14	GEN 1:14	E Yaubada sopana goi imadágina idigo kana, ‘Aba mavada yábana osasaina goi kosowōduwo, bei maliyalina nakae sabamgo kowotaidi! Aba mavadayami moe aba kinana maliyalina, tukówana be nakae tala tamo tamo manudi.
20	GEN 1:20	E Yaubada sopana goi imadágina idigo kana, ‘Négwasa iyaiyanimi badabadaimi kosowōduwo! Nakae mánuwo kosowōduwo, e poyapoya yábana osasaidi goi koyovayōva!’
54	GEN 2:23	Tuwo korotoyana idigo kana, ‘E ame moitamo! Ame tauyana luluna, yau lulugu maisiyana. Nakae sakavaina, yau sakavaigu maisiyana. Yau silalumigu goi isowóduwo, e maisiyagu. Tauna tauyana yoina moe vavina.’
60	GEN 3:4	Go kina motetayana idigo kana, ‘Geya kokamaseta. Geya toina!
78	GEN 3:22	E Yauwe Yaubada idigo kana, ‘Iyaa! Tomotayadi bego kita nakae, dedevina be goyo siyagoidi! Tuwo tasanabodēdi bei geya itoboinedita yawana vata alovaina keuwoina sikabi, govila bei sikani sikaiyako vata!’
79	GEN 3:23	E tuwo moitamo tánuwo Ideni goi ivalilivedi sina go, Adama poyapoya goi bei ibágula. Ego amo poyapoyayana goi boi Yauwe koroto iwodugu!
90	GEN 4:10	Go kina Yauwe idigo kana, ‘Moe kaga kuguinuwe! Kunōve! Siyam ikaikaina tomota nakae poyapoya goi itaiyaduduwo yau yaigu. Latuwona im kaumata pasina yau akatumapum.
93	GEN 4:13	Go kina Keniyana idigo kana, ‘Iyaa! Guna liuna moumou ivakaigaga yaigu! Geya itoboineguta atogaga.
94	GEN 4:14	Kunōve! Ame bei poyapoya ame goi kuvatapiyegu, tauna matam goi geya itoboineguta akaaiyaka. Tuwo bei poyapoya ame goi avabebeo beso unana geya guna kasamo. Tauna avatau neta ibabanegu, bei ikaumategu.’
145	GEN 6:7	Tuwo idigo kana, ‘Ategu igeda guna madágina pasina. Neta boi geya aodugudita! Tauna tauyadi boi aodugudi ame bei asamatedi, tomota, yoguyogu, dogoi daladalaidi be nakae mánuwo. Geya kada tayaamo poyapoya goi bei ikaaiyaka geya.’
210	GEN 9:4	Go íwaya ma ikaikaidi taabu kookanīdi! Ikaikayana moe yáwana ana kaba kaiyaka.
270	GEN 11:3	Silokasa, sidigo kadi, ‘Tawou, vaega taodugudi paaevaidi be kalabadaabadaidi. Ikavava, tagabudi sikasa.’ Tuwo moitamo nakae siguinuwe. Kidi amo dadavayana goi gurewa paaevaidi geya, tauna adi vaboda moe vaega aiigabudi! Kidi simenti geya, tauna adi bwada moe taa!
317	GEN 12:18	E Peroyana inuwonúwana kana, ‘Ame vavinayana geya Eberam niuna geya, go sem monena!’ Tuwo Eberam iduduwe ima idigo kana, ‘Eberam, ame kaga kuguinuwe yau yaigu! Kaga unana geya kulatuwokoiguta bego Serai monem!
318	GEN 12:19	Kaga unana kam, “Serai niugu”! Kaga unana kutagona vavinayana akabi bego monegu! Tuwo. Monem kwābi kunāve!’
335	GEN 13:16	Im boda bei akisailidi badabadaaidi! Nakae geya vatau tayaamo itoboine ikatuyaividi.
357	GEN 14:20	Yaubadayana aba yapali! Im kaleyayao goi iyavem be nimam goi iyatoidi.’ E tuwo Eberam ina kaleyayao konadi liliudi bogina ikabidi iwotaidi aiguyau ana badabada yawou go, aiguyau tayamo ikabi Melikisedeki ivini.
363	GEN 15:2	Go kina Eberamyana idigo kana, ‘Yauwe guna Tomoya, yau bei geya natugumo akámasa go! Tauna kaga ana dedevina neta kónana kuvinigu? Yau guna katumapu moe guna pákwana Eliyesa guma Damasiko.’
387	GEN 16:5	Tuwo Seraiyana ina Eberam ilatuwoko idigo kana, ‘Monegu, kom im puwoya, tauna agu mou ababane. Yau guna pákwana avinim go, tutayana iyagoi bego ikéuwama, ivasobusobuyegu. Bei Yauwe itakinoida! Avatau ibágala, kom geya yau?’
416	GEN 17:18	Go tauyana Yaubada ilatuwoko idigo kana, ‘Neta im kaipaku isowóduwo natugu Isimaeli goi! Sera ikágala, tauna kaga liliuna kukaatotule yau yaigu, nakona natugu Isimaeli yaina kuguinuwe.’
437	GEN 18:12	E tuwo Yauwe ina livala inove, tauna ivanama; ina nuwonúwana kana, ‘Ii, yau bogina akainamoya go! Monegu nakae ikaitomoya go, manakae? Masisi ana uyáwana bei alotowomnei?’
450	GEN 18:25	Go moe geya nakae im sinapu geya. Iyaa! Neta toogoyoidi tokibóbwata taiyao kumtulidi, moe ana kaigigita tauyadi matam goi sivavasa. Ago kom kai da poyapoya ama totakínona; itoboinem kutakinona vavasa ae?’
463	GEN 19:5	Sitaaoyakobu go, Lotiyana siduduwe sidigo kadi, ‘Loti e! Koroto maine lavilavi im vada goi sisiusiu nakoidi? Kwaiwoduwēdi bei kamasisiyedi!’
465	GEN 19:7	e ilatuwokoidi idigo kana, ‘Segowo, akawanoi yaimi bego moe dogoiyana goyogoyoina toina taabu koguuinūwe!
475	GEN 19:17	Sivakededi asa goi siisowóduwo go, anerose tayamo idigo kana, ‘Kosīya bei yawoimi koyavedi go, taabu kokaandovīla! Kolokōina kōna koya goi, govila bei kokámasa!’
476	GEN 19:18	Go kina Lotiyana idigo kana, ‘Tomoya, moe nakae geya!
499	GEN 20:3	Tuwo moitamo sina sikabi sime bego tauyana monena. Niga sabamgo tayamo Abimeleka ina vada goi iimasisi go, Yaubada ima Abimelekayana ikatuwoini idigo kana, ‘Abimeleka, kunōve! Kom tokámasa! Vavinayana kukabikabi moe nainaina.’
503	GEN 20:7	Go tuwo! Eberamo yau guna tokabivalavala, tauna vavinayana kwābi, Eberamo kuvinimnēi bei ikawanoi manum, e bei geya kukamaseta. Go sem neta geya kuviniyeta, moitamo kom be nakae im bodao bei akaumatemi.’
505	GEN 20:9	E Abimelekayana Eberamo iduduwe ima, idigo kana, ‘Eberamo, ame kaga kuguinuwe yaima! Ava goyo aguinuwe yaimi, tauna ame nakae kuguinūwe yau be nakae guna bodao yaidi goi! Moe im guinuwa igoyo toina yaigu.
532	GEN 21:18	Kutāoya! Kūna gomanayana kuvatāoe be kukipaiwōle. Tauyana bei akisaili tubunao boda tayamo gagaina.’
560	GEN 22:12	Aneroseyana idigo kana, ‘Taabu natum kukaalimāte be taabu kuyogeedegēde! Ame bogina ayagoi kom kutaimaminegu be nakae kwabikaonegu unana natum kaakesaina go, tuwo geya kuvagagalakoiguta.’
607	GEN 24:15	Go kugīta! Pakoninayana nava ikaawanoi go, Ribeka botori ivabe isowóduwo ima! Tauyana Betuweli natuna go, tubuna Milika. Milikayana monena yoina Nakori, tauyana Eberamo ana gómana.
689	GEN 25:30	Siyana Yakobo igite ivaaipolu, tuwo ilatuwoko idigo kana, ‘Loga akámasa! Tauna siyagu, am bini kayakayaidi giyaina kuvinīgu akáika.’ Moe pasina Iso youyuwoina moe Idom.
691	GEN 25:32	Isoyana idigo kana, ‘Loga akámasa go! Guna lovina kaga ana dedevina neta yau akámasa?’
703	GEN 26:10	Go Abimelekayana idigo kana, ‘Moe kaga kuguinuwe yaima! Neta koroto tayamo monem imasisiye, e moe goyoyana pasina kai vailai kababane!’
762	GEN 27:34	E tutayana kina Isoyana tamana ina livala inove, mana táiya ipodeda gagaina idigo kana, ‘Oiyoi, tamagu! Yau nakae kwaipakuyēgu!’
766	GEN 27:38	Go kina Isoyana idigo kana, ‘Go manakae? Sivatayamo tauna itoboinem kwaipaku ae? Tamagu! Yau nakae kwaipakuyēgu!’ Tuwo Iso itáiya gagaina.
788	GEN 28:14	Im boda adi badabada bei ivakaigaga! Tuwo im bodayana bei poyapoya ame madabokina situgidagidali, tauna sina bomatu dadavina, youya dadavina, koiboga dadavina be nakae yawéyana dadavina. Boda liliudi poyapoya goi bei siyagoi kom be im boda pasidi akaipakuyedi.
791	GEN 28:17	Go tauyana atena iyova gagaina toina, idigo kana, ‘Iyaa! Ame poyapoyayana moitamo aba kateyova gagaina toina! Ame moitamo Yaubada ina vada; nakona yábana ana kaba siu!’
803	GEN 29:7	E Yakoboyana idigo kana, ‘Kaga unana sipi komedi? Ame dine, níyala ivakaigaga go! Ame geya idi tuta kolamgogoidi sabamgo manuna. Tuwo kovanīmdi baige kokaluvilemnēidi konavēdi limou sikáika.’
819	GEN 29:23	Sikáika ikavava, vanuwo bogina isabamgo, Lebani natuna Reya ikabi inave Yakobo yaina goi bego taiyao simasisi, e moe bogina bei sinai. Kina go Yakobo ina nuwonúwana kana, ‘Reitiyeli bogina anai.’ Go Reitiyeli geya, go sem Reya taiyao simasisi, sinai!
902	GEN 31:28	Kom geya kutagoneguta bego natugowo be tubugowo ayowoiidi. Im guinuwa goi dabam itapavívila!
906	GEN 31:32	Go im tokwalu sem, sedao matadi goi kulusalēdi. Neta ameko goi kubabanedi, e avatau ivainaoidi takaumate. Ava konam kubabane, e kwābi.’ E Yakobo inuwonúwana Lebani ina tokwaluyadi manudi ibágala, tauna moe nakae ibóbwara. Kom go vatau? Tokwaluyadi Reitiyeli ivainaoidi!
917	GEN 31:43	E Lebaniyana idigo kana, ‘Go ame vevinayadi yau natugowo! Ame gogomanayadi yau tubugowo! Ame yoguyoguyadi yau guna sipiyao! Kaga liliuna kugite moe yau konagu! Go geya kada tayaamo kaga itoboinegu aguinuwe bego sikaiyaka yaigu.
1011	GEN 34:30	E kina Yakoboyana natunao idi guinuwa igite natunao adi taiyuwo ilatuwokoidi idigo kana, ‘Simioni be Livai, ami taiyuwo imi guinuwa goi yau guna mou koyato. Ame tutayana da Kenani be nakae da Perisi bei sikaolilivegu go, tauyadi toni kasa! Kita geya tabadebadeta. Tauna neta silamgógana sima silauida, e kita be ida bodao liliudi bei tavailai!’
1094	GEN 37:10	E nakae ina kanamimiyana tamana ilatuwoko go, tamanayana ibolagu kana, ‘Moe kaga kukanamimiye! Manakae? Kunuwonúwana bego sinam, tuwowomowo nakae yau bei aema kavatugúyala kom yaim goi?’
1114	GEN 37:30	Ago ikaluvila ina ana gomanao yaidi goi idigo kana, ‘Gogómana, ada gómana doelu goi geya maisinamo! Bei manakaegu?’
1117	GEN 37:33	Tuwo Yakoboyana igitegite, e ikinane idigo kana, ‘Moitamo. Moe natugu ana kwama! Oiyoi natugu Iyosepa, woiwoi sikanim!’
1225	GEN 41:29	Gwa! Bei ame nakae iguinuwe: Tala ana badabada ainima aiyuwo goi asa Itipita ana madabokina bei imáliya gagaina.
1263	GEN 42:10	Go kidi sidigo kadi, ‘Ima tomoya, moe nakae geya! Kai im pakonayao kama latuwoma bego ama witi kagimona.
1265	GEN 42:12	Go kina Iyosepayana idigo kana, ‘Geya, kopola! Komi koma latuwomi ima kasa kogite nako goi ineneta.’
1267	GEN 42:14	Go kina Iyosepayana idigo kana, ‘Nakae bogina alatuwokoimi, komi toyáusa!
1275	GEN 42:22	E Rubeni idigo kana, ‘Manakae? Boi alatuwokoimi gomanayana taabu koyogeedegēde gea geya? Moitamo alatuwokoimi go, geya konoveguta! Tauna ame ina kámasa ana katumapu bogina tababane.’
1276	GEN 42:23	Ego kidi Iyosepa tuwowonao sinuwonúwana bego niyadi geya iyagoiyeta. Tokaigavila niyadi ikaigavile Iyosepa ilatuwoko. Go Iyosepayana niyana kidi niyadi tayamo!
1288	GEN 42:35	E sibóbwara ikavava, koroto tamo tamo idi baiki sikaliulagidi go, tamo tamo idi mani ma saisailidi sigitebabanedi adi witi taiyao! Tuwo tauyadi tamadi taiyao maniyadi sigitedi, atedi siyova.
1289	GEN 42:36	E tamadi Yakobo gamona igoyo idigo kana, ‘Komi pasimi natugowo sitagau! Iyosepa bogina itagau. Simioni nakae itagau go, bego ame tutayana latuwomi Beniyamina kokabi konave? Neta konave, yau guna nuwomou koyatoyato!’
1291	GEN 42:38	Go kina Yakoboyana idigo kana, ‘Yau natugu bei geya iwoita komi taiyao! Siyana bogina ikámasa go, tauyana anetava ikaaiyaka. Tauna bei geya iwoita! Neta konavenave kenao goi ivailai, e komi guna nuwomou koyato, tauna yau magu nuwomou ana kadókana akámasa.’
1304	GEN 43:13	Ami gómana nakae kokābi, e woilīmi konāve korotoyana yaina!
1312	GEN 43:21	Ego tutayana kanonoina ima kasa manuna, e tunagu tayamo goi kawaiwasi, e ima baiki kakatupaevedi go, kai tamo tamo ima mani ma saisailidi madabokidi kagitebabanedi! Tauna maniyadi kamedi; latuwoma bego kavinimneim.
1332	GEN 44:7	Go kidi silawoiwoi sidigo kadi, ‘Ima tomoya, kaga unana nakae kudige? Iyagoida! Kai im pakonayao nakae geya kaguinuweyeta.
1333	GEN 44:8	Kunōve! Boi Kenani goi maniyadi kagitebaabanedi ima baiki sinaedi goi bogina kakaluvilemneidi. Tauna manakae? Bego im tomoya ina goura o ina siriba kavainaoidi? Geya!
1340	GEN 44:15	E tauyana idigo kana, ‘Ame kaga koguinuwe yaigu! Manakae? Geya koyagoiyeta bego yau koroto toogagaigu, tauna itoboinegu aba kinana goi akinane vediyana nako ina?’
1342	GEN 44:17	Go kina Iyosepayana idigo kana, ‘Moe nakae geya! Tovaináwana anetava bei guna pákwana. Komi madabokimi sem mami dedevina kokaluvīla kōna tamami yaina.’
1362	GEN 45:3	E tuwowonao ilatuwokoidi idigo kana, ‘Segowo, yau Iyosepa ami gómana! Manakae? Tamada dedevina?’ Go kidi tuwowonao geya itoboinedita mainao sibóbwara. Atedi iyova gagaina Iyosepa maa yawoina pasina.
1363	GEN 45:4	E Iyosepa aiyuwoina ibobwaramna kana, ‘Segowo, kōbala kōma kikigu.’ Tuwo moitamo sibala sima kikina goi sitaoya go, tauyana idigo kana, ‘Yau ami gómana Iyosepa. Boi kokaigimonegu da Itipita yaidi!
1385	GEN 45:26	silatuwoko sidigo kadi, ‘Tamama, Iyosepa amoni, maa yawoina! Tauyana da Itipita adi tolovina.’ Kidi idi livalayana Yakobo inove go, nukotona iwówana. Ina nuwonúwana kana, ‘Tauyadi sikatubaugu.’
1417	GEN 46:30	Go Isileli natuna Iyosepa ilatuwoko idigo kana, ‘O natugu! Ame tuta itoboinegu magu tuboina akámasa. Toinigu matagu goi bogina agitem kom maa yawoim, tauna auyáwana gagaina.’
1446	GEN 47:25	Kidi sidigo kadi, ‘Bogina kuyavema! Bogina kukanuwoiyema. Go ima tomoya, kai bei Pero ina pákwana.’
1526	GEN 50:19	Go kina Iyosepayana idigo kana, ‘Geya komatoiteguta geya. Manakae? Yau Yaubada? Geya!
1542	EXO 1:9	E ina bodao da Itipita ilatuwokoidi idigo kana, ‘Bogina kogite? Isileli tubunao bogina sisusáila gagaina nakae adi badabada sikalisaveda be sitogagasaveda!
1585	EXO 3:5	Tauyana idigo kana, ‘Taabu kumamāima kikigu! Im sendoro kukitakīdi, kuyatōidi. Moe poyapoyayana goi kuutaoya poyapoya kimaasabaina yau umagu.’
1589	EXO 3:9	Gwa! Kunovēgu. Semowo Isileli tubunao idi taiyaduduwo bogina ima yaigu, e bogina anove be nakae bogina agite da Itipita manakaedi siyogedegededi gagaina.
1592	EXO 3:12	Go kina Yaubada idigo kana, ‘Yau Tauyagu bei avakitaum go! Aba kinana avinim bei kuyagoi bego moitamo yau aetunem. Aba kinanayana ame nakae: Tutayana semowo Isileli tubunao Itipita goi kumedi, e ame koyayana goi bei kosakululu yau imi Yaubada yaigu.’
1603	EXO 4:1	Go yau adigo kagu, ‘Go kunōve! Manakae neta geya sinumiseguta be sopagu geya sikabikaoneyeta? Nakae bei sidigo kadi, “Moe Yauwe geya isowoduwoita yaim.” Neta nakae, bei manakaegu?’
1605	EXO 4:3	Yauwe idigo kana, ‘Kwalisobūye isou poyapoya goi.’ Tuwo moitamo akalisobuye isou poyapoya goi imalamoteta! Agite, asiya.
1608	EXO 4:6	E aiyuwoina Yauwe ibobwaramna idigo kana, ‘Nimam kubasisīu am kwama sinaena goi kasikasim kubasikōne.’ Tuwo moitamo nimagu guna kwama sinaena goi abasisiu, kasikasigu abasikone. Go nimagu abuyagi, agite. Iyaa! Nimaguyana sakavaina mana vísiya, e itapopoina!
1609	EXO 4:7	Yauwe idigo kana, ‘Nimamyana kubasisīumna am kwama sinaena goi kasikasim kubasikonemnēi.’ Tuwo moitamo nimaguyana abasisiumna guna kwama sinaena goi kasikasigu abasikonemnei. Go nimagu abuyagi, agite. Iyaa! Sakavaiguyana bogina idedevinamna sakavaigu madabokina nakae!
1625	EXO 4:23	Bogina alatuwokoim natuguyana kutaligēi bei ima isakululu yau yaigu. Go neta geya kutaligeiyeta, e am dodōkana! Kom natum, am botomoya bei akaumate.’”’
1646	EXO 5:13	E kidi go pakonidiyadi adi tolovinao sisatubetubedi sidigo kadi, ‘Imi katuyáiva ame maliyalinayana kolukavavēdi! Itomo aiyuwoina nakae. Kolukavavēdi boi nakae limou kaavinimi kopaisewa!’
1649	EXO 5:16	Limou geya sivinimeta geya, go sem ama tolovinao sibowoima kadi, “Vaega be limou kopopolīdi, e kogabūdi simalagurewa!” Go kunōve! Kai im pakonayao silauima unana vaega be limou kamadagidi simalagurewa go, geya sibadebadeta boi nakae go, ame kom be nakae im bodao taiyao imi puwoya!’
1650	EXO 5:17	Go kina Peroyana ipodeda idigo kana, ‘Komi suumoyaimi! Moitamo toina komi suumoyaimi! Moe pasina boi kami, “Kutagonēma kana ima yoguyoguyao kagabudi kakasaledi Yauwe yaina.”
1651	EXO 5:18	Tauna ame tuta kōna kopaisēwa! Woilīmi! Go limouyana, geya kavinimita, go sem vaega be limou simalagurewa adi badabada boi komaadagidi, e ame tuta nakae komadagīdi.’
1654	EXO 5:21	Sikatubolatema sidigo kadi, ‘Yauwe bei igitemi itakinoimi komi toogoyoimi! Komi pasimi Pero be nakae ina pakonayao taiyao sigiteda sikalagiwoleda. Imi guinuwayana sisi nakae bogina kovini bei sisiyana goi sikaumateda.’
1761	EXO 9:18	Go am dodōkana! Itomo ame niyalayana nakae kúwana kasakasaidi guregurewa igoyo toina nakae bei aetune iwo. Ame kuwanayana geya tayaamo tuta tomota Itipita goi sigite boi Itipita igimisowóduwo go, ima ame tuta geya.
1781	EXO 10:3	E tuwo moitamo Eroni be yau kana Pero kalatuwoko kadigo kama, ‘Yauwe kai Iberiu ima Yaubada ibóbwara ame nakae, idigo kana, “Kom sivavina nakae nava kuukatae bego kwatetagonem yau yaigu? Guna bodao kutaligēidi bei sima sisakululu yau yaigu!
1806	EXO 10:28	E tuwo idigo kana, ‘Ame tuta kwalavēgu! Am dodōkana. Taabu kumamāima! Neta kuma maisigu kugite, bei kukāmasa!’
1807	EXO 10:29	E yau sem adigo kagu, ‘Moe kubóbwara moitamo! Maisim bei geya agitemneiyeta geya.’
1815	EXO 11:8	Tuwaina Yauwe idigo kana, “Im pakonayao liliudi bei sima aedi sivatugúyala yau yaigu kadi, ‘Komi kosīya! Kom be nakae tomota liliudi sisabookuliyem kotāoya kosīya!’ Moe mlina bei Itipita akalave.” Tauna nakae Yauwe ibóbwara.’ Abóbwara ikavava, e magu egamogamogu gagaina Pero goi asowóduwo.
1848	EXO 12:31	Tuwo sabamgoyana goi Pero vala ietune ima Eroni be yau iduduwema kana. Kana ilatuwokoima, idigo kana, ‘Kotāoya, kōna! Kōna! Komi ami taiyuwokova semiyao Isileli tubunao liliudi taiyao kōna! Yau guna bodao taiyao kokalavēma go, kōna kosakulūlu Yauwe yaina nakae boi kokawanoi makimaki.
1849	EXO 12:32	Imi yoguyoguyao liliudi nakae konavēdi nakae boi kokawanoi makimaki. E woilīmi kotaoyāmo kōna! Go mainao Yaubada yoina goi yau nakae kokaipakuyēgu.’
1901	EXO 14:11	Go yau silatuwokoigu sidigo kadi, ‘Manakae? Nakona Itipita goi valiwoga tabee geya ae? Tauna kumema ameko yoyowo goi bego kakámasa sivaliwogema ae? Kaga unana Itipita goi kwabima kumema!
1903	EXO 14:13	E yau adigo kagu, ‘Taabu koomatōita! Kotaoyakavāta bei ame Yauwe ina yava kogite iguinuwe manuda. Moitamo. Da Itipita ame tuta koogitedi geya tuwaina bei kogitemneidi.
1915	EXO 14:25	Ikavava, ina guinuwa goi da Itipita idi sariyota aedi sivabaulidi sikasa, tauna geya itoboinedita sikaivivilo dókana. Tuwo da Itipita sigite, simatoita kadi, ‘Isileli tubunao yaidi goi tasiyamo! Tauyadi manudi kina Yauwe ivayaviyeda.’
1922	EXO 15:1	E ame tutayana yau Isileli tubunao taiyao vesi ame kavesiye Yauwe yaina kama, ‘Bei avesi Yauwe yaina; Tauyana ana yapali ituko toina. Osi madi tokabikunuwoyao ikalisobuyedi sisou négwasa goi!
1932	EXO 15:11	Yauwe, Ava yaubada idi yaubadayao yaidi goi kom nakae? Geya ae? Avatau kom nakae? Kom Totumasaba kaausaraina. Kom aba matoita be aba yapali. Kom aba kainaopa ana toguinuwa. Geya tayaamo yaubada kom nakae!
1942	EXO 15:21	E Miriyamyana vesi ame ivesiye yaidi idigo kana, ‘Tavēsi Yauwe yaina! Tauyana ana yapali ituko toina! Osi madi tokabikunuwoyao ikalisobuyedi sisou négwasa goi.’
1951	EXO 16:3	sidigo kadi, ‘Neta boi Itipita goi Yauwe nimana goi kakámasa! Amo tutayana ima kaiyaka goi anina be beredi gagaidi kakakáika gamoma! Neta amoko goi kakámasa dedevina. Moitamo. Komi komema yoyowo goi bego ame bodayama madabokima loga goi kokimatema.’
1956	EXO 16:8	Kagu, ‘Ame bei koyagoi tutayana Yauwe lavilavi goi bei ada kanina ivinida nakae nobuyana goi ada beredi ivinida, takáika bogina gamoda. Ivinida unana imi kaukulukúluwo Tauyana yaina bogina inove. Kai bego avatauwa kokaukulukúluwo yaima? Geya! Moe bego Yauwe yaina kokaukulukúluwo.’
2000	EXO 17:16	Adigo kagu, ‘Yauwe ina bísala takatulagāsi! Tauyana bei ivayaviya vata Amaleki tubunao yaidi.’
2010	EXO 18:10	Tuwo idigo kana, ‘Yauwe tayapalīye! Tauyana da Itipita nimadi be nakae Pero nimana goi iyavemi.
2039	EXO 19:12	Tomota adi túwana koya unana madabokina goi kuyāto ivaníbita go, kukatumatalīdi kudīgo kam, “Ami dodōkana! Taabu koyayana kotukotūko be nakae taabu tuwanayana kobiisikōne. Avatau neta ibisikone, tauyana kokaumāte.