2	GEN 1:2	Ego poyapoyayana ame geya ana katubayasinamo be nakae daakakaina. Go madabokina bwae dimówana ilatao. Dimowanayana yatanaina goi kokonótuya gagaina ikaaiyaka nakae Yaubada Balomaina itaakavata.
3	GEN 1:3	E Yaubada sopana goi imadágina idigo kana, ‘Mavada kusowōduwo!’ E mavadayana isowóduwo.
4	GEN 1:4	Mavadayana igite dedevina, e iuyaone. Imadagi ikavava, mavada be kokonótuya ikiwotaidi, e mavada ituli, kokonótuya ituli.
7	GEN 1:7	E tauna nakae isowóduwo. Sekulapeyayana isowóduwo, e bwaeyana iwotai. Bwae diligaema ituli, bwae ditonema ituli.
9	GEN 1:9	E Yaubada sopana goi imadágina idigo kana, ‘Bwae ditonema, kōna dadava tayamo goi kolamgōgana bei dadava tayamo sayasayaina isowóduwo!’ E tauna nakae isowóduwo.
11	GEN 1:11	Aiyuwoina Yaubada idigo kana, ‘Poyapoya, kom goi náuna sisūsuwo go, limou sidīdi be nakae kokowoika keuwoidi sikéuwo, taudi nakae ma kutukutudi.’ E tauna nakae isowóduwo.
14	GEN 1:14	E Yaubada sopana goi imadágina idigo kana, ‘Aba mavada yábana osasaina goi kosowōduwo, bei maliyalina nakae sabamgo kowotaidi! Aba mavadayami moe aba kinana maliyalina, tukówana be nakae tala tamo tamo manudi.
15	GEN 1:15	Komi aba mavada yábana osasaina goi konininīma bei poyapoya koomavade.’ E tauna nakae sisowóduwo.
18	GEN 1:18	be maliyalina sabamgo siloviinaedi be nakae mavada kokonótuya siwootaidi. Yaubada igitedi dedevidi, e iuyaonedi.
24	GEN 1:24	E Yaubada sopana goi imadágina idigo kana, ‘Poyapoya, kom goi kaga liliuna maa yawoidi sisowōduwo, maisidi taudi nakae, yoguyogu daladalaidi, bolitavanu be woiwoi, gagaidi be giyaidi.’ E tauna nakae sisowóduwo.
30	GEN 1:30	Woiwoi liliudi gagaidi be giyaidi, mánuwo liliudi, kaga liliuna poyapoya goi sidaladala nakae maa yawoidi, e náuna liliudi avinidi, moe avadi.’ E tauna nakae isowóduwo.
35	GEN 2:4	Ame kaga liliuna sisowóduwo yábana be poyapoya goi tetelidi boi tutayana Yauwe Yaubada iwodugudi.
41	GEN 2:10	E sákala tayamo Ideni goi idaudau tanuwoyana ivakaanapoive. Sakalayana Ideni goi isowóduwo iwotai, e sákala aivasi sidau.
54	GEN 2:23	Tuwo korotoyana idigo kana, ‘E ame moitamo! Ame tauyana luluna, yau lulugu maisiyana. Nakae sakavaina, yau sakavaigu maisiyana. Yau silalumigu goi isowóduwo, e maisiyagu. Tauna tauyana yoina moe vavina.’
75	GEN 3:19	Mam mosali bei kupaaisewa gagaina bego avam kubabane ana kadókana kukámasa, e kwaluvila kuna poyapoya goi. Bogina kuyagoi. Poyapoya goi aodugum. Moitamo. Kom taum poyapoyayana ana vaituwo, tauna bei kwaluvila kuna poyapoyayana goi. Tutayana kukámasa, bei kumalapoyapoyamna.’
82	GEN 4:2	Niga aiyuwoina ivenátuna, natuna koroto moe Keni siyana yoina Ebeli. Sikaiyaka, gogómana sibíbina gagaidi. E kina go Ebeliyana yoguyogu sipi ana tomatakavata go, kina Keniyana tobágula.
96	GEN 4:16	E Keni itaoya Yauwe matana goi isowóduwo ina asa yoina Nodi; moe Ideni bomatu dadavina.
147	GEN 6:9	E ame moe kina Nowayana tetelina. Tetalayana ame nakae: Nowa Yaubada nuwona ana tokibóbwata tayamo o kada tomota liliudi yaidi goi tauyana anetava geya ana pikwanamo. Tauyana iiketoiya nakae Yaubada iuyaone.
