238	GEN 10:3	Gomeriyana tubunao koroto ame nakae: Asikenasi, Ripata be Togarama.
242	GEN 10:7	Kosayana natunao koroto ame nakae: Seba, Kevila, Sabita, Reyama be Sabataka. Reyamayana natunao koroto ame nakae: Siba be Dedani.
246	GEN 10:11	Amo asayana goi ina Asiriya. Amoko goi asa yoidi Ninivei, Rekobota Ira be Kela ilokasa.
247	GEN 10:12	Asa Reseni nakae ilokasa. Moe asayana gagaina go, Ninivei be Kela nauyayanaidi goi ikaaiyaka.
285	GEN 11:18	E Pelegayana ana tala ana badabada teti (30) tutayana natuna koroto Reu ibíbina.
286	GEN 11:19	Reu ana bíbina mlina, Pelegayana ikaaiyaka tala ana badabada tu andedi nain (209) tuwaina. Ego amo talayadi goi natunao koroto be vevina liliudi sibíbina.
287	GEN 11:20	E Reuyana ana tala ana badabada tetitu (32) tutayana natuna koroto Seruga ibíbina.
288	GEN 11:21	Seruga ana bíbina mlina, Reuyana ikaaiyaka tala ana badabada tu andedi seven (207) tuwaina. Ego amo talayadi goi natunao koroto be vevina liliudi sibíbina.
396	GEN 16:14	Moe pasina doeluyana asa Kadesi be Bereda nauyayanaidi goi tomota sivayou Bera Lakai Roi.
571	GEN 22:23	Kina Betuweliyana natuna moe Ribeka. E Eberamo ivana Milika natunao adi badabada ainima aito ivenatunidi.
572	GEN 22:24	Nakoriyana monena aiyuwoina yoina Reuma, moe Milika sobuyekoina. E Reumayana nakae ivenátuna, natunao adi taivasi moe Teba, Gakam, Teyasi be Meyaka.
607	GEN 24:15	Go kugīta! Pakoninayana nava ikaawanoi go, Ribeka botori ivabe isowóduwo ima! Tauyana Betuweli natuna go, tubuna Milika. Milikayana monena yoina Nakori, tauyana Eberamo ana gómana.
608	GEN 24:16	Ribekayana vavina gumaboina toina. Tauyana geya tayaamo koroto ikanaaotai. E ima isou ina doeluyana goi bwae itega. Itega ikavava, ituko bego ikaluvila go,
614	GEN 24:22	Tutayana kameri sinim ikavava, korotoyana mawuwu goura ikabi, Ribeka kubuna goi ivaisiu. Nípuna goura aiyuwo nakae ikabidi, Ribekayana nimana goi ivalilividi.
621	GEN 24:29	Ego Ribekayana niuna tayamo yoina Lebani. Tauyana ikaaiyaka tutayana Ribeka iivatétala. E Ribekayana ina livala inove nakae mawuwu be nípuna igitedi, to ilokoinamo. Ilokoina ina doeluyana goi go, korotoyana igite iitaoya kameri kikidi.
637	GEN 24:45	Go yau nava nuwogu goi akaawanoi, e Ribeka ina botori ikavale ima. Tuwo isou ina doelu goi ina bwae itege go, yau alatuwoko kagu, “Manakae? Kutagona bwae giyaina im botori goi anim?”
643	GEN 24:51	Ribeka goame. Kwābi kunāve, e bei tauyana im tomoya natuna monena nakae Yauwe bogina ilatuwokoim.’
645	GEN 24:53	Ikavava, goura be siriba pasapasa be nakae kwama ikabidi Ribeka ivini. E nakae búwana maisadi gagaidi Ribeka niuna be sinana ivinidi.
646	GEN 24:54	Ivinidi ikavava, senao taiyao sikáika. Sikáika ikavava, simasisi. Simasisi vanuwo itomo, sitaoya, pakoninayana idigo kana, ‘Ame tuta kotagōna Ribeka akabi taiyao kana guna tomoya yaina.’
