22	GEN 1:22	E ikaipakuyedi idigo kana, ‘Négwasa iyaiyanimi kosusāila gagaina, e negwasayana kovakayaodēi. Mánuwo nakae, poyapoya goi kosusāila.’
28	GEN 1:28	Iwodugudi ikavava, ikaipakuyedi idigo kana, ‘Kosusāila be poyapoya kovakayaodēi, e poyapoyayana koepaisēwe ami dedevina manuna. Nakae íyana, mánuwo be nakae kaga liliuna maa yawoidi poyapoya goi sidaladala kokaliibubūdi.’
78	GEN 3:22	E Yauwe Yaubada idigo kana, ‘Iyaa! Tomotayadi bego kita nakae, dedevina be goyo siyagoidi! Tuwo tasanabodēdi bei geya itoboinedita yawana vata alovaina keuwoina sikabi, govila bei sikani sikaiyako vata!’
152	GEN 6:14	Kom kūna alova dedevidi kutalāidi, kumēdi, dedeoga tayamo gagaina kuyōwo kom manum. Kuyowo ikavava, sinaena kuvabodāupe go, sinaena be nakae toluye kubwadēdi.
159	GEN 6:21	Go kom sem kūna awoinu tamo tamo maniyedi kukabīdi kumēdi dedeogayana goi kudodōidi. Moe kom mam bodao avami be nakae yoguyogu be mánuwo avadi.’
201	GEN 8:17	E kaga liliuna maa yawoidi kovakedēdi sisou. Moe mánuwo liliudi, yoguyogu liliudi be kaga liliuna sidaladala. Madabokidi sisou sina poyapoya ana madabokina goi sisusáila gagaina.’
233	GEN 9:27	Diyepeta ina poyapoya kom Yaubada kukidedēde bei ana dedevina ibabane. Diyepetayana be Semi kutagonēdi madi tuboina taiyao sikaaiyaka. Go Kenani kuvayōko kina Diyepeta ina pákwana.’
300	GEN 12:1	E boi Eberam nava Ura goi ikaaiyaka go, Yauwe iduduwe idigo kana, ‘Kutāoya, moe im kasayana kwalāve. Osemowo be im bodayauwo nakae tamam ina vada goi kwalavēdi go, kūna asa tayamo bei avatulukoim.
319	GEN 12:20	E Peroyana ina topaisewayao ilatuwokoidi idigo kana, ‘Eberam kidi konavēdi kovalilivēdi bei Itipita sikalave.’ Tuwo Eberam ma monena be nakae ma konana madabokidi asa sikalave.
336	GEN 13:17	Poyapoyayana bei avinim. Tauna kutāoya kūna madabokina goi kuvabebēo.’
361	GEN 14:24	Tauna konam geya akabidita, go sem kaga liliuna guna tovayaviyayao bogina sikáika, moe bogina. Ago tauyadi Aneri, Esikoli be Mamre yaviya goi sivaitegu, tauna kutagonēdi adi kaiguyau sikabidi.’
370	GEN 15:9	E Yauwe idigo kana, ‘Kūna bulumakau bovavina tayamo, goti bovavina tayamo, sipi bolamo tayamo, tamo tamo adi tala aito, bolitutu be nakae bunabuna manuwoyaula kwabīdi kumēdi.’
391	GEN 16:9	Yauwe ina aneroseyana idigo kana, ‘Kwaluvīla kūna am towosi goi kukasalēm tauyana yaina.’
399	GEN 17:1	Tuwo Eberam ikaiyaka aaa, ana tala naintinain (99) ibabane, e Yauwe isowóduwo yaina, idigo kana, ‘Yau Yaubada Tokalika. Im ketoiya madabokina goi kwabikaonēgu go, tuta liliuna im guinuwa goi geya am pikwanāmo.
463	GEN 19:5	Sitaaoyakobu go, Lotiyana siduduwe sidigo kadi, ‘Loti e! Koroto maine lavilavi im vada goi sisiusiu nakoidi? Kwaiwoduwēdi bei kamasisiyedi!’
