2	GEN 1:2	Ego poyapoyayana ame geya ana katubayasinamo be nakae daakakaina. Go madabokina bwae dimówana ilatao. Dimowanayana yatanaina goi kokonótuya gagaina ikaaiyaka nakae Yaubada Balomaina itaakavata.
7	GEN 1:7	E tauna nakae isowóduwo. Sekulapeyayana isowóduwo, e bwaeyana iwotai. Bwae diligaema ituli, bwae ditonema ituli.
9	GEN 1:9	E Yaubada sopana goi imadágina idigo kana, ‘Bwae ditonema, kōna dadava tayamo goi kolamgōgana bei dadava tayamo sayasayaina isowóduwo!’ E tauna nakae isowóduwo.
75	GEN 3:19	Mam mosali bei kupaaisewa gagaina bego avam kubabane ana kadókana kukámasa, e kwaluvila kuna poyapoya goi. Bogina kuyagoi. Poyapoya goi aodugum. Moitamo. Kom taum poyapoyayana ana vaituwo, tauna bei kwaluvila kuna poyapoyayana goi. Tutayana kukámasa, bei kumalapoyapoyamna.’
92	GEN 4:12	Bego poyapoyayana goi kubágula go, kom manum poyapoya ilogoyo. Tauna poyapoya ame goi kom bei kuketoiya beso; geya im kasamo.’
151	GEN 6:13	Tuwo Yaubada Nowa ilatuwoko idigo kana, ‘Bogina alovina bego kaga liliuna maa yawoidi bei amtulidi unana tauyadi pasidi poyapoya aigoyo goi ikayaoda, tauna kunōve. Tauyadi poyapoya taiyao bei abugoyaidi.
178	GEN 7:18	Bwae ivakaigaga nakae poyapoya ana madabokina ilatao go, dedeogayana bwae yatana goi idoidoiye.
180	GEN 7:20	Bwaeyana ituko ina nakae ana tukotuko moe ovavasi koyayadi ilataoidi.
189	GEN 8:5	Bwaeyana nava isousou ana kadókana tukówana yawouna go, maliyalina tayamo, e koyayadi dabadi sipóiya.
245	GEN 10:10	E mainao Nimrodiyana ina kaba lovina asa yoidi ame nakae: Babeli, Ereka, Akadi be nakae Kalane moe Sinari sinaena.
267	GEN 10:32	E moe tauyadi madabokidi Nowa natunao be nakae tubunao adi liliu ituli ituli goi. Boi mluwa mlina sisapa sina poyapoya ana madabokina goi sikaaiyaka.
276	GEN 11:9	E amoko goi tomota liliudi niyadi kina Yauwe ikinigonigoe nakae tomota liliudi ikausapesapedi, tauna moe pasina amo asayana sivayou Babeli.
295	GEN 11:28	Araniyana ina kasa yoina Ura moe Babiloni dadavina. Amoko goi tamana Tera nava maa yawoina go, Araniyana ikámasa.
298	GEN 11:31	Tuwo Tera itaoya, natuna Eberam be tubuna Loti (moe Arani natuna) be nakae yaona Serai ikabidi idi kasa Ura Babiloni sinaena sikalave, bego taiyao sina Kenani go, tutayana sinonoina, sina asa Karani goi silokasa, e geya sinoita Kenani goi.
301	GEN 12:2	Bei akisailim, tubumowo boda tayamo gagaina. Bei akaipakuyem, tauna you gagaina avinim. Tauna kūna bei kom aba kaipaku tomota liliudi yaidi.
302	GEN 12:3	Avatauwa neta sikaipakuyem, e tauyadi nakae bei akaipakuyedi. Avatauwa neta sikaosevem, bei akatubolatedi. Boda liliudi poyapoya ame goi bei siyagoi kom goi akaipakuyedi.’
307	GEN 12:8	Niga Eberam kidi sitaoya, sina koya tayamo goi idi yoyou parai siyowo situnagu. Koyayana koiboga dadavina goi asa Beteli ikaaiyaka go, bomatu dadavina goi asa Ai ikaaiyaka. E amoko goi aiyuwoina Eberam dídiya ikaudakodako, aba kasala imadagi Yauwe ana kaba wowoina manuna, e Tauyana yaina isaakululu.
322	GEN 13:3	E tauyadi sina Negevi go, geya sikaiyaketa, go sem situliya sinonoina bego Beteli. Sina Beteli goi go, sina asayana boi Beteli be Ai nauyayanaidi goi sikaaiyaka.