647	GEN 24:55	Go kidi sinana be niuna sidigo kadi, ‘Geya, latuwoma bego kom be Ribeka maliyalina yawou nakae takaaiyaka namlieta baige kona.’
651	GEN 24:59	E tuwo Ribeka mana pákwana vavina, Eberamo ina pákwana mana korotoyao taiyao sivaduduwedi.
652	GEN 24:60	E Ribeka sikaipakuye kadi, ‘Niuma, Im kaiyaka bei dedevina be nakae kususāila, e tubumowo badabadaaidi, nakae idi kaleyayao sitogagasavedi.’ Tuwo Ribeka mana pákwana sitaoya idi kameri goi sisowoya. Ikavava, Eberamo ina pákwana sisabokuliye go, ivakededi sina.
654	GEN 24:62	E kina go Aisakeyana asa Bera Lakai Roi ikalave go, ina Negevi goi ikaaiyaka.
656	GEN 24:64	Ribeka nakae ikandobala Aisake igite imamaima. Tuwo ina kameri goi isou
657	GEN 24:65	Eberamo ina pakonayana ilatuwoko idigo kana, ‘Amo ava koroto imamaima bei ivalobodeda?’ ‘Amo tauyana guna tomoya’, pakoninayana kaena. Tuwo Ribeka ana kwama ikabi, maisina itabode go, imatakipola nakae idi sinapu nai manuna.
659	GEN 24:67	E Aisake ina Ribeka ikabi, inave sinana vada lulubena yoyou parai sinaena goi. Moeko goi Ribeka bogina inai monena, e imatakoiye. Tuwo boi Aisake nuwona imou sinana ina kámasa pasina go, ame tutayana bogina iuyáwana.
670	GEN 25:11	E ina kámasa mlina, natuna Aisake Bera Lakai Roi goi ilokasa ikaaiyaka go, ina kaiyakayana goi kina Yaubada ikaipakuye.
679	GEN 25:20	E tutayana Aisake ana tala poti, Ribeka inai. Ribekayana tamana yoina Betuweli guma Aram, ina kasa Padani Aram. Niuna yoina Lebani.
680	GEN 25:21	E Ribeka ikágala, tauna Aisake ikawanoi Yauwe yaina bego natuna ivini. Tuwo Yauwe inove, e Ribekayana ikéuwama.
681	GEN 25:22	Ikéuwama go, gamona goi gogómana lalavi sivadidídina, tuwo Ribekayana ina nuwonúwana kana, ‘Kaga unana ame isowóduwo yau yaigu?’ Tuwo ikawanoi Yauwe yaina; latuwona bego iyagoi.
683	GEN 25:24	Tuwo moitamo Ribeka ina tuta ibabane, e gamona goi lalavi koroto sikaaiyaka.
685	GEN 25:26	Ego tutayana Iso isowóduwo, siyana ivámliya ibisibala tuwowona aegedugeduna iyoisi, tauna sivayou Yakobo. E Aisake ana tala siksti (60) tutayana Ribeka natunao ivenatunidi.
687	GEN 25:28	Aisake yoguyogu woiwoi ana tokáika, tauna natuna Iso imatakoiye. E kina go Ribeka natuna Yakobo imatakoiye.
694	GEN 26:1	E Bera Lakai Roi goi loga isowóduwo nakae boi Aisake tamana ana tuta. Tuwo Aisake itaoya, ina asa Garara goi da Palisiti adi tolovina Abimeleka igite ikawanoi tuta kaakupina ikaaiyaka.
700	GEN 26:7	Amoko goi koroto maniyedi sikandobala Ribeka sigite vavina gumaboina, e Aisake silumadade kadi, ‘Ribeka avakavam?’ Aisakeyana idigo kana, ‘Tauyana niugu.’ Bogina kuyagoi. Tauyana imatoita bego ilatuwokoidi kana, ‘Ribeka monegu’, govila bei Ribekayana pasina sikaumate.