153	GEN 6:15	Ego dedeogayana ana yówana ame nakae: Ana mamanao ova ana badabada nainti (90). Ana papaeva ovayawou ovanima. Go ana tukotuko ovanima ovavasi.
154	GEN 6:16	Go lupa ana tukotuko aba katugúyala. Niga ina kátava kukāu. Kukau ikavava, kikina goi ana niboda kuyāto. Go ana bósima aito, tayamo ditonema, tayamo diligaema be nakae tayamo nauyayana.
161	GEN 7:1	E Yauwe idigo kana, ‘Nowa, kom bogina agitem, tomota liliudi yaidi goi kom amta nuwogu ana tokibóbwata, tauna kom mam bodao dedeoga goi kosowōya.
166	GEN 7:6	E kina go Nowayana ana tala bogina sikisi andedi (600) tutayana mluwa isowóduwo be poyapoya ilatao.
171	GEN 7:11	E Nowa ana tala sikisi andedi (600) goi be tukówana aiyuwoina be maliyalina seventin (17) goi moe isowóduwo. Amo maliyalinayana goi doelu liliudi iuwoosidi bwae gagaina poyapoya sinaena goi sikaubobóbwala be nakae yábana ikatupáeva,
179	GEN 7:19	Tuwaina bwaeyana itukotuko ana kadókana koya gagaidi liliudi poyapoya ana madabokina goi nakae ilataoidi.
181	GEN 7:21	Tuwo kaga liliuna maa yawoidi poyapoya goi sikamasa kówasa. Mánuwo, yoguyogu, woiwoi, manumánuwo be tomota liliudi nakae sikámasa.
188	GEN 8:4	Tuwo tukówana ainima aiyuwoina go, maliyalina seventin (17) goi, e dedeogayana Ararata koyaina tayamo goi itomava.
189	GEN 8:5	Bwaeyana nava isousou ana kadókana tukówana yawouna go, maliyalina tayamo, e koyayadi dabadi sipóiya.
191	GEN 8:7	boyoboyo tayamo ikabi, ietune ina. Tuwo boyoboyoyana iyova ina go, geya ikaluvileta, go sem iyovayova ana kadókana bwaeyana madabokina poyapoya goi iyápasa.
197	GEN 8:13	E Nowa ana tala ana badabada sikisi andedi wan (601) go, tukówana vakuumgoina maliyalina vakuumgoina goi, e bwae poyapoya goi bogina iyápasa. E tauyana dedeoga ana kátava ikatubale, e imatavilavila, igite bwae madabokina poyapoya yatana bogina iyápasa.
198	GEN 8:14	Niga tukówana aiyuwoina maliyalina tuwentiseven (27) goi poyapoya ana madabokina bogina isayasaya.
220	GEN 9:14	Tuta tamo tamo gaota yábana goi akaiwoduwedi go, kiyalayana nakae gaota goi isowóduwo,
222	GEN 9:16	Tauna tutayana kíyala gaota goi isowóduwo, bei agite, e guna kanasíuna vaatayaina komi be kaga liliuna maa yawoidi yaimi goi anuwokavate.’ Tuwaina Yaubada kana,
225	GEN 9:19	Ame tauyadi adi taito moe Nowa natunaoyadi go, tauyadi yaidi nava tomota liliudi bei sisowóduwo, e poyapoya ana madabokina goi sisapa.
228	GEN 9:22	Niga Kenani tamana Em ima yoyouyana goi isiu tamana igite ma paawakuna go, geya ivatanigoeta, go sem isowóduwo ina moetala goi senao ilatuwokoidi.
249	GEN 10:14	da Paterusi, da Kasaluka (niga ame tauyadi goi da Palisiti sisowóduwo) be nakae da Kapatori.
250	GEN 10:15	Kina Kenani natunao koroto ame nakae: Saidoni botomoya be nakae siyana Eta. Niga go tubudiyao sisowóduwo idi bodao yoidi nakae.
256	GEN 10:21	Semi, tauyana ana gómana Diyepeta, nakae isusáila, natunao badabadaidi go, tauyana tubuna tayamo yoina Iberi. Tauyana tubunao badabadaidi.
