuai e'ỹ aguã, ha'e kuery nhande-escravo ikuaiague rami e'ỹ! Avakue ipy'a guaxukueve nhandekuai reve jaje'oi joe nhapu'ã aguã! — he'i okuapy.
7762	1SA 20:30	Ha'e ramo Saul ma Jônatas pe ae ivai. Ha'e vy aipoe'i: — Kunha heko vai ha'e inhakã ratã va'e pi'a! Xee ndaikuaai teve Jessé ra'y reiporavoague nemoxĩmbaarã, ha'e ndexy nekuavãare voi oxĩmba aguã?
8044	2SA 1:19	— Israel kuery, perovy'a rei va'ekue ho'a ma pendeyvy re yvy'ã oĩ va'e re! Mba'exa tu ipy'a guaxukueve ho'apa!
8048	2SA 1:23	Saul ha'e Jônatas ma ija'ea ha'e oayvuve pyre, oikovea ja ha'e omano ma teĩ nomboja'oai! Taguato gui ipojavave, ha'e guary gui imbaraeteve va'ekue.
8051	2SA 1:26	Xeryvy Jônatas, xeporiau aikovy ndere! Ndee xerayvu vaipa va'ekue! Xerayvu ete vy kunhague gui voi ndee xerayvuve va'ekue.
8118	2SA 3:34	Mba'eta ipo ndojokuaai, neĩ ipy re voi noĩ corrente. Ha'e rami 'rãgue py heko vai va'e ra'y kuery po py ho'a rive va'e rami ho'a! — he'i. Ha'e ramo heta va'e kuery ha'e javi ojae'ove hexe.
8514	2SA 19:1	Ha'e rami rã huvixa opy'a py onhenhandu vai ete vy ojepe'a ovy tetã kora rokẽ áry opy ja'o oĩ va'e py oĩ aguã. Ha'e vy ojae'o. Oguata vy ojevy-jevy oikovya rupi aipoe'i: — Xera'y Absalão, xera'y, xera'y Absalão! Nderekovia xee amano 'rãgue teĩ, Absalão xera'y, xera'y!
8518	2SA 19:5	Huvixa Davi ma oakã ojao'ipa reve ojapukai ratã: — Xera'y Absalão, Absalão xera'y, xera'y! — he'i oikovy.
8652	2SA 22:47	Senhor ma oikove va'e, togueroayvu porãa xe'itaova! Tomboetea Xeruete, ita xereraa jepea.
9647	2KI 4:40	Ha'e gui ma ome'ẽ avakue pe ho'u aguã. Ojykue ho'u teri okuapy reve ojapukai okuapy: — Nhanderuete remimbo'e! Oja py rima oĩ jojukaarã! — he'i okuapy. Ho'uve aguã ma voi nda'evei.
9847	2KI 11:14	Ha'e py oma'ẽ rã huvixa hi'aĩ ma oo yta yvýry huvixa va'e nhavõ hi'aĩaty py ae. Huvixa renonde ikuai avi harõa kuery ruvixa ha'e mimby guaxu monhe'ẽa kuery. Heta va'e kuery ha'e javi oguerovy'a okuapy, ha'e omonhe'ẽa avi mimby guaxu. Ha'e nunga Atalia oexa vy oao omondoro reve ojapukai: — Xerovaigua ra'e! Xerovaigua ra'e! — he'i.
11674	2CH 23:13	Ha'e vy oma'ẽ rã huvixa hi'aĩ ma oikeaty py oo yta yvýry. Huvixa renonde ikuai avi harõa kuery ruvixa ha'e mimby guaxu monhe'ẽa kuery. Heta va'e kuery ha'e javi oguerovy'a okuapy, mimby guaxu omonhe'ẽ guive. Oporaei va'ety kuery voi omba'epu reve ogueroporaei okuapy. Ha'e ramo Atalia oao omondoro reve ojapukai: — Xerovaigua ra'e! Xerovaigua ra'e! — he'i.
12257	EZR 9:15	Senhor Israel kuery ruete va'e! Ndee ma ndereko porã va'e, ha'e rã ore kuery ma oo jepe va'ekue regua rembyrekue rive, aỹ roexaa rami. Apy ma nerenonde py ma orereko vaia py orekuai, nerenonde peteĩve heko vai va'e oĩ aguã nda'evei teĩ — he'i.
12306	NEH 1:5	Ha'e vy aipoa'e: — Aỹ Senhor, Oreruete yva pygua ndepo'akapa ha'e okyjevepy va'e! Ndereve guarã rejapo va'ekue ha'e ndeporayvua rupi reiko, nderayvu va'e kuery rejapo uka va'ekue rupi ikuai va'e ha'e javi pe.