701	GEN 26:8	E Aisakeyana bogina tuta maanawena amoko goi ikaaiyaka, e tuta tayamo ma monena Ribeka siituyuwo. Siituyuwo go, Aisake ibisibala Ribeka wowona ikatumoyasu. Adi taiyuwokova sinuwonúwana kadi, ‘Nakona adetava.’ Kom go avatau? Abimeleka, tauyana da Palisiti adi tolovina, ina vada goi ikaaiyaka, ikandosobu igitedi.
715	GEN 26:22	E Aisake ina ituli ta poyapoya goi ina pakonayaoyadi doelu aitonina sitavi go, geya vatau tayaamo ima ikaumakimaki, tauna doeluyana ivayou Rakovota go, idigo kana, ‘Yauwe abatau bogina ivinida yoiyada, tauna itoboineda takaiyaka, e tasusáila.’
728	GEN 26:35	Vevinayadi imedi go, idi sinapu pasina Aisake be Ribeka atedi igeda.
733	GEN 27:5	E kina go Ribeka itaaiyakeka tutayana Aisake ma natuna Iso sibobóbwara. Tutayana Isoyana itaoya ina yoyowo goi ivakauko,
734	GEN 27:6	e kina go Ribekayana ina natuna Yakobo ilatuwoko idigo kana, ‘Natugu kunōve. Maine tamam anove tuwowom Iso ilatuwoko
744	GEN 27:16	Ilosidi ikavava, goti bonatunayadi sakavaidi Ribeka ikabidi, Yakobo nimana be nukotona momooyasuna goi isikoidi.
770	GEN 27:42	Ago Ribeka vala inove bego Iso latuwona Yakobo ikaumate. Tuwo ina bogomane Yakobo iduduwe ima idigo kana, ‘Natugu, kunōve. Iso toinina ikipaiwole ame nakae: Iyupuyupu bego im goyo ikatumapu, e ikaumatem.
774	GEN 27:46	E Ribeka ina monena Aisake ilatuwoko idigo kana, ‘Amo Eta tubunao vevina adi taiyuwo Iso iinaidi bogina ogu ikai taiyao kakaiyaka. Neta Yakobo nakae Eta tubuna vavina tayamo inai, e dedevina yaigu neta akámasa.’
802	GEN 29:6	Tuwo Yakoboyana idigo kana, ‘Manakae? Tauyana dedevina gea geya?’ ‘U, dedevina. Kudobāla natuna Reitiyeli goamo. Tamana Lebani ina sipi imemedi’, tauyadi kaedi.
805	GEN 29:9	E nava sibobóbwara, Reitiyeli isowóduwo ima tamana ina sipi imedi. Bogina kuyagoi. Tauyana sipi ana tomatakavata.
806	GEN 29:10	E tutayana Yakobo ikandobala Reitiyeliyana igite doiyana ina sipi imemedi, Yakobo anetava go, gurewa iliu ikaibale, sipiyadi ivanimdi.
807	GEN 29:11	Ivanimdi ikavava, ibala ina Reitiyeli iyowoi go, mana uyáwana itáiya.
808	GEN 29:12	E idigo kana, ‘Yau Yakobo, tamam osiyana, Ribeka natuna.’ Tuwo livalayana Reitiyeli inove, ilokoina ina tamana ilatuwoko.
812	GEN 29:16	Ego Lebani natunao vevina adi taiyuwo sikaaiyaka, botomoya yoina Reya, e bogomane yoina Reitiyeli.
813	GEN 29:17	Reyayana vavina kubuunuwaina go, ana gómana Reitiyeli vavina gumaboina toina.
814	GEN 29:18	E Yakobo Reitiyeli igite nuwona ikabi toina, tauna Lebani ilatuwoko idigo kana, ‘Bei apaaisewa tala ainima aiyuwo goi go, kom am bogomane Reitiyeli kutagone anai.’