268	GEN 11:1	E mainao tomota liliudi da poyapoya niyadi tayamo be nakae idi bóbwara tayamo.
303	GEN 12:4	E tauna tutayana Eberam ana tala seventipaibi (75), e ina nakae Yauwe boi bogina ilatuwoko. Monena Serai be ana gómana natuna Loti be nakae konana liliudi be ina pakonayao asa Karani goi bogina ikabidi, e taiyao sitaoya, Karaniyana sikalave go, sina asa Kenani. Tutayana sisowóduwo Kenani dadavina goi,
306	GEN 12:7	E amoko goi Yauwe isowóduwo Eberam yaina idigo kana, ‘Eberam, ame asayana bei im boda avinidi.’ Tuwo dídiya ikabidi, ikaudakodako, aba kasala imadagi Yauwe ana kaba wowoina manuna.
309	GEN 12:10	Sikaiyaka aaa, e Kenani goi loga isowóduwo. Logayana gagaina, tauna Eberam kidi sitaoya sina Itipita goi bego sisuvadavada; loga ana kaba lukavava situyaosi.
338	GEN 14:1	E tutayana da Sinari adi tolovina Amrapeli, da Elasa adi tolovina Ariyoki, da Elam adi tolovina Kedolaomera be da Goim adi tolovina Tidali siilovina, e tolovinayadi adi taivasi madi tovayaviyayao silamgógana yaviya manuna.
339	GEN 14:2	Silamgógana, sideli sina bego sivayaviya tolovina adi tainima taiyao. Tauyadi moe da Sodoma adi tolovina Bera, da Gamora adi tolovina Bisa, da Adima adi tolovina Sinabi, da Siboim adi tolovina Semibera be nakae da Bela adi tolovina. Belayana youyuwoina Sowa.
340	GEN 14:3	Ame tolovinayadi adi tainima sima Sidim butumina goi taiyao sispwagógana yaviya manuna. (Ego niga baige butumayana goi otoku yoina Négwasa Negonegosina isowóduwo.)
342	GEN 14:5	E tala yawou aivasina goi, kidi Kedolaomera tolovina adi taivasi taiyao silamgógana go, idi kasa sikalavedi sinonoina Sidim butumina. Sinonoina, e asa Asiterota Karanaim goi sisowóduwo, e todukeketayao sikaumatedi. Ikavava, sina asa Em goi Susim tubunao sikaumatedi. Ikavava, sina asa Sava Kirayataim goi Emim tubunao sikaumatedi.
345	GEN 14:8	E amo tutayana kidi tolovinayadi adi tainima bogina silamgógana go, madi tovayaviyayao sideli sima Sidim butumina goi sitaoya bego sivayaviya
349	GEN 14:12	E Eberam ana gómana natuna Loti nakae siyoisi bego ma konana sinavedi idi kasa goi. Bogina kuyagoi. Tauyana nava Sodoma goi ikaaiyaka.
350	GEN 14:13	Sinavedi go, koroto tayamo isiya ima Eberam, tauyana Iberiu, ilatuwoko idigo kana, ‘Eberam, Kedolaomera ma senao sina Sodoma tomota silauidi go, am gómana natuna Loti siyoisi, sinave.’ Ego amo tutayana Eberam ikaaiyaka koroto tayamo yoina Mamre ina kalova gagaidi goi. Mamreyana Emori tubuna go, senao Esikoli be Aneri. Ago adi taito Eberam taiyao silamgógana; latuwodi Kedolaomera ma senao idi tovayaviyayao sivatapiyedi.
353	GEN 14:16	Tauna kaga liliuna tauyadi siyoisidi, e kidi Eberam sikabimneidi. E nakae ana gómana natuna Loti ma konana be nakae tomota liliudi sikabimneidi.
358	GEN 14:21	Ivini ikavava, e da Sodoma adi tolovina idigo kana, ‘Eberam, kónana kom toinim kwabīdi go, tomota boi siyooisidi yau kuvinīgu.’
359	GEN 14:22	E kina Eberamyana idigo kana, ‘Akatótula Yauwe Yaubada Tokanayatanatoina matana goi, Tauyana yábana be poyapoya adi tomadágina.
362	GEN 15:1	E amo dogoiyadi sikavava, Eberam ikalayáusa go, ina kalayausayana goi Yauwe ina livala ima idigo kana, ‘Eberam, taabu kuumatōita. Yau am lowo bei amatakavatem be nakae am tovaiwówana, e am vaiwówana gagaina toina bei avinim.’
363	GEN 15:2	Go kina Eberamyana idigo kana, ‘Yauwe guna Tomoya, yau bei geya natugumo akámasa go! Tauna kaga ana dedevina neta kónana kuvinigu? Yau guna katumapu moe guna pákwana Eliyesa guma Damasiko.’