339	GEN 14:2	Silamgógana, sideli sina bego sivayaviya tolovina adi tainima taiyao. Tauyadi moe da Sodoma adi tolovina Bera, da Gamora adi tolovina Bisa, da Adima adi tolovina Sinabi, da Siboim adi tolovina Semibera be nakae da Bela adi tolovina. Belayana youyuwoina Sowa.
349	GEN 14:12	E Eberam ana gómana natuna Loti nakae siyoisi bego ma konana sinavedi idi kasa goi. Bogina kuyagoi. Tauyana nava Sodoma goi ikaaiyaka.
354	GEN 14:17	E Eberam Kedolaomera ina tovayaviyayao be senao idi tovayaviyayao ilauidi ikavava, ikaluvila ina ina kasa. Inonoina, Sava Butumina goi Sodoma adi tolovina ima ivalobode. Savayana ana yagoina moe Tokalibúbuna Butumina.
368	GEN 15:7	E aiyuwoina Yauwe idigo kana, ‘Yau Yauwe, boi im kasa Ura Babiloni sinaena akabim amem go, poyapoya ame bei avinim im kaba lovina.’
387	GEN 16:5	Tuwo Seraiyana ina Eberam ilatuwoko idigo kana, ‘Monegu, kom im puwoya, tauna agu mou ababane. Yau guna pákwana avinim go, tutayana iyagoi bego ikéuwama, ivasobusobuyegu. Bei Yauwe itakinoida! Avatau ibágala, kom geya yau?’
390	GEN 16:8	Ibabane, e idigo kana, ‘Ega, Serai ina pákwana, nako kuma? Bei nako kuna?’ ‘Guna towosi Serai matana goi asiya’, Egayana kaena.
392	GEN 16:10	Tuwaina aneroseyana kana, ‘Bei tubumowo akisailidi, e adi badabada geya itoboinemta kwatuyaividi.’
396	GEN 16:14	Moe pasina doeluyana asa Kadesi be Bereda nauyayanaidi goi tomota sivayou Bera Lakai Roi.
400	GEN 17:2	Bei akanasiukoim be nakae akisailim gagaina, tubumowo badabadaidi.’
404	GEN 17:6	Bei akisailim gagaina, e bei kom goi boda badabadaidi sisowóduwo nakae kom tubumowo goi tokalibúbuna maniyedi bei sisowóduwo.
414	GEN 17:16	Bei akaipakuye, e bei tauyana goi natum koroto avinim. Aiyuwoina akaipakuye bei tubunao goi boda badabadaidi sisowóduwo go, bodayadi tubudi moe tauyana. Ago tubunao goi tokalibúbuna maniyedi bei sisowóduwo.’
418	GEN 17:20	E kina go Isimaeli manuna, im kawanoi bogina anove, tauna kunōve. Moitamo tauyana nakae bei akaipakuye. Bei akisaili gagaina, e natunao badabadaidi. Nakae natunao be tubunao akisailidi, e badabadaidi sisowóduwo. Tauyana natunao koroto adi badabada yawou aiyuwo go, tauyadi tokalibúbuna. Niga be tubunao moe boda tayamo gagaina.
443	GEN 18:18	Tauyana ina boda nava bei boda gagaina be nakae toogagaina. Boda liliudi poyapoya goi bei siyagoi tauyana goi akaipakuyedi.
453	GEN 18:28	Neta tokibóbwata adi badabada poti paibi (45) taudi Sodoma goi sikaaiyaka, manakae? Bei toni kasa liliudi kumtulidi?’ ‘Neta tokibóbwata adi badabada poti paibi (45) ababanedi, e toni kasayadi madabokidi geya amtulidita’, Yauwe kaena.
460	GEN 19:2	e idigo kana, ‘Guna tomoyamoya, konōve. Kōma tāna yau imi pákwana guna vada sabamgo ame goi aemi konikīdi, kokaiyāka komasīsi. E vanuwo itomo nobuyana giyaina kotāoya, e kōna.’ ‘Tuwo. Bareki goi bei kamasisi’, kidi kaedi.
467	GEN 19:9	Go kidi korotoyadi sidigo kadi, ‘Geya! Kusiyāmo!’ Go taudiva kadi, ‘Iyaa! Ame tauyana ogaoga go, manakae? Bego itakinoida?’ Tuwo Loti silatuwoko kadi, ‘Ima guinuwa yaim bei igoyo toina.’ Tuwo Lotiyana sivatubibi nakae niboda sivalabelabene; latuwodi bego sikaugaegae, e sisiu.