466	GEN 19:8	Konōve. Yau natugowo vevina adi taiyuwo amedi go, koroto taiyao geya simasisita. Neta kotagona, akabidi amedi avinimi go, kaga latuwomi koguinuwe yaidi toinimi kolovina, go sem ame korotoyadi taabu kobisiikonēdi unana tauyadi guna vada goi sikaiyaka, tauna itoboine avabodebodedi. Tauna taabu kobisiikonēdi!’
477	GEN 19:19	Kunōve. Yau im pákwana bogina kukanuwoiyegu be nakae bogina kukubunuwegu tutayana Sodoma aná mtula goi yawoigu kuyave. Go kai geya itoboinemeta kasiya kana amo koyayana goi. Aduwanau isaki. Tauna taabu kueetunēma kana maeko goi govila bei ame vailaiyana ibabanema, e kakámasa.
503	GEN 20:7	Go tuwo! Eberamo yau guna tokabivalavala, tauna vavinayana kwābi, Eberamo kuvinimnēi bei ikawanoi manum, e bei geya kukamaseta. Go sem neta geya kuviniyeta, moitamo kom be nakae im bodao bei akaumatemi.’
509	GEN 20:13	E Yaubada boi ilatuwokoigu bego guna kasa akalave. Tuwo amo tutayana Sera alatuwoko adigo kagu, “Sera, kom monegu, tauna kukubunuwēgu ame nakae: Asa tamo tamo goi takaaiyaka tomota liliudi kulatuwokōidi kam, ‘Eberamo niugu.’”’
524	GEN 21:10	e ina Eberamo ilatuwoko idigo kana, ‘Amo pakoninayana maa natuna kuvatapiyēdi sina. Pakoninayana natuna konam bei geya ikabidita tutayana kukámasa, go sem konamyadi madabokidi natugu Aisake anetava bei ikabidi.’
526	GEN 21:12	Go kina Yaubada idigo kana, ‘Eberamo, atem taabu igedagēda natum be im pákwana pasidi. Guna katótula tubumowo manudi Aisake goi bei imalatomota. Aiyuwoina kina Isimaeliyana natum, tauna bei akisaili, e bei tubunao boda tayamo gagaina. Tauna kaga liliuna Sera ilatuwokoim kuguinuwēdi, e sopana kwabikaōne be kuguinuwēdi.’
560	GEN 22:12	Aneroseyana idigo kana, ‘Taabu natum kukaalimāte be taabu kuyogeedegēde! Ame bogina ayagoi kom kutaimaminegu be nakae kwabikaonegu unana natum kaakesaina go, tuwo geya kuvagagalakoiguta.’
578	GEN 23:6	‘Tomoya, kunovēma. Kom tomoya toolagaim yaima goi. Ava valiwoga tukubu dedevina toina, e moeko goi im tomata kuvaliwoge. Madabokima bogina katagona. Geya vatau tayaamo bei ivagagalakoim o isanabodem im tomata kuvaliwoge.’
580	GEN 23:8	go, idigo kana, ‘Neta moitamo imi nuwonúwana bego ameko goi guna tomata avaliwoge, e konovēgu. Sokara natuna Epironi yaina goi kokawanōi manugu
583	GEN 23:11	‘Guna tomoya, moe nakae geya. Kunovēgu. Poyapoyayana be nakae tukubuyana guna bodao matadi goi avinim. Kūna im tomata kuvaliwōge.’
585	GEN 23:13	idigo kana, ‘Moe dedevina go, kunovēgu. Neta kutagona, e poyapoyayana madabokina ana maisa toina goi aemaisi. Am mani kwābi go, ana amoko goi guna tomata avaliwoge.’
587	GEN 23:15	‘Guna tomoya, kunovēgu. Poyapoyayana ana maisa siriba ana badabada poa andedi (400) go, moe dogoi besobeso yaida ae? Poyapoyayana avinim. Tuwo kūna im tomata kuvaliwōge.’
648	GEN 24:56	Go kina pakoninayana idigo kana, ‘Taabu kovagaagalēgu. Yauwe ina guinuwa goi guna koidádana imalatomota, tauna kotagōna mainao kana guna tomoya yaina goi.’
722	GEN 26:29	Ame nakae: Kom kukatōtula bego taabu kuyogedegedēma nakae kai boi geya kayogedegedemta, go sem ima sinapu tuta liliuna dedevina yaim be nakae mam tuboina kavalilivemmo. E ame tutayana kayagoi Yauwe ikaipakuyem.’