12400	NEH 5:13	Ha'e gui xeao ambovava ratã reve aipoa'e: — Nami avi Nhanderuete tojapo, tombovava imondovy ava oayvuague ojapopa e'ỹ va'e. Ixugui toipe'apa hoo ha'e omba'eapoa rupi ojou va'e ha'e javi — ha'e. Ha'e ramo ijaty va'e kuery ha'e javi ombovai vy — Ha'eve va'e! — he'i okuapy. Ha'e vy omboete okuapy Senhor. Ha'e rire ma ha'e kuery ojapo oayvuague.
13162	JOB 13:5	Peẽ pekyrirĩmba vyvoi va'e rire! Ha'e rami vy 'rãe pexa uka pene'arandua!
13223	JOB 15:16	Avakue katuve ma ojou vaipy ha'e ojeguarupy meme ikuai, yy oy'u va'e rami mba'emo vai ojee omoĩ va'e!
13247	JOB 16:5	Xee romombaraete kuaa avi 'rãgue xeayvua py, xejuru py romboaxya aexa uka va'e py aipe'a aguã haxy pendu va'e!
13260	JOB 16:18	— Ndee yvy, ejao'i eme xeruguy, toĩ eme guive ajapukaia onhendu e'ỹa!
13405	JOB 22:12	— Yva re yvatevea py e'ỹ teve Nhanderuete oĩ? Ema'ẽ ha'vy jaxy-tata yva re ikuai va'e re. Ha'e va'e ma nda'yvate ma ra'agai!
13627	JOB 31:35	Xeayvu renduarã oĩ va'e rire! Ma'ẽ, apy ma oĩ xereko regua xerery reve ambopara va'ekue! Ipo'akapa va'e xembovai va'e rire, ha'e rami e'ỹ vy xerovaigua ombopara va'e rire xere ijayvua!
13818	JOB 38:21	Ndee nhi'ã reikuaa 'rã, ha'e va'e jave reiko ae ma rire, ha'e reikoa ára mbovy rei e'ỹ!
14177	PSA 18:47	Senhor ma oikove va'e, togueroayvu porãa xe'itaova! Tomboetea Nhanderuete xereraa jepea!
15482	PSA 92:6	Senhor, nerembiapo ma tuvixa ete va'e! Ha'e renhembopy'aa guive haxy ete aikuaa aguã.
15530	PSA 95:10	Quarenta ma'etỹ re ajou vai ha'e kuery ikuaia. Ha'e rami vy “Ha'e kuery ma opy'a py ojerovia e'ỹ va'e! Ndoikuaai ae xeguigua tape!” ha'e va'ekue.
15545	PSA 97:1	Senhor ma huvixave oĩ. Tovy'a yvy re ikuai va'e! Tovy'a ypa'ũ heta ikuai va'e regua!
15636	PSA 103:20	Ixupegua anjo kuery, peroporaei ke Senhor, penembaraete ha'e pendepo'akapa va'e, ojapo uka va'e pejapo, ha'e penhe'ẽ rendu va'e!
15637	PSA 103:21	Ixondaro kuery pendekuai va'e ha'e javi, peẽ kuery voi peroporaei Senhor, peẽ hembiguai kuery oipota va'e pejapo va'e!
15963	PSA 118:26	Ima'endu'a porãmby toiko Senhor rery rupi ou va'e! Senhor pegua opy peẽ kuery ha'e javi peike va'e rogueroayvu porã.
16326	PSA 139:19	Xeruete, remomba voi 'rãgue heko vai va'e! Avakue tuguy moẽa, pejepe'apa xea gui!
16492	PRO 1:22	“Pene'arandu e'ỹ'i va'e! Raka'e peve 'rã tu perovy'a pene'arandu e'ỹa? Pendeporojojai rei va'e, raka'e peve 'rã tu pendeporojojai reia rive pejou porã? Pene'arandu e'ỹ va'e, raka'e peve 'rã tu pejou vai 'arandua?
17668	SNG 4:16	Yvytu kuaray apu'a'ia katygua, eju na. Eju, ndee yvytu kuaray puku-a katygua. Eipeju xe yvotyty rupi, eraa heakuã porã va'e oetũa aguã katy. Ha'e gui ma xerembiayvu tou omba'e yvotyty py, to'u yvyra'a iporãve va'e!
17793	ISA 3:16	Ha'e gui Senhor aipoe'ive ju: “Pexa na Sião pygua kunhague ojejou porã rei okuapy va'e! Oaju'y omoatã reve rei 'rã oguata, oma'ẽ 'rã nda'evei reia rupi, opyrõ py'i'i rei, ha'e opy nhu'ã regua oparã rei reve 'rã oguata”, he'i.
17844	ISA 6:5	Ha'e rami rã xee aipoa'e: — Nda'evei ete 'rã xevy! Akanhy ta ma rima aỹ! Mba'eta xejuru ky'a va'e vy, ha'e ijuru ky'a va'e kuery mbyte rupi guive aiko vy ae xerexa py aexa Huvixave Senhor ixondaro reta va'e! — ha'e.