496	GEN 19:38	E kina go bogomane nakae ivenátuna, natuna koroto ivayou Beni Ammi. Niga tauyana tubunao yoidi Ammoni, tauyadi ame tutayana nava sikaaiyaka.
501	GEN 20:5	Boi Eberamo ikatubaugu kana, “Ame niugu.” E vavinayana nakae ipola kana, “Tauyana niugu.” Tauna yau guna guinuwa goi nukotogu geya isabutukoeta nakae geya guna pikwanamo.’
528	GEN 21:14	E tuwo vanuwo itomo nobuyana giyaina Eberamo itaoya, bwae giyaina itege be nakae awoinu ikabi, Ega ivini ivabe. E natuna taiyao ivaduduwedi kana, ‘E kōna ae.’ Tuwo tauyadi sina Bera Siva yoyowoina goi siketoiya beso.
530	GEN 21:16	Ago kina sinanayana ibala ina masigava tupwana aduwanau itusobu, nakae itaitáiya. Ina nuwonúwana kana, ‘Bwae ikavava, tauna natugu bei ikámasa. Geya latuwogu gómana matagu goi go, ivailai.’
545	GEN 21:31	Ame pasina asayana ivayou Bera Siva unana amoko goi adi taiyuwo sikatótula, tauna yoina Berasiva.
546	GEN 21:32	E Bera Siva goi sikanasíuna ikavava, Abimelekayana be nakae ina tokalikumatana Pikoli sitaoya, sikaluvila sina da Palisiti idi kasa.
547	GEN 21:33	Ago kina Eberamoyana Bera Siva goi alova tayamo ibaguli, alovayana yoina tamarisika. E amoko goi Yauwe Yaubada aiyako vaatayaina yaina Eberamo isaakululu.
567	GEN 22:19	Ibóbwara ikavava, Eberamo ma natuna sikaluvila sina ina pakonayao yaidi, e taiyao siketoiya sina Bera Siva. Amoko goi Eberamo ilokasa ikaaiyaka.
569	GEN 22:21	Botomoya yoina Uso, bonauyayana yoidi Buso be Kamweli, tauyana Aram tamana,
570	GEN 22:22	Kesedi, Aso, Pilidasi be Idilapi go, bogomane moe Betuweli.’
571	GEN 22:23	Kina Betuweliyana natuna moe Ribeka. E Eberamo ivana Milika natunao adi badabada ainima aito ivenatunidi.
594	GEN 24:2	Go tauyana imatoita inuwonúwana kana, ‘Bei akámasa go, natugu inai beso Kenani goi.’ Tuwo ina pákwana vakuumgoina iduduwe ima. Eberamo konana madabokidi tauyana irugwaausidi. Ima, e Eberamo idigo kana, ‘Nimam kuvaisīu dibuwatugu kuyōisi go,
597	GEN 24:5	Go ina pakonayana idigo kana, ‘Go neta vavina tayamo ababane go, geya latuwona bego ima ameko, bei manakaegu? Bei natum akabi anave im kasa goi gea geya?’
607	GEN 24:15	Go kugīta! Pakoninayana nava ikaawanoi go, Ribeka botori ivabe isowóduwo ima! Tauyana Betuweli natuna go, tubuna Milika. Milikayana monena yoina Nakori, tauyana Eberamo ana gómana.
611	GEN 24:19	Inim ikavava, vavinayana idigo kana, ‘Bwae atege im kameri nakae avanimdi ana kadókana sinim, gamodi.’
616	GEN 24:24	‘Tamagu Betuweli, tauyana Milika be Nakori natudi.
619	GEN 24:27	idigo kana, ‘Yauwe, guna tomoya Eberamo ina Yaubada, itoboinegu ayapaliyem. Im kubunuwa Eberamoyana yaina goi geya kukalaveyeta be nakae kom nava aba numisa tauyana yaina. Bogina kuvakedegu ama guna tomoya osenao yaidi goi.’
639	GEN 24:47	Kagu, “Tamam avatau?” “Tamagu Betuweli, Nakori be Milika natudi”, tauyana kaena. E tuwo mawuwu akabi, kubuna goi avaisiu be nakae nimana goi nípuna avalilividi go,
642	GEN 24:50	E Betuweli ma natuna Lebani taiyao sidigo kadi, ‘Ame Yauwe ina guinuwa, tauna kai ima nuwonúwana dogoi besobeso.