736	GEN 27:8	Tauna natugu, ame tuta kunovēgu. Kaga nakae alatuuwokoim, kom nakae kuguinūwe.
737	GEN 27:9	Natugu, ame tuta kūna goti bonatuna aiyuwo dedevidi kulauīdi kumēdi, e awoinu dedevina bei aodugu nakae tamam nuwona ikabi.
741	GEN 27:13	Go sinanayana idigo kana, ‘Natugu, neta ikatubolatem, yau atagona bego atubolatayana ima yaigu, go kom sem niyagu konōve. Ame tuta kūna gotiyadi kulauīdi kumēdi.’
747	GEN 27:19	Yakoboyana ipola idigo kana, ‘Tamagu, yau im botomoya Iso. Kaga nakae kulatuuwokoigu bogina nakae aguinuwe. Tauna kutusobu dōkana, kwāika. Ikavava, kwaipakuyēgu.’
759	GEN 27:31	Ima, e nakae awoinu dedevina iwodugu. Iwodugu ikavava, isiu ina tamana ivini idigo kana, ‘Tamagu, kutusobu dōkana go, ame anina bogina avaipolu kwáika gobe kwaipakuyēgu.’
762	GEN 27:34	E tutayana kina Isoyana tamana ina livala inove, mana táiya ipodeda gagaina idigo kana, ‘Oiyoi, tamagu! Yau nakae kwaipakuyēgu!’
766	GEN 27:38	Go kina Isoyana idigo kana, ‘Go manakae? Sivatayamo tauna itoboinem kwaipaku ae? Tamagu! Yau nakae kwaipakuyēgu!’ Tuwo Iso itáiya gagaina.
803	GEN 29:7	E Yakoboyana idigo kana, ‘Kaga unana sipi komedi? Ame dine, níyala ivakaigaga go! Ame geya idi tuta kolamgogoidi sabamgo manuna. Tuwo kovanīmdi baige kokaluvilemnēidi konavēdi limou sikáika.’
815	GEN 29:19	E Lebaniyana idigo kana, ‘Dedevina. Bei avinim, govila ituli ta koroto ima ikabi inai. Tuwo yaigu goi kwaiyāka kupaaisēwa gobe avinim.’
823	GEN 29:27	Go tuwo, om inuwa. Nai aikanina ame tauyana manuna taguinūwe wiki ame goi. Ikavava, bogomane avinim kunai go, kom tala ainima aiyuwo tuwaina kupaaisēwa manugu.’
859	GEN 30:28	Tuwo kwaiyāka ameko be kupaaisēwa manugu. Am maisa kulatuwokōigu bei aemaisim.’
886	GEN 31:12	Aneroseyana idigo kana, “Kwandolāga goti bolamo liliudi kugitēdi sabasabaidi o kaupolapolaidi bovavina taiyao yau guna lovina goi siváunuwo. Lebani ina guinuwa liliuna yaim goi bogina agite.
906	GEN 31:32	Go im tokwalu sem, sedao matadi goi kulusalēdi. Neta ameko goi kubabanedi, e avatau ivainaoidi takaumate. Ava konam kubabane, e kwābi.’ E Yakobo inuwonúwana Lebani ina tokwaluyadi manudi ibágala, tauna moe nakae ibóbwara. Kom go vatau? Tokwaluyadi Reitiyeli ivainaoidi!
920	GEN 31:46	Ikavava, senao ilatuwokoidi idigo kana, ‘Kōna gurewa kokabīdi, komēdi.’ Tuwo sina gurewa sikabidi, simedi go, sivagugunidi. Sivagugunidi ikavava, gugunayana kikina goi Lebani be Yakobo taiyao sikáika.
938	GEN 32:10	E ikiwotaidi ikavava, ikawanoi Yaubada yaina, idigo kana, ‘Tubugu Eberamo be tamagu Aisake idi Yaubada, kunovēgu. Yauwe, boi kom kulatuwokoigu kam, “Kwaluvīla kūna im kasa be nakae osemowo yaidi, e bei ayabobonem.”