365	GEN 15:4	E moeko goi kina Yauweyana ina livala aiyuwoina ina Eberam yaina idigo kana, ‘Amo tauyana bei geya im katumapu geya, go sem kom natum toinim wowom goi bei isowóduwo, e moe tauyana bei im katumapu.’
366	GEN 15:5	E tuwo Eberam ikabi ivakede sisowóduwo moetala goi, idigo kana, ‘Eberam, kwandolāga yábana kugīte be utuna kwatuyaivīdi. Aa, neta itoboinem kwatuyaividi!’ Tuwo ikatótula idigo kana, ‘E im boda adi badabada bei nakae.’
367	GEN 15:6	Eberam inumisa Yauwe yaina, e ina numisayana Yauwe igite, ikamoitamoe bego kina Eberamyana moe Yauwe nuwona ana tokibóbwata.
373	GEN 15:12	E níyala isousou go, Eberam wowona ikamou imasisi, ikanamatáiya. E kokonótuya gagaina isowóduwo ivatum, tauna imatoita gagaina.
375	GEN 15:14	Ago amo bodayadi siipakoidi bei atakinoidi liuna manuna. Atakinoidi ikavava, tubumowoyadi bei sisowóduwo go, tutayana asayana sikalave, kónana badabadaidi bei sikabidi sinavedi.
377	GEN 15:16	E kidi go im bodaoyadi, e tala poa andedi (400) sikavava, bei sikaluvilamna sima ameko goi go, mainao sieogaoga ituli ta kasa goi. Moitamo. Kidi Emori tubunao ameko goi sikaaiyaka ana kadókana idi goyo nakae itoboinedi adi liuna sibabane namlieta bei avatapiyedi.’
378	GEN 15:17	E níyala isaliu, e bogina ikamamaníwana go, Eberam ikandobala igite vaega tayamo isowóduwo. Vaegayana tobuna goi aubowo itukotuko be nakae dúgala ininínima, e yoguyogu boboyuwoidi talaidi nauyayanaidi goi sinonoina.
379	GEN 15:18	E amo maliyalinayana goi Yauwe ikanasíuna Eberam yaina idigo kana, ‘Eberam, akatótula bego im boda poyapoya ame bei avinidi. Poyapoyayana ana túwana ame nakae: Itipita ina sákala gagaina Yuparetisi.
399	GEN 17:1	Tuwo Eberam ikaiyaka aaa, ana tala naintinain (99) ibabane, e Yauwe isowóduwo yaina, idigo kana, ‘Yau Yaubada Tokalika. Im ketoiya madabokina goi kwabikaonēgu go, tuta liliuna im guinuwa goi geya am pikwanāmo.
402	GEN 17:4	‘Kunōve. Yau guna kanasiunayana yaim ame nakae: Akatótula bego kom bei boda badabadaidi tubudi.
404	GEN 17:6	Bei akisailim gagaina, e bei kom goi boda badabadaidi sisowóduwo nakae kom tubumowo goi tokalibúbuna maniyedi bei sisowóduwo.
410	GEN 17:12	E ame tuta nakae tuta simamaima ava gómana koroto ibíbina yaim goi, neta ana maliyalina ainima aito bogina ibabanedi, e sakavaina kukūpo. Nakona im vada goi ibíbina o tauyana paakonina ogaoga goi kugimone, tauyana sakavaina kukūpo. Ame aba kinana yaida bego akanasiukovataem.
414	GEN 17:16	Bei akaipakuye, e bei tauyana goi natum koroto avinim. Aiyuwoina akaipakuye bei tubunao goi boda badabadaidi sisowóduwo go, bodayadi tubudi moe tauyana. Ago tubunao goi tokalibúbuna maniyedi bei sisowóduwo.’
416	GEN 17:18	Go tauyana Yaubada ilatuwoko idigo kana, ‘Neta im kaipaku isowóduwo natugu Isimaeli goi! Sera ikágala, tauna kaga liliuna kukaatotule yau yaigu, nakona natugu Isimaeli yaina kuguinuwe.’
418	GEN 17:20	E kina go Isimaeli manuna, im kawanoi bogina anove, tauna kunōve. Moitamo tauyana nakae bei akaipakuye. Bei akisaili gagaina, e natunao badabadaidi. Nakae natunao be tubunao akisailidi, e badabadaidi sisowóduwo. Tauyana natunao koroto adi badabada yawou aiyuwo go, tauyadi tokalibúbuna. Niga be tubunao moe boda tayamo gagaina.