816	GEN 29:20	Tuwo moitamo tala ainima aiyuwo goi ipaaisewa bego Reitiyeli ikabi inai go, ina matakoi Reitiyeli yaina pasina ina nuwonúwana paisewayana moe tuta giyaina.
819	GEN 29:23	Sikáika ikavava, vanuwo bogina isabamgo, Lebani natuna Reya ikabi inave Yakobo yaina goi bego taiyao simasisi, e moe bogina bei sinai. Kina go Yakobo ina nuwonúwana kana, ‘Reitiyeli bogina anai.’ Go Reitiyeli geya, go sem Reya taiyao simasisi, sinai!
820	GEN 29:24	Ego Lebani ina pákwana vavina yoina Silipa ikabi, Reya ivini bego kina ina pákwana.
821	GEN 29:25	E Yakobo ma monena simasisi vanuwo itomo, Yakobo itaoya ikandobala Reitiyeli geya, go sem Reya igitebabane. Tuwo ina doiyana Lebani ilatuwoko idigo kana, ‘Ame kaga kuguinuwe yau yaigu? Manakae? Yau im paisewa apaisewe Reitiyeli manuna gea geya? Moitamo Reitiyeli manuna ae? Go kom kaga unana kwatubaugu?’
824	GEN 29:28	Tuwo moitamo nakae Yakobo itagona. E aikayana silukavave, Lebani natuna Reitiyeli ikabi, Yakobo ivini monena.
825	GEN 29:29	Ego Lebani ina pákwana yoina Bila ikabi, Reitiyeli ivini ina pákwana.
826	GEN 29:30	Tuwo Yakobo Reitiyeli taiyao simasisi sinai. E Reitiyeli imatakoiye gagaina namlieta Reya. Tala ainima aiyuwo tuwaina ipaaisewa Lebani manuna.
827	GEN 29:31	E tuwo sikaaiyaka, Yauwe ikandosobu Reya igite ana matakoi giyaina, tuwo ina guinuwa goi Reya itoboine ikéuwama, go sem Reitiyeli ikágala.
828	GEN 29:32	Tuwo moitamo Reya ikéuwama ivenátuna, natuna koroto. Tuwo idigo kana, ‘Yauwe guna kaiyakomou bogina igite. Nakona ame tutayana monegu bei imatakoiyegu.’ Moe pasina tauna natuna ivayou Rubeni.
831	GEN 29:35	Sivavasina ikeuwamako ivenátuna, natuna koroto, kana, ‘Ame tutayana Yauwe ayapaliye.’ Tuwo natuna ivayou Yuda. Go Reyayana ivenatunaupa.
832	GEN 30:1	E Reitiyeli tuwowona igite bogina ivenátuna, natunao adi badabada adi taivasi go, kina geya tayaamo ivenatuni Yakobo manuna. Tauna tuwowona ivakipikipiye. Tuwo Yakobo ilatuwoko idigo kana, ‘Yakobo, gogómana kuvinīgu go, neta geya, bei akámasa!’
834	GEN 30:3	E kina Reitiyeli idigo kana, ‘Gwa, guna pákwana Bila kwābi, taiyao komasīsi, e ikéuwama, ivenátuna yau manugu. E ina venatunayana goi yau nakae bei ma natugu.’
835	GEN 30:4	Tuwo moitamo Reitiyeli ina pakonayana Bila ikabi, Yakobo ivamonene. Moe monena aiyuwoina nakae go, taiyao simasisi, e ikéuwama.
837	GEN 30:6	E Reitiyeli idigo kana, ‘Yaubada itakinoigu yau todedevigu. Guna kawanoi inove, e natugu koroto ivinigu.’ Moe pasina natuna ivayou Dani.
839	GEN 30:8	E Reitiyeli idigo kana, ‘Yau tuwowogu taiyao bogina kapoikíkina Yaubada ina uyáwana manuna go, yau atogaga.’ Tuwo natuna ivayou Napatali.
840	GEN 30:9	E kina Reya iyagoi bogina ivenatunaupa, tuwo ina pákwana vavina Silipa ikabi, Yakobo ivamonene, e tauyana monena aiyuwoina nakae.
842	GEN 30:11	Tuwo kina Reyayana mana uyáwana idigo kana, ‘Guna dedevina bogina ababane!’ Tuwo natuna ivayou Gadai.
843	GEN 30:12	Reya ina pakonayana aiyuwoina ikéuwama, e ivenátuna, moe Yakobo natuna koroto ivenatuni.
844	GEN 30:13	Tuwo Reyayana idigo kana, ‘Nakona vevina liliudi bei sivayokoigu uyaaonigu. Tauna auyáwana gagaina!’ Tuwo natuna ivayou Aseri.
845	GEN 30:14	Sikaiyaka, sikaiyaka, witi ana dibayoya ana tuta Rubeni ina tánuwo goi go, náuna mandareki ibabane bogina ikéuwo, tuwo keuwoina maniyedi iguwedi. Iguwedi ikavava, imedi sinana Reya ivini. Ago Reitiyeli keuwoinayadi igitedi, inuwonúwana kana, ‘Neta akanidi, bei akéuwama.’ Tuwo idigo kana, ‘Tuwowogu, natum ana mandareki keuwoina maniyedi kuvinīgu akáika.’
846	GEN 30:15	Go kina Reyayana ivagágala, idigo kana, ‘Kom manakae? Moe igoyo boi monegu kuneboigu. Go manakae? Ame tutayana latuwom natugu ana mandareki keuwoina nakae kuneboigu ae? Geya!’ Tuwo Reitiyeliyana idigo kana, ‘Neta keuwoinayadi kuvinigu, atagona sabamgo ame goi Yakobo kom taiyao komasisi.’
847	GEN 30:16	Tuwo moitamo lavilavi goi Yakobo tánuwo goi ima go, Reya ina ivalobode, ilatuwoko idigo kana, ‘Monegu, sabamgo ame goi itoboine yau taiyao tamasisi. Natugu ana mandareki keuwoina goi agimonem.’ Tuwo sabamgo amo goi taiyao simasisi.
848	GEN 30:17	E Reya ina kawanoi Yaubada bogina inove, tuwo ina guinuwa goi Reya itoboine ikeuwamamna. Ikéuwama, ivenátuna moe Yakobo natuna koroto ainimaina ivenatuni.
849	GEN 30:18	Ago Reyayana idigo kana, ‘Guna pákwana monegu avini bego monena nakae, tauna ame guna vaiwówana Yaubada ivinigu.’ Tuwo natuna ivayou Isakara.
850	GEN 30:19	E Reya aiyuwoina ivenátuna, moe Yakobo natuna koroto ainima tayamoina ivenatuni.
851	GEN 30:20	E Reyayana idigo kana, ‘Yaubada yabobona dedevina toina bogina ivinigu. Nakona ame tutayana Yakobo bei iwowoinegu unana natunao ainima tayamo bogina avenatunidi.’ Tuwo natuna ivayou Sebuloni.
853	GEN 30:22	E amo tutayana Yaubada Reitiyeli inuwaisi nakae ina kawanoi inove, tuwo ina guinuwa goi Reitiyeli ina kágala ikavava.
878	GEN 31:4	E tuwo Yakobo yoguyogu imatakaavatedi, e livala ietune ina Reitiyeli be Reya yaidi idigo kana, ‘Ame tutayana yoguyogu amatakaavatedi go, ami taiyuwo kōma alatuwokoimi.’
888	GEN 31:14	Tuwo Reitiyeli be Reya sidigo kadi, ‘Tamama konana liliudi sikavava, tauna geya tayaamo kaga ikaaiyaka ima dalowo manuna.