940	GEN 32:12	Ame tuta tuwowogu Iso yaina kuyavēgu. Amatoita tauyana bei ima vevina ma natudiyao be yau ilauima.
955	GEN 32:27	E korotoyana idigo kana, ‘Kwalavēgu! Bogina botomotomo.’ ‘Geya akalavemta ana kadókana kukaipakuyegu’, Yakobo kaena.
991	GEN 34:10	Ameko goi kokaiyāka. Ava poyapoya latuwomi, kokābi go, kopaisēwa be nakae poyapoya kogimōna.’
1014	GEN 35:2	Ibóbwara ikavava, e Yakobo osenao ilatuwokoidi idigo kana, ‘Osegowo, neta tokwalu sikaaiyaka yaimi, kokalavēdi. Ikavava, kokimavadēmi ame nakae: Ami kwama kokalavēdi go, kwama vau kolosīdi.
1098	GEN 37:14	E Yakobo idigo kana, ‘Ame tuta kūna kuvadadēdi. Neta kidi be nakae yoguyogu dedevidi, e kūma kulatuwokōigu.’ Tuwo Isileli Ebironi butumina goi ikaaiyaka go, Iyosepayana ietune ina asa Sekem.
1101	GEN 37:17	E korotoyana idigo kana, ‘U. Boi kwalae sima ameko go, bogina sina. Tauyadi anovedi sidigo kadi, “Yoguyogu tanavēdi Dotani ana dadava goi.”’ Tuwo Iyosepayana ina Dotani goi ilusaledi, e amoko goi igitedi.
1136	GEN 38:16	E Yuda ivatabale ina vavinayana kikina goi idigo kana, ‘Kūma kumasisiyēgu.’ Geya iyagoiyeta bego vavinayana moe yaona Temari. ‘Gobe kaga kuvinigu?’ Temariyana kaena.
1140	GEN 38:20	E niga Yuda ina goti bonatuna tayamo ikabi, siyana Ira ivini. Ivini, ilatuwoko idigo kana, ‘Ira, ame gotiyana kwābi kunāve vavinayana kuvīni go, konaguyadi kutatetēdi.’ Tuwo ikabi ina vavinayana ilusale, geya.
1154	GEN 39:4	Tuwo Potipari ina kanuwóiya ibabane. Tauyana idigo kana, ‘Iyosepa, tuta ame goi avayokoim kom tomatakavata. Guna vada be nakae konagu liliudi kumatakavatēdi unana anumisem.’
1157	GEN 39:7	Tauyana ipaaisewa ina tomoya Potipari ina vada goi go, Potipariyana monena ikandobala Iyosepayana igite koroto gumaboina, tauna ivakone. E tuta tayamo ina ilatuwoko idigo kana, ‘Iyosepa, kūma kumasisiyēgu.’
1160	GEN 39:10	Ego maliyalina tamo tamo Iyosepayana ilumaakikine kana, ‘Iyosepa, kūma kumasisiyēgu.’ Go kina Iyosepayana ikatae, tuwo geya itagoneta bei imasisi tauyana taiyao.
1162	GEN 39:12	Tuwo vavinayana ima ibisibala Iyosepayana ana kwama iyoisi, idigo kana, ‘Kūma kumasisiyēgu!’ Go Iyosepayana ana kwama ikalave, vadayana goi ilokoinaodo, isiya.
1230	GEN 41:34	Aiyuwoina gávana kukinavēdi go, kuvayokōidi kidi asa tamo tamo adi tomatakavatayao. Tala tamo tamo asa imáliya, e tala dedevidi goi tomota idi witi ana dibayoya sikaiguyauye gúguna ainima ainima.
1272	GEN 42:19	Guna nuwonuwanayana ame nakae: Neta komi koroto todedevimi, koroto tayamo yaimi ameko deri goi ikaaiyaka go, madabokimi semiyao tokodaloga adi witi kokabīdi konavēdi imi kasa goi kovinīdi avadi.
1275	GEN 42:22	E Rubeni idigo kana, ‘Manakae? Boi alatuwokoimi gomanayana taabu koyogeedegēde gea geya? Moitamo alatuwokoimi go, geya konoveguta! Tauna ame ina kámasa ana katumapu bogina tababane.’