654	GEN 24:62	E kina go Aisakeyana asa Bera Lakai Roi ikalave go, ina Negevi goi ikaaiyaka.
670	GEN 25:11	E ina kámasa mlina, natuna Aisake Bera Lakai Roi goi ilokasa ikaaiyaka go, ina kaiyakayana goi kina Yaubada ikaipakuye.
672	GEN 25:13	Isimaeli natunao koroto adi bíbina goi ame nakae: Botomoya yoina Nibayote. Bonauyayana koroto yoidi Kedari, Adabaeli, Mivasam,
674	GEN 25:15	Kadadi, Tema, Yatura be Napisi. Bogomane yoina Kedama.
679	GEN 25:20	E tutayana Aisake ana tala poti, Ribeka inai. Ribekayana tamana yoina Betuweli guma Aram, ina kasa Padani Aram. Niuna yoina Lebani.
682	GEN 25:23	E Yauweyana idigo kana, ‘Gamom goi boda aiyuwo sikaaiyaka go, bodayadi idi bíbina goi bei silivisi. Boda tayamo bei sitogaga, nakae sediyao bei sitogagasavedi. Bogomane bei ietolovina botomoya yaina goi.’
694	GEN 26:1	E Bera Lakai Roi goi loga isowóduwo nakae boi Aisake tamana ana tuta. Tuwo Aisake itaoya, ina asa Garara goi da Palisiti adi tolovina Abimeleka igite ikawanoi tuta kaakupina ikaaiyaka.
696	GEN 26:3	Go ame tuta ameko goi kusuvadavada. Yau bei avakitaum be akaipakuyem. Moitamo. Kom be nakae tubumowo poyapoya ame madabokina bei avinimi. Boi tamam Eberamo yaina akatótula go, ame bei atotulayana akamoitamoe kom yaim.
700	GEN 26:7	Amoko goi koroto maniyedi sikandobala Ribeka sigite vavina gumaboina, e Aisake silumadade kadi, ‘Ribeka avakavam?’ Aisakeyana idigo kana, ‘Tauyana niugu.’ Bogina kuyagoi. Tauyana imatoita bego ilatuwokoidi kana, ‘Ribeka monegu’, govila bei Ribekayana pasina sikaumate.
716	GEN 26:23	E niga amo asayana Aisake ikalave go, ina Bera Siva goi itunagu.
717	GEN 26:24	Amo sabamgo goi Yauwe isowóduwo Aisakeyana yaina idigo kana, ‘Aisake, yau tamam Eberamo ina Yaubada. Taabu kuumatōita. Yau avakiitaum. Bei akaipakuyem be nakae guna pákwana Eberamo pasina im boda akisailidi.’
720	GEN 26:27	Sima go, Aisakeyana ilumadádana kana, ‘Kaga latuwomi koma? Boi kokaolilivegu be nakae kovalilivegu, tauna kaga unana koma?’
726	GEN 26:33	Tuwo doeluyana ivayou Suva. Tauna ame tuta nakae, asayana yoina Bera Siva.
727	GEN 26:34	E Iso ana tala poti ibabanedi go, Diyudeti inai. Diyudetiyana tamana yoina Beri go, tubuna Eta. Vavina aiyuwoina yoina Basemate Iso taiyao sinai. Basemateyana tamana yoina Eloni go, tubuna Eta.
764	GEN 27:36	Tuwo Isoyana idigo kana, ‘Tauyana sivayoudoko Yakobo ae? Bogina sivayuwo ikatubaukoigu. Boi guna tapavívila goi tauyana ivaobugu, e tauna tauyana imalabotomoya mana lovina go, ame tuta guna kaipaku isonane.’ Tuwaina kana, ‘Go tamagu, manakae? Itoboinem yau nakae kwaipakuyegu gea geya?’
776	GEN 28:2	Go sem kūna asa Padani Aram. Amoko goi kūna sinam tamana Betuweli ina vada goi. Vavina tayamo doiyam Lebani natunao yaidi goi kukābi kunāi.
779	GEN 28:5	Aisake ibóbwara ikavava, Yakobo ietune ina Padani Aram. Padani Aramyana moe Yakobo be Iso doiyadi Lebani ina kasa; Lebaniyana tamana Betuweli guma Aram.
784	GEN 28:10	E Yakobo itaoya, asa Bera Siva ikalave go, iketoiya ina asa Karani.
785	GEN 28:11	Inonoina go, ima tayamo asa ibabane, e amoko goi ikanaliya. Bogina kuyagoi. Níyala bogina isaliu. E mainao asayana goi dídiya tayamo ikabi, iyato ilogédava, e amoko goi imasisi.