17865	ISA 7:13	Ha'e ramo profeta aipoe'i: — Davi ramymino kuery, pendu ha'vy! Ha'e rami avi nda'evei teri teve avakue pemomboriaua? Ha'e gui aỹ ma Nhanderuete eteve voi pemomboriauxe.
18002	ISA 14:4	Ha'e va'e ára pevy'a rei 'rã Babilônia pygua huvixave re. Ha'e vy aipopeje 'rã: “Pexa ke nhanemoingo axyare okanhy ra'ea! Opa ra'e nhanderereko axy reiague!
18008	ISA 14:10	Ha'e vy ha'e kuery ha'e javi ijayvu vy aipoe'i 'rã ndevy: ‘Ndee voi nanembaraetevei teve ra'e! Aỹ ndee voi ore rami ae ma repyta!’ he'i 'rã okuapy.
19466	JER 18:13	“Ha'e nunga rupi Senhor aipoe'i: ‘Peporandu na aỹ amboae regua kuery ikuaia rupi mava'e pa ha'e nunga oenduague re. Mba'eta ha'e ramigua ete Israel kuery ojapo va'ekue!
19546	JER 22:23	Ndee Líbano pygua rami yary guigua py ndero va'e! Ha'e rami teĩ rejexavai aguã ou ramo nepoaẽ ete 'rã, omemby oikuavã ta va'e rami reiko axy aguã.”
19693	JER 28:6	Ha'e vy profeta Jeremias aipoe'i: — Ha'eve va'e! Tove ha'e rami ae ri Senhor tojapo. Tove Senhor tojapopa ndeayvuague remombe'u va'ekue rupi, apy toguerupa ju Babilônia gui tembiporu Senhor pegua oo pyguare, ha'e escravo-rã ogueraapa pyre ha'e javi.
19764	JER 31:4	Peẽ kunhataĩgue Israel regua, romopu'ã ramo pepu'ã ju 'rã pe'amy! Teĩgue ju pandeiro reve peo 'rã ojeroky va'e kuery reve peporaeia rupi.
20292	JER 51:11	“Pemboakua hu'y! Pereko katu hu'y jokoa! Mba'eta Senhor omokyre'ỹ Média pygua huvixa kuery Babilônia rovai guarã, omombaxe vy. Ha'e rami vy Senhor joepy 'rã, ojeupegua templo oepya rupi.
21186	EZK 26:17	Ha'e rami vy ijayvu 'rã penereronhemboaxya rupi. Ha'e vy aipoe'i 'rã okuapy: “Ndee tetã omboetevepy ha'e heta ikuaia reiko va'ekue, mba'exa tu rekanhy xapy'a? Mba'eta yy áry rupi ndea pygua kuery oje'oia rupi pendepo'akapa va'ekue, ha'e ndea katy'i ikuai va'e kuery remongyjepa rei va'ekue!
21961	DAN 5:18	Xeruvixa, ne'exa! Nderu rãgue'i Nabucodonosor pe Nhanderuete yvate ete va'e ome'ẽ va'ekue huvixave oĩ aguã, ipo'aka, iporã ha'e yvate aguã guive.
22337	HOS 13:2	Aỹ ma ha'e kuery ojejavyve tema oje'oivy. Ha'e rami vy prata oguereko va'e ryku gui ojapo 'rã ta'angaa, mba'emo ra'angaa ha'e kuery ojapo oikuaa rami rive. Ha'e nunga ha'e javi ma avakue ojapo kuaa va'e rembiapo rive. Ha'e gui ma joupe-upe “Peme'ẽ mba'emo ha'e nunga pe”, he'i 'rã okuapy. Ha'e ramo avakue oova rayvu 'rã okuapy vaka ra'y ra'angaa!
22668	MIC 2:4	Ha'e va'e ára penderovai omombe'ua 'rã peteĩ ayvu penereronhemboaxya rupi merami. Ha'e vy aipo'ea 'rã: “Nhanemokanhymba ma! Nhanderuete joupe omboaxapa ma xeretarã kuery yvy oguereko va'ekue! Xegui voi oipe'apa! Nhande kuery mba'ety ikuai va'ekue ma anhetẽ rupi e'ỹ ikuai va'e pe ju omboaxa”, 'ea 'rã.
23699	MAT 14:33	Ha'e rã kanoã py opyta va'ekue omboete vy aipoe'i: — Anhetẽ ete ra'e ndee Nhanderuete Ra'y!
24787	MRK 13:1	Templo gui Jesus oẽ ovy jave peteĩ hemimbo'e aipoe'i: — Orembo'ea, ne'ema'ẽ ave ita tuvixakue gui anho nda ojapo raka'e!
25621	LUK 13:34	— Jerusalém, Jerusalém, profeta kuery jukaaty, ndevy ombou pyre ita py rejapipa va'ety! Mbovykue rei e'ỹ xee aikuavãmbaxe teĩ nememby kuery, opepo py uru gua'y kuery ojao'ipaa rami. Ha'e rami teĩ peẽ kuery ndapeipotai.