1290	GEN 42:37	Go kina Rubeni idigo kana, ‘Natum Beniyamina bei akaluvilemnei, go neta geya, e natugowo adi taiyuwo atagonedi kukaumatedi. Tamagu, kunumisēgu. Gomanayana nimagu goi kuyāto, niga bei akaluvilemnei.’
1302	GEN 43:11	E Isileli idigo kana, ‘Neta moe nakae, ame nakae koguinūwe. Dogoi dedevidi kita ida kasa goi sikaaiyaka nakae pútuma, mokava, alovamamaina sisina be taniya kokabīdi, imi baiki goi kododōidi, e konavēdi tolovinayana kovīni. Moe ida yabobona korotoyana yaina.
1303	GEN 43:12	Go imi mani tuwaina kokabīdi be nakae maniyadi boi koonavedi nakae kokabīdi taiyao konavēdi. Konuwāisi boi imi mani sivadodoimneidi imi baiki sinaena. Nakona tauyadi sibágala.
1307	GEN 43:16	E Iyosepa ikandobala Beniyamina igite kidi taiyao. Tuwo ina vada ana tovakumgo ilatuwoko idigo kana, ‘Ame korotoyadi kukabīdi, kumēdi yau guna vada goi. Kumedi ikavava, kūna tayamo yoguyogu kwaumāte kuvaipōlu. Ikavava, e dine goi taiyao kakáika.’
1322	GEN 43:31	Itáiya ikavava, mataiuna iniki. Ina lotówana itoto go, ina pakonayao ilatuwokoidi idigo kana, ‘Avama kovaidēde.’
1326	GEN 44:1	Tuwo sikáika ikavava, e Iyosepa ina vada ana tovakumgo ilatuwoko idigo kana, ‘Ame tauyadi idi baiki witi goi kuvakayaodēidi nakonakae idi ase itoboinedi sikavaledi. Ikavava, koroto tamo tamo idi mani nakae idi baiki tobudi goi kuvadodoimnēidi.
1329	GEN 44:4	E kidi asa goi sisowóduwo siiketoiya ivatabaledi go, kina Iyosepa itaoya ina vada ana tovakumgo ilatuwoko kana, ‘Woilīm kutāoya, kūna amo korotoyadi kosabokuliyēdi. Tutayana kusakavatedi, kulatuwokōidi kam, “Manakae? Bego ima guinuwa dedevina goyo goi kokatumapu?
1343	GEN 44:18	Go kina Yuda idigo kana, ‘Guna tomoya, yau im pákwana kutagonēgu giyaina abóbwara. Kom Pero kovavasa nakae go, tuwo taabu kuegamogamooguyēgu.
1364	GEN 45:5	Go ame taabu kokaateyōva be nakae taabu toinimi koobowōimi amo imi guinuwayana pasina. Yaubada ietunegu ama ameko bego avakumgoiyemi, e bei kita tomota ayaveda. Tauna taabu komatooitēgu.
1437	GEN 47:16	E Iyosepayana idigo kana, ‘Neta imi mani ikavava, e imi yoguyoguyao komēdi bei tatalamapu. Imi yoguyoguyao kovinīgu go, yau awoinu avinimi.’
1440	GEN 47:19	Manakae? Latuwom bego matam goi kakámasa be nakae ima poyapoya ilogoyo? Kai kugimonēma bei kai Pero ina pakonayao. Ima poyapoya nakae kugimonēdi. Ago awoinu kuvinīma kakáika be nakae witi kutukutuna kuvinīma kana kabágula kom manum, e bei kai ma yawoima be nakae poyapoya geya ilogoyoita.’
1450	GEN 47:29	E kina ina lotówana ilotowo bego tuta giyaina bei ikámasa. Tuwo natuna Iyosepa iduduwe ima ilatuwoko idigo kana, ‘Iyosepa, neta itoboinegu im kanuwóiya ababane, e nimam kuvaisīu dibuwatugu kuyōisi go, Yauwe matana goi kukatōtula bego kukubunuwegu be nakae kom aba numisa yau yaigu. Guna kawanoi bego taabu Itipita goi kuvaliiwogēgu,
1451	GEN 47:30	go sem tutayana akámasa ana tamagowo yaidi, e wowogu kunāve tauyadi adi valiwoga goi kuvaliwogēgu. Adi valiwogayadi Kenani goi sikaaiyaka.’ ‘Nakae bei aguinuwe’, Iyosepa kaena.
1461	GEN 48:9	‘Ame natugowo Yaubada ivinigu’, Iyosepa kaena. Isileli idigo kana, ‘Kumēdi matagu goi bei akaipakuyedi.’
1476	GEN 49:2	Natugowo, Kōma yau tamami Yakobo kotaiyakekēgu. Yau tamami Isileli guna livala konōve.
1506	GEN 49:32	Ego poyapoya be tukubu Eta tubunao goi Eberamo igimonedi. Tauna amoko goi kovaliwogēgu.’
1512	GEN 50:5	“Boi tutayana tamagu giyakainava bei ikámasa, latuwona akatótula bego Kenani goi avaliwoge. Valiwogayana toinina bogina ikatubayasi. Tauna kutagonēgu ana tamagu avaliwoge. Avaliwoge ikavava, bei akaluvila.”’
1532	GEN 50:25	Iyosepa ibobwaramna idigo kana, ‘Moitamo Yaubada bei iwo ivaitemi go, ame tuta kokatótula yaigu bego tutayana Yaubada ikabimi, e lulugu kokabīdi konavēdi Kenani goi kovaliwogēdi.’ Senaoyadi moitamo sikatótula.
1549	EXO 1:16	‘Tutayana vevina Iberiu sivenátuna, kovaitēdi go, natudiyao kogitēdi. Neta koroto, e kokaumatēdi go, neta vevina, e koyatōidi.’
1555	EXO 1:22	E tuwo Pero ina bodao da Itipita liliudi ilovinaedi idigo kana, ‘Ava Iberiuva natudiyao koroto sibíbina, e liliudi kokabīdi, konavēdi sákala Nairi goi kolavēdi sisou sikámasa, go neta natudiyao vevina, e tuwo koyatōidi maa yawoidi.’
1589	EXO 3:9	Gwa! Kunovēgu. Semowo Isileli tubunao idi taiyaduduwo bogina ima yaigu, e bogina anove be nakae bogina agite da Itipita manakaedi siyogedegededi gagaina.
1596	EXO 3:16	Tauna kūna Itipita goi go, Isileli tubunao idi tomoyamoyayao kududuwēdi sima kulatuwokōidi kam, “Kina Yauwe tubudao idi Yaubada, moe Eberamo, Aisake be Yakobo idi Yaubada isowóduwo yaigu idigo kana, ‘Bogina avadademi, tuwo bogina ayagoi kaga isowóduwo yaimi Itipita goi, tauna bei aguinuwa.
1609	EXO 4:7	Yauwe idigo kana, ‘Nimamyana kubasisīumna am kwama sinaena goi kasikasim kubasikonemnēi.’ Tuwo moitamo nimaguyana abasisiumna guna kwama sinaena goi kasikasigu abasikonemnei. Go nimagu abuyagi, agite. Iyaa! Sakavaiguyana bogina idedevinamna sakavaigu madabokina nakae!
1611	EXO 4:9	Go neta aba kinanayadi aiyuwo geya sikamoitamoedita be nakae sopam geya sikabikaoneyeta, e kūna sákala Nairi goi bwae kutēge. Ikavava, kūna poyapoya sayasayaina goi kwaliulāgi bei poyapoyayana goi imalaikaika.’
1619	EXO 4:17	Moe aitukoyana nimam goi kuyoisiikavate kunāve be aba kinanayadi kuguinuwēdi.’
1620	EXO 4:18	E ataoya akaluvila ana yaogu Iyetoro alatuwoko adigo kagu, ‘Yaogu, kutagonēgu ana Itipita goi bei osegowo agitedi, nakona nava maa yawoidi o geya.’ Iyetoro kana, ‘Mam tuboina kūna.’
1625	EXO 4:23	Bogina alatuwokoim natuguyana kutaligēi bei ima isakululu yau yaigu. Go neta geya kutaligeiyeta, e am dodōkana! Kom natum, am botomoya bei akaumate.’”’