788	GEN 28:14	Im boda adi badabada bei ivakaigaga! Tuwo im bodayana bei poyapoya ame madabokina situgidagidali, tauna sina bomatu dadavina, youya dadavina, koiboga dadavina be nakae yawéyana dadavina. Boda liliudi poyapoya goi bei siyagoi kom be im boda pasidi akaipakuyedi.
789	GEN 28:15	Kunōve. Yau avakiitaum, tuwo nako goi kuna yau bei avabodebodem gobe akaluvilemneim amem poyapoya ame goi. Moitamo. Geya akalavemta. Bei avakiitaum ana kadókana aguinuwe nakae bogina akatotule yaim.’
793	GEN 28:19	Ikavava, asayana boi yoina Lusi go, ivayou Beteli.
798	GEN 29:2	Go ikandobala náuna moteoina goi doelu igite. Doeluyana kikina goi sipi yauwo aito sikaaiyaka madi tomatakavatayao. Bogina kuyagoi. Doeluyana moe sipi adi bwae. E doeluyana tobuna aubodaina moe gurewa gagaina.
805	GEN 29:9	E nava sibobóbwara, Reitiyeli isowóduwo ima tamana ina sipi imedi. Bogina kuyagoi. Tauyana sipi ana tomatakavata.
814	GEN 29:18	E Yakobo Reitiyeli igite nuwona ikabi toina, tauna Lebani ilatuwoko idigo kana, ‘Bei apaaisewa tala ainima aiyuwo goi go, kom am bogomane Reitiyeli kutagone anai.’
815	GEN 29:19	E Lebaniyana idigo kana, ‘Dedevina. Bei avinim, govila ituli ta koroto ima ikabi inai. Tuwo yaigu goi kwaiyāka kupaaisēwa gobe avinim.’
825	GEN 29:29	Ego Lebani ina pákwana yoina Bila ikabi, Reitiyeli ivini ina pákwana.
834	GEN 30:3	E kina Reitiyeli idigo kana, ‘Gwa, guna pákwana Bila kwābi, taiyao komasīsi, e ikéuwama, ivenátuna yau manugu. E ina venatunayana goi yau nakae bei ma natugu.’
835	GEN 30:4	Tuwo moitamo Reitiyeli ina pakonayana Bila ikabi, Yakobo ivamonene. Moe monena aiyuwoina nakae go, taiyao simasisi, e ikéuwama.
838	GEN 30:7	Niga aiyuwoina simasisi, e Bila ikéuwama. Ikéuwama, ivenátuna, moe Yakobo natuna koroto aiyuwoina ivenatuni.
858	GEN 30:27	Go kina Lebaniyana idigo kana, ‘Doiyagu, neta itoboinegu im kanuwóiya ababane, e kwaiyāka yau taiyao. Bogina kuyagoi, méyava goi ayagoi kom pasim Yauwe ikaipakuyegu.
876	GEN 31:2	Aiyuwoina Yakobo igite Lebani maisina, e bogina iyagoi Lebaniyana ina sinapu ituli. Boi Yakobo ikabivekovekoe go, ame tutayana geya.
879	GEN 31:5	Tuwo sima Yakobo ilatuwokoidi idigo kana, ‘Bogina agite tamami ina kabivekoveko yau yaigu geya nakae boi mainao. Go tuwo tamagu ina Yaubada ivakiitaugu.
884	GEN 31:10	Boi yoguyogu idi váunuwo ana tuta goi sabamgo tayamo akanamimi. Guna kanamimiyana goi akandolaga goti bolamo agitedi liliudi sabasabaidi o kaupolapolaidi siiváunuwo bovavina taiyao.
887	GEN 31:13	Yau Yaubada boi asa Beteli goi toinigu asowóduwo yaim. Amoko goi boi dídiya tayamo kwabi, kuvataoe. Ikavava oribe putumina kwabi didiyayana goi kusiwoi. Moeko goi didiyayana bogina kiinavaina yau umagu. Ikavava, kukatótula yaigu. Tauna ame tutayana kutāoya, ame poyapoyayana kwalāve go, kwaluvīla kūna im kasa toina.”’
927	GEN 31:53	Bei Eberamo ina Yaubada be Nakori ina yaubada, moe tamadi idi yaubadao siliuneda neta yau ayogedegedem o kom kuyogedegedegu.’ Tuwo Yakobo tamana Aisake ina Yaubada tokatumatoita goi ikatótula.