420	GEN 17:22	E Yaubada ibóbwara ikavava, Eberamo ikalave go, ituko.
426	GEN 18:1	E tuwo Eberamo nava asa Mamre alovaina gagaidi goi ikaaiyaka. Go tuta tayamo dine goi ituwodo ina yoyou parai totomna goi itusobu ikaaiyaka. Ikaaiyaka, e Yauwe isowóduwo tauyana yaina.
427	GEN 18:2	E Eberamoyana ikandobala koroto adi taito igitedi sitataoya. Igitedi, ina yoyou parai totomna goi isowóduwo, woilina ibala ina ikauyagu yaidi goi, e aena ivatugúyala, ikanakabobo.
428	GEN 18:3	Tuwo idigo kana, ‘Guna tomoya, neta itoboinegu im kanuwóiya ababane, geya kunoita, go sem yau im pákwana taiyao takaiyāka.
435	GEN 18:10	Tuwo sinaedi goi tayamo idigo kana, ‘Tukówana ainima aivasi nakae sikavava, moitamo bei akaluvila go, kunōve. Monem Serayana bogina bei ivenátuna, natuna koroto.’ E kina go Serayana yoyou ana niboda mlina goi ikaaiyaka itaaiyakeka.
439	GEN 18:14	Geya kada kaga tayaamo imou yau Yauwe yaigu. Moitamo guna upa bogina ayato bei akaluvila moe tukówana ainima aivasi sikavava nakae go, Sera bogina bei ivenátuna, natuna koroto.’
444	GEN 18:19	Guna nuwonúwana geya avamouyeta. Tauyana bogina akatuveko bei natunao nakae tubunao ilovinaedi kana, “Yauwe ina kenao goi taaketōiya ame nakae: Nuwona takiboobosīdi be nakae takínona vavasa taguuinūwe. Neta nakae taguuinuwe, e Yauwe ina katótula bei isowóduwo komi be yau yaida.”’
448	GEN 18:23	E ivalabelabena Yauwe yaina idigo kana, ‘Tomoya, manakae? Tokibóbwata toogoyoidi taiyao bei moitamo kumtulidi?
450	GEN 18:25	Go moe geya nakae im sinapu geya. Iyaa! Neta toogoyoidi tokibóbwata taiyao kumtulidi, moe ana kaigigita tauyadi matam goi sivavasa. Ago kom kai da poyapoya ama totakínona; itoboinem kutakinona vavasa ae?’
451	GEN 18:26	E Yauweyana idigo kana, ‘Neta tokibóbwata adi badabada pipti (50) Sodoma goi ababanedi, e kidi pasidi madabokidi bei anuwotaoidi.’
452	GEN 18:27	E Eberamo idigo kana, ‘Tomoya, yau kaga? Tomota tayamo poyapoya kaukauna tauna. Go tuwo bokoyo magu katepatu avadigoim go, guna digopopóita kunuwotao.
453	GEN 18:28	Neta tokibóbwata adi badabada poti paibi (45) taudi Sodoma goi sikaaiyaka, manakae? Bei toni kasa liliudi kumtulidi?’ ‘Neta tokibóbwata adi badabada poti paibi (45) ababanedi, e toni kasayadi madabokidi geya amtulidita’, Yauwe kaena.
454	GEN 18:29	E Eberamo ibobwaramna idigo kana, ‘Go neta tokibóbwata adi badabada poti (40) taudi amoko goi kubabanedi?’ ‘Tokibóbwata adi badabada poti (40) pasidi toni kasayadi geya amtulidita’, Yauwe kaena.
455	GEN 18:30	Eberamo idigo kana, ‘Tomoya, geya kuegamogamoguta, go sem kutagōna abóbwara. Neta tokibóbwata adi badabada teti (30) kubabanedi, bei manakaem?’ ‘Neta tokibóbwata adi badabada teti (30) ababanedi, toni kasayadi madabokidi bei geya amtulidita’, Yauwe kaena.
456	GEN 18:31	Eberamo idigo kana, ‘Tomoya, magu katepatu avadigoim go, guna digopopóita kunuwotao. Neta tokibóbwata adi badabada tuwenti (20) kubabanedi, bei manakaem?’ ‘Tokibóbwata adi badabada tuwenti (20) pasidi toni kasayadi madabokidi bei geya amtulidita’, Yauwe kaena.