311	GEN 12:12	Tutayana Itipita korotoidi sigitem, bei sinuwonúwana kadi, “Ame vavinayana Eberam monena.” Tuwo bei sikaumategu go, kom sem maa yawoim sikabim.
360	GEN 14:23	Guna katotulayana ame nakae: Geya kada tayaamo konam bei akabi geya. Neta gagaina o giyaina, geya akabiyeta, govila kom kam, “Yau pasigu Eberam iguyau.”
501	GEN 20:5	Boi Eberamo ikatubaugu kana, “Ame niugu.” E vavinayana nakae ipola kana, “Tauyana niugu.” Tauna yau guna guinuwa goi nukotogu geya isabutukoeta nakae geya guna pikwanamo.’
599	GEN 24:7	Yauwe Yaubada, Tauyana totobukukui yábana goi, boi tamagu be nakae guna bodao idi kasa goi iikabigu, e ame Tauyana toinina yoina goi ikatótula yaigu idigo kana, “Poyapoya ame natumowo be tubumowo bei avinidi.” Tauyana ina anerose bei ietune iwo ivakumgoiyem, e bei amoko goi ivatulukoim ava vavina kwabi kume natugu monena.
630	GEN 24:38	Go sem kūna tamagu ina kasa be nakae vavina tayamo guna dala goi kukābi natugu monena.”
633	GEN 24:41	Moeko goi im katótula ana talígava bei kubabane. Go neta vavina tayamo guna dala goi kubabane go, sivagagale, e nakae atotulayana ana talígava bogina kubabane.”
636	GEN 24:44	Go neta tauyana kana, ‘Kunīm go, im kameri nakae bei avanimdi’, e moe vavinayana kuvayōko kina im kinava guna tomoya natuna monena.”
638	GEN 24:46	E mainao tauyana ina botori ikaisobuye go, idigo kana, “Kunīm go, im kameri nakae bei avanimdi.” E tuwo anim go, tauyana guna kameri adi bwae itege ivanimdi.
702	GEN 26:9	Tuwo Aisake iduduwe ima ilatuwoko idigo kana, ‘Aisake, amo vavinayana moitamo monem ae? Kaga unana kupola kam, “Tauyana niugu”?’ Aisakeyana idigo kana, ‘Unana amatoita. Guna nuwonúwana kagu, “Vavinayana pasina bei sikaumategu.” Tauna kagu, “Tauyana niugu.”’
735	GEN 27:7	idigo kana, “Woiwoi dedevina kuvakaukōe, kūme awoinu dedevina kuwodūgu. Kuwodugu ikavava, kūme akáika, e yau nava maa yawoigu itoboinegu Yauwe matana goi akaipakuyem.”
740	GEN 27:12	Nakona bei tamagu sakavaigu ibisikone, bei ikinanegu kana, “Ame Yakobo ikatubaugu.” E tauna bei geya ikaipakuyeguta, go sem bei ikatubolategu.’
903	GEN 31:29	Yau magu togaga itoboinegu bei ayogedegedem go, nuwobuna tamam ina Yaubada ima ikatuwoinigu idigo kana, “Taabu Yakobo kuubōve.”
905	GEN 31:31	Go kina Yakoboyana idigo kana, ‘Kasiya unana amatoita. Guna nuwonúwana kagu, “Asiya govila bei Lebani natunao be tubunao ineboigu.”
913	GEN 31:39	Neta woiwoi sima sipi sikaumatedi, toinigu akatumapum. Neta sabamgo o maliyalina goi koroto sima sipi sivainaoidi, kom kam, “Am puwoya, kwatumapugu.”
938	GEN 32:10	E ikiwotaidi ikavava, ikawanoi Yaubada yaina, idigo kana, ‘Tubugu Eberamo be tamagu Aisake idi Yaubada, kunovēgu. Yauwe, boi kom kulatuwokoigu kam, “Kwaluvīla kūna im kasa be nakae osemowo yaidi, e bei ayabobonem.”
1283	GEN 42:30	‘Tamama, Itipita korotoina, tauyana da Itipita adi tolovina, ibowoima be nakae iwowokoima kana, “Komi toyáusa.”
1285	GEN 42:32	Boi kai koroto ama badabada yawou aiyuwo, tamama tayamo. Ama gómana tayamo bogina ikámasa go, bogomane nava tamama taiyao Kenani goi sikaaiyaka.”
1294	GEN 43:3	Go kina Yuda idigo kana, ‘Go tamagu, korotoyana boi ikatumatalidokoima idigo kana, “Neta ami gómana kome yau yaigu, e bei atagona ami witi kogimona, go geya, e geya kogiteguta.”
1298	GEN 43:7	‘Korotoyana ilumadádana ima boda manuna. Tauyana idigo kana, “Tamami nava ikaaiyaka? Ami gómana tayamo amoni?” Tuwo kai katalavaitamo. Ago tauyana idigo kana, “Ami gómana kokābi, kōme.” Ego neta kayagoi tauyana ina nuwonúwana nakae, geya katalavaiteta.’
1345	GEN 44:20	Tuwo kai kama, “U, tamama ikaaiyaka, bogina ikaitomoya go, ama gómana tayamo amoni tamama taiyao sikaaiyaka. Ago gomanayana tuwowona toina bogina ikámasa, tauna sinana natuna tayamo toito ikaaiyaka go, gomanayana tamama ina kakaya.”
1346	GEN 44:21	E kom kam, “Kotūko kōna gomanayana kokābi kosōuye kōme agite.”
1347	GEN 44:22	Go kai kama, “Gomanayana geya itoboineyeta tamama ikalave, govila bei tamama mana nuwomou ikámasa.”
1348	GEN 44:23	Go kom kudigo kam, “Neta gomanayana geya kosouye komeyeta, e geya tuwaina bei kogitegu bego ami witi kogimona.”
1350	GEN 44:25	E niga tamama idigo kana, “Natugowo, kokaluvīla kōna ada witi tuwaina kogimōna, e kōma.”
1351	GEN 44:26	Go kai kadigo kama, “Geya itoboinemeta kasou kana, go sem neta kutagona bego ama gómana taiyao kana, bei kasou kana. Neta gomanayana taiyao geya, korotoyana bei geya igitemeta bego ada witi kagimona.”
1354	GEN 44:29	Tauna neta natugu konavenave kenao goi ivailai, e komi guna nuwomou koyato, tauna magu nuwomou ana kadókana akámasa.”
1357	GEN 44:32	Moe moitamo. Boi tamagu yaina akatótula bei gomanayana arugwausi. Tauyana alatuwoko kagu, “Neta ama gomanayana geya akaluvileyeta, moe bei yau guna puwoya yawoigu ana madabokina goi.”
1419	GEN 46:32	Tauyadi sipi adi tomatakavata. Idi paisewayana goi yoguyogu liliudi simatakaavatedi. Idi yoguyoguyao madabokidi, idi sipi, idi goti be idi bulumakau nakae konadi liliudi bogina simedi.”
1421	GEN 46:34	E komi kodīgo kami, “Kai im pakonayao yoguyogu adi tomatakavata boi nimatu tubumao nakae ima ame tuta.” Neta nakae kobóbwara, bei itagonemi Goseni goi kokaiyaka. Bogina koyagoi. Da Itipita yoguyogu adi tomatakavatayao sinumolaitedi.’
1595	EXO 3:15	Tuwaina Yaubada idigo kana, ‘Isileli tubunao kulatuwokōidi ame nakae: Kam, “Yauwe, Tauyana tubudao Eberamo, Aisake be Yakobo idi Yaubada, ietunegu ama yaimi.” E ame yoiguyana ikaiyako vata. Nakae ame youyana goi malamalágata tamo tamo bei sinuwokavategu.
1598	EXO 3:18	Isileli tubunao sopam bei sikabikaone. E tuwo idi tomoyamoyayao taiyao kōna da Itipita adi tolovina kolatuwōko kami, “Yauwe, kai Iberiu ima Yaubada bogina ivalobodema. Tauna ame kama kakawanoi yaim bego kutagonema kana yoyowo goi maliyalina aito kaketoiya bei amoko goi ima yoguyoguyao kagabudi kakasaledi Yauwe ima Yaubada yaina.”
1603	EXO 4:1	Go yau adigo kagu, ‘Go kunōve! Manakae neta geya sinumiseguta be sopagu geya sikabikaoneyeta? Nakae bei sidigo kadi, “Moe Yauwe geya isowoduwoita yaim.” Neta nakae, bei manakaegu?’
1641	EXO 5:8	Boi nakae simadagidi adi badabada nakae ame tuta go, taabu kokupokūpo, tuwo nakae. Moitamo. Kidi suumoyaidi, tauna moe pasina siduduwo kadi, “Kutagonēma kana ima yoguyoguyao kagabudi kakasale ima Yaubada yaina.”
1650	EXO 5:17	Go kina Peroyana ipodeda idigo kana, ‘Komi suumoyaimi! Moitamo toina komi suumoyaimi! Moe pasina boi kami, “Kutagonēma kana ima yoguyoguyao kagabudi kakasaledi Yauwe yaina.”
1695	EXO 7:9	‘Pero bei ilatuwokoimi kana, “Guinuwa aba kainaopa koguinūwe.” Tutayana nakae ilatuwokoimi, e Mosese, siyam Eroni kulatuwōko kam, “Im kaituko kwalisobūye Pero matana goi.” E tutayana ikalisobuye, bei imalamoteta.’
1814	EXO 11:7	Kidi go Isileli tubunao goi mge geya toina, nakae geya tayaamo weiniya bei igou tomota be yoguyogu yaidi. Moeko goi bei koyagoigu Yau Yauwe Isileli tubunao akimasabedi ituli, e komi da Itipita ituli.”
1815	EXO 11:8	Tuwaina Yauwe idigo kana, “Im pakonayao liliudi bei sima aedi sivatugúyala yau yaigu kadi, ‘Komi kosīya! Kom be nakae tomota liliudi sisabookuliyem kotāoya kosīya!’ Moe mlina bei Itipita akalave.” Tauna nakae Yauwe ibóbwara.’ Abóbwara ikavava, e magu egamogamogu gagaina Pero goi asowóduwo.
1837	EXO 12:20	Geya kada kaga tayaamo mana isti imi kaba kaiyaka liliudi goi kokāika geya, go sem beredi geya ana istimo kokakāika.” Tauna nakae semiyao Isileli tubunao kolatuwokōidi.’
1876	EXO 13:8	Amo tutayana natudao koroto talatuwokoidi kada, “Ame sinapuyana takabikaone unana boi Yauwe ina vaita goi kai Itipita goi kasowóduwo.”
1883	EXO 13:15	E boi Itipita goi Pero dabana ikasa, tauna geya italigeimeta bei kasowóduwo, tauna Yauwe ima da Itipita idi botomoyayao koroto be yoguyogu bolamo ikaumatedi. Moe pasina kita ida yoguyoguyao bolamo liliudi takasaledi Yauwe yaina go, ida botomoyayao koroto tatatetedi.”
1893	EXO 14:3	Latuwogu Pero igitemi, bei inuwonúwana kana, “Nakona kidi Isileli tubunao nukotodi siwówana, tuwo enao sivasulaigi, e yoyowo goi siketoiya besobeso unana aba siya geya siyagoiyeta, tauna yoyowo ikalibodedi nakae.”
1902	EXO 14:12	Boi Itipita goi nakae kalatuwokoim kadigo kama, “Kwalavēma ameko goi bei kai da Itipita idi pakonayao kapaisewa manudi.” Neta kai tauyadi idi pakonayao moe dedevina yaima namlieta ameko yoyowo goi kakamasa beso!’
1930	EXO 15:9	Ida kaleyayao sigagágasa kadi, “E tavatapiyēdi tasakavatēdi tayoisīdi. Idi esaesa tanebōidi takaiguyauyēdi bei giya sisi goi takaumatedi. Ida togaga goi tamtulīdi, e baige gamoda inuwa.”
2033	EXO 19:6	E komi sem akinavemi koeboda tayamo bei komi guna togudalayao be nakae boda kimaasabaimi yau umagu.” Tauna nakae Isileli tubunao kulatuwokōidi.’
2040	EXO 19:13	Taabu kobiisikōne. Avatau neta ibisikone, tauyana gurewa goi kokaumāte o sau goi koginubāsi. Neta yoguyogu o tomota, bei ikámasa.” Nakae kulatuwokōidi go, tutayana síula niyana maanawena sinove, bei sima koyayana goi.’
2050	EXO 19:23	Go yau adigo kagu, ‘Tomotayadi geya itoboinedita situko. Kom toinim bogina kukatumatalidi kam, “Túwana kuyatōidi Sainai Koyaina unana goi namlieta koyayana kukimasābe yau umagu.” Tuwanayadi bogina ayatoidi.’
2125	EXO 22:10	e adi taiyuwo bei sitaoya Yau Yauwe matagu goi go, torugwáuta ikanatamada kana, “Yau yoguyoguyana geya abisikoneyeta.” Tauna torugwautayana geya ikatumapuyeta, e nakae toni yoguyogu geya tuwaina iboboreta.
2330	EXO 28:36	E Yauwe tuwaina kana, ‘Tomota kulatuwokōidi goura maavadaina sikabi dabayogigi simadagi senina maisiyana, e yatana goi sigini kadi, “Ame Tauyana Kimaasabaina Yauwe Umana.”
2462	EXO 32:23	Silatuwokoigu kadi, “Ida yaubada manuda kumadāgi bei ivakededa. Amo korotoyana Mosese, tauyana Itipita goi ikabida imeda, geya tayagoiyeta kaga nakona isowóduwo yaina, tauna ikaimúmuna.”
2463	EXO 32:24	Tuwo alatuwokoidi kagu, “Avatau neta mana goura, e ikābi ivinīgu.” Tuwo sivinigu, gourayadi alavedi yeu sinaena goi. Go akandobala, e yeuyana goi ame bulumakau bonatunayana toinina isowóduwo!’
2475	EXO 33:1	E nakae Yauwe ilatuwokoigu idigo kana, ‘Kutāoya, kom be nakae tomotayadi Itipita goi kukabidi kumemedi, taiyao kōna poyapoyayana boi Eberamo be Aisake be Yakobo yaidi akatotule kagu, “Tubumiyao poyapoya bei avinidi.”
2486	EXO 33:12	E Yauwe alatuwoko, adigo kagu, ‘Neta kunove. Bogina kulatuwokoigu kam, “Ame tomotayadi kuvakedēdi.” Go kom nava geya kulatuwokoiguta avatau bei kuetune ima taiyao kavakededi. Go kom kam, “Bogina ayagoidokoim be akanuwoiyem.”
7191	RUT 3:17	idigo kana, ‘Boasa ilatuwokoigu idigo kana, “Geya itoboinemta nima kaka kwaluvila kuna yaom yaina.” Tauna bali kutukutuna gagaina ivinigu.’
22614	JON 1:14	Tuwo kidi sipodeda Yauwe yaina, sidigo kadi, ‘O Yauwe, kakawanoiyem, ame korotoyana bei kakaumate go, ina kámasa pasina taabu kutaagonēma kavaailai. Nakae taabu kam, “Komi imi puwoya koroto dedevina ame ikámasa.” Kom, Yauwe, moe im guinuwa toinim kuguinuwe nakae latuwom.’
22621	JON 2:5	Tuwo yau guna nuwonúwana kagu, “Matam goi bogina kuvatapiyegu.” Go tuwo nava bei im Vada Kimaasabaina agitemnei.
23270	MAT 3:9	Ago taabu taumiva kodigoopopōita kami, “Kai tuwo unana kai Eberamo tubunao, tauna liuna bei geya kababaneyeta.” Nakae geya go, ame alatuuwokoimi konōve: Eberamo tubunaoyadi kaga? Yaubada itoboine gurewa ame ikabidi, e Eberamo tubunao imadagidi. Tauna neta komi Eberamo tubunao, moe geya ivaitemita.
23324	MAT 5:21	Tuwaina Yeisu kana, ‘Komi bogina koyagoi bego tubudao adi lovina Yaubada ivinidi kana, “Taabu kokaaumāta.” Tateta 20:13; Atukeda 5:17 Tuwo avatau neta ikaumata, Yaubada ina liuna bei ibabane.
23330	MAT 5:27	Tuwaina Yeisu kana, ‘Lovina tayamo bogina koyagoi kana, “Taabu korooerāta.” Tateta 20:14; Atukeda 5:18
23334	MAT 5:31	Tuwaina Yeisu kana, ‘E lovina tayamo bogina koyagoi kana, “Ava koroto neta monena ivaisobuye, pwepwa goi ana katae italavāite monenayana yaina.” Atukeda 24:1
23336	MAT 5:33	Tuwaina Yeisu kana, ‘Aiyuwoina tubudao idi lovina boi Yaubada ivinidi bogina koyagoi, kana, “Taabu nimami kokatulagata polapōla, go sem imi katótula Yauwe yaina koguinuwēdi.” Vininabeso 19:12
23341	MAT 5:38	Tuwaina Yeisu kana, ‘Lovina tayamo bogina koyagoi, kana, “Avatau neta siyana matana ikaigoyai, e tobugoyoyana matana kokaigoyāi. Neta salana, e salana.” Tateta 21:24
23364	MAT 6:13	Neta taabu kutaagonēma bei vakakona goi kaakapusi, go sem goyo goi neta kuyavēma.”
23387	MAT 7:2	Moe moitamo. Nakonakae tomota kotakinoidi kidi toogoyoidi, e Yaubada nakae bei itakinoimi komi toogoyoimi. O kada, “Nakonakae imi guinuwa tomota yaidi, e Yaubada nakae bei iguinuwe yaimi.”
23407	MAT 7:22	Amo maliyalinayana goi maniyena tomota bei silatuwokoigu kadi, “Ima Tomoya, kai yoim goi Vala Dedevina kakabivalevale tomota yaidi, nakae dimoni kavataapiyedi be nakae guinuwa toogagaidi badabadaidi kaguuinuwedi.”
23461	MAT 9:13	E Yaubada ina livala ame kogitedōko bei koyagoi kaga ana yagoina. Livalayana kana, “Latuwogu yoguyogu kokasaledi yau yaigu, go sem latuwogu toina moe konuwokapisi.” Oseya 6:6 Moe moitamo. Yau ama geya tauyadi toinidi sinuwonúwana bego kidi tokibóbwata aduduwedi geya, go sem ama toogoyoidi aduduwedi bei situgavila.’
23493	MAT 10:7	E kōna kotalavāita yaidi kami, “Yaubada ina kalibúbuna bogina imaiyaba.”
23499	MAT 10:13	Neta toni vadayana moitamo iuyaonemi, e kokaodedevinēdi kami, “Tuboina ikaaiyaka yaimi.” Go neta toni vadayana geya iuyaonemita, e imi kaodedevinayana ikaluvilamna yaimi.
23538	MAT 11:10	Amo tauyana manuna Yaubada ina tokabivalavala igini idigo kana, “Gwa, guna lobutu ana tolokoina aetune ivakumgoiyem. Tauyana bei im kenao ikimavade.” Malakai 3:1
23545	MAT 11:17	“Ima kokopi nai manuna kauweuwe go, komi geya kolauseta. Valiwoga goi kataiyakuwokúwala go, komi geya kotaiyeta.” Komi nakae.
23565	MAT 12:7	E Gínina Kimaasabaina goi Yaubada idigo kana, “Latuwogu yoguyogu kokasaledi yau yaigu, go sem latuwogu toina moe konuwokapisi.” Oseya 6:6 Neta ame talavaitayana ana yagoina koyagoi, e tauyadi geya adi pikwanamo geya kotakinoidita kidi toogoyoidi.
23602	MAT 12:44	Tuwo idigo kana, “Bei akaluvilamna ana vadayana boi aakalave goi.” Ago ima, tomotayana ibabane vada nakae bogina daakakaina be kaidiiyoyaina be nakae katubaayasina.
23623	MAT 13:15	Moitamo. Amo tomotayadi dabadi sikasa, taiyadi sipatu be nakae matadi sikibodedi, govila bei matadi goi sigita, taiyadi goi sinowo be nakae nuwodi goi siyagoi, bei situgavila, e simekoigu akidedevinedi.” Aiseya 6:9-10
23706	MAT 15:4	Apipilovayana manuna boi Yaubada Mosese ilatuwoko idigo kana, “Tamamiyao be sinamiyao kowowooinēdi.” Tateta 20:12; Atukeda 5:16 Aiyuwoina kana, “Avatau neta tamana o sinana igieomaemae, e to kokaumateyāmo.” Tateta 21:17; Vininabeso 20:9; Atukeda 5:16
23707	MAT 15:5	Go komi kotagona tomota tamana o sinana ilatuwoko kana, “Yabobona ame bego avinim go, geya itoboineguta avaitem unana bogina akasale Yaubada yaina.”
23743	MAT 16:2	E Yeisuyana idigo kana, ‘Lavilavi tutayana níyala isaliu neta yábana isabenínima, komi kami, “Itomo bei kelavaboina.”
23744	MAT 16:3	Go nobuyana neta gaota isabenínima, e bou itaoya, komi kami, “Ame bei kelavagoyo.” E yábana ana kaigigita itoboinemi kodovatusidi bei ana yagoina koyagoi go, kaga kaga sisowóduwo tuta ame goi Yaubada iguuinuwedi adi kaigigita geya itoboinemita kodovatusidi bei adi yagoina koyagoidi!
23779	MAT 17:10	Go Iraitiya ina sowóduwo pasina ina tovatotowanayaoyadi adi taito silumadade sidigo kadi, ‘Go kom kam, “Guyau bei ikámasa.” Moe ana taiyakeka Guyau itoboine igimiima. Tauna kaga unana Yaubada ina Katukeda ana tovatulukwanayao sidigodigo bego Iraitiya igimiima namlieta Guyau bei ima?’
23812	MAT 18:16	Go neta geya inovemita, e tonumisa tayamo o adi taiyuwo kokabīdi kōna tauyana kogīte bego tauyadi itoboinedi imi wowókana sikamoitamoe. Moeko goi Yaubada ina Katukeda bogina kokabikaone. Atukedayana kana, “Totalavaita adi taiyuwo o adi taito goi itoboine tomota ina wowókana takamoitamoedi.” Atukeda 19:15
23825	MAT 18:29	Tuwo tosavaiyuwoyana ikanakabobo ikawanoi makimaki pakoninayana yaina goi idigo kana, “Siyagu, kutuyāwata go, kaga liliuna nava bei ayotuli.”
23830	MAT 18:34	Tuwo tomoyayana mana egamogamogu ina deri ana tomatakavatayao iduduwedi sima ilatuwokoidi idigo kana, “Ame pakoninayana koyōisi, konāve deri goi kovaisīu koliūne. Amoko goi bei ikaaiyaka ana kadókana ina rowaga madabokina iyotuli.”
23835	MAT 19:4	Go kina Yeisu idigo kana, ‘Iyaa! Ana kaigigita nakona ida buki goi geya kokatuyaiviyeta bego tuta ana kaba vatowo goi tomolúluwo tomota iwodugudi, kana, “Tomotayadi koroto be vavina iwodugudi.” Aba Vatowo 1:27, 5:2
23836	MAT 19:5	Moe pasina Yaubada idigo kana, “E tauna moe pasina koroto tamana be sinana yaidi itumasaba go, monena taiyao situyuwo, tauna adi taiyuwokova wowodi tayamo.” Aba Vatowo 2:24
23850	MAT 19:19	Tamamiyao be sinamiyao kowowooinēdi.” Tateta 20:12-16; Atukeda 5:16-20 Aiyuwoina kana, “Siyami komataakoīye nakae toinimi komatakooiyemi.”’ Vininabeso 19:18
23863	MAT 20:2	E maniyedi ibabanedi ilatuwokoidi idigo kana, “Neta ame kopaisewa, mani tayamo goi bei aemaisimi.” E kidi sitagona, tuwo ietunedi sina ina tanuwoyana goi sipaisewa.
23865	MAT 20:4	Tuwo amo tauyadi ilatuwokoidi idigo kana, “Komi nakae kōna guna tánuwo kopaisēwa go, ava maisa itoboine, bei avinimi.” E moitamo sitagona, tuwo sina ina tánuwo goi sipaisewa.
23868	MAT 20:7	Tauyadi sidigo kadi, “Geya, unana geya vatau tayaamo ilatuwokoima kapaisewa.” Korotoyana idigo kana, “Komi nakae kotāoya kōna guna tánuwo goi kopaisēwa.” Tuwo moitamo sina sipaisewa.
23869	MAT 20:8	E níyala giyakainava isaliu, toni tánuwo ina paisewa ana tovakumgo iduduwe ima ilatuwoko idigo kana, “Topaisewa kududuwēdi sima kuemaisīdi go, im emaisa továmliya goi kuvatōwo ina tovakumgo goi kulukavāve.”
23873	MAT 20:12	sidigo kadi, “Kai maliyalina ana madabokina goi paisewa gagaina kaguuinuwe be nakae níyala gagaina goi kapaaisewa go, kidi továmliya awa tayamo toito goi sipaisewa. Ago kom im guinuwa yaima goi madabokima kavavasa.”
23898	MAT 21:3	Avatau neta ilumadademi, komi kodīgo kami, “Tomoya latuwona iepaisewedi.” E mainao bei ietunedi sima.’ E moitamo adi taiyuwokova sina.
23908	MAT 21:13	Ikavava, ilatuwokoidi idigo kana, ‘Gínina Kimaasabaina Yaubada manuna italavaita, idigo kana, “Guna vada moe vada aba kawanoi.” Aiseya 56:7 Go komi koyatako tovaináwana idi kaba tamumu.’
23916	MAT 21:21	E kina Yeisuyana idigo kana, ‘U, nakae isowóduwo go, ame alatuuwokoimi konōve: Neta mami numisa go, geya konanayuwoita, e kaga bogina aguinuwe keukeuyana yaina goi, itoboinemi nakae koguinuwe. Go tuwaina bei itoboinemi koya ame kolatuwoko kami, “Yaubada ikabim ilavem kusōu négwasa goi.” E nakae bei isowóduwo.
23923	MAT 21:28	E aiyuwoina Yeisu ibobwaramna idigo kana, ‘E tétala ame konōve go, manuna konuwolelēu: Koroto tayamo natunao koroto adi taiyuwo go, ina ina botomoya ilatuwoko idigo kana, “Natugu, kutāoya, ame tuta kūna oine tanuina goi kupaisēwa.”
23932	MAT 21:37	Aba lukavava goi toni tanuwoyana inuwonúwana kana, “Tuwo bokoyo natugu bei aetune ina. Nakona bei tauyana sigite odi imayamaya.” Tuwo moitamo natunayana ietune ina.
23933	MAT 21:38	E kidi go tokatoguyadi sikandobala tauyana sigite imamaima. Tuwo aditava sibobóbwara kadi, “Amo toni tánuwo natuna imamaima. Tauyana tamana ana katumapu. Tuwo ima, tayōisi takaumāte bei tanuwoyana kita ida kaba lovina.”
23937	MAT 21:42	Kina Yeisu idigo kana, ‘Moe moitamo go, manakae? Ame tomwanayana Gínina Kimaasabaina goi konuuwaisi gea geya? Tomwanayana Guyau manuna idigo kana, “Gurewayana kidi toyówana siikatae bogina imalalasáuna. Ame Yauwe ina guinuwa go, guinuwayana moe aba kainaopa kita yaida.” Same 118:22-23
23950	MAT 22:9	Tauna komi kōna asa sinaena goi kovanibinībita. Avatauwa neta kobabanedi, koduduwēdi sima sikáika.”
23954	MAT 22:13	E tuwo kina go tokalibubunayana ina tovaitayao ilatuwokoidi idigo kana, “Kōma ame tauyana koyōisi, aena be nimana koyowōidi. Ikavava, kokābi kolāve ina moetala mamaníwana goi ikaaiyaka. Amoko goi tomota bei sitaiya vata be nakae saladi sikakaavatedi simatamaimaita.”
23965	MAT 22:24	‘Tovatulúkwana, boi nimatu Mosese idigo kana, “Koroto nainaina neta geya natunamo go, ikámasa, e aena vavilaina itoboine kobuina inai. Niga neta vavinayana ivenátuna, natunao moe tokámasa ana katumapu.” Atukeda 25:5-6
23973	MAT 22:32	“Yau tubumowo Eberamo, Aisake be Yakobo idi Yaubada.” Tateta 3:6 Yaubada kina geya kada tokámasa idi Yaubada geya, go sem tauyadi maa yawoidi idi Yaubada. Moeko goi taayagoi bego tokámasa sitaoyamna.’
23978	MAT 22:37	E Yeisu kana, ‘Gínina Kimaasabaina idigo kana, “Yauwe ida Yaubada komataakoīye atemi madabokinakova goi be yawoimi madabokinakova goi be nuwomi madabokinakova goi.” Atukeda